#БЕДОР_ТУЙҒУЛАР

унчалик гўзал суратда бўлмасликлари мумкин. Аммо сийратлари шу қадар кўркам бўлади- ки ва атрофдагиларни айнан шу сийратлари ўзига жалб қилади.

Ҳудди-ки ...

Ҳудди-ки намоз ўқиган инсоннинг юзида нур балққан сари. Ҳеч ўйлаб кўрганмисиз ? Нима учун намоз ўқиган инсоннинг юзида нурлар базми ифода бўлишини ?

- Ҳааа , ўйлаб кўрганман ,- деди Мадина Анисга қараб ,- кўп ўйлаб кўрганман , баъзи саволларининг жавобини ҳам топгандекман.

- Қани эшитайлик , - Анис Мадинага далда берди

- Аввало ҳаёт илми , яшаш ҳикмати бамисли сузиб тагига етиб бўлмайдиган бир уммон. Бизнинг билимимиз эса шу уммондан гўёки бир томчи мисол. Бу илмни эгаллаган сари ҳеч нарсани билмаганимизни ҳис қилиб бораверамиз . Мен Мавлоно Жалолиддин Румийнинг мисраларидан гавҳар теришни хуш кўраман . Улар бир сўзларида шундай деган эдилар. "Мендан минг йил ўқисам- у, нимани билдинг деб сўрасалар , ҳаддимни деб жавоб бераман" . Қаранг қандай маъноли сўзлар.

Энди ҳаддимни билган ҳолда саволингизга жавоб бериб кўрсам. Аввало намоз - тузатувчи дейилади. У банда кўнглини ислоҳ қилади , турли ёмон иллатлардан ҳимоя қилади, яхшиликка етаклайди . Бас шундай экан намоз ўқиган кишининг кўнгли борган сари тозариб , покланиб бораверади. Пок кўнгилли инсоннинг сурати ва сийрати эса тобора бир-бирини тўлдириб бораверади. Шундай экан бу инсонларнинг юзларига нур инмай , яна кимнинг юзига нур инсин ? Шу ўринда бир манбада ўқиганим ёдимга тушиб кетди: "Аллоҳ ҳузурига элтгувчи кема бу - жойномоз" дейилган унда. Нақадар ҳаққоний сўзлар. Бир кунда беш маҳал Аллоҳ пойига тўкилсак- у , ул зот бизни ҳузурларига чорлашда давом этса ... Бундан ортиқ бахт йўқ менимча. Бир инсон ўз устозидан "Устоз , намоз ўқийман-у , аммо унинг қабул бўлаётганини била олмай жоним ҳалак . Айтингчи , буни қандай билсам бўлар экан ?" деб сўраганда устози "Намозинг давомли эканлигидан, яъни сен бир намозни ўқиб , кейингисини оро йўлда ташлаб қўймасдан яна жойнамозга етиб кела олсанг , билгин-ки сенинг ибодатларинг қабул бўлаяпти" деб жавоб берган экан.

Анис ака ... Ўқитувчилигимга бориб барча саволни бирма бир қувалаб кетиб сизни зериктириб қўймадимми ? Хуллас , барча гап ижодингиз ҳақида эди - я ? Ижодингиз жуда чиройли. Аммо хафа бўлмасангиз бир гап айтар эдим.

Аниснинг қошларига тугун тушди . У жиддийлашди ва Мадинага ўтли нигоҳларини тикди :

- Хафа бўлиш ? Қани эшитай-чи ?

Хафа бўлиш ёки бўлмаслигим кейин маълум бўлади.

- Анис ака , ҳозир техника ривожланган . Балки мен бу ишларга жуда тушунмасман. Лекин ҳаётда иложсиз нарсанинг ўзи йўқ ...

Айтмоқчийдим-кии ...

Қишлоққа қайтсангиз ...

Аяжоним учун...

Отажоним учун...

Мен кейинги вақтлардаги эшиттиришларингизни тинглаб , овозингизда уфуриб турган соғинч оҳанглари туфайли тез кунларда қишлоққа келиб қолсангиз керак деб умид қилгандим. Ўйлаганимдек бўлди. Энди эса ... Аллоҳдан сизни ўз туғилиб ўсган уйингизга қайтишингизни сўраб дуо қилмоқчиман. Сиз балки ҳайрон бўлаётгандирсиз ? Менинг уйга қайтишимни бу қиз учун нима иссиқ- совуғи бор деб ? Мен буларни барини аяжоним , яъни сизнинг ойингиз учун сўраяпман. Мен келганимдан буён у кишининг сизни эфир вақтингизда зим- зиё, яъни йўқ бўлиб қолишларини билиб олганман. Улар хоналарига кириб олганча муштдеккина радиоприёмникни ҳудди сизни бағриларига босган каби босиб , овозингизни тинглашларини, ора- сирада алланималарни шивирлашлаб туришларини биламан. Улар нима ҳам дер эдилар ? Биласизми ? Улар ҳар сафар " Овозларингдан ўргилай , болам, дарди доғингни кўрмай, илоҳо Қодир Эгам яхшиларга ёндоштирсин , ёмонлардан адаштирсин" дейдилар-да. Бу уларнинг беш вақт намоздан сўнг қиладиган дуоларининг бир қисми ахир ...
Мен аяжонимни жойнамоз устида муштдеккина бўлиб , кўзларида тўла ёш билан Аллоҳга ана шундай муножаат қилиб ўтирганларини кўп кўрганман. Яна шунга гувохлик бераман- ки, шу чоққача улар ўзлари учун бирор нарса сўрамаганлар. Эътибор бериб қарасам, Аллоҳдан фақат сиз, ҳа фақат сиз учун тиланар эканлар ...

@ХазонРезги /61

📚 Ibratli Hikoyalar 📚

​#БЕДОР_ТУЙҒУЛАР

Анис ака ... Жаннат учун нақд чиптангиз бўлган Аянгизнинг борларида қадрига етинг . Борларнинг борида қадрига етиш керак... Борида ...
Мадинанинг сўнгги
сўзлари Анисни бежо қилиб қўйганлигини сезди. У Комила бўлиб доим таъкидлайдиган сўзларини шу топда бехосдан такрорлаб юборганлигини Аниснинг юз ифодасидан сезди- ю, аммо ўзини билмасликка солди.

- Анис ака ...- деди давом этаркан Мадина,- Раҳбар аяжоним бахтга лойиқ эмасмилар ?! Сизнинг бахтингизни кўриш улар учун олий саодат. Мени кечиринг- у , баъзи фарзандлар ота- онасининг розилиги учун Муқаддас Байтуллоҳнинг жамолини кўрсатмоқ илинжида юрадилар , сиз эса ... Сиз лоақал уларнинг ёнида юрсангиз , кўнгилларига таскин бўлсангиз айни муддао бўлмайдими ? Менимча, улар учун бундан ортиқ бахт бўлмаса керак .

Анис ака ... "Сен намунча менга ақл бўлаверасан , ўзинг- чи , ўзинг ота - онангдан узоқда юриб шу гапларни гапиришга ҳаққинг борми?" деярсиз.

Сизга шуни айтаман- ки , мен бу ерларда узоқ қолмайман. Бир - иккита битирадиган ишларим бор . Шулар битиши билан кетаман. Ўқувчиларимга "Ўқув йили тугагунча шу ерда бўламан" деган ваъдам ҳам мени ушлаб турган сабаблардан бири. Мен аллақачон туман халқ таълими бўлимга кимё фани ўқитувчиси учун талабнома юбортирганман. Насиб қилса янги ўқув йилига янги устоз ҳам келиб қолади. Майли , бу гапларни қўя турайлик . Сиз ... Сиз ўзингиз ҳақингизда , режадаги ишларингиз ҳақида нималар дея оласиз?

Анис чуқур хўрсинди. Мадина уни жуда мушкул аҳволга солиб қўйган эди. Аниснинг яқин кун , хаттоки яқин ойлардаги режасида ҳам бу таҳлит ўзгаришлар назарда тутилмаган эди. Гарчи у куни кеча ойисига барини бошидан ўйлаб кўришни ваъда қилган бўлса-да , воқеалар ривожини бунчалик тез деб қабул қилмаган эди.

- Билмадим , Мадина , билмадим,- деди ростига кўчиб Анис ,- Очиғи бу ҳақда ўйлаб кўрмаган эдим. Аммо энди мутлақо бошқача фикрдаман.

Анис ўйланиб туриб Мадинага савол ташлади:

- Мадина, агар сизга малол келмаса телефон рақамингизги бера оласизми ? Вақти - вақти билан рақамингизга боғланиб , сиз орқали ойим ва дадамларнинг ҳолларидан хабардор бўлиб турсам дегандим. Кейин сиздан баъзи эфир масалаларида хам бемалол ёрдам сўрашим мумкин экан , албатта рози бўлсангиз , сабаби дунёқарашингиз жуда кенг эканлиги мени таажжубга солди-да.

- Рақамимни бемалол тақдим қиламан , аммо эфир учун ёрдам...масаласида анча нўноқман деб ўйлайман. Ундан кейин ёрдамчингиз исми нима эди? Ҳа Комилами ? Ўша қиз бу ишни яхши уддалаяпти деб ўйлайман, - Мадина шундай дея олдидаги ликобчани ўзидан сал нарига сурди ,-Анис ака , кеч бўлиб қолди . Энди уйга қайтсак ҳам бўлар . Аяжоним хавотир олаётган бўлмасинлар . Боғнинг қолган қисмини айланиш келаси сафарга қоладиган бўлди энди.

Анис Мадинанинг раъйини қайтармади. У "хўп" дея бош силкиди.

* * *

Кечки овқатдан сўнг Мадина қўшимча машғулот учун Розия билан кичик меҳмонхонага чиқиб кетгач , Анис онаси билан ҳоли қолди, Юсуф ота ҳали ҳануз ўзи йўқлаб кетган дўстининг уйидан қайтмаган эди. Шунда Анис онасига ўзини қизиқтирган саволини бериш мавриди етганини ҳис қилди :

- Ойи, сиздан битта нарса сўрасам майлими ?

- Тинчликми , ўғлим? Юрагимни ёқма, - ажабланди Раҳбар ая ,- қани сўра-чи ?

- Ойии , -чайналди керакли сўзларни топа олмай Анис ,- ойиии , Мадина бор -ууу , ўшанинг ...
/ 62

Муаллиф : Хазонрезги

Каналга уланиш 👇:

Пайғамбаримиз (ﷺ) нинг муборак жасадларини ўғирлашмоқчи бўлишган😨


❗️1162 - йили 2 ғайридин андалусдан Мадина шаҳри томон йўл олади, уларнинг мақсади Пайғамбаримизнинг муборак жасадларини ўғирлаб европага олиб кетиш, шу тариқа ислом умматини боши берк кўчага киритиш бўлган

Улар Мадина шаҳрига киришади ва Равзага яқин жойдан жойлашиб олишади. Ҳар куни Росулуллоҳнинг қабрлари томон ер остидан йўл қазишни бошлашади.Қабрга етай деб қолганда мўжиза юз беради... Аллоҳ пайғамбарини ҳимоя қилиб😭 (давоми...👇)

СИНФДОШЛАР

Болалик ортга қарамай кетди ,
Ёшлик давримиз жуда тез ўтди ,
Югур , ел билан бир пастда ,
Кексалик остонаси ҳам етди .

Дўсту дугона синфдош ,
Ёшимизга қўшилиб ёш ,
Ҳаёт чархпалагида айланиб ,
Соғинмадингизми мани партадош .

Қариндош жигар мехри бор ,
Фарзандларнинг сеҳри бор ,
Унутманг дўстларим орамизда ,
Синфдошларнинг ўз ўрни бор .

Кўздаги ёш нам эмас
Ўттиз йил кам эмас ,
Ўтди даврон , кетди карвон ,
Бунда ҳамма жам эмас ....

Йигитларда соч оқарган дам ,
Қизлар юзида ажин тарқалганда ҳам ,
Таниймизми кўришиб қолсак ,
Кўзда кўзойнак тақилганда ҳам .

Бирингиз буви , бирингиз бобо ,
Келмайди энди болаликдан садо ,
Майлига розиман минг шукур ,
Етказсин орзуга кам қилмай Худо .

ШАХЗОДА САТТОРОВА

https://t.me/shahzodangizdan

📚 Ibratli Hikoyalar 📚

✨ Балки бу хабар сизнинг ҳаётингизни ўзгартирар...

Расулуллоҳ ﷺ дедилар:

"Сизларнинг энг яхшиларингиз Қуръонни ўрганган ва уни бошқаларга ўргатганингиздир."

🌸 Азиз мусулма опа-сингиллар!

Қуръонни кечиктирманг. Бугундан бошланг!

📖 Онлайн Қуръон ёдлаш курсига қабул давом этмоқда.

👑6 ОЙДА КОРИЯ булиш имконияти ва хотирангизни кучли килиш имконияти

🔹 Нолдан бошловчилар ҳам қабул қилинади.
🔹 Дарслар аёллар учун.
🔹 Индивидуал ёндашув.
🔹 Қулай вақт.

✨БОНУСГА БЕПУЛ МАБДАЛ КИРОАТ ДАРСИ ✅

🔴КУРС 1 МЛН 200 МИНГ ЭМАС❌
" Чегирмада" 500 Минг сум
Улгуриб колинг

📩 Ҳозир ёзилинг, жойлар чекланган.

Алокага чикиш @Bat008⬅️

https://t.me/+dxpj9MxnvSlmOTky
https://t.me/+dxpj9MxnvSlmOTky

📚 Ibratli Hikoyalar 📚

#У‌ткинчи_дунё


#No_202


#муаллиф_Қосимова_Нодира


—Келдингизми?
Мунира кириши билан, доктор кутиб олди.
—Нима бўлди? Нега бундай бўлди?
—Бизга олиб келишганда, томири кесилганига анча вақт бўлган экан. Ўз жонига қасд қилган.
—Ким олиб келди? Нега қарамади?
Мунира бақириб юборди.
—Ўзи шу ерда, юринглар ичкарига
Доктор Мунира билан Ботирни моркга етаклади.
—Ўзингни дадиллика ол хотин.
Ботир, Мунирани елкасидан махкам тутди.
Мунира секин ичкарига кираркан, устида оппоқ мато ёпилган мурдани олдига келиб тўхтади.
—Буни чўнтагидан топдик.
Ёнида турган аёл, Мунирага тахланган қоғоз узатди.
—Нега қарамадингиз? Эътиборли бўлишингиз керак эди.
Мунира, аёлга нафрат билан қаради.
—Кечаси хам бошида парвона бўлиб ўтирмайманку...
Ухлашга ётишганда, биз хам дам олишга ётамиз.
Кечгача бундай ногиронларни нечтасини қараймиз?
Аёл зарда қилди.
—Нима бўлганда хам, кўз қулоқ бўлиш керак эди.
Мунира, Муслимни юзидаги матони секин олди.
—Акажон..
Мунира, Муслимни елкаси устига бошини қўйиб, ўкиниб йиғлади.
—Ўзингни қўлга ол. Тонг ёришгунча, тезроқ уйга олиб бориб харакатни қилайлик.
Ботир, Мунирани Муслимни олдида кўп қолишини хохламай, ташқарига мажбур олиб чиқишди.
—Ало дада..
Мунира тонг ёришай деганда Содиқга қўнғироқ қилди.
—Эшитаман қизим. Нима бўлди тинчликми?
—Дада, сизга лакация ташлаб қўяман. Тез етиб келинг, фақат хеч ким билмасин.
—Очиқроқ гапир.
—Акам.. халиги..
—Нима бўлибди Муслимга?
—У ўлибди? Ўз жонига қасд қилибди.
Мунира йиғлаб юборди.
—Нима?
Содиқ ирғиб ўрнидан туриб. Югуриб ташқарига чиқди.
—Афсуски ха..
Мунирани кўз ёшлари юзларини ювар эди.
—Онаси, шу ерга яқин бўлган уйимиз бор. Ўша ерда маййидни чиқариб, эхсон қилиб қўяверамиз. Хамма нарса тайёр, кетсак бўлгани.
—У уйда одам яшамаса, қандай мехмон кузатасиз?
—Бир ночорроқ оилани қўйганман, ўшалар чанг пангларга қараб ўтиради деб.
—Майли қаерда бўлса ҳам, қилиб ўтказсак бўлгани.
Хозир дадам келади, бирга кетсак майлими?
—Майли, сен нима десанг шу азизам.
Ботир Мунирани пешонасидан ўпиб қўйди.


💫💫💫💫


—Ойи опам бугун келмадими ёнингизга? Ишга келмабди.
Муниса Латофатни қучоғига бошини, қўйиб ёнбошлаб ётиб гапирди.
—Бугун келмади, ўзи яхшимикин?
—Телефони ўчиқ. Уйига қўнғироқ қилсам, Назо опа олди Ботир ака билан дам олишга кетган деяпти. Икки уч кунсиз қайтишмас экан, лекин бу гап йўқ эди.
—Тинчлик бўлса бўлгани. Негадир кўнглим ғаш, қандайдир нохушликни сезяпман

📚 Ibratli Hikoyalar 📚

#У‌ткинчи_дунё


#No_203


#муаллиф_Қосимова_Нодира


—Қўяверинг ойи, опам шу кунларда анча асаби бузилди. Хамма ғалва опамни бошида, янаям жуда сабрли ва иродали қилиб дунёга келтирган экансиз.
Мен битта қайнотамни инжиқлигию, қайнисинглимни эркалигини кўтара олмаяпман. Опам хаммани ташвишини бирдек кўтаради, ва хал қилади.
Муниса, Латофатни олдига ўтириб, ўйчанг гапирди.
—Мунира ёшлигидан шунақа, оғир босиқ қиз бўлган. Шунча ишлаб хам бир шипини эшитмаганман, қолаверса сени хам. Бечора қизимни мажбурлаб турмушга бердим, бойлик илинжида хатто куёвни ёшини хам ҳисобга олмадим.
Латофатни кўзларидан ёш оқди.
—Мухими, опам хозир бахтли. Ботир ака опамни қаттиқ севади, тўртта хотиндан кечиб, опамни танлаб фарзандлик бўлди.
—Опангни ичидан нима ўтаётганини сен ва мен қаердан биламиз?
Ўзини бахтли тутиб, кўздаги ёши ва дилдаги оғриқларини кулгу ортига яширади.
—Тўғри, опам мен учун хам опа, хам ака.
—Аканг борку?
Ундай дема, аканг хам озроқ қулоқсиз бўлди, лекин сен ва опангни яхши кўради.
У холида қаерларда экан бечора болам.
—Мени ундай акам йўқ. Ундай акани боридан йўғи яхши, ундан нафратланаман...
Муниса қалби дард билан гапирди
—Ундай дема қизим. Сенга нима ёмонлик қилди? Бунчалик ёмон кўришинг учун.
—Нима ёмонлик қилди?
Хабарингиз йўқми?
Мени номусимни топташга уринди, мени шарманда қилишига бир бахия қолди.
Ўша пайтда опам келиб қолмаганда, мен қаршингизда бундай турмасдим. Аллақачон қабрим устидан гул ўсиб чиқган бўларди.
—Йўқ, ундай дема?
Қанақасига? Номус...
—Ха номус ойи.
Нега ногирон бўлиб қолганини хам айтмагандир, эркатой ўғлингиз?
Муниса йиғлаб юборди.
Ўлса хам рози бўлмайман, ўлсам хам кечирмайман.
Муниса югуриб хонадан чиқиб кетди, Латофат хеч нимани тушунмай карахт ахволда қолди.


⭐️⭐️⭐️⭐️


—Дадажон, розиман денг. Ўтган иш ўтиб кетди.
Мунира, Содиқни қучиб Муслимни олиб киришган хонага етаклади.
—Розиман ўғлим, сўроқ саволинг осон бўлсин, жойинг жаннатда бўлсин.
Содиқ, хонага кириб Муслимни қулоғига шивирлади.
—Акажон, мени кечиринг. Сизни шу ахволга солганим учун кечиринг, мен сиздан розиман, сиз хам мендан рози бўлинг.
Мунира йиғлаб Муслимни юзини силади.

📚 Ibratli Hikoyalar 📚

#У‌ткинчи_дунё


#No_204


#муаллиф_Қосимова_Нодира


Орадан уч кун ўтди.
—Сизга нима бўляпти?
Латофатни олдига кирган хамшира, олдига ўтирди.
—Хеч нима?
Латофат бехол гапирди.
—Хозир докторни чақирай, сизни бир текшириб қўйсин. Негадир бошқачасиз.
Хамшира югуриб чиқиб кетди.
Латофат, секин ёнбошлаб олди.
Бир оздан кейин, Муниса югуриб кирди.
—Ойижон, яхшимисиз?
Муниса, Латофатни ўзига қаратмоқчи бўлди.
Латофатни қўллари, шилиқ этиб пастга тушди.
—Ойижооннн....
Муниса жон жахти билан бақириб, ерга ўтириб қолди.
Мунисани чинқириқ овозини эшитган докторлар югуриб киришди.
Икки томонда, иккиси хушсиз ётар эди.


💫💫💫💫


—Дадажон, мана уч кундан буён шу ердамиз. Хамма расм русмларни бажардик, энди уйга қайтсак. Қолган маросимларни уйда эхсон қилиб ўтказиб қўяверамиз.
Мунира, ўйланиб ўтирган Содиқни олдига ўтирди.
—Шуни ўйлаб тургандим. Хаммамизни телефонимиз ўчиқ, уёқдан хабар хам ололмадик. Болаларни хам соғиндим.
—Ундай бўлса, мен тайёргарлик кўрай. Бугун жўнайлик, кечга қолмай.
Мунира ташқарига чиқиб, уйларни тозалаб еғиштиришга тушди.
—Хотин қийналма, шу ерда яшаётганларга озроқ пул берсак ўзлари тозалаб олишади.
—Йўғе дадаси. Тезроқ кетайлик, шу ишларни тамомлаб.
—Шундай қилайлик, бу ерда одамни юраги сиқилиб кетдику.
Айниқса болаларимни соғиндим.
Ботир эгизакларни ўйлаб энтикиб қўйди.
—Мен хам соғиндим уларни. Яхшиямки Назо опам бор, болаларга беминнат қарайди.
Мунирани юзига кулгу югурди.


💫💫💫💫


—Нега хушидан кетади?
Келинингни бирорта дарди бор шекили?
Камол, Саодатга жахл қилди.
—Ундай деманг дадаси, онаси касал хабарингиз бор.
Онасини ахволи ёмонлашиб қолибди, хозир комада ётибди. Келинингизга буни айтмадик, билса яна бирор нима бўлмасин деб.
—Келининга айтиб қўй. Болага бирор гап бўлса у уйда бир минут хам яшамайди.
—Нийятингизни яхши қилинг.
Худо хохласа, ўша болани ўзимизга атаган бўлса хеч нима қилмайди.
—Огохлантириб қўйганим яхши, кейин менга айтмади дема.
Майли мен хам эртага йўлга чиқаман, ўзим бориб уй мухитини йўлга солмасам, хамма гапни эшитяпман. Уйда нималар бўлаётганини.
—Бу уйдаги лакатирлар хам, чақиб зерикмайди. Уни устига бўрттириб айтади.
Саодат, Шайдога гинали қараб қўйди.

📚 Ibratli Hikoyalar 📚

АССАЛОМУ АЛАЙКУМ

Қадрдонларим .
Ҳамма зўрми .
Кунингиз хайрли ўтсин .
Хуш хабарлар , яхши воқевлар ҳақида эшитиб юринг . Кечда кўришасмиз ,

ШАХЗОДАнгиз дан салом 😘

📚 Ibratli Hikoyalar 📚

👆👆👆👆 аввалги қисмлар

#БЕДОР_ТУЙҒУЛАР

23 - ҚИСМ

бу ерларда юришига нима сабаб бўлганлигидан хабарингиз борми ? Розия сабабли деган гапингиз ёдимда , аммо ўйлашимча бу қизнинг бошқа бир дарди бўлиши керак, - Анис ўзига ажабланиб тикилиб қолган Раҳбар аяга тушунтирган бўлди ,- Ойи , ўғлим нима учун бу нарсаларни сўраяпти дея ҳайрон бўлманг. Мен ҳали Мадина билан айланишга чиққанимда унинг бу қадар ақли расо қиз эканлигидан ажабландим. Тўғрисини айтганда у мени пазанда , чевар сифатида бир бор ҳайрон қолдирган бўлса , илм , заковати билан яна ўн бор таажжублантирди. Шундай қизнинг пойтахтдек шаҳри азимда бемалол ўз ўрнини топа олиши мумкин бўлган бир пайтда , нима учун чекка ва овлоқ бир гўшада қўним топгани қизиқтиряпти?

- Қишлоғимизга нима бўлибди , болам , сен айтган қайси шаҳардан кам бу ер ? - Раҳбар аянинг гап оҳангидан ранжигани дарҳол сезилди , - қолаверса ҳамма ер ҳам Аллоҳнинг ери бўлса. Ундан кейин- чи , қишлоғимиз бу қадар сўлим бўлмаса ўша шаҳарликлар ҳам ҳордиқ учун қандан қаёққа шу қишлоғимизга келармиди ? Ана қишлоқ четидаги боғни кўрдинг- ку ўзинг , бунақа жойлар-чи фақат Шўхлисойда бор , ха !

- Ойиии ... - Анис онасига ўтинч билан боқар экан , - билиб турибсиз- ку мен қайси маънода гапирганимни ?

- Биляпман , болам , биляпман. Аммо қандоқ қилай , гапингнинг буромади сал ўхшамайроқ чиқди- да ўзи ! Энди Мадинага келсак ...- Раҳбар ая қиз ҳақида сўз очиши билан зумда бўшашди ,- ҳа , қизгинанинг бу ерда юришига асосий сабаб нима эканлигидан хабарим бор. Бу ҳақида унинг ойиси Маликахон бу ерга келган илк хафтасида бир кўнгил ёрган эди.

Раҳбар ая чуқур хўрсинди. У анча вақт жим бўлиб қолди.

Анис онасини чидам билан кутди. У Мадинанинг ўтмишида қандайдир қайғули бир воқеа бўлганини юраги билан ҳис қилиб ўртаниб кетди.

- Мадина , ўзинг айтганингдек , умри давомида илмга ошно бўлиб яшаган қиз экан, - тилга кириб қиз ҳақидаги ҳикоясини бошлади ая ,- ўзинг иқрори бўлганинг каби ўспиринлик ва балоғат даврининг масъуд дамларини китобдан бош кўтармай ўтказган Мадина ваниҳоят ота- онасининг қистови билан магистратурада ўқиётган вақтида турмушга чиқишга розилик билдирибди. У отасининг танлови бўлган номзод билан илк учрашувга чиққан куниданоқ ўша йигит ўзининг тақдири эканлигини қалбан ҳис қилибди.
Мадинадек қиз рад этмаганига кўра , йигит ҳам шунчалик ўктам бўлгандир. Хуллас катталар икки ёшни бахти учун нон ушатибдилар , тўй куни белгиланибди. Тўйга икки хафта қолганда... йигит нобуд бўлибди. Уни "дори" таъсирида бўлган бир тўда гиёҳвандлар пул илинжида тунаш вақтида ҳаётига зомин бўлишибди.

Раҳбар аянинг лаблари титради :

- Мана қизгинанинг кечмиши. Ҳозир унинг дадаси чет элда экан . Ойиси салкам икки йилдан буён ичи чиқмаган қизининг дарди арисин деб бу ерга олиб келганлигини айтганди. Мадина эса бу ерда тасодифан Розияни сўзларини эшитиб қолади. У ёғи ўзингга маълум.

Анис ҳозир эшитганлари таъсирида Мадинага жуда ачиниб кетди. У ёлғиз қолгиси келиб онасидан узр сўради ва ўз хонасига йўл олди. Даҳлиздан ўтаётганда қўшни болаларга мисол тушунтираётган дераза орқали Мадинага қайта кўзи тушди ва бир нафас тўхтаб қолди.

"Бу қиз нима учун жонини бунчалик қийнайвериб тиниб тинчимайди десам юрагида олов ёнар экан-да,- деб ўйлади Анис , - эҳ бу оловдан хабарим бор менинг ҳам. Аммо менда юпанч бор , тасалли бор . Мен Дилёранинг ҳозирги ҳаётини биламан . Бири- биридан ширин фарзандлари борлиги, турмуш ўртоғининг ҳам яхши инсон эканлиги ҳақида эшитганман. Ана шулар менга таскин беради.
Аммо Мадина- чи ?
У бевақт хазон бўлган бўлажак умр йўлдоши учун қанча куйган экан ?! Бу ҳақда фақат гапиришгагина осон халос.
Эҳ, Мадина ! Мана қандай экансиз ?! Сиздаги шижоат , сабр, бардош , курашувчанлик унча - мунча йигитларда ҳам топилмайди ... Ўзининг кўнгли ярим бўлиб турган ҳолига шунча инсоннинг ҳаётига чироқ ёқиб юрса- я бу қиз ...

Эҳ , Анис !

Анис Ўктам !

Мана сенга ирода ...

Мана сенга сабот...

Мана сенга матонат...

Сен бўлсанг тўртта шеър ўқиб инсонлар дардига малҳам

@ХазонРезги /63

📚 Ibratli Hikoyalar 📚

​#БЕДОР_ТУЙҒУЛАР

бўлаяпман деб ҳисоблар экансан ўзингни ... Йўқ сен ўзингни ўзинг шунчаки овунтириб юрибсан экан ...

Яшаш илми мана бундай бўлибди.

Анис Мадинанинг ўқувчиларга берилиб масала тушунтираётган жиддий қиёфасига яна бир бор назар ташлади- ю , хонасига йўл олди.

У ётоғига чўзилар экан кейинги кунлардаги дардкаши Комилани қўмсади.

"Кун бўйи Комиладан хабар ҳам олмабман,- ўйлади Анис тармоққа уланар экан ,- менга бирор хабар ёзган бўлса жуда ҳижолатли иш бўлди-да" .

Аммо Комила кечадан буён тармоқда бўлмаганлигини кўрган Анис бир тарафдан ҳотиржам тортган бўлса , икки тарафдан хавотир олди

"Комила яхшимикан , соғ - саломатмикан ? Балки бугун якшанба бўлганлиги учун тармоққа киришга вақти бўлмагандир. Балки меҳмон кутгандир , балки буюртмалари кўпайиб кетиб кийим тикиш билан овора бўлгандир , нима бўлганда ҳам тинч бўлса бўлгани..."

Анис шулар ҳақида ўйлаб Комилага хат ёзишга қарор қилди. У телефон клавиатурасини ёзиш учун созлади- ю, харфларни бирма бир тера бошлади :

- Салом Комила ... Яхшимисиз ? Соғ ва саломатмисиз ? Бугун тармоққа уланмабсиз ? Яширмайман , бироз хавотир олганим рост. Тинч бўлсангиз бўлди.
Мендан сўрасангиз эртага шаҳарга қайтаман.
Айтганча , сизга раҳмат айтмоқчи эдим .
Сизнинг сўзларингиз таъсири остида қишлоққа келиб жуда ҳурсанд бўлдим. Бу ерда шунчалик кўп таассуротга эга бўлдим- кии ... Ойим ва дадам "Қуёш қай тарафдан чиққан" лигини билишмаган бўлишса-да , аммо сизни ғойибона дуо қилишгани рост. Ойим ва дадам анча чўкиб қолишибди , уларга қараб ўзимни шунчалар айбдор ҳис қилдим- кии. Яхшиям уларнинг бахтига Мадина бор экан.

Мадина ҳақида сизга ёзганмидим?! Менимча йўқ ... Чунки у билан ўзим ҳам энди яқиндан танишдим.

Комила...

Комии ...

Бир гап айтайми ?! Ўша қиз , яъни Мадина жудаям яхши қиз экан. Мен бир нарсага жуда ҳам ҳайрон бўлдим . Мадина нима учундир сизга бирам ўхшар экан- кии ... Кўп жиҳатдан . Айниқса гап-сўзлари. Фақат тақдирингиз ўхшамасин. Нега дейсизми ? Яқинда ойим Мадинанинг ҳаёти ҳақида ҳикоя қилиб бердилар. Хуллас , Мадина тўйи арафасида суюклисидан ажраб қолган экан . Ээээҳҳҳ... Бирам ачинарли ҳикоя экан- ки. Сизга хам бир куни батафсил айтиб бераман. Ўйлайман-ки сиз билан ҳали кўп ғойибона дийдорлашамиз .

Комии ... Сўзим охирида битта гап :

Ҳайрли тун !

Эртагача ...

Насиб ...

Анис телефонни ўчирди-ю , кўзларини бемажол юмди. Унинг чарчоқ босган кўзларига ором бахш этувчи уйқу зумда илашди...

* * *

Ўқувчиларни кузатгандан сўнг ошхонани саришталаб хонасига қайтган Мадина одатига кўра тармоққа улангач , Аниснинг Комилага ёзган мактубини ўқиб ҳайратда қолди :

"Бу йигитнинг кўнгли шунчалик мусаффо- кии,- ўйлади у ,- Комилага мен ҳақимда ёзганини-чи...

Анис ака ...

Улар ..., баридан хабар топибди- да ...
Эҳ Мадина , Мадина ... Етар ! Ортиқ Анис аканинг кўнгли билан ўйнашиш йўқ ! Мақсад у кишини уйга қайтариш эди. Қайтдими ? Тамом ! Менимча шу ерда барига нуқта қўйиш керак ... Анис ака алдовларга муносиб йигит эмас !"

Мадина кўп ўйланиб ўтирмай Аниснинг тармоқдаги манзилига жавоб мактуби ёза бошлади :

- Ассалому алайкум , Анис ака ... Мен ҳам сизга...

/64
Муаллиф: Хазонрезги

📚 Ibratli Hikoyalar 📚

Биз инсонларга суянамиз, улардан меҳр ва тушуниш кутамиз. Аммо одамлар омонатдир — бугун бор, эртага йўқ. Суяниладиган, ҳеч қачон йиқилмайдиган, сизни асло сотмайдиган ягона Каҳф — бу Аллоҳдир. Бошингизни намозга эгинг ва дунёдан бутунлай узилинг. Энг олий ҳаловат мана шу ердадир.

📚 Ibratli Hikoyalar 📚

ТАРБИЯ ✍

Бозор гавжум эмас . Сотувчилар ўтган кетган харидорларни чорлаб молларини таклиф қилишяпти .
Хар хил бутик магазинлар ва онлайн савдо кўпайгани учун бозорларда савдо сусайган .
Кирган харидорга иложи борича савдо қилсам дейди сотувчилар .
--- Нималар керак келизлар қани ,- олдимиздан ўтиб кетаётган она ва учта боласига мурожаат қилди дўкончи аёл .
--- Ҳеч нарса керакмас ,- болларнинг энг каттаси 12 ёшлардаги бола укасини турткилаб гапирди .
--- Унда нега юрибсилар бозорга , нимадир керакдир ,- сотувчиям бўш келмади .
--- Хотин керак ,- йигитча ҳингиллаб кулиб , беўхшов сакраб онасини кетидан кетди .
--- Ана ҳозирги болаларнинг тарбияси , - дўкончи хам асабий тўнғиллаб дўконига кириб кетди .
Столимга 10 11 ёшлар чамасидаги ўғил бола яқинлашди .
--- Ассалому алайкум холажон , чарчамаяпсизми ,- қўли кўксида одоб билан сўрашди .
--- Ваалайкум ассалом , кел болам , бирор нарса керакми ,-- дедим боланинг алланечук маюс боқадиган , аммо зийрак кўзларига қараб .
--- Холажон тўғриси иккита ўғил укам ва битта синглимга икки сира кийим олишим керак .
Фақат размерини тўғри берсангиз . Катта кичик келса алмаштириб беришга ваъда берсангиз оламан , - деди бола негадир асабийлашиб .
--- Исминг ....
--- Вайсбек ...
--- Ажойиб исминг бор экан , укаларинг неча ёш .
Биров хафа қилдими Вайсбек ,- дедим .
Бола бош қимирлатиб қўйди , афтидан шикоят қилмоқчи эмас , магрур бола .
--- Укаларим 8 ёш , 6 ёш , синглим 4 ёш .
Икки маротаба қайтдим , уришиб беришди , - паст овозда гапирган боланинг кўнгли ўксигани сезилиб турарди .
--- Онангни ўзи келсин дейишди .
Укаларингни олиб келсин дейишди .
Ман ёш ёш укаларимни бозорга судраб юрмайман , кун иссиғида .
Онамни ҳам бозорма бозор кезишларини истамайман . Ман борку , ман олиб бораман нима керак бўлса .
Фақат имкони борича алдамай размер беризла , - дадиллашиб сўзлади бола .
Бола билан сўзлашиш баробарида укаларига ўлчами тўғри келадиган кийимлар олиб қўйдим .
Синглисига ёнимдаги шеригимдан олиб бердим .
Кийимларни болаларни телефондаги расмларига қараб иложи борича ўлчаб , танлаб мослаб бердик .
--- Вайсбек катта кичик келса бемалол олиб келавер , алмаштириб берамиз , - деб ваъда бердим .
--- Хўп хола рахмат сизга Аллохим савойингиздан ҳалол , баракали ризқ берсин .
Йигитчанинг , ҳа бола эмас аллақачон улғайган , ҳақиқий эркак бўлиб ўсаётган йигитнинг дуосига ёнимдаги каттароқ опа ҳам қўшилиб , уни ўзини ҳам мақтаб дуо қилиб қўйдилар .
Бояги онасини кетидан юрган бола билан бу исмига мос тарбия кўраётган боланинг одоби , фикрлаш доираси орасида ер билан осмонча фарқ бор .
Балки иккови хам жамиятда етук инсон бўлиб етишар .
Лекин
,, бола бошидан ,, деган гап ҳам бежизга айтилмаган . Жони сог бўлсин болаларни ....

ШАХЗОДА САТТОРОВА .✍

https://t.me/shahzodangizdan