👆👆👆👆 аввалги қисмлар

#БЕДОР_ТУЙҒУЛАР

12 - ҚИСМ

эътирофини шу бир оғиз сўзда кўрган бўлди.

- Арзийсиз , Комила қиз ,- деди у хўрсинганча .

Анис бугун жуда чарчаган эди. Унинг чарчатган асосий нарса эса юрагини эзиб турган турфа ўйлар ғалаёни эди.
У радиостудияни тарк этаётган вақтда елкасини босиб турган туйғулар жанги оёқ олиши учун ҳам монелик қилаётгандек эди.


* * *

Мадина бугун мактабга борганда ўқитувчилар хонаси бошқа кунлардагига нисбатан гавжумроқ эди.

Саккиз нафар устозлар мактаб директорининг сўзларига жим қулоқ солиб туришар , афтидан Учқун Шавкатович уларга муҳим алланарсани тушунтирар эди.

Мадина хонадагиларга бош ирғаб салом берди- ю кираверишдаги стулга омонатгина чўкди . У ҳам ҳамма қатори Учқун Шавкатовичнинг оғзига термулди.

- Ҳақиқатдан , рост гапни гапираяпман, бу реал ҳаётда бўлган воқеа ,- дея сўзини давом эттирди директор ,- устоз ўқувчиларга таълим билан бирга тарбияни ҳам бирга бериб боради . Тарбия таълимнинг ажралмас қисми ахир . Бекорга улар ёнма-ён таълим- тарбия деб ёзилмайди.
Энди сизлар учун бошлаган ҳикоямни охирлатиб қўяй . Жамоамизга кейинги вақтда ёш ўқитувчилар кўп ишга қабул қилинди. Хуллас , ўша гап ! Ҳеч қачон , таъкидлайман ҳеч қачон ҳеч бир ўқувчининг қалби билан ўйнашманг, ножўя сўзлар билан кўнглини синдирманг ! Келажакда сендан яхши одам чиқмайди , деманг !
Қарияларимиз айтганларидек сен ҳам , сиз ҳам бир оғиздан чиқади . Гапимнинг моҳиятига эътибор беришингизни сўрар эдим.
Менинг бир курсдошим айтиб берган воқеани гапириб бераётувдим- а сизларга . Уларнинг мактабида бир тарих ўқитувчиси бўлган экан . Ўша ўқитувчи бир ўқувчини яхши ўқимагани учун доим камситар экан . "Бугун кетишда сендан бозордаги аравакашдан бошқа ҳеч ким чиқмайди" дер экан ҳар икки гапининг бирида.
Дўстлар ! Бу дунёни қайтар дунё деб қўйибдилар . Орадан вақт ўтиб ҳали ўқитувчининг бошига мушкил иш тушибди . Хуллас , у бўлибди , бу бўлибди ҳалиги ўқитувчининг ўзи бозорда арава тортишга мажбур бўлибди. Авваламбор , ҳалол меҳнат қилувчи ҳеч бир кимсани ҳақорат қилишга ҳеч кимнинг ҳаққи йўқ. Аллоҳнинг наздида ким улуғлигини қай биримиз ҳам билар эдик ? Аравакашми , даллолми , қассобни , ўқитувчими ?
Бир куни ўша арава тортиб юрган устознинг ёнига бир пўрим кийинган бойвачча қилган бозорликларини ташиб бериш учун чақирибди. Ҳизматни астойдил бажарган аравакашга ёнидан бир даста пул чиқариб берган бойвачча ўзининг ҳашаматли машинасига ўтираётиб кўзидан қора кўзойнагини олибди:

- Ҳорманг , устоз ,- дебди у,- нима учун бозорда аравакашлик қиляпсиз ?
У ошиқча бир оғиз сўз демай устозига саломатлик тилаб жўнаб кетибди.

Бу ўша устози мунтазам "Сендан бозордаги аравакаш ҳам чиқмайди" дея таҳқирлаб келган ўша ўқувчи экан ....
Шунақа гаплар . Сизларга айтмоқчи бўлганларим шулар эди. Дарсларимиз бошланадиган вақт хам бўлиб қолибди. Ҳамма дарсга ...

Биринчи соат еттинчи синфда эди. Мадина ўқувчилардан уй вазифасини сўраб бўлиб , янги мавзуни #БЕДОР_ТУЙҒУЛАР

энди тушунтира бошлай деган вақтда синф хонасининг эшиги нохосдан тақиллаб қолди. Сўнг у аста очилиб ичкарига ўрта ёшлардан каттароқ эркак бош суқди ҳамда салобатли овозда сўради :

- Беш минут вақтингизни олсам бўладими , устоз ?!

Мадина ҳайрон бўлганча нима деб жавоб қайтаришни билмай турганда ҳалиги эркакнинг ёнида илмий бўлим мудири Садоқат опа кўринди:

- Узр , Мадинахон . Дарсингизни бўлдик . Бу киши...
Садоқат опа шундай деб ҳалиги эркакка юзланган эди , у чапдастлик билан жавобга шошилди :

- Мен шу синфдаги Самандар Тожиддиновнинг дадаси бўламан. Касбим узоқ йўлларга юк ташиш . Бугун дам олиш куним эди. Шунга ўғлимнинг ўқиши ва интизомидан бир хабар олиб кетай деган жойим эди.
Ҳозиргача тўртта фандан дарс берадиган устозлари билан гаплашдим . Барчалари ...,- эркак томоқ қириб олди-да биринчи партада ўтирган ўғлига қаттиқ тикилди , - барчалари Самандарнинг ўқишидан норози эканлар. Улар ўғлимни хаёлпаришон , дангаса бола дейишди. Дарсларини ўз вақтида қилмас эмиш. Шунга сиздан ҳам бир сўрай

/ 35

#БЕДОР_ТУЙҒУЛАР

деган эдим. Ҳурматли устоз , марҳамат ўғлим Самандар тўғрисидаги барча фикрларингизни рўйи- рост , яширмай айтсангиз . Ҳеч нарсанинг юз - хотирини қилиб ўтирманг .

Мадина ёрдам сўрагандек Садоқат опага термулди. Садоқат опа эса унга "гапираверинг" дегандек им қоқди.
Мадина сўзлашга оғиз жуфтлай туриб нима учундир Самандарга нигоҳ ташлади. Шунда ўспириннинг юзидаги ўз ҳукмини кутаётган маҳбусларда бўладиган каби ифодани кўриб бирдан бўшашди. Самандарнинг отасидан қўрқиши юз - кўзидан аён бўлиб турар эди . Ҳолбуки, отанинг қаттиққўл эканлиги важоҳатидан ҳам кундек равшан эди.
Мадинанинг фикри зумда ўзгарди . У ҳозиргина Самандар ҳақида айтмоқчи бўлган гапларини бутунлай бошқа тарзда ифода эта бошлади:

- Ўғлингизнинг уй вазифа қилмаслиги рост. Дафтарига берилган машқ , масалаларни ёзмаслиги ҳам тўғри. Бу вазифаларни қилиш ўқувчининг зиммасидаги бевосита бурчи. Самандар эса шу вазифаларни қилмайди. Аммо бу унинг ўқимайди дегани эмас.
Тан олиб айтаман , Самандарнинг берилган мавзуни қабул қилиш ва мияда қайта ишлаб узатиш кучи ниҳоятда мақтовга сазовор. Тўғри Самандар ёзув- чизувда бироз дангасадир , аммо унинг мушоҳада қилиш қобилияти унча - мунча юқори синф ўқувчилариникидан ҳам аъло . Унга бирор бир савол берсам дарров мантиқан ўйлайди ва ҳаммадан тез жавоб топади. Айтиш мумкин-ки, ҳар битта ўқувчимизнинг ана шундай ўзи хос мақтовга арзирли қобилияти бор. Мана Салоҳиддин,- Мадина Самандарнинг партадошини қўли билан кўрсатди . Мисол учун мен мактаб бўйича Салоҳиддинчалик дафтарни чиройли юритадиган ўқувчини кўрмадим десам хато бўлмайди. Умуман олганда синфдаги йигирма тўрт нафар ўқувчининг барчасини ҳам мақтайдиган бир устунлик тарафи бор. Аммо ўқувчиларимиз бу билан ғурурланиб кетишлари керак эмас, чунки уларнинг ўзларига яраша камчиликлари ҳам йўқ эмас .
Бу камчиликлар эса вақт ўтиши билан аста- секин йўқотилиши керак , шунинг учун ҳам биз устозлар шу ердамиз . Келинг , Самандар ҳам ҳозир синфдошларининг ёнида сиз ва менга сўз берсин . "Камчиликларимни бартараф қиламан деб" . Салоҳиддин уддалай олган ишни у ҳам уддалай олади , тўғрими ?

Мадина Самандарга савол назари билан боқди. Самандар кўзлари чақнаганча "хаа" дея бош силкиди...

* * *

Бугун кечки пайт Мадина Розия билан қўшимча шуғулланмади. Бунга сабаб Асалнинг "Бутин майин туйган туним" дея Мадина ва Раҳбар аяни ўзининг туғилган кунига чақириб чиққани бўлди.

Мадина туғилган кун учун астойдил мевали торт пиширган эди. У ўзи тиккан кўйлакча ва тортни Асалларникига чиқариб юборишни ният қилган эди. Бироқ қизалоқнинг ўзи акачаси билан биргаликда Мадинани чақириб келганлиги боис , рад қилишнинг сира иложи бўлмади.

Холисхон опаларникида оддийгина, аммо жуда кўримли дастурхон тузалибди.

- Пешинда Дилёра қизим куёв билан келиб кетган эди. Куёвимиз қўшни давлатга ҳизмат сафарига боришлари керак экан , узоқ ўтиришмади,- Холисхон опа шундай дея туриб турли егуликлар билан дастурхонни тўлдириб ташлади , - олинглар бу ширинлик ва салатларни Дилёра қизим пиширибди.

- Дилёрамизнинг ўзи яхши юрибдими ? Куёв бола , набиралар ? - сўради Раҳбар ая чой хўплар экан .

- Барчалари яхши эканлар . Сизларга кўп- кўп салом айтиб кетишди.

- Ўринбой кўринмайдилар,- сўради Раҳбар ая яна нимадир ёдига тушгандек Мадинага изоҳ берган бўлди ,- қўшнимизнинг иккита исмлари бор . Акром ва Ўринбой . Улар туғилганда қайнона-қайноталари ўрнимизга қоладиганимиз шу ўғлимиз деб Ўринбой деган исмни танлашган экан . Онаси эса ўғлимга урушда бедарак кетган отамни исмини қўяман деб ният қилган экан . Хуллас уларнинг туғилганлик гувоҳномасига ҳам , паспортига ҳам ҳар иккала исмлари Ўринбой- Акром деб ёзилган .

- Улар пастда, молхонада эдилар . Молларнинг емишига қараётувдилар. Ҳализамон чиқиб қоладилар,- жилмайиб жавоб берди уй бекаси эри хусусида берилган саволга жавоб қайтариб .

Мадина ва Раҳбар ая Асалнинг туғилган кунида анча қолиб кетишди.

Ҳаммадан ҳам яйраган Асал бўлди. У Мадина тикиб берган оч пушти пирпиракли кўйлагини кийиб олганча , Раҳбар ая олиб

/36

📚 Ibratli Hikoyalar 📚

​#БЕДОР_ТУЙҒУЛАР

чиққан оппоқ , юмшоқ айиқчани бағридан ҳеч қўймади.

Кеч соат тўққиз яримлардан ошганда Раҳбар ая безовталаниб қолди :

- Биз энди турайлик , хуфтон вақти кирганига ҳам
бир мунча вақт бўлиб қолибди. Намозни маҳтал қилмайлик.

Холисхон опанинг "Хуфтон намозини шу ерда ўқий қолинг" деган сўровларига Раҳбар ая қўлини кўксига қўйиб узр сўради:

- Кечирасиз- да энди, бизга руҳсат ...

Мадина унинг кўнглидаги ниятини тушуниб турарди. Раҳбар ая намозини бафуржа ўқиб олишга ва шундан сўнг ўғли билан ғойибона дийдорга шошилаётган эди.

* * *
Мадина бугун ҳам эфир вақтини кечаги кундаги каби интиқлик билан кутарди. У Аниснинг бугун нималарни ҳикоя қилишга қизиқар эди.

Радиоэфир одатдагидек ўз вақтида бошланди. Анис бугунги кун ҳикоясини эълон қилиб , ўқий бошлади...

ДИЛ ОҒРИҒИ (ҳикоя)

Қизлик уй бозор.
Шоҳ ҳам келади, гадо ҳам. Ноила бўй етганда ҳам "остонани супурувчилар" сони бисъёр бўлди. Сабаб ҳам ҳар доимги сабаб . Ноила оқила, чаққон, боз устига чиройли ҳам эди.
Ота- она бунақа вақтда шошилиб қолар экан. Бир қарорга келиш жуда маъсулиятли. Умр савдоси ахир. Совчилар эса ҳар турфа кишилар.
Бир куни эса... Бир куни қўшни маҳаллалик Соли соқовнинг ўғлига сўраб совчилар келди. Ота томонидан дангал "Йўқ !" жавоби айтилди. Совчилар ҳам биттада бўш келадиган хилидан эмас экан .
Иккинчи марта яна келишди...

ва келганларига минг пушаймон ейишди.

Гарчи куёвликка номзод йигит ўқимишли , яхши касбни эгаллаган бўлса-да, бу тарозининг оғир палласини боса олмади:

- Менинг соқов хонадонига берадиган қизим йўқ.- Гапни шарт кесди ота.

Ота сўзида турди. Қизини тагли - тугли оилага келинликка берди .

...Ота бир умр пушаймон бўлиб яшади.

Уч набиралик бўлган ота, набираларини хар бағрига босиб эркалаганда, ич - ичидан эзилади.

Набираларининг ҳеч бири "Бобожон" деб эркаланмаслигидан куяди.

Қандай эркалансин?...

Уччови ҳам безабон бўлса...

* * *

- Мана ҳикоямиз ҳам ўз якунига етди,- Анис оғир сўлиш олди ,-
энди бир иш қолди . Ўзимизга бир савол бера оламизми? Аллоҳим наздида киммиз ? Кимнинг ўрни қай даражада экан- а? Сизда бу саволнинг жавоби борми ?
Бу саволни ўзимизга берганимизда бошимизни тик тутиб тура оламизми ?

Мен эса бу саволни ўзимга берганимда доим ўпкам тўлиб кетаверади ...
Дунёларга сиғмай кетаман ...

Ҳааа ...

Шундай ...

Айнан шундай ...

Ким учун яхшиман, кимга ёмонман,
Баъзида буғдойман , кўпда самонман,
Саволим жавобсиз, абгор ҳамон ман?!...
Қудратинг пойида тўкилдим, жимман,
Аллоҳим, наздингда билмадим ким-ман?

Ким учун малолим, ким учун юк ман,
Ким учун керагим, кимга суюкман,
Ҳукмим билолмайин бағри куюк ман,
Шубҳа дарёсида тўлганман, лимман,
Аллоҳим, наздингда билмадим ким-ман?

Кимларнинг қўлида тақдир жиловим,
Кўзимга чўп суқар "дўст" номли ёвим,
Барордан келган чоғ менинг -да овим,
Биргина ўзингга - сенга таслимман,
Аллоҳим, наздингда билмадим ким-ман?

Синовинг бергин-у, етказгин тоат ,
Умидворинг ўзим, йўлла шафоат,
Бўлсин жисмим адо, руҳим
саломат,
Дардга даво излар ўша ҳаким- ман...
Аллоҳим, наздингда билмадим ким-ман?

Умрим карвонимга ўзим сарбонман,
Яшар маконимга якка ҳоқонман,
Бўғзим ҳатлолмаган яримта нонман,
Кўнгил жасадида жулдир кийим- ман ,
Аллоҳим, наздингда билмадим ким-ман?

Юраги товонга тушган ҳам ўзим,
Жоним ҳовучида сарғаяр юзим,
Ёшни қарзга олмай қўйди-я кўзим,
Кўзларим йўлингда қоп-қора, тимман,
Аллоҳим, наздингда билмадим ким-ман?


Мадина ортиқ чидай олмади . У ...

#давоми_бор /37
Муаллиф: Хазонрезги.

📚 Ibratli Hikoyalar 📚

💦💦💦

ҚЎРҒОНИНГ ТЕРГИН СЕН САБР ҒИШТИДАН

Фалакдан бошингга ёғилса тошлар,
Ағёрлар устингдан кулгини бошлар.
Аламли ташвишлар кўзингни ёшлар,
Қўрғонинг тергин сен сабр ғиштидан.

Тўғри сўзлар қолиб, юрганда ёлғон,
Бўх,тонлар бошингни қўймасдан омон.
Х,атто дўстларинг х,ам десалар ёмон,
Қўрғонинг қургин сен сабр ғиштидан.

Қалбинг гулларига ўралса печак,
Гулларни улардан тозалаш керак.
Янги гуллар эккин, кўкарсин чечак,
Қўрғонинг қургин сен сабр ғиштидан.

Дўстингнинг қалбини ғайр босганда,
Ёнингда жилмайиб ағёр кулганда.
Хаёлингда изғиб шайтон юрганда,
Қўрғонинг тергин сен сабр ғиштидан.

Оллох,им, сабр бер, ахир беваман,
Бўталоқ улғайтган улкан теваман.
Жамолинг кўргали ёниб бораман,
Қўрғоним терай мен сабр ғиштидан.

✍ Олия Равшанова

💦💦💦

📚 Ibratli Hikoyalar 📚

💦💦💦

"Ҳар бир дақиқангизни қадрланг. Вақт ҳeч кимни кутмайди. Кeча – тарих, эртанги кун – жумбоқ, бугунги кун эса туҳфадир."

       ✍️Чарлз Диккeнс

💎💎💎💎💎💎💎💎💎💎💎💎

                                       💦💦💦

📚 Ibratli Hikoyalar 📚

Лондон.  Жарроҳлик амалиётига икки соатча вақт бор. Хамшира бемор ётган хонага кирди, қўлидаги табиий гўзаллик упириб турган гулдастани дераза токчасига қўяр экан бемор қараб шундай деди: Сизни операция қиладиган жарроҳ шифокор ким, биласизми?
– Ха билдим Жонсон исмли киши экан.
Хамшира яна сўради:
– У бу жаррохликка рози бўлдими?
– Албатта, нега рози бўлмасин!?
Хамшира:
– У жуда машҳур шифокор. Ўнминглаб жаррохлик амалиётини бажарган. Ҳаммаси шифо топиб тузалиб кетган. Шунинг учун унда доим вақт муаммо-да. Сизга ваъда берганига ҳайрон бўляпман.
– У мени операция қилишга ваъда берган!
– Ха, унда сизни омадингиз бор экан. У дунёдаги энг зўр шифокор!
Шу суҳбатдан кейин беморни жаррохлик амалиёти хонасига олиб кетишди. Амалиёт муваффақиятли ўтди. Бемор буткул тузалиб кетди.

Хамшира асли хамшира эмасди. У руҳшунос бўлиб беморни амалиёт учун ана шундай услубда маънан таёрлар эди. У ишини жуда закийлик билан адо этарди. Натижада ҳар бир бемор кўнгли тўқ, табибга ишонган ҳолда жарроҳлик столига ётқизилар эди.
Бу нарса илмий исботини ҳам топган яни бемор руҳан хотиржам бўлса, шифо топишига ишонса шунча ижобий натижагa эришади Аллоҳнинг изни билан.

Абдулатиф Атаханов.

📚 Ibratli Hikoyalar 📚

#У‌ткинчи_дунё


#No_184


#муаллиф_Қосимова_Нодира


—Майли сиз уйга боринг. Мени озроқ ишларим бор, хонамга бориб бир икки хужжатларни текширишим керак.
Мунира Ботирни ёққасини тўғрилаб гапирди.
—Хўп, бир соатдан кейин ўзим олиб кетаман.
Ботир Мунирани юзидан енгил ўпиб қўйиб кетди.
Мунира залдаги столда холсиз ўтирди.
Бироз ўйланиб ўтиргач, секин ўрнидан туриб, бошқа бўлимга ўтиб кетди. Латофат деворларни ушлаганча, хонасига қайтди.
—Яна йиғладингизми?
Сизни тўйга олиб бормасак бўларкан ўзи. Ўша кундан буён ғалатисиз.
—Ичим ёнмоқда, хеч бир нарса бунга даво бўлмайди. Оловни ўчира олмайман, бу олов мени бу дунёдан олиб кетади.
Латофат кўксига муштлаб гапирди.
—Ўзингизни қўлга олинг, мана мен хам хамма дардимни ичимга ютиб яшаяпманку.
Хеч кимим йўқ бу дунёда, шунда хам яшашга интилиб яшаяпман. Сизни болаларингиз тирик бўлса, бир куни албатта сизни кечиради.
—Қани эди, қани эди вақтни ортга қайтарсам
Биласизми? Кеча тўйга борган жойимиздаги келин, ўша ўша мени қизим экан
Латофат ўкириб йиғлади
—Нималар деяпсиз?
Хамрох аёл ирғиб ўрнидан турди
—Ха, ер юмалоқ эканини қарангки, айланиб ўргилиб ўз қизимни қариялар уйига келиб қолибман.
Оллоҳим мени жазолаш учун, ўз қизимни тўйига тасодифий юборди.
Қанчалик эзилганимни биласизми?
Турмуш ўртоғимни олдида, бегона аёл.
—Эрингиз уйланибдими?
Томоғига аччиқ йили тиқилди
—Ха ёш ва гўзалига уйланибди.
Мени ўрнимда бошқа аёл, қизларимни бошини силабди.
Мени хатто ўйлаб хам қўйишмади.
Латофат ўзини босишга уриниб гапирди.
—Оллоҳни қудрати буюк, карами кенг. Хозир хам қизингизни кўриб келдингизми?
—Ха қизларим бахтли экан.
Шунга хурсандман.
—Нега ёнига бормадингиз? Нега кечирим сўрамадингиз?
—Юзим чидамади. Энди тинч хаётига чангал солишни хохламайман. Бу ердан хам кетаман, мени кўрмаслиги керак.
—Ундай қилманг. Балки қизларингиз аллақачон сизни кечиргандир. Ахир хозир улар бахтли бўлса. Бунга сизни хам хиссангиз борку.
—Бунга хаққим йўқ. Қизларимни болалигини ўғрилаганман, бола бўлиб яйратмаганман. Энди бахтли яшашга хаққи бор. Эрта тонгдан бу ердан кетаман.
Латофат, жойига ёнбошлаб, бошидаги румолини махкам сиқди. Бош оғриғидан зериккан Латофат йиғлаб ухлаб қолди.


💫💫💫💫


—Ошхонадан бунча ширин хис келяпти.
Аббос ошхонага кириб онасини қучиб гапирди.
—Пазанда келиним, қўлларини ўйнатиб овқат қилдида.
—Ойи, дадам қачон кетаркан?
Аббос жойига ўтирди
—Тонг сахардан йўлга тушаман дегандай қилганди.
—Ха яхши, уй анча тинчиб қоларкан.
Аббос онасига қараб кулиб қўйди.
—Яхши бўлибди, келиним уйга анча мослашиб олади йўқлигида.
—Қизим, хозир дадангиз келади. Овқатни тайёр қилиб туришингиз керак.
—Хўп бўлади аяжон, овқат тайёр сузсам бўлгани.
Муниса жилмайиб қаради.
—Айнаниб кетай гўзал қизимдан. Худди кўнглимдаги келин топибсанда ўғлим.
Саодат Мунисани мақтаб қўйди.
—Ойи биласизку мени дидимни.
Аббос кулиб қўйди. Муниса Аббосга қараб лабини бурди.
—Ассалому алайкум
Ошхонага виқор билан Камол кириб келди.
—Ассалому алайкум дадажон.
Муниса шошиб сарисини бошига ташлаб, салом солди.
—Рахмат, кўп яшанг бахтли бўлинг.
Камол Жойига ўрнашди.
—Келин, сарпойингизга онангиз румол қилганми?
Камолани тўсатдан берган саволига, Муниса гангираб қолди

📚 Ibratli Hikoyalar 📚

#У‌ткинчи_дунё


#No_185


#муаллиф_Қосимова_Нодира


—Ха, борр...
Муниса хаяжонланиб кетди.
—Онангиз тарбия берганми?
Ошхонага румолсиз кирма деб.
—Тарбиямдан хавотир олманг, етарлича тарбия олганман.
Муниса дадиллашиб гапирди.
—Ха тўғри. Етарлича олган экансиз.
Камол, қўлини қовуштирди.
—Дадаси чойдан ичинг.
Саодат Камолга чой узатди.
—Ўзинг ич, мен келинни қўлидан чой ичаман. Қани чой қуйишни билармикан.
Муниса чойдан қуйиб узатди.
—Рахмат, озгина камчилик бор ўргатиб қўямиз буёғини.
Камол чойдан хўплади.
—Ассалому алайкум
Ошхонага ёши ўн олтилар атрофида Шайдо кириб келди.
Муниса шошиб салом солди.
—Кўп яшанг янгажон.
—Асал қизим турдингми?
Камол Шайдони эркалаб қўйди.
—Уйқуга тўймадиму, майли бўлади.
Шайдо дастурхонда турган, қип қизил олмани карс этиб тишлаб столга ўтирди.
—Эрталабдан буён ухлайсан, хонангдан чиқмайсан, яна уйқуга тўймадим дейсана?
Саодат қошини чимирди
—Ойи дарс қилдим. Биласиз имтихон яқин, мен хам янгамга ўхшаб доктор бўламан, хали кўрасиз.
—Илохим, нийятингга ет қизим.
Бугундан кейин, эрта туриб янганга қарашиб юборасан. Эртадан мехмонлар янгангни кўргани келишни бошлайди.
—Нега экан? Келин деган номи бор, хамма ишга улгуришни ўргансин, эртага қизимни узатиб юборсак, сен қарашасанми?
Камол, Саодатни гапини бўлди.
—Бу нима деганингиз дадаси, янгасидан кўп нарсаларни ўрганади. Турмушга чиқса қийналмайди.
—Бошига тушса қилади, сен келинни хозирдан эркалатиб юборма.
Муниса қандай овқат еганини хам билмай ўтирди, охири чидай оламади.
—Менга хеч кимни қарашиши шарт эмас, ўзим хаммасига улгураман.
Муниса, гапга қўшилди
—Сиз дадамга гап қайтаряпсизми?
Шайдо қўлидаги олмани, столга қўйиб Мунисага қаради.
—Бас қил. Эрталабдан бошламанглар, хеч бирингизни гапингиз гапингизга тўғри келмаяпти.
Юр Мунис, кийимларимни тайёрлаб бер бир жойга ўтиб келишим керак.
Аббос ўрнидан туриб, Мунисани қўлидан ушлаб ошхонадан олиб чиқиб кетди.
—Биринчи кундан шу ахвол.
Шайдо асабий дадасига қаради
—Ўчир овозингни. Сен аралашма, эртага бошқа уйга келиб бўлиб боришингни ўйла. Бечора қизни биринчи кунини хам бурнидан чиқардингиз, эсда қоларли қилиб.
Саодат ўпкалаб гапирди.
—Хозирдан эгиб олмасанг, кейин эгилмайди. Сен аралашма ўзим тарбиялайман бу келинни.
—Эркак кишини ўз ўрни бўлади, келинни тарбиялаш, эркак кишига эмас. Мен ўлганим йўқ хали, ўлганимдан кейин, хохлаганизча тарбиялашингиз мумкин.
Саодат ўрнидан туриб, эшик олдига етгач. Ортига ўгирилди.
—Идишларни ювиб, ошхонани саранжомлаб чиқиб кет.
Мунисахон чиллалик шом бўлиб қолди, Аббосга хам айтаман, хеч қаерга кетмайди.
Саодат ошхонадан чиқиб кетди.
—Кўрдингизми дада, буларга мен хизматкорман ўзи?
Шайдо кўз ёш қилди
—Идишларни хаммасини раквинага солиб қўйиб, дамингни ол. Ўзи чиқиб тозалайди, нега олганмиз уни.
Камол сочиқга оғзини артиб, ўрнидан турди.
—Хўп бўлади дадажон.
Шайдо шоша пиша идишларни раквинага ташлаб, хонасига югуриб кетди.


💫💫💫💫


—Дадамни гапларига ахамият берма, уларни феъли шу.
Хонага киргач, Аббос кўзлари ёшга тўлган Мунисани кўз ёшларини артди.
—Эркак киши нега аёлларни ишига аралашади.
Ахир буткул бошяланг эмасдимку, мана кичкина бўлсада шарф бор бошимда.
—Дадам шунақа, хўп дейсан қутиласан.
Мен борманку ёнингда.
—Сизни борлигингиз қизиқ эмас мен учун, мен бу уйда дадам учун турибман. Тез орада кетаман, дадангиз хам, синглингиз хам, сиз хам қутиласиз.
Муниса, Аббосни қўлини елкасидан силтаб, узоқлашди
—Сени кетказиб қўядиган ахмоқ бор эканми?
Аббос, Мунисани ортидан келиб қучди.

📚 Ibratli Hikoyalar 📚

#У‌ткинчи_дунё


#No_186


#муаллиф_Қосимова_Нодира


—Менга яқинлашманг, мен сизни хеч қачон кечирмайман, ва сиз билан қолмайман.
Муниса Аббосни ўзидан итармоқчи бўлиб, кучи етмасди.
—Ўзимники бўлган нарсани, бировга бериб қўймайман. Ха деб битта гапни тўтиқушга ўхшаб қайтавермайди.
Аббос, Мунисани қулоғига шивирлаб, бўйнига лаб босди.
—Сиз кетмоқчи эдингиз.
Муниса бетоқатланди
—Хеч қаерга кетмайман, шундай нарса уйимда, қолаверса ёнгинамда турсаю мен кетаманми?
Аббос, Мунисани буни узра сайр қиларди.
—Аббосжон болам..
Эшик таққиллашидан, мажбур Мунисани қўйиб юборган Аббос эшикни очди.
—Лаббай она.
—Шом бўлди, хеч қаерга кетма тушундингми? Чиллалик одам кўчага чиқмайди.
Қизимни хам ёлғиз ташқарига чиқарма.
—Хўп она, яхши дам олинг.
Аббос эшикни беркитиб, юзлари қизариб кетган Мунисага қараб жилмайди.
—Ана, кетмас эканман. Қаерга келгандик, севаман деяётганмидинг.
Аббос кўйлагини тугмасини бўшатиб, Мунисага яқинлашди.
—Мени ишларим бор эди...
Муниса югуриб ташқарига чиқиб кетди.
Ошхонага кириб муздек сувдан сипқориб ичди.
—Ё оллоҳ. Юрагим қинидан чиқай дейдия?
Лекин бу хато, уни севиб қолма кейин қийналасан.
Муниса юраги устига қўлини махкам босди. Сал ўзига келгач, идишларни ювишга киришди, ошхоналарни еғиштириб бир икки хил ширинликлар хам тайёрлаб қўйиб хонасига кирди. Кирганда Аббос ухлаб ётган экан, секин битта ёстиқни олиб, гиламга битта тўшакни ташлаб ёнбошлади. Киприклари оғирлик қилиб, кўзларини юмди.
Тонг сахар.
Муниса кўзларини зўрға очаркан, кучли қўллар уни махкам қучиб ётганини хис қилди.
Устидаги кўйлаги хам йўқ эди. Қўрққанидан ирғиб ўрнидан турди.
—Ахмоқ бу нима қилганингиз?
Муниса жахл билан гапириб, шошиб кўйлагини кийди
—Иссиқда кўйлак билан ухлайдими?
Аббос кўзини ишқалаб, Мунисага қаради
—Ўзингиз ечиниб ётсангиз, бошқалар хам ечиниб ётиши керакми?
Муниса, кўйлагини олди тугмасини қадади.
—Албатта мени хотиним, ёнимда ечиниб чиройли бўлиб ётиши керак.
Аббос ўрнидан туриб фудболкасини устига кийди.
—Бу хол бошқа такрорланмасин. Шу охиргиси бўлсин.
Муниса қўлини бигиз қилди
—Ундай бўлса ўзинг ечиниб ёт, шунда бошқа қайтарилмайди.
Аббос бемалол гапирди
—Уяциз экансиз, бугундан бошлаб бошқа хонада ётаман.
—У ерга хам қувлаб чиқаман, гапингиз борми?
Аббос қошини учириб қўйди
—Ярамас, безбет..
Муниса эшикка чиқиб, луғатидаги энг яхши сўзлар билан, Аббосни сийлади.
—Ўзим хам ахмоқман, кўйлагимни ечиб қўйса хам, билмай ухлаганимни қара.
Муниса пешонасига уриб қўйди.

📚 Ibratli Hikoyalar 📚

АССАЛОМУ АЛАЙКУМ .

Қадрдонларим , ҳамма яхшими .
Бугунги муборак Жума кунининг файзу барокатини , хайру саховатини сизга тиладим .
Эрталабдан яхши кайфиятда уйдан чиқсам йўллар шунақа тирбанд .
Бизни йўналишимизда асфалтга оқ тўғри чизиқ чизилиши сабабли , бир томонлама қилинган йўл тирбандликка тушган . Автобусга тик оёқда турганим учун сизларга тонги саломни йўллай олмадим .
Тошкент осмони тип тиниқ , зарра ғубор йўқ . Сергели ката кўчаси ёқалари шунақа чиройли қилиняпти .
Пиёдалар йўлаклари , четлари кўм кўк газон бостирилган . Қишин ёзин очилиб турадиган турфа ранг гуллар баргчалари тонги шабадада пирриллаб турибди . Бўйи узун ниҳоллар бир текис саф тортган . Тагида митти фонтанчалардан сув маржондай жимирлаб сочилиб турибди . Уларга ҳамоханг катта кўчада оппоқ полоса чизиқлар чизиляпти . Шахримиз ободлигига хурсандмиз .
Ва нихоят ишга етиб келдим .
Иш бошлаганлар ишингизга омад , эрталабки салқинда ишларини қилиб бўлиб уйга кирган дугонажонларим , келин қизларим кунингиз хайрли ўтсин .

Шахзодангизни дуо қилиб қўйинг 😘

📚 Ibratli Hikoyalar 📚

👆👆👆👆 аввалги қисмлар

#БЕДОР_ТУЙҒУЛАР

13-ҚИСМ

Аниснинг телеграмм манзилига уланди ва тез - тез ёза бошлади.

- Айтинг-чи? Сиз ҳақиқатдан ҳам ўзингизга "Кимман ман ?" дея савол беришингиз ростми? Ёки бу оддий радиоэфир учунми ? Икки кун аввал "Буларнинг бари шунчаки ижод" деган эдингиз ... Аммо ана шу "шунчаки"га қандай қилиб бу қадар нолани жойлай оласиз ...

Бу саволни сиздан сўраганимнинг бир сабаби бор. Мен сиздек шеър ўқий олмайман . Сўзларимда сиз каби нолалар ҳам бўй кўрсатмайди . Бироқ улар ҳамиша юрагимда .

Дод солгани-солган ...

Инграгани-инграган...

Кўз ёш тўккани-тўккан...

Сиз ҳар қанча беркитманг , мен ўзингиз учун жуда қадрли бўлган яқин инсонингиздан ажралганингизни биламан.

Кеча эфир орқали "Ота , онам орангизда борлар" дедингиз .

Шунга кўра айта оламан-ки , сиз маҳбубангиздан айрилган бўлсангиз керак- а ...

Инсон кимларнидир ўз ҳаётини бахш қилар даражада суяр экан, баногоҳ ундан айрилганда, гўё-ки ўз ҳаётидан ажралиб қолгандек бўлади.

Овозингиздаги сотқин дард шундан дарак ... Топдимми ?

"Ҳа" ёки "йўқ" деб жавоб беришингиз шарт эмас.

Мен шунчаки кўнглимни бўшатиш учун ёздим . Худди-ки сиз...кўнгил бўшатиш учун "Бедор туйғулар"га ошно бўлган каби...

Ана шунақа гаплар, ҳурматли Анис Ўктам ...

Комила ярангизни янгилаган бўлса узр. Нима қилсин у ҳам ... Ахир сизнинг ўзингиз унинг дардига билиб билмай ҳанжар даҳл қилиб қўйдингиз ...

Майли. Дилингизда шубҳа қолмасин ... Шунча вақтингизни олганим ҳисобига бир сирни айтиб кетаман. Гарчи бу ҳақда сўрамасангиз, қизиқмасангиз ҳам.

Ким билсин...

Балки бу кечмиш сиз учун қизиқдир ...

Майли , нима бўлганда ҳам айтаман, сабаби буни ўзим ҳам истаяпман. Нега дейсизми ? Сизнинг "Кўнгил" номли касбингизда балки қизиқдир деб ўйлаётгандирман ...

Кўп гапириб юбордим- а ...

Тўғрироғи кўп ёзиб юбордим...

Энди эса икки оғиз шунча ёзганларимнинг асл моҳияти ҳақида.

Сиз кўнгил одамисиз ... Ва ... Сезгандирсиз- кии , мени айнан шу кўнглим мажруҳ қилиб қўйганини.

Айтишади- ку "Кўнглингга кимни киргизсангиз , имтиҳонинг ўшадир" деб ...

Мен орзулари осмон қиз эдим... Бахт кўшкининг дарвозаси ҳам қўл чўзсам етгулик манзилда эди.

Аммо ...

Ҳаётнинг биз юрмаган йўллари беҳисоб экан ... Қадам босишни истамаган , бироқ босишга мажбур бўлган кўчалари кўп экан ...

Ва ...

Кимдир билан ажралишга мажбур бўларканмиз . Кўрганлар бизни камчилиги йўқ, беармон инсон деб ўйлар экан- у , лекин сиз айтгандек "Кўнгил жасадида жулдур кийим ман " дея бўзлаётганимизни ким ҳам билар эди ?

Аммо ... Айрилиқнинг армонли тиканлари қалбимизга санчилиб озор бергани берган.

"Вақт - даво!" деган гапга нима дейсиз ?! Мен учун бу тескари теорема. Бу иборалар мудом аксига ишлайди. Демоқчиман-ки,... Вақт ҳеч ҳам даво эмас. Бу шунчаки қуруқ сўзлар . Ким билсин . Бировлар учун унинг даволиги рост бўлса бордир, аммо менингдек кўнгил кишилари учун эмас.

Узр , Анис ака... Вақтингизни олдим.

Энди мен кетай ...

Ўйлайман- ки , умид қиламан- ки , бошингизни қайтиб қотирмайман.

Хайр ...

Мадина охирги сўзига нуқта қўйди ва тармоқдан чиқиб кетмоқчи бўлганида Анисдан шошилинч тарзда хабар келди :

- Кетманг ...

Мадина Анис ўзинининг ёзганларини зумда ўқиб чиққанига ҳайрон бўлди. У Аниснинг "Кетманг" деган сўровини кўриб зумда бўшашди :

- Нимага ?

Нима учун кетмаслигим керак ?

- Хар бир қалбнинг ўз хикояси бор. Жумладан менинг ҳам. Аммо сиз ва менинг ҳикояларимиз ўхшаш экан. Шу сабаб кетманг деяпман. Мумкин бўлса албатта. Кейинги кунларда сизнинг ёзишмаларингиз таъсирида мен ҳам яшашга куч, ҳаётнинг ўзидан эса маъно топгандекман.

Комила...

Дилдаги гавҳар мисол ўрни беқиёс бўлган инсондан айрилиб қолиш , сўнгра келажак ҳаётини усиз давом эттириш учун унча- мунча инсон куч топа олмайди.

Сиз ... ва мен ... шундай тақдирга раво кўрилибмизми , демак бунинг албатта бир ҳикмати бор. Зеро Аллоҳ ҳеч бир тирик жонни тоатидан ортиқ синамас...

- Анис ака ... Айтинг-чи , сизнинг тоатингиз неча йилдан буён ана шундай синовда?

ХазонРезги /38