АССАЛОМУ АЛАЙКУМ 

Узоқдаги яқинларим
Хайрли тонг х,аммага .
Кунингиз хайрли бошлансин , ҳаловатли ўтсин  .
Рўзғорнинг хеч қачон тўлмаган ками , турмушнинг залворли муштларидан асло тушкунликка тушманг  .
Шукур қиладиган томонларимиз кўп , алҳамдулиллаҳ .
Авжи ёз , эрталабдан кун қиздиряпди .
Шаҳарда қуёш бобонинг иссиғидан ташқари асфалтнинг , ғизиллаб ўтаётган машиналарнинг иссиқлиги ҳам қўшилади .
Тушда бориб ташқарида тухум пишар иссиқ бўладда .

Йўўўқ , йўқ ман нолимаяпман .
Шукур ҳар бир онимизга .
Ўтган йили дугонамга шундай ҳавас қилган эканман . Бу йил ҳам ҳавас қиламан унга , берган неъматларига шукур ...

Қишлоқда бир дугонам бор . У доим манга ,, санга мазза ўрток,катта шахарда яшайсан , к,анча гузал жойларни айланасан дейди ,, .

Лекин у билмайдики ман унинг сепаратирдан чик,арилмаган , ёғи олинмаган маззали чакки қатиқдан айрон ичишига хавас қилишимни . У билмайдики шахарнинг бетон деворлари орасида иссиқдан эзилган пайтим , унинг кўллатиб сув сепилган , қуюк, соя солган ток остидаги салқингина супасига хавас қилишимни . Ман бозорнинг дори билан семиртирилган мол гушидан килолаб олган пайтим , у бутун бошли қўйни сўйиб гуштини қовуриб кострулкага бостириб қўйганига хавас қилишимни билмайдидааа . 🤔🙄
Ман хаётимдан нолимаяпман , хаммамизнинг хаётимизда шукур қиладиган томонлари бор демок,чиман холос  .
Яна бир бор берилган янги кун , янги имкон муборак булсин .
Хар бир дақиқасидан унумли фойдаланайлик азизларим .

Сизлар билан тонги саломда   ШАХЗОДАнгиз бирга булди 😘

📚 Ibratli Hikoyalar 📚

👆👆👆👆аввалги қисмлар

#БЕДОР_ТУЙҒУЛАР

29 - ҚИСМ

* * *

- Бўлди хавотир олма , - дугонасини ҳотиржам қилишга шошилди Комила ,- шундай гапларни топиб - топиб айтдим- ки , Анис Ўктам демаганингни ўзи менга оқ йўл тилаб қолди. Почти кўзида ёш билан,- қизнинг кайфи чоғлиги овозидан билинар эди ,- так чтоо- Марфуша, ғам- ғуссага не ҳожат ?

- Нималар дединг ? Юрагим ҳозир портлаб кетади , бир бошдан гапиргин,- Мадина телефонни шу қадар қаттиқ чангаллади-ки , қирғоқлари қўлига ботиб кетгудек бўлди.

- Мадина , тафсилотларни нима қиласан? Юрагинг бадтар эзилади. Ундан кўра энди ҳотиржам нафас олавер. Қўрқма , бундан буён Анис Ўктам Комини бошқа безовта қилмайди. Отвеча-ю !

- Комии...- Мадинанинг ялинчоқ овози эшитилди ,- илтимос юрагимда тугун қолмасин. Анис акага нима деганингни айтақол. Илтимос.Билсанг, бу мен учун жуда муҳим.

- Оббо , сен қиз ҳам ҳеч қўймадинг-да ! Майли, айтсам айтақолай. Ўзиям илҳом бирданига келиб қолди. Ёмон бўлди лекин . Мен ўзимга умидли нигоҳларини қадаган жаноби бошловчига қараб : "Эҳҳ, Анис ака! Мана сиз қандай экансиз ?! Аммо , нега сизни аввалроқ учратмадим экан ?! Барига иқрор бўлганимда эса... бари учун кеч бўлди. Тан олиш қийин ва лекин аммо айнан шундай. Менинг бу учрашувга рози бўлганимдан ҳайрон бўлгандирсиз?! Мен бу ерга сизни биринчи ва охирги марта кўриш ва барчаси учун миннатдорчилик билдириш мақсадида келдим. Негалигини айтайми? Шу вақтгача турмушга чиқиш ихтиёримни ўзимга ҳавола қилган дадам , охир- оқибат мени устимдан ҳукм имзолабдилар ва табиийки уларга эътироз билдира олмадим. Бунга ҳаққим ҳам йўқ . Тушуняпсизми ҳаққим йўқ ?! Сабаби қайси қиз отасини норози қилиб бахтли бўлибди-ки , мен бахтли бўлсам ? Қолаверса , сиз ва менинг орамиздаги муносабатлар ҳам тан оларлик даражада куртак ортгани йўқ эди.

Энди шу ерда ҳайр.

Салом ва ҳайр .

Сизни ҳеч қачон унутмайман. Билинг-ки , ер юзида "Бедор туйғулар"ни тинглаётган биттагина инсон қолса ўша мен бўламан. Бир умрлик ғоибона кўнгилдошингиз Коми"

Комила Мадинага шу сўзларни айтар экан , бир оз тин олди , сўнгра гапида давом этди:

- Хуллас типа шунақа гапларни айтдим. Қалай ҳаммаси о кей бўлибдими ?

Мадина енгил хўрсинди:

- Раҳмат Коми ... Вазифангни ўйлаганимдан ҳам аъло бажарибсан. Бу яхшилигингни ҳеч қачон унутмайман.

- Раҳматга ҳожат йўқ ,Мадина. Бу иш битди ҳисоб . Энди сен ҳам бор хаёлингни бир жойга жамлаб олимпиаданинг Республика босқичига тайёргарликни кучайтиравер. У ёғини омон бўлсак кўраверамиз . А лаббай?

- Тўғри айтасан. Олимпиадага ҳам бир хафта муддат қолди. Бу кунларни қанчадан буён кутамиз . Қўлдан келганча ҳаракат қилаяпмиз.

- Фақат ғалаба ! Эшитдингми , фақат ғалаба !

- Хўп , дугош... Шунга астойдил ҳаракат қилаяпмиз ...

* * *

Учқун Шавкатович мактабга келгач, Зиёдадан Мадина ўзини сўроқлаб икки марта кабинетидан ҳабар олганлигини эшитиб ҳайрон бўлди :

- Чақиринг-чи ? Тинчликмикан?

Кўп ўтмай Мадина Зиёда билан бошлашиб келиб қолди .

- Ассалому алайкум, Учқун ака . Узр безовта қилдим.

- Ваалейкум ассалом , Мадинахон , келинг,- Учқун Шавкатович қўли билан қизга жой кўрсатар экан , - Менда бирор жиддий ишингиз борми дейман?

- Жуда унчалик жиддий ҳам эмас. Шунчаки сиздан бир кичик илтимосим бор эди,- жилмайиб жавоб берди Мадина.

- Эшитаман,- Мадинага саволомуз тикилди Учқун Шавкатович.

- Учқун ака , шу десангиз , - ерга тикилганча сўзлашга тушди Мадина, - мана яқинда олимпиаданинг Республика босқичида қатнашиш учун Розия ва мен Бухорага йўл оламиз . Розияни биласиз . Амакисининг қарамоғида яшайди. Уларнинг оиласи серфарзанд оила . Шунга... Шунга...

- Нима шунга ...?

Мадина тиззасида турган сумкачасидан қоғозга ўроғлиқ нарса чиқарди :

- Шунга мана шу пулни ... Розиянинг амакисига бир йўлини қилиб берсангиз. Балки "Қизингиз вилоят олимпиадасида ғолиб бўлганлиги учун тақдирланди" дейсизми ёки ҳомий совғаси дейсизми ... Хуллас у тарафини келиштириб юборарсиз .

Мадинанинг бу сўзларини эшитган Учқун Шавкатович чуқур ўйга толди.

- Мадинахон, - деди у ваниҳоят ўртадаги ҳижолатли сукутни

хазонРезги / 78

#БЕДОР_ТУЙҒУЛАР

бузар экан ,- пулингизни олиб қўйинг . Очиғи бу тўғрисида бир ўйлаганим бор эди. Розия ва сизнинг йўл ҳаражатларингизни мактаб фондидан қоплаш режамизда бор. Мени ҳозир ўйга толдирган нарса бу эмас , балки сиздаги бағрикенглик бўлди. Мана сиз бир неча ойлардан буён Розияни ва бошқа ўқувчиларни ўз ҳисобингиздан бепул ўқитдингиз. Хўп буни касб тақазоси ҳам дейлик. Аммо бугунги ишингиз- чи? Буни эса синглим нима дейилишини энди мен айтай. Бу - инсонийлик мулки дейилади. Розияга келсак... Унга атаганларимиз ҳали бисъёр. Насиб қилса қизимизнинг номига буюртма қилинган ноутбук ҳадемай келиб қолади. Аммо бу сирни унга айтманг, майлими? Қайтишингизга ёқимли сюрприз бўлсин. Бундай режаларимиз ҳали кўп.

- Учқун Шавкатович илтимос , шу пулларни ҳам Розияга ажратган дастмоянгизга қўшиб қўйсангиз , ахир пулнинг ортиқчаси бўлмайди. Ундан кейин мен уни Розияга деб атаб бўлгандим , энди улар мен учун... нима десам экан ? Хуллас бу пуллар аллақачон унинг ҳаққига айланиб бўлган .

- Майли , Мадина. Сиз нима десангиз шу... Бари сиз айтгандек бўлақолсин. Хўш биздан яна нима ёрдам керак ? - деди Учқун Шавкатович қўлларини икки ёнга ёйганча

- Омад тилаб турсангиз бўлгани,- деди Мадина жилмайганча.

* * *

Ва ниҳоят ўша - ғалвир сувдан кўтариладиган кун келди .

Фан олимпидаларининг якуний Республика босқичининг охирги куни.

Кимё фани бўйича ҳакамлар ҳайъати раиси кимё фанлари доктори, профессор Нусрат Ҳамидуллаев - олимпиадани низом асосида қатъий тартибларга муофиқ равишда ўтказилишини таъминишига виждонан , астойдил жонбозлик кўрсатди.

Энг сўнгги ҳал қилувчи лаҳзалар .

Қатнашчиларнинг ишлари кўриб чиқилди . Олимпиаданинг кульминацион нуқтаси ва охирги саволга жавоб олиш қолди :

Ким ғолиб бўлар экан ?

Ким ?

Уч нафар иштирокчининг иши алоҳида ажратилиб қўйилди. Уччовлари ҳам берилган топшириқни тўғри бажарган , берилган масалалар турли йўллар билан ечилган бўлса-да, мақсадга элтувчи йўл ва масаланинг жавоби тўппа- тўғри эди.
Холислик асосида иштирокчиларнинг ишлари махсус код орқали шифрланган бўлиб , ғолибликка даъвогарлар ким ва қайси вилоятдан эканлиги мутлақо номаълум эди.

Ҳакамлар ҳайъати узоқ мунозалардан сўнг охирги қарорни қабул қилиш мақсадида яширин овоз бериш учун алоҳида хонага йиғилдилар .

Ҳайъат раиси профессор Ҳамидуллаев ишларни сўнгги бор аъзоларга тақдим этар экан баҳолаш меъзони хақида тушунча бериб ўтди :

-Овоз беришингиз учун уччала ишни бирин - кетин тақдим қиламан. Сиз яхшилаб танишиб , охирида улардан бирига овоз берасиз. Яна шуни эътиборга олиб қўйинг- ки , қоида бўйича ҳакамлар ҳайъати раиси яъни менинг овозим иккита овозга ўтади.

Тайёрмисиз ? - Ҳамидуллаев йиғилганларга юзланди ,- Демак бошладик:

Биринчи иш. Яширин код рақами
К О- 2121

Энг охирги баҳолаш учун меъзон қилиб олинган асосий учта масала тўғри ечилган. Масалаларнинг ҳар бири уч хил усулда ечиб кўрсатилган. Бари усуллар қадамба- қадам шарҳлаб берилган .

ХазонРезги
/79

📚 Ibratli Hikoyalar 📚

​#БЕДОР_ТУЙҒУЛАР


Иккинчи иш. Яширин код рақами
К О- 21 11

Энг охирги баҳолаш учун меъзон қилиб олинган асосий учта масала тўғри ечилган. Бу масалалар энг мураккаб усулда ечиб кўрсатилган. Охирги шартдаги мураккаб оксидланиш- қайтарилиш реакциясини тенглаштириш учун 9 та қадамда мақсадга эришилган .


Учинчи иш. Яширин код рақами
К О- 21 07

Энг охирги баҳолаш учун меъзон қилиб олинган асосий учта масала тўғри ечилган. Барча масалалар ...энг содда ва қулай усулда ечилган. Жавобга энг яқин йўлдан борилган ... Охирги шартдаги мураккаб оксидланиш- қайтарилиш реакциясини тенглаштириш учун 4 та қадамда мақсадга эришилган .

Нусрат Ҳамидуллаев бир зум қўлидаги ишга тикилди. Аммо тезда ўзини қўлга олиб ҳайъат аъзоларига мурожаат қилди:

- Эътиборингизга барча ишларни ҳавола қилдим. Улар билан батафсил таништириб ўтдим. Энди навбат яширин овоз беришга : марҳамат !

Ҳайъат аъзолари ўзлари учун бажарган ишлари мақбул деб ҳисоблаган номзодлар учун овоз беришгач , улар орасидаги Зиёдулла Умаров номли донгдор ўқитувчи профессорга юзланди:

- Устоз , мана овоз бериш якунланди . Сир бўлмаса айта оласизми сиз қайси номзодга овоз бердингиз ?!

Нусрат Ҳамидуллаев мийиғида жилмайди:

- Мен ҳамиша ...

/80
Муаллиф ХазонРезги

Бугун сизлар билан оддийгина камҳарж энг асосийси, жудаям маззали егулик тайёрлашни ўрганамиз 🥰

🥔Керакли масаллиқлар:
•Тухум сариғи
•Маргарин
•Картошка
•Кунжут
•Сув, туз
•Ун, сир

Тайёрланиш жараёни видеода👆

👆👆👆👆 аввалги қисмлар

#БЕДОР_ТУЙҒУЛАР

30- ЯКУНИЙ ҚИСМ

оддийлик тарафдори бўлганман. Кимё фани бўйича олимпиадага қатнашган ўқувчиларнинг аксарияти тиббиёт соҳасида ўқишни давом эттириш истагида кимё йўналишни танлайдилар
Аслида масалани энг оддий, содда ва қулай ечимини топиш, уни мураккаб усулда ечишдан кўра анча қийин. Муқобил ечимни излаш, таҳрирлаш , сўнгра осон вариант қолипига тушириш ва шу қабилидаги талай ишларни кетма- кетликда бажариш учун улкан салоҳият , заковат, идрок, ўз вақтида тўғри қарор чиқариш қобилияти керак бўлади. Мен айнан ана шу қобилият эгаси мукофотга сазовор деб ўйлайман ва айнан ундан келажакда етук шифокор чиқади дея баралла айта оламан. Юқоридагиларни инобатга олиб айтадиган бўлсам, кимга овоз берганлигимнинг сирлилиги қолмади , менимча.

- Устоз, сизнинг ҳам шундай ўқувчингиз бўлганми ҳаётда ? Бу ҳаммамиз учун қизиқ?

- Ҳаа албатта , бундай ўқувчиларим кўп бўлган ,ахир уларга ўзим таълим берганман- ку. Аммо саралар ичида ҳам салоҳиятли , машъаладек порлаганлари ҳамиша ажралиб турган.

Профессор Нусрат Ҳамидуллаевнинг шу топда кўнглидан бир ўй кечиб ўтарди "Ҳудди Мадинага ўхшаб ... Мадина... Мадина ... Қаерларда юрган экансан ? Смсларимга ҳам "Мен ҳозир узоқ жойдаман. Кўп ўтмай бориб қоламан , домлажон" деб жавоб қайтаришдан бошқа туззук- қуруқ сўзларни ёзмадинг. Майли , қайда бўлсанг ҳам омон бўл. Сенга жуда муҳтож бўлаётганлигим рост . Кафедрага қайтсанг , елкамдаги оғир юкнинг анчасидан халос қилишинг аниқ . Буни ўзинг ҳам мендан кўра яхшироқ биласан. Бироқ ҳозирча келмаяпсанми , демак шунга етарлича асосли сабабинг борлиги аниқ. Она қизим ,қаерда бўлсанг ҳам соғ бўлгин..."

Профессор шуларни зумда хаёлидан ўтказди- ю , аммо тезда ўзини қўлга олди.

- Энди, овозларни ҳисоблаб ғолибни эълон қилишга тайёргарлик кўраверсак ҳам бўлар а ? Нима дейсизлар ?


* * *

Бу йилги "Сўнгги қўнғироқ" Шўхлисой тарихида бутунлай ўзгача бўлди. Бошқача бўлмасликнинг иложи ҳам йўқ эди. Сабаби бу йил мактаб , нафақат мактаб , балки мўъжазгина қишлоқ тарихида ҳам ажиб воқеа юз берган эди. Қишлоқда жойлашган ягона илм масканининг ўн тўрт нафар битирувчисидан бири бўлган Раҳимова Розия мактабни тамом қилмасидан олий ўқув юрти талабасига айланган эди. У кимё фани бўйича ўтказилган фан олимпиадасининг Республика босқичида фаҳрли биринчи ўринни эгаллаб, кимё йўналишига тааллуқли бўлган исталган олийгоҳда кириш имтиҳонларисиз таҳсилни давом эттириш ҳуқуқини қўлга киритган эди.

Бу хушхабар бутун қишлоқнинг кайфиятини кўтариб юборди. Шу сабаб ўқув йилининг охирги кунида ўтказиладиган "Сўнгги қўнғироқ" тадбирида иштирок этиш учун бутун қишлоқ оёққа турди.

Шу куни мактаб ҳовлисига одам сиғмай кетди. Ҳамма ёқ ранго- ранг шар ва гуллар билан безатилган , ўқувчи ва устозларнинг чеҳрасида ажиб жилва ўйнайди. Туман халқ таълими бўлимидан алоҳида ташриф буюрган вакил- меҳмон Олим Мирбобоев кириш сўзи билан тадбирни очиб берди. У бу йилги ишларни сарҳисоб қилар экан , мактаб маъмурияти ва ўқитувчиларига алоҳида ташаккур изҳор қилди. Республика миқёсида ўтказилган фан олимпиадасининг мутлоқ ғолиби Раҳимова Розия ва унинг устози Азизова Мадинага туман ХТБ мақтов ёрлиғи ва эсдалик совғаларини топширар экан , қарсаклар остида Розиянинг отаси ва онасини даврага чорлаб барчани янада бир бор ҳайратда қолдирди.

Ўринбой ака махалла фаоллари билан бир даврада ўтирган эди. У кутилмаган чорловдан гарангсираб қолди.Юсуф ота билан биргаликда атрофдагиларнинг далдалари ила давра тўрига келган Ўринбой ака ва аёллар даврасидан ўртага чиққан Ҳолисхон опанинг ёнига Олим Мирбобоевнинг ўзи улар билан саломлашгач , чўнтагидан қимматбаҳо соат чиқариб унинг қўлига тақиб қўйди.


ХазонРезги /81

📚 Ibratli Hikoyalar 📚

#БЕДОР_ТУЙҒУЛАР

- Бу соатни туманимиз ҳокимидан деб қабул қилгайсиз . Улар сизга мустаҳкам соғлиқ тилаб , шундай билимли қизни тарбиялаб вояга етказганингиз учун алоҳида раҳмат айтиб юбордилар. Бу эса сизга . Олим ака бу сафар кўкрак чўнтагидан қоғозга ўралган алланимани чиқариб опанинг қўлига тутди. Ҳолисхон опа уялқиниб берилган совғани аста унинг қўлидан олди .

Атрофни гулдурос қарсак овози тутиб кетди. Олим Мирбобоев Ўринбой акага сўз берганда у ҳаяжондан гапира олмай ҳиқиллаб қолди .
Кўз ёшлари юзини ювиб
тушаётган ҳокисор отага қараб барчанинг кўнгли тўлиб кетди. Ҳолисхон опа ҳам "Барчаси учун раҳмат" дейишдан бошқага ўта олмади.

Олим Мирбобоев сўз навбатини бериш учун Мадинани ҳам даврага чорлаганда қарсаклар қайтадан авжга чиқиб кетди.
Мадина "Дилингиздаги гапларни гапиринг , синглим" деб кулимсираб боқиб турган Олим Мирбобоев ва барчага бир - бир қаради- ю "Ўзбекистон Республикасига ҳизмат қиламан" деди тантанавор оҳангда. Мадина бошқа гап гапирмади . У шу жумлаларда кўнглидаги бор туйғуларини тўкиб- солган эди.

Шу пайт кутилмаган ҳодиса юз берди. Бир даста анвойи гулларни қучиб олган Розия синфдошларидан ажралиб чиқиб давра тўрига келди. У Учқун Шавкатовичга бир бор "майлими?" деган маънода назар ташлади-ю , сўнг Олим Мирбобоевга юзланди.

- Агар руҳсат берсангиз ўз дил сўзларимни устозим Мадина Азизовага айтсам.

- Бемалол, қизим , бемалол,- юзлари ёришиб кетди Олим Мирбобоевнинг,- дил сўзларингни шу пайтда айтмасанг яна қачон айтасан ? Бугун сен учун "майлими ?" деган сўз йўқ . Қизим , бугун сен ва синфдошларингнинг куни. Бугун сиз учун фақат "Майли" деган сўз амал қилади. Марҳамат. Устозингга айтмоқчи бўлган сўзларинг биз учун ҳам қадрли. Барчамиз жон қулоғимиз билан эшитамиз .

Розия Олим Мирбобоев тутқазган микрофонни олиб атрофдагиларга юзланди. У ҳаяжонини босишга интилиб оҳиста сўзлай бошлади:

- Ассалому алайкум , қадрли устозлар, азиз меҳмонлар.

Мен ...

Мен бир неча кундан буён мана шу даврада албатта сўзга чиқаман ва кўнглимдагиларни бир бошдан тўкиб - соламан дея ният қилган эдим. Изҳоримга тантановар оҳанг берувчи анча сўзларни излаб топиб, ёдлаган ҳам эдим. Аммо негадир ҳозир бунга ҳожат йўқ деб ўйлаяпман. Нега дейсизми ?

Буюклик - оддийликда !

Бу сўзлар устозимиз Мадина опамнинг сўзлари.

Сўзим аввалида шу манзилга етиб келгунча бир дона бўлса-да харф ўргатган ҳар битта устозларимга бирма- бир раҳмат дейман. Сизларни жуда, жуда , жудаям яхши кўраман ва яхши кўрамиз. Ҳеч қачон бирингизни бирингиздан кам кўрмаганмиз. Ҳозир эса мен ..., тўққиз ойдан буён мен билан деярли бирга яшаган десам хато бўлмайди, Мадина опамга кўпчиликнинг ўртасида алоҳида раҳмат демоқчиман .

Мадина опа ...

Билмадим хозир сизга нима десам ҳам , дунёдаги энг дилбар сўзларни шаънингизга айтиб мақтасам ҳам , кўнглим тўлмайди, сабаби сиз мени шунчалик қарздор қилиб қўйдингиз- ки... Айтишларича , онанинг ўз фарзанди учун бир кеча уйқуси, ҳаловатидан кечиб , оқ сут бериб қараб чиққан ҳаққини тўлашнинг имкони жуда мушкул бўлган масала экан.

Фарзандлар учун бот- бот таъкидланадиган бу гапларни ҳамма ёддан билиши аниқ.

Аммо ...

Ўқувчисига дунёни танитиш , илм бериш учун неча - неча тунларни бедор ўтказган, кундузлари ҳаловатидан кечган, бир эмас, ўнлаб , юзлаб ўқувчилар меҳрини қалбига жо қила олган устозларнинг ҳаққини тўлаш қандай бўлар экан? Умуман айтганда бунинг имкони ва иложи бормикан?

Билмадим...

Бу саволга жавоб топа олганимча йўқ...
Менинг орзуларимдан кўпчиликнинг хабари бор эди. Кимё фанини ҳам айнан шунинг учун чуқур ўргана бошлаган эдим. Мен инсонлар дардига малҳам бўлгувчи шифокор бўлишни орзулаган эдим . Шу сабаб тинмай ўқидим. Албатта бугунги кундаги муваффақиятга эришишимда дастлаб Ойчеҳра устозимизнинг , сўнгра Мадина устозимизнинг ҳизматларини чеки-чегараси йўқ . Энди мен ўзим истаган олийгоҳда ўқиш имкониятини қўлга киритдим. Шифокорлик ўқиши учун бир қадам қолди.

Ҳааа ! ! !

Мен шифокор бўлмоқчиман!

Фақат сал бошқачароқ шифокор ...

Бу қарорга келганимга кўп бўлди.

ХазонРезги / 82

#БЕДОР_ТУЙҒУЛАР

Мен ўзим ҳурмат қилган, ўзим ҳавас қилган ,ўзим андоза олган ...бир инсонга ўхшаб шифокор бўлмоқчиман. У инсон чин инсон, ҳазрати инсон , мен учун ҳаёт мактабини ўтаган ва ўташда давом этаётган дилбар шахс.

Мен ...

Мен қалблар шифокори бўлишга аҳд қилдим. Туйғулар шифокори бўлмоқчиман. Мен худди Мадина опамга ўхшаб ўқитувчи бўлишга қарор қилдим . Худди улар сингари тақдир қаерда насибамни қўшган бўлса, ўша жойларда дардларга дармон бўлмоқчиман. Умид қилишга ҳақли бўлган кўнгилларга орзу гулларини экмоқчиман .

Мен имтиҳонлар тугагач, айнан устозим ўқиган дорулфунунга йўл оламан ва орадан йиллар ўтгач "Розия худди Мадинанинг ўзидек устоз бўлибди-я!" деган эътирофни эшитишни истайман.

Ҳаа !

Устоооз бўлишни истайман!

Сизга айтмоқчи бўлганларим шулар эди.

Розия сўзларини тугатганида ҳам атроф сув қўйгандек жим-жит эди. Розия қўлидаги гулдастани Мадинага узатар экан устозининг кўзларидан икки томчи ёш думалаб тушганини кўриб ўзини тўхтата олмади. У Мадинанинг бағрига ўзини отди :

- Устооооззз ...

* * *

Мадина бугунги кун таассуротларидан ярим кечагача ухлай олмади. У илк бор ўзининг устоз деб тан олинган қишлоқдан кетишини ўйласа юраги симиллаб ачишиб кетар , бир тарафдан ўқувчилар, касбдошлари ва ота - оналарнинг эътирофларини эслаганда эса кўкси фахр - ифтихор туйғуларига тўлиб кетар эди. Ана шундай қарама - қарши ўйлар исканжасида Мадинанинг кўзи тонгга яқин илинди.

У ажойиб туш кўрибди.

Тушида ўзи севиб киядиган оппоқ ҳаррир кўйлагидамиш . У атрофи тоғлар билан ўралган кенг сайҳонликда арғамчи учаётганмиш. Кўзга кўринмас қўллар уни шундай тебратаётган эмиш- ки, арғамчининг ҳар бориб келиши қиз кўнглида ажиб ҳислар уйғотар эмиш .

Узоқ ухламай кўзи уйқудан очилиб кетган Мадина ҳозиргина кўрган тушининг таъсиридан чиқа олмай юраги энтикди.

"Қаршисига бахт пешвоз чиқаётган инсон тушида учади" - бу раҳматли бувисининг сўзлари эди. Мадина бувисини эслаган чоғда онажониси ёдига тушди , уни жуда қўмсаб кетди .

"Ҳадемай кетаман,- дея ўйлади у ,- шу билан Тошкентдан чиқиш йўқ ... Ким билсин , балки онам кейинги кунларда тез - тез тилга олаётган яқин дугоналарининг ўғилларига турмушга чиқарман" .

Мадина "Турмушга чиқиш" деган гап хаёлига келгани заҳоти кўз ўнгига Анис келиб хўрсинди.
Ўшанда дугонаси Комила масалани узил - кесил ҳал қилиб келгандан буён Анис уни бошқа безовта қилмаган эди.

- Анис ака...

Хўрсинди Мадина.

У Анисни жуда қаттиқ соғинганлигини шу топда ҳис қилди . Юраги қаттиқ ўртанди.

Мадина телефонини олиб бир вақтлар Анис билан ёзган ёзишмаларини ўқиб соғинчларига малҳам изламоқчи бўлди. Мадина тармоққа кириб Комила деб очилган иккинчи профилига уланганда Анисдан хабар келганини кўриб кўзлари катта - катта очилди .

Унинг юраги бежо урганча титроқ қўллари билан хабарни очиб ўқий бошлади.

- Салом , яхши қиз. Сиздан бир илтимосим бор . Мактубимни охиригача ўқиб бўлгунингизча уни ўчириб юборманг.

Яхши қиз . Менинг барча гапдан хабарим бор. Нимадан дейсизми ? Сизнинг Коми эмаслигингизни ҳақиқий Комила илк учрашган кунимиз айтиб берди. Ҳайрон бўлаяпсизми ? Чунки у шунга мажбур бўлди, сабаби кўнглим таниган асл Комила бошқа қиз бўлиши кераклигини унга рўйи- рост айтдим.( Мадина бу сатрларни ўқир экан титроғи кучайиб кетди. У "Коми , барча ишни қотирган экансан- ку , яна менга бошқача эртак тўқиганинг нимаси?" дея асабийлашди-ю , мактубни давомини ўқишга тутинди ) . Мен унга яна шуни айтдим- ки , "Ана шу кўнглим Комила ва Мадина аслида битта қиз бўлиши керак , сабаби инсон бир вақтнинг ўзида икки қизга бирдек ошиқ бўлиши мумкин эмас, бу ҳеч қайси мантиқ ва чегарага тўғри келмайди" дедим.
Комила зўр экан. Дугонангизни айтаяпман. Ўз сўзлари билан таърифлайдиган бўлсам "Супер" қиз экан. У менга барчасини бир бошдан гапириб берди. Ҳеч қандай савол- сўроққа ҳожат қолдирмай. ( "Жуда яхши иш қилибди- да" - фиғони фалакка чиқди Мадинанинг "Дўстингдан топ" деганлари шу бўлса керак")

Мадина . Мен барча - барчасини биламан.

ХазонРезги / 83

📚 Ibratli Hikoyalar 📚

​#БЕДОР_ТУЙҒУЛАР

Сиздан фақат битта саволга жавоб беришингизни сўрайман . Фақат биргина ...

Айтинг-чи Мадина :

Қалб шаҳрига қилсам ҳижрат ,
Айт , Мадинам бўласанми?
Мен йиғласам сен ҳам йиғлаб,
Кулганимда куласанми ?

Қуёш каби нуринг сочиб ,
Тафтинг-ла шод қиласанми ?
Тунлар эса шуъла тараб ,
Ҳилолдайин тўласанми?

Адо қилиб соғинчингда ,
Гулдек чамбар иласанми ?
Бегим деган битта сўзинг ,
Менга ҳаёт , биласанми ?

Умрбод бир сени десам,
Сен умрбод қоласанми ?

Сен умрбод қоласанми ?

Мактуб шу ерда тугаган эди.

Мадина оҳиста пичирлади:

- Сен умрбод қоласанми ? ...

Мадина шу сўзларни такрорлар экан хонасининг эшиги оҳиста чертилди.

" Тинчликмикан ?! Тонг энди ота бошлаяпти. Раҳбар аямнинг мазалари бўлмаяптимикан ?"

Мадина шундай хаёллар билан шошилиб эшикка юзланди.

Эшикни очгач эса бирдан ортга тисралди. Остонада дастлаб бир қучоқ гул кўринди. Турфа хил анвойи , митти тоғ гул ва чечаклари. Оқ , пушти , сарғиш , кўк , қизил рангдаги гуллар.

Гулдаста ортидан Аниснинг ўктам чеҳраси кўринди . У қўлидаги гулдастани Мадинага узатар экан унинг кўзларига интизор боқиб шивирлади :

-Қалб шаҳрига қилсам ҳижрат ,
Айт , Мадинам бўласанми? ...


Хонани гулларнинг хуш ифори тутиб кетди...


#ТАМОМ /84

ЭЪТИБОРИНГИЗ УЧУН ТАШАККУР !

Муаллиф: Хазонрезги

Каналга уланиш 👇

Мана азизларим .
Иқтидорли адиба опамиз ХазонРезги -- Гулбаҳор опанинг ижодларидан бўлган
,, БЕДОР ТУЙҒУЛАР ,, асарини ҳам ўқиб якунлаб олдик .
Агар сизга ёққан бўлса ўз фикр мулоҳазаларингизни ёзиб қўярсиз деб умид қиламан .
Зеро хар қандай қўллаб қувватлаш муаллифга кучли мотиватсия бўлади ва янги асарлар ёзилишига сабаб бўлади ....

Муаллиф ва админлар меҳнатига ҳурматингизни билдириб қўйинг !!!

📚 Ibratli Hikoyalar 📚

ОНА СОҒИНЧИ ✍

Кун иссиқ .
Қоқ туш пайти , соат 11:40 дақиқа ўтди .
Она шошиб ишидан кўчага чиқди .

Кўчада 40 даражадан ошиқ иссиқ , ҳамманинг қўлида сув идишлари . Йўналишли таксиларнинг ичи қайнайди . Аёллар елпиғич силкитган , эркаклар тинимсиз терларини рўмолчасига артади . Ҳатто ёшлар хам иссиқда лоҳас бўлиб , телефонига қарагиси келмай ўйчан ташқарига термулиб кетаяпти .

Ўз ўзига жилмайиб , алланечук кўтаринки кайфиятда кетаётган онага буларнинг бирортаси сезилгани йўқ .

У на беҳаловат бўлган йўловчиларнинг нолишларини , на иссиқни ҳис қилгани йўқ .

Онанинг фикри ёди ҳозирги учрашувда .
Соғинчдан энтиккан юраги тезроқ дийдорга етмоқ умидида ҳаприқиб кетаяпти .
Худди манзилидан ўтиб кетадигандек , ҳайдовчига ҳам мурожаат қилиб қўяди ...
--- Укажон ўзи аниқ ҳарбий қисм олдидан ўтасизми .
--- Ўтаман опажон , ўтаман . Аскарни кўргани бораяпсизми , олиб бориб қўяман , - онани хотиржам қилиш учун дилкашлик билан деди ҳайдовчи .
--- Ҳа , ўғлимни кўргани боряпман ,- онанинг овозида фахр туйғуси бор эди .
Манзилига етиб келиб , дарвозага рўпара келди .
Кўпчилик келган , оталар , оналар , бобо , бувилар , ҳатто шу иссиқда катта кичик болалар хам , хизматдаги жигарларини кўриш учун келишган .

Совутгич ишлаб турган салқингина хонадаги стол стулларнинг аксариятида оналар , аёллар ва уларнинг аскар ўғиллари ўтиришибди .
Акалари ҳатто отаси ҳам уларнинг атрофида тик оёқда суҳбатлашишаяпти .

Жой бермоқчи бўлган аскарга ,, ўтир , сан ўтир онангни олдига ,, - дейишади .

Аскар йигитлар энди ёш бола эмас . Оиласида алохида ҳурматга , фахрланишга , мехрга эга катта одам энди улар ...

Ҳамманинг айниқса оналарнинг кўзида соғинч , боласига меҳр қоришиқ хавотир билан боқишади .

Худди боласи оч қолиб кетгандек олиб келган бир дунё егулигини ҳали унисини , ҳали бунисини боласига илиниб тутади ...

Қувончли шовқинга тўлган хонада дийдорлашаётганларга термулиб ўтирган онанинг кўзи кафтлари қадоқ бўлган , анча дағаллашган каттагина қўл билан оҳиста ёпилди .

Ўғли келганини ички туйғу билан сезган она ўғлини қўлини сийпалади .

Бу қўл ўзи чақалоқлигида , болалигида сийпалаб неча бора ўпган юмшоқ , кичгина кафт эмас ....
Бу қўл ватанга , ота онага хизмат қилиб толмайдиган забардаст қўл эди ....

--- Ассалому алайкум онажон , - онасини махкам бағрига босди ўғил .

--- Ваалайкум ассалом , болам яхшимисан ...

Икки ойлик соғинчни йигирма дақиқалик дийдор тўлдирармиди ...

Лекин , шукур ўғлини кўрди . Аҳволи яхши , ўзи хурсанд . Анчагина озиб қолган бўлсада тан жони саломат .

Ўғлини дуолар қилиб , хайрлашган она кўнгли хотиржам уйига қайтди ....

--- Кўнглинг жойига тушдими , - эрининг ҳазил аралаш сўровига тасдиқлаб бош ирғаб қўйди .
Оналарнинг соғинчини тушунишмайдида ....


ШАХЗОДА САТТОРОВА ✍

https://t.me/shahzodangizdan

📚 Ibratli Hikoyalar 📚

#У́ткинчи_дунё


#No_214


#муаллиф_Қосимова_Нодира


—Дада ойимга тил теккизманг, ойим хақида бундай гапларни гапирманг.
Аббос жахл билан гапирди.
—Бу сени онангни боласи эмас, бу фохишани боласи.
Камол бор овози билан гапирди.
—Йўқ, йўқ дадажон ундай деманг ...
Шайдо ерда ўтирганча, йиғлаб гапирди.
—Кўзимга кўринма, онангни олдига ташлаб келаман, ўша билан, фохишалик қилиб юраверасан.
Камол, тескари қараб кетди.
—Ойи дадам нима деяпти?
Аббос, Саодатга қаради.
—Ахамият берма болам. Жахл устида гапираверади..
Саодат нима дейишни билмай қолди.
—Ойижон, мени олиб қолинг. Мен сизни қизингизмана?
Шайдо эмаклаб келиб, Саодатни этагига осилди.
—Нега бундай ишлар қилиб юрибсан қизим?
Қиз бола нарса кечалари кўчада юрадими?
Саодат, Шайдони бағрига олди.
—Қиз болалиги қолмаган буни.
Аббос нафрат билан Шайдога қаради
—Ақлинг жойидами?
Ўз синглингга тухмат қилгани уялмайсанми?
Саодат бақириб юборди Аббосга қараб.
—Ўзидан сўранг, жуда тажрибали қиз бу қиз. Кунда бир нечтасини кўнглини оладиган.
Сиз ва дадам буни дугонасиникида дарс қиляпти деб ўтирибсизлар, кўрдик қандай дарс қилаётганини.
Хуллас, бу уйда ё бу яшайди, ёки мен.
Бу билан бир уйда яшашдан.ор қиламан.
Аббос тез-тез юриб, зинадан тепага чиқиб кетди.


💫💫💫💫


—Келдингизми опажон?
Мунира, палатага олингач Назо болалар билан етиб келишди.
—Ахволингиз яхшими?
Муборак бўлсин, умри билан берган бўлсин.
Назони кўзлари ёшланди
—Сизга хам муборак бўлсин, ўғиллик бўлдингиз.
Мунира болани, Назони қўлига тутди
—Албатта, буни хам ўз боламдек катта қиламан.
Назо болани муаттар хидидан маст бўлиб бағрига босди.
—Ўз болангизда, ўзингиз катта қиласизда.
Мунира жилмайди
—Бу болани сенга бермоқчимиз.
Ботир ортидан келиб, елкасини ушлади
—Нима?
Назо йиғлаб юборди
—Албатта, сизни хам она бўлишга хаққингиз бор. Бу бола сизга, мени ўрнимга шу ерда қоласиз, ҳамширалар ўзлари сизга ёрдамлашади.
Қолаверса уч торт кундан кейин ўзим хам шу ерда бўламан.
Мунира, кўзидаги чуқур қайғуни, кўз ёшни кулгу ортига беркитди
—Ишонгим келмаяпти.
Энди мени хам она дейдиган одам бор..
Назо болани махкам бағрига босди.
—Албатта, лекин битта шарти бор.
Мунира жилмайиб гапирди
—Қандай шарт, хаммасига розиман.
—Ўзингизни болангизни олдида, мени болаларимни эсдан чиқариш йўқ.
Улар хам сизни болаларингиз ёдингизда-я?
—Вой албатта, уларни унутиб бўладими?
Назо хурсандлигидан Мунирани қучиб миннатдорчилик билдирди.

📚 Ibratli Hikoyalar 📚

#У‌ткинчи_дунё


#No_215


#муаллиф_Қосимова_Нодира


—Қаердасан?
Акобир хонага кириб, Муниса йўқлигини билиб қўнғироқ қилди
—Туғруқхонадаман. Опам фарзандлик бўлди.
—Опанг фарзандлик бўлса, сен болани ташлаб яна кечаси юришинг керакми?
—Аламингизни мендан олманг. Онам менга яна опа туғиб бера олмайди, шугина жигарим бор. Шу пайтда ёнида бўлмасам, нима қиламан сингил бўлиб.
Мунисани жахли чиқди
—Сен менга гап қайтаряпсанми?
—Сизга тушунтиряпман.
—Ўн дақиқада ёнимда бўл.
Акобир телефонини диванини устига ўтди.



💫💫💫💫



—Бир икки кун қарашиб юбораман, кейин мен кетаман ўзингиз қарайверасиз.
Мунира қўлида болани эркалаб ўтирган, Назони елкасини силаб қўйди.
—Тўғриси ишонгим келмаяпти, нахотки энди ўзимни болам бор.
Назони кўзларидан ёш тинмас эди.
—Албатта, бу туш эмас. Бу хақиқат энди сизни арслондек ўғлингиз бор. Қаранг сизга ўхшаб хам кетаркан.
Мунира чақалоқни бурничасини ушлаб қўйди.
—Эмизиб берасизми? Қорни очган шекили, ғиншияпти.
—Йўқ, мен эмиза олмайман. Докторлар кашага ўргатиб беришади.
Назо узатган болани, Мунира қўлига олмай Назо томон итарди.
—Нега ахир?
Тайёр сутингиз борку?
—Уйингизга кетсангиз, мени қаердан қидириб юрасиз?
Мунира кулиб қўйди.
—Ундай бўлса мен, докторларни олдига ўғлимни олиб чиқай.
Назо болани кўтариб чиқиб кетди.
—Нега эмизиб қўявермадинг?
Бола катта бўлгунча бирга яшаб тураверардик.
—Йўқ, мехрим қаттиқроқ тушиб қолишидан, кейин опамдан қизғонишдан қўрқдим.
Мунира йиғлаб юборди
—Мени деб ўзингни қийнашинг шарт эмас. Назога бошқа бола асраб берамиз.
—Асло, опамни ноумид қилманг. Бола сизники, уёқда яшади нима?
Буёқда яшади нима?
Мунира кўз ёшларини тезгина артиб, синниқ жилмайди.
—Майли мен Мунисни ташлаб келай. Сен дамингни ол, эртага кечга холатинг яхши бўлса кетамиз.
Ботир Мунирани пешонасидан ўпиб қўйиб чиқиб кетди.
—Оллоҳим, яхшиликни охригача қилишимга ёрдам ва сабр бер.
Мен бу йўлдан қайта олмайман, опамни юз кўзидаги шодликни қайтара олмайман.
Уни хам бахтли бўлишга хаққи бор, албатта унга ишонаман. Болани ўзи тарбияли қилиб катта қилишига.
Мунира ўзига ўзи далда берди.

📚 Ibratli Hikoyalar 📚

#У‌ткинчи_дунё


#No_216


#муаллиф_Қосимова_Нодира


—Ким билан келдинг?
Муниса уйга кириши билан, Аббос кутиб олди.
—Поччам ўзи ташлаб кетди.
Муниса босиқлик билан гапирди.
—Балки яна акангни топиб олгандирсан?
—Нима? Бу нима деганингиз?
—Ха нима кечаси юрган хотинни, яна нима дейиш мумкин?
Аббос, Мунисани олдига келди
—Менга уни гапирманг деганмидим.
Муниса қатъий боқди
—Нима дейишим керак, сени қизғониб жинни бўлай дейман.
—Мен аллакимларга ўхшаган эмасман.
—Нима демоқчисан?
—Хеч нима. Менга умуман гапирманг, қорангизни хам кўришни хохламайман.
Муниса, қизини олдига борди.
—Сен хозир менга гап теккиздинг, Шайдони назарда тутдинг шундайми?
Аббос Мунисани билагидан ушлаб ўзига қаратди
—Ха, ўшани назарда тутдим. Нима қиласиз?
Мунисани гапи тугамай юзига тарсаки тушди
—Ўзингни эркакман деб юрибсанми?
Аёл кишига кучи етган, хотин чалиш.
Муниса, хам Аббосни юзига тарсаки туширди.
Қизини шарта кўтариб, чиқиб кетди.


💫💫💫💫


—Тинчликми қизим?
Бомдод намозига яқинлашиб қолганда, эшикдан кириб келган Мунисани кўриб Содиқни юраги ғашланди
—Тинчлик, сизларни кўргани келдим
Муниса Содиқни қучоқлаб йиғлаб юборди.
—Нур...
Содиқ ичкарига қараб бақирди.
—Лаббай дадаси..
Нур ичкаридан чиқиб келди
—Вой мени қизим келибдику..
—Уйга олиб кир, мен масжидга бориб келай, кейин гаплашамиз.
—Йиғлама қизим. Биласан сени кўз ёшларингни кўтара олмайман.
Мунисани пешонасидан ўпиб қўйди.
—Хўп дегандай бошини қимирлатиб қўйди, Муниса. Нур қўлидаги болани олиб ичкарига олиб кирди.


💫💫💫💫


—Сардор, қачон келасиз бизни ёнимизга?
Розия Сардорга қаўнғироқ қилди.
—Пулинг тугадими? Тугаган бўлса картангга ташлаб қўяман.
—Пулдан мухимроқ туйғулар хам бор. Нима деб ваъда бергансиз?
Сен ўша уйга кўчиб чиқасан, кунда ёнинга бораман деб мени алдаб, битта болани иккита қилиб, ўзингиз бошқасига уйландингиз.
Унисига хам кўнсам, энди умуман келмай қўйдингиз.
—Майда гаплик қилма. Еганинг олдингда, емаганинг кетингда.
Мени нима қиласан?
Пул билан таъминлаб турибман, уни устига дадам бир эмас икки уйни номинга ўтказиб берди.
—Менга керакмас уй жой.
—Ёлғон гапирма хўп хозир мен сен билан бирга яшайман, уйларни бу хотинимни номига ўтказиб берасан келишдикми?
—У болаларимни хаққи.
Ўша пайтда ўзим чиқиб кетаман демаганимда, дадангиз сизни уйламаган бўларди.
—Кўп гапириб юбординг. Хозир картангга пул тушади, вақтим бўлганда бораман.
Сардор телефонни ўчириб қўйди

📚 Ibratli Hikoyalar 📚