#MSone Release - 3236

Wolf Creek 2 (2013)
വൂൾഫ് ക്രീക്ക് 2 (2013)

ഭാഷ: ഇംഗ്ലീഷ്
സംവിധാനം: Greg McLean
പരിഭാഷ: അനൂപ് അനു
പോസ്റ്റർ: രോഹിത്ത് ജി. എസ്
ജോണർ: ഹൊറർ, ത്രില്ലർ

IMDb ⭐️ 6.1/10

2005 ൽ പുറത്തിറങ്ങിയ ‛വൂൾഫ് ക്രീക്ക്‘ എന്ന ഹൊറർ സസ്പെൻസ് ചിത്രത്തിന്റെ രണ്ടാം ഭാഗമാണ് ‛വൂൾഫ് ക്രീക്ക് 2’. ഓസ്‌ട്രേലിയയുടെ ഒരു പ്രാന്ത പ്രദേശത്ത് എത്തുന്ന വിദേശികൾക്ക് ഒരു സീരിയൽ കില്ലെറിൽ നിന്നും നേരിടേണ്ടി വരുന്ന ക്രൂരമായ അനുഭവങ്ങളാണ് ഈ ചിത്രത്തിലുള്ളത്. ഓരോ നിമിഷവും വളരെ മനോഹരമായി ചിത്രീകരിച്ചിട്ടുള്ള ഈ ചിത്രം കാഴ്ചക്കാർക്ക് ഒട്ടും ബോറടിപ്പിക്കാത്ത രീതിയിലാണ് ഒരുക്കിയിട്ടുള്ളത്. ഒരുപാട് ക്രൂരകൃത്യങ്ങൾ ചിത്രത്തിലുള്ളതിനാൽ ദുർബലമനസ്സുള്ളവർ ഈ ചിത്രം കാണരുത്. ഓസ്ട്രേലിയൻ നടന്ന യഥാർത്ഥ സംഭവങ്ങളെ ആസ്പദമാക്കി ചിത്രീകരിച്ച ഈ സിനിമ കാഴ്ചക്കാർക്ക് ഒരു വലിയ അനുഭവം തന്നെയായിരിക്കും.

അഭിപ്രായങ്ങൾ പങ്കുവെക്കാൻ

Categories : #English #Horror #Thriller

#MSone Release - 3237

The Pirates: The Last Royal Treasure (2022)
ദ പൈറേറ്റ്സ്: ദ ലാസ്റ്റ് റോയൽ ട്രഷർ (2022)

ഭാഷ: കൊറിയൻ
സംവിധാനം: Jeong-hoon Kim
പരിഭാഷ: വിഷ്ണു ഷാജി
പോസ്റ്റർ: രോഹിത്ത് ജി. എസ്
ജോണർ: ആക്ഷൻ, അഡ്വഞ്ചർ, കോമഡി

IMDb ⭐️ 6.1/10

ആക്ഷനും കോമഡിയ്ക്കും ഒരു പോലെ പ്രാധാന്യം നൽകി കിം ജോങ്-ഹൂനിന്റെ സംവിധാനത്തിൽ കാങ് ഹാ-ന്ൾ, ഹാൻ ഹ്യൊ-ജ, ലീ ക്വാങ്-സൂ, ക്വോൻ സാങ്-വൂ എന്നിവർ അഭിനയിച്ച് 2022-ൽ പുറത്തിറങ്ങിയ സൗത്ത് കൊറിയൻ അഡ്വെഞ്ചെർ ചിത്രമാണ് “ദ പൈറേറ്റ്സ്: ദ ലാസ്റ്റ് റോയൽ ട്രഷർ“. 2014-ൽ പുറത്തിറങ്ങിയ ദ പൈറേറ്റ്‌സ് എന്ന സിനിമയുടെ സീക്വൽ കൂടിയാണ് ഈ ചിത്രം. പുതിയ കഥയും, കഥാപാത്രങ്ങളുമായി എത്തിയ ഈ ചിത്രത്തിൽ, കടലിൽ ഒരു തുമ്പും അവശേഷിക്കാതെ അപ്രത്യക്ഷമായ രാജനിധിക്കായി തിരയുന്ന കടൽക്കൊള്ളക്കാരുടെ സാഹസികതയെക്കുറിച്ചാണ് സംവിധയാകൻ പറയുന്നത്.

മികച്ച തിരക്കഥയും, അഭിനേതാക്കളുടെ മത്സരിച്ചുള്ള അഭിനയവും, നൂറു ശതമാനം നീതി പുലർത്തിയ CGI യും കൂടിയാകുമ്പോ കൊറിയൻ സിനിമ പ്രേമികൾക്കുള്ള വിരുന്ന് തന്നെയാണ് ഈ ചിത്രം.

റിലീസ് ചെയ്ത് 11-ാം ദിവസമായപ്പോഴേക്കും ഒരു മില്യൺ ആളുകൾ കണ്ട ആദ്യത്തെ കൊറിയൻ ചിത്രമാണ് “ദ പൈറേറ്റ്സ്: ദ ലാസ്റ്റ് റോയൽ ട്രഷർ“.

അഭിപ്രായങ്ങൾ പങ്കുവെക്കാൻ

Categories : #Action #Adventure #Comedy #Korean

ത്യാഗസ്മരണകൾക്ക് മുന്നിൽ പ്രണാമം അർപ്പിച്ചുകൊണ്ട് എല്ലാ എംസോണീയർക്കും സ്വാതന്ത്ര്യത്തിൻ്റെ 77 മത് വാർഷിക ദിനാശംസകൾ.... 🇮🇳

#MSone Release - 3238

Prison Break: The Final Break (2009)
പ്രിസൺ ബ്രേക്ക്: ദ ഫൈനൽ ബ്രേക്ക് (2009)

ഭാഷ: ഇംഗ്ലീഷ്
സംവിധാനം: Kevin Hooks & Brad Turner
പരിഭാഷ: ജിതിൻ ജേക്കബ് കോശി
പോസ്റ്റർ: പ്രവീൺ അടൂർ
ജോണർ: ആക്ഷൻ, ക്രൈം, ത്രില്ലർ

IMDb ⭐️ 7.8/10

കമ്പനിയുമായുള്ള യുദ്ധം കഴിഞ്ഞു. ശാന്തമായ കടൽത്തീരത്ത് തങ്ങളുടെ ജീവിതത്തിന്റെ പുതിയ അധ്യായത്തിന് തുടക്കം കുറിക്കുകയായിരുന്നു മൈക്കിളും സാറയും. പോർട്ടോ റിക്കൻ സംഗീതവും നൃത്തവും അവരുടെ വിവാഹവിരുന്നിന് കൊഴുപ്പേകി കൊണ്ടിരിക്കവേ, പെട്ടെന്നാണ് പൊലീസ് വാഹനങ്ങൾ അവിടേക്ക് പാഞ്ഞെത്തിയത്. സാറയെ കൊലക്കുറ്റത്തിന് അവർ അറസ്റ്റ് ചെയ്യുന്നു. എന്നിട്ട് യാതൊരു വിചാരണയും കൂടാതെ അവളെ മയാമിയിലെ പ്രിസണിലേക്ക് അയക്കുന്നു.

പക്ഷേ അവിടെ സാറയെ കാത്തിരുന്നത്, ആ സഹോദരന്മാർ മുൻപോരാട്ടങ്ങളിൽ ഇരുമ്പഴിക്കുള്ളിലാക്കിയ മൂന്ന് കൊടിയ ശത്രുക്കളാണ്. അവരിൽ നിന്ന് സാറയെയും അവളുടെ ഉള്ളിൽ നാമ്പിട്ട ജീവനെയും രക്ഷിച്ചെടുക്കാൻ മൈക്കിളിലും ലിങ്കണും കടശ്ശിക്കളിക്ക് ഒരുങ്ങുന്നു. അതാണ് ദ ഫൈനൽ ബ്രേക്ക്. ഇത്തവണത്തെ അവരുടെ എതിരാളികൾ, മൈക്കിളിൽനിന്ന് പല വട്ടമേറ്റ അഭിമാനക്ഷതത്തിന്റെ കണക്ക് തീർക്കാൻ ഇറങ്ങിത്തിരിക്കുന്ന അമേരിക്കന്‍ നിയമവ്യവസ്ഥ തന്നെയാണ്!

നിയമത്തിന്റെ ഊരാക്കുടുക്ക് കൊണ്ട് തങ്ങളെ ശ്വാസം മുട്ടിക്കാൻ നോക്കുന്നവർക്ക് ഒരിക്കലും സ്വപ്നം കാണാൻ പോലും പറ്റാത്ത കളി കളിക്കാൻ സ്കോഫീൽഡും ബറോസും ഇത്തവണ മയാമി-ഡേഡ് പ്രിസണിലേക്ക്… ബാക്കി കണ്ടുതന്നെ അറിയൂ.

ഈ സിനിമ കാണുന്നതിന് മുമ്പ് കാണേണ്ടവ

പ്രിസൺ ബ്രേക്ക്: സീസൺ: 1 (2005)
പ്രിസൺ ബ്രേക്ക്: സീസൺ 2 (2006)
പ്രിസൺ ബ്രേക്ക് – സീസൺ 3 (2007)
പ്രിസൺ ബ്രേക്ക് സീസൺ 4 (2008)

അഭിപ്രായങ്ങൾ പങ്കുവെക്കാൻ

Categories : #Action #Drama #English #Thriller

#MSone Release - 2020

The Last Executioner (2014)
ദ ലാസ്റ്റ് എക്‌സിക്യൂഷനർ (2014)

ഭാഷ: തായ്
സംവിധാനം: Tom Waller
പരിഭാഷ: ഷിഹാസ് പരുത്തിവിള
പോസ്റ്റർ: നിഖിൽ ഇ കൈതേരി
ജോണർ: ബയോഗ്രഫി, ക്രൈം, ഡ്രാമ

IMDb ⭐️ 6.4/10

ഈ സിനിമയുടെ പേര് ആദ്യമായി കാണുമ്പോള്‍ നമ്മുടെ ചിന്തയിലേക്ക് വരുന്ന ചില ചിത്രങ്ങളുണ്ട്. മരണത്തിന്റെ മുന്നിൽ വിറങ്ങലിച്ചു നിൽക്കുന്ന കുറ്റവാളിയുടെയും നിർവികാരതയോടെ ജീവനെടുക്കുന്ന ആരാച്ചാരുടെയും മുഖങ്ങള്‍. അസഹനീയവും അസ്വസ്ഥജനകവുമായ നിലവിളികൾക്കിടയിൽ നീതി നടത്തിപ്പിന്റെ ചുമതലകളെ ആശ്ലേഷിക്കേണ്ടിവരുന്നവരുടെ മനസ്സിലേക്ക് നമ്മൾ ഇറങ്ങിച്ചെല്ലാറുമില്ല. തായ്‌ലൻഡ് എന്ന രാജ്യത്തിൻറെ ചരിത്രത്തിലെ വധശിക്ഷ നടപ്പാക്കുന്ന FIRING EXECUTION SQUAD-ലെ അവസാനത്തെ ആരാച്ചാരായിരുന്ന CHAVORET JARUBOON-ന്റെ ജീവിതത്തെ അടിസ്ഥാനമാക്കിയുള്ള സിനിമയാണ് ദ ലാസ്റ്റ് എക്‌സിക്യൂഷനർ.

കൈയിൽ ഗിറ്റാറുമായ് നിൽക്കുന്ന ഗായകനിൽ നിന്ന് വിരലുകളാൽ മരണത്തിന്റെ സംഗീതം പൊഴിക്കാവുന്ന തോക്കുമായി ചരിത്രത്തിലേക്ക് നടന്നു കയറിയ CHAVORET JARUBOON-ന്റെ ജീവിതത്തിലെ സംഭവവികാസങ്ങളാണ് ഈ സിനിമ. “താങ്കൾ വധശിക്ഷ നടപ്പാക്കിയവരിൽ ആരെങ്കിലും നിരപരാധികളായിരുന്നെങ്കിൽ എന്ന് ചിന്തിച്ചിട്ടുണ്ടോ?” എന്ന ചോദ്യത്തിന്, “ഞാൻ നിൽക്കുന്നത് വെള്ളച്ചാട്ടത്തിന്റെ അവസാനത്തിലാണ്, ആദ്യഭാഗത്തല്ല” എന്ന മറുപടി വലിയൊരു ചോദ്യത്തിലേക്കാണ് വിരല്‍ ചൂണ്ടുന്നത്.

ദ ലാസ്റ്റ് എക്‌സിക്യൂഷനർ തീർച്ചയായും ഒരു ആരാച്ചാരുടെ കഥയാണ്. പക്ഷെ, അയാൾ അതുമാത്രമായിരുന്നില്ല എന്ന് പറയാൻ ശ്രമിക്കുന്നതിലൂടെയാണ് ഈ സിനിമ വ്യത്യസ്തമാകുന്നത്.

കടപ്പാട്: Shaheer Cholassery

അഭിപ്രായങ്ങൾ പങ്കുവെക്കാൻ

Categories : #Biography #Crime #Drama #Thai

#MSone Release - 3239

Cold Prey 2 (2008)
കോൾഡ് പ്രേ 2 (2008)

ഭാഷ: നോർവീജിയൻ
സംവിധാനം: Mats Stenberg
പരിഭാഷ: ആൽവിൻ ക്രിസ് ആന്റണി & അനന്ദു പ്രസാദ്
പോസ്റ്റർ: ഉണ്ണി ജയേഷ്
ജോണർ: ഹൊറർ, ത്രില്ലർ

IMDb ⭐️ 6.1/10

2006-ൽ പുറത്തിറങ്ങിയ നോർവീജിയൻ ഹൊറർ മൂവിയാണ് “കോൾഡ് പ്രേ”യുടെ രണ്ടാം ഭാഗം മാറ്റ്സ് സ്റ്റൻബെർഗ് ആണ് സംവിധാനം ചെയ്തത്. 2008-ഇൽ പുറത്തുവന്ന ഈ ചിത്രം മികച്ച അഭിപ്രായവും കളക്ഷനും നേടുകയും ചെയ്തു.

മലയടിവാരത്തെ ഹോസ്പിറ്റലിലേക്ക് മരണാസന്നയായ ഒരാൾ എത്തുന്നു. അയാൾ വെളിപ്പെടുത്തിയ കാര്യങ്ങൾ ഭയത്തോടും സംശയത്തോടുമാണ് ഡോക്ടർമാരും പോലീസുകാരും കേട്ടത്. അവരുടെ ഭയം യാഥാർത്ഥ്യമാവുന്നതായിരുന്നു പിന്നീട് നാം കണ്ടത്. ആദ്യഭാഗത്തേക്കാൾ മികച്ചത് എന്ന് പേരുകേട്ട ഈ ചിത്രം സ്ലാഷർ-ഹൊറർ ചിത്രങ്ങൾ ഇഷ്ടപ്പെടുന്നവർക്ക് ഒരു വിരുന്നാണ്.

അഭിപ്രായങ്ങൾ പങ്കുവെക്കാൻ

Categories : #Horror #Norwegian #Thriller

Special Marriage Act പ്രകാരം വിവാഹിതരായ, എംസോണിൻ്റെ അഡ്മിനും വെബ്സൈറ്റ് വിഭാഗം മേധാവിയുമായ (😜) ശ്രീ മുജീബ് അവർകൾക്കും സഖി, ശരണ്യക്കും എംസോൺ ടീമിൻ്റെ സ്പെഷ്യൽ വിവാഹ മംഗളാശംസകൾ..... 🥰

#MSone Release - 1725

A History of Violence (2005)
എ ഹിസ്റ്ററി ഓഫ് വയലന്‍സ് (2005)

ഭാഷ: ഇംഗ്ലീഷ്
സംവിധാനം: David Cronenberg
പരിഭാഷ: വിഷ് ആസാദ്
പോസ്റ്റർ: ഉണ്ണി ജയേഷ്
ജോണർ: ആക്ഷൻ, ക്രൈം, ഡ്രാമ

IMDb ⭐️ 7.4/10

1997-ല്‍ പുറത്തിറങ്ങിയ ഇതേ പേരിലുള്ള ഗ്രാഫിക് നോവലിനെ അടിസ്ഥാനമാക്കി ഡേവിഡ് ക്രോണന്‍ബര്‍ഗ് സംവിധാനം ചെയ്ത് 2005ല്‍ പുറത്തിറങ്ങിയ ഹോളിവുഡ് ചിത്രമാണ് “എ ഹിസ്റ്ററി ഓഫ് വയലന്‍സ്“.

ഇന്ത്യാനയിലെ മിൽബ്രൂക്ക് എന്ന ചെറുപട്ടണത്തിൽ മകനും മകള്‍ക്കും അഭിഭാഷകയും സ്നേഹനിധിയുമായ ഭാര്യ ഈഡിക്കുമൊപ്പം സന്തോഷമായി ജീവിക്കുകയാണ് ടോം സ്റ്റാള്‍ എന്ന പാവത്താന്‍. പുള്ളിക്ക് മില്‍ബ്രൂക്കില്‍ ഒരു റസ്റ്റോറന്റുണ്ട്. ഒരു രാത്രി മോഷണത്തിനായി അവിടെയെത്തുന്ന രണ്ട് ക്രിമിനലുകള്‍ ജോലിക്കാരിയെ ഉപദ്രവിക്കാന്‍ ശ്രമിക്കുമ്പോള്‍ ടോം തടയുന്നു, തുടര്‍ന്നു നടന്ന സംഘട്ടനത്തില്‍ അവര്‍ കൊല്ലപ്പെടുന്നു. അതോടെ ടോം അമേരിക്ക മുഴുവന്‍ അറിയപ്പെടുന്നൊരു ഹീറോയായി മാറുന്നു. മാധ്യമങ്ങളില്‍ നിന്ന് ടോമിനെക്കുറിച്ചറിയുന്ന ചിലര്‍, അവനെത്തേടി മില്‍ബ്രൂക്കിലേക്ക് വരുന്നു. അത് അയാളുടെ ജീവിതം തന്നെ മാറ്റി മറിയ്ക്കുന്നു.

പതിഞ്ഞ താളത്തില്‍ പോകുന്നൊരു ആക്ഷന്‍ ഡ്രാമയാണ് ഈ ചിത്രം. മാസ്സ് ആക്ഷനേക്കാള്‍ കഥാപാത്രങ്ങളുടെ ഇമോഷനുകള്‍ക്ക് പ്രാധാന്യം കൊടുത്തിട്ടുള്ള ഈ ചിത്രത്തിന്റെ പ്രമേയം പിന്നീട് വന്ന ഒരുപാട് ചിത്രങ്ങള്‍ക്ക് പ്രചോദനമായിട്ടുണ്ട്. ടോം സ്റ്റാളിനെ അവതരിപ്പിച്ച വിഗ്ഗോ മോര്‍ടെന്‍സനിന്റെ പ്രകടനം ശ്രദ്ധേയമാണ്. സ്ലോ പേസ്ഡ് ക്രൈം ഡ്രാമകള്‍ ഇഷ്ടപ്പെടുന്നവര്‍ക്ക് പരിഗണിക്കാവുന്ന ചിത്രമാണിത്.

NB: ചിത്രത്തില്‍ അഡള്‍ട്ട് കണ്ടന്റുണ്ട്

അഭിപ്രായങ്ങൾ പങ്കുവെക്കാൻ

Categories : #Action #Crime #Drama #English

#MSone Release - 3240

Demon Slayer Season 03 (2023)
ഡീമൺ സ്ലേയർ സീസൺ 03 (2023)

ഭാഷ: ജാപ്പനീസ്
സംവിധാനം: Haruo Sotozaki
പരിഭാഷ: എല്‍വിന്‍ ജോണ്‍ പോള്‍
പോസ്റ്റർ: ഉണ്ണി ജയേഷ്
ജോണർ: ആക്ഷൻ, അഡ്വഞ്ചർ, അനിമേഷന്‍

IMDb ⭐️ 8.6/10

കൊയോഹാരു ഗോട്ടോകെയുടെ അതേ പേരില്ലുള്ള മാങ്ക സീരീസിനെ ആസ്പദമാക്കി നിർമ്മിച്ച അനിമെ സീരീസാണ് ഡീമൺ സ്ലേയർ.

1920കളിലെ ജപ്പാനിലെ ഒരു പട്ടണത്തോട് ചേര്‍ന്ന മലയില്‍ വസിക്കുന്നവരാണ് തന്‍ജിറോയും കുടുംബവും. ഒരു ദിവസം പട്ടണത്തില്‍ പോയി തിരിച്ചു വരുമ്പോള്‍ തന്‍ജിറോ കാണുന്നത് തന്റെ കുടുംബത്തെ മുഴുവന്‍ രക്ഷസ്സുകള്‍ കൊന്നിട്ടിരിക്കുന്ന കാഴ്ചയാണ്. തന്റെ ഇളയ സഹോദരിയായ നെസുകോ മാത്രമേ ജീവനോടെയുള്ളൂ. അവളാണേല്‍ ഒരു രക്ഷസ്സായി മാറിയിരിക്കുന്നു. തന്റെ കുടുംബത്തെ കൊന്ന രക്ഷസ്സുകളോട് പ്രതികാരം ചെയ്യാനായിട്ടും തന്റെ അനിയത്തിയെ തിരിച്ച് ഒരു മനുഷ്യസ്ത്രീയാക്കാനും വേണ്ടി അവന്‍ രക്ഷസ്സ് വേട്ട സംഘത്തില്‍ ചേരാന്‍ തീരുമാനിക്കുന്നു. അതിനായി ഉള്ള പരിശീലനങ്ങള്‍ അവന്‍ നടത്തുന്നു.

ഒരു മാങ്ക, അനിമേ സീരീസിലെ ഒരേ കഥാസന്ദര്‍ഭത്തെ ചുറ്റി പറ്റിയുള്ള അദ്ധ്യായങ്ങള്‍, എപ്പിസോഡുകളെ കോര്‍ത്തിണക്കി ഒരു ആര്‍ക്ക് എന്ന് വിളിക്കും. ഡീമൺ സ്ലേയർ സീസൺ മൂന്നില്‍ ആകെയുള്ളത് സോഡ്‌ സ്മിത്ത് വില്ലേജ് ആര്‍ക്കാണ്.

കഴിഞ്ഞ സീസണിലെ പോരാട്ടത്തില്‍ തന്‍ജിറോ തന്റെ വാള്‍ വീണ്ടും നശിപ്പിച്ച കൊണ്ട് അവനിനി വാള്‍ ഉണ്ടാക്കി കൊടുക്കില്ലെന്ന് കൊല്ലാനായ ഹഗാനെസുക തന്‍ജിറോക്ക് കത്തെഴുതുന്നു. ഹഗാനെസുകയെ നേരിട്ട് കണ്ട് പ്രശ്നം പരിഹരിക്കാന്‍ തീരുമാനിച്ച തന്‍ജിറോ അങ്ങനെ കൊല്ലന്മാരുടെ ഗ്രാമത്തില്‍ എത്തുന്നു. അതേ സമയത്ത് അവിടെ എത്തുന്ന രക്ഷസ്സുകളെ തന്‍ജിറോയും കൂട്ടരും ചേര്‍ന്ന് നേരിടേണ്ടി വരുന്നതാണ് ഈ സീസണിന്റെ ഇതിവൃത്തം.

ശ്രദ്ധിക്കുക: ചില സ്ട്രീമിംഗ് സൈറ്റുകള്‍ സീസണ്‍ രണ്ടിന്റെ രണ്ട് ഭാഗങ്ങളെ രണ്ട് വ്യത്യസ്ത സീസണുകളായി ലിസ്റ്റ് ചെയ്ത സ്ഥിതിക്ക് സീസണ്‍ 3 യെ അവര്‍ സീസണ്‍ 4 എന്നാണ് ലിസ്റ്റ് ചെയ്തിരിക്കുന്നത്.

NB: ആദ്യ സീസണിന്റെ സബ് ഫയലുകള്‍ ഡൗൺലോഡ് ചെയ്യുമ്പോള്‍ കൂടെ കിട്ടിയ ഫോണ്ട് ഫയലുകളും അതിന്റെ കൂടെയുള്ള readme pdf ഫയലിലെ നിര്‍ദ്ദേശങ്ങളും ഉപയോഗിക്കുക.

അഭിപ്രായങ്ങൾ പങ്കുവെക്കാൻ

Categories : #Action #Adventure #Animation #Japanese #Web_Series

#MSone Release - 3241

To End All War: Oppenheimer & the Atomic Bomb (2023)
ടു എൻഡ് ഓൾ വാർ: ഓപ്പൻഹൈമർ & ദി അറ്റോമിക് ബോംബ് (2023)

ഭാഷ: ഇംഗ്ലീഷ്
സംവിധാനം: Christopher Cassel
പരിഭാഷ: അർജുൻ ശിവദാസ്
പോസ്റ്റർ: ഉണ്ണി ജയേഷ്
ജോണർ: ഡോക്യുമെന്ററി

IMDb ⭐️7.5/10

“ഞാൻ ശക്തനായ കാലമാണ്, ലോകങ്ങളെ നശിപ്പിക്കാൻ പുറപ്പെടുന്ന നാശത്തിന്റെ ഉറവിടം.”

ഭഗവത്ഗീത; വിശ്വരൂപദർശനയോഗം (32)

ആറ്റം ബോംബിന്റെ പിതാവ് എന്നറിയപ്പെടുന്ന ലോകം കണ്ട മികച്ച ഭൗതികശാസ്ത്രജ്ഞരിൽ ഒരാളായ ജൂലിയസ് റോബർട്ട്‌ ഓപ്പൻഹൈമർ അദ്ദേഹത്തിന്റെ ഏറ്റവും വലിയ കണ്ടുപിടുത്തത്തെ വിവരിക്കാൻ കടമെടുത്ത വരികളാണ് ഇത്.
ഓപ്പൺഹൈമറുടെ ജീവിതത്തിൽ സംഭവിച്ച പ്രധാന കാര്യങ്ങളെ അവലോകനം ചെയ്യുന്ന ഈ വർഷം റിലീസായ ഡോക്യുമെന്ററിയാണ് ടു എൻഡ് ഓൾ വാർ: ഓപ്പൻഹൈമർ & ദി അറ്റോമിക് ബോംബ്. നോളൻ സംവിധാനം ചെയ്ത ഓപ്പൻഹൈമർ എന്ന ചിത്രം കണ്ടവർക്ക് സംശയദൂരീകരണത്തിനായും, കാണാൻ പോകുന്നവർക്ക് കഥയെ അറിഞ്ഞ് മികച്ച രീതിയിൽ സിനിമ ആസ്വദിക്കാനും വളരെ സഹായകരമാകുന്ന ഒന്നാണ് ഈ ഡോക്യുമെന്ററി.

ഓപ്പൻഹൈമറെ കുറിച്ച് അക്കാലത്ത് വന്ന വാർത്തകൾ, അദ്ദേഹം കൊടുത്ത ഇന്റർവ്യൂകൾ, ബോംബ് സ്ഫോടനത്തെ അതിജീവിച്ചവരുടെ വെളിപ്പെടുത്തലുകൾ, മാധ്യമ ശാസ്ത്ര സാങ്കേതിക രംഗത്ത് പ്രശസ്തിയാർജ്ജിച്ച പലരുടെയും അഭിപ്രായങ്ങളും കണ്ടെത്തലുകളും എല്ലാം ഒരുമിച്ച് ചേർത്ത ഈ ഡോക്യൂമെന്ററി ഒന്നര മണിക്കൂർ സമയം കൊണ്ട് അന്നത്തെ പ്രധാന സംഭവവികാസങ്ങളുടെ ഒരു നേർചിത്രം വരച്ചിടുന്നുണ്ട്. തീർച്ചയായും എല്ലാവരും കണ്ടിരിക്കേണ്ട ഒരു വർക്ക്‌ എന്ന് തന്നെ പറയാം.

അഭിപ്രായങ്ങൾ പങ്കുവെക്കാൻ

Categories : #Documentary #English

ഏവർക്കും സമ്പൽസമൃദ്ധിയുടെ എംസോണാശംസകൾ...🌼🌼🌺🌸🌼🌼🌺

#MSone Release - 3242

Soulmate (2023)
സോൾമേറ്റ് (2023)

ഭാഷ: കൊറിയൻ
സംവിധാനം: Young-Keun Min
പരിഭാഷ: സജിത്ത് ടി. എസ്
പോസ്റ്റർ: നിഖിൽ ഇ കൈതേരി
ജോണർ: ഡ്രാമ, റൊമാൻസ്

IMDb ⭐️ 7.4/10

ഒരു ആത്മാർത്ഥ സുഹൃത്ത് ഉണ്ടാവുക എന്നത് വലിയൊരു അനുഗ്രഹമാണ്. എന്തും തുറന്ന് പറയാനും എന്തിനും കൂടെ നിക്കുന്ന ഒരു സുഹൃത്ത്. ഇതുപോലെ 2 പെൺകുട്ടികൾ തമ്മിലുള്ള സൗഹൃദത്തിന്റെ കഥയാണ് 2023-ൽ Min Yong-Geun ന്റെ സംവിധാനത്തിൽ പുറത്തിറങ്ങിയ സോൾമേറ്റിലൂടെ പറയുന്നത്.

ഒരു Art Museum നടത്തിയ മത്സരത്തിൽ വിജയിച്ച ചിത്രം വരച്ച ഹാ-ഉനിനെ കണ്ടെത്താ‌നാണ് ചിത്രത്തിന്റെ മോഡലായ മി-സൊയെ ഗ്യാലറിയിലേക്ക് വിളിപ്പിക്കുന്നത്. തനിക്ക് അവളെ അധികം അറിയില്ലെന്ന് പറഞ്ഞ് മി-സൊ ഒഴിഞ്ഞു മാറാൻ ശ്രമിക്കുന്നു. എന്നാൽ, അവരെ രണ്ട് പേരെയും കുറിച്ച് ഹാ-ഉൻ എഴുതിയ ഒരു ബ്ലോഗ് താൻ കണ്ടെന്നും പറഞ്ഞ് Curator അവർക്ക് ബ്ലോഗിന്റെ പ്രിന്റ് കൊടുക്കുന്നു. വീട്ടിലെത്തിയ മി-സൊ ആ ബ്ലോഗ് വായിക്കുന്നു.

വർഷം 2003. ടീച്ചർ ക്ലാസ്സെടുത്ത് കൊണ്ടിരിക്കുന്നതിന്റെ ഇടയിലാണ് ഒരു ട്രാൻസ്ഫർ സ്റ്റുഡന്റായ മി-സൊ വരുന്നത്. ക്ലാസ്സിനിടയിൽ ഇറങ്ങി ഓടിയ മി-സൊയെ, ഹാ-ഉൻ കണ്ടെത്തി ബാഗ് കൊടുക്കുന്നു. അവർ തമ്മിൽ വലിയൊരു സൗഹൃദം അവിടെ ഉടലെടുക്കുന്നു. പിന്നീട് അവർ തമ്മിലുള്ള സൗഹൃദത്തിന്റെയും ഇണക്കങ്ങളുടെയും പിണക്കങ്ങളുടെയും ആത്മബന്ധത്തിന്റെയും കഥയാണ് ചിത്രത്തിലൂടെ പറയുന്നത്.

2016-ൽ ഇതേ പേരിൽ പുറത്തിറങ്ങിയ ചൈനീസ് ചിത്രത്തിന്റെ റീമേക്ക് ആണിത്.
Kim Da-mi, Jeon So-nee, Byeon Woo-seok എന്നിവരാണ് പ്രധാന കഥാപാത്രങ്ങളായി എത്തുന്നത്.

അഭിപ്രായങ്ങൾ പങ്കുവെക്കാൻ

Categories : #Drama #Korean #Romance