Msone Official
132K subscribers
4.22K photos
147 videos
4.09K links
Download Telegram
Msone Official
Photo
#MSone Release - 2809

Free Guy (2021)
ഫ്രീ ഗൈ (2021)

ഭാഷ : ഇംഗ്ലീഷ്
സംവിധാനം : Shawn Levy
പരിഭാഷ : ഫ്രെഡി ഫ്രാന്‍സിസ്
പോസ്റ്റർ : ഉണ്ണി ജയേഷ്

IMDb ⭐️7.3/10

ചുറ്റിനും അനേകം ഹീറോകൾ നിറഞ്ഞ ഒരു ലോകത്തും ഒരു സാധാരണക്കാരനായി, ഓരോ ദിവസങ്ങളും അക്ഷരാര്‍ത്ഥത്തില്‍ മുന്‍പത്തെ ദിവസങ്ങളുടെ ആവര്‍ത്തനമായ, വിരസമായ ജീവിതം നയിക്കുന്ന ഗൈ എന്ന ബാങ്ക് ജീവനക്കാരന്‍ ഒരു ദിവസം യാദൃശ്ചികമായി തന്റെ സ്വപ്നസുന്ദരിയെ കാണുന്നു. അവളെ ഇമ്പ്രസ്സ് ചെയ്യാനുള്ള പരിശ്രമത്തിനിടെ സാഹസികതകളിലൂടെ അവനും ഒരു ഹീറോ ആയിമാറുന്നുവെങ്കിലും തന്റെ ലോകം ഒരു വീഡിയോ ഗെയിം മാത്രമാണെന്നും, കളിക്കുന്നവർക്ക് നിയന്ത്രിക്കാനാവാത്ത, ഒരു പശ്ചാത്തല കഥാപാത്രമായ നോൺ പ്ലേയബിൾ ക്യാരക്ടർ (NPC) മാത്രമാണ് താനെന്നും തിരിച്ചറിയുന്നു. തുടർന്നുള്ള സംഭവവികാസങ്ങളാണ് വിസ്മയിപ്പിക്കുന്ന ഗ്രാഫിക്സുകളുടെ മേമ്പൊടിയോടെ സംവിധായകന്‍ പ്രേക്ഷകര്‍ക്കായി ഒരുക്കിയിരിക്കുന്നത്. വീഡിയോ ഗെയിമുകള്‍ പുറത്തുനിന്നു മാത്രം കളിച്ചു പരിചയമുള്ള നമുക്ക് അതിനുള്ളില്‍ ജീവിക്കുന്ന വ്യത്യസ്തമായ അനുഭവമാണ് ഈ സിനിമ നല്‍കുന്നത്.

അഭിപ്രായങ്ങൾ പങ്കുവെക്കാൻ

Categories : #Action #Adventure #Comedy #English
👍15❤4😱1🎉1
❤2👍1
Msone Official
Photo
#MSone Release - 2810

Belle and Sebastian: The Adventure Continues (2015)
ബെൽ ആൻഡ് സെബാസ്റ്റ്യൻ, ദി അഡ്വെഞ്ചർ കണ്ടിന്യൂസ് (2015)

ഭാഷ : ഫ്രഞ്ച്
സംവിധാനം : Christian Duguay
പരിഭാഷ : ഷൈജു എസ്
പോസ്റ്റർ : ഷൈജു എസ്
ജോണർ : അഡ്വെഞ്ചർ, ഡ്രാമ, ഫാമിലി

IMDb ⭐️6.6/10

2013ൽ പുറത്തിറങ്ങിയ ബെൽ ആൻഡ് സെബാസ്റ്റ്യൻ എന്ന ഫ്രഞ്ച് ചിത്രത്തിന്റെ രണ്ടാം ഭാഗമാണ് Christian Duguay സംവിധാനം ചെയ്ത ബെൽ ആൻഡ് സെബാസ്റ്റ്യൻ: ദി അഡ്വെഞ്ചർ കണ്ടിന്യൂസ് (Belle et Sébastien, l’aventure continue).

സെബാസ്റ്റ്യന്റെ ആന്റി, ആഞ്ചെലീന ഇംഗ്ലണ്ടിലേക്ക് പോവാൻ തീരുമാനിക്കുന്നതും ഫ്രാൻസ്-സ്വിട്സർലാൻഡ് അതിർത്തിയിൽ വെച്ച് അവർ യാത്ര പറഞ്ഞ് പിരിയുന്നതോടെയുമായിരുന്നു ആദ്യ ഭാഗം അവസാനിച്ചത്. ഇപ്പോൾ വർഷം രണ്ടു കഴിഞ്ഞിരിക്കുന്നു. രണ്ടാം ലോകമഹായുദ്ധം അവസാനിച്ചു. ആഞ്ചലീന തിരികെ വരികയാണെന്ന കത്ത് അയച്ചിട്ടുണ്ട്. സെബാസ്റ്റ്യനും സിസാറും അവളുടെ വരവിനായി കാത്തിരിക്കുകയാണ്, കൂടെ ബെലും. എന്നാൽ ഇറ്റാലിയൻ അതിർത്തിയിൽ വെച്ച് ആഞ്ചലീനയുടെ വിമാനം തകർന്നു വീഴുന്നു. തത്ഫലമായുമുണ്ടാവുന്ന കാട്ടുതീയും രക്ഷാപ്രവർത്തനങ്ങൾക്ക് തടസ്സം സൃഷ്ടിക്കുന്നു. ആരും രക്ഷപ്പെട്ടിട്ടില്ലെന്ന ഔദ്യോഗിക വിശദീകരണം വിശ്വസിക്കാൻ പക്ഷേ സിസാർ തയ്യാറല്ലാരുന്നു. ആഞ്ചലീന ജീവനോടുണ്ടെന്ന ഉറച്ച വിശ്വാസം താനൊരിക്കലും നേരിൽ കാണാനാഗ്രഹിക്കാത്ത ഒരുവന്റെ സഹായം തേടാൻ അദ്ദേഹത്തെ നിർബന്ധിതനാക്കുന്നു. സ്വന്തമായി വിമാനമുള്ളൊരു പൈലറ്റായ പിയർ മാർസൂ. അത് മറ്റാരുമായിരുന്നില്ല, സെബാസ്റ്റ്യന്റെ സ്വന്തം അച്ഛനായിരുന്നു. പ്രസവത്തോടെ മരിച്ചു പോയ സെബാസ്റ്റ്യന്റെ അമ്മ മരിക്കും മുന്നെ അവന്റെ കഴുത്തിലണിയിച്ച മാലയുടെ ലോക്കറ്റിൽ കൊത്തി വെച്ചിരുന്ന പേരിൽ നിന്നാണ് സിസാർ ഇക്കാര്യം മനസ്സിലാക്കുന്നത്. സഹായം ചോദിയ്ക്കാൻ പുറപ്പെടും മുന്നേ ഇക്കാര്യമെല്ലാം സിസാർ അവനോട് പറയുന്നു. ഇക്കാര്യമൊന്നും ഇപ്പോൾ അയാളോട് പറയേണ്ടന്ന് ഇരുവരും തീരുമാനിക്കുന്നു.

ആഞ്ചലീനയെ അന്വേഷിച്ചു പോവാൻ സിസാർ അയാൾക്ക് പണം കൊടുക്കുന്നു. അതിന് സമ്മതിച്ചുവെങ്കിലും തന്റെ വിമാനത്തിൽ മറ്റാരെയും കയറ്റില്ലെന്ന തീരുമാനം മാറ്റാൻ അയാൾ തയ്യാറായില്ല. മറ്റാരും കാണാതെ സെബാസ്റ്റ്യൻ ബെലിനെയും കൂട്ടി വിമാനത്തിൽ കയറി ഒളിച്ചിരിക്കുന്നു, വിമാനം പറന്നുയർന്ന ശേഷമാണ് ഇക്കാര്യം അയാളറിയുന്നത്. തുടർന്ന് ഇരുവരും തമ്മിലുണ്ടാവുന്ന പ്രശ്നങ്ങളും ആഞ്ചലീനയെ അന്വേഷിച്ചിറങ്ങുമ്പോൾ നേരിടേണ്ടി വരുന്ന വിപത്തുകളുമെല്ലാമാണ് ചിത്രത്തിന്റെ ഇതിവൃത്തം.

കൂടുതൽ സാഹസിക രംഗങ്ങൾകൊണ്ട് സമ്പന്നമായ ചിത്രം ആദ്യം ഭാഗം പോലെ തന്നെ നല്ലൊരു ദൃശ്യ വിരുന്ന് തന്നെയാണ്.


അഭിപ്രായങ്ങൾ പങ്കുവെക്കാൻ

Categories : #Adventure #Drama #Family #French
👍10❤3
❤2👍1
Msone Official
Photo
എംസോൺ റിലീസ് – 2780

Barbaroslar: Akdeniz’in Kilici: Season 01 (2021) ബാർബറോസ്ലർ: അക്ദെനിസിൻ കിലിജി: സീസൺ 01 (2021)

സീസൺ 01 - ബോലും 04

ഭാഷ : ടർക്കിഷ്
നിർമാണം : ES Film
പരിഭാഷ : ഐക്കെ വാസിൽ & ഷിഹാസ് പരുത്തിവിള,
പോസ്റ്റർ : അഷ്‌കർ ഹൈദർ
ജോണർ: ആക്ഷൻ, ഡ്രാമ, വാർ

IMDb ⭐️ 9.2/10

പതിനാറാം നൂറ്റാണ്ടിന്റെ മധ്യത്തിൽ മെഡിറ്ററേനിയൻ ഉൾക്കടലിനെ കിടുകിടാ വിറപ്പിച്ച, “മെഡിറ്ററേനിയന്റെ വാൾ” എന്നറിയപ്പെട്ട “ബാർബറോസാ” സഹോദരന്മാരുടെ ഐതിഹാസിക ചരിത്രം പറയുന്ന ടർക്കിഷ് സീരീസാണ് “ബാർബറോസ്ലാർ: അക്ദെനിസിൻ കിലിജി” അഥവാ ബാർബറോസമാർ : മെഡിറ്ററേനിയന്റെ വാൾ. സിംഹങ്ങൾ കഥ പറഞ്ഞു തുടങ്ങുന്നത് വരെയേ വേട്ടക്കാർ നായകന്മാരായിരിക്കുകയുള്ളൂ. ഇവിടെ യൂറോപ്പിലെ അധിനിവേശ സാമ്രാജ്യങ്ങൾ ഒന്നടങ്കം മെഡിറ്ററേനിയനിലെ കടൽ കൊള്ളക്കാരൻ എന്ന് വിളിച്ചു ആക്ഷേപിച്ച ഹൈറെദ്ദിൻ ഖിസിർ ബാർബറോസ, സ്‌പെയിൻ അധിനിവേശ സാമ്രാജ്യത്തിന്റെ അതിശക്തമായ നാവിക സേനയ്ക്കെതിരെ ഒറ്റയ്ക്ക് പോരാടി അൾജീരിയയെ സ്പെയ്നിൽ നിന്നും മോചിപ്പിച്ചു അൾജീരിയയുടെ സുൽത്താനായി മാറിയ ഒറുച് ബാർബറോസ എന്നീ സിംഹങ്ങൾ അവരുടെ കഥ പറഞ്ഞു തുടങ്ങുകയാണ്. നായകന്മാർ എന്ന് അഹങ്കരിച്ച പലരും ഇനി വില്ലന്മാരായി മാറും. ഓട്ടോമൻ സുൽത്താൻ സുലൈമാൻ ദി മാഗ്നിഫിഷ്യന്റിന് എന്തിനായിരുന്നു പല സാമ്രാജ്യങ്ങളും കടൽക്കൊള്ളക്കാരൻ എന്ന് ആക്ഷേപിച്ച ഖിസിർ ബാർബറോസയെ തന്റെ സാമ്രാജ്യത്തിന്റെ നാവികസേനാ തലവനാക്കി ഹൈറെദ്ദിൻ എന്ന സ്ഥാനപ്പേര് നൽകി ആദരിച്ചത് എന്നുള്ളതിന്റെയൊക്കെ ഉത്തരം ഈ വീരോചിതമായ ഇതിഹാസ കാവ്യം പറയും. എർതൂറുൽ ഗാസിയായി ലോകമെമ്പാടും ആരാധകരെ സൃഷ്ടിച്ച എങ്കിൻ അൽത്താൻ ദുസിയത്താൻ, ഒറൂച്ച് റയീസ് ബാർബറോസയായി തിരിച്ചു വരുമ്പോൾ ദിറിലിഷ് എർതൂറുൽ എന്ന സൂപ്പർഹിറ്റ് സീരീസിന്റെ ലോകമെമ്പാടുമുള്ള ആരാധകർക്ക് കൂടി ഇത്‌ വിരുന്നാണ്. പ്രതീക്ഷിക്കാതെ വന്നു ബ്രഹ്‌മാണ്ഡമായി മാറിയ ദിറിലിഷിന്റെ ന്യൂനതകളിൽ ചിലതായിരുന്ന വിഷ്വൽ എഫക്ട്സും സംഘട്ടന രംഗങ്ങളും ബാർബറോസയിലേക്ക് വരുമ്പോൾ ന്യൂനതകൾ എല്ലാം പരിഹരിച്ചുള്ളതാവുകയാണ്. എങ്കിന്റെ കൂടെ ഹിളിർ ഹൈറെദ്ദിൻ പാഷാ ബാർബറോസയായി ഉലാഷ് തുനാ ആസ്ത്തെപ്പേ കൂടി വരുമ്പോൾ ലോകം ഒരു പുത്തൻ താരോദയത്തിനു കൂടി സാക്ഷ്യം വഹിക്കാൻ പോവുകയാണ്. ഹൈറെദ്ദിൻ ബാർബറോസയുടെയും ഒറുച് റെഇസിന്റെ വീരോചിത ചരിത്രത്തിന് നമുക്കും സാക്ഷ്യം വഹിക്കാം.. Hayde.. Hayde..!

അഭിപ്രായങ്ങൾ പങ്കുവെക്കാൻ

Categories : #Action #Drama #Turkish #War
👍6
👍2❤1
Msone Official
Photo
#MSone Release - 2811

Mosul (2019)
മൊസൂൾ (2019)

ഭാഷ : അറബിക്, ഇംഗ്ലീഷ്
സംവിധാനം : Matthew Michael Carnahan
പരിഭാഷ : നിഖിൽ നീലകണ്ഠൻ
പോസ്റ്റർ : ഉണ്ണി ജയേഷ്

IMDb ⭐️7.3/10

2014 മുതൽ 2017 വരെയുള്ള കാലഘട്ടത്തിൽ, ഇറാഖിലെ പട്ടണമായ മൊസൂൾ, ISIS ന്റെ പിടിയിലായിരുന്നു. ഈ വർഷങ്ങളിൽ, ഈ അധിനിവേശക്കാരോട് നിരന്തരമായി പോരാടിയ ഏക വിഭാഗമായിരുന്നു നിനെവേ പ്രദേശത്തെ SWAT യൂണിറ്റ്. ഐസിസ് കാരണം പരിക്ക് പറ്റിയവരോ കുടുംബങ്ങങ്ങളെ നഷ്ടപ്പെട്ടവരോ ആയ തദ്ദേശികളായ ഇറാഖികളായിരുന്നു ഈ സംഘത്തിലുണ്ടായിരുന്നത്.

നായക കഥാപാത്രമായ കാവ, ഐസിസുമായുള്ള വെടി വയ്പ്പിൽ മരണത്തെ മുഖാമുഖം കാണുന്ന സമയത്ത്, SWAT ടീം അവരുടെ രക്ഷക്കെത്തുന്നിടത്താണ് ചിത്രം ആരംഭിക്കുന്നത്. തുടർന്നങ്ങോട്ട് കഥ വളരെ ദ്രുതഗതിയിലാണ് പോകുന്നത്. സ്ഥിരമായി അമേരിക്കക്കാരുടെ കണ്ണിലൂടെ മിഡിൽ ഈസ്റ്റ് യുദ്ധങ്ങൾ കണ്ടിരുന്ന നമുക്ക്, പുതിയൊരു അനുഭവമാണ് തദ്ദേശീയരുടെ കണ്ണിലൂടെ നടക്കുന്ന ഈ കാഴ്ചകൾ.

മാത്യു മൈക്കിൾ കാർനഹാൻ എഴുതി സംവിധാനം ചെയ്ത ഈ ചിത്രത്തിൽ ആദം ബെസ്സ, സുഹൈൽ ദബാഷ്, ഇഷാഖ് ഏലിയാസ്, വലീദ് എൽഗാദി എന്നിവർ പ്രധാന വേഷത്തിലെത്തുന്നു.

അഭിപ്രായങ്ങൾ പങ്കുവെക്കാൻ

Categories : #Action #Arabic #Drama #English #War
👍9❤1
👍6
Msone Official
Photo
#MSone Release - 2812

MSONE GOLD RELEASE

Philadelphia (1993)
ഫിലാഡൽഫിയ (1993)

ഭാഷ : ഇംഗ്ലീഷ്
സംവിധാനം : Jonathan Demme
പരിഭാഷ : മുഹസിൻ
പോസ്റ്റർ : രോഹിത്ത് ജി. എസ്
ജോണർ: ഡ്രാമ

IMDb ⭐ 7.7/10

ജൊനാഥൻ ഡെമ്മിന്റെ സംവിധാനത്തിൽ 1993 ൽ റിലീസായ ചിത്രമാണ് ഫീൽഡാൽഫിയ. ആൻഡ്രൂ ബെക്കെറ്റ് എന്ന അഭിഭാഷകൻ ഒരു എയ്ഡ്‌സ് രോഗിയായതിന്റെയും ഗേ ആയതിന്റെയും പേരിൽ ജോലിയിൽ നിന്ന് പിരിച്ചു വിടപ്പെടുന്നു. വിവേചനം നേരിട്ടത്തിനെതിരെ അയാൾ നടത്തുന്ന നിയമ പോരാട്ടങ്ങളും എയ്ഡ്‌സ് രോഗിയും ഗേയും ആയതിനാൽ അയാൾക്ക് നേരിടേണ്ടി വരുന്ന ബുദ്ധിമുട്ടുകളും ആണ് ചിത്രം പറയുന്നത്. എയ്ഡ്‌സ് രോഗത്തെ പറ്റി ജനങ്ങൾക്കുള്ള അബദ്ധധാരണകളും എയ്ഡ്‌സ് രോഗികളോടുള്ള പെരുമാറ്റവും എല്ലാം ചർച്ച ചെയ്യുന്നുണ്ട് സിനിമ.

ടോം ഹാങ്ക്സിന്റെയും ഹോമോഫോബിക് ലോയെർ ആയി വേഷമിട്ട ഡാൻസിൽ വാഷിങ്ങ്ടണ്ണിന്റെയും അവിസ്മരണീയ പ്രകടനം ചിത്രത്തെ മികവുറ്റതാക്കുന്നു. ചിത്രത്തിലെ പ്രകടനത്തിന് ടോം ഹാങ്ക്സിന് മികച്ച നടനുള്ള ഓസ്കാർ അവാർഡ് ലഭിച്ചിട്ടുണ്ട്.
👍6
👍3
#MSone Release - 2777

Agatha Christie’s Poirot: Season 6 (1994)
അഗതാ ക്രിസ്റ്റീസ് പ്വാറോ: സീസൺ 6 (1994)

Episode 03: Murder on the Links
എപ്പിസോഡ് 03: മർഡർ ഓൺ ദി ലിങ്ക്സ്

ഭാഷ: ഇംഗ്ലീഷ്
നിർമാണം : London Weekend Television
പരിഭാഷ: ഫഹദ് അബ്ദുൾ മജീദ്
പോസ്റ്റർ : പ്രവീൺ അടൂർ
ജോണർ : ക്രൈം, ഡ്രാമ, മിസ്റ്ററി

IMDb ⭐️8.6/10

അഗതാ ക്രിസ്റ്റീസ് പ്വാറോ (1989 – 2013)

അഗതാ ക്രിസ്റ്റീസ് പ്വാറോ: സീസൺ 1 (1989)
അഗതാ ക്രിസ്റ്റീസ് പ്വാറോ: സീസൺ 2 (1990)
അഗതാ ക്രിസ്റ്റീസ് പ്വാറോ: സീസൺ 3 (1990 – 1991)
അഗതാ ക്രിസ്റ്റീസ് പ്വാറോ: സീസൺ 4 (1992)
അഗതാ ക്രിസ്റ്റീസ് പ്വാറോ: സീസൺ 5 (1993)

ഹെർക്യൂൾ പ്വാറോയുടെ ചിന്തകൾ നമുക്ക് മനസ്സിലാക്കാൻ സാധിക്കുന്നതിനും അപ്പുറമാണ്. നമുക്ക് എന്താണ് ആവശ്യമില്ലെന്ന് തോന്നുന്നത്, അതായിരിക്കും പ്വാറോയ്ക്ക് ഏറ്റവും ആവശ്യമായി വരുന്നത്. ലോകത്തിലെ ഏറ്റവും വലിയ ഡിറ്റക്ടീവ് താനാണെന്ന് പറഞ്ഞ് അത് തെളിയിച്ചു കാണിച്ചയാളാണ് ഹെർക്യൂൾ പ്വാറോ. ഷെർലക്ക് ഹോംസ് കഴിഞ്ഞാൽ ലോകത്ത് ഏറ്റവും കൂടുതൽ ആരാധകരെ ഉണ്ടാക്കിയെടുത്ത ഫിക്ഷണൽ അപസർപ്പക കഥാപാത്രവും പ്വാറോയാണ്.

ചിലിയിലും മറ്റുമായി കോടികളുടെ രത്ന കച്ചവടം നടത്തുന്നയാളാണ് പോൾ റിനോ. ഒരിക്കൽ അപ്രതീക്ഷിതമായി അയാൾ പ്വാറോയെ കണ്ടുമുട്ടിയപ്പോൾ, തന്റെ ജീവൻ അപകടത്തിലാണെന്നും സംരക്ഷണം വേണമെന്നും പ്വാറോയോട് അഭ്യർത്ഥിക്കുന്നു. സമ്മതം മൂളിയ പ്വാറോ പിറ്റേദിവസം പോളിന്റെ വീട്ടിലെത്തിയപ്പോൾ അറിയുന്നത് രണ്ട് പേർ വന്ന് പോളിനെ തട്ടിക്കൊണ്ട് പോയെന്നും, പോളിന്റെ ഭാര്യയെ കെട്ടിയിട്ടതുമാണ്. ആരാണിതിന് പിന്നിലെന്ന ആശയക്കുഴപ്പത്തിൽ നിൽക്കുമ്പോഴാണ് തൊട്ടടുത്തുള്ള ഗോൾഫ് കോഴ്സിൽ നിന്നും പിന്നിൽ കുത്തേറ്റ നിലയിൽ പോൾ റിനോയുടെ ചേതനയറ്റ ശരീരം കാണുന്നത്. മൃതദേഹത്തിന്റെ പോക്കറ്റിൽ നിന്നും, "നിന്നെ എനിക്ക് നഷ്ടമാകുമെന്ന് തോന്നിയാൽ, നിന്നെ ഞാൻ കൊല്ലും. എന്ന് സ്വന്തം B.D" എന്ന ഒരു ഭീഷണി കത്തും ലഭിക്കുന്നു. ആരാണിത് ചെയ്തത്? എന്തിനായിരിക്കും ചെയ്തത്?

രണ്ടും കൽപ്പിച്ച് ഇറങ്ങിത്തിരിച്ച പ്വാറോയും സഹായി ഹേസ്റ്റിംഗ്സും ഞെട്ടിക്കുന്ന സത്യങ്ങളായിരുന്നു പിന്നീടറിഞ്ഞത്. തന്റെ അന്വേഷണത്തിന് വെല്ലുവിളിയായി പേരുകേട്ട ഫ്രാൻസിലെ ഡിറ്റക്റ്റീവ് ജിറോ കൂടി കൂടുമ്പോൾ കേസിന്റെ ശക്തി കൂടുന്നു. കഥയിലെ ഓരോ കഥാപാത്രങ്ങളും വളരെ ദുരൂഹമായി തുടരുന്ന, ഊഹങ്ങൾക്ക് പോലും പിടി തരാത്ത, കുഴപ്പംപിടിച്ചതും അവിശ്വസനീയവുമായ ഈ ക്രൈം ത്രില്ലർ അവസാനം വരെ പ്രേക്ഷകനെ കുഴപ്പിക്കുമെന്നതിൽ സംശയമില്ല. സീരീസ് മുഴുവനായി കാണാത്തവർക്കും ഒരു സിനിമ എന്നോണം കാണാൻ സാധിക്കുന്നതാണ് “അഗതാ ക്രിസ്റ്റിയുടെ പ്വാറോ” സീരീസിലെ ആറാം സീസണിലെ മൂന്നാമത്തെ എപ്പിസോഡായ “മർഡർ ഓൺ ദി ലിങ്ക്സ്”.

അഭിപ്രായങ്ങൾ പങ്കുവെക്കാൻ

Categories : #Crime #Drama #English #Mystery

Download Subtitle
👍5❤1😱1
👍2
Msone Official
Photo
#MSone Release - 2813

Human, Space, Time and Human (2018)
ഹ്യൂമൻ, സ്പേസ്, ടൈം ആൻഡ് ഹ്യൂമൻ (2018)

ഭാഷ : കൊറിയൻ
സംവിധാനം : Kim Ki-duk
പരിഭാഷ : സൗരവ് ടി പി
പോസ്റ്റർ : ഉണ്ണി ജയേഷ്

IMDb ⭐️5.8/10

പ്രശസ്ത കൊറിയൻ സംവിധായകൻ കിം കി ഡുക്കിന്റെ സംവിധാനത്തിൽ 2018 ൽ റിലീസായ കൊറിയൻ ഡ്രാമയാണ് “ഹ്യൂമൻ, സ്പേസ്, ടൈം ആൻഡ് ഹ്യൂമൻ“. കുറച്ച് ആളുകൾ ചേർന്ന് ഒരു യുദ്ധകപ്പലിൽ ഉൾകടലിലേക്ക് വിനോദയാത്ര പോകുന്നു.എന്നാൽ ആ യാത്രക്കിടയിൽ ഉണ്ടാകുന്ന ചില അപ്രതീക്ഷിത സംഭവങ്ങളും അതിനെ തുടർന്നുണ്ടാകുന്ന കാര്യങ്ങളിലൂടെയുമാണ് കഥ വികസിക്കുന്നത്.

അഭിപ്രായങ്ങൾ പങ്കുവെക്കാൻ

Categories : #Drama #Korean
👍6❤2
👍5❤1
Msone Official
Photo
#MSone Release - 2814

Belle and Sebastian, Friends for Life (2017)
ബെൽ ആൻഡ് സെബാസ്റ്റ്യൻ, ഫ്രണ്ട്സ് ഫോർ ലൈഫ് (2017)

ഭാഷ : ഫ്രഞ്ച്
സംവിധാനം : Clovis Cornillac
പരിഭാഷ : ഷൈജു എസ്
പോസ്റ്റർ : ഷൈജു എസ്
ജോണർ : അഡ്വെഞ്ചർ, ഡ്രാമ, ഫാമിലി

IMDb ⭐️6.4/10

ബെൽ ആൻഡ് സെബാസ്റ്റ്യൻ മൂവി സീരീസിലെ (ബെൽ ആൻഡ് സെബാസ്റ്റ്യൻ, ദി അഡ്വെഞ്ചർ കണ്ടിന്യൂസ് (2015), ബെൽ ആൻഡ് സെബാസ്റ്റ്യൻ (2013) മൂന്നാമത്തേയും അവസാനത്തേയും ഭാഗമാണ് 2017ൽ Clovis Cornillacന്റെ സംവിധാനത്തിൽ പുറത്തിറങ്ങിയ ഫ്രഞ്ച് ചിത്രമായ ബെൽ ആൻഡ് സെബാസ്റ്റ്യൻ, ഫ്രണ്ട്സ് ഫോർ ലൈഫ് / Belle et Sébastien 3, le dernier chapitre.

വിമാനാപകടത്തിൽപ്പെട്ട ആഞ്ചലീനയെ രക്ഷപ്പെടുത്തുകയും അച്ഛനോടൊപ്പമുള്ള ജീവിതത്തിന്റെ തുടക്കത്തോടെയുമാണ് രണ്ടാം ഭാഗമായ ബെൽ ആൻഡ് സെബാസ്റ്റ്യൻ, ദി അഡ്വെഞ്ചർ കണ്ടിന്യൂസ് അവസാനിച്ചത്. രണ്ടു വർഷത്തോളം കഴിഞ്ഞിരിക്കുന്നു. ബെലിന്റെ സാഹസിക കഥ വലിയ വാർത്തയായി മാറി. ബെൽ മൂന്ന് കുഞ്ഞുങ്ങൾക്ക് ജന്മം നൽകുകയും ചെയ്തു. ആഞ്ചലീനയും മാർസൂവും വിവാഹം വിവാഹിതരായി. സെബാസ്റ്റ്യന്റെ ജീവിതം സന്തോഷകരമായി പോവുകയാണ്. മാർസൂവും ആഞ്ചലീനയും സെബാസ്റ്റ്യനെയും കൂട്ടി അടുത്ത് തന്നെ കാനഡയിലേക്ക് താമസം മാറാൻ പോവുകയാണ്. എന്നാൽ ഇക്കാര്യം അവനെ അറിയിച്ചിട്ടില്ല. അവർ ഹണിമൂണിന് യാത്രയായ നേരം പുതിയൊരു പ്രശ്നം വന്നെത്തുകയാണ്. ബെലിന്റെ മുൻപത്തെ ഉടമസ്ഥനാണെന്ന് അവകാശപ്പെട്ടുകൊണ്ട് ഒരാൾ സിസാറിനെത്തേടിയെത്തുന്നു. നിയമങ്ങൾ അയാൾക്കനുകൂലമാണെന്ന് മനസ്സിലാക്കുന്ന സിസാറിന് മുന്നിൽ ബെലിനെയും കുഞ്ഞുങ്ങളെയും നഷ്ടപ്പെടാതിരിക്കാനുള്ള മാർഗങ്ങളൊന്നും തെളിയുന്നില്ല. ബെലിനെ തേടിവന്നവൻ അവളെ മുൻപ് ഉപദ്രവിച്ച കാര്യമെല്ലാം അറിയാവുന്ന സെബാസ്റ്റ്യൻ ഒരു രാത്രി അവളെയും കുഞ്ഞുങ്ങളെയും കൊണ്ട് മലകയറുകയാണ്. തുടർന്ന് അവരും അവരെ അന്വേഷിച്ചിറങ്ങുന്നവർ നേരിടുന്ന വെല്ലുവിളികളുമാണ് ചിത്രത്തിന്റെ ഇതിവൃത്തം.

അഭിപ്രായങ്ങൾ പങ്കുവെക്കാൻ

Categories : #Adventure #Drama #Family #French
👍9❤1😢1
❤1😁1
👍6❤2
Msone Official
Photo
#MSone Release - 2815

Baby’s Day Out (1994)
ബേബീസ് ഡേ ഔട്ട് (1994)

ഭാഷ : ഇംഗ്ലീഷ്
സംവിധാനം : Patrick Read Johnson
പരിഭാഷ : മുഹമ്മദ് ഷാനിഫ്
പോസ്റ്റർ : ഉണ്ണി ജയേഷ്

IMDb ⭐️ 6.2/10

ഡ്രാഗൺ ഹാർട്ട് സിനിമ സീരീസിന്റെ വിഖ്യാത സംവിധായകൻ പാട്രിക് റീഡ് ജോൺസന്റെ കൂട്ടുകെട്ടിൽ 1994ൽ പിറന്ന ഒരു പക്കാ കോമഡി-ഫാമിലി-അഡ്വെഞ്ജർ ചിത്രമാണ് ബേബീസ് ഡേ ഔട്ട്.

ബെന്നിങ്റ്റണും തന്റെ ഭാര്യയും മകനുമൊത്ത് സന്തോഷ ജീവിതം നയിക്കുന്നവരാണ്. അങ്ങനെയിരിക്കെ വീട്ടിലേക്ക് മൂന്ന് പേർ തന്റെ കുഞ്ഞിനെ കിഡ്നാപ്പ് ചെയ്യാനായി എത്തുന്നതോടെ കഥ മാറുകയാണ്…!

നമ്മളിൽ പലർക്കും ഈ സിനിമ കുട്ടിക്കാലത്ത് പരിചിതമായിരിക്കും,കൂടുതൽ വിജയം നേടിയില്ലെങ്കിലും പ്രേക്ഷകരെ
പൊട്ടിച്ചിരിപ്പിക്കാൻ കെൽപ്പുള്ള ഒരൊന്നൊന്നര ഐറ്റമാണ് സംവിധായകൻ ഈ സിനിമയിൽ ഒരുക്കിയിരിക്കുന്നത്.

അഭിപ്രായങ്ങൾ പങ്കുവെക്കാൻ

Categories : #Adventure #Comedy #Drama #English
👍10😍1
👍1
Msone Official
Photo
#MSone Release - 2816

Second Life (2018)
സെക്കൻഡ് ലൈഫ് (2018)

ഭാഷ : കൊറിയൻ
സംവിധാനം : Young-ju Park
പരിഭാഷ : സാമുവൽ ബൈജു
പോസ്റ്റർ : രോഹിത്ത് ജി. എസ്

IMDb ⭐️ 6.1/10

Young-ju Park ന്റെ സംവിധാനത്തിൽ Jung Da-Eun കേന്ദ്രകഥാപാത്രമാക്കി 2018 ൽ പുറത്തിറങ്ങിയ കൊറിയൻ ചിത്രമാണ് സെക്കൻഡ് ലൈഫ്.

അന്തർമുഖയായ ഒരു ഹൈസ്കൂൾ വിദ്യാർത്ഥിനിയാണ് സുൻ-ഹീ, തന്റെ സഹപാഠികളുടെ ശ്രദ്ധയാകർഷിക്കാൻ പലതും ചെയ്തു കൂട്ടുന്ന സുൻ-ഹീ തനിക്ക് കാമുകനുണ്ടെന്ന് വരെ അവരോട് കള്ളം പറയുന്നു. എങ്കിലും സുൻ-ഹീ കാണിക്കുന്നതെല്ലാം വെറും പ്രഹസനമാണെന്ന് അവളുടെ സഹപാഠികൾ തിരിച്ചറിയുന്നു. അവർക്കിടയിൽ താൻ ഒറ്റപ്പെട്ടെന്ന യാഥാർത്ഥ്യം വളരെ നിരാശയോടെ അവൾ മനസ്സിലാക്കുന്നു. ഇതിനിടെ സുൻ-ഹീയുടെ ഒരു സഹപാഠി ഒരു പ്രത്യേക കാരണത്താൽ ആത്മഹത്യ ചെയ്യാനിടയാവുകയും അതിന് കാരണക്കാരി താനാണെന്നുമുള്ള കുറ്റബോധം മൂലം അവൾ ജീവിതം അവസാനിപ്പിക്കാനും ശ്രമിക്കുന്നു. എന്നാൽ അവൾക്കതിനാവുന്നില്ല. തുടർന്ന് അപ്രതീക്ഷിതമായ സംഭവവികാസങ്ങളാണ് സുൻ-ഹീയെ കാത്തിരുന്നത്.
ചിത്രം കണ്ടു കഴിഞ്ഞാലും സുൻ-ഹീ എന്ന കഥാപാത്രം നമ്മുടെ മനസ്സിൽ മായാതെ നിൽക്കുമെന്ന് തീർച്ച. ചിത്രം കാണുന്ന പ്രേക്ഷകനും ഒരു പക്ഷെ സുൻ-ഹീയോട് ഒരു സഹതാപമൊക്കെ തോന്നാം.

അഭിപ്രായങ്ങൾ പങ്കുവെക്കാൻ

Categories : #Drama #Korean
👍5❤1