Msone Official
132K subscribers
4.22K photos
147 videos
4.09K links
Download Telegram
Msone Official
Photo
#MSone Release - 2822

Old (2021)
ഓൾഡ് (2021)

ഭാഷ : ഇംഗ്ലീഷ്
സംവിധാനം : M. Night Shyamalan
പരിഭാഷ : നിഖിൽ നീലകണ്ഠൻ
പോസ്റ്റർ : പ്രവീൺ അടൂർ
ജോണർ : ഡ്രാമ, ഹൊറർ, മിസ്റ്ററി

IMDb ⭐️5.8/10

ഒരു മനുഷ്യായുസ്സ് ഒറ്റ ദിവസത്തിൽ തീർന്നു പോയാൽ എന്ത് ചെയ്യും. അതായത് നോക്കി നിൽക്കെ നമ്മൾ പ്രായമാകുന്നു. മരിച്ചു വീഴുന്നു. അതാണ് സിനിമയുടെ വൺലൈൻ. വെക്കേഷൻ ചിലവഴിക്കാൻ ഒരു ബീച്ചിലെത്തുന്ന പ്രിസ്ക്-ഗൈ ഫാമിലിക്കും കൂടെയുള്ളവർക്കും അത് പോലൊരു വിചിത്രവും ഭീതി നിറക്കുന്നതുമായ പ്രതിഭാസത്തെ നേരിടേണ്ടി വരുന്നതും, അതിൽ നിന്നും രക്ഷപ്പെടാനുള്ള അവരുടെ ശ്രമങ്ങളുമാണ് മനോജ്‌ നൈറ്റ്‌ ശ്യാമളന്റെ ഓൾഡ് എന്ന സിനിമ പറയുന്നത്. ജമ്പ് സ്കെയർ ഗിമ്മിക്കുകൾ ഇല്ലാതെ, കഥയിലെ അസാധാരണവും ഭീതിജനകവുമായ സാഹചര്യത്തെക്കുറിച്ച് കഥാപാത്രങ്ങൾ തമ്മിലുള്ള സംഭാഷണങ്ങളിലൂടെയും, പശ്ചാത്തല സംഗീതത്തിലൂടെയും ഭീതിയുടെയും അസ്വസ്ഥതയുടെയും നടുവിലേക്ക് പ്രേക്ഷകനെ തള്ളിയിടുന്ന അറ്റ്‌മോസ്ഫിയറിക് ഹൊറർ ടൈപ്പ് സിനിമയാണ് ഓൾഡ്. ഭയത്തിന്റെ അന്ത്യം സ്ഥായിയായ ശാന്തത ആണെന്ന് ചിത്രം നമ്മെ ഓർമ്മപ്പെടുത്തുന്നു.

അഭിപ്രായങ്ങൾ പങ്കുവെക്കാൻ

Categories : #Drama #English #Horror #Mystery
👍12❤4🤩3
👍4
Msone Official
Photo
#MSone Release - 2823

Lucid Dream (2017)
ലൂസിഡ് ഡ്രീംസ് (2017)

ഭാഷ : കൊറിയൻ
സംവിധാനം : Joon-Sung Kim
പരിഭാഷ : അക്ഷയ്. ടി
പോസ്റ്റർ : രോഹിത്ത് ജി. എസ്
ജോണർ : സയൻസ് ഫിക്ഷൻ, ത്രില്ലർ

IMDb ⭐️6.2/10

ലൂസിഡ് ഡ്രീം എന്ന Concept നെ അടിസ്ഥാനമാക്കി 2017- ൽ പുറത്തിറങ്ങിയ കൊറിയൻ സയൻസ് ഫിക്ഷൻ, ത്രില്ലർ സിനിമയാണ് ലൂസിഡ് ഡ്രീം.

അഴിമതിക്കാരായ നിരവധി രാഷ്ട്രീയക്കാരെയും ബിസിനസുകാരെയും വെളിച്ചത്തുകൊണ്ടുവന്ന് ശത്രുക്കളെ സൃഷ്ടിച്ച ഒരു മാധ്യമപ്രവർത്തകനാണ് ഡേ-ഹോ.

ശത്രുക്കളിൽ ആരോ, തന്റെ മകനെ തട്ടിക്കൊണ്ടുപോയിട്ട് മൂന്നുവർഷമായെങ്കിലും ഇതുവരെ ഒരു തെളിവ് പോലും ലഭിച്ചിട്ടില്ല.
കാണാതായ തന്റെ മകനെ കണ്ടുപിടിക്കാനുള്ള ഒരച്ഛന്റെ ശ്രമങ്ങളാണ് ലൂസിഡ് ഡ്രീം എന്ന സിനിമ. എല്ലാ വഴികളും അടഞ്ഞ അയാളുടെ മുന്നിൽ ലൂസിഡ് ഡ്രീമിങ് എന്ന വഴി തുറക്കുകയാണ്.

മകനെ കണ്ടെത്താൻ സ്വപ്നങ്ങൾ വഴി തന്റെ ഓർമകളിലേക്കിറങ്ങി തെളിവുകൾ കണ്ടെത്തുന്നതും തുടർന്നു നടക്കുന്ന സംഭവവികാസങ്ങളും ട്വിസ്റ്റുകളുമായി സിനിമ മുന്നോട്ടുപോകുന്നു.

കൊറിയൻ ത്രില്ലർ സിനിമാ പ്രേമികൾക്ക് തീർച്ചയായും ഇഷ്ടപ്പെടുന്ന ഒരു സിനിമ തന്നെയാണ് ലൂസിഡ് ഡ്രീം.

അഭിപ്രായങ്ങൾ പങ്കുവെക്കാൻ

Categories : #Korean #Sci_Fi #Thriller
👍6
👍10❤2
Msone Official
Photo
#MSone Release - 1053

Spartacus Season 01: Blood and Sand (2010)
സ്പാർട്ടക്കസ് സീസൺ 01: ബ്ലഡ് ആൻഡ് സാൻഡ് (2010)

ഭാഷ : ഇംഗ്ലീഷ് & ജർമൻ
നിർമാണം : DeKnight Productions & Starz Originals
പരിഭാഷ : ഐക്കെ വാസിൽ
പോസ്റ്റർ : ഫായിസ് ആംബ്രോ
ജോണർ: ആക്ഷൻ, അഡ്വഞ്ചർ, ബയോഗ്രഫി

IMDb ⭐️ 8.5/10

റോമക്കാരാൽ ചതിക്കപ്പെട്ട്, അടിമത്തത്തിന് വിധിക്കപ്പെട്ട്, ഗ്ലാഡിയേറ്ററായി പുനർജനിച്ച്, ഒടുവിൽ അതേ സാമ്രാജ്യത്തിനെതിരെ അടിമത്ത വിമോചനത്തിന്റെ ഐതിഹാസികസമരം നയിച്ച സ്പാർട്ടക്കസിന്‍റെ അതുല്യമായ ജീവിത കഥ.

സ്റ്റാർസ് ടെലിവിഷൻ 2010 ഇൽ സംപ്രേഷണം ആരംഭിച്ച, മൂന്ന് സീസണുകളും ഒരു പ്രിക്വലും ഉള്ള മനോഹരമായ സീരീസ്. സുന്ദരമായ കഥപറച്ചിലും, അതിശയിപ്പിക്കുന്ന
ഗ്രാഫിക്സുകളും കൊണ്ട് ഒരു കാലഘട്ടത്തെ അടയാളപ്പെടുത്തുന്ന സീരീസ്, റോമൻ സംസ്കാരത്തിൻ്റെ മുഖമുദ്രയായിരുന്ന ചോരയും ലൈംഗികതയും അതിശയോക്തിയില്ലാതെ അവതരിപ്പിച്ചിരിക്കുന്നു.

സീസൺ 1 : ബ്ലഡ് ആൻഡ് സാൻഡ്.

ജന്മനാട്ടിൽ നിന്നും, തന്‍റെ പ്രണയഭാജനത്തിൽ നിന്നും പറിച്ചെറിയപ്പെട്ട സ്പാർട്ടക്കസ്, രക്തവും മരണവും വിനോദമാക്കിയ അറീനയുടെ രൗദ്രമായ ലോകത്തിലേക്ക് എടുത്തെറിയപ്പെടുന്നു. എന്നാൽ അറീനയുടെ മണൽപ്പുറത്തല്ല എല്ലാ പോരാട്ടങ്ങളും നടക്കുന്നത്. സ്നേഹം നടിക്കുന്നവരുടെ വഞ്ചനയും, കുറുനരികളുടെ കൗശലവും
ഇന്ദ്രിയസുഖങ്ങളുടെ മോഹിപ്പിക്കുന്ന ആകർഷണവും സ്പാർട്ടക്കസിനെ
നിരന്തരം പരീക്ഷിക്കും. അതിജീവിക്കാൻ, അവനൊരു മനുഷ്യനെക്കാൾ ഉയരെയാവണം,
ഒരു ഗ്ളാഡിയേറ്ററെക്കാൾ ഉയരെ, അവൻ ഒരു ഇതിഹാസമായി മാറണം.

അഭിപ്രായങ്ങൾ പങ്കുവെക്കാൻ

Categories : #Action #Adventure #Biography #English #German #Web_Series
👍44❤10😱3👏1
Forwarded from Msone Official
This media is not supported in your browser
VIEW IN TELEGRAM
Msone Trailer
Wanda Vision
Coming soon
👍8❤1😁1
❤2👍2
#MSone Release - 2777

Agatha Christie’s Poirot: Season 6 (1994)
അഗതാ ക്രിസ്റ്റീസ് പ്വാറോ: സീസൺ 6 (1994)

Episode 04: Dumb Witness
എപ്പിസോഡ് 04: ഡമ്പ് വിറ്റ്നസ്സ്

ഭാഷ: ഇംഗ്ലീഷ്
നിർമാണം : London Weekend Television
പരിഭാഷ: ഫഹദ് അബ്ദുൾ മജീദ്
പോസ്റ്റർ : പ്രവീൺ അടൂർ
ജോണർ : ക്രൈം, ഡ്രാമ, മിസ്റ്ററി

IMDb ⭐️8.6/10

അഗതാ ക്രിസ്റ്റീസ് പ്വാറോ (1989 – 2013)

അഗതാ ക്രിസ്റ്റീസ് പ്വാറോ: സീസൺ 1 (1989)
അഗതാ ക്രിസ്റ്റീസ് പ്വാറോ: സീസൺ 2 (1990)
അഗതാ ക്രിസ്റ്റീസ് പ്വാറോ: സീസൺ 3 (1990 – 1991)
അഗതാ ക്രിസ്റ്റീസ് പ്വാറോ: സീസൺ 4 (1992)
അഗതാ ക്രിസ്റ്റീസ് പ്വാറോ: സീസൺ 5 (1993)

ഡമ
്പ് വിറ്റ്നസ്സ് (1996)

ലോകത്തിലെ ഏറ്റവും വലിയ ഡിറ്റക്ടീവ് താനാണെന്ന് പറഞ്ഞ് അത് തെളിയിച്ചു കാണിച്ചയാളാണ് ഹെർക്യൂൾ പ്വാറോ. ഷെർലക്ക് ഹോംസ് കഴി redഞ്ഞാൽ ലോകത്ത് ഏറ്റവും കൂടുതൽ ആരാധകരെ ഉണ്ടാക്കിയെടുത്ത ഫിക്ഷണൽ അപസർപ്പക കഥാപാത്രവും പ്വാറോയാണ്.

ചാർളി എന്ന ചെറുപ്പക്കാരൻ ബോട്ട് ക്ലബ്ബിൽ വെച്ച് പഴയൊരു ബോട്ട് റെക്കോർഡ് തകർക്കുന്ന ആ കാഴ്ച കാണാനാണ് പ്വാറോ അവിടെ എത്തിയത്. റൈസിംഗിന് തൊട്ടുമുൻപ് അയാൾക്ക് അപകടം ഉണ്ടാകുമെന്നും എങ്ങനെയെങ്കിലും ആ ബോട്ട് തടയണമെന്നും രണ്ടുപേർ പ്വാറോയോട് വന്ന് പറയുന്നു. പറഞ്ഞത് പോലെ തന്നെ റെക്കോർഡ് തകർക്കാനുള്ള തന്റെ ബോട്ട് യാത്ര ആരംഭിച്ചതും, ബോട്ടിന് തീപിടിക്കുന്നു. പക്ഷേ, ഒരപകടവും ഉണ്ടാകാതെ ചാർളി തലനാരിഴയ്ക്ക് രക്ഷപ്പെടുന്നു. അതേ രണ്ട്പേർ, ഇപ്പോഴുണ്ടായ അപകടം ഒരു തുടക്കം മാത്രമാണെന്നും, ഇനി മറ്റൊരു അപകടം കൂടിയുണ്ടാകുമെന്നും മുന്നറിയിപ്പ് കൊടുക്കുന്നു.
അന്ന് രാത്രി തന്നെ ചാർളിയുടെ ആന്റിയായ എമിലി അറുൻഡെൽ സ്റ്റെയർകേസിൽ നിന്ന് മറിഞ്ഞു വീഴുന്നു. പക്ഷേ, പരിശോധനയിൽ അത് മറിഞ്ഞു വീണതല്ലെന്നും, ആരോ തള്ളിയിട്ടതാണെന്നും പ്വാറോ മനസ്സിലാക്കുന്നു. അതോടെ, തന്റെ വിൽപത്രം ഏതെങ്കിലും സുഹൃത്തുക്കളുടെ പേരിലേക്ക് മാറ്റിയെഴുതി കുടുംബത്തെ ഒന്ന് പരീക്ഷിക്കണമെന്ന് പ്വാറോ ആ സ്ത്രീയോട് പറയുന്നു. പക്ഷേ തൊട്ടടുത്ത ദിവസം തന്നെ ആ സ്ത്രീ മരണപ്പെടുന്നു. സംഭവം കരൾരോഗം വന്നുള്ള സ്വാഭാവികമരണമല്ലെന്നും ആരോ മനപ്പൂർവം കൊലപ്പെടുത്തിയതാണെന്നും പ്വാറോ സംശയിക്കുന്നു. സുഹൃത്തുക്കൾ നോക്കിനിൽക്കെ ശരീരത്തിൽ നിന്നും പച്ചനിറമുള്ള വാതകം പുറത്തു വന്നിട്ടായിരുന്നു അവർ മരണപ്പെട്ടത്.
അവർ എങ്ങനെ മരിച്ചു?
കൊലപാതകമാണോ അതോ...?
ഇതിന് പിന്നിൽ മനുഷ്യനോ അതോ പിശാചോ?
ഒരേസമയം നിഗൂഢതയുടെയും ഹൊററിന്റേയും ഫീൽ തരുന്ന അഗതാ ക്രിസ്റ്റി കഥകളിൽ വളരെ വ്യത്യസ്തമായ ഒരു കഥയുടെ ചലച്ചിത്രാവിഷ്കാരമാണിത്.

കഥയിലെ ഓരോ കഥാപാത്രങ്ങളും വളരെ ദുരൂഹമായി തുടരുന്ന, ഊഹങ്ങൾക്ക് പോലും പിടി തരാത്ത, കുഴപ്പംപിടിച്ചതും അവിശ്വസനീയവുമായ ഈ ക്രൈം ത്രില്ലർ അവസാനം വരെ പ്രേക്ഷകനെ കുഴപ്പിക്കുമെന്നതിൽ സംശയമില്ല. സീരീസ് മുഴുവനായി കാണാത്തവർക്കും ഒരു സിനിമ എന്നോണം കാണാൻ സാധിക്കുന്നതാണ് “അഗതാ ക്രിസ്റ്റിയുടെ പ്വാറോ” സീരീസിലെ ആറാം സീസണിലെ നാലാമത്തെ എപ്പിസോഡായ “ഡമ്പ് വിറ്റ്നസ്സ്”.

അഭിപ്രായങ്ങൾ പങ്കുവെക്കാൻ

Categories : #Crime #Drama #English #Mystery

Download Subtitle
👍11❤7
❤3👍3
Msone Official
Photo
#MSone Release - 2824

WandaVision / വാൻഡാവിഷൻ (2021)

ഭാഷ : ഇംഗ്ലീഷ്
നിർമാണം : Marvel Studios
പരിഭാഷ : മുജീബ് സി പി വൈ & ഫ്രെഡി ഫ്രാൻസിസ്
പോസ്റ്റർ : നിഖിൽ ഇ കൈതേരി
ജോണർ: ആക്ഷൻ, കോമഡി, ഡ്രാമ

IMDb ⭐️ 8.0/10

മാർവൽ കോമിക്സിനെ അടിസ്ഥാനമാക്കി എടുത്ത മിനി സീരീസാണ് വാൻഡാവിഷൻ. MCU വിന്റെ ആദ്യ ടെലിവിഷൻ സീരീസാണ് ഇത്. അവഞ്ചേഴ്‌സ്: എൻഡ്ഗെയിം സിനിമയുടെ സംഭവങ്ങൾക്ക് ശേഷമാണ് സീരീസിലെ കഥ നടക്കുന്നത്. ബ്ലിപിൽ ജീവൻ നഷ്ടപ്പെട്ടവർ തിരിച്ചുവരുന്നത് ഈ സീരീസിൽ കാണിക്കുന്നുണ്ട്.
സിറ്റ്കോമുകൾക്ക് ഒരു ആദരവ് നൽകുന്ന രീതിയിലാണ് സീരീസ് നിർമ്മിച്ചിട്ടുള്ളത്. ആദ്യ കുറച്ച് എപിസോഡുകൾ പഴയകാല സിറ്റ്കോമുകളെ അനുസ്മരിപ്പിക്കും വിധമാണ് ഒരുക്കിയിരിക്കുന്നത്. പല പ്രശസ്ത സിറ്റ്കോം റെഫറൻസുകളും നമുക്കിതിൽ കാണാം.

വാൻഡയും വിഷനും വിവിധ കാലങ്ങളിലെ സിറ്റ്കോമുകളിൽ ജീവിക്കുന്നതായി കാണിക്കുന്ന സീരീസിൽ ഇതെല്ലാം എങ്ങനെ സംഭവിച്ചു എന്നതിനുള്ള ഉത്തരമാണ് ബാക്കി എപ്പിസോഡുകളിൽ നമ്മെ കാത്തിരിക്കുന്നത്. ഇൻഫിനിറ്റി വാറിൽ മരണപ്പെട്ട വിഷൻ എങ്ങനെ പുനഃർജനിച്ചു? വാൻഡയും വിഷനും സിറ്റ്കോം കഥാപാത്രങ്ങളായതെങ്ങനെ? ഇത്തരം ചില ചോദ്യങ്ങൾക്കുള്ള ഉത്തരം നിങ്ങൾക്കായി കാത്തിരിക്കുന്നു. മാർവൽ സിനിമകൾ കണ്ടിട്ടില്ലെങ്കിലും ആസ്വദിച്ചുകാണാൻ കഴിയുന്ന സീരീസ് തന്നെയാണ് ഇത്. എങ്കിലും മാർവൽ സിനിമകൾ കണ്ടവർക്കേ ഇതിലെ പല റഫറൻസുകളും പിടികിട്ടുകയുള്ളൂ.

അഭിപ്രായങ്ങൾ പങ്കുവെക്കാൻ

Categories : #Action #Comedy #Drama #English #MarvelFest #Web_Series
👍9❤4🔥1
👍9❤2😁2🔥1
Msone Official
Photo
#MSone Release - 2825

Vada Chennai (2018)
വട ചെന്നൈ (2018)

ഭാഷ : തമിഴ്
സംവിധാനം : Vetrimaaran
പരിഭാഷ : മുഹസിൻ
പോസ്റ്റർ : ഫായിസ് ആംബ്രോ
ജോണർ : ആക്ഷൻ, ക്രൈം, ഡ്രാമ, ത്രില്ലർ

IMDb ⭐️8.5/10

ഇന്ത്യയിലെ തന്നെ മികച്ച സംവിധായകരിൽ ഒരാളായ വെട്രിമാരൻ രചനയും സംവിധാനവും നിർവഹിച്ച് 2018-ൽ റിലീസായ ഒരു തമിഴ് ഗാങ്സ്റ്റർ ക്രൈം ത്രില്ലർ സിനിമയാണ് ‘വട ചെന്നൈ.’

അൻപ് എന്ന കാരം ബോർഡ് കളിക്കാരൻ സാഹചര്യങ്ങളുടെ സമ്മർദം മൂലം തന്റെ നാട്ടിൽ നടക്കുന്ന ഗാങ്സ്റ്റർ ഗെയിമിന്റെ ഭാഗമാവുകയും അതോടെ അവന്റെ ജീവിതത്തിൽ നടക്കുന്ന മാറ്റങ്ങളും വളരെ ത്രില്ലിംഗ് ആയി നോൺ ലീനിയർ സ്വഭാവത്തിൽ ചിത്രത്തിൽ അവതരിപ്പിച്ചിരിക്കുന്നു. ശക്തമായ തിരക്കഥ, അവതരണ മികവ്, അഭിനേതാക്കൾ ഓരോരുത്തരുടെയും പ്രകടന മികവ്, പശ്ചാത്തല സംഗീതത്തിന്റെ മികവ് എന്നിവ കൊണ്ട് വടചെന്നൈ ഗംഭീരമായ ചലച്ചിത്രാനുഭവം പ്രേക്ഷകന് സമ്മാനിക്കുന്നു.

അഭിപ്രായങ്ങൾ പങ്കുവെക്കാൻ

Categories : #Action #Crime #Drama #Tamil #Thriller
👍11❤5🎉1
👍3
Msone Official
Photo
#MSone Release - 1310

MSONE GOLD RELEASE

To Live (1994)
ടു ലിവ് (1994)

ഭാഷ : മാൻഡരിൻ
സംവിധാനം : Yimou Zhang
പരിഭാഷ : റാഫി സലീം
പോസ്റ്റർ : രോഹിത്ത് ജി. എസ്
ജോണർ : ഡ്രാമ,വാർ

IMDb ⭐️8.3/10

യു ഹുവായുടെ പ്രശസ്തവും തുടക്കത്തിൽ ചൈനയിൽ നിരോധിക്കപ്പെട്ടതും പിന്നെ ഏറ്റവും കൂടുതൽ വിറ്റഴിക്കപ്പെട്ടതുമായ നോവൽ “ടു ലിവ്” നെ ആസ്പദമാക്കി 1994 ൽ ചൈനയിൽ പുറത്തിറങ്ങിയ സിനിമയാണ് “ടു ലിവ്.” സാമൂഹിക സമ്മർദ്ദങ്ങളിൽ ജീവിക്കുന്ന ചൈനീസ് ജനതയുടെ ജീവിതവും അവരുടെ അനുഭവങ്ങളെയും രാഷ്ട്രീയ മാറ്റങ്ങൾക്ക് കീഴിലുള്ള പോരാട്ടങ്ങളെയും ചിത്രം വരച്ചു കാണിക്കുന്നു.

സമ്പന്ന മുതലാളിയായ ഫുഗുയിക്ക് ചൂതാട്ടം മൂലം ഒരുപാട് നഷ്ടങ്ങൾ സംഭവിക്കുന്നു. സ്വന്തം വീട് വരെ നഷ്ടപ്പെട്ട ഫുഗുയിയെ ഭാര്യ ജിയാസെനും ഉപേക്ഷിച്ചു പോകുന്നു.പിന്നീട് എല്ലാം നഷ്ടപ്പെട്ട് ഒറ്റപ്പെട്ടു പോയ ഫുഗുയി കൊടും ദാരിദ്ര്യത്തിലേക്ക് പതിക്കുന്നു.പക്ഷേ അപ്രതീക്ഷിതമായ ജിയാസെന്റെ തിരിച്ച് വരവോടെ ഫുഗുയിടെ ജീവിതത്തിൽ വീണ്ടും സന്തോഷം വരികയാണ്. പിന്നെ ജീവിത മാർഗ്ഗത്തിന് വേണ്ടി ഫുഗുയി തിയേറ്റർ ട്രൂപ്പിൽ ചേരാൻ ശ്രമിക്കുകയും തുടർന്ന് ചൈനീസ് ആർമിയിൽ എത്തിച്ചേരുകയും ചെയ്യുന്നു. അതുകഴിഞ്ഞ് നാട്ടിലേക്ക് മടങ്ങുന്ന ഫുഗുയിടെ ജീവിതത്തിലേക്ക് വീണ്ടും നഷ്ടങ്ങൾ കടന്ന് വരികയാണ്. ഇതിനെ ഫുഗുയി എങ്ങനെ തരണം ചെയ്യുന്നു എന്നതാണ് സിനിമ കാണിക്കുന്നത്.

നിരവധി അവാർഡുകൾ വാരിക്കൂട്ടിയ സിനിമ ചൈനീസ് സിനിമകളിലെ ഒരു ക്ലാസിക് എന്ന് തന്നെ വിശേഷിപ്പിക്കാവുന്ന ഒന്നാണ്. അമേരിക്കൻ സ്കൂളുകളിൽ ചൈനീസ് ചരിത്രം പഠിപ്പിക്കാൻ ഇന്നും ഉപയോഗിക്കപ്പെടുന്ന ചിത്രം, കാനെസ്, ന്യൂ യോർക്ക് ഫിലിം ഫെസ്റ്റിവലുകളിലടക്കം പ്രദർശിപ്പിക്കുകയും അവാർഡുകൾ നേടുകയും ചെയ്തു. ഒരു സിനിമാപ്രേമി ഒരിക്കലും മിസ് ആക്കാൻ പാടില്ലാത്ത ഒരു ക്ലാസിക് സിനിമയാണ് “ടു ലിവ്”.

അഭിപ്രായങ്ങൾ പങ്കുവെക്കാൻ

Categories : #Drama #Mandarin #MsoneGold #War
👍19🤩1
👍3❤2
Msone Official
Photo
#MSone Release - 2826

Tiger Theory (2016)
ടൈഗർ തിയറി (2016)

ഭാഷ : ചെക്ക്
സംവിധാനം : Radek Bajgar
പരിഭാഷ : പ്രജുൽ പി
പോസ്റ്റർ : രോഹിത്ത് ജി. എസ്
ജോണർ : അഡ്വഞ്ചർ, കോമഡി, ഡ്രാമ

IMDb ⭐️7.2/10

ഹാൻ വാർദ്ധക്യത്തിലെത്തിയ ഒരു മൃഗഡോക്ടറാണ്. അദ്ദേഹത്തിന്റെ ഭാര്യ ഓൽഗ ഒരു ടീച്ചറാണ്. അങ്ങനെയിരിക്കെ അദ്ദേഹത്തിന്റെ ഭാര്യാപിതാവ് മരണപ്പെടുന്നു. അദ്ദേഹത്തിന് സ്വന്തം മൃതദേഹം ദഹിപ്പിക്കാനായിരുന്നു ആഗ്രഹം. പക്ഷേ അദ്ദേഹത്തിന്റെ ഭാര്യ മൃതദേഹം പള്ളിയിൽ അടക്കം ചെയ്താൽ മതി എന്ന് തീരുമാനിക്കുന്നു. ഹാൻ ഇതിനെ എതിർത്തെങ്കിലും അത് ഫലം കണ്ടില്ല. മൃതദേഹം പള്ളിയിൽ തന്നെ അടക്കം ചെയ്യുന്നു. ജീവിതകാലം മുഴുവനും തന്റെ ഭാര്യാപിതാവ് സ്വന്തം ഭാര്യയുടെ നിയന്ത്രണത്തിലാണ് ജീവിച്ചിരുന്നതെന്നും, അദ്ദേഹത്തിന്റെ സ്വന്തം ആഗ്രഹപ്രകാരം ഇതുവരെ ജീവിക്കാൻ പറ്റിയിട്ടില്ലെന്നും ഹാൻ തിരിച്ചറിയുന്നു.

ഇങ്ങനെ ജീവിതം തുടർന്നാൽ താനും അതേ അവസ്ഥയിലാവും എന്ന് ഹാൻ മനസ്സിലാക്കുന്നു. വിവാഹബന്ധം ഉപേക്ഷിക്കാൻ ഹാൻ തീരുമിനിക്കുന്നു. പക്ഷേ ഡിവോഴ്സുമായി മുന്നോട്ട് പോയാൽ ഭാര്യയുടെ മനസ്സ് തകരും എന്നുള്ളത്കൊണ്ട് അദ്ദേഹം അൾഷിമേഴ്സ് രോഗിയായി അഭിനയിക്കാൻ തുടങ്ങുന്നു. അത് അവരുടേയും അവരുടെ മക്കളുടെ ജീവിതത്തേയും എങ്ങനെ ബാധിക്കുന്നു എന്നാണ് ഈ ചിത്രത്തിൽ കാണിച്ചിരിക്കുന്നത്. വിവാഹ ബന്ധത്തിൽ ഒരാൾക്ക് പങ്കാളിയുടെ ജീവിതത്തിൽ എത്രമാത്രം ഇടപെടാം, അതിന്റെ പരിധി എത്രയാണ് എന്ന ചോദ്യമാണ് ഈ ചിത്രം ഉന്നയിക്കുന്നത്.

അഭിപ്രായങ്ങൾ പങ്കുവെക്കാൻ

Categories : #Adventure #Comedy #Czech #Drama
👍10❤2
👍5
Msone Official
Photo
#MSone Release - 2827

David Attenborough: A Life on Our Planet (2020)
ഡേവിഡ് ആറ്റൻബറോ: എ ലൈഫ് ഓൺ അവർ പ്ലാനറ്റ് (2020)

ഭാഷ : ഇംഗ്ലീഷ്
സംവിധാനം : Alastair Fothergill, Jonathan Hughes & Keith Scholey
പരിഭാഷ : മുബാറക്ക് റ്റി എൻ
പോസ്റ്റർ : പ്രവീൺ അടൂർ
ജോണർ : ഡോക്യുമെന്ററി, ബയോഗ്രഫി

IMDb ⭐️9.0/10

മറ്റാരേക്കാളും കൂടുതലായി പ്രകൃതിയെ അടുത്തറിഞ്ഞ ജീവശാസ്ത്രജ്ഞൻ. ഘനഗംഭീരമായ ശബ്ദം കൊണ്ടും, അവതരണ ശൈലിയിലെ പുതുമ കൊണ്ടും, തലമുറകളെ സ്വാധീനിച്ച ടെലിവിഷൻ അവതാരകൻ. ഭൂമിയിലെ എല്ലാ ഭൂഖണ്ഡങ്ങളും, വന്യമായ പ്രദേശങ്ങളും സന്ദർശിച്ച പര്യവേക്ഷകൻ. ജീവജാലങ്ങളെ അതിന്റെ എല്ലാ വൈവിധ്യങ്ങളിലും, അത്ഭുതങ്ങളിലും രേഖപ്പെടുത്തിയ പ്രകൃതി സ്നേഹി. ബ്രിട്ടൺ, തങ്ങളുടെ “ദേശീയ നിധിയായി” പ്രഖ്യാപിച്ച, സർ ഡേവിഡ് ആറ്റൻബറോ എന്ന ഈ 93 വയസുകാരന് വിശേഷണങ്ങൾ അനവധിയാണ്.

തന്റെ പര്യവേക്ഷണ ജീവിതത്തിലെ, നിർണായക നിമിഷങ്ങളെക്കുറിച്ചും, പ്രകൃതിയിൽ താൻ കണ്ട വിനാശകരമായ മാറ്റങ്ങളെക്കുറിച്ചും, ആറ്റൻബറോ നടത്തുന്ന വെളിപ്പെടുത്തലുകളാണ്, 2020 ൽ നെറ്റ്ഫ്ലിക്സ് പുറത്തിറക്കിയ ഡേവിഡ് ആറ്റൻബറോ: എ ലൈഫ് ഓൺ അവർ പ്ലാനറ്റ് എന്ന ഡോക്യുമെൻ്ററിയുടെ പ്രതിപാദ്യ വിഷയം. അദ്ദേഹത്തിന്റെ തന്നെ വാക്കുകൾ കടമെടുത്താൽ, “93 വയസ്സ് പിന്നിട്ട, ഒരു വൃദ്ധന്റെ സാക്ഷ്യ പത്രം". കാലാവസ്ഥാ വ്യതിയാനം, അതുയർത്തുന്ന ഭീഷണികൾ, പ്രകൃതിക്ക് മേൽ മനുഷ്യൻ നടത്തുന്ന കയ്യേറ്റങ്ങൾ, അതിന്റെ ഫലമായി ഉണ്ടാകുന്ന ആവാസ വ്യവസ്ഥയുടെ തകർച്ച എന്നീ വിഷയങ്ങൾ സാധാരണക്കാരന് മനസ്സിലാകുന്ന ഭാഷയിലാണ് ആറ്റൻബറോ വിവരിക്കുന്നത്. മനുഷ്യൻ നേരിടാവുന്ന അപകടങ്ങളെപ്പറ്റി മുന്നറിയിപ്പ് നൽകുന്നതോടൊപ്പം, അവയെ എങ്ങനെ തരണം ചെയ്യണമെന്നും അദ്ദേഹം വിവരിക്കുന്നുണ്ട്.

പ്രേക്ഷക പ്രശംസയ്ക്ക് പുറമേ, ഛായാഗ്രഹണം, ശബ്ദമിശ്രണം, സംഗീതം എന്നീ വിഭാഗങ്ങളിൽ എമ്മി അവാർഡും ഡോക്യുമെന്ററി നേടുകയുണ്ടായി.

അഭിപ്രായങ്ങൾ പങ്കുവെക്കാൻ

Categories : #Biography #Documentary #English
❤4👍4
Msone Official
Photo
#MSone Release - 2828

House of Secrets: The Burari Deaths (2021)
ഹൗസ് ഓഫ് സീക്രട്ട്സ്: ദ ബുരാരി ഡെത്ത്സ് (2021)

ഭാഷ : ഹിന്ദി
സംവിധാനം : Anubhav Chopra & Leena Yadav
പരിഭാഷ : ഫ്രെഡി ഫ്രാന്‍സിസ്
പോസ്റ്റർ : അഷ്‌കർ ഹൈദർ
ജോണർ : ഡോക്യുമെന്ററി, ബയോഗ്രഫി

IMDb ⭐️7.7/10

ഒരു കുടുംബത്തിലെ 11 അംഗങ്ങളും വീട്ടിലെ മേൽക്കൂരയിലെ ഇരുമ്പു ഗ്രില്ലിൽ തൂങ്ങി ആത്മഹത്യ ചെയ്ത നിലയിൽ കിടക്കുന്ന കാഴ്ച കണ്ടാണ് അന്നത്തെ ദിവസം പുലർന്നത്. അയൽക്കാരുമായി നല്ല സഹകരണമുള്ള, തികച്ചും സാധാരണക്കാരായ 11 പേർ. വെറുമൊരു ആത്മഹത്യയല്ല. കൈകാലുകൾ ബന്ധിച്ചിരിക്കുന്നു, കണ്ണുകൾ തുണികൊണ്ടു കെട്ടിയിരിക്കുന്നു, വായില്‍ തുണി തിരുകിയിരിക്കുന്നു! ആരെങ്കിലും ഇത്തരത്തിൽ ആത്മഹത്യ ചെയ്യുമോ? അതും ലക്ഷങ്ങൾ മുടക്കി കുടുംബത്തിലെ മകളുടെ വിവാഹ നിശ്ചയം നടത്തി പത്തുദിവസങ്ങൾക്കു ശേഷം! ഇത് കൊലപാതകമോ അതോ ആത്മഹത്യയോ? കൊലപാതകമെങ്കിൽ 11 പേരിൽ ഒരാളെങ്കിലും എതിർക്കാൻ ശ്രമിച്ചിട്ടുണ്ടാകില്ലേ? എന്നിട്ടും അതിന്റെ ലക്ഷണങ്ങളൊന്നും കാണാത്തതെന്തേ?

2018 ജൂലൈ ഒന്നാം തീയതി, ഡൽഹിയിലെ ബുരാരിയിൽ നടന്ന ഈ സംഭവം ലോകത്തിനുതന്നെ ഞെട്ടലായിരുന്നു. “എന്തുകൊണ്ട്?” എന്ന ചോദ്യം അന്വേഷണ ഉദ്യോഗസ്ഥരോടൊപ്പം പത്രക്കാരും, അയൽക്കാരും, എന്തിനേറെ, അവരെ അറിയാത്തവർ പോലും ചോദിച്ച ദിവസം.

ആ കൂട്ട ആത്മഹത്യയുടെ ചുരുളുകൾ അഴിക്കുകയാണ് “ഹൗസ് ഓഫ് സീക്രട്ട്സ്, ദ ബുരാരി ഡെത്ത്‌സ്” എന്ന മൂന്ന് എപ്പിസോഡുകളുള്ള ഈ ഡോക്യുമെന്ററി. നിർവചിക്കാനാവാത്ത ഒരു ദൃശ്യാനുഭവമാകും ഇത് നിങ്ങൾക്ക് തരിക. മരിച്ചവരുടെ ബന്ധുക്കളുടെയും, സുഹൃത്തുക്കളുടെയും, പത്രക്കാരുടെയും, അന്വേഷണ ഉദ്യോഗസ്ഥരുടെയും അനുഭവങ്ങളിലൂടെ മുന്നോട്ടുപോകുന്ന ഈ ഡോക്യുമെന്ററിയിൽ അവിശ്വസനീയമായ പലതും നിങ്ങൾ കണ്ടേക്കാം. നിങ്ങളുടെ ശരീരത്തിൽ നിങ്ങളറിയാതെ തന്നെ ഒരു വിറയൽ പടർന്നേക്കാം. ഏറ്റവും മികച്ച ദൃശ്യാനുഭവത്തിനായി മറ്റ് ശല്യങ്ങളൊന്നുമില്ലാത്ത അന്തരീക്ഷത്തിലിരുന്ന് മൂന്ന് എപ്പിസോഡുകളും തുടർച്ചയായി കാണാൻ ശ്രദ്ധിക്കുക.

അഭിപ്രായങ്ങൾ പങ്കുവെക്കാൻ

Categories : #Crime #Documentary #Hindi #History
👍17❤4