NO TIME TO DIE (2021)

കാത്തിരിക്കുക 😉

"എംസോണിലെ "dicaprio"സിനിമകളും പരിഭാഷകളും.

What's Eating Gilbert Grape
Titanic
Catch Me If You Can
The Departed
Blood Diamond
Shutter Island
Inception
The Wolf of Wall Street
The Revenant
Once Upon a Time in Hollywood.

happy birthday❤️ leonardo dicaprio

#MSone Release - 2833

Jirisan (2021)
ജിരിസാൻ (2021)

Episodes: 05-06 / എപ്പിസോഡ്‌സ്: 05-06

ഭാഷ : കൊറിയൻ
സംവിധാനം : Eung-bok Lee
പരിഭാഷ : ഹബീബ് ഏന്തയാർ, കൃഷ്ണപ്രസാദ്‌ പി ഡി, ജീ ചാങ് വൂക്ക് & തൗഫീക്ക് എ
പോസ്റ്റർ : ഉണ്ണി ജയേഷ്
ജോണർ : ഡ്രാമ, മിസ്റ്ററി, ത്രില്ലർ

IMDb ⭐️ 8.9/10

ഏറെ വർഷത്തെ കാത്തിരിപ്പിനൊടുവിൽ സിഗ്നൽ, കിംഗ്ഡം എന്നീ പ്രശസ്ത കൊറിയൻ സീരീസുകളുടെ തിരക്കഥാകൃത്തായ “കിം യൂൻ ഹീ”യുടെ തിരക്കഥയിൽ 2021ൽ tvn 15-ാം വാർഷികവുമായി ബന്ധപ്പെട്ട്, ജിരിസാൻ നാഷണൽ പാർക്കിലെ റേഞ്ചർമാരുടെ ജീവിതകഥയെ അടിസ്ഥാനമാക്കി എടുത്ത ആക്ഷൻ, മിസ്റ്ററി ത്രില്ലർ സീരീസാണ് ജിരിസാൻ. ഒരു നീണ്ട ഇടവേളക്ക് ശേഷം കൊറിയൻ താരസുന്ദരി ജുൻ ജീ ഹ്യൂൻ മടങ്ങിയെത്തുന്ന സീരീസ്, മികച്ച വിഷ്വലുകൾ കൊണ്ടും, നിഗൂഢത നിറഞ്ഞ സംഭവങ്ങളും അതിനോടിണങ്ങി ചേർന്ന പശ്ചാത്തല സംഗീതം കൊണ്ടും ഇതിനോടകം കാഴ്ചക്കാരുടെ എണ്ണത്തിൽ റെക്കോർഡ് സ്ഥാപിച്ചു കഴിഞ്ഞു.

ജിരിസാൻ പർവ്വതം! ചിലർക്കത് പ്രതീക്ഷയുടെ പ്രകാശമാണെങ്കിൽ മറ്റു ചിലർക്കത് മരണമുനമ്പാണ്. കണക്കുകൾ പ്രകാരം വർഷം 3 ലക്ഷം പേരാണ് ജിരിസാൻ സന്ദർശിക്കുന്നത്. ആ പർവ്വതത്തിന്റെ കാവൽക്കാരാണ് ജിരിസാൻ നാഷണൽ പാർക്കിലെ റേഞ്ചർമാർ. അങ്ങനെയിരിക്കെ പുതുതായി സ്ഥലം മാറ്റം കിട്ടി വന്ന റേഞ്ചർ നായകൻ കാങ് ഹ്യുൻ ജോ(ജു ജി ഹൂൺ)ക്ക് കയറിയ ഉടനെ ഒരു മിസ്സിംഗ് കേസ് അന്വേഷിക്കേണ്ടി വരുന്നു. രാക്ഷസി എന്ന് ഇരട്ടപ്പേരുള്ള നായിക സോ യി ഗാങിനൊപ്പം (ജുൻ ജി ഹ്യുൺ) സെർച്ചിംഗ് പങ്കാളിയായി ചേർന്ന്, കാണാതായ ആ ഹൈക്കറെ അവർ കണ്ടെത്തുന്നു. പക്ഷേ നായകന്റെ പെരുമാറ്റത്തിലും വർത്തമാനത്തിലും പന്തികേട് തോന്നിയ നായിക, എങ്ങനെയാണ് കാണാതായ ഹൈക്കർ ഇരിക്കുന്ന സ്ഥലം കൃത്യമായി മനസ്സിലായത് എന്നും മറ്റും ചോദിക്കുന്നു. ഇത് ആദ്യമായിട്ടല്ല എന്നും, മുൻപ് പലതവണയായി കാണാതായ ഹൈക്കർമാർ പർവ്വതത്തിൽ എവിടെയുണ്ടെന്ന് തനിക്ക് ഒരു ദീർഘ ദൃഷ്ടിയിലൂടെ കാണാൻ സാധിക്കുമെന്നും പറയുന്നു. ആദ്യമൊന്നും ആരുമത് വിശ്വസിച്ചില്ല. പക്ഷേ പിന്നീട് പല നിഗൂഢമായ സംഭവങ്ങളും ജിരിസാൻ പർവ്വതത്തെ ചുറ്റിപ്പറ്റി നടക്കുന്നു. പർവ്വതത്തിലേക്ക് ഹൈക്കിങ്ങിന് വന്ന് സഹായം ലഭിക്കാതെ വഴിതെറ്റുന്ന ഹൈക്കർമാർ സ്വാഭാവികമായി മരിക്കുന്നതല്ലെന്നും, ആരോ കൊലപ്പെടുത്തുന്നതാണെന്നും റേഞ്ചർമാർ മനസ്സിലാക്കുന്നു. സംഭവത്തിന്റെ ചുരുളഴിക്കാൻ ഇറങ്ങിയ നായകനും നായികയ്ക്കും പ്രതീക്ഷിക്കാത്ത ചില സംഭവങ്ങളായിരുന്നു നേരിടേണ്ടിവന്നത്.
ആരാണത്? എന്താണ് ജിരിസാൻ പർവ്വതത്തിലെ ആ നിഗൂഢത?

അഭിപ്രായങ്ങൾ പങ്കുവെക്കാൻ

Categories : #Drama #Korean #Mystery #Thriller #Web_Series

#MSone Release - 2845

Agatha Christie’s Poirot: Season 7 (2000)
അഗത ക്രിസ്റ്റീസ് പ്വാറോ: സീസൺ 7 (2000)

Episode 02: The Murder of Roger Ackroyd
എപ്പിസോഡ് 02: ലോർഡ് എഡ്ഗ്വേർ ഡൈസ്

ഭാഷ: ഇംഗ്ലീഷ്
നിർമാണം : London Weekend Television
പരിഭാഷ: ഫഹദ് അബ്ദുൾ മജീദ്
പോസ്റ്റർ : പ്രവീൺ അടൂർ
ജോണർ : ക്രൈം, ഡ്രാമ, മിസ്റ്ററി

IMDb ⭐️8.6/10

അഗത ക്രിസ്റ്റീസ് പ്വാറോ (1989 – 2013)

അഗത ക്രിസ്റ്റീസ് പ്വാറോ: സീസൺ 1 (1989)
അഗത ക്രിസ്റ്റീസ് പ്വാറോ: സീസൺ 2 (1990)
അഗത ക്രിസ്റ്റീസ് പ്വാറോ: സീസൺ 3 (1990 – 1991)
അഗത ക്രിസ്റ്റീസ് പ്വാറോ: സീസൺ 4 (1992)
അഗത ക്രിസ്റ്റീസ് പ്വാറോ: സീസൺ 5 (1993)
അഗത ക്രിസ്റ്റീസ് പ്വാറോ: സീസൺ 6 (1994)

ഒരുപാട് കുറ്റകൃത്യങ്ങളുടെ ചുരുളഴിക്കുന്ന പ്വാറോയ്ക്ക് ഒരു കൊലപാതകം ചെയ്യൽ വളരെ നിസ്സാരമാണ്. എന്നു വെച്ച് ഭാര്യമാർക്ക് വേണ്ടി കെട്ടിയോന്മാരെ തട്ടുന്നത് പ്വാറോയുടെ സ്പെഷ്യാലിറ്റിയിൽ പെട്ടതല്ല. സ്ത്രീകളുടെ ആകാരവടിവിൽ പ്വാറോ വീണു പോകാറില്ല. അവരുടെ മന:ശാസ്ത്രത്തിലാണ് പ്വാറോയ്ക്ക് താല്പര്യം.

തന്റെ ഭർത്താവായ റീജെന്റ് ഗെയ്റ്റിലെ പ്രഭു, ജോർജ്ജ് ആൽഫ്രെഡ് എഡ്ഗ്വേറുമായുള്ള വിവാഹമോചനത്തിന് സഹായമഭ്യർത്ഥിച്ചു കൊണ്ടാണ് നാടകനടി കൂടിയായ ജെയ്ൻ വിൽക്കിൻസൺ പ്വാറോയെ തേടിയെത്തുന്നത്. ഭർത്താവുമായുള്ള ജീവിതം ഒട്ടും താതപര്യമില്ലാത്ത അവർ വിവാഹമോചനം നേടി മറ്റൊരാളെ വിവാഹം കഴിക്കാനുള്ള ഉദ്ദേശ്യത്തിലായിരുന്നു. അങ്ങനെയിരിക്കെ ഒരു ദിവസം രാത്രി എഡ്ഗ്വേർ പ്രഭു കൊല്ലപ്പെടുന്നു. കൊല്ലപ്പെട്ട ദിവസം രാത്രി ഭാര്യ ജെയ്ൻ അവിടെ വന്നിരുന്നെന്ന് ജോലിക്കാരെല്ലാം സാക്ഷി പറയുന്നു. കൊലപാതകി ജെയ്ൻ ആണെന്ന് എല്ലാവരും ഉറപ്പിച്ച ആ നിമിഷം, താൻ മറ്റൊരിടത്ത് 12 പേരോടൊപ്പം ഡിന്നർ പാർട്ടിയിലായിരുന്നു എന്നും, പ്രഭുവിന്റെ വീട്ടിലേക്ക് പോയിട്ടില്ല എന്നും പറയുന്നു. അത് സത്യമാണെന്ന് കൂടെയുണ്ടായിരുന്ന 12 പേരും സാക്ഷി പറയുന്നു. "ഒരാൾക്ക് ഒരേ സമയം രണ്ടിടത്ത് ഉണ്ടാകാൻ കഴിയുമോ? പിന്നെ ആരായിരിക്കും അന്ന് പ്രഭുവിന്റെ വീട്ടിൽ പോയത്?" എന്ന സംശയത്തിൽ നിൽക്കുന്ന ആ നിമിഷം തന്നെ അടുത്ത കൊലപാതകവും അരങ്ങേറുന്നു. ഈ രണ്ട് കൊലപാതകത്തിനും പിന്നിൽ ഒരാളാണെന്ന് പ്വാറോ മനസ്സിലാക്കുന്നു. ആരാണയാൾ? എന്തിനായിരിക്കും അവരെ കൊന്നത്?
ഉറ്റ ചങ്ങാതിമാരായ ഇൻസ്പെക്ടർ ജാപ്പിനും, ഹേസ്റ്റിംഗ്സിനും ഒപ്പം ലോകം കണ്ട ഏറ്റവും വലിയ അപസർപ്പകൻ കൊലപാതകത്തിന്റെ ചുരുളഴിക്കാൻ ഇറങ്ങിത്തിരിക്കുകയാണ്.

കഥയിലെ ഓരോ കഥാപാത്രങ്ങളും വളരെ ദുരൂഹമായി തുടരുന്ന, പ്രേക്ഷകന്റെ ഊഹങ്ങളെ പോലും കാറ്റിൽ പറത്തുന്ന, അതിനിഗൂഢവും അവിശ്വസനീയവുമായ ഈ ക്രൈം ത്രില്ലർ മറ്റു അഗത ക്രിസ്റ്റി കഥകളിൽ നിന്നും വളരെ വ്യത്യസ്തമാണ്. സീരീസ് മുഴുവനായി കാണാത്തവർക്കും ഒരു സിനിമ എന്നോണം കാണാൻ സാധിക്കുന്നതാണ് “അഗത ക്രിസ്റ്റിയുടെ പ്വാറോ” സീരീസിലെ ഏഴാം സീസണിലെ രണ്ടാമത്തെ എപ്പിസോഡായ “ലോർഡ് എഡ്ഗ്വേർ ഡൈസ്”.

അഭിപ്രായങ്ങൾ പങ്കുവെക്കാൻ

Categories : #Crime #Drama #English #Mystery

#MSone Release - 2846

No Time to Die (2021)
നോ ടൈം റ്റു ഡൈ (2021)

ഭാഷ : ഇംഗ്ലീഷ്
സംവിധാനം : Cary Joji Fukunaga
പരിഭാഷ : പ്രശോഭ് പി. സി. & രാഹുൽ രാജ്
പോസ്റ്റർ : രാഹുൽ രാജ്
ജോണർ : ആക്ഷൻ, അഡ്വഞ്ചർ, ത്രില്ലർ

IMDb ⭐️7.5/10

ജെയിംസ് ബോണ്ട് പരമ്പരയിലെ ഇരുപത്തിയഞ്ചാമത് ചിത്രം. ഡാനിയൽ ക്രേയ്ഗ് ബോണ്ടായി വേഷമിടുന്ന അഞ്ചാമത്തെയും അവസാനത്തെയും ചിത്രമാണ് ‘നോ ടൈം റ്റു ഡൈ‘. മുന്നൂറ് മില്യൻ ഡോളർ മുടക്കിയ ചിത്രം ഈ വർഷത്തെ ഏറ്റവും വിജയം നേടിയ ചിത്രങ്ങളിലൊന്നായി. ആക്ഷൻ രംഗങ്ങളുടെ മികവ് കൊണ്ടും ക്രേയ്ഗിന്റെ പ്രകടനം കൊണ്ടും മികച്ച നിരൂപക പ്രശംസയും നേടി.

ജെയിംസ് ബോണ്ടിന്റെ എക്കാലത്തെയും ശത്രുവായ സ്പെക്ടർ എന്ന സംഘടനയെയും, അതിന്റെ തലവനായ ബ്ലോഫെൽഡിനെയും കുറിച്ചുള്ള അന്വേഷണം പുതിയ തലങ്ങളിലേക്ക് എത്തുകയാണ് നോ ടൈം റ്റു ഡൈയിൽ. കാമുകിയായ മഡലീൻ സ്വാനിനൊപ്പം സ്വസ്ഥ ജീവിതം നയിക്കുന്ന ബോണ്ടിന് ഇറ്റലിയിൽ വെച്ച് അപ്രതീക്ഷിതമായ ആക്രമണം നേരിടേണ്ടി വരുന്നു.

വർഷങ്ങൾക്കു ശേഷം, Ml 6 ലബോറട്ടറിയിൽ അതിക്രമിച്ച് കടക്കുന്ന ചിലർ ഒരു ശാസ്ത്രജ്ഞനെ തട്ടിക്കൊണ്ടു പോകുന്നു. ദുരൂഹമായ ഒരു ജൈവായുധവും ഇവർ കൈക്കലാക്കി. ഇതു സംബന്ധിച്ച അന്വേഷണത്തിന് CIA ബോണ്ടിന്റെ സഹായം തേടുന്നു. ആദ്യം മടിച്ചെങ്കിലും, സംഭവത്തിനു പിന്നിൽ സ്പെക്ടർ ആണെന്നറിയുന്ന ബോണ്ട് കളത്തിലിറങ്ങാൻ തീരുമാനിക്കുന്നു. സ്പെക്ടറിനെയും കവച്ചുവെച്ച് വളർന്നു വരുന്ന ഒരപകടത്തെയാണ് പിന്നീട് ബോണ്ടിനും, ഒപ്പം ലോകത്തിനും നേരിടേണ്ടി വരുന്നത്.

എംസോൺ റിലീസ് ചെയ്തിട്ടുള്ള മറ്റു ജയിംസ് ബോണ്ട് ചിത്രങ്ങൾ

ഫ്രം റഷ്യ വിത്ത് ലവ് (1963)
ഗോള്‍ഡ് ഫിംഗര്‍ (1964)
തണ്ടര്‍ബോള്‍ (1965)
യു ഒൺലി ലിവ് ട്വൈസ് (1967)
ഓൺ ഹെർ മാജസ്റ്റീസ് സീക്രട്ട് സർവീസ് (1969)
ഡയമണ്ട്സ് ആർ ഫോറെവർ (1971)
ലിവ് ആൻഡ് ലെറ്റ് ഡൈ (1973)
ദ മാൻ വിത്ത് ദ ഗോൾഡൻ ഗൺ (1974)
ദ സ്പൈ ഹൂ ലവ്ഡ് മീ (1977)
ഒക്ടോപ്പസ്സി (1983)
ദ ലിവിംഗ് ഡേലൈറ്റ്സ് (1987)
ലൈസൻസ് ടു കിൽ (1989)
ഗോൾഡൻഐ (1995)
ഡൈ അനദർ ഡേ (2002)
കസീനോ റൊയാൽ (2006)
സ്കൈഫാൾ (2012)
സ്പെക്ടർ (2015)

അഭിപ്രായങ്ങൾ പങ്കുവെക്കാൻ

Categories : #Action #Adventure #English #James_Bond_Movie_Fest #Thriller

#MSone Release - 2847

Ray (2021)
റേ (2021)

ഭാഷ : ഹിന്ദി & ഇംഗ്ലീഷ്
സംവിധാനം : Vasan Bala, Srijit Mukherji & Abhishek Chaubey
പരിഭാഷ : ഫ്രെഡി ഫ്രാന്‍സിസ്
പോസ്റ്റർ : പ്രവീൺ അടൂർ
ജോണർ : ക്രൈം, ഡ്രാമ, ത്രില്ലർ

IMDb ⭐️7.2/10

ലോകസിനിമയിലെ തന്നെ ഏറ്റവും മികച്ച സംവിധായകരില്‍ ഒരാളായ സത്യജിത്ത് റേയിയുടെ നാല് ചെറുകഥകളെ അടിസ്ഥാനമാക്കി ചിത്രീകരിച്ച നാല് എപ്പിസോഡുകള്‍ അടങ്ങുന്ന ഒരു അന്തോളജി മിനി സീരീസ് ആണ് റേ.

ഒരു മനുഷ്യ കമ്പ്യൂട്ടര്‍ എന്ന് വിളിക്കാവുന്ന, സ്വന്തം ഓര്‍മയില്‍ അഭിമാനവും അഹങ്കാരവുമുള്ള ഇപ്സിത് രാമ നായര്‍ എന്നൊരു യുവാവിന്റെയും, അന്തര്‍മുഖനായ ഇന്ദ്രാഷിഷ് എന്ന മേക്കപ്പ് ആര്‍ട്ടിസ്റ്റിന്റെയും, ഒരു ട്രെയില്‍ യാത്രയ്ക്കിടയില്‍ വര്‍ഷങ്ങള്‍ക്കു ശേഷം വീണ്ടും കണ്ടുമുട്ടുന്ന രണ്ടുപേരുടെയും, ഒരു സിനിമാ നടന്റെയും കഥകളാണ് ഓരോ എപ്പിസോഡും പറയുന്നത്.

അസാധാരണമായ കഴിവുകളിൽ അഹങ്കരിക്കുമ്പോൾ ചുറ്റുമുള്ളവരുടെ വില നമ്മൾ മറന്നുപോകാറുണ്ട്. നമുക്കിടയിലെ നിസാരക്കാരെന്ന് കരുതുന്നവർക്ക് യഥാർത്ഥത്തിൽ എന്തൊക്കെ ചെയ്യാനാകുമെന്ന് നമ്മൾ ഓർക്കാറുപോലുമില്ല. ഭൂതകാലത്തിൽ എപ്പോഴോ സംഭവിച്ച ഒരു തെറ്റിന്മേലുള്ള കുറ്റബോധം ഒരു തീച്ചൂളയിലെന്നപോലെ നമ്മളെ നീറ്റാറില്ലേ? ഒരിക്കലെങ്കിലും നമുക്ക് കിട്ടിയിരുന്ന പ്രാധാന്യം മറ്റൊരാൾക്ക് കിട്ടുമ്പോൾ ഭ്രാന്ത് പിടിക്കുന്നത് പോലെ തോന്നാറില്ലേ?

ത്രില്ലർ, മിസ്റ്ററി സ്വഭാവമുള്ള ഈ എപ്പിസോഡുകൾ പ്രേക്ഷകരെ പിടിച്ചിരുത്തുന്നവയാണ്.

അഭിപ്രായങ്ങൾ പങ്കുവെക്കാൻ

Categories : #Crime #Drama #English #Hindi #Thriller #Web_Series

പറയാമോ?

എംസോണിൽ നിന്നും നിങ്ങൾ ആദ്യമായി കണ്ടത് ഏത് സീരീസാണ്?

നിങ്ങളുടെ എംസോണിലെ ഏറ്റവും പ്രിയപ്പെട്ട സീരീസ് ഏതാണ്?

നിങ്ങൾ ഇനി കാണാൻ പോകുന്നത് ഏത് സീരീസാണ്?

ഇനിയും എംസോണിൽ വരണമെന്ന് ആഗ്രഹിക്കുന്ന സീരീസ് ഏതാണ്?

നിങ്ങളുടെ അഭിപ്രായങ്ങൾ പറയാമോ? 😊

#MSone Release - 2819

The Walking Dead: Season 05 (2014)
ദ വാക്കിങ് ഡെഡ്:സീസൺ 05 (2014)

Episodes: 09-16
എപ്പിസോഡ്സ്: 09-16

ഭാഷ : ഇംഗ്ലീഷ്
നിർമാണം : Idiot Box Productions
പരിഭാഷ : ഗിരി പി. എസ്.
പോസ്റ്റർ : ഉണ്ണി ജയേഷ്
ജോണർ : ഡ്രാമ, ഹൊറർ, ത്രില്ലർ

IMDb ⭐️ 8.2/10

ടിവി സീരീസുകളുടെ ചരിത്രത്തിൽ ഒരിക്കലും ഒഴിച്ച് കൂടാനാവാത്ത ഒരു അദ്ധ്യായമായി മാറിയ സീരീസ് ആണ് ദ വാക്കിങ് ഡെഡ്. സോംബികൾ മനുഷ്യരെ ആക്രമിക്കുന്ന കഥകള്‍ മുമ്പും പല സിനിമകളിൽ വന്നിട്ടുണ്ട്. പക്ഷേ വാക്കിങ് ഡെഡ് അങ്ങനൊരു കഥയായിരുന്നില്ല. കാരണം വക്കിങ് ഡെഡിൽ വില്ലൻ സോംബികളല്ല, അത് മനുഷ്യരാണ്.

അതിജീവനം ഒരാവശ്യമായി വരുമ്പോള്‍, ജീവിതമെന്ന പേരിൽ നമ്മൾ സങ്കൽപിച്ചെടുത്ത അർത്ഥങ്ങൾ ഒന്നുമല്ലാതാകും. ജീവന്റെ അർത്ഥം ‘ജീവനോടെ നിലനിൽക്കുക’ എന്ന് മാത്രമാകും. ബന്ധങ്ങൾ നശിക്കും. സൗഹൃദങ്ങള്‍ ഇല്ലാതാകും. നരഭോജികളായ മൃഗങ്ങളെ പോലെ നമ്മള്‍ പരസ്പരം കടിച്ചു കീറും. ഇത്രേയുള്ളൂ മനുഷ്യന്മാർ!

റിക്ക് ഗ്രൈംസ് എന്ന പോലീസ് ഉദ്യോഗസ്ഥന് ജോലിക്കിടെ സംഭവിക്കുന്ന ഒരപകടത്തിൽ, അയാളുടെ ബോധം നശിച്ച് അയാള്‍ കോമയിലാകുന്നു. അതിൽ നിന്ന് ഉണരുന്ന റിക്കിന് കാണേണ്ടി വരുന്നത് ഒരു പുതിയ ലോകമാണ്! ആളൊഴിഞ്ഞ ആശുപത്രി കെട്ടിടവും, ചോര പതിഞ്ഞ ചുവരുകളും, അയാളെ പുറം ലോകത്തെ ഭീകരതയിൽ കൊണ്ടെത്തിക്കുന്നു. ‘വാക്കേഴ്സ്’ എന്ന് പേരിട്ട് വിളിക്കുന്ന സോംബികൾ, മനുഷ്യരെ കടിച്ചു കീറി ചോര കുടിക്കുന്ന ഒരു ലോകം അയാളെ കാത്തിരിക്കുകയായിരുന്നു. സ്വന്തം ഭാര്യയും മകനും ജീവനോടെയുണ്ടോ എന്നു പോലും അയാൾക്കറിയില്ല. സഹായിക്കാനോ, സഹതപിക്കാനോ കൂടെ ആരുമില്ല. ചുറ്റും മനുഷ്യ മാംസത്തിന്റെ ഗന്ധം തേടിയലയുന്ന ശവങ്ങളുടെ മുഖം മാത്രം! പ്രതീക്ഷയുടെ ഒരു കണിക പോലും, അയാളെ എവിടെയും കാത്തിരിക്കുന്നില്ല.

എംസോൺ റിലീസ് ചെയ്തിട്ടുള്ള ദി വാക്കിങ് ഡെഡ് സീരീസിന്റെ മറ്റ് സീസണുകൾ

ദ വാക്കിങ് ഡെഡ് – സീസൺ 01 (2010)
ദ വാക്കിങ് ഡെഡ് – സീസൺ 02 (2011)
ദ വാക്കിങ് ഡെഡ് – സീസൺ 03 (2012)
ദ വാക്കിങ് ഡെഡ് – സീസൺ 04 (2013)

അഭിപ്രായങ്ങൾ പങ്കുവെക്കാൻ

Categories : #Drama #English #Horror #Thriller #Web_Series

പറയാമോ?

എംസോണിൽ നിന്നും നിങ്ങൾ കണ്ട മൂവികളിൽ must watch movies ഏതാണ്?

മറ്റുള്ളവരുടെ അടുത്ത് നിങ്ങൾ നിർബന്ധമായും കാണാൻ പറയുന്ന എംസോണിൽ ഇറങ്ങിയ മൂവിസ് ഏതാണ്?

#MSone Release - 2848

#IranianFest - 01

Manuscripts Don’t Burn (2013)
മാനുസ്‌ക്രിപ്റ്റ്സ് ഡോണ്ട് ബേൺ (2013)

ഭാഷ : പേർഷ്യൻ
സംവിധാനം : Mohammad Rasoulof
പരിഭാഷ : പ്രശാന്ത് പി ആർ
പോസ്റ്റർ : ഉണ്ണി ജയേഷ്
ജോണർ : ഡ്രാമ, ത്രില്ലർ

IMDb ⭐️ 7.2/10

21 ഇറാനിയൻ സാഹിത്യകാരന്മാരെ ഒരു ബസിൽ വെച്ചു വധിക്കാനുള്ള 1996 ലെ പരാജയപ്പെട്ട ശ്രമത്തെ അടിസ്ഥാനമാക്കി ഇറാനിയൻ സംവിധായകനായ മുഹമ്മദ് റസലൂഫ് 2013 ൽ സംവിധാനം ചെയ്ത സിനിമയാണിത്.

വധശ്രമത്തിൽ നിന്നും രക്ഷപ്പെട്ട എഴുത്തുകാരിലൊരാൾ തനിക്ക് നേരെയുണ്ടായ വധശ്രമത്തെയും അതിന് പിന്നിൽ പ്രവർത്തിച്ചവരെയും കുറിച്ചുള്ള ഓർമകൾ കയ്യെഴുത്ത്പ്രതിയായി എഴുതി സൂക്ഷിക്കുന്നു. ഈ വിവരം ലഭിച്ച ഇറാനിയൻ ഭരണകൂടം ആ കയ്യെഴുത്ത്പ്രതികൾ കൈക്കലാക്കാൻ ശ്രമിക്കുന്നതാണ് സിനിമയുടെ ഇതിവൃത്തം.

ഇറാനിലെ എഴുത്തുകാരോടും ബുദ്ധിജീവികളോടും ഭരണകൂടം നടത്തുന്ന അതിക്രമങ്ങളും ഭരണകൂടത്തെ ഭയന്ന് ജീവിക്കേണ്ടി വരുന്ന എഴുത്തുകാരുടെയും അവരുടെ കുടുംബാംഗങ്ങളുടെയും അവസ്ഥയും സിനിമയിൽ മനോഹരമായി ചിത്രീകരിച്ചിരിക്കുന്നു.

അഭിപ്രായങ്ങൾ പങ്കുവെക്കാൻ

Categories : #Drama #Iranian_Fest #Persian #Thriller

#MSone Release – 2780

Barbaroslar: Akdeniz’in Kilici: Season 01 (2021) ബാർബറോസ്ലർ: അക്ദെനിസിൻ കിലിജി: സീസൺ 01 (2021)

സീസൺ 08 - ബോലും 08

ഭാഷ : ടർക്കിഷ്
നിർമാണം : ES Film
പരിഭാഷ : ഷിഹാസ് പരുത്തിവിള, ഐക്കെ വാസിൽ & റിയാസ് പുളിക്കൽ
പോസ്റ്റർ : അഷ്‌കർ ഹൈദർ
ജോണർ: ആക്ഷൻ, ഡ്രാമ, വാർ

IMDb ⭐️ 9.2/10

പതിനാറാം നൂറ്റാണ്ടിന്റെ മധ്യത്തിൽ മെഡിറ്ററേനിയൻ ഉൾക്കടലിനെ കിടുകിടാ വിറപ്പിച്ച, “മെഡിറ്ററേനിയന്റെ വാൾ” എന്നറിയപ്പെട്ട “ബാർബറോസാ” സഹോദരന്മാരുടെ ഐതിഹാസിക ചരിത്രം പറയുന്ന ടർക്കിഷ് സീരീസാണ് “ബാർബറോസ്ലാർ: അക്ദെനിസിൻ കിലിജി” അഥവാ ബാർബറോസമാർ : മെഡിറ്ററേനിയന്റെ വാൾ. സിംഹങ്ങൾ കഥ പറഞ്ഞു തുടങ്ങുന്നത് വരെയേ വേട്ടക്കാർ നായകന്മാരായിരിക്കുകയുള്ളൂ. ഇവിടെ യൂറോപ്പിലെ അധിനിവേശ സാമ്രാജ്യങ്ങൾ ഒന്നടങ്കം മെഡിറ്ററേനിയനിലെ കടൽ കൊള്ളക്കാരൻ എന്ന് വിളിച്ചു ആക്ഷേപിച്ച ഹൈറെദ്ദിൻ ഖിസിർ ബാർബറോസ, സ്‌പെയിൻ അധിനിവേശ സാമ്രാജ്യത്തിന്റെ അതിശക്തമായ നാവിക സേനയ്ക്കെതിരെ ഒറ്റയ്ക്ക് പോരാടി അൾജീരിയയെ സ്പെയ്നിൽ നിന്നും മോചിപ്പിച്ചു അൾജീരിയയുടെ സുൽത്താനായി മാറിയ ഒറുച് ബാർബറോസ എന്നീ സിംഹങ്ങൾ അവരുടെ കഥ പറഞ്ഞു തുടങ്ങുകയാണ്. നായകന്മാർ എന്ന് അഹങ്കരിച്ച പലരും ഇനി വില്ലന്മാരായി മാറും. ഓട്ടോമൻ സുൽത്താൻ സുലൈമാൻ ദി മാഗ്നിഫിഷ്യന്റിന് എന്തിനായിരുന്നു പല സാമ്രാജ്യങ്ങളും കടൽക്കൊള്ളക്കാരൻ എന്ന് ആക്ഷേപിച്ച ഖിസിർ ബാർബറോസയെ തന്റെ സാമ്രാജ്യത്തിന്റെ നാവികസേനാ തലവനാക്കി ഹൈറെദ്ദിൻ എന്ന സ്ഥാനപ്പേര് നൽകി ആദരിച്ചത് എന്നുള്ളതിന്റെയൊക്കെ ഉത്തരം ഈ വീരോചിതമായ ഇതിഹാസ കാവ്യം പറയും. എർതൂറുൽ ഗാസിയായി ലോകമെമ്പാടും ആരാധകരെ സൃഷ്ടിച്ച എങ്കിൻ അൽത്താൻ ദുസിയത്താൻ, ഒറൂച്ച് റയീസ് ബാർബറോസയായി തിരിച്ചു വരുമ്പോൾ ദിറിലിഷ് എർതൂറുൽ എന്ന സൂപ്പർഹിറ്റ് സീരീസിന്റെ ലോകമെമ്പാടുമുള്ള ആരാധകർക്ക് കൂടി ഇത്‌ വിരുന്നാണ്. പ്രതീക്ഷിക്കാതെ വന്നു ബ്രഹ്‌മാണ്ഡമായി മാറിയ ദിറിലിഷിന്റെ ന്യൂനതകളിൽ ചിലതായിരുന്ന വിഷ്വൽ എഫക്ട്സും സംഘട്ടന രംഗങ്ങളും ബാർബറോസയിലേക്ക് വരുമ്പോൾ ന്യൂനതകൾ എല്ലാം പരിഹരിച്ചുള്ളതാവുകയാണ്. എങ്കിന്റെ കൂടെ ഹിളിർ ഹൈറെദ്ദിൻ പാഷാ ബാർബറോസയായി ഉലാഷ് തുനാ ആസ്ത്തെപ്പേ കൂടി വരുമ്പോൾ ലോകം ഒരു പുത്തൻ താരോദയത്തിനു കൂടി സാക്ഷ്യം വഹിക്കാൻ പോവുകയാണ്. ഹൈറെദ്ദിൻ ബാർബറോസയുടെയും ഒറുച് റെഇസിന്റെ വീരോചിത ചരിത്രത്തിന് നമുക്കും സാക്ഷ്യം വഹിക്കാം.. Hayde.. Hayde..!

അഭിപ്രായങ്ങൾ പങ്കുവെക്കാൻ

Categories : #Action #Drama #Turkish #War #Web_Series

#MSone Release - 2849

MSONE GOLD RELEASE

Our Mothers (2019)
അവർ മദേഴ്‌സ് (2019)

ഭാഷ : സ്പാനിഷ്
സംവിധാനം : Cesar Diaz
പരിഭാഷ : ബോയെറ്റ് വി ഏശാവ്
പോസ്റ്റർ : ആദർശ് പ്രവീൺ
ജോണർ : ഡ്രാമ

IMDb ⭐️ 6.7/10

സീസർ ഡയസ് (César Díaz) എഴുതി സംവിധാനം ചെയ്ത് 2019ൽ പുറത്തിറങ്ങിയ ചിത്രമാണ് അവർ മദേഴ്സ്.

1980-കളിൽ ഗ്വാട്ടിമാലയിലെ ആഭ്യന്തര യുദ്ധത്തിന്റെ ഭാഗമായി നടന്ന കൂട്ടകുരുതിയുടെ പശ്ചാത്തലത്തിൽ തകർക്കപ്പെട്ട കുടുംബങ്ങളെയും സ്ത്രീകളെയും പറ്റി പറയുകയാണ് ഈ ചിത്രം.

2019-ലെ ഐ.എഫ്.എഫ്.കെ യിലെ മികച്ച ചിത്രത്തിനായുള്ള മത്സര വിഭാഗത്തിൽ ഈ ചിത്രം പ്രദര്‍ശിപ്പിച്ചിട്ടുണ്ട് കൂടാതെ മികച്ച വിദേശ ഭാഷ ചിത്രത്തിനുള്ള ബെൽജിയത്തിന്റെ ഓസ്കാർ സബ്മിഷനായിരുന്നു ഈ ചിത്രം

അഭിപ്രായങ്ങൾ പങ്കുവെക്കാൻ

Categories : #Drama #MsoneGold #Spanish