#MSone Release - 2919

All of Us Are Dead (2022)
ഓൾ ഓഫ് അസ് ആർ ഡെഡ് (2022)

Episodes: 01 - 06
എപ്പിസോഡ്സ്: 01 - 06

ഭാഷ : കൊറിയൻ
സംവിധാനം : J.Q. Lee & Kim Nam-Soo
പരിഭാഷ : തൗഫീക്ക് എ
പോസ്റ്റർ : പ്രവീൺ അടൂർ
ജോണർ : ആക്ഷൻ, ഡ്രാമ, ഫാന്റസി

IMDb ⭐️ 7.7/10

സ്‌ക്വിഡ് ഗെയിം, മൈ നെയിം, ഹെൽബൗണ്ട് തുടങ്ങിയ സൂപ്പർഹിറ്റ് സീരീസുകൾക്ക് ശേഷം നെറ്റ്ഫ്ലിക്‌സിന്റെ ബാനറിൽ 2022 ൽ പുറത്തിറങ്ങിയ കൊറിയൻ സോമ്പി സർവൈവൽ ത്രില്ലറാണ് “ഓൾ ഓഫ് അസ് ആർ ഡെഡ്“. പതിവ് സോമ്പി സിനിമ, സീരീസ് രീതികളിൽ നിന്ന് വ്യത്യസ്തമായി ഒരു പറ്റം സ്കൂൾ വിദ്യാർഥികളുടെ അതിജീവന കഥയിലൂടെയാണ് സീരീസ് മുമ്പോട്ട് പോകുന്നത്. വളരെ വേഗത്തിൽ പറഞ്ഞ് പോകുന്ന കഥയും ഒരു കഥാപാത്രത്തിൽ മാത്രം ഊന്നി കഥ പറയാതെ എല്ലാ കഥാപാത്രങ്ങൾക്കും വ്യക്തമായ സ്പേസും റോളും കൊടുക്കുന്ന സീരീസ് മറ്റ് സോമ്പി ത്രില്ലറുകളിൽ നിന്നും വേറിട്ട് നിൽക്കുന്നു.

ഒരു സാധാരണ ദിവസം എന്നതിലുപരി മറ്റൊന്നും അന്ന് സ്കൂളിലേക്ക് വരുമ്പോൾ അവർ പ്രതീക്ഷിച്ചിരുന്നില്ല. എന്നാൽ എല്ലാവരുടെയും ജീവിതം കീഴ്മേൽ മറിക്കുന്ന ഒരു ദിവസമായി അത് മാറി. സ്കൂൾ സയൻസ് ലാബിൽ പരീക്ഷണ വസ്തുവായ എലിയിൽ നിന്നും ആ വൈറസ് സ്കൂളിലെമ്പാടും പടരാൻ തുടങ്ങി. എങ്ങനെയാണ് ആ വൈറസ് ഉണ്ടായത്? വിദ്യാര്‍ത്ഥികളിൽ ആരൊക്കെ അതിജീവിക്കും? ഈ വൈറസ് സ്കൂളിന് ഉള്ളിൽ തന്നെ നിൽക്കുമോ?

സാധാരണ ത്രില്ലറുകളിൽ നിന്ന് മാറി എല്ലാത്തിനും വിശദീകരണങ്ങൾ നൽകാനും, കൃത്യമായി പ്രേക്ഷകനെ കഥാപാത്രങ്ങളുടെ ഇമോഷൻസുമായി കണക്ട് ചെയ്യാനും സീരീസിന് കഴിഞ്ഞിട്ടുണ്ട്. ഓരോ എപ്പിസോഡിലും വരുന്ന ട്വിസ്റ്റുകളും, ക്ലിഫ് ഹാങ്ങറുകളും, മുഷിപ്പിക്കാത്ത രീതിയിലുള്ള ആഖ്യാനവും “ഓൾ ഓഫ് അസ് ഡെഡ്” നെ മറ്റ് സീരിസുകളിൽ നിന്ന് വേറിട്ട് നിർത്തുന്നു.

സ്കൂൾ വിദ്യാര്‍ത്ഥികളുടെ കഥ ആയതുകൊണ്ട് തന്നെ അഡൾട്ട് രംഗങ്ങൾ തീരെ ഇല്ലെങ്കിലും അതിതീവ്ര വയലൻസും ചോരക്കളിയും സീരീസിനെ 18+ ആക്കുന്നു. വയലൻസ് രംഗങ്ങളിൽ ഒരു വിട്ടുവീഴ്ചയും കാണിക്കാത്ത നെറ്റ്ഫ്ലിക്സ് ഈ സീരീസിലും അത് ആവർത്തിച്ചു.

ഒരു മണിക്കൂർ മുതൽ ഒന്നേകാൽ മണിക്കൂർ വരെ ദൈർഘ്യമുള്ള
12 എപിസോഡുകളാണ് സീരീസിലുള്ളത്.

അഭിപ്രായങ്ങൾ പങ്കുവെക്കാൻ

Categories : #Action #Drama #Fantasy #Korean #Web_Series

Voice 2

"മനുഷ്യനെ വേട്ടയാടും പോലെ
മറ്റൊരു വേട്ടയും ഇല്ല...!

ഇനി മണിക്കൂറുകൾ മാത്രം

നമ്മുടെ എംസോണിൽ മലയാളം പരിഭാഷയിൽ ആസ്വദിക്കാം...

Teaser Cut : BENHAR SABU XAVIER⚡️⚡️

#MSone Release - 2920

Voice – Season 02 (2018)
വോയ്സ് – സീസൺ 02 (2018)

ഭാഷ : കൊറിയൻ
സംവിധാനം : Hong-sun Kim Nam Ki Hoon & Lee Seung-Young
പരിഭാഷ: ഫ്രാൻസിസ് വർഗീസ്,
അഖിൽ ജോബി, അരുൺ അശോകൻ, സജിത്ത് ടി.എസ്, അഭിജിത്ത് എം ചെറുവല്ലൂർ, ഐക്കെ വാസിൽ, സാരംഗ് ആർ എൻ, തൗഫീക്ക് എ, മുഹമ്മദ് സിനാൻ,
അക്ഷയ് ആനന്ദ്, അരുൺ ബി. എസ്, കൊല്ലം & ഫഹദ് അബ്ദുൽ മജീദ്
പോസ്റ്റർ : പ്രവീൺ അടൂർ
ജോണർ : ആക്ഷൻ, ക്രൈം, മിസ്റ്ററി

IMDb ⭐️ 7.6/10

2017ൽ പുറത്തിറങ്ങിയ”വോയ്‌സ്” ന്റെ രണ്ടാമത്തെ സീസണാണ് 2018 ഇൽ ഇറങ്ങിയ “വോയ്‌സ് 2” എങ്കിലും ആദ്യത്തെ സീസണിന്റെ കഥയുടെ തുടർച്ചയല്ല.

“ഡയറക്ടർ കാങ് കോൻ ജൂ തിരിച്ചെത്തിയിരിക്കുന്നു. ഗോൾഡൻ ടൈം ടീം ഇപ്പൊ പഴയ പോലെയല്ല. ആദ്യം എതിർപ്പുകൾ ഉണ്ടായിരുന്നെങ്കിലും കേസുകൾ വിജയകരമായി പരിഹരിച്ചു തുടങ്ങിയതോടെ ഗോൾഡ്‌ൻ ടൈം ടീം വിപുലീകരിക്കാൻ അനുമതി കമ്മീഷണർ അനുമതി നൽകി”

മകന്റെ അസുഖം കാരണം ഡീറ്റക്ടീവ് മൂ ജിൻ ഹ്യൂക്ക് അമേരിക്കയിലേക്ക് പോയതും ഓ ഹ്യുൻ ഹോ പഠനാവശ്യത്തിനായി ജപ്പാനിൽ പോയതും ഡയറക്ടർ കാങ് കോന് ജൂവിനെ വിഷമത്തിലാക്കിയെങ്കിലും റിട്ടയർ ചെയ്ത വൈലന്റ് ക്രൈം ടീം ക്യാപ്റ്റൻ ജാങ് ക്യുങ് ഹാക് ഗോൾഡൻ ടൈം ടീമിന്റെ ക്യാപ്റ്റനായി തിരിച്ചു വന്നു. ഹ്യുൻ ഹോക്ക് പകരം ജിൻ സോ സുൽ പുതിയതായി ടീമിൽ ചേർന്നു.

ഗോൾഡൻ ടൈം ടീമിനെ നിയന്ത്രിച്ചു കൊണ്ട് പോകുന്നതിനിടെ
കാങ് കോന് ജൂവിന് ഒരു കോൾ വരുന്നു.

“ക്യാപ്റ്റൻ ജങ് ഹ്യുങ് ഹകിനെ ആരോ കൊലപ്പെടുത്തി”

ഇത് ഞെട്ടലോടെ കേട്ട കാങ് കോന് ജൂവും ഡിസ്പ്പാച്ച് ടീം അംഗങ്ങളും സംഭവസ്ഥലത്ത് എത്തി ചേർന്നപ്പോൾ ഈ കൊലപാതകത്തിന്റെ പിറകിൽ നിഗൂഢതകൾ ഉള്ളതായി അവർ മനസ്സിലാക്കുന്നു. ഒരു സീരിയൽ കില്ലറിനെ അന്വേഷിച്ചു വരുന്ന ഡിറ്റക്ടീവ് ഡോ കാങ് വൂയും ഈ കൊലപാതകത്തെ കുറിച്ച് കേട്ട് അന്വേഷിച്ചു വരുന്നതോടെ കഥ വഴിതിരിവിലേക്ക് നീങ്ങുന്നു.

ശേഷം നിങ്ങൾക്ക് മുന്നിൽ…..

ആദ്യ സീസൺ പോലെ ഒരു ഫാസ്റ്റ് പേസ് സീസൺ അല്ലെങ്കിൽ കൂടിയും
ത്രില്ലർ സീരിസുകൾ ഇഷ്ടപ്പെടുന്നവർ കണ്ടിരിക്കേണ്ട സീരീസാണ് വോയ്‌സ് 2.

അഭിപ്രായങ്ങൾ പങ്കുവെക്കാൻ

Categories : #Action #Crime #Korean #Mystery #Web_Series

#MSone Release - 2921

Bol (2011)
ബോൽ (2011)

ഭാഷ : ഉറുദു
സംവിധാനം : Shoaib Mansoor
പരിഭാഷ: പ്രശാന്ത് ശ്രീമംഗലം
പോസ്റ്റർ : അഷ്‌കർ ഹൈദർ
ജോണർ: ഡ്രാമ

IMDb ⭐️8.3/10

ബോൽ… തുറന്നുപറയുക, മതാചാരങ്ങളുടെ വേലിക്കെട്ടുകൾക്കുള്ളിൽ എരിഞ്ഞുതീരുന്ന പെൺ ജീവിതങ്ങൾ ഇന്ത്യയിലായാലും പാകിസ്താനിലായാലും ഒരുപോലെയാണ്.

അത്തരം ഒരു കുടുംബത്തിലേക്ക് ഒരു ഭിന്നലിംഗത്തിൽ പെട്ട ഒരു കുട്ടി ജനിച്ചുവീഴുമ്പോൾ ആ കുടുംബത്തിൽ വന്നുചേരുന്ന അസ്വസ്ഥതകൾ ജീവിതങ്ങളെ കൊണ്ടെത്തിക്കുന്ന അവസ്ഥകളുടെ നേർക്കാഴ്ച്ചയാണ് ഈ പാകിസ്താനി ചലച്ചിത്രം.

ഷൊയെബ് മൻസൂർ സംവിധാനം ചെയ്ത ഈ ചിത്രം നമുക്ക് പരിചയമുള്ള ആതിഫ് അസ്‌ലം ഉൾപ്പെടെയുള്ള കലാകാരന്മാർ അണിനിരന്ന ചിത്രവുമാണ്.

അഭിപ്രായങ്ങൾ പങ്കുവെക്കാൻ

Categories : #Drama #Hindi

കലർപ്പില്ലായ്മയാണ് കണക്കിന്റെ സൗന്ദര്യം, ഒടുക്കമാണ് യഥാർത്ഥ തുടക്കം.

ഉടൻ വരുന്നു...

Cut: ഷൈജു എസ് 🦋

Foundation
2021 ‧ Drama ‧ 1 season

#MSone Release - 2829

Attack on Titan - Season 04 (2020)
അറ്റാക്ക് ഓൺ ടൈറ്റൻ – സീസൺ 04 (2020)

Part 02 - Episode 04
പാർട്ട് 02 - എപ്പിസോഡ് 04

ഭാഷ : ജാപ്പനീസ്
സംവിധാനം : Tetsurô Araki
പരിഭാഷ : അഗ്നിവേശ്, ഷക്കീർ
പോസ്റ്റർ : ഉണ്ണി ജയേഷ്
ജോണർ : ആക്ഷൻ, അനിമേഷന്‍, അഡ്വഞ്ചർ

IMDb ⭐️ 9.0/10

ലോകത്തെമ്പാടും കോടിക്കണക്കിനു ആരാധകരുള്ള ജാപ്പനീസ് അനിമേ ആണ് അറ്റാക്ക് ഓൺ ടൈറ്റൻ. Hajime Isayama യുടെ ഇതെ പേരിലുള്ള manga അടിസ്ഥാനമാക്കി 2013 ഏപ്രിൽ 7 മുതൽ ആണ് ഈ സീരീസ് സംപ്രക്ഷേപണം ആരംഭിച്ചത്.അതി വിശാലമായ തിരക്കഥയും അമ്പരപ്പിക്കുന്ന വഴിതിരിവുകളും കൊണ്ട് ഓരോ എപ്പിസോഡുകളും പ്രേക്ഷകരെ ത്രില്ലടിപ്പിക്കുന്ന ഈ സീരീസിനു 9/10 IMDb റേറ്റിംഗ് ഉണ്ട്.

കഥ,തിരക്കഥ, സംഭാഷണം, അനിമേഷൻ, സംഗീതം തുടങ്ങി എല്ലാ മേഖലകളിലും ഒന്നിനൊന്നു മികച്ചു നിൽക്കുന്ന ഈ സീരീസ് കഥാപാത്ര വൈവിദ്ധ്യം കൊണ്ടും കഥാപാത്ര രൂപീകരണം കൊണ്ടും മറ്റൊരു തലത്തിൽ എത്തി നിൽക്കുന്നു.

ഒരു സാങ്കല്പിക പോസ്റ്റ്‌ അപ്പോകലിപ്റ്റിക് ലോകത്താണ് അറ്റാക്ക് ഓൺ ടൈറ്റന്റെ കഥ നടക്കുന്നത്. 100 വർഷങ്ങൾക്കു മുൻപ് പ്രത്യക്ഷപ്പെട്ട മനുഷ്യ സാദൃശ്യമുള്ള ടൈറ്റനുകളെന്ന ഭീകര സത്വങ്ങൾ മനുഷ്യരാശിയെ വംശനാശത്തിന്റെ വക്കിൽ എത്തിച്ചു.അന്ന് അതിജീവിച്ചവർ മരിയ റോസ് സീന എന്നീ 3 മതിലുകൾ സ്ഥാപിച്ചു.നൂറ്‌ വർഷത്തോളം അവർ ആ മതിലുകൾക്കുള്ളിൽ സമാധാനമായി ജീവിച്ചു. പക്ഷേ… അന്ന് വരെ സുരക്ഷിതമെന്ന് കരുതിയിരുന്ന ആ മതിലുകൾ തകർപ്പെടുന്നതോടെ മനുഷ്യരാശിക്ക് ഒരു ഓർമപ്പെടുത്തലുണ്ടാകുന്നു.

എംസോൺ റിലീസ് ചെയ്തിട്ടുള്ള അറ്റാക്ക് ഓൺ ടൈറ്റൻ മറ്റു സീസണുകൾ

അറ്റാക്ക് ഓൺ ടൈറ്റൻ – സീസൺ 01 (2013)
അറ്റാക്ക് ഓൺ ടൈറ്റൻ – സീസൺ 02 (2017)
അറ്റാക്ക് ഓൺ ടൈറ്റൻ – സീസൺ 03 (2018)

അഭിപ്രായങ്ങൾ പങ്കുവെക്കാൻ

Categories : #Action #Adventure #Animation #Japanese #Web_Series

#MSone Release - 2922

Mard Ko Dard Nahin Hota (2018)
മർദ് കൊ ദർദ് നഹീം ഹോത്താ (2018)

ഭാഷ : ഹിന്ദി
സംവിധാനം : Vasan Bala
പരിഭാഷ : റിയാസ് പുളിക്കൽ
പോസ്റ്റർ : അഷ്‌കർ ഹൈദർ
ജോണർ: ആക്ഷൻ, കോമഡി

IMDb ⭐️ 7.4/10

കൺജീനിയൽ ഇൻസെൻസിറ്റിവിറ്റി ടു പെയിൻ എന്ന അപൂർവ്വ രോഗവുമായി ജനിച്ച കുട്ടിയായിരുന്നു സൂര്യ. വേദന അനുഭവപ്പെടാനുള്ള കഴിവില്ലാഴ്മയാണ് ഈ രോഗാവസ്ഥ. നാല് വയസ്സിന് മേലെ സൂര്യ ജീവിക്കില്ല എന്ന് ഡോക്ടർമാർ വിധിയെഴുതി. അവനൊരു ചോരക്കുഞ്ഞായിരിക്കെ തന്നെ അവന്റെ അമ്മ രണ്ട് മോഷ്ടാക്കളുടെ പിടിച്ചു പറിക്കിടയിൽ കൊല്ലപ്പെട്ടു. അതുകൊണ്ട് തന്നെ അവന്റെ അച്ഛൻ ജതിൻ സമ്പത്ത് അതീവ ശ്രദ്ധയോടെയായിരുന്നു സൂര്യയെ വളർത്തിയത്. പക്ഷേ, സൂര്യയുടെ മുത്തശ്ശൻ (അമ്മയുടെ അച്ഛൻ) ഒരൽപ്പം കുസൃതിയുള്ള കൂട്ടത്തിലായിരുന്നു. സൂര്യയെ വളർത്തിയത് മുത്തശ്ശൻ ആയതുകൊണ്ട് മുത്തശ്ശനെക്കാൾ കുസൃതിയിലാണ് അവൻ വളർന്നു വലുതായത്. അതായത് ഡോക്ടർമാരുടെ പ്രവചനം തെറ്റിച്ചുകൊണ്ട് അവൻ വളർന്നു. അവന്റെ അസുഖം കാരണം അവൻ ഒരിടത്തും പരാജയപ്പെട്ടു പോകരുതെന്ന് മുത്തശ്ശന് അത്രയ്ക്കും നിർബന്ധമുണ്ടായിരുന്നു. അതുകൊണ്ട് തന്നെ അതിനെ മറികടക്കാനുള്ള എല്ലാ ഉപായങ്ങളും പഠിപ്പിച്ചിട്ടായിരുന്നു മുത്തശ്ശൻ സൂര്യയെ വളർത്തിയത്. മുത്തശ്ശൻ പറഞ്ഞ കഥകളിലൂടെ കരാട്ടേയും കുങ്-ഫുവുമൊക്കെയായിരുന്നു സൂര്യയ്ക്ക് പ്രിയം. മുത്തശ്ശൻ അതിലൊക്കെ പരിശീലനം കൊടുത്തായിരുന്നു സൂര്യയെ വളർത്തിയത്. കൂടാതെ ബ്രൂസ് ലീയുടേത് അടക്കം മാർഷ്യൽ ആർട്സ് ഉള്ള സകല ഇടിപടങ്ങളുടെയും ആരാധകനായിരുന്നു കൊച്ചു സൂര്യ. അങ്ങനെയൊരിക്കൽ ഒരു വീഡിയോ കാസറ്റിൽ, തന്റെ ഒറ്റക്കാല് കൊണ്ട് നൂറ് പേരെ അടിച്ചിടുന്ന കരാട്ടേ-മാൻ എന്നറിയപ്പെടുമ്മ ആളെ നോക്കി സൂര്യ അന്ധാളിച്ചു പോവുകയാണ്. വലുതാകുമ്പോൾ താനുമൊരു കരാട്ടേ-മാൻ ആകുമെന്ന് സൂര്യ സ്വപ്‌നം കാണുന്നു. വേദന അറിയാത്ത അസുഖമുള്ള സൂര്യയെ സ്കൂളിലെ സഹപാഠികൾ പലപ്പോഴും ഒരു പരീക്ഷണ വസ്തുവായാണ് കണ്ടത്. അപ്പോഴൊക്കെ അവന്റെ രക്ഷയ്‌ക്കെത്തിയത് അവന്റെ അയൽവാസി കൂടിയായ സുപ്രി എന്ന പെൺകുട്ടിയായിരുന്നു. സൂര്യ കാരണം സുപ്രിയുടെ അച്ഛന് സംഭവിക്കുന്ന അപകടം കാരണം സൂര്യയ്ക്കും സുപ്രിക്കും വഴി പിരിയേണ്ടി വരികയാണ്. തന്റെ അസുഖത്തെ ഒരു സൂപ്പർ പവർ ആക്കിമാറ്റി സൂര്യയൊരു സൂപ്പർഹീറോ ആയി മാറുമോ? തന്റെ ബാല്യകാല സഖിയുമായി വീണ്ടും ഒത്തുചേരുമോ? തമാശയിൽ പൊതിഞ്ഞ വളരെ വ്യത്യസ്തമായ സൂപ്പർഹീറോ കഥ ഇവിടെ ജനിക്കുകയാണ്.

അഭിപ്രായങ്ങൾ പങ്കുവെക്കാൻ

Categories : #Action #Comedy #Hindi

Petite Maman / പെറ്റിറ്റ് മമൊ (2021)
എംസോൺ റിലീസ് – 2914

MSONE GOLD RELEASE⚡️

Cut: Girish Kumar N P

പരിഭാഷ: രോഹിത് ഹരികുമാര്‍

2021-ലെ മികച്ച സിനിമകളില്‍ ഒന്നാണ് പെറ്റിറ്റ് മമൊ. പല അന്താരാഷ്‌ട്ര ചലച്ചിത്ര മേളകളില്‍ പ്രദര്‍ശിപ്പിച്ച ഈ ചിത്രം മികച്ച നിരൂപക പ്രശംസയാണ് നേടിയെടുത്തത്.
നമ്മുടെ എംസോണിൽ മലയാളം പരിഭാഷയിൽ ആസ്വദിക്കാം....

#MSone Release - 2923

My Little Brother (2017)
മൈ ലിറ്റൽ ബ്രദർ (2017)

ഭാഷ : കൊറിയൻ
സംവിധാനം : Ma Dae-yun
പരിഭാഷ: സജിത്ത് ടി.എസ്
പോസ്റ്റർ : ഉണ്ണി ജയേഷ്
ജോണർ : കോമഡി

IMDb ⭐️ 6.5/10

ചില സഹോദരങ്ങൾ തമ്മിൽ നല്ല അടുപ്പത്തിലായിരിക്കും. ചിലർ അത്ര അടുപ്പത്തിലായിരിക്കില്ല. എന്നാൽ ഒരു അടുപ്പവും ഇല്ലാത്ത മൂന്ന് സഹോദരങ്ങളുടെ കഥയാണ് ഇത്.

O Sung Ho, O Su Kyung, O Joo Mi. മൂന്ന് പേരും സഹോദരങ്ങൾ ആണെങ്കിലും, തമ്മിൽ വലിയ അടുപ്പമൊന്നുമില്ല. ഒരു ദിവസം മൂന്ന് പേർക്കും അച്ഛൻ മരിച്ചു എന്ന കോൽ വരുന്നു. അച്ഛൻ കുറേ കാലമായി ഗ്രാമപ്രദേശത്താണ് താമസം. അതുകൊണ്ട് ഇവരുമായി കോണ്ടാക്ട് ഇല്ല. സോളിലേക്ക് വരുമ്പോ ഉണ്ടായ ബസ് അപകടത്തിലാണ് അച്ഛൻ മരണപ്പെട്ടത്. ശവസംസ്കാരത്തിൽ വെച്ച് ഒരു പയ്യൻ അവരുടെ അനിയനാണെന്ന് പറഞ്ഞ് അവരെ സമീപിക്കുന്നു. ചെറിയ പയ്യൻ ആയതുകൊണ്ട് അമ്മയുടെ മരണ ശേഷം അച്ഛൻ ആ ചെക്കനെ ദത്തെടുത്തതാകാം എന്നവർ ഊഹിക്കുന്നു. പിന്നീട് ഉണ്ടാകുന്ന ഓരോ സംഭവങ്ങളും, തമാശകളും, വൈകാരിക നിമിഷങ്ങളും, അവർക്കിടയിലെ കുടുംബ ബന്ധങ്ങളുടേയും കഥ പറയുന്ന ഒരു Family-Comedy, Feelgood movie യാണ്, Ma Dae Yun ന്റെ സംവിധാനത്തിൽ 2017 ൽ പുറത്തിറങ്ങിയ മൈ ലിറ്റൽ ബ്രദർ.

അഭിപ്രായങ്ങൾ പങ്കുവെക്കാൻ

Categories : #Comedy #Korean

"ദാസാ, ഓരോന്നിനും അതിന്റെതായ സമയമുണ്ട് നാളെയാണ് ആ സമയം.

ബാക്കി എപ്പിസോഡുകൾ നമ്മുടെ എംസോണിൽ മലയാളം പരിഭാഷയിൽ ആസ്വദിക്കാം...

കാത്തിരിക്കുക 💥

Cut: ഷൈജു എസ്

All of Us Are Dead
2022 ‧ Korean drama ‧ 1 season

#MSone Release - 2924

Foundation – Season 01 (2021)
ഫൗണ്ടേഷൻ – സീസൺ 01 (2021)

Episodes: 01-05
എപ്പിസോഡ്‌സ്: 01-05

ഭാഷ : ഇംഗ്ലീഷ്
നിർമാണം : Phantom Four & Skydance Television
പരിഭാഷ : ഗിരി പി. എസ്. രാഹുൽ രാജ്,
പ്രശോഭ് പി. സി., അജിത് രാജ്,
ഫ്രെഡി ഫ്രാൻസിസ് & മുജീബ് സി പി വൈ
പോസ്റ്റർ : ഉണ്ണി ജയേഷ്
ജോണർ : ഡ്രാമ, സയൻസ് ഫിക്ഷൻ

IMDb ⭐️ 7.4/10

ആയിരത്തി തൊള്ളായിരത്തി അമ്പതുകളിൽ പുറത്തിറങ്ങിയ ഐസക് അസ്സിമോവിന്റെ ഫൗണ്ടേഷൻ എന്ന നോവലിനെ തന്നെ ആധാരമാക്കി 2021-ൽ ഡേവിഡ് എസ് ഗോയറും ജോഷ് ഫയർഡ്മാനും ചേർന്ന് നോവലിന്റെ അതേ പേരിൽ പുറത്തിറക്കിയ ഡ്രാമ സീരീസാണ് “ഫൗണ്ടേഷൻ“. അമ്പതുകളിൽ പുറത്തിറങ്ങിയ നോവൽ വലിയ ജനപ്രീതി നേടിയിട്ടും മറ്റുപല നോവലുകൾക്കും സീരിസുകൾക്കും വഴിയൊരുക്കി കൊടുത്തിട്ടും ഫൗണ്ടേഷൻ മാത്രം ചലച്ചിത്രമായി മുൻപോട്ട് വരാൻ അര നൂറ്റാണ്ടിന് മുകളിൽ സമയമെടുത്തു. നോവലിൽ ഉള്ളത് പോലെ ചിത്രീകരിക്കാൻ ആത്മവിശ്വാസം ഉണ്ടായില്ല എന്നതാണ് ഈ നോവൽ ഒരു സീരീസ് ആക്കാൻ പലരും മടിച്ചതിന്റെ കാരണം. ഇപ്പോൾ നമുക്ക് മുന്നിലേക്ക് വന്നിരിക്കുന്ന ഈ സീരീസ് നോവലിൽ ഉള്ളതിനെ മികച്ച രീതിയിൽ അവതരിപ്പിച്ച മികച്ചൊരു സീരീസായ് നിരൂപകർ കണക്കാകുന്നുണ്ട്.

ഗേൽ എന്ന കഥാപാത്രത്തിൽ നിന്നാണ് സീരീസ് ആരംഭിക്കുന്നത് ഈ കഥാപാത്രം ജീവിക്കുന്ന ഗ്രഹമായ സിനെക്സ് മുഴുവൻ ജലമാണ്, ആഗോള താപനം മൂലം വീണ്ടും ഇവിടെ വെള്ളം കയറുന്നുമുണ്ട്, അവിടുത്തെ ജനങ്ങൾ അന്ധമായ ഈശ്വര വിശ്വാസത്തിലേർപ്പെട്ട്, യാഥാർത്ഥ്യത്തിനു നേരെ കണ്ണടച്ച്, അവസാനത്തെ അവഗണിച്ചു ജീവിക്കുകയാണ്, പക്ഷേ ഗേൽ എന്ന കഥാപാത്രം ഇവരുടെ വിശ്വാസത്തെ അതിജീവിക്കുകയും സിനെക്സിനെ അപേക്ഷിച്ച് ഏറെ പുരോഗതി പ്രാപിച്ച ട്രാൻറ്റർ എന്ന ഗ്രഹത്തിലേക്ക് എത്തിപ്പെടുകയും ചെയ്യുന്നു. പിന്നീട് നടക്കുന്ന കഥ മികച്ച ദൃശ്യമികവോടെ ആണ് അവതരിപ്പിക്കപ്പെട്ടിരിക്കുന്നത്.

അഭിപ്രായങ്ങൾ പങ്കുവെക്കാൻ

Categories : #Drama #English #Sci_Fi #Web_Series

#MSone Release - 2919

All of Us Are Dead (2022)
ഓൾ ഓഫ് അസ് ആർ ഡെഡ് (2022)

Episodes: 07 - 12
എപ്പിസോഡ്സ്: 07 - 12

ഭാഷ : കൊറിയൻ
സംവിധാനം : J.Q. Lee & Kim Nam-Soo
പരിഭാഷ : തൗഫീക്ക് എ
പോസ്റ്റർ : പ്രവീൺ അടൂർ
ജോണർ : ആക്ഷൻ, ഡ്രാമ, ഫാന്റസി

IMDb ⭐️ 7.7/10

സ്‌ക്വിഡ് ഗെയിം, മൈ നെയിം, ഹെൽബൗണ്ട് തുടങ്ങിയ സൂപ്പർഹിറ്റ് സീരീസുകൾക്ക് ശേഷം നെറ്റ്ഫ്ലിക്‌സിന്റെ ബാനറിൽ 2022 ൽ പുറത്തിറങ്ങിയ കൊറിയൻ സോമ്പി സർവൈവൽ ത്രില്ലറാണ് “ഓൾ ഓഫ് അസ് ആർ ഡെഡ്“. പതിവ് സോമ്പി സിനിമ, സീരീസ് രീതികളിൽ നിന്ന് വ്യത്യസ്തമായി ഒരു പറ്റം സ്കൂൾ വിദ്യാർഥികളുടെ അതിജീവന കഥയിലൂടെയാണ് സീരീസ് മുമ്പോട്ട് പോകുന്നത്. വളരെ വേഗത്തിൽ പറഞ്ഞ് പോകുന്ന കഥയും ഒരു കഥാപാത്രത്തിൽ മാത്രം ഊന്നി കഥ പറയാതെ എല്ലാ കഥാപാത്രങ്ങൾക്കും വ്യക്തമായ സ്പേസും റോളും കൊടുക്കുന്ന സീരീസ് മറ്റ് സോമ്പി ത്രില്ലറുകളിൽ നിന്നും വേറിട്ട് നിൽക്കുന്നു.

ഒരു സാധാരണ ദിവസം എന്നതിലുപരി മറ്റൊന്നും അന്ന് സ്കൂളിലേക്ക് വരുമ്പോൾ അവർ പ്രതീക്ഷിച്ചിരുന്നില്ല. എന്നാൽ എല്ലാവരുടെയും ജീവിതം കീഴ്മേൽ മറിക്കുന്ന ഒരു ദിവസമായി അത് മാറി. സ്കൂൾ സയൻസ് ലാബിൽ പരീക്ഷണ വസ്തുവായ എലിയിൽ നിന്നും ആ വൈറസ് സ്കൂളിലെമ്പാടും പടരാൻ തുടങ്ങി. എങ്ങനെയാണ് ആ വൈറസ് ഉണ്ടായത്? വിദ്യാര്‍ത്ഥികളിൽ ആരൊക്കെ അതിജീവിക്കും? ഈ വൈറസ് സ്കൂളിന് ഉള്ളിൽ തന്നെ നിൽക്കുമോ?

സാധാരണ ത്രില്ലറുകളിൽ നിന്ന് മാറി എല്ലാത്തിനും വിശദീകരണങ്ങൾ നൽകാനും, കൃത്യമായി പ്രേക്ഷകനെ കഥാപാത്രങ്ങളുടെ ഇമോഷൻസുമായി കണക്ട് ചെയ്യാനും സീരീസിന് കഴിഞ്ഞിട്ടുണ്ട്. ഓരോ എപ്പിസോഡിലും വരുന്ന ട്വിസ്റ്റുകളും, ക്ലിഫ് ഹാങ്ങറുകളും, മുഷിപ്പിക്കാത്ത രീതിയിലുള്ള ആഖ്യാനവും “ഓൾ ഓഫ് അസ് ഡെഡ്” നെ മറ്റ് സീരിസുകളിൽ നിന്ന് വേറിട്ട് നിർത്തുന്നു.

സ്കൂൾ വിദ്യാര്‍ത്ഥികളുടെ കഥ ആയതുകൊണ്ട് തന്നെ അഡൾട്ട് രംഗങ്ങൾ തീരെ ഇല്ലെങ്കിലും അതിതീവ്ര വയലൻസും ചോരക്കളിയും സീരീസിനെ 18+ ആക്കുന്നു. വയലൻസ് രംഗങ്ങളിൽ ഒരു വിട്ടുവീഴ്ചയും കാണിക്കാത്ത നെറ്റ്ഫ്ലിക്സ് ഈ സീരീസിലും അത് ആവർത്തിച്ചു.

ഒരു മണിക്കൂർ മുതൽ ഒന്നേകാൽ മണിക്കൂർ വരെ ദൈർഘ്യമുള്ള
12 എപിസോഡുകളാണ് സീരീസിലുള്ളത്.

അഭിപ്രായങ്ങൾ പങ്കുവെക്കാൻ

Categories : #Action #Drama #Fantasy #Korean #Web_Series