#MSone Release - 2968

#MsoneGoldRelease

The Wicker Man (1973)
ദ വിക്കർ മാൻ (1973)

ഭാഷ : ഇംഗ്ലീഷ്
സംവിധാനം : Robin Hardy
പരിഭാഷ : പ്രശോഭ് പി. സി.
പോസ്റ്റർ : രോഹിത്ത് ജി. എസ്
ജോണർ : ഹൊറർ, മിസ്റ്ററി, ത്രില്ലർ

IMDb ⭐️ 7.5/10

ഫോക്ക് ഹൊറർ സിനിമകളിലെ ക്ലാസ്സിക്കുകളിൽ ഒന്നായി വിശേഷിപ്പിക്കപ്പെടുന്ന സിനിമയാണ് ദ വിക്കർ മാൻ.
ഡേവിഡ് പിന്നറിൻ്റെ ”റിച്ച്വൽ” എന്ന നോവലിനെ അടിസ്ഥാനമാക്കി നിർമിച്ച സിനിമയാണിത്.

സമ്മറൈൽ എന്ന ദ്വീപിൽ നിന്ന് ഒരു കുട്ടിയെ കാണാതായതായി വിവരം ലഭിച്ചതിനെ തുടർന്ന് അന്വേഷിക്കാൻ എത്തുകയാണ് നീൽ ഹോവി എന്ന പൊലീസ് ഉദ്യോഗസ്ഥൻ. ദ്വീപവാസികളുടെ പെരുമാറ്റത്തിൽ തുടക്കം മുതലേ അയാളൊരു ദുരൂഹത മണക്കുന്നു. കുട്ടിയെക്കുറിച്ചുള്ള ഒരു സൂചനയും അയാൾക്ക് തുടക്കത്തിൽ ലഭിക്കുന്നില്ല. കടുത്ത ക്രിസ്തുമത വിശ്വാസിയാണ് നീൽ ഹോവി. അയാൾക്ക് ദ്വീപിലെ വിചിത്രമായ മതാചാരങ്ങളും സംസ്കാരവും ഒട്ടും അംഗീകരിക്കാൻ കഴിയുന്നില്ല. ദ്വീപിനെക്കുറിച്ച് പുറംലോകത്തെ അറിയിക്കാനും, കാണാതായ കുട്ടിയെ കണ്ടെത്താനും അയാൾ തീരുമാനിക്കുന്നു.

മുഴുവൻ സമയവും സസ്പെൻസ് നിലനിർത്തുന്ന ചിത്രം വലിയ നിരൂപക പ്രശംസ നേടിയിരുന്നു.

അഭിപ്രായങ്ങൾ പങ്കുവെക്കാൻ

Categories : #English #Horror #MsoneGold #Mystery #Thriller

#MSone Release - 2944

Grid (K-Drama) (2022)
ഗ്രിഡ് (കെ-ഡ്രാമ) (2022)

Episodes: 04
എപ്പിസോഡ്‌സ്: 04

ഭാഷ : കൊറിയൻ
സംവിധാനം : Khan Lee
പരിഭാഷ : സജിൻ.എം.എസ്
പോസ്റ്റർ : ഉണ്ണി ജയേഷ്
ജോണർ : ആക്ഷൻ, മിസ്റ്ററി, സയൻസ് ഫിക്ഷൻ

IMDb ⭐️ 6.3/10

ഭൂമിയെ ആകെ ഇല്ലാതാക്കാൻ കെൽപ്പുള്ള സൗരക്കാറ്റ് ഭൂമിയ്ക്ക് നേരെ വരുന്നു, കൊറിയൻ ഗവൺമെന്റ് തങ്ങൾ കൃത്രിമമായി രൂപപ്പെടുത്തിയ ‘ഗ്രിഡ്‘ എന്ന രക്ഷാകവചം ഭൂമിക്കുചുറ്റും സ്ഥാപിച്ച് സൗരക്കാറ്റിൽ നിന്നും ഭൂമിയെ സംരക്ഷിക്കാൻ ശ്രമിക്കുന്നു. പക്ഷേ അവരുടെ ഗ്രിഡ് സ്ഥാപിക്കാനുള്ള ശ്രമം പരാജയപ്പെടും എന്ന ഘട്ടത്തിൽ എവിടുന്നോ ഒരു പെൺകുട്ടി പ്രത്യക്ഷപ്പെടുകയും ദൗത്യം പൂർത്തീകരിക്കാൻ മനുഷ്യരെ സഹായിച്ച ശേഷം അപ്രത്യക്ഷയാവുകയും ചെയ്യുന്നു.

പിന്നീട് 24 വർഷങ്ങൾക്കു ശേഷം ഒരു സൂപ്പർമാർക്കറ്റ് ഉടമയെ കൊലപ്പെടുത്തിയ കുറ്റവാളിയെ അതേ പഴയ അജ്ഞാതയായ പെൺകുട്ടി വന്ന് രക്ഷപ്പെടുത്തി കൊണ്ടുപോകുന്നു.

ഭൂമിയെ വലിയ ദുരന്തത്തിൽ നിന്ന് രക്ഷപ്പെടുത്തിയ അവൾ തന്നെ എന്തിന് ഒരു കൊലപാതകിയ രക്ഷിക്കാൻ ശ്രമിക്കുന്നു? അവളൊരു അന്യഗ്രഹജീവിയോ അതോ പ്രേതമോ?

അഭിപ്രായങ്ങൾ പങ്കുവെക്കാൻ

Categories : #Action #Korean #Mystery #Sci_Fi #Web_Series

#MSone Release - 2969

Baseball Girl (2019)
ബേസ്ബോൾ ഗേൾ (2019)

ഭാഷ : കൊറിയൻ
സംവിധാനം : Yun Tae Choi
പരിഭാഷ : വിഷ്ണു ഷാജി
പോസ്റ്റർ : എ ആർ റിഹാൻ
ജോണർ : ഡ്രാമ, സ്പോർട്സ്

IMDb ⭐️ 6.5/10

കൊറിയൻ ഫിലി ഇൻഡസ്ട്രിയൽ നിന്നും മറ്റൊരു സ്പോർട്സ് മൂവി. സ്ത്രീകളായി ജനിച്ചു കഴിഞ്ഞാൽ ബേസ്ബോൾ കളിക്കാൻ പാടില്ല എന്നൊരു കായിക സമൂഹമായിരുന്നു കൊറിയയിൽ ഉണ്ടായിരുന്നത്. ഇതിനെതിരെ 1996 ൽ പാസ്സാക്കിയ നിയമത്തിലൂടെയാണ് പ്രൊഫഷണൽ ബേസ്ബോളിലേക്ക് വനിതകൾ കടന്ന് വരുന്നത്. എങ്കിലും ഇന്നും പലയിടത്തും ഈ അവഗണന ബേസ്ബോൾ മേഖലയിൽ വനിതകൾ നേരിടുന്നുണ്ട്. അതിനെതിരെ സംസാരിക്കുന്ന ചിത്രമാണ് 2019- ൽ പുറത്തിറങ്ങിയ ബേസ്ബോൾ ഗേൾ.

ഒരു വനിതാ ഹൈസ്കൂൾ ബേസ്ബോൾ താരമായ ജൂ സൂ-ഇന്നിന്റെ ജീവിതലക്ഷ്യം തന്നെ പുരുഷ മേധാവിത്വമുള്ള പ്രൊഫഷണൽ ബേസ്ബോൾ ടീമിൽ ഇടം നേടണമെന്നാണ്. വനിതകളെ തഴയുന്ന സ്പോർട്സ് മാനേജ്മെന്റുകൾ പതിവ്പോലെ ജൂ സൂ-ഇന്നിനെയും തഴയുന്നു. ടീം അംഗങ്ങളും, പരിശീലകനും എന്തിന് പറയുന്നു സ്വന്തം വീട്ടിൽ നിന്നും പോലും അവൾക്ക് ഈ അവഗണന നേരിടേണ്ടി വരുന്നു. ജൂ സൂ-ഇൻ ഇതിനെയെല്ലാം തരണം ചെയ്ത് തന്റെ ലക്ഷ്യം സാക്ഷത്കരിക്കുമോ? സിനിമ കണ്ടുനോക്കുക.

2019 ഒക്‌ടോബർ 4-ന് 24-ാമത് ബുസാൻ ഇന്റർനാഷണൽ ഫിലിം ഫെസ്റ്റിവലിൽ ബേസ്ബോൾ ഗേൾ ആദ്യം പ്രീമിയർ ചെയ്‌തത്. അതിനുശേഷം 2020 ജൂൺ 18 നാണ് തീയേറ്ററുകളിൽ എത്തിയത്.

അഭിപ്രായങ്ങൾ പങ്കുവെക്കാൻ

Categories : #Drama #Korean #Sport

#MSone Release - 2970

#MsoneGoldRelease

Captain Fantastic (2016)
ക്യാപ്റ്റൻ ഫന്റാസ്റ്റിക് (2016)

ഭാഷ : ഇംഗ്ലീഷ്
സംവിധാനം : Matt Ross
പരിഭാഷ : അഭിഷേക് ദേവരാജ്
പോസ്റ്റർ : പ്രവീൺ അടൂർ
ജോണർ : കോമഡി, ഡ്രാമ

IMDb ⭐️ 7.8/10

ജീവിത പ്രശ്നങ്ങളിൽപെട്ട് കഷ്ടപ്പെടുമ്പോൾ, എല്ലാം നിർത്തി ലോകത്തിന്റെ ഏതെങ്കിലുമൊരു കോണിൽ പോയി സമാധാനമായി ഒറ്റക്ക് ജീവിച്ചാലോ എന്ന് പലർക്കും തോന്നാറുള്ള കാര്യമാണ്.

ബെൻ കാഷും ഭാര്യ ലെസ്സിയും അവരുടെ ആറുകുട്ടികളെയും കൂട്ടി വാഷിംഗ്ടൺ സ്റ്റേറ്റിലെ ഒരു കാട്ടിനുള്ളിൽ ഒറ്റപ്പെട്ടാണ് ജീവിക്കുന്നത്. കുട്ടികളെ വളർത്തുന്നതിനുവേണ്ടി ബെന്നും ലെസ്സിയും തങ്ങളുടെ ആസ്തിത്വം തന്നെ ഉഴിഞുവെക്കുന്നു.
വിമർശനാത്മകമായി ചിന്തിക്കാൻ അവരെ പഠിപ്പിക്കുക, ശാരീരികവും കായികക്ഷമതയും ഉള്ളവരാകാൻ പരിശീലിപ്പിക്കുക,സാങ്കേതികതയില്ലാതെ അതിജീവിക്കുക, പ്രകൃതിയോടിണങ്ങി ജീവിക്കുക തുടങ്ങിയ കാര്യങ്ങൾ അവർ മക്കളെ പരിശീലിപ്പിക്കുന്നു.

ലെസ്ലിക്ക് പെട്ടെന്ന് അസുഖം കൂടി മരിക്കുമ്പോൾ, ബെൻ തന്റെ സന്തതികളെ ആദ്യമായി പുറം ലോകത്തേക്ക് ലെസ്സിയുടെ സംസ്കാരചടങ്ങുകൾക്കായി കൊണ്ടുപോകുന്നു. പിന്നീടുള്ള സംഭവവികാസങ്ങൾ വളരെ രസകരമായി തന്നെ ചിത്രം പറയുന്നുണ്ട്.

എന്താണ് വിദ്യാഭ്യാസം, എന്തിനുവേണ്ടിയാണ് വിദ്യാഭ്യാസം,എന്തൊക്കെയാണ് നാം പഠിക്കേണ്ടത്, എന്തൊക്കെയാണ് ജീവിതത്തിൽ നേടേണ്ടത് എന്നിങ്ങനെയുള്ള ഒരുകൂട്ടം ചോദ്യങ്ങൾ ഈ സിനിമ മുന്നോട്ട് വയ്ക്കുന്നു.
നിലവിലുള്ള അമേരിക്കൻ ഉപഭോഗസംസ്കാരത്തെയും മൂലധനവിപണിയുടെ ആഭിമുഖ്യത്തെയും മതതാല്പര്യങ്ങളെയുമൊക്കെ സിനിമ അതിനിശിതമായി വിമർശിക്കുന്നുണ്ട്.


അഭിപ്രായങ്ങൾ പങ്കുവെക്കാൻ

Categories : #Comedy #Drama #English #MsoneGold

#MSone Release - 2944

Grid (K-Drama) (2022)
ഗ്രിഡ് (കെ-ഡ്രാമ) (2022)

Episodes: 05
എപ്പിസോഡ്‌സ്: 05

ഭാഷ : കൊറിയൻ
സംവിധാനം : Khan Lee
പരിഭാഷ : സജിൻ.എം.എസ്
പോസ്റ്റർ : ഉണ്ണി ജയേഷ്
ജോണർ : ആക്ഷൻ, മിസ്റ്ററി, സയൻസ് ഫിക്ഷൻ

IMDb ⭐️ 6.3/10

ഭൂമിയെ ആകെ ഇല്ലാതാക്കാൻ കെൽപ്പുള്ള സൗരക്കാറ്റ് ഭൂമിയ്ക്ക് നേരെ വരുന്നു, കൊറിയൻ ഗവൺമെന്റ് തങ്ങൾ കൃത്രിമമായി രൂപപ്പെടുത്തിയ ‘ഗ്രിഡ്‘ എന്ന രക്ഷാകവചം ഭൂമിക്കുചുറ്റും സ്ഥാപിച്ച് സൗരക്കാറ്റിൽ നിന്നും ഭൂമിയെ സംരക്ഷിക്കാൻ ശ്രമിക്കുന്നു. പക്ഷേ അവരുടെ ഗ്രിഡ് സ്ഥാപിക്കാനുള്ള ശ്രമം പരാജയപ്പെടും എന്ന ഘട്ടത്തിൽ എവിടുന്നോ ഒരു പെൺകുട്ടി പ്രത്യക്ഷപ്പെടുകയും ദൗത്യം പൂർത്തീകരിക്കാൻ മനുഷ്യരെ സഹായിച്ച ശേഷം അപ്രത്യക്ഷയാവുകയും ചെയ്യുന്നു.

പിന്നീട് 24 വർഷങ്ങൾക്കു ശേഷം ഒരു സൂപ്പർമാർക്കറ്റ് ഉടമയെ കൊലപ്പെടുത്തിയ കുറ്റവാളിയെ അതേ പഴയ അജ്ഞാതയായ പെൺകുട്ടി വന്ന് രക്ഷപ്പെടുത്തി കൊണ്ടുപോകുന്നു.

ഭൂമിയെ വലിയ ദുരന്തത്തിൽ നിന്ന് രക്ഷപ്പെടുത്തിയ അവൾ തന്നെ എന്തിന് ഒരു കൊലപാതകിയ രക്ഷിക്കാൻ ശ്രമിക്കുന്നു? അവളൊരു അന്യഗ്രഹജീവിയോ അതോ പ്രേതമോ?

അഭിപ്രായങ്ങൾ പങ്കുവെക്കാൻ

Categories : #Action #Korean #Mystery #Sci_Fi #Web_Series

#MSone Release - 2971

Badhaai Do (2022)
ബധായി ദോ (2022)

ഭാഷ : ഹിന്ദി
സംവിധാനം : Harshavardhan Kulkarni
പരിഭാഷ : പ്രജുൽ പി
പോസ്റ്റർ : ഉണ്ണി ജയേഷ്
ജോണർ : കോമഡി

IMDb ⭐️ 7.3/10

സുമി എന്ന സുമൻ സിംഗ് ഒരു ഫിസിക്കൽ എഡ്യൂക്കേഷൻ ടീച്ചറാണ്. മുപ്പത് കഴിഞ്ഞ സുമിയെ വീട്ടുകാർ വിവാഹത്തിന് നിർബന്ധിക്കുന്നുണ്ടെങ്കിലും അവൾ ഒരു ലെസ്ബിയനായതുകൊണ്ട് ഓരോ ഒഴിവുകഴിവുകൾ പറഞ്ഞ് പിൻമാറുകയാണ്. പോലീസ് ഓഫീസറായ ശാർദ്ദുലും ഇതേ അവസ്ഥയിലൂടെയാണ് കടന്നുപോകുന്നത്. ഒരു പ്രത്യേക സാഹചര്യത്തിൽ ഇവർ തമ്മിൽ കണ്ടുമുട്ടുന്നു. സുമി ലെസ്ബിയനാണെന്ന് മനസ്സിലാക്കിയ ശാർദ്ദുൽ, വിവാഹിതരാകാനുള്ള വീട്ടുകാരുടെ സമ്മർദ്ദത്തിൽ നിന്ന് മോചനം നേടാൻ പരസ്പരം വിവാഹം ചെയ്താലോ എന്ന് സുമിയോട് ചോദിക്കുന്നു. സുമി അതിന് സമ്മതിക്കുന്നു. വിവാഹത്തിനു ശേഷം ഇവരുടെ ജീവിതത്തിൽ ഉണ്ടാവുന്ന പ്രശ്നങ്ങളാണ് നർമത്തിൽ ചാലിച്ച് ഈ സിനിമയിലൂടെ അവതരിപ്പിച്ചിരിക്കുന്നത്.
വളരെയധികം നിരൂപക പ്രശംസനേടിയ ഈ ചിത്രം സ്വവർഗ്ഗാനുരാഗികൾ നമ്മുടെ സമൂഹത്തിൽ നേരിടുന്ന പ്രശ്നങ്ങളെ മനോഹരമായി തുറന്നുകാട്ടിയിരിക്കുന്നു. ശാർദ്ദുലായി രാജ്കുമാർ റാവുവും സുമിയായി ഭൂമി പഡ്നേക്കറും മികച്ച പ്രകടനമാണ് കാഴ്ചവച്ചിരിക്കുന്നത്. സംവിധാനം ഹർഷ് വർധൻ കുൽക്കർണി.

അഭിപ്രായങ്ങൾ പങ്കുവെക്കാൻ

Categories : #Comedy #Hindi

#MSone Release - 2972

#OscarFest2022 - 02

Drive My Car (2021)
ഡ്രൈവ് മൈ കാർ (2021)

ഭാഷ : ജാപ്പനീസ്
സംവിധാനം : Ryûsuke Hamaguchi
പരിഭാഷ : രോഹിത് ഹരികുമാര്‍ & മുബാറക്ക്‌ ടി.എന്‍.
പോസ്റ്റർ : ഉണ്ണി ജയേഷ്
ജോണർ : ഡ്രാമ

IMDb ⭐️ 7.7/10

ഹാറുകി മുറകാമിയുടെ Men Without Women എന്ന ചെറുകഥാ സമാഹാരത്തിൽ നിന്നുള്ള ചില കഥകളെ അടിസ്ഥാനമാക്കി, റുസുക്കെ ഹാമാഗുച്ചി സംവിധാനം ചെയ്ത്, 2021-ൽ പുറത്തിറങ്ങിയ ജാപ്പനീസ് ചിത്രമാണ് ഡ്രൈവ് മൈ കാർ.

ജപ്പാനിലെ അറിയപ്പെടുന്ന നാടക നടനും, സംവിധായകനുമാണ് യുസുകി കാഫുക്കു. അയാളുടെ ഭാര്യയായ ഓത്തോ പ്രശസ്ത തിരകഥാകൃത്താണ്. വർഷങ്ങൾക്ക് മുന്നേ ന്യുമോണിയ ബാധിച്ച് മരണപ്പെട്ട തങ്ങളുടെ 4 വയസ്സുകാരിയായ മകളുടെ വേർപാടിൽ നിന്നും, അവരിരുവരും കരകയറിയിട്ടില്ല. ഒരു ദിവസം, ജോലിയിൽ നിന്നും മടങ്ങി വന്ന ശേഷം, പ്രധാനപ്പെട്ടൊരു കാര്യം ചർച്ച ചെയ്യാനുണ്ട് എന്നു പറഞ്ഞ് ഓത്തോ, കാഫുക്കുവിനെ യാത്രയയക്കുന്നു. രാത്രി മടങ്ങിയെത്തുന്ന കഫുകു കാണുന്നത്, മരിച്ചു കിടക്കുന്ന ഒട്ടോയെയാണ്.

രണ്ടു വർഷങ്ങൾ കടന്നു പോയി. ആൻ്റൺ ചെഖോവിൻ്റെ "അങ്കിൾ വന്യ"യെ ആസ്പദമാക്കി നിർമ്മിക്കുന്ന ഒരു നാടകം സംവിധാനം ചെയ്യാൻ കാഫുക്കു ഹിരോഷിമയിലെത്തുന്നു. നാടകത്തിലേക്കായി അയാൾക്ക് അഭിനേതാക്കളെ തിരഞ്ഞെടുക്കേണ്ടതുണ്ട്. അവിടെ അയാളുടെ ഡ്രൈവറായി, അന്തർമുഖയായ ഒരു യുവതിയെ നിയമിക്കുന്നു. തൻ്റെ പ്രിയപ്പെട്ട കാർ, മറ്റൊരാൾ ഓടിക്കുന്നത് ഇഷ്ടമല്ലെങ്കിൽ കൂടി, അധികൃതരുടെ നിർബന്ധത്തിന് വഴങ്ങി കാഫുക്കു സമ്മതിക്കുന്നു. അവിടെ വെച്ചാണ് തൻ്റെ ഭാര്യയുടെ തിരക്കഥകളിൽ അഭിനയിച്ചിട്ടുള്ള തക്കാട്സുക്കിയെ അയാൾ കണ്ടുമുട്ടുന്നത്. തൻ്റെ ഭാര്യയെ കുറിച്ച്, അയാൾക്ക് പറയാനുള്ളത് എന്താണ്? ഡ്രൈവറായ യുവതിയുടെ വിചിത്രമായ പെരുമാറ്റത്തിനു പിന്നിലെ കാരണമെന്താണ്? അവളെ അലട്ടുന്ന പ്രശ്നങ്ങളെന്തൊക്കെയാണ്?

തനൊരു സിനിമയുടെ ഭാഗമാണെന്ന് പ്രേക്ഷകന് തോന്നുമ്പോഴാണ്, ഒരു സിനിമ പരിപൂർണ്ണമായി അയാൾക്ക് ആസ്വദിക്കാൻ കഴിയുന്നത്. മൂന്ന് മണിക്കൂർ ദൈർഘ്യമുള്ള ചിത്രം, ഒരിടത്തു പോലും ഇഴഞ്ഞു നീങ്ങുന്നതായി പ്രേക്ഷകർക്ക് അനുഭവപ്പെടില്ല. മനോഹരമായ ഛായാഗ്രഹണ മികവിനാലും, നിശബ്ദതയെ കൃത്യമായി ഉപയോഗിക്കുന്നത് വഴിയും, അത്തരമൊരു അന്തരീക്ഷം സൃഷ്ടിക്കാൻ സംവിധായകന് കഴിഞ്ഞിട്ടുണ്ടെന്നു തന്നെ പറയാം.

മികച്ച നിരൂപക പ്രശംസ നേടിയ ഈ ചിത്രം പല അന്താരാഷ്ട്ര മേളകളില്‍ പ്രദര്‍ശിപ്പിക്കുകയും കാന്‍സ്‌ ചലച്ചിത്ര മേളയില്‍ പാം ഡി ഓറിന് മത്സരിച്ച് മികച്ച തിരക്കഥയ്ക്കുള്ള പുരസ്കാരം നേടുകയും ചെയ്തു. കൂടാതെ, മികച്ച ചിത്രം, സംവിധാനം, തിരക്കഥ (അവലംബിതം), അന്താരാഷ്ട്ര ചിത്രം എന്നീ വിഭാഗങ്ങളില്‍ ഓസ്കാർ നോമിനേഷനുകൾ ലഭിക്കുകയും, മികച്ച അന്താരാഷ്ട്ര ചിത്രത്തിനുള്ള പുരസ്കാരം നേടുകയും ചെയ്തു.


അഭിപ്രായങ്ങൾ പങ്കുവെക്കാൻ

Categories : #Drama #Japanese #Oscar_Fest_2022

#MSone Release - 2973

The Whole Truth (2021)
ദി ഹോൾ ട്രൂത്ത് (2021)

ഭാഷ : തായ്
സംവിധാനം : Wisit Sasanatieng
പരിഭാഷ : വിഷ്ണു പ്രസാദ് എസ്.യു.
പോസ്റ്റർ : രോഹിത് ജി. എസ്
ജോണർ : ഡ്രാമ, ഹൊറർ, മിസ്റ്ററി

IMDb ⭐️ 5.1/10

Wisit Sasanatieng ന്റെ സംവിധാനത്തിൽ Sompob Benjathikul, Sadanont Durongkaweroj ,Steven Isarapong എന്നിവർ പ്രധാന വേഷത്തിൽ അഭിനയിച്ച്, 2021 ൽ നെറ്റ്ഫ്ലിക്സിൽ റിലീസായ തായ് ചിത്രമാണ് ദി ഹോൾ ട്രൂത്ത്.

അമ്മയ്ക്കൊപ്പമാണ് വിദ്യാർത്ഥികളായ പിമ്മും സഹോദരൻ ഫട്ടും കഴിഞ്ഞിരുന്നത്.
ഒരിക്കല്‍ വലിയൊരു അപകടത്തില്‍ അമ്മ ആശുപത്രിയിലായതിനെ തുടര്‍ന്ന് പിമ്മിനും ഫട്ടിനും തങ്ങളുടെ ജീവിതത്തില്‍ ആദ്യമായി കാണുന്ന മുത്തച്ഛന്റെ വീട്ടിലേക്ക് പോകേണ്ടി വരുന്നു.. എന്നാൽ അവിടെയെത്തിയ അവര്‍ക്ക് വിചിത്രമായ പല പ്രശ്നങ്ങളും അഭിമുഖിക്കേണ്ടി വരുന്നു. ഒരു ഘട്ടത്തിൽ സ്വന്തം മുത്തച്ഛനും മുത്തശ്ശിയും ആണോന്നുപോലും അവര്‍ക്ക് സംശയിക്കേണ്ടി വരുന്നു.

അഭിപ്രായങ്ങൾ പങ്കുവെക്കാൻ

Categories : #Drama #Horror #Mystery #Thai

#MSone Release - 2974

The Burning Sea (2021)
ദി ബേണിങ് സീ (2021)

ഭാഷ : നോർവീജിയൻ
സംവിധാനം : John Andreas Andersen
പരിഭാഷ : വിഷ്ണു പ്രസാദ് എസ്.യു.
പോസ്റ്റർ : ഉണ്ണി ജയേഷ്
ജോണർ : ആക്ഷൻ, ഡ്രാമ, ത്രില്ലർ

IMDb ⭐️ 6.3/10

John Andreas Andersen സംവിധാനം ചെയ്ത് 2021 ൽ പുറത്തിറങ്ങിയ നോർവീജിയൻ സിനിമയാണ് ‘ദി ബേണിങ് സീ‘ (Nordsjøen).
ഒരു ഓയിൽ റിഗ് തകർന്ന് അതിനിടയിൽ പെട്ട തന്റെ കാമുകനെ രക്ഷിക്കാൻ, സബ്മറൈൻ റോബോട്ട് ഓപ്പറേറ്ററായ നായികയും സുഹൃത്തും നടത്തുന്ന ശ്രമങ്ങളും, അവർ അഭിമുഖീകരിക്കേണ്ടി വരുന്ന പ്രശ്നങ്ങളുമാണ് സിനിമയുടെ കാതൽ.

മനോഹരമായ ദൃശ്യങ്ങളും മികച്ച VFX ഉം മികച്ച ബാക്ഗ്രൗണ്ട് മ്യൂസിക്കും ഡിസാസ്റ്റർ ത്രില്ലർ ഗണത്തിൽ പെടുന്ന ഈ ചിത്രത്തിന്റെ പ്രത്യേകതയാണ്.

അഭിപ്രായങ്ങൾ പങ്കുവെക്കാൻ

Categories : #Action #Drama #Norwegian #Thriller

#MSone Release - 2954

Black Mirror – Season 03 (2016)
ബ്ലാക്ക് മിറർ – സീസൺ 03 (2016)

San Junipero
സാൻ ജുനിപെറോ

ഭാഷ : ഇംഗ്ലീഷ്
നിർമാണം : Zeppotron
പരിഭാഷ : വിവേക് സത്യൻ
പോസ്റ്റർ : പ്രവീൺ അടൂർ
ജോണർ : ഡ്രാമ, സയൻസ് ഫിക്ഷൻ, ത്രില്ലർ

IMDb ⭐️ 8.8/10

യോർകി എന്നും, കെല്ലി എന്നും പേരുള്ള രണ്ട് സ്ത്രീകള്‍ San Junipero എന്നൊരു ടൗണിൽ വെച്ച് ഒരിക്കൽ കണ്ടുമുട്ടുന്നു. വളരെ പെട്ടെന്ന് തന്നെ, അവർക്കിടയിൽ ഒരു Emotional Connection ഉണ്ടാവുന്നു.

ഇവിടെ നിന്നങ്ങോട്ടുള്ള കഥയുടെ ഒരു ചെറിയ പരാമർശം പോലും Spoiler ആയി മാറാം.

കഥാപാത്രങ്ങളെ വ്യക്തമായി Define ചെയ്തുള്ള കഥ പറച്ചിലും, മനോഹരമായ മ്യൂസിക്കും, വിഷ്വൽ സ്റ്റൈലും, മികച്ച എൻഡിങ്ങും ഒക്കെക്കൊണ്ട്, പ്രേക്ഷകരുടെ മനസ്സ് നിറയ്ക്കുന്ന ഒരനുഭവമാണ് San Junipero. പക്ഷേ ഇതുപോലൊരു ഫീൽ ഗുഡ് കഥയ്ക്ക് 'ബ്ലാക്ക് മിറർ' എന്ന സീരീസിൽ എന്ത് കാര്യം? അത് നിങ്ങൾ കണ്ടറിയുക!

അഭിപ്രായങ്ങൾ പങ്കുവെക്കാൻ

Categories : #Drama #English #Sci_Fi #Thriller #Web_Series