#MSone Release - 3116

The Lodge (2019)
ദ ലോഡ്ജ് (2019)

ഭാഷ : ഇംഗ്ലീഷ്
സംവിധാനം : Severin Fiala & Veronika Franz
പരിഭാഷ : വിഷ്ണു പ്രസാദ്
പോസ്റ്റർ : ഉണ്ണി ജയേഷ്
ജോണർ : ഡ്രാമ, ഹൊറർ, മിസ്റ്ററി

IMDb ⭐️ 6.0/10

ആദ്യഭാര്യ ലോറയുടെ ആത്മഹത്യക്ക് ശേഷം കാമുകിയായ ഗ്രേസിനൊപ്പം ജീവിക്കാൻ റിച്ചാർഡ് തീരുമാനിക്കുന്നു. മക്കളായ ഐയ്ഡനും മിയയ്ക്കും അതിൽ താൽപര്യം ഇല്ലെങ്കിലും അവസാനം സമ്മതിക്കുന്നു. അങ്ങനെ അവർ ക്രിസ്മസ് അവധിക്കാലം ആഘോഷിക്കാൻ ആ മഞ്ഞുമലകൾക്കിടയിലെ വീട്ടിലേക്ക് എത്തി. ഇതിനിടയിൽ റിച്ചാർഡിന് ജോലി ആവശ്യങ്ങൾക്കായി ടൗണിലേക്ക് രണ്ടുമൂന്ന് ദിവസം മാറി നിൽക്കേണ്ടതായി വരുന്നു.

ഇപ്പോൾ ആ ഒറ്റപ്പെട്ട വീട്ടിൽ രണ്ടാനമ്മയായ ഗ്രേസും മക്കളും മാത്രം. ഗ്രേസിന്റെ ഭൂതകാലം തിരഞ്ഞു കണ്ടുപിടിച്ച ഐയ്ഡനും മിയയ്ക്കും അവരോട് വെറുപ്പിന് പുറമെ ഭയവും വർദ്ധിക്കുന്നത്തോട് കൂടി ആ വീട്ടിൽ ചില അനിഷ്ട സംഭവങ്ങൾ ആരംഭിക്കുകയായി.

അഭിപ്രായങ്ങൾ പങ്കുവെക്കാൻ

Categories : #Drama #English #Horror #Mystery

#MSone Release - 3117

Gangs of London Season 2 (2022)
ഗ്യാങ്സ് ഓഫ് ലണ്ടൻ സീസൺ 2 (2022)

ഭാഷ : ഇംഗ്ലീഷ്
നിർമാണം : Pulse Films
പരിഭാഷ : സാമിർ
പോസ്റ്റർ : പ്രവീൺ അടൂർ
ജോണർ : ആക്ഷൻ, ക്രൈം, ഡ്രാമ

IMDb ⭐️ 8.1/10

2020 ൽ സ്‌കൈ അറ്റ്ലാന്റിക് ചാനലിലൂടെ സംപ്രേഷണമാരംഭിച്ച ഒരു ബ്രിട്ടീഷ് ക്രൈം ഡ്രാമ സീരീസാണ് ഗ്യാങ്സ് ഓഫ് ലണ്ടൻ.

ഒരു അപ്പാർട്ട്മെന്റിൽ വെച്ച് രണ്ട് ചെറുപ്പക്കാർ ഒരാളെ കൊല്ലുന്നു. പണത്തിന് വേണ്ടി ആ ദൗത്യം ഏറ്റെടുത്ത അവർക്കറിയില്ലായിരുന്നു, തങ്ങൾ കൊന്നത് ലണ്ടനിലെ തന്നെ ഏറ്റവും വലിയ ഗ്യാങ്സ്റ്റേഴ്സിൽ ഒരാളെയായിരുന്നെന്ന്. അതുവരെ കണ്ടിട്ടില്ലാത്തൊരു ഗ്യാങ് വാറിനാണ് തുടന്ന് ലണ്ടൻ സാക്ഷ്യം വഹിക്കുന്നത്. കൊല്ലപ്പെട്ട ഗ്യാങ്സ്റ്ററിന്റെ കുടുംബം അതിന് പിന്നിലുള്ളവരെ കണ്ടെത്താൻ ശ്രമിക്കുന്നതും, ഇതിനിടയിൽ മറ്റു ക്രിമിനൽ ഓർഗനൈസേഷനുകൾ തങ്ങളുടെ ബിസിനസ് വളർത്താൻ ശ്രമിക്കുന്നതും, കിട്ടിയ അവസരത്തിൽ പോലീസ് ഇവരെയെല്ലാം കയ്യോടെ പിടികൂടാൻ ശ്രമിക്കുന്നതുമെല്ലാം കാണിച്ചുകൊണ്ടാണ്‌ കഥ മുൻപോട്ട് പോകുന്നത്.

അഭിപ്രായങ്ങൾ പങ്കുവെക്കാൻ

Categories : #Action #Crime #Drama #English #Web_Series

#MSone Release - 3118

The Girl Who Got Away (2021)
ദി ഗേൾ ഹു ഗോട്ട് എവേ (2021)

ഭാഷ : ഇംഗ്ലീഷ്
സംവിധാനം : Michael Morrissey
പരിഭാഷ: അനൂപ് അനു
പോസ്റ്റർ : പ്രവീൺ അടൂർ
ജോണർ : ഹൊറർ, ത്രില്ലർ

IMDb ⭐️ 5.5/10

മൈക്കൽ മോറിസി രചനയും സംവിധാനവും നിർവ്വഹിച്ച് 2021 ഇൽ പുറത്തിറങ്ങിയ ഒരു സസ്പെൻസ് ത്രില്ലർ മൂവിയാണ് “ദി ഗേൾ ഹു ഗോട്ട് എവേ.” നാല് പെൺകുട്ടികളെ കൊന്ന കുറ്റത്തിന് ജയിലിൽ കഴിയുന്ന ഒരു വനിതാ സീരിയൽ കില്ലറുടേയും അവളിൽ നിന്നും രക്ഷപ്പെട്ട അഞ്ചാമത്തെ പെൺകുട്ടിയുടേയും കഥയാണ് ഈ സിനിമ പ്രതിപാദിക്കുന്നത്. ഇരുപത് വർഷത്തിന് ശേഷം വനിത സീരിയൽ കില്ലർ രക്ഷപ്പെടുകയും രക്ഷപ്പെട്ട അഞ്ചാമത്തെ പെൺകുട്ടിയെ വേട്ടയാടാൻ തുടങ്ങുകയും ചെയ്യുന്നു. അതിനുശേഷം ആവർത്തിക്കുന്ന കൊലപാതകങ്ങൾ നായികയായ ക്രിസ്റ്റീന ബൗഡനെ കൂടുതൽ സമ്മർദ്ധത്തിലാക്കുന്നു. തുടർന്നങ്ങോട്ടുണ്ടാകുന്ന സംഭവവികാസങ്ങളാണ് ഈ സിനിമയുടെ ഇതിവൃത്തം.

അഭിപ്രായങ്ങൾ പങ്കുവെക്കാൻ

Categories : #English #Horror #Thriller

#MSone Release - 3098

Chainsaw Man (2022)
ചെയിന്‍സോ മാന്‍ (2022)

Episode – 09
എപ്പിസോഡ് – 09

ഭാഷ : ജാപ്പനീസ്
സംവിധാനം : Ryu Nakayama
പരിഭാഷ : എല്‍വിന്‍ ജോണ്‍ പോള്‍
പോസ്റ്റർ : ഉണ്ണി ജയേഷ്
ജോണർ : ആക്ഷൻ, അഡ്വഞ്ചർ, അനിമേഷന്‍

IMDb ⭐️ 8.8/10

ടാറ്റ്സുക്കി ഫുജിമോട്ടോയുടെ അതേ പേരിലുള്ള മാങ്കയെ അടിസ്ഥാനമാക്കി 2022-ല്‍ പുറത്തിറങ്ങിയ മാപ്പ അനിമേഷന്‍ ആനിമേ സീരീസാണ് “ചെയിന്‍സോ മാന്‍.”

ഡെവിളുകള്‍(ചെകുത്താന്മാര്‍/പിശാച്ചുക്കള്‍) നിവസിക്കുന്ന ഒരു ആധുനിക ജപ്പാനിലാണ് ചെയിന്‍സോ മാന്‍ സീരീസിന്റെ കഥ നടക്കുന്നത്. ജാപ്പനീസ് മാഫിയയായ യാകുസക്ക്, തന്റെ മരിച്ചു പോയ അപ്പന്‍ കൊടുക്കാനുള്ള കടം വീട്ടാനായി, ദരിദ്രനായ ഡെന്‍ജി എന്ന കൗമാരക്കാരന്‍ ഒരു ഡെവിള്‍ ഹണ്ടറായി പണിയെടുക്കുന്നു. ബ്രെഡില്‍ ജാം പുരട്ടി എന്നെങ്കിലും കഴിക്കാന്‍ പറ്റുക, സ്വന്തമായി ഒരു ഗേള്‍ ഫ്രണ്ട് ഉണ്ടാവുക, എന്ന ചെറിയ ചെറിയ സ്വപ്‌നങ്ങള്‍ മാത്രമേ ഡെന്‍ജിക്ക് ഉള്ളൂ. ഒരിക്കല്‍, ഒരു പ്രത്യേക സാഹചര്യത്തില്‍, പട്ടിയെ പോലെയിരിക്കുന്ന, അവന്‍ വളര്‍ത്തുന്ന ചെയിന്‍സോ ഡെവിളായ പോച്ചിറ്റ ഡെന്‍ജിയുടെ ശരീരവുമായി ലയിക്കുന്നു. അങ്ങനെ ശരീരം മുഴുവന്‍ ചെയിന്‍സോകള്‍ ഉള്ള ഒരു ജീവിയായി മാറാനുള്ള കഴിവ് ഡെന്‍ജിക്ക് ലഭിക്കുന്നു. ശേഷം, പബ്ലിക് സേഫ്റ്റി ഡിപ്പാര്‍ട്ട്മെന്റിന്റെ കൂടെ ഒരു ഡെവിള്‍ ഹണ്ടറായി ഡെന്‍ജി ജോലിക്ക് കയറുന്നു. ഡെന്‍ജിയുടെ ആഗ്രഹങ്ങള്‍ അവന് സാധിക്കാന്‍ പറ്റുമോ? ഉത്തരമറിയാന്‍ കാണുക.

അഭിപ്രായങ്ങൾ പങ്കുവെക്കാൻ

Categories : #Action #Adventure #Animation #Japanese #Web_Series

#MSone Release - 3119

The Sandman Season 1 (2022)
ദ സാൻഡ്മാൻ സീസൺ 1 (2022)

ഭാഷ : ഇംഗ്ലീഷ്
നിർമ്മാണം : PurePop Inc.
പരിഭാഷ : ജിതിൻ ജേക്കബ് കോശി, ഫഹദ് അബ്ദുൾ മജീദ് & വിവേക് സത്യൻ
പോസ്റ്റർ : ഉണ്ണി ജയേഷ്
ജോണർ : ഡ്രാമ, ഫാന്റസി, ഹൊറർ

IMDb ⭐️ 7.7/10

Neil Gaiman-ന്റെ Sandman എന്ന Graphic Novel ന്റെ 2022 ൽ പുറത്തിറങ്ങിയ നെറ്റ്ഫ്ലിക്സ് അഡാപ്‌റ്റേഷനാണ് ദ സാൻഡ്മാൻ (2022).

കഥ ആരംഭിക്കുന്നത് 1916-ലാണ്. അന്ന് സ്വപ്‌നദേവനെ അഥവാ മോർഫിയസിനെ ചില ആളുകൾ ആവാഹിച്ച് തടവിലാക്കുന്നു. അവർ മോർഫിയസിനെ ആ മുറിക്കുള്ളിൽ തന്നെ പൂട്ടിയിട്ടു. അങ്ങനെ ഏതാണ്ട് ഒരു നൂറ്റാണ്ടോളം അയാൾ അവിടെത്തന്നെ കിടന്നു. ഇതേ സമയം പുറം ലോകത്തു അവിചാരിതമായ പല സംഭവങ്ങളും അരങ്ങേറിയിരുന്നു. ക്രമേണ മന്ത്ര ശക്തിയുടെ ബലം കുറഞ്ഞപ്പോൾ മോർഫിയസ് ആ കെണിയിൽ നിന്നും രക്ഷപ്പെടുന്നു.

അയാൾ തിരിച്ചു തന്റെ സ്വപ്നലോകത്തേക്ക് എത്തിയപ്പോഴേക്കും എല്ലാം തകർന്നിരുന്നു. ഒരു നൂറ്റാണ്ട് തടവറയിൽ കിടന്നതോടെ മോർഫിയസിന്റെ ശക്തിയും ക്ഷയിച്ചിരുന്നു. ഇതിനിടെ കൈവശം ഉണ്ടായിരുന്ന രത്നം, മണൽകിഴിയൊക്കെ നഷ്ടപ്പെട്ടിരുന്നു. തന്റെ ശക്തി വീണ്ടെടുക്കാനും തന്റെ തകർന്ന ലോകം പുനഃനിർമ്മിക്കാനും അയാൾക്ക്‌ ഇതൊക്കെ ആവശ്യമായിരുന്നു. അതിനായി അയാൾ യാത്ര പുറപ്പെടുകയാണ്. ഈ യാത്രയിൽ ലൂസിഫർ മുതൽ കോൺസ്റ്റന്റീൻ വരെ കടന്നു വരുന്നുണ്ട്.

മറ്റുള്ള സൂപ്പർഹീറോ ഡ്രാമകളിൽ നിന്ന് വ്യത്യസ്തമായി Horror, Dark fantasy, Phycology, Philosophy, Myths എന്നിവക്ക് പ്രാധാന്യം നൽകി ഒരുക്കിയSandman, Comics-ന്റെ അസ്തിത്വത്തെ തന്നെ പൊളിച്ചെഴുതി ചരിത്രം സൃഷ്ടിച്ചു.

ലോക ചരിത്രത്തിൽ ആദ്യമായിട്ടാണ് ഒരു കോമിക്, World Fantasy Award നേടുന്നത്. Sandman ഉം അതിന്റെ Spin-off Series ഉം കൂടി ഏതാണ്ട് 26ൽ പരം അവാർഡ്സ് നേടിയിട്ടുണ്ട്. Best Writer, Best Lettering, Best Short Story, Bram Stoker’s award അങ്ങനെ നീളുന്നു Sandman-ന്റെ നേട്ടങ്ങൾ.

കടപ്പാട് : Sreerag Linkin Park

അഭിപ്രായങ്ങൾ പങ്കുവെക്കാൻ

Categories : #Drama #English #Fantasy #Horror #Web_Series

#MSone Release - 3120

Operation Alamelamma (2017)
ഓപ്പറേഷൻ അലമേലമ്മ (2017)

ഭാഷ : കന്നഡ
സംവിധാനം : Suni
പരിഭാഷ : സുബീഷ്. ചിറ്റാരിപ്പറമ്പ്.
പോസ്റ്റർ : ഉണ്ണി ജയേഷ്
ജോണർ : കോമഡി, ത്രില്ലർ

IMDb ⭐️ 7.9/10

കന്നഡയിൽ 2017-ൽ റിലീസായ സൂപ്പർഹിറ്റ് കോമഡി-ക്രൈം ത്രില്ലറാണ് “ഓപ്പറേഷൻ അലമേലമ്മ.“
ഒരു ദിവസം രാവിലെ മുതൽ വൈകുന്നേരം വരെ നടക്കുന്ന, ഒരു കിഡ്‌നാപ്പിംഗ് കേസാണ് നർമ്മത്തിൽ പൊതിഞ്ഞ് സംവിധായകൻ അവതരിപ്പിക്കുന്നത്.

ഇടയ്ക്കിടെ വിതറുന്ന ട്വിസ്റ്റുകൾ കൂടിയാവുമ്പോൾ, ചിത്രത്തിന്റെ ചന്തം കൂടുന്നു. കുടുംബസമേതം, ചുണ്ടിൽ ഒരു ചെറുചിരിയോടെ ആദ്യാവസാനം ഒരു സിനിമ കാണാൻ ആഗ്രഹിക്കുന്നവർക്ക് സുസ്വാഗതം. കഥയിലേക്ക് വരുമ്പോൾ, ബാംഗ്ലൂരിലെ ഒരു വൻകിട ബിസിനസ്സുകാരനാണ് കെന്നഡി. ഇദ്ദേഹത്തിന്റെ ഏക മകൻ ജോണിനെ സ്കൂളിൽ നിന്ന് ആരോ തട്ടിക്കൊണ്ട് പോവുന്നു. 25 ലക്ഷം മോചനദ്രവ്യം ആവശ്യപ്പെടുന്ന കിഡ്നാപ്പറെ കുടുക്കാൻ പോലീസും രംഗത്തിറങ്ങുന്നു. പോലീസും, കിഡ്നാപ്പറും തമ്മിൽ നടക്കുന്ന വടംവലിയിൽ, അപ്രതീക്ഷിതമായി നമ്മുടെ നായകൻ “മിസ്റ്റർ പർമി” കുടുങ്ങുന്നതോടെ, ചിത്രം അതീവ രസകരമായിത്തീരുന്നു.
അഭിപ്രായങ്ങൾ പങ്കുവെക്കാൻ

Categories : #Comedy #Kannada #Thriller

#MSone Release - 3121

Kwaidan (1964)
ക്വൈദാൻ (1964)

ഭാഷ : ജാപ്പനീസ്
സംവിധാനം : Masaki Kobayashi
പരിഭാഷ : മനീഷ് ആനന്ദ്
പോസ്റ്റർ : അഷ്‌കർ ഹൈദർ
ജോണർ : ഡ്രാമ, ഫാന്റസി, ഹൊറർ

IMDb ⭐️ 7.9/10

“ദ ബ്ലാക്ക് ഹെയർ” (കറുത്ത കാർകൂന്തൽ), “വുമൻ ഓഫ് ദ സ്നോ” (മഞ്ഞു സ്ത്രീ), “ഹോയിച്ചി ദി ഇയർലെസ്” (ഹോയിച്ചി എന്നൊരു ചെവിയില്ലാത്തോൻ), “ഇൻ എ കപ്പ് ഓഫ് ടീ” (ഒരു ചായ കോപ്പയിൽ) എന്നീ നാല് വ്യത്യസ്ത ജാപ്പനീസ് നാടോടി കഥകളുടെ ഒരു ഒമ്നിബസ് (ആന്തോളജി) ചലച്ചിത്രാവിഷ്ക്കാരമാണ് “ക്വൈദാൻ” അഥവാ “പ്രേതകഥകൾ”.
“ഹരാകിരി” എന്ന വിശ്വവിഖ്യാത സമുറായ് ചലച്ചിത്രത്തിന്റെ സംവിധായകനായ മസാകി കൊബായാഷി സംവിധാനം ചെയ്ത് 1964-ൽ പുറത്തിറങ്ങിയ ഈ ജാപ്പനീസ് സൂപ്പർനാച്വറൽ-ഹൊറർ-ഫാന്റസി ചിത്രം, യകുമൊ കൊയിസുമിയുടെ (പാട്രിക് ലഫ്കേഡിയോ ഹേൺ) “ക്വൈദാൻ: വിചിത്രമായ സംഭവങ്ങളുടെ കഥകളും പഠനങ്ങളും” (ക്വൈദാൻ: സ്റ്റോറീസ് ആന്റ് സ്റ്റഡീസ് ഓഫ് സ്ട്രേഞ്ച് തിങ്സ്) എന്ന ബുക്കിനെ അടിസ്ഥാനമാക്കിയാണ് ഒരുക്കിയിരിക്കുന്നത്. മനുഷ്യർക്ക് മനസ്സിലാക്കാൻ കഴിയാത്ത ശക്തികളിൽ അകപ്പെട്ട മനുഷ്യരെക്കുറിച്ചും അമാനുഷിക ലോകം അവരുടെ ജീവിതത്തിൽ അന്തര്‍ഭവിക്കുമ്പോളെന്ത് സംഭവിക്കുന്നുവെന്നതിനെക്കുറിച്ചും വേറിട്ട ചലച്ചിത്രാനുഭവത്തിലൂടെയും വിചിത്രമായ അന്തരീക്ഷത്തിലൂടെയും “ക്വൈദാൻ” കാട്ടിത്തരുന്നു.

സംവിധായകൻ മസാകി കൊബയാഷിയുടെ ആദ്യ കളർ ചിത്രമായിരുന്നു ഇത്. അദ്ദേഹം സ്വന്തം കയ്യാൽ വരച്ചു തയ്യാറാക്കിയ സെറ്റുകളും, ഓരോ എപ്പിസോഡുകൾക്കും പ്രകാശമാനമായ വ്യത്യസ്ത നിറങ്ങൾ നൽകുകയും, സംഗീതസംവിധായകനായ തോരു തകെമിത്സുവിന്റെ എക്സ്പീരിമെന്റൽ മ്യൂസിക്കും പ്രേക്ഷകനെ വേട്ടയാടുകയും, അതേസമയം ഈ ചിത്രത്തിന്റെ കാവ്യാത്മകമായ ആവിഷ്‌കാരത്തിന്റെ വ്യാപ്തി സമാനതകളില്ലാത്തതാണെന്ന് തെളിയിക്കുകയും ചെയ്യുന്നു. നിരൂപക പ്രശംസ നേടിയ ഈ ചിത്രത്തിന് 1965-ലെ കാൻസ് ഫിലിം ഫെസ്റ്റിവലിൽ സ്പെഷ്യൽ ജൂറി പുരസ്കാരവും, മികച്ച വിദേശ ഭാഷാ ചിത്രത്തിനുള്ള അക്കാദമി അവാർഡ് നോമിനേഷനും ലഭിച്ചിട്ടുണ്ട്.
അഭിപ്രായങ്ങൾ പങ്കുവെക്കാൻ

Categories : #Drama #Fantasy #Horror #Japanese

#MSone Release - 3122

The Walking Dead – Season 08 (2017)
ദ വാക്കിങ് ഡെഡ് – സീസൺ 08 (2017)

Episodes 01-08
എപ്പിസോഡ്സ് 01-08

ഭാഷ : ഇംഗ്ലീഷ്
നിർമാണം : Idiot Box Productions
പരിഭാഷ : ഗിരി പി. എസ്.
പോസ്റ്റർ : ഉണ്ണി ജയേഷ്
ജോണർ : ഡ്രാമ, ഹൊറർ, ത്രില്ലർ

IMDb ⭐️ 8.1/10

ടിവി സീരീസുകളുടെ ചരിത്രത്തിൽ ഒരിക്കലും ഒഴിച്ച് കൂടാനാവാത്ത ഒരു അദ്ധ്യായമായി മാറിയ സീരീസ് ആണ് ദ വാക്കിങ് ഡെഡ്. സോംബികൾ മനുഷ്യരെ ആക്രമിക്കുന്ന കഥകള്‍ മുമ്പും പല സിനിമകളിൽ വന്നിട്ടുണ്ട്. പക്ഷേ വാക്കിങ് ഡെഡ് അങ്ങനൊരു കഥയായിരുന്നില്ല. കാരണം വക്കിങ് ഡെഡിൽ വില്ലൻ സോംബികളല്ല, അത് മനുഷ്യരാണ്.

അതിജീവനം ഒരാവശ്യമായി വരുമ്പോള്‍, ജീവിതമെന്ന പേരിൽ നമ്മൾ സങ്കൽപിച്ചെടുത്ത അർത്ഥങ്ങൾ ഒന്നുമല്ലാതാകും. ജീവന്റെ അർത്ഥം ‘ജീവനോടെ നിലനിൽക്കുക’ എന്ന് മാത്രമാകും. ബന്ധങ്ങൾ നശിക്കും. സൗഹൃദങ്ങള്‍ ഇല്ലാതാകും. നരഭോജികളായ മൃഗങ്ങളെ പോലെ നമ്മള്‍ പരസ്പരം കടിച്ചു കീറും. ഇത്രേയുള്ളൂ മനുഷ്യന്മാർ!

റിക്ക് ഗ്രൈംസ് എന്ന പോലീസ് ഉദ്യോഗസ്ഥന് ജോലിക്കിടെ സംഭവിക്കുന്ന ഒരപകടത്തിൽ, അയാളുടെ ബോധം നശിച്ച് അയാള്‍ കോമയിലാകുന്നു. അതിൽ നിന്ന് ഉണരുന്ന റിക്കിന് കാണേണ്ടി വരുന്നത് ഒരു പുതിയ ലോകമാണ്! ആളൊഴിഞ്ഞ ആശുപത്രി കെട്ടിടവും, ചോര പതിഞ്ഞ ചുവരുകളും, അയാളെ പുറം ലോകത്തെ ഭീകരതയിൽ കൊണ്ടെത്തിക്കുന്നു. ‘വാക്കേഴ്സ്’ എന്ന് പേരിട്ട് വിളിക്കുന്ന സോംബികൾ, മനുഷ്യരെ കടിച്ചു കീറി ചോര കുടിക്കുന്ന ഒരു ലോകം അയാളെ കാത്തിരിക്കുകയായിരുന്നു. സ്വന്തം ഭാര്യയും മകനും ജീവനോടെയുണ്ടോ എന്നു പോലും അയാൾക്കറിയില്ല. സഹായിക്കാനോ, സഹതപിക്കാനോ കൂടെ ആരുമില്ല. ചുറ്റും മനുഷ്യ മാംസത്തിന്റെ ഗന്ധം തേടിയലയുന്ന ശവങ്ങളുടെ മുഖം മാത്രം! പ്രതീക്ഷയുടെ ഒരു കണിക പോലും, അയാളെ എവിടെയും കാത്തിരിക്കുന്നില്ല.

എംസോൺ റിലീസ് ചെയ്തിട്ടുള്ള ദി വാക്കിങ് ഡെഡ് സീരീസിന്റെ മറ്റ് സീസണുകൾ

ദ വാക്കിങ് ഡെഡ് – സീസൺ 01 (2010)
ദ വാക്കിങ് ഡെഡ് – സീസൺ 02 (2011)
ദ വാക്കിങ് ഡെഡ് – സീസൺ 03 (2012)
ദ വാക്കിങ് ഡെഡ് – സീസൺ 04 (2013)
ദ വാക്കിങ് ഡെഡ് – സീസൺ 05 (2014)
ദ വാക്കിങ് ഡെഡ് – സീസൺ 06 (2015)
ദ വാക്കിങ് ഡെഡ് – സീസൺ 07 (2016)

അഭിപ്രായങ്ങൾ പങ്കുവെക്കാൻ

Categories : #Drama #English #Horror #Thriller #Web_Series

#MSone Release - 3098

Chainsaw Man (2022)
ചെയിന്‍സോ മാന്‍ (2022)

Episode – 10
എപ്പിസോഡ് – 10

ഭാഷ : ജാപ്പനീസ്
സംവിധാനം : Ryu Nakayama
പരിഭാഷ : എല്‍വിന്‍ ജോണ്‍ പോള്‍
പോസ്റ്റർ : ഉണ്ണി ജയേഷ്
ജോണർ : ആക്ഷൻ, അഡ്വഞ്ചർ, അനിമേഷന്‍

IMDb ⭐️ 8.8/10

ടാറ്റ്സുക്കി ഫുജിമോട്ടോയുടെ അതേ പേരിലുള്ള മാങ്കയെ അടിസ്ഥാനമാക്കി 2022-ല്‍ പുറത്തിറങ്ങിയ മാപ്പ അനിമേഷന്‍ ആനിമേ സീരീസാണ് “ചെയിന്‍സോ മാന്‍.”

ഡെവിളുകള്‍(ചെകുത്താന്മാര്‍/പിശാച്ചുക്കള്‍) നിവസിക്കുന്ന ഒരു ആധുനിക ജപ്പാനിലാണ് ചെയിന്‍സോ മാന്‍ സീരീസിന്റെ കഥ നടക്കുന്നത്. ജാപ്പനീസ് മാഫിയയായ യാകുസക്ക്, തന്റെ മരിച്ചു പോയ അപ്പന്‍ കൊടുക്കാനുള്ള കടം വീട്ടാനായി, ദരിദ്രനായ ഡെന്‍ജി എന്ന കൗമാരക്കാരന്‍ ഒരു ഡെവിള്‍ ഹണ്ടറായി പണിയെടുക്കുന്നു. ബ്രെഡില്‍ ജാം പുരട്ടി എന്നെങ്കിലും കഴിക്കാന്‍ പറ്റുക, സ്വന്തമായി ഒരു ഗേള്‍ ഫ്രണ്ട് ഉണ്ടാവുക, എന്ന ചെറിയ ചെറിയ സ്വപ്‌നങ്ങള്‍ മാത്രമേ ഡെന്‍ജിക്ക് ഉള്ളൂ. ഒരിക്കല്‍, ഒരു പ്രത്യേക സാഹചര്യത്തില്‍, പട്ടിയെ പോലെയിരിക്കുന്ന, അവന്‍ വളര്‍ത്തുന്ന ചെയിന്‍സോ ഡെവിളായ പോച്ചിറ്റ ഡെന്‍ജിയുടെ ശരീരവുമായി ലയിക്കുന്നു. അങ്ങനെ ശരീരം മുഴുവന്‍ ചെയിന്‍സോകള്‍ ഉള്ള ഒരു ജീവിയായി മാറാനുള്ള കഴിവ് ഡെന്‍ജിക്ക് ലഭിക്കുന്നു. ശേഷം, പബ്ലിക് സേഫ്റ്റി ഡിപ്പാര്‍ട്ട്മെന്റിന്റെ കൂടെ ഒരു ഡെവിള്‍ ഹണ്ടറായി ഡെന്‍ജി ജോലിക്ക് കയറുന്നു. ഡെന്‍ജിയുടെ ആഗ്രഹങ്ങള്‍ അവന് സാധിക്കാന്‍ പറ്റുമോ? ഉത്തരമറിയാന്‍ കാണുക.

അഭിപ്രായങ്ങൾ പങ്കുവെക്കാൻ

Categories : #Action #Adventure #Animation #Japanese #Web_Series

#MSone Release - 1669

Love Letter (1995)
ലവ് ലെറ്റർ (1995)

ഭാഷ : ജാപ്പനീസ്
സംവിധാനം : Shunji Iwai
പരിഭാഷ : മനീഷ് ആനന്ദ്
പോസ്റ്റർ : അഷ്‌കർ ഹൈദർ
ജോണർ : ഡ്രാമ, റൊമാൻസ്

IMDb ⭐️ 7.9/10

ഈ ശിശിരകാലത്തേയും തൂവെള്ള മഞ്ഞിനേയും ആദ്യ പ്രണയത്തേയും പ്രതിനിധീകരികരിക്കുന്ന ഏറ്റവും മികച്ച ചിത്രങ്ങളിലൊന്നാണ് “ഏപ്രിൽ സ്റ്റോറി“യുടെ സംവിധായകനായ ഷുഞ്ചി ഇവായ് 1995-ൽ അണിയിച്ചൊരുക്കിയ മറ്റൊരു മികച്ച പ്രണയ ചിത്രമായ “ലവ് ലെറ്റർ“.

തന്റെ മുൻ കാമുകനായ ഫുജി ഇത്സുകിയുടെ മരണത്തിന്റെ ദുഃഖത്തിൽ നിന്ന് ഇനിയും കരകയറിയിട്ടില്ലാത്ത വതനബെ ഹിരോകോ, ജൂനിയർ ഹൈസ്കൂൾ ഇയർബുക്കിൽ നിന്നും കണ്ടെത്തിയ അവന്റെ പഴയ വിലാസത്തിലേക്കൊരു പ്രണയ ലേഖനമയക്കുകയും എന്നാൽ മരിച്ച ഇത്സുകിയിൽ നിന്ന് സംശയാസ്പദമായ ഒരു മറുപടി വരികയും ചെയ്യുന്നതോടെയാണ് സിനിമ ആരംഭിക്കുന്നത്. ആ കത്ത് കാമുകനായ ഇത്സുകിയിൽ നിന്നല്ലെന്ന് ബോധ്യമുണ്ടെങ്കിലും, അത് സ്വർഗത്തിൽ നിന്നുള്ളതാണെന്ന് വിശ്വസിക്കാനായിരുന്നു അവൾക്കിഷ്ടം. എന്നാൽ മറുതലക്കലിൽ നിന്നും മറുപടി അയക്കുന്നതാകട്ടെ അവളുടെ കാമുകന്റെ അതേ പേരുള്ള പെൺകുട്ടിയും! അങ്ങനെ ഇരുവരുടെയും കത്തിടപാടുകളിലൂടെ ചിത്രത്തിന്റെ കഥ വികസിക്കുന്നതോടൊപ്പം ഏവർക്കും പ്രിയപ്പെട്ട “ആദ്യ പ്രണയം” എന്ന വികാരവും സ്മരണകളും കൊണ്ട് നിറഞ്ഞ കാലത്തെ സൂക്ഷ്മമായി പകർത്തുകയും ചെയ്യുന്നു. ഹിരോകോ എപ്പോഴെങ്കിലും ഇത്സുകിയെ കാണുമോ? അവളുടെ മരിച്ചുപോയ കാമുകനായ ഇത്സുകിയും ഒതാരുവിൽ താമസിക്കുന്ന ഇത്സുകിയും തമ്മിൽ എന്തുതരം കഥയാണുള്ളത്? ഈ ചോദ്യങ്ങൾക്ക് കഥ, അല്ല കത്തുകൾ തന്നെ ഉത്തരം പറയും…

വ്യത്യസ്തമായ ദൃശ്യസൗന്ദര്യവും വികാരവും നൽകുന്ന സംവിധായകൻ ഷുഞ്ചി ഇവായിയുടെ വേദനാജനകവും യഥാസമയം മനോഹരവുമായ പ്രണയകഥയും നകയാമ മിഹോയുടെ ഹൃദയസ്പർശിയായ വൈകാരിക അഭിനയവും റെമിഡിയോസിന്റെ പിയാനോ മെലഡി സംഗീതങ്ങളുമാൽ തിളങ്ങുന്ന കാവ്യാത്മകമായ ചിത്രമാണ് “ലവ് ലെറ്റർ“. ഗ്രാമീണ ഹൊക്കൈദോയുടെ മനോഹരമായ ശീതകാല പശ്ചാത്തലത്തിൽ ഒരുക്കിയ ഈ ചിത്രം മനുഷ്യവികാരങ്ങളെ സ്‌ക്രീനിലേക്ക് കൊണ്ടുവരാനുള്ള ഷുഞ്ചി ഇവായിയുടെ സമർത്ഥമായ കഴിവ് പൂർണ്ണമായും പ്രകടമാക്കുന്നു. അത്തരത്തിൽ മഞ്ഞു പോലെ ശുദ്ധമായ ആദ്യ പ്രണയത്തിന്റെ മറന്നുപോയ ഓർമ്മകളെ പുറത്തെടുത്ത് ഈ ശൈത്യകാലത്തെ മഞ്ഞുവീഴ്ചയിൽ ഊഷ്മളമായ പഴയ ഓർമ്മകളുടെ ഗൃഹാതുരത്വം ഉണർത്തി “ലവ് ലെറ്റർ” പ്രേക്ഷകർക്ക് ഏറ്റവും പ്രിയപ്പെട്ടതാവുമെന്നത് തീർച്ചയാണ്.

അഭിപ്രായങ്ങൾ പങ്കുവെക്കാൻ

Categories : #Drama #Japanese #Romance