#MSone Release - 3111

Selina’s Gold (2022)
സെലീനാസ് ഗോൾഡ് (2022)

ഭാഷ : ടാഗലോഗ്
സംവിധാനം : Mac Alejandre
പരിഭാഷ : സുബീഷ് ചിറ്റാരിപ്പറമ്പ്
പോസ്റ്റർ : പ്രവീൺ അടൂർ
ജോണർ : ഡ്രാമ

IMDb ⭐️ 7.5/10

1942-ലെ രണ്ടാം ലോക മഹായുദ്ധ കാലം. ജപ്പാൻ സൈന്യം, ഫിലിപ്പീൻസ് പിടിച്ചടക്കിയിരിക്കുകയാണ്. എങ്ങും പട്ടിണിയും ദാരിദ്ര്യവും. ക്രൂരന്മാരായ ജാപ്പനീസ് സൈനികർ തങ്ങളെ അപകടപ്പെടുത്തുമോ എന്ന ഭയം ഒരുഭാഗത്ത്. കാശിന് വേണ്ടി സ്വന്തം മക്കളെ വരെ പണയപ്പെടുത്തുന്ന മാതാപിതാക്കൾ മറുഭാഗത്ത്.

ഫിലിപ്പീൻസിലെ ഒരു കുഗ്രാമത്തിൽ ജീവിക്കുന്ന സെലിൻ എന്ന പെൺകുട്ടിയുടെ ജീവിതവും മറിച്ചല്ല. മദ്യത്തിന് അടിമയായ സെലിന്റെ പിതാവ്, അവളെ തുച്ഛമായ കാശിന് ടാഗോ എന്ന് പേരുള്ള ബ്ലേഡ്കാരന് പണയം വെക്കുന്നു. പെൺകുട്ടികളെ പിച്ചിച്ചീന്തുന്ന, ക്രൂരനായ ടാഗോയുടെ വീട്ടിൽ സെലിന് എന്തൊക്കെ അനുഭവിക്കേണ്ടി വരും?

കർശനമായ മുന്നറിയിപ്പ്: അശ്ലീലസംഭാഷണങ്ങൾ, ലൈംഗിക രംഗങ്ങൾ എന്നിവ ധാരാളം ഉള്ളതിനാൽ, പ്രായപൂർത്തിയായവർ മാത്രം ഈ ചിത്രം കാണുക. കുടുംബവുമായി കാണാൻ ഒരിക്കലും ശ്രമിക്കരുത്.

അഭിപ്രായങ്ങൾ പങ്കുവെക്കാൻ

Categories : #Drama #Tagalog

#MSone Release - 3098

Chainsaw Man (2022)
ചെയിന്‍സോ മാന്‍ (2022)

Episode – 06
എപ്പിസോഡ് – 06

ഭാഷ : ജാപ്പനീസ്
സംവിധാനം : Ryu Nakayama
പരിഭാഷ : എല്‍വിന്‍ ജോണ്‍ പോള്‍
പോസ്റ്റർ : ഉണ്ണി ജയേഷ്
ജോണർ : ആക്ഷൻ, അഡ്വഞ്ചർ, അനിമേഷന്‍

IMDb ⭐️ 8.8/10

ടാറ്റ്സുക്കി ഫുജിമോട്ടോയുടെ അതേ പേരിലുള്ള മാങ്കയെ അടിസ്ഥാനമാക്കി 2022-ല്‍ പുറത്തിറങ്ങിയ മാപ്പ അനിമേഷന്‍ ആനിമേ സീരീസാണ് “ചെയിന്‍സോ മാന്‍.”

ഡെവിളുകള്‍(ചെകുത്താന്മാര്‍/പിശാച്ചുക്കള്‍) നിവസിക്കുന്ന ഒരു ആധുനിക ജപ്പാനിലാണ് ചെയിന്‍സോ മാന്‍ സീരീസിന്റെ കഥ നടക്കുന്നത്. ജാപ്പനീസ് മാഫിയയായ യാകുസക്ക്, തന്റെ മരിച്ചു പോയ അപ്പന്‍ കൊടുക്കാനുള്ള കടം വീട്ടാനായി, ദരിദ്രനായ ഡെന്‍ജി എന്ന കൗമാരക്കാരന്‍ ഒരു ഡെവിള്‍ ഹണ്ടറായി പണിയെടുക്കുന്നു. ബ്രെഡില്‍ ജാം പുരട്ടി എന്നെങ്കിലും കഴിക്കാന്‍ പറ്റുക, സ്വന്തമായി ഒരു ഗേള്‍ ഫ്രണ്ട് ഉണ്ടാവുക, എന്ന ചെറിയ ചെറിയ സ്വപ്‌നങ്ങള്‍ മാത്രമേ ഡെന്‍ജിക്ക് ഉള്ളൂ. ഒരിക്കല്‍, ഒരു പ്രത്യേക സാഹചര്യത്തില്‍, പട്ടിയെ പോലെയിരിക്കുന്ന, അവന്‍ വളര്‍ത്തുന്ന ചെയിന്‍സോ ഡെവിളായ പോച്ചിറ്റ ഡെന്‍ജിയുടെ ശരീരവുമായി ലയിക്കുന്നു. അങ്ങനെ ശരീരം മുഴുവന്‍ ചെയിന്‍സോകള്‍ ഉള്ള ഒരു ജീവിയായി മാറാനുള്ള കഴിവ് ഡെന്‍ജിക്ക് ലഭിക്കുന്നു. ശേഷം, പബ്ലിക് സേഫ്റ്റി ഡിപ്പാര്‍ട്ട്മെന്റിന്റെ കൂടെ ഒരു ഡെവിള്‍ ഹണ്ടറായി ഡെന്‍ജി ജോലിക്ക് കയറുന്നു. ഡെന്‍ജിയുടെ ആഗ്രഹങ്ങള്‍ അവന് സാധിക്കാന്‍ പറ്റുമോ? ഉത്തരമറിയാന്‍ കാണുക.

അഭിപ്രായങ്ങൾ പങ്കുവെക്കാൻ

Categories : #Action #Adventure #Animation #Japanese #Web_Series

#MSone Release - 3112

Spiritwalker (2020)
സ്പിരിറ്റ്‌വാക്കർ (2020)

ഭാഷ : കൊറിയൻ
സംവിധാനം : Jae-geun Yoon
പരിഭാഷ : വിഷ്ണു ഷാജി
പോസ്റ്റർ : ഉണ്ണി ജയേഷ്
ജോണർ :ആക്ഷൻ, ഫാന്റസി

IMDb ⭐️ 6.2/10

ഒരിക്കലും നടക്കാൻ സാധ്യതയില്ലാത്ത ഒരു കൺസെപ്റ്റ് സിനിമയാക്കുകയും, അത് പ്രേഷകർ ഇരു കൈയും നീട്ടി സ്വീകരിക്കുന്നിടത്തുമാണ് ആ സിനിമയുടെ വിജയം. അതിനോട് നൂറു ശതമാനം നീതി പുലർത്തിയ സിനിമയാണ് സ്പിരിറ്റ്‌വാക്കർ. റിലീസിന് മുന്നേ ഹോളിവുഡ് റൈറ്റ്സ് വിറ്റുപോയ ആദ്യ കൊറിയൻ ചിത്രമായി ഇതു മാറിയതും അതുകൊണ്ടാണ്. കൺസെപ്റ്റിലും, മേക്കിങ്ങിലും, തിരക്കഥയിലുമെല്ലാം വളരെ മികച്ച രീതിയിൽ തന്നെ ഒട്ടും ബോറടി തോന്നാത്ത വിധത്തിൽ ഒരുക്കിയിരിക്കുന്ന ഒരു കിടിലൻ കൊറിയൻ ഫാന്റസി ആക്ഷൻ ത്രില്ലർ ചിത്രമാണിത്.

ഒരു വാഹനാപകടത്തിനു ശേഷം ബോധം തെളിയുന്ന നായക കഥാപാത്രത്തിലൂടെയാണ് ചിത്രം തുടങ്ങുന്നത്. അതിനു ശേഷം ഓർമ്മയെല്ലാം നഷ്ടപ്പെട്ട്, താനാരാണെന്ന് പോലും ഓർത്തെടുക്കാൻ പറ്റാത്ത അവസ്ഥയിലേക്ക് അയാൾ മാറുന്നു. പിന്നീടാണ് അയാളൊരു കാര്യം മനസ്സിലാക്കുന്നത്. കണ്ണാടി നോക്കുമ്പോൾ തന്റെ മുഖത്തിനു പകരം കാണുന്നത് വേറെ ആരുടെയൊക്കെയോ മുഖങ്ങളാണ്. തെളിച്ചു പറഞ്ഞാൽ ഓരോ 12 മണിക്കൂർ കൂടുമ്പോഴും അയാളുടെ ആത്മാവ് വേറെ വേറെ ശരീരങ്ങളിലേക്ക് മാറുന്നു.

ഇതിനിടക്ക് നായകനെ അന്വേഷിച്ച് ഒരോരുത്തരായി എത്തുന്നു. താനാരാണെന്ന് കണ്ടെത്താനും, ആത്മാവ് കൂടുവിട്ട് കൂട് മാറുന്നത്തിന് പിന്നിലുള്ള കാരണവും അന്വേഷിച്ചുള്ള നായകന്റെ ജീവൻ പണയം വെച്ചുള്ള നെട്ടോട്ടമാണ് സ്പിരിറ്റ്‌വാക്കർ.
പുതുമയാർന്ന കൺസെപ്റ്റും, ക്ലൈമാക്സിലെ ആക്ഷൻ സീക്വൻസുകളും തന്നെയാണ് ഈ ചിത്രത്തിന്റെ പ്രത്യേകത. അതിനാൽ ആക്ഷൻ സിനിമപ്രേമികൾ നിർബന്ധമായും കണ്ടിരിക്കേണ്ട ചിത്രമാണ് സ്പിരിറ്റ്‌വാക്കർ.

NB: പുതിയ കൺസെപ്റ്റ് ആയതിനാൽ സിനിമ കാണുമ്പോഴുള്ള സംശയങ്ങൾ രണ്ടാമത് ഒന്നുകൂടി കാണുമ്പോ കൂടുതൽ വ്യക്തമാകും.

അഭിപ്രായങ്ങൾ പങ്കുവെക്കാൻ

Categories : #Action #Fantasy #Korean

#MSone Release - 203

Mad Max: Fury Road (2015)
മാഡ് മാക്സ്: ഫ്യൂരി റോഡ് (2015)

ഭാഷ : ഇംഗ്ലീഷ്
സംവിധാനം : George Miller
പരിഭാഷ : വിഷ്ണു പ്രസാദ്
പോസ്റ്റർ : ഉണ്ണി ജയേഷ്
ജോണർ : ആക്ഷൻ, അഡ്വഞ്ചർ, സയൻസ് ഫിക്ഷൻ

IMDb ⭐️ 8.1/10

പ്രശസ്ത ഓസ്ട്രേലിയൻ സംവിധായകൻ ജോർജ് മില്ലറുടെ മാഡ് മാക്സ് ചിത്രങ്ങളിലെ നാലാം ഭാഗമായി 2015-ൽ പുറത്തിറങ്ങിയ സിനിമയാണ് മാഡ് മാക്സ്: ഫ്യൂരി റോഡ്.

മനുഷ്യന്റെ ചെയ്തികളാൽ ഭൂമി തികച്ചും വാസയോഗ്യമല്ലാത്ത ഒരു മരുഭൂമിയായി മാറിയിരിക്കുന്നു. സ്വാഭാവികമായും ജലത്തേക്കാൾ വലുതായി മറ്റൊന്നുമില്ലാത്ത അവസ്ഥ. മാക്സ് റോക്കറ്റാൻസ്കി എന്ന കേന്ദ്ര കഥാപാത്രം ആ മരുഭൂമിയിലൂടെ എങ്ങോട്ടെന്നില്ലാതെ അലയുകയാണ്. അവിടെയുള്ള ഏകാതിപതിയായ ഇമ്മോർട്ടൻ ജോയുടെ വാർ ബോയ്സ് മാക്സിനെ പിടികൂടി, ജോയുടെ കോട്ടയിലേക്ക് കൊണ്ടുവന്ന് വാർ ബോയ്സിലെ ഒരാൾക്ക് രക്തം കൊടുക്കാനായി ഉപയോഗിക്കുന്നു.

അതേസമയം, ജോ തന്റെ വിശ്വസ്തയായ ഇംപറേറ്റർ ഫ്യൂരിയോസയെ ഗ്യാസൊലീനും, ഭക്ഷ്യവസ്തുക്കളും മറ്റും അയൽദേശത്തിലേക്ക് കൈമാറ്റം നടത്താനായി പറഞ്ഞയക്കുന്നു. എന്നാൽ തന്റെ അഞ്ച് ഭാര്യമാരും ഫ്യൂരിയോസയുടെ കൂടെ പോയകാര്യം വൈകി മനസ്സിലാക്കിയ ജോയും കൂട്ടരും ഫ്യൂരിയോസയെ പിടിക്കാനായി വലിയ സന്നാഹങ്ങളുമായി പുറപ്പെടുന്നു. അവരുടെ ഒരു വണ്ടിയുടെ മുൻപിൽ മാക്സിനെയും കെട്ടിവെച്ചാണ് പോകുന്നത്. തുടർന്ന് കണ്ണെത്താ ദൂരത്തോളം പടർന്ന് കിടക്കുന്ന മരുഭൂമിയിലൂടെയുള്ള തീ പാറുന്ന ചേസിങ്ങും, യുദ്ധങ്ങളുമാണ് പിന്നീടരങ്ങേറുന്നത്.

2016-ൽ പത്ത് നോമിനേഷനുകളിൽ നിന്നും ആറോളം ഓസ്കാറുകൾ വാരിക്കൂട്ടിയ ചിത്രം, ആക്ഷൻ സിനിമകളിൽ തന്നെ ഏറ്റവും മികച്ചതെന്ന വിശേഷണം നേടിയെടുത്ത ചിത്രംകൂടിയാണ്.

അഭിപ്രായങ്ങൾ പങ്കുവെക്കാൻ

Categories : #Action #Adventure #English #Sci_Fi

#MSone Release - 3098

Chainsaw Man (2022)
ചെയിന്‍സോ മാന്‍ (2022)

Episode – 07
എപ്പിസോഡ് – 07

ഭാഷ : ജാപ്പനീസ്
സംവിധാനം : Ryu Nakayama
പരിഭാഷ : എല്‍വിന്‍ ജോണ്‍ പോള്‍
പോസ്റ്റർ : ഉണ്ണി ജയേഷ്
ജോണർ : ആക്ഷൻ, അഡ്വഞ്ചർ, അനിമേഷന്‍

IMDb ⭐️ 8.8/10

ടാറ്റ്സുക്കി ഫുജിമോട്ടോയുടെ അതേ പേരിലുള്ള മാങ്കയെ അടിസ്ഥാനമാക്കി 2022-ല്‍ പുറത്തിറങ്ങിയ മാപ്പ അനിമേഷന്‍ ആനിമേ സീരീസാണ് “ചെയിന്‍സോ മാന്‍.”

ഡെവിളുകള്‍(ചെകുത്താന്മാര്‍/പിശാച്ചുക്കള്‍) നിവസിക്കുന്ന ഒരു ആധുനിക ജപ്പാനിലാണ് ചെയിന്‍സോ മാന്‍ സീരീസിന്റെ കഥ നടക്കുന്നത്. ജാപ്പനീസ് മാഫിയയായ യാകുസക്ക്, തന്റെ മരിച്ചു പോയ അപ്പന്‍ കൊടുക്കാനുള്ള കടം വീട്ടാനായി, ദരിദ്രനായ ഡെന്‍ജി എന്ന കൗമാരക്കാരന്‍ ഒരു ഡെവിള്‍ ഹണ്ടറായി പണിയെടുക്കുന്നു. ബ്രെഡില്‍ ജാം പുരട്ടി എന്നെങ്കിലും കഴിക്കാന്‍ പറ്റുക, സ്വന്തമായി ഒരു ഗേള്‍ ഫ്രണ്ട് ഉണ്ടാവുക, എന്ന ചെറിയ ചെറിയ സ്വപ്‌നങ്ങള്‍ മാത്രമേ ഡെന്‍ജിക്ക് ഉള്ളൂ. ഒരിക്കല്‍, ഒരു പ്രത്യേക സാഹചര്യത്തില്‍, പട്ടിയെ പോലെയിരിക്കുന്ന, അവന്‍ വളര്‍ത്തുന്ന ചെയിന്‍സോ ഡെവിളായ പോച്ചിറ്റ ഡെന്‍ജിയുടെ ശരീരവുമായി ലയിക്കുന്നു. അങ്ങനെ ശരീരം മുഴുവന്‍ ചെയിന്‍സോകള്‍ ഉള്ള ഒരു ജീവിയായി മാറാനുള്ള കഴിവ് ഡെന്‍ജിക്ക് ലഭിക്കുന്നു. ശേഷം, പബ്ലിക് സേഫ്റ്റി ഡിപ്പാര്‍ട്ട്മെന്റിന്റെ കൂടെ ഒരു ഡെവിള്‍ ഹണ്ടറായി ഡെന്‍ജി ജോലിക്ക് കയറുന്നു. ഡെന്‍ജിയുടെ ആഗ്രഹങ്ങള്‍ അവന് സാധിക്കാന്‍ പറ്റുമോ? ഉത്തരമറിയാന്‍ കാണുക.

അഭിപ്രായങ്ങൾ പങ്കുവെക്കാൻ

Categories : #Action #Adventure #Animation #Japanese #Web_Series

#MSone Release - 3113

1899 (2022)

ഭാഷ : ഇംഗ്ലീഷ് & ജർമൻ
നിർമ്മാണം : Dark Ways
പരിഭാഷ : വിഷ്ണു പ്രസാദ്, സാമിർ, ഫഹദ് അബ്ദുൾ മജീദ്, അജിത് രാജ് & ഗിരി പി. എസ്.
പോസ്റ്റർ : ഉണ്ണി ജയേഷ്
ജോണർ : ഡ്രാമ, ഹിസ്റ്ററി, ഹൊറർ

IMDb ⭐️ 7.9/10

ഡാർക്ക്‌ എന്ന ലോകശ്രദ്ധ പിടിച്ചുപറ്റിയ സീരിസിന് ശേഷം, Baran bo Odar, Jantje Friese എന്നിവരുടെ ക്രിയേഷനിൽ 2022-ൽ 8 എപ്പിസോഡുകളിലായി നെറ്റ്‌ഫ്ലിക്സിലൂടെ പുറത്തുവന്ന സീരീസ് ആണ് 1899.

1899-ൽ ലണ്ടനിൽ നിന്ന് 1600-ലേറെ യാത്രക്കാരുമായി കെർബറോസെന്ന കപ്പൽ ന്യൂയോർക്കിലേക്ക് യാത്ര തിരിക്കുന്നു. പല ഭാഷകൾ സംസാരിക്കുന്ന പല രാജ്യക്കാരും അതിസമ്പന്നരും അതിദരിദ്രരും ഉൾപ്പെടെ പലരും യാത്രയുടെ ഭാഗമാണ്. യാത്രാമധ്യേ കപ്പലിന്റെ ക്യാപ്റ്റനായ ഐക് ലാർസെന് ഒരു സന്ദേശം ലഭിക്കുന്നു. 4 മാസങ്ങൾക്ക് മുൻപേ കാണാതായ പ്രിമിത്തിയസെന്ന കപ്പലിൽ നിന്നാണ് അതെന്ന് അദ്ദേഹം മനസ്സിലാക്കുകയും, ഒരു പ്രത്യേക സാഹചര്യത്തിൽ യാത്രക്കാരുടെ എതിർപ്പ് വകവയ്ക്കാതെ അദ്ദേഹം നായികയായ ഡോക്ടർ മൗറ ഫ്രാങ്ക്ലിന് ഒപ്പം പ്രിമിത്തിയസ് കപ്പലിലേക്ക് പോകുകയും ചെയ്യുന്നു. പക്ഷേ ഉപേക്ഷിക്കപ്പെട്ട ആ കപ്പലിൽ ഉണ്ടായിരുന്ന രണ്ടായിരത്തിലധികം വരുന്ന യാത്രക്കാരെയും മറ്റുള്ളവരാരേയും അവിടെ അവർക്ക് കണ്ടെത്താനായില്ല. പകരമൊരു കുട്ടിയെ അവർ കണ്ടെത്തുന്നു. ആ കുട്ടിയുമായി തിരികെ അവർ കെർബറോസിൽ എത്തുന്നത്തോടെ ആ കപ്പലിലെ യാത്രക്കാരെല്ലാം ഒരേ രീതിയിൽ മരിച്ചു വീഴാൻ തുടങ്ങുന്നു. ഈ മരണങ്ങൾ എങ്ങനെ ഒഴിവാക്കാം, ഇതിനെല്ലാം ഉത്തരവാദിയാര്, തുടങ്ങിയ ഒരുപാട് ചോദ്യങ്ങൾക്കുള്ള ഉത്തരം തേടിയുള്ള നായികയുടെയും ക്യാപ്റ്റന്റേയും യാത്രയാണ് 1899 എന്ന സീരീസ്.

അഭിപ്രായങ്ങൾ പങ്കുവെക്കാൻ

Categories : #Drama #English #German #History #Horror #Web_Series

#MSone Release - 3114

Kantara (2022)
കാന്താര (2022)

ഭാഷ : കന്നഡ
സംവിധാനം : Rishab Shetty
പരിഭാഷ : വിഷ് ആസാദ്
പോസ്റ്റർ : ഉണ്ണി ജയേഷ്
ജോണർ : ആക്ഷൻ, അഡ്വഞ്ചർ, ഡ്രാമ

IMDb ⭐️ 8.9/10

ഹോംബാലെ ഫിലിംസിന്റെ നിര്‍മ്മാണത്തില്‍ ഋഷഭ് ഷെട്ടി എഴുതി, സംവിധാനം ചെയ്ത്, പ്രധാന വേഷത്തിലെത്തിയ കന്നഡ ചിത്രമാണ് ‘കാന്താരാ – എ ലെജന്‍ഡ്.‘

ചവിട്ടി നില്‍ക്കുന്ന മണ്ണ് കാക്കാന്‍ ശ്രമിക്കുന്ന നിസ്സഹായരായ മനുഷ്യരുടെ കഥകള്‍ ലോകസിനിമയുടെ തന്നെ ഇഷ്ട വിഷയമാണ്.1990 കാലഘട്ടത്തില്‍ ദക്ഷിണ കർണാടകയിലെ കാടിനോട് ചേർന്നുള്ള ഒരു ഗ്രാമത്തില്‍ നിലനില്‍ക്കുന്നൊരു മിത്തും ആചാരങ്ങളും അതില്‍ വിശ്വസിക്കുന്ന ഒരു കൂട്ടം ആളുകളുടെ കഥയാണ് ‘കാന്താരാ.’

രാജാവിന് കുലദൈവത്തെ നല്‍കിയതിന് പകരമായിക്കിട്ടിയ ഭൂമിയില്‍ ജീവിക്കുന്നൊരു ജനത. ആ ദൈവത്തെ ആരാധിക്കുന്ന രാജ കുടുംബം.എന്നാല്‍ കാലം മാറുമ്പോള്‍ ദൈവത്തിലുള്ള വിശ്വാസം കുറയുകയും പണത്തിന്റെയും അധികാരത്തിന്റെയും പുറകെ പോകുന്ന മനുഷ്യരും അതിന് ഇരയാകുന്ന മറ്റ് മനുഷ്യരുടെ ചെറുത്തു നില്‍പ്പുമാണ് ഈ സിനിമ.

സാവധാനം തുടങ്ങി കലാശക്കൊട്ടോടുകൂടി അവസാനിക്കുന്ന ചിത്രത്തിന്റെ തിരക്കഥ തന്നെയാണ് യഥാര്‍ത്ഥ നായകന്‍. ‘കാന്താരാ‘യ്ക്ക് അതിഗംഭീര തീയറ്റര്‍ എക്സ്പീരിയന്‍സ് തരുന്നതില്‍ സിനിമാറ്റോഗ്രാഫി, മ്യൂസിക്‌ എന്നിവയുടെ പങ്ക് വളരെ വലുതാണ്‌. ഇവയുടെ സഹായത്തോടെ കാടിന്റെ വന്യസൗന്ദര്യവും നിഗൂഡതയും നിലനിര്‍ത്തി കഥ പറയുന്നതില്‍ സംവിധായകന്‍ വിജയിച്ചു. ഡ്രാമ, ഹൊറര്‍, മിസ്റ്ററി, ആക്ഷന്‍ തുടങ്ങിയ ഒട്ടുമിക്ക ജോണറുകളും ഉൾകൊള്ളുന്ന കഥയില്‍, അവയെല്ലാം അനുയോജ്യമായ രീതിയില്‍ ഉള്‍പ്പെടുത്തിയിട്ടുണ്ട്. കിഷോർ, അച്യുത് കുമാർ എന്നിവര്‍ പ്രധാന കഥാപത്രങ്ങളായി വളരെ മികച്ച പ്രകടനം കാഴ്ചവയ്ക്കുന്നുണ്ടെങ്കിലും നായകനായ ഋഷഭ് ഷെട്ടിയുടെ ഗംഭീര പ്രകടനമാണ് ചിത്രത്തിന്റെ ഹൈലൈറ്റ്.

ഒരു മികച്ച കൊമേഴ്സ്യല്‍ സിനിമയ്ക്ക് വേണ്ട മികച്ച ആക്ഷന്‍ രംഗങ്ങളും പാട്ടുകളും പ്രകടനങ്ങളും നിറഞ്ഞ ഈ സിനിമ കന്നഡ സിനിമയിലെ ഏറ്റവും പുതിയ ഇന്‍ഡസ്ട്രി ഹിറ്റാണ്.

അഭിപ്രായങ്ങൾ പങ്കുവെക്കാൻ

Categories : #Action #Adventure #Drama #Kannada

#MSone Release - 3115

The Guardians of the Galaxy Holiday Special (2022)
ദ ഗാർഡിയൻസ് ഓഫ് ദ ഗ്യാലക്സി ഹോളിഡേ സ്പെഷ്യൽ (2022)

ഭാഷ : ഇംഗ്ലീഷ്
സംവിധാനം : James Gunn
പരിഭാഷ : വിഷ്ണു പ്രസാദ്
പോസ്റ്റർ : ഉണ്ണി ജയേഷ്
ജോണർ : ആക്ഷൻ, അഡ്വഞ്ചർ, കോമഡി

IMDb ⭐️ 7.2/10

മാർവെൽ സിനിമാറ്റിക് യൂണിവേഴ്സ് (MCU) ൽ നിന്നും പുറത്തിറങ്ങിയ ഒരു ടീവി സ്പെഷ്യലാണ് ദ ഗാർഡിയൻസ് ഓഫ് ദ ഗ്യാലക്സി ഹോളിഡേ സ്പെഷ്യൽ.

ഗാമോറയെ നഷ്ടപ്പെട്ട വിഷമത്തിലിരിക്കുന്ന പീറ്റർ ക്വില്ലിനെ സന്തോഷിപ്പിക്കാനും, പീറ്ററിന്‌ കുട്ടിക്കാലത്ത് ആഘോഷിക്കാൻ പറ്റാതെപോയ ക്രിസ്മസ് നടത്തിക്കൊടുക്കാനും വേണ്ടി, മാന്റിസും, ഡ്രാക്‌സും കൂടി ഭൂമിയിലേക്ക് പോയി പീറ്ററിന്റെ ഫേവറിറ്റ് ഹീറോയായ കെവിൻ ബേക്കണിനെ കണ്ടുപിടിച്ച് അവന് ക്രിസ്മസ് സമ്മാനമായി കൊണ്ടുകൊടുക്കാൻ ശ്രമിക്കുന്നതുമൊക്കെയാണ് ഈയൊരു സ്പെഷ്യലിന്റെ പ്രധാന കഥ.

വെറും 40 മിനിറ്റിനുള്ളിൽ തന്നെ MCU-വിലെ കുറെ കാര്യങ്ങളും, ടീമിലുള്ളവരുടെ ഇപ്പോഴത്തെ അവസ്ഥകളുമൊക്കെ വളരെ ഭംഗിയായിട്ടുതന്നെ അവതരിപ്പിക്കാൻ സംവിധായകൻ ജെയിംസ് ഗണ്ണിന് സാധിച്ചിട്ടുണ്ട്.

2023-ൽ ഇറങ്ങുന്ന ദ ഗാർഡിയൻസ് ഓഫ് ദ ഗ്യാലക്സി വോളിയം 3-യുടെ മുന്നോടിയായി ഇറങ്ങിയ ഒരു സ്പെഷ്യൽ കൂടിയാണിത്.

അഭിപ്രായങ്ങൾ പങ്കുവെക്കാൻ

Categories : #Action #Adventure #Comedy #English #MarvelFest

#MSone Release - 3098

Chainsaw Man (2022)
ചെയിന്‍സോ മാന്‍ (2022)

Episode – 08
എപ്പിസോഡ് – 08

ഭാഷ : ജാപ്പനീസ്
സംവിധാനം : Ryu Nakayama
പരിഭാഷ : എല്‍വിന്‍ ജോണ്‍ പോള്‍
പോസ്റ്റർ : ഉണ്ണി ജയേഷ്
ജോണർ : ആക്ഷൻ, അഡ്വഞ്ചർ, അനിമേഷന്‍

IMDb ⭐️ 8.8/10

ടാറ്റ്സുക്കി ഫുജിമോട്ടോയുടെ അതേ പേരിലുള്ള മാങ്കയെ അടിസ്ഥാനമാക്കി 2022-ല്‍ പുറത്തിറങ്ങിയ മാപ്പ അനിമേഷന്‍ ആനിമേ സീരീസാണ് “ചെയിന്‍സോ മാന്‍.”

ഡെവിളുകള്‍(ചെകുത്താന്മാര്‍/പിശാച്ചുക്കള്‍) നിവസിക്കുന്ന ഒരു ആധുനിക ജപ്പാനിലാണ് ചെയിന്‍സോ മാന്‍ സീരീസിന്റെ കഥ നടക്കുന്നത്. ജാപ്പനീസ് മാഫിയയായ യാകുസക്ക്, തന്റെ മരിച്ചു പോയ അപ്പന്‍ കൊടുക്കാനുള്ള കടം വീട്ടാനായി, ദരിദ്രനായ ഡെന്‍ജി എന്ന കൗമാരക്കാരന്‍ ഒരു ഡെവിള്‍ ഹണ്ടറായി പണിയെടുക്കുന്നു. ബ്രെഡില്‍ ജാം പുരട്ടി എന്നെങ്കിലും കഴിക്കാന്‍ പറ്റുക, സ്വന്തമായി ഒരു ഗേള്‍ ഫ്രണ്ട് ഉണ്ടാവുക, എന്ന ചെറിയ ചെറിയ സ്വപ്‌നങ്ങള്‍ മാത്രമേ ഡെന്‍ജിക്ക് ഉള്ളൂ. ഒരിക്കല്‍, ഒരു പ്രത്യേക സാഹചര്യത്തില്‍, പട്ടിയെ പോലെയിരിക്കുന്ന, അവന്‍ വളര്‍ത്തുന്ന ചെയിന്‍സോ ഡെവിളായ പോച്ചിറ്റ ഡെന്‍ജിയുടെ ശരീരവുമായി ലയിക്കുന്നു. അങ്ങനെ ശരീരം മുഴുവന്‍ ചെയിന്‍സോകള്‍ ഉള്ള ഒരു ജീവിയായി മാറാനുള്ള കഴിവ് ഡെന്‍ജിക്ക് ലഭിക്കുന്നു. ശേഷം, പബ്ലിക് സേഫ്റ്റി ഡിപ്പാര്‍ട്ട്മെന്റിന്റെ കൂടെ ഒരു ഡെവിള്‍ ഹണ്ടറായി ഡെന്‍ജി ജോലിക്ക് കയറുന്നു. ഡെന്‍ജിയുടെ ആഗ്രഹങ്ങള്‍ അവന് സാധിക്കാന്‍ പറ്റുമോ? ഉത്തരമറിയാന്‍ കാണുക.

അഭിപ്രായങ്ങൾ പങ്കുവെക്കാൻ

Categories : #Action #Adventure #Animation #Japanese #Web_Series

#MSone Release - 3109

Fringe Season 1 (2008)
ഫ്രിഞ്ച് സീസൺ 1 (2008)

Episodes 11-20
എപ്പിസോഡ്‌സ് 11-20

ഭാഷ : ഇംഗ്ലീഷ്
നിർമ്മാണം : Bad Robot Productions
പരിഭാഷ: ഫഹദ് അബ്ദുൾ മജീദ്
പോസ്റ്റർ : പ്രവീൺ അടൂർ
ജോണർ : ഡ്രാമ, മിസ്റ്ററി, സയൻസ് ഫിക്ഷൻ

IMDb ⭐️ 8.4/10

ലോസ്റ്റിന്റെ ക്രിയേറ്റർ ആയ ജെ ജെ അബ്രാമിന്റെ അടുത്ത സയൻസ് ഫിക്ഷൻ സീരീസ് ആണ് ഫ്രിഞ്ച്.

ലോസ്റ്റിനു സമാനമായി ഒരു വിമാന യാത്ര കാണിച്ചുകൊണ്ടാണ് ഫ്രിഞ്ച് തുടങ്ങുന്നത്. വളരെ വിചിത്രമായ പല കാര്യങ്ങൾക്കും ആദ്യ എപ്പിസോഡിൽ തന്നെ നമ്മൾ സാക്ഷ്യം വഹിക്കുന്നു. അതിൽ ഒന്നാണ് ഒരു വിമാനത്തിലുള്ള മുഴുവൻ യാത്രക്കാരും വളരെ ഭീകരമായ രീതിയിൽ മരിച്ചു വീഴുന്നത്.

ഈ കേസിന്റെ അന്വേഷണ ചുമതല “Oliva Dunham” എന്ന ചുറുചുറുക്കുള്ള ഒരു FBI ഓഫീസർക്ക് ആയിരുന്നു. അന്വേഷണത്തിന്റെ ആദ്യ ഘട്ടം മുതൽ ഒലിവിയയുടെ ചുറ്റം നടക്കുന്നതെല്ലാം വിശ്വസിക്കാനാവാത്ത വിചിത്രമായ കാര്യങ്ങളാണ്.

Pattern എന്നു വിളിപ്പേരുള്ള ഇത്തരം പല വിചിത്ര സംഭവങ്ങളും മുന്നേയും നടന്നിട്ടുണ്ട് എന്നു മനസ്സിലാക്കുന്ന ഒലിവിയ, വാൾട്ടർ എന്ന സയൻറ്റിസ്റ്റിന്റെയും അയാളുടെ മകന്റെയും സഹായത്തോടുകൂടി ഈ വിചിത്ര സംഭവങ്ങളുടെ കാരണം തേടി നടത്തുന്ന അന്വേഷണങ്ങൾ ആണ് സീസൺ 1 മെയിൻ പ്ലോട്ട്.

20 എപ്പിസോഡുകളാണ് സീസൺ 1-ൽ ഉള്ളത്. ഒന്നര മണിക്കൂറിന് അടുത്തുള്ള Pilot എപ്പിസോഡ് ഒഴിച്ചു നിർത്തിയാൽ ബാക്കി എപ്പിസോഡുകൾ എല്ലാം ഏതാണ്ട് 50 min ലെങ്ത് ആണ്.

ലോസ്റ്റ് പോലെ തുടക്കം മുതൽ ഒരുപാട് മിസ്റ്ററി നിലനിർത്തി കൊണ്ടു മുന്നോട്ട് പോകുന്ന സീരീസാണ്. മിക്കവാറും ഓരോ എപ്പിസോഡും ഒരു അന്വേഷണമായിരിക്കും. അതിനിടയിൽ കൂടെ മെയിൻ പ്ലോട്ട് ഒരു പൂവ് വിരിയുന്നത് പോലെ വളരെ സാവധാനമാണ് ഡെവലപ്പ് ചെയ്തുവരുന്നത്.

മെയിൻ പ്ലോട്ട് ഡെവലപ്പ് ചെയ്യാത്ത ഫില്ലറുകൾ എന്ന് വിളിക്കാവുന്ന ഏതാനും എപ്പിസോഡുകളും ഓരോ സീസണുകളിലും ഉണ്ട്. അവ വഴിയാകും ചിലപ്പോഴെല്ലാം കഥാപാത്രങ്ങൾ തമ്മിലുള്ള ബന്ധങ്ങൾ ഡെവലപ്പ് ചെയ്യുന്നത്.

കടപ്പാട് : Mukesh Muke

അഭിപ്രായങ്ങൾ പങ്കുവെക്കാൻ

Categories : #Drama #English #Mystery #Sci_Fi #Web_Series