#MSone Release - 1689

Dil Dhadakne Do (2015)
ദിൽ ധഡക്നേ ദോ (2015)

ഭാഷ : ഹിന്ദി
സംവിധാനം : Zoya Akhtar
പരിഭാഷ : പ്രവീൺ വിജയകുമാർ
പോസ്റ്റർ : പ്രവീൺ അടൂർ
ജോണർ : ഡ്രാമ, കോമഡി, റൊമാൻസ്

IMDb ⭐️ 7.0/10

ഡൽഹിയിലെ ‘ഹൈ സൊസൈറ്റി’ അംഗങ്ങളായ കമൽ മെഹ്‌റയും നീലം മെഹ്‌റയും തങ്ങളുടെ 30 ആം വിവാഹവാർഷികം ഒരു ക്രൂസ് ഷിപ്പിൽ ആഘോഷിക്കാൻ തീരുമാനിക്കുന്നു. മെഹ്‌റ കുടുംബത്തിന്റെ ബിസ്സിനസ്സ് പോലെത്തന്നെ, കമലിന്റേയും നീലത്തിന്റേയും കുടുംബ ജീവിതം ഇപ്പോൾ അത്ര നല്ല നിലയിലല്ല പോകുന്നത്. മകൾ അയേഷ മെഹ്‌റ തന്റെ ബിസ്സിനസ്സ് സംരംഭത്തിൽ വിജയമായെങ്കിലും ദാമ്പത്യജീവിതം അത്ര സന്തോഷകരമല്ല. മകൻ കബീർ മെഹ്‌റ, കുടുംബ ബിസിനസ്സിന്റെ ചുമതല വന്നു ചേർന്നതിനാൽ പൈലറ്റ് ആകാനുള്ള മോഹം ഉപേക്ഷിക്കേണ്ടി വന്ന വിഷമത്തിലാണ്. ഇങ്ങനെയൊക്കെ ആണെങ്കിലും, അടുത്ത ബന്ധുക്കൾക്കും സുഹൃത്തുക്കൾക്കുമൊപ്പം മെഹ്‌റ കുടുംബം 10 ദിവസത്തെ ക്രൂസ് യാത്ര ആരംഭിക്കുകയാണ്. എന്നാൽ ആ യാത്ര കേവലം മെഹ്‌റ കുടുംബത്തിന്റെ മാത്രമല്ല, മറിച്ച് അവരുടെ ക്ഷണം സ്വീകരിച്ചെത്തിയ എല്ലാപേരുടെയും ജീവിതം മാറ്റിമറിക്കുകയാണ്.

സോയ അക്തർ സംവിധാനം ചെയ്ത് 2015 ൽ പുറത്തിറങ്ങിയ ചിത്രമാണ് ‘ദിൽ ധഡക്നേ ദോ‘. അനിൽ കപൂർ, ഷെഫാലി ഷാ, പ്രിയങ്ക ചോപ്ര, രൺവീർ സിങ്, അനുഷ്‌ക ശർമ്മ, ഫറാൻ അക്തർ, രാഹുൽ ബോസ് തുടങ്ങിയ വമ്പൻ താര നിരയ്‌ക്കൊപ്പം ശബ്‌ദ സാന്നിദ്ധ്യമായി ആമിർ ഖാനും ചേരുന്നു. ഒരു ഫീൽ ഗുഡ് ഫാമിലി എന്റർടെയ്‌നറാണ് ‘ദിൽ ധഡക്നേ ദോ‘.

അഭിപ്രായങ്ങൾ പങ്കുവെക്കാൻ

Categories : #Comedy #Drama #Hindi #Romance

വാമോസ് അർജൻ്റീന..... 🇦🇷

#MSone Release - 3098

Chainsaw Man (2022)
ചെയിന്‍സോ മാന്‍ (2022)

Episode – 11
എപ്പിസോഡ് – 11

ഭാഷ : ജാപ്പനീസ്
സംവിധാനം : Ryu Nakayama
പരിഭാഷ : എല്‍വിന്‍ ജോണ്‍ പോള്‍
പോസ്റ്റർ : ഉണ്ണി ജയേഷ്
ജോണർ : ആക്ഷൻ, അഡ്വഞ്ചർ, അനിമേഷന്‍

IMDb ⭐️ 8.8/10

ടാറ്റ്സുക്കി ഫുജിമോട്ടോയുടെ അതേ പേരിലുള്ള മാങ്കയെ അടിസ്ഥാനമാക്കി 2022-ല്‍ പുറത്തിറങ്ങിയ മാപ്പ അനിമേഷന്‍ ആനിമേ സീരീസാണ് “ചെയിന്‍സോ മാന്‍.”

ഡെവിളുകള്‍(ചെകുത്താന്മാര്‍/പിശാച്ചുക്കള്‍) നിവസിക്കുന്ന ഒരു ആധുനിക ജപ്പാനിലാണ് ചെയിന്‍സോ മാന്‍ സീരീസിന്റെ കഥ നടക്കുന്നത്. ജാപ്പനീസ് മാഫിയയായ യാകുസക്ക്, തന്റെ മരിച്ചു പോയ അപ്പന്‍ കൊടുക്കാനുള്ള കടം വീട്ടാനായി, ദരിദ്രനായ ഡെന്‍ജി എന്ന കൗമാരക്കാരന്‍ ഒരു ഡെവിള്‍ ഹണ്ടറായി പണിയെടുക്കുന്നു. ബ്രെഡില്‍ ജാം പുരട്ടി എന്നെങ്കിലും കഴിക്കാന്‍ പറ്റുക, സ്വന്തമായി ഒരു ഗേള്‍ ഫ്രണ്ട് ഉണ്ടാവുക, എന്ന ചെറിയ ചെറിയ സ്വപ്‌നങ്ങള്‍ മാത്രമേ ഡെന്‍ജിക്ക് ഉള്ളൂ. ഒരിക്കല്‍, ഒരു പ്രത്യേക സാഹചര്യത്തില്‍, പട്ടിയെ പോലെയിരിക്കുന്ന, അവന്‍ വളര്‍ത്തുന്ന ചെയിന്‍സോ ഡെവിളായ പോച്ചിറ്റ ഡെന്‍ജിയുടെ ശരീരവുമായി ലയിക്കുന്നു. അങ്ങനെ ശരീരം മുഴുവന്‍ ചെയിന്‍സോകള്‍ ഉള്ള ഒരു ജീവിയായി മാറാനുള്ള കഴിവ് ഡെന്‍ജിക്ക് ലഭിക്കുന്നു. ശേഷം, പബ്ലിക് സേഫ്റ്റി ഡിപ്പാര്‍ട്ട്മെന്റിന്റെ കൂടെ ഒരു ഡെവിള്‍ ഹണ്ടറായി ഡെന്‍ജി ജോലിക്ക് കയറുന്നു. ഡെന്‍ജിയുടെ ആഗ്രഹങ്ങള്‍ അവന് സാധിക്കാന്‍ പറ്റുമോ? ഉത്തരമറിയാന്‍ കാണുക.

അഭിപ്രായങ്ങൾ പങ്കുവെക്കാൻ

Categories : #Action #Adventure #Animation #Japanese #Web_Series

#MSone Release - 1705

Under the Hawthorn Tree (2010)
അണ്ടർ ദി ഹൊതോൺ ട്രീ (2010)

ഭാഷ : മാൻഡറിൻ
സംവിധാനം : Yimou Zhang
പരിഭാഷ : സജിത്ത് ടി. എസ്
പോസ്റ്റർ : ഉണ്ണി ജയേഷ്
ജോണർ: ഡ്രാമ

IMDb ⭐️ 7.1/10

ഐമി എന്ന എഴുത്തുകാരിയുടെ പ്രശസ്ത നോവലായ “Hawthorn Tree Forever” നെ ആസ്പദമാക്കി 2010 ൽ Yimou Zhang ന്റെ സംവിധാനത്തിൽ പുറത്തിറങ്ങിയ ഡ്രാമ, റൊമാൻസ് മൂവിയാണ് അണ്ടർ ദി ഹൊതോൺ ട്രീ.

1970 കളിലെ സംസ്കാരിക വിപ്ലവത്തിൽ, ചെയർമാൻ മാവോയുടെ “വയലുകളിൽ ക്ലാസ്സ്‌റൂമുകൾ ഉണ്ടാക്കുക” എന്ന വാക്കിനെത്തുടർന്ന് സ്കൂളുകൾ വിദ്യാർത്ഥികളേയും ടീച്ചർമാരെയും പുനഃവിദ്യാഭ്യാസത്തിനായി ഗ്രാമങ്ങളിലേക്ക് അയച്ചു തുടങ്ങി. ജിങ് എന്ന വിദ്യാർത്ഥിയും ആ കൂട്ടത്തിൽ ഉണ്ടായിരുന്നു. അവിടെ അവൾ ഗ്രാമത്തലവന്റെ വീട്ടിൽ തങ്ങുകയും അവിടുത്തെ ജിയോളജി യൂണിറ്റിലുള്ള സണുമായി അടുപ്പത്തിലാവുകയും ചെയ്യുന്നു. അവിടുത്തെ പഠനത്തിനുശേഷം, അവൾ തിരികെ നാട്ടിലേക്ക് വരുകയും പിന്നീട് അവർ തമ്മിൽ കാണുന്നതും അവരുടെ ബന്ധവും പറഞ്ഞു പോകുന്ന ഒരു അനശ്വരമായ പ്രണയകഥയാണ് ഈ ചിത്രം.

അഭിപ്രായങ്ങൾ പങ്കുവെക്കാൻ

Categories : #Drama #Mandarin #Romance

#MSone Release - 3123

Farha (2021)
ഫർഹ (2021)

ഭാഷ : അറബിക്
സംവിധാനം : Darin J. Sallam
പരിഭാഷ : റിയാസ് പുളിക്കൽ
പോസ്റ്റർ : ഉണ്ണി ജയേഷ്
ജോണർ: ഡ്രാമ

IMDb ⭐️ 8.5/10

ഏഴ് പതിറ്റാണ്ടിലേറെക്കാലമായി പിറന്ന മണ്ണിൽ അഭയാർത്ഥികളായി കഴിയാൻ വിധിക്കപ്പെട്ട പലസ്തീനികളുടെ കഥയാണ് ഫർഹ എന്ന ജോർദാനിയൻ ചിത്രം പറയുന്നത്. ഫർഹ എന്ന പതിനാല് വയസ്സുകാരി ബാലികയുടെ കണ്ണിലൂടെ, അവളുടെ ജീവിതത്തിലൂടെ, നമുക്ക് പലസ്തീനികൾ അനുഭവിച്ച നരകയാതനകളുടെ നേർസാക്ഷ്യം കാണാം. റോമാക്കാരുടെയുടെയും ഹിറ്റ്ലറുടെ നാസി ഭരണകൂടത്തിന്റെയും മറ്റു സ്വേച്ഛാധിപതികളുടെയും ക്രൂരപീഡനങ്ങളും കൂട്ടക്കൊലകളും അതിജീവിച്ച് നൂറ്റാണ്ടുകളായുള്ള ജൂതന്മാരുടെ സഹനജീവിതത്തിനിടയ്ക്കാണ് 1940-കളിൽ “വാഗ്ദത്ത ഭൂമിയിലേക്ക് മടങ്ങുക” എന്ന ആഹ്വാനം കേട്ട് ലോകത്തിന്റെ നാനാഭാഗത്ത് നിന്നുമുള്ള ജൂതന്മാർ അവർക്ക് സ്വന്തമായൊരു രാജ്യം സ്ഥാപിക്കുക എന്ന ലക്ഷ്യവുമായി പലസ്തീനിന്റെ മണ്ണിലേക്ക് ഒഴുകുന്നത്. പക്ഷേ, പീഡനങ്ങളും യാതനകളും ഒരുപാട് അനുഭവിച്ച ഒരു സമൂഹത്തിന്റെ അതിജീവനം, നിരപരാധികളായ മറ്റൊരു സമൂഹത്തിന്റെ നെഞ്ചത്ത് ചവിട്ടിയാകുന്നതിനും, പീഡിതർ പീഡകരും കൂട്ടക്കൊലകൾ നടത്തുന്ന ക്രൂരന്മാരും ആയി മാറുന്ന ഒരു ഭീകര ചരിത്രത്തിനാണ് ലോകം പിന്നീട് സാക്ഷ്യം വഹിച്ചത്. ഹിറ്റ്‌ലറുടെ ക്രൂരതകൾ നേരിട്ട ഇസ്രായേലികൾ ഹിറ്റ്‌ലറെക്കാർ വലിയ കൊലയാളികളും അധിനിവേശകരും ആയി മാറുന്ന കാഴ്ച്ച കണ്ട് ലോകം നിസ്സഹായരായി നോക്കിനിന്നു. പലസ്തീനികൾ അനുഭവിച്ച “നഖ്ബ” എന്നറിയപ്പെടുന്ന മനുഷ്യനിർമ്മിതമായ കൊടുംദുരന്തത്തിനു മുൻപും അവർക്കൊരു ജീവിതമുണ്ടായിരുന്നു. സമാധാനവും സന്തോഷകരവുമായുള്ള അവരുടെ ആ ജീവിതം എങ്ങനെയാണ് ഇന്നീ കാണുന്ന നിലയിലേക്ക് ആയത് എന്നുള്ളതിന്റെ നേർക്കാഴ്ച്ചയാണ് ഫർഹ. 92 മിനിറ്റുകൾ പലസ്തീനികൾക്ക് കൂടെ കഴിയുമ്പോൾ പ്രേക്ഷകർ അനുഭവിക്കാൻ പോകുന്ന മാനസിക സംഘർഷങ്ങൾ തന്നെയാണ് സംവിധായകൻ ദാരിൻ ജെ. സല്ലം ലക്ഷ്യമിട്ടിരിക്കുന്നതും. ആ 92 മിനിറ്റുകൾ കഴിഞ്ഞതിനു ശേഷവും ഈ സിനിമ നിങ്ങളെ വേട്ടയാടിക്കൊണ്ടേയിരിക്കുന്നുണ്ടെങ്കിൽ, ആ കുഞ്ഞിന്റെ കരച്ചിൽ ഇപ്പോഴും നിങ്ങളുടെ കാതുകളിൽ മുഴങ്ങുന്നുണ്ടെങ്കിൽ ഈ സിനിമ ലക്ഷ്യം കൈവരിച്ചു എന്ന് തന്നെ പറയാം.

അഭിപ്രായങ്ങൾ പങ്കുവെക്കാൻ

Categories : #Arabic #Drama

#MSone Release - 3124

If You Wish Upon Me [K-Drama] (2022)
ഇഫ് യൂ വിഷ് അപ്പോൺ മി [കെ-ഡ്രാമ] (2022)

Episodes 01-10
എപ്പിസോഡ്സ് 01-10

ഭാഷ : കൊറിയൻ
സംവിധാനം : Yong-wan Kim
പരിഭാഷ : ജീ ചാങ് വൂക്ക്
പോസ്റ്റർ : അഷ്‌കർ ഹൈദർ
ജോണർ : ഡ്രാമ, റൊമാൻസ്

IMDb ⭐️ 8.2/10

യൂൻ ഗ്യോ രേ എന്ന ചെറുപ്പക്കാരൻ ജീവിതത്തിന്റെ നല്ലൊരു പങ്ക് കഴിച്ചു കൂട്ടിയത് അനാഥാലയത്തിലും പിന്നെ ജയിലിലുമായിരുന്നു.ഒരിക്കൽ ട്രാഫിക് നിയമ ലംഘനത്തിൻ്റെ പേരിൽ, കോടതി വിധിച്ച ശിക്ഷാ നടപടിയുടെ ഭാഗമായി കമ്യൂണിറ്റി സർവീസ് ചെയ്യാനായി ഗ്യോ രേ അവസാനം എത്തപ്പെട്ടത് ഒരു ഹോസ്പിസ് ഹോസ്പിറ്റലിൽ.

മരണാസന്നരായ രോഗികളുടെ അവസാന ആഗ്രഹം സഫലമാക്കുന്ന, “വിഷ് ഗ്രാൻ്റിങ്ങിന്റെ അവഞ്ചേഴ്സ്” എന്ന് സ്വയം വിശേഷിപ്പിക്കുന്ന “ടീം ജീനി” യുടെ ഭാഗമായി ക്യാപ്റ്റൻ കാങ് തേ ഷിക്കിൻ്റെ കീഴിൽ നിർബന്ധിത കമ്യൂണിറ്റി സർവീസ് നടത്താൻ അയാൾ നിയോഗിക്കപ്പെടുന്നു. എന്നാൽ സ്വാർത്ഥതയും തന്നിഷ്ടവും നിറഞ്ഞ പെരുമാറ്റം മൂലം ടീം അംഗങ്ങൾക്കും രോഗികൾക്കും അയാളൊരു തലവേദനയായി മാറുന്നു.

ജീവിതത്തോടുള്ള വെറുപ്പ് മൂലം മനസ്സ് തുറന്ന് ചിരിക്കാൻ പോലും കഴിയാതെയാണ് അവിടെ എത്തുന്നതെങ്കിലും, രോഗികളോട് ഇടപഴകി അവരുടെ അവസാന ആഗ്രഹങ്ങൾ സാധിച്ചു കൊടുക്കുന്നതിലൂടെ തൻ്റെ ജീവിതത്തിന്റെ അർത്ഥവും ലക്ഷ്യവും പതിയെ യൂൻ ഗ്യോ രേ കണ്ടെത്തുന്നു.

മരണത്തേക്കാൾ തന്നെ ഭയപ്പെടുത്തുന്നത് ജീവിതമാണ് എന്ന് ഉറച്ചു വിശ്വസിച്ചിരുന്ന യൂൻ ഗ്യോ രേ അവസാനം ജീവിതത്തിന്റെ മഹത്വവും സൗന്ദര്യവും കണ്ടെത്തുന്നിടത്താണ് “ഇഫ് യൂ വിഷ് അപ്പോൺ മി” എല്ലാത്തരത്തിലും ഒരു ഹീലിങ് ഡ്രാമ ആയി മാറുന്നത്. കിം യോങ് വാനിന്റെ സംവിധാനത്തിൽ 2022 ൽ പുറത്തിറങ്ങിയ ഈ ഡ്രാമയിൽ ജീ ചാങ് വൂക്, സങ് ദോങ് ഇൽ, ചോയ് സൂ യങ് എന്നിവർ ജീവൻ നൽകിയ പ്രധാന കഥാപാത്രങ്ങളുടെ കെമിസ്ട്രി എടുത്ത് പറയേണ്ടതാണ്.

അഭിപ്രായങ്ങൾ പങ്കുവെക്കാൻ

Categories : #Drama #Korean #Romance #Web_Series

ത്യാഗത്തിന്റെയും ഒരുമയുടേയും പ്രത്യാശയുടേയും ആയിരം ക്രിസ്തുമസ് ആശംസകൾ....💝🎁🎊🎉🎄🎈

#MSone Release - 3125

Demon Slayer Season 02 (2021)
ഡീമൺ സ്ലേയർ സീസൺ 02 (2021)

ഭാഷ : ജാപ്പനീസ്
സംവിധാനം : Haruo Sotozaki
പരിഭാഷ : എല്‍വിന്‍ ജോണ്‍ പോള്‍
പോസ്റ്റർ : ഉണ്ണി ജയേഷ്
ജോണർ : ആക്ഷൻ, അഡ്വഞ്ചർ, അനിമേഷന്‍

IMDb ⭐️ 8.7/10

കൊയോഹാരു ഗോട്ടോകെയുടെ അതേ പേരില്ലുള്ള മാങ്ക സീരീസിനെ ആസ്പദമാക്കി നിർമ്മിച്ച അനിമെ സീരീസാണ് ഡീമൺ സ്ലേയർ.

1920കളിലെ ജപ്പാനിലെ ഒരു പട്ടണത്തോട് ചേര്‍ന്ന മലയില്‍ വസിക്കുന്നവരാണ് തന്‍ജിറോയും കുടുംബവും. ഒരു ദിവസം പട്ടണത്തില്‍ പോയി തിരിച്ചു വരുമ്പോള്‍ തന്‍ജിറോ കാണുന്നത് തന്റെ കുടുംബത്തെ മുഴുവന്‍ രക്ഷസ്സുകള്‍ കൊന്നിട്ടിരിക്കുന്ന കാഴ്ചയാണ്. തന്റെ ഇളയ സഹോദരിയായ നെസുകോ മാത്രമേ ജീവനോടെയുള്ളൂ. അവളാണേല്‍ ഒരു രക്ഷസ്സായി മാറിയിരിക്കുന്നു. തന്റെ കുടുംബത്തെ കൊന്ന രക്ഷസ്സുകളോട് പ്രതികാരം ചെയ്യാനായിട്ടും തന്റെ അനിയത്തിയെ തിരിച്ച് ഒരു മനുഷ്യസ്ത്രീയാക്കാനും വേണ്ടി അവന്‍ രക്ഷസ്സ് വേട്ട സംഘത്തില്‍ ചേരാന്‍ തീരുമാനിക്കുന്നു. അതിനായി ഉള്ള പരിശീലനങ്ങള്‍ അവന്‍ നടത്തുന്നു.

ഒരു മാങ്ക, അനിമേ സീരീസിലെ ഒരേ കഥാസന്ദര്‍ഭത്തെ ചുറ്റി പറ്റിയുള്ള അദ്ധ്യായങ്ങള്‍, എപ്പിസോഡുകളെ കോര്‍ത്തിണക്കി ഒരു ആര്‍ക്ക് എന്ന് വിളിക്കും. ഡീമൺ സ്ലേയർ സീസൺ രണ്ടിനെ രണ്ട് ആര്‍ക്കുകളായാണ് തിരിച്ചിരിക്കുന്നത്.

ഭാഗം 1: മൂഗെന്‍ ട്രെയിന്‍ ആര്‍ക്ക് – ആദ്യ 7 എപ്പിസോഡുകള്‍. ഇതില്‍ ആദ്യത്തെ എപ്പിസോഡ് ആര്‍ക്കിനുള്ള ഒരു പ്രോലോഗാണ്. ശേഷമുള്ള മൂഗെന്‍ ട്രെയിന്‍ ആര്‍ക്ക് കഥ നിങ്ങള്‍ക്ക് എപ്പിസോഡ്‌ ഫോര്‍മാറ്റില്‍ കാണാനാണ് താല്‍പ്പര്യമെങ്കില്‍ തുടര്‍ന്ന് കാണുക, അല്ല സിനിമയായി കാണാനാണ് ഇഷ്ടമെങ്കില്‍ “ഡീമണ്‍ സ്ലേയര്‍ ദ മൂവി: മൂഗെന്‍ ട്രെയിന്‍” കാണുക.

ഭാഗം 2: എന്റര്‍ടേയിന്‍മെന്റ് ഡിസ്ട്രിക്റ്റ് ആര്‍ക്ക് – അവസാന 11 എപ്പിസോഡുകള്‍.

ശ്രദ്ധിക്കുക: ചില സ്ട്രീമിംഗ് സൈറ്റുകള്‍ മേല്‍പ്പറഞ്ഞ രണ്ട് ഭാഗങ്ങളെ രണ്ട് വ്യത്യസ്ത സീസണുകളായി കണക്കാക്കുന്ന കൊണ്ട് ചിലയിടത്ത് രണ്ടാം സീസണ്‍ 7 എപ്പിസോഡും മൂന്നാം സീസണ്‍ 11 എപ്പിസോഡും എന്ന് കാണാന്‍ സാധിക്കും.

NB: ആദ്യ സീസണിന്റെ കൂടെ തന്ന ഫോണ്ട് ഫയലുകള്‍ ഉപയോഗിക്കുക.

ഡീമൺ സ്ലേയർ സീരീസ് കാണേണ്ട ക്രമം.

1) സീസൺ 1: Release number 2880 (ഇതിൻ്റെ സബിൻ്റെ കൂടെ ssa ഫയൽ ഉപയോഗിക്കേണ്ട വിധം വിവരിക്കുന്ന pdf ഫയലും ഉപയോഗിക്കേണ്ട ഫോണ്ട് ഫയലും ഉണ്ട്.)

2) സീസൺ 2 എപ്പിസോഡ് 1 : Release number 3125(ഓപ്ഷണൽ)

3) സീസൺ 2 എപ്പിസോഡ് 2 മുതൽ 7 വരെ: Release number 3125 അല്ലെങ്കിൽ മൂഗെൻ ട്രെയിൻ മൂവി: Release number 3100

4) സീസൺ 2 എപ്പിസോഡ് 8 മുതൽ 18 വരെ: Release number 3125

അഭിപ്രായങ്ങൾ പങ്കുവെക്കാൻ

Categories : #Action #Adventure #Animation #Japanese #Web_Series

#MSone Release - 3126

Prison Break Season 4 (2008)
പ്രിസൺ ബ്രേക്ക് സീസൺ 4 (2008)

Episodes 01-11
എപ്പിസോഡ്‌സ് 01-11

ഭാഷ : ഇംഗ്ലീഷ്
നിർമാണം : Original Film
പരിഭാഷ : നിഖിൽ നീലകണ്ഠൻ, ജിതിൻ ജേക്കബ് കോശി & വിഷ് ആസാദ്
പോസ്റ്റർ : പ്രവീൺ അടൂർ
ജോണർ : ആക്ഷൻ, ക്രൈം, ഡ്രാമ

IMDb ⭐️8.3/10

2005-ൽ പുറത്തിറങ്ങിയ അമേരിക്കൻ ടെലിവിഷൻ സീരീസാണ് ‘പ്രിസൺ ബ്രേക്ക്’. 5 സീസണുകളിലായി ഇറങ്ങിയ സീരീസിലെ, ആദ്യ സീസണിൽ ചെയ്യാത്ത കുറ്റത്തിന് വധശിക്ഷ കാത്തു കിടക്കുന്ന ലിങ്കൻ ബറോസിനെ രക്ഷിക്കാൻ അനിയനായ മൈക്കിൾ സ്‌കോഫീൽഡ്‌ ജയിലിലെത്തുന്നതും, തുടർന്ന് ജയിൽ ചാടാൻ നടത്തുന്ന ശ്രമങ്ങളുമാണ് ഇതിവൃത്തം. പദ്ധതികൾ തയ്യാറാക്കുന്നത് മുതൽ, അവ പ്രാവർത്തികമാക്കുന്നതടക്കമുള്ള കാര്യങ്ങളിലെ സൂക്ഷ്മതയും കയ്യടക്കവും നമ്മൾ പ്രേക്ഷകർക്കും അനുഭവിച്ചറിയാൻ സാധിക്കും. അടുത്ത എപ്പിസോഡിൽ എന്ത് സംഭവിക്കുമെന്ന ആകാംക്ഷ നിലനിർത്തിക്കൊണ്ടാണ് ഓരോ എപ്പിസോഡുകളും അവസാനിക്കുന്നത്. നായക കഥാപാത്രങ്ങൾ മാത്രമല്ല, നെഗറ്റീവ് ഷേഡുള്ള കഥാപാത്രങ്ങൾ വരെ, നമ്മെ ആവേശം കൊള്ളിക്കുമെന്നതും ഈ സീരിസിന്റെ പ്രത്യേകതയാണ്. വെന്റ് വർത് മില്ലർ, ഡൊമനിക് പഴ്‌സൽ, അമൗറി നോളസ്‌കോ, റോബിൻ ടൂണേ, വാസ് വില്യംസ്, റോബർട്ട് നെപ്പർ, പീറ്റർ സ്റ്റോർമേർ എന്നിവരുടെ മികച്ച പ്രകടനം എടുത്ത് പറയേണ്ടതാണ്. പ്രേക്ഷക- നിരൂപക പ്രശംസ ഒരുപോലെ പിടിച്ചു പറ്റിയ ത്രില്ലർ- സസ്പെൻസ് വിഭാഗത്തിൽ പെടുന്ന പ്രിസൺ ബ്രേക്ക് സീരീസ്, 2005- ൽ ഏറ്റവും അധികം ആളുകൾ കണ്ട ടെലിവിഷൻ സീരീസുകളിൽ ഒന്നാണ്.

എംസോൺ റിലീസ് ചെയ്തിട്ടുള്ള പ്രിസൺ ബ്രേക്കിന്റെ മറ്റു സീസണുകൾ

പ്രിസൺ ബ്രേക്ക്: സീസൺ: 1 (2005)
പ്രിസൺ ബ്രേക്ക്: സീസൺ: 2 (2006)
പ്രിസൺ ബ്രേക്ക് – സീസൺ 3 (2007)

അഭിപ്രായങ്ങൾ പങ്കുവെക്കാൻ

Categories : #Action #Crime #Drama #English

ഡീമൺ സ്ലേയർ സീസൺ 02 വിന്റെ ഒമ്പതാം എപ്പിസോഡിൻ്റെ സബ് സൈസ്
ചില പ്ലേയറുകളിൽ വലിപ്പം കൂടുന്നത് ശ്രദ്ധയിൽ പെട്ടിരുന്നു. അത് പരിഹരിച്ച് സൈറ്റിൽ അപ്ഡേറ്റ് ചെയ്തിട്ടുണ്ട്. പ്രശ്നം ശ്രദ്ധയിൽ പെടുത്തി തന്നവർക്ക് നന്ദി.


ഡീമൺ സ്ലേയർ സീരീസ് കാണേണ്ട ക്രമം.

1) സീസൺ 1: Release number 2880 (ഇതിൻ്റെ സബിൻ്റെ കൂടെ ssa ഫയൽ ഉപയോഗിക്കേണ്ട വിധം വിവരിക്കുന്ന pdf ഫയലും ഉപയോഗിക്കേണ്ട ഫോണ്ട് ഫയലും ഉണ്ട്.)

2) സീസൺ 2 എപ്പിസോഡ് 1 : Release number 3125(ഓപ്ഷണൽ)

3) സീസൺ 2 എപ്പിസോഡ് 2 മുതൽ 7 വരെ: Release number 3125 അല്ലെങ്കിൽ മൂഗെൻ ട്രെയിൻ മൂവി: Release number 3100

4) സീസൺ 2 എപ്പിസോഡ് 8 മുതൽ 18 വരെ: Release number 3125

#MSone Release - 3098

Chainsaw Man (2022)
ചെയിന്‍സോ മാന്‍ (2022)

Episode – 12
എപ്പിസോഡ് – 12

ഭാഷ : ജാപ്പനീസ്
സംവിധാനം : Ryu Nakayama
പരിഭാഷ : എല്‍വിന്‍ ജോണ്‍ പോള്‍
പോസ്റ്റർ : ഉണ്ണി ജയേഷ്
ജോണർ : ആക്ഷൻ, അഡ്വഞ്ചർ, അനിമേഷന്‍

IMDb ⭐️ 8.8/10

ടാറ്റ്സുക്കി ഫുജിമോട്ടോയുടെ അതേ പേരിലുള്ള മാങ്കയെ അടിസ്ഥാനമാക്കി 2022-ല്‍ പുറത്തിറങ്ങിയ മാപ്പ അനിമേഷന്‍ ആനിമേ സീരീസാണ് “ചെയിന്‍സോ മാന്‍.”

ഡെവിളുകള്‍(ചെകുത്താന്മാര്‍/പിശാച്ചുക്കള്‍) നിവസിക്കുന്ന ഒരു ആധുനിക ജപ്പാനിലാണ് ചെയിന്‍സോ മാന്‍ സീരീസിന്റെ കഥ നടക്കുന്നത്. ജാപ്പനീസ് മാഫിയയായ യാകുസക്ക്, തന്റെ മരിച്ചു പോയ അപ്പന്‍ കൊടുക്കാനുള്ള കടം വീട്ടാനായി, ദരിദ്രനായ ഡെന്‍ജി എന്ന കൗമാരക്കാരന്‍ ഒരു ഡെവിള്‍ ഹണ്ടറായി പണിയെടുക്കുന്നു. ബ്രെഡില്‍ ജാം പുരട്ടി എന്നെങ്കിലും കഴിക്കാന്‍ പറ്റുക, സ്വന്തമായി ഒരു ഗേള്‍ ഫ്രണ്ട് ഉണ്ടാവുക, എന്ന ചെറിയ ചെറിയ സ്വപ്‌നങ്ങള്‍ മാത്രമേ ഡെന്‍ജിക്ക് ഉള്ളൂ. ഒരിക്കല്‍, ഒരു പ്രത്യേക സാഹചര്യത്തില്‍, പട്ടിയെ പോലെയിരിക്കുന്ന, അവന്‍ വളര്‍ത്തുന്ന ചെയിന്‍സോ ഡെവിളായ പോച്ചിറ്റ ഡെന്‍ജിയുടെ ശരീരവുമായി ലയിക്കുന്നു. അങ്ങനെ ശരീരം മുഴുവന്‍ ചെയിന്‍സോകള്‍ ഉള്ള ഒരു ജീവിയായി മാറാനുള്ള കഴിവ് ഡെന്‍ജിക്ക് ലഭിക്കുന്നു. ശേഷം, പബ്ലിക് സേഫ്റ്റി ഡിപ്പാര്‍ട്ട്മെന്റിന്റെ കൂടെ ഒരു ഡെവിള്‍ ഹണ്ടറായി ഡെന്‍ജി ജോലിക്ക് കയറുന്നു. ഡെന്‍ജിയുടെ ആഗ്രഹങ്ങള്‍ അവന് സാധിക്കാന്‍ പറ്റുമോ? ഉത്തരമറിയാന്‍ കാണുക.

അഭിപ്രായങ്ങൾ പങ്കുവെക്കാൻ

Categories : #Action #Adventure #Animation #Japanese #Web_Series

Pele: Birth of a Legend / പെലെ: ബെര്‍ത്ത് ഓഫ് എ ലെജന്റ് (2016)

എം-സോണ്‍ റിലീസ് – 779
പോസ്റ്റർ : നിഷാദ് ജെ.എൻ
ഭാഷ : ഇംഗ്ലീഷ്
സംവിധാനം : Jeff Zimbalist
പരിഭാഷ : ജോര്‍ജ് ആന്റണി, സുനിൽ നടക്കൽ
ജോണർ : ബയോഗ്രാഫി, ഡ്രാമ, സ്പോര്‍ട്ട്സ്
7.2/10
ലോക ഫുട്‌ബോള്‍ ഇതിഹാസം പെലെയുടെ ജീവിതകഥ പറയുന്ന സിനിമയാണ് ‘പെലെ: ബെര്‍ത്ത് ഓഫ് എ ലെജന്റ്’. സിനിമ സംവിധാനം ചെയ്യുന്നത് ജെഫ് സിംബലിസ്റ്റാണ്. സിനിമയുടെ സംഗീതം നിർവഹിച്ചിരിക്കുന്നത് എ.ആര്‍ റഹ്മാനാണ്.
"I'll win a world cup for Brazil, pai. I promise" 1950 ലെ ലോകകപ്പ് ഫൈനലിൽ ബ്രസീൽ തോറ്റതിൽ വിഷമിച്ചു വരുന്ന Dondinho യോട് മകനായ ഡിക്കോ പറയുന്ന വാക്കുകൾ ആണ് ഇത്. വീട്ടുജോലി എടുക്കുന്ന അമ്മയ്ക്കും മുൻ ഫുട്ബോൾ പ്ലെയറും ഇപ്പോൾ ആശുപത്രിയിലെ ക്ലീനിംഗ് ജോലിക്ക് പോകുന്ന അച്ചന്റേയും മകനായ തെരുവിൽ കളിച്ചു വളരുന്ന ഡിക്കോ എന്ന പെലെയുടെ അതിജീവനത്തിന്റെയും ലക്ഷ്യത്തിലേക്കുള്ള കുതിപ്പിന്റെയും കഥയാണ് ചിത്രം പറയുന്നത്.
ഒരിക്കൽ വാസ്കോയുടെ ഗോൾകീപ്പർ ആയ ബിലെയെ പെലെ എന്നു പറഞ്ഞത് കേൾക്കുക അവന്റെ അമ്മ ജോലിചെയുന്ന വീട്ടിലെ കുട്ടികൾ അവനെ പെലെ എന്നു വിളിച്ചു കളിയാക്കുന്നു. എന്നാൽ നാട്ടിൽ നടന്ന santos football clubinte മത്സരത്തിൽ എല്ലാരേയും ഞെട്ടിക്കുന്ന പ്രകടനവും ഡിക്കോ കാഴ്ചവയ്ക്കുന്നു. ആ മത്സരം കാണുന്ന Waldemar ഡികോയെ സാന്റോസ് ക്ലബ്ബിലേക്ക് ക്ഷണിക്കുന്നു. എന്നാൽ അമ്മയുടെ വാശിയിൽ ഡിക്കോ അച്ഛനൊപ്പം ജോലിക്ക് പോകുന്നു. ജോലി സ്‌ഥലത്തുള്ള ഇടവേളകളിലും അച്ചൻ ഡികോയിലെ ഫുട്ബോൾ കളിക്കാരനെ പുറത്തു കൊണ്ട് വരാൻ ശ്രമിക്കുന്നു. മകനിലെ ഫുട്ബാളിനോടുള്ള സ്നേഹം കാണുന്ന അമ്മ ഡികോയുടെ ഇഷ്ടങ്ങൾക്കു അനുവാദം നൽകുന്നു.
സാന്റോസ് ക്ലബ്ബിലെ യൂത്ത് ടീമിൽ നിന്നും പ്രോ ടീമിലേക്കും പിന്നീട് ലോകകപ്പിലേക്കുള്ള ബ്രസീൽ ടീമിലേക്കും എത്തുന്ന ഡിക്കോ തന്റെ തനതു ശൈലികൾ കൊണ്ട് ലോകകപ്പ് എന്ന സ്വപ്നം ബ്രസീലിനു നേടിക്കൊടുക്കുന്നു. ബ്രസീലിന്റെ വന്യമായ ജിംഗ താളവും ഫുട്ബോൾ ആവേശങ്ങളും മനോഹരമായി തന്നെ ചിത്രത്തിൽ കാണിച്ചിച്ചിരിക്കുന്നു. AR റഹ്മാന്റെ മ്യൂസിക് ചിത്രത്തെ കൂടുതൽ മനോഹരമാക്കുന്നു. ഏറ്റവും എടുത്തു പറയേണ്ടത് ചിത്രത്തിൽ പെലെ ആയി എത്തുന്ന Kevin de Paula യുടെ പ്രകടനം ആണ്. ഫുട്ബോളിനെ സ്നേഹിക്കുന്നവർ ഉറപ്പായും കണ്ടിരിക്കേണ്ട ചിത്രങ്ങളിൽ ഒന്നുതന്നെയാണ് Pelé: Birth of a Legend.
അഭിപ്രായങ്ങൾ പങ്കുവെക്കാൻ : https://www.facebook.com/groups/MSONEsubs