#MSone Release - 3182

Vinland Saga Season 2 (2023)
വിൻലൻഡ് സാഗ സീസൺ 2 (2023)

Episodes 01-12
എപിസോഡ്സ് 01-12

ഭാഷ : ജാപ്പനീസ്
സംവിധാനം : Shuhei Yabuta
പരിഭാഷ : വൈശാഖ് പി.ബി
പോസ്റ്റർ : ആദർശ് പ്രവീൺ
ജോണർ : അഡ്വഞ്ചർ, ആക്ഷൻ, അനിമേഷന്‍

IMDb ⭐️ 8.8/10

പ്രശസ്തമായ Studio Mappa യുടെ ആനിമേഷനിൽ പുറത്തിറങ്ങുന്ന അനിമേ സീരീസാണ് വിൻലൻഡ് സാഗ സീസൺ 2. ഒന്നാം സീസണിൽ ഭീകരമായ പോരാട്ടങ്ങളും തോർഫിൻ എന്ന യോദ്ധാവിൻ്റെ ഉദയവും ധീരമായ യാത്രകളും പ്രതികാരവും വിഷയമായി. എന്നാൽ രണ്ടാം സീസണിൽ അടിമയായ തോർഫിൻ്റെ പുതിയൊരു ജീവിതമാണ് കാണിക്കുന്നത്. കൂടാതെ, ഒരുപാട് പുതിയ കഥാപാത്രങ്ങളും വരുന്നുണ്ട്. എയ്നർ എന്ന പുതിയൊരു കഥാപാത്രത്തിലൂടെയാണ് രണ്ടാം സീസണിലെ കഥ ആരംഭിക്കുന്നത്.

കെറ്റിൽ എന്നൊരാളുടെ കൃഷിയിടത്തിൽ അടിമയായി ജീവിക്കുന്ന തോർഫിന് എയ്നർ എന്ന പുതിയ അടിമയുടെ വരവോടെ ഉണ്ടാകുന്ന മാറ്റങ്ങളും യുദ്ധമുണ്ടാക്കുന്ന നഷ്ടങ്ങൾ എന്തു മാത്രമാണെന്നുള്ള തിരിച്ചറിവുകളുമാണ് രണ്ടാം സീസണിൽ ചർച്ച ചെയ്യുന്നത്. പതിഞ്ഞ താളത്തിൽ തുടങ്ങുന്ന ഈ സീസണിൽ കൈകാര്യം ചെയ്യുന്ന ശക്തമായ വിഷയം കൊണ്ടും, Mappa യുടെ കിടിലൻ ആനിമേഷൻ വർക്കുകൾ കൊണ്ടും വിൻലൻഡ് സാഗ സീസൺ 2 നെ മികച്ച ദൃശ്യാനുഭവമാക്കി മാറ്റുന്നു.

അഭിപ്രായങ്ങൾ പങ്കുവെക്കാൻ

Categories : #Action #Adventure #Animation #Japanese #Web_Series

#MSone Release - 3183

Fringe Season 4 (2011)
ഫ്രിഞ്ച് സീസൺ 4 (2011)

Episodes 01-11
എപ്പിസോഡ്‌സ് 01-11

ഭാഷ : ഇംഗ്ലീഷ്
നിർമ്മാണം : Bad Robot Productions
പരിഭാഷ: ഫഹദ് അബ്ദുൾ മജീദ്
പോസ്റ്റർ : പ്രവീൺ അടൂർ
ജോണർ : ഡ്രാമ, മിസ്റ്ററി, സയൻസ് ഫിക്ഷൻ

IMDb ⭐️ 8.4/10

ലോസ്റ്റിന്റെ ക്രിയേറ്റർ ആയ ജെ ജെ അബ്രാമിന്റെ അടുത്ത സയൻസ് ഫിക്ഷൻ സീരീസ് ആണ് ഫ്രിഞ്ച്.

ലോസ്റ്റിനു സമാനമായി ഒരു വിമാന യാത്ര കാണിച്ചുകൊണ്ടാണ് ഫ്രിഞ്ച് തുടങ്ങുന്നത്. വളരെ വിചിത്രമായ പല കാര്യങ്ങൾക്കും ആദ്യ എപ്പിസോഡിൽ തന്നെ നമ്മൾ സാക്ഷ്യം വഹിക്കുന്നു. അതിൽ ഒന്നാണ് ഒരു വിമാനത്തിലുള്ള മുഴുവൻ യാത്രക്കാരും വളരെ ഭീകരമായ രീതിയിൽ മരിച്ചു വീഴുന്നത്.

ഈ കേസിന്റെ അന്വേഷണ ചുമതല “Oliva Dunham” എന്ന ചുറുചുറുക്കുള്ള ഒരു FBI ഓഫീസർക്ക് ആയിരുന്നു. അന്വേഷണത്തിന്റെ ആദ്യ ഘട്ടം മുതൽ ഒലിവിയയുടെ ചുറ്റം നടക്കുന്നതെല്ലാം വിശ്വസിക്കാനാവാത്ത വിചിത്രമായ കാര്യങ്ങളാണ്.

Pattern എന്നു വിളിപ്പേരുള്ള ഇത്തരം പല വിചിത്ര സംഭവങ്ങളും മുന്നേയും നടന്നിട്ടുണ്ട് എന്നു മനസ്സിലാക്കുന്ന ഒലിവിയ, വാൾട്ടർ എന്ന സയൻറ്റിസ്റ്റിന്റെയും അയാളുടെ മകന്റെയും സഹായത്തോടുകൂടി ഈ വിചിത്ര സംഭവങ്ങളുടെ കാരണം തേടി നടത്തുന്ന അന്വേഷണങ്ങൾ ആണ് സീസൺ 1 മെയിൻ പ്ലോട്ട്.

20 എപ്പിസോഡുകളാണ് സീസൺ 1-ൽ ഉള്ളത്. ഒന്നര മണിക്കൂറിന് അടുത്തുള്ള Pilot എപ്പിസോഡ് ഒഴിച്ചു നിർത്തിയാൽ ബാക്കി എപ്പിസോഡുകൾ എല്ലാം ഏതാണ്ട് 50 min ലെങ്ത് ആണ്.

ലോസ്റ്റ് പോലെ തുടക്കം മുതൽ ഒരുപാട് മിസ്റ്ററി നിലനിർത്തി കൊണ്ടു മുന്നോട്ട് പോകുന്ന സീരീസാണ്. മിക്കവാറും ഓരോ എപ്പിസോഡും ഒരു അന്വേഷണമായിരിക്കും. അതിനിടയിൽ കൂടെ മെയിൻ പ്ലോട്ട് ഒരു പൂവ് വിരിയുന്നത് പോലെ വളരെ സാവധാനമാണ് ഡെവലപ്പ് ചെയ്തുവരുന്നത്.

മെയിൻ പ്ലോട്ട് ഡെവലപ്പ് ചെയ്യാത്ത ഫില്ലറുകൾ എന്ന് വിളിക്കാവുന്ന ഏതാനും എപ്പിസോഡുകളും ഓരോ സീസണുകളിലും ഉണ്ട്. അവ വഴിയാകും ചിലപ്പോഴെല്ലാം കഥാപാത്രങ്ങൾ തമ്മിലുള്ള ബന്ധങ്ങൾ ഡെവലപ്പ് ചെയ്യുന്നത്.

കടപ്പാട് : Mukesh Muke

എംസോൺ റിലീസ് ചെയ്തിട്ടുള്ള ഫ്രിഞ്ച് സീരീസിന്റെ മറ്റ് സീസണുകൾ.

ഫ്രിഞ്ച് സീസൺ 1 (2008)
ഫ്രിഞ്ച് സീസൺ 2 (2009)
ഫ്രിഞ്ച് സീസൺ 3 (2010)

അഭിപ്രായങ്ങൾ പങ്കുവെക്കാൻ

Categories : #Drama #English #Mystery #Sci_Fi #Web_Series

#MSone Release - 3184

The Breed (2006)
ദ ബ്രീഡ് (2006)

ഭാഷ : ഇംഗ്ലീഷ്
സംവിധാനം : Nicholas Mastandrea
പരിഭാഷ : അഷ്‌കർ ഹൈദർ
പോസ്റ്റർ : അഷ്‌കർ ഹൈദർ
ജോണർ : ആക്ഷൻ, കോമഡി, ഹൊറർ

IMDb ⭐️ 5.1/10

നിക്കോളാസ്‌ മാസ്റ്റന്ദ്രീയ സംവിധാനത്തിൽ 1996 ൽ പുറത്തിറങ്ങിയ നാച്ചുറൽ ഹൊറർ മൂവിയാണ് ദ ബ്രീഡ്.

രണ്ടു സഹോദരന്മാർ (മാറ്റ് & ജോൺ) സുഹൃത്തുക്കളോടൊപ്പം അങ്കിൽ അവർക്കായി നൽകിയ വീട്ടിലേക്ക് ഒരാഴച്ചത്തെ അവധി ആഘോഷിക്കാൻ വരുന്നു. ഈ വീട് സ്ഥിതി ചെയ്യുന്നതൊരു ഒറ്റപെട്ട ദ്വീപിലാണ്. മനുഷ്യ വാസം തീരെ ഇല്ലാത്ത ആ ദ്വീപിൽ അങ്കിൾ എങ്ങനെ ഒറ്റക്ക് താമസിച്ചു എന്നതൊരു അത്ഭുതമാണെങ്കിലും, മരിച്ചു പോയ അദ്ദേഹത്തിന്റെയും അവരുടെ തന്നെ കുട്ടികാലത്തെയും ഓർമകൾ പുതുക്കാമെന്നതും അവധി ആഘോഷിക്കുന്നതിനോടൊപ്പം തന്നെ അവർ വിചാരിച്ചു. എന്നാൽ കാര്യങ്ങൾ അവർ കരുതിയത് പോലെ ആയിരുന്നില്ല.

അവരെ കൂടാതെ ദ്വീപിൽ വേറെ ചിലതും ഉണ്ടായിരുന്നു. ‘ഒരുപറ്റം നായ്ക്കൾ ‘ സാദാരണ നായ്കളേകാൾ ആക്രമണോത്സുകതയും ബുദ്ധി ശക്തിയും അധികമുള്ളവർ. ആക്രമിക്കപ്പെട്ടവരെ ഒരു പരിധി വരെ നിയന്ത്രിക്കാൻ വരെ കഴിയുന്നവർ. നായ്കളെ പറ്റിയുള്ള രഹസ്യം കണ്ടെത്താൻ ജോണിനും കൂട്ടവർക്കും കഴിയുമോ? നായ്ക്കളുടെ ആക്രമണത്തിൽ നിന്നും ഇവർക്ക് രക്ഷപ്പെടാൻ സാധിക്കുമോ?

അഭിപ്രായങ്ങൾ പങ്കുവെക്കാൻ

Categories : #Action #Comedy #English #Horror

#MSone Release - 3181

From Season 2 (2023)
ഫ്രം സീസൺ 2 (2023)

Episode - 02
എപ്പിസോഡ് 02

ഭാഷ : ഇംഗ്ലീഷ്
നിർമ്മാണം : Midnight Radio
പരിഭാഷ : സാമിർ & ഗിരി പി. എസ്.
പോസ്റ്റർ : പ്രവീൺ അടൂർ
ജോണർ : ഡ്രാമ, ഹൊറർ, മിസ്റ്ററി

IMDb ⭐️ 7.6/10

നേരമിരുട്ടാറായി. ഒറ്റ നോട്ടത്തില്‍ പുറത്തു നിന്ന് കാണുന്നവര്‍ക്ക് ഒരു പ്രശ്നവും തോന്നാത്ത ഒരു ടൗണ്‍. ആ ടൗണിലൂടെ ഒരു പോലീസുകാരന്‍ ബെല്ലടിച്ചു നടന്നു പോകുന്നു. അദ്ദേഹത്തിന്റെ ബെല്ലടി കേട്ട് ടൗണിലുള്ള എല്ലാവരും തങ്ങളുടെ വീടുകളില്‍ കയറി കതകടച്ചു കുറ്റിയിടുന്നു. രാത്രിയായാല്‍ ആ ടൗണില്‍ ആരും പുറത്തേക്കിറങ്ങില്ല. ഇറങ്ങിയാല്‍ അവര്‍ മരിക്കും. ഇങ്ങനെയുള്ള ഒരു ടൗണില്‍ അവരെന്തിനാ ജീവിക്കുന്നത്, അല്ലേ? ഒരിക്കല്‍ അവിടെ എത്തിക്കഴിഞ്ഞാല്‍ പിന്നെ ആര്‍ക്കും അവിടുന്ന് മടങ്ങിപ്പോകാന്‍ കഴിയില്ല. എങ്ങനെ പോയാലും അവസാനം കറങ്ങിത്തിരിഞ്ഞ് അവിടെത്തന്നെ എത്തും. ഈ ടൗണിലേക്ക് പുതുതായി ഒരു കുടുംബം കടന്നു വരുന്നതും ശേഷം അവിടെ നടക്കുന്ന കാര്യങ്ങളുമാണ് “ഫ്രം” എന്ന അമേരിക്കന്‍ സയന്‍സ് ഫിക്ഷന്‍ ഹൊറര്‍ സീരീസ് പറയുന്നത്.

അഭിപ്രായങ്ങൾ പങ്കുവെക്കാൻ

Categories : #Drama #English #Horror #Mystery #Web_Series

#MSone Release - 3172

The Empress Ki K-Drama (2013)
ദി എംപ്രസ്സ് കി കെ-ഡ്രാമ (2013)

Epsiodes 41-51
എപിസോഡ്സ് 41-51

ഭാഷ : കൊറിയൻ
സംവിധാനം : Han Hee & Seong-joon Lee
പരിഭാഷ: ജീ ചാങ്-വൂക്ക്
പോസ്റ്റർ : പ്രവീൺ അടൂർ
ജോണർ : ആക്ഷൻ, ഡ്രാമ, റൊമാൻസ്

IMDb ⭐️ 8.4/10

ഒക്ടോബർ 2013 മുതൽ ഏപ്രിൽ 2014 വരെ MBC ചാനലിൽ സംപ്രേഷണം ചെയ്ത കൊറിയൻ ഹിസ്റ്റോറിക്കൽ ഡ്രാമയാണ് ദി എംപ്രസ്സ് കി.

പതിമൂന്നാം നൂറ്റാണ്ടിൽ, തേദോ (പഴയ ബെയ്ജിങ്) തലസ്ഥാനമാക്കി ചൈന ഭരിച്ചിരുന്നത് മംഗോൾ വംശജരായിരുന്നു.
മംഗോൾ വംശത്തിലെ താഹ്വാൻ ചക്രവർത്തിയുടെ ഭരണകാലത്ത് യുവാൻ്റെ ആശ്രിത രാജ്യമായിരുന്ന ഗൊറിയോ (കൊറിയ) യിൽ നിന്ന് യുവാനിലേക്ക് അടിമപ്പെണ്ണായി കൊണ്ടു വന്ന സുങ് ന്യാങ് എന്ന ഗോറിയോ പെൺകുട്ടി അവളുടെ സൗന്ദര്യവും, ബുദ്ധിയും, രാജതന്ത്രവും യുദ്ധത്തിലെ പ്രാവീണ്യവും എല്ലാം സമർത്ഥമായി ഉപയോഗിച്ച് അധികാരത്തിൻ്റെ പടികൾ കയറി അവസാനം യുവാൻ്റെ ചരിത്രത്തിലെ തന്നെ ഏറ്റവും സ്വാധീന ശക്തിയുള്ള ചക്രവർത്തിനിയായി മാറിയ ആവേശകരമായ കഥയാണ് ഈ സീരീസിൽ പറയുന്നത്.

ഗൊറിയോ രാജാവായ വാങ് യൂ, യുവാൻ ചക്രവർത്തിയായ താഹ്വാൻ തെമൂർ, കി യാങ് എന്നീ പ്രധാന കഥാപാത്രങ്ങളെ കേന്ദ്രീകരിച്ച് മുന്നോട്ട് പോകുന്ന എംപ്രസ്സ് കി നിരവധി മികച്ച കഥാ സന്ദർഭങ്ങളും വഴിത്തിരിവുകളും മികച്ച കഥാപാത്രങ്ങളും കൊണ്ട് സമ്പന്നമാണ്. ആദ്യ പകുതിയിൽ ഹാസ്യത്തിന് പ്രാധാന്യം നൽകുന്ന ഡ്രാമ രണ്ടാം പകുതിയിൽ വികാര തീവ്രമായ കഥാ സന്ദർങ്ങളിലൂടെ കടന്ന് പോകുന്നു. അധികാരത്തിനും പണത്തിനും വേണ്ടിയുള്ള മനുഷ്യൻ്റെ ഒരിക്കലും അടങ്ങാത്ത അത്യാഗ്രഹത്തിൻ്റെ കഥ പറയുന്നതിനൊപ്പം തന്നെ അനശ്വര പ്രണയത്തിൻ്റെയും നിസ്വാർത്ഥ സൗഹൃദത്തിൻ്റെയും, വിശ്വസ്തതയുടെയും, ക്രൂരമായ ചതിയുടെയും, ഒടുങ്ങാത്ത പകയുടെയും, ത്യാഗത്തിൻ്റെയുമെല്ലാം നേർക്കാഴ്ച 51 എപ്പിസോഡുകളിലൂടെ പ്രേക്ഷകർക്ക് അനുഭവവേദ്യമാകും.

കാമ്പുള്ള കഥാപാത്രസൃഷ്ടി കൊണ്ടും കാഴ്ചക്കാരെ പിടിച്ചിരുത്തുന്ന കഥ പറച്ചിൽ കൊണ്ടും അഭിനേതാക്കളുടെ സൂക്ഷ്മമായ പ്രകടനങ്ങൾ കൊണ്ടും ശ്രദ്ധേയമായ ഈ ഡ്രാമ ആ വർഷത്തെ മികച്ച അവാർഡുകളും നാമ നിർദ്ദേശങ്ങളും കരസ്ഥമാക്കിയിരുന്നു.

പ്രേക്ഷകരുടെ ഇഷ്ടവും നിരൂപക പ്രശസയും ഒരേ പോലെ പിടിച്ച് പറ്റിയ ദി എംപ്രസ്സ് കി സംപ്രേഷണത്തിൻ്റെ പത്താം വർഷത്തിലും കൊറിയൻ ഹിസ്റ്റോറിക് ഡ്രാമകളിൽ ഒരു ക്ലാസ്സിക് ആയി നിലകൊള്ളുന്നു.

അഭിപ്രായങ്ങൾ പങ്കുവെക്കാൻ

Categories : #Action #Drama #Korean #Romance #Web_Series

#MSone Release - 3185

No One's Child (2014)
നോ വൺസ് ചൈൽഡ് (2014)

ഭാഷ : സെർബിയൻ
സംവിധാനം : Vuk Rsumovic
പരിഭാഷ : ഷിഹാസ് പരുത്തിവിള
പോസ്റ്റർ : രോഹിത് ജി. എസ്
ജോണർ : ഡ്രാമ

IMDb ⭐️ 7.5/10

80 കളുടെ അവസാനത്തില്‍ ബോസ്നിയ-ഹെര്‍ഷെഗൊവിന പര്‍വ്വതങ്ങളില്‍ നിന്നും വേട്ടക്കാര്‍ ഒരു ബാലനെ കണ്ടെത്തുന്നു. കാഴ്ചയില്‍ വന്യത പ്രസരിച്ചുനിന്ന ആ മുഖത്തെ തീക്ഷ്ണമായ കണ്ണുകള്‍ അവരില്‍ ഭയമുളവാക്കി. ഇന്നുവരെ സംസാരിച്ചിട്ടില്ലാത്ത നിവര്‍ന്നുനില്‍ക്കാനറിയാത്ത മട്ടിലും ഭാവത്തിലും മൃഗീയലക്ഷണങ്ങള്‍ പ്രകടിപ്പിച്ച അവനെ ചെന്നായ്ക്കള്‍ പോറ്റി വളര്‍ത്തിയതാണോ എന്നുപോലും ഒരുനിമിഷം അവര്‍ ശങ്കിച്ചു പക്ഷേ ശങ്കകളൊന്നുമില്ലാതെ ലോകം അവനെ വിളിച്ചു “കാടിന്റെ പുത്രന്‍”

ആ കാടിന്റെ പുത്രനെ ഓര്‍ഫനേജില്‍ കുറച്ച് “മനുഷ്യരുടെ“ ഇടയിലേക്ക് എത്തിക്കുന്നതും പിന്നീടുണ്ടാകുന്ന സംഭവബഹുലമായ നിമിഷങ്ങളും അവരുടെ ജീവിതങ്ങള്‍ ഇവനില്‍ സൃഷ്ടിക്കുന്ന കോളിളക്കങ്ങളുമാണ് ഈ സിനിമയുടെ ഇതിവൃത്തം. റുസുമോവിച്ച് എന്ന സംവിധായകന്റെ കന്നി സിനിമയാണ് ഇതെന്ന് പറഞ്ഞാല്‍ ആരും അതിശയിച്ചുപോകും. കാരണം ഒരു മികച്ച സംവിധായകന്റെ ക്രാഫ്റ്റ് സിനിമയിലുടെനീളം നമുക്ക് കാണാന്‍ കഴിയും. ഇതില്‍ ബാലനായി അഭിനയിച്ച ഡെന്നിസ് മൂറിച്ചിന്റെ പ്രകടനം സമാനതകളില്ലാത്തതായിരുന്നു.

അഭിപ്രായങ്ങൾ പങ്കുവെക്കാൻ

Categories : #Drama #Serbian

#MSone Release - 3186

Shadow and Bone Season 2 (2023)
ഷാഡോ ആൻഡ് ബോൺ സീസൺ 2 (2023)

ഭാഷ : ഇംഗ്ലീഷ്
നിർമാണം : 21 Laps Entertainment
പരിഭാഷ : അരുൺ അശോകൻ, ജിതിൻ ജേക്കബ് കോശി, ഫഹദ് അബ്ദുൽ മജീദ് & ജീ ചാങ്-വൂക്ക്
പോസ്റ്റർ : പ്രവീൺ അടൂർ
ജോണർ : ആക്ഷൻ, അഡ്വഞ്ചർ, ഡ്രാമ

IMDb ⭐️ 7.6/10

ഗെയിം ഓഫ് ത്രോൺസിലെ മാജിക്കൽ ഫാന്റസിയും, ഹംഗർ ഗെയിംസിലെ അതിസാഹസികതയും, ഓഷ്യൻസ് ഇലവനിലെ ത്രില്ലടിപ്പിക്കുന്ന ഹെെസ്റ്റ് എലമെന്റും ഒരുമിച്ച് വന്നാൽ എങ്ങനെയുണ്ടാവും? അതാണ് “ഷാഡോ ആൻഡ് ബോൺ”

ഒരു സാങ്കൽപിക മാജിക്കൽ വേൾഡിലെ രാജ്യമാണ് റാവ്ക. റാവ്കയുടെ നടുവിലായി രാജ്യത്തെ രണ്ടായി ഭിന്നിപ്പിക്കുന്ന നൂറ്റാണ്ടുകൾക്കുമുമ്പ് സൃഷ്ടിക്കപ്പെട്ട ഒരു ഫോൾഡ് ഉണ്ട്. ബ്ലാക്ക് ഹെറിറ്റിക് എന്ന ഡാർക്ക്‌ലിങ് ഉണ്ടാക്കിയ ഇരുട്ടും ഭീകരജീവികളാലും നിറഞ്ഞ സ്ഥലമാണ് ഫോൾഡ്. ഇതിനെ ചുറ്റിപ്പറ്റിയാണ് സീരീസ് മുന്നോട്ടുപോകുന്നത്.

കിഴക്കൻ റാവ്കയിൽ നിന്ന് പടിഞ്ഞാറോട്ട് പോകണമെങ്കിലും, തിരിച്ചു വരണമെങ്കിലും ഈ ഫോൾഡ് കടക്കുകയല്ലാതെ മാർഗ്ഗമില്ല. അതിനെ ചുറ്റി പോകാനാണെങ്കിൽ വടക്ക് ഗ്രീഷകളെ വേട്ടയാടുന്ന ഫിയഡൻ ഡ്രുസ്സ്കെല്ലകളും തെക്കുഭാഗത്ത് പർവ്വതങ്ങളുമാണ്. രാജ്യത്തിന്റെ ഇരു ഭാഗങ്ങളും തമ്മിലുള്ള ഈ തടസ്സം തകർക്കാനായി സൂര്യനെ ആവാഹിക്കാൻ കഴിയുന്ന ഒരു സൺ സമ്മനർ വരണം. എങ്കിൽ മാത്രമേ അതിനൊരു അന്ത്യം കുറിക്കാനും രാജ്യത്തെ ഒന്നിപ്പിക്കാനും കഴിയൂ. എന്നാൽ അതൊരു ഐതിഹ്യം മാത്രമാണ് എന്നായിരുന്നു ചിലരുടെ വാദം. പക്ഷേ അവർ അങ്ങനെ ഒരാളെ കണ്ടെത്തുന്നു. ഇതറിഞ്ഞ ഡ്രുസ്സ്കെല്ലകൾ സൺ സമ്മനറെ കൊല്ലാനും മറ്റു കുറച്ച് കള്ളന്മാർ സമ്മനറെ തട്ടിക്കൊണ്ട് വരാനും പദ്ധതിയിടുന്നു. പിന്നീട് നടക്കുന്ന സംഭവവികാസങ്ങളാണ് സീരീസ് പറഞ്ഞുപോകുന്നത്.

പ്രശസ്ത നോവലിസ്റ്റായ ലെയ് ബാർഡുഗോയുടെ “ഷാഡോ ആൻഡ് ബോൺ” എന്ന ട്രയോളജിയും, “സിക്സ് ഓഫ് ക്രൗസ്” എന്ന ഡുവോളജിയും അടിസ്ഥാനമാക്കിയാണ് സീരീസ് നിർമ്മിച്ചിക്കുന്നത്. സീരീസിലെ സാങ്കൽപ്പിക ലോകത്ത് മാജിക് ഉപയോഗിക്കാൻ കഴിവുള്ള ഗ്രീഷ വിഭാഗമാണ്, കോർപറാൽക്കി, ഇതറിയാൽക്കി, മെറ്റീരിയാൽക്കി. വലിയൊരു വേൾഡ് ബിൽഡിങ് ഉള്ള സിരീസ് വളരെ ഹൈപ്പർ സ്പീഡിലാണ് മുന്നോട്ടു പോകുന്നത്. തിരക്കഥാ രചയിതാവായ “എറിക് ഹെയ്സററാണ്” സീരീസ് ക്രിയേറ്റ് ചെയ്തിരിക്കുന്നത്.

അഭിപ്രായങ്ങൾ പങ്കുവെക്കാൻ

Categories : #Action #Adventure #Drama #English #Web_Series

#MSone Release - 3187

Flower of Evil (2020)
ഫ്ലവർ ഓഫ് ഈവിൾ (2020)

ഭാഷ : കൊറിയൻ
സംവിധാനം : Cheol-gyu Kim
പരിഭാഷ : അരവിന്ദ് വി ചെറുവല്ലൂർ
പോസ്റ്റർ : ഉണ്ണി ജയേഷ്
ജോണർ : ക്രൈം, മിസ്റ്ററി, റൊമാൻസ്

IMDb ⭐️ 8.6/10

2020-ൽ Lee Joon-gi, Moon Chae-won എന്നിവരെ കേന്ദ്ര കഥാപാത്രങ്ങളാക്കി Tvn-ൽ സംപ്രേഷണം ചെയ്ത കൊറിയൻ ത്രില്ലർ ഡ്രാമയാണ് “ഫ്ലവർ ഓഫ് ഈവിൾ“.

തന്റെ ഭാര്യയും മക്കളും മകളുമൊത്ത് സന്തുഷ്ടമായൊരു കുടുംബ ജീവിതം നയിക്കുന്നയാളാണ് ബെക്ക് ഹീ സോങ്. അയാൾക്ക് അധികമാരും അറിയാത്ത വളരെ മോശമായൊരു പഴയ കാലമുണ്ട്, അത് ഭാര്യയിലും മകളിലും നിന്ന് മറച്ചു വയ്ക്കാൻ അയാൾ ഏതറ്റം വരെയും പോകാൻ തയ്യാറാണ്. പക്ഷേ, ബെക്ക് ഹീ സോങിന്റെ പോലീസ് ഓഫീസറായ ഭാര്യ പതിനഞ്ച് വർഷങ്ങൾ മുൻപുള്ള ഒരു സീരീയൽ മർഡർ കേസ് അന്വേഷിക്കാൻ തുടങ്ങുന്നതോടെ കാര്യങ്ങൾ കൈവിട്ട് പോവാൻ തുടങ്ങുന്നു. തന്റെ ഭർത്താവിന്റെ പെരുമാറ്റത്തിലുള്ള അസ്വാഭാവികത അവർ ശ്രദ്ധിച്ചു തുടങ്ങുന്നു.

കണ്ടു പഴകിയ സീരീയൽ കില്ലർ കഥകളിൽ നിന്ന് വ്യത്യസ്തമായ ഡ്രാമ കുടുംബബന്ധങ്ങൾക്ക് കൂടി വളരെ പ്രാധാന്യം നൽകുന്നുണ്ട്. സ്റ്റോറി, അഭിനേതാക്കളുടെ പ്രകടനം, പാശ്ചാത്തല സംഗീതം എല്ലാം കൊണ്ടും ഈ സീരീസ് കൂടുതൽ മികച്ചതാകുന്നു.

Mydramalist വെബ്‌സൈറ്റിൽ 9.1 റേറ്റിങ്ങോടെ കൊറിയൻ ത്രില്ലർ ഡ്രാമകളിൽ മുൻപന്തിയിൽ തന്നെ നിൽക്കുന്ന ഡ്രാമയാണ് “ഫ്ലവർ ഓഫ് ഈവിൾ”. ഒട്ടും മടുപ്പ് തോന്നിപ്പിക്കാതെ ഫാസ്റ്റ് പേസിൽ കഥ പറഞ്ഞു പോവുന്ന 16 എപ്പിസോഡുകളാണ് ഡ്രാമയിലുള്ളത്. ഒരു സാധാരണ കൊറിയൻ സീരിസുകളെക്കാൾ മുകളിൽ കണ്ടിരിക്കുന്ന പ്രേക്ഷകനെ നിറയെ അപ്രതീക്ഷിത മുഹൂർത്തങ്ങൾ കൊണ്ടും വഴിതിരിവുകൾ കൊണ്ടും ഞെട്ടിക്കാൻ ഈ സീരിസിന് കഴിയുന്നുണ്ട്. ക്ലിഫ് ഹാങർ എൻഡിങ്ങിൽ അവസാനിക്കുന്ന ഓരോ എപ്പിസോഡുകളുമുള്ള ഡ്രാമ മികച്ചൊരു സീറ്റ് എഡ്ജ് ത്രില്ലർ തന്നെയാണ്.

കടപ്പാട് : സജിൻ എം സ്, മുഹമ്മദ് സിനാൻ

അഭിപ്രായങ്ങൾ പങ്കുവെക്കാൻ

Categories : #Crime #Korean #Mystery #Romance #Web_Series

#MSone Release - 3181

From Season 2 (2023)
ഫ്രം സീസൺ 2 (2023)

Episode - 03
എപ്പിസോഡ് 03

ഭാഷ : ഇംഗ്ലീഷ്
നിർമ്മാണം : Midnight Radio
പരിഭാഷ : സാമിർ & ഗിരി പി. എസ്.
പോസ്റ്റർ : പ്രവീൺ അടൂർ
ജോണർ : ഡ്രാമ, ഹൊറർ, മിസ്റ്ററി

IMDb ⭐️ 7.6/10

നേരമിരുട്ടാറായി. ഒറ്റ നോട്ടത്തില്‍ പുറത്തു നിന്ന് കാണുന്നവര്‍ക്ക് ഒരു പ്രശ്നവും തോന്നാത്ത ഒരു ടൗണ്‍. ആ ടൗണിലൂടെ ഒരു പോലീസുകാരന്‍ ബെല്ലടിച്ചു നടന്നു പോകുന്നു. അദ്ദേഹത്തിന്റെ ബെല്ലടി കേട്ട് ടൗണിലുള്ള എല്ലാവരും തങ്ങളുടെ വീടുകളില്‍ കയറി കതകടച്ചു കുറ്റിയിടുന്നു. രാത്രിയായാല്‍ ആ ടൗണില്‍ ആരും പുറത്തേക്കിറങ്ങില്ല. ഇറങ്ങിയാല്‍ അവര്‍ മരിക്കും. ഇങ്ങനെയുള്ള ഒരു ടൗണില്‍ അവരെന്തിനാ ജീവിക്കുന്നത്, അല്ലേ? ഒരിക്കല്‍ അവിടെ എത്തിക്കഴിഞ്ഞാല്‍ പിന്നെ ആര്‍ക്കും അവിടുന്ന് മടങ്ങിപ്പോകാന്‍ കഴിയില്ല. എങ്ങനെ പോയാലും അവസാനം കറങ്ങിത്തിരിഞ്ഞ് അവിടെത്തന്നെ എത്തും. ഈ ടൗണിലേക്ക് പുതുതായി ഒരു കുടുംബം കടന്നു വരുന്നതും ശേഷം അവിടെ നടക്കുന്ന കാര്യങ്ങളുമാണ് “ഫ്രം” എന്ന അമേരിക്കന്‍ സയന്‍സ് ഫിക്ഷന്‍ ഹൊറര്‍ സീരീസ് പറയുന്നത്.

അഭിപ്രായങ്ങൾ പങ്കുവെക്കാൻ

Categories : #Drama #English #Horror #Mystery #Web_Series