#MSone Release - 09

#MsoneGoldRelease

Three Monkeys (2008)
ത്രീ മങ്കീസ്‌ (2008)

ഭാഷ: ടര്‍ക്കിഷ്
സംവിധാനം: Nuri Bilge Ceylan
പരിഭാഷ: വിഷ്ണു പ്രസാദ്
പോസ്റ്റർ: പ്രവീൺ അടൂർ
ജോണർ: ഡ്രാമ

IMDb ⭐️ 7.3/10

Nuri Bilge Ceylan സംവിധാനം ചെയ്ത് 2008ൽ പുറത്തിറങ്ങിയ ടർക്കിഷ് സിനിമയാണ് ത്രീ മങ്കീസ്‌. (തിന്മ കാണരുത്, കേൾക്കരുത്, മിണ്ടരുത്)

അടുത്ത തിരഞ്ഞെടുപ്പിൽ മത്സരിക്കാൻ തീരുമാനിച്ച പണക്കാരനായ Servet രാത്രിയിൽ കാറോടിച്ചു വരുമ്പോൾ ഒരാളെ ഇടിക്കുന്നു. ഈ ആക്‌സിഡന്റിന്റെ ഉത്തരവാദിത്തം ഏറ്റെടുക്കാൻ അയാൾ തന്റെ ഡ്രൈവറോട് അപേക്ഷിക്കുകയും ചെയ്യുന്നു. തുടർന്ന് ഉണ്ടാകുന്ന സംഭവവികാസങ്ങളിലൂടെയാണ് സിനിമ മുന്നോട്ട് പോകുന്നത്.

Neo Noir, Crime Drama വിഭാഗത്തിൽ പെടുത്താവുന്ന ഈ സിനിമയിലൂടെ Nuri Bilge Ceylanന് 2008ലെ കാൻ ഫിലിം ഫെസ്റ്റിവലിൽ മികച്ച സംവിധായകനുള്ള പുരസ്‌കാരവും തേടി എത്തി. ഒപ്പം മറ്റനവധി പുരസ്‌കാരങ്ങളും കരസ്ഥമാക്കിയിട്ടുണ്ട്.

അഭിപ്രായങ്ങൾ പങ്കുവെക്കാൻ

Categories : #Drama #MsoneGold #Turkish

#MSone Release - 3188

Sisu (2022)
സിസൂ (2022)

ഭാഷ : ഇംഗ്ലീഷ് & ഫിന്നിഷ്
സംവിധാനം : Jalmari Helander
പരിഭാഷ : വിഷ് ആസാദ്
പോസ്റ്റർ : രോഹിത്ത് ജി. എസ്
ജോണർ : ആക്ഷൻ, വാർ

IMDb ⭐️ 7.3/10

രണ്ടാം ലോക മഹായുദ്ധത്തിന്റെ അവസാന കാലത്ത് ഫിൻലൻഡിലാണ് കഥ നടക്കുന്നത്. യുദ്ധത്തിൽ വീടും കുടുംബവും നഷ്ടപ്പെട്ട ഫിന്നിഷ് കമാൻഡോയായ അറ്റോമി കോർപി, വലിയൊരളവിൽ സ്വർണ്ണം ഖനനം ചെയ്തെടുക്കുന്നു. അത് ദൂരെയുള്ള ബാങ്കിൽ കൊടുത്ത് പണമാക്കാനായി കോർപി പുറപ്പെടുകയാണ്. വഴിയിൽ നാസികൾ ഇദ്ദേഹത്തിൽ നിന്ന് സ്വർണ്ണം കൈക്കലാക്കാൻ ശ്രമിക്കുന്നതും കോർപിയുടെ ചെറുത്തു നിൽപ്പുമാണ് 2022 ൽ പുറത്തിറങ്ങിയ സിസൂ എന്ന ഹിസ്റ്റോറിക്കൽ ആക്ഷൻ ഡ്രാമയുടെ ഇതിവൃത്തം. വളരെ കുറഞ്ഞ സമയ ദൈർഘ്യമുള്ള ആക്ഷൻ രംഗങ്ങളാൽ സമ്പന്നമായ ഈ ചിത്രം ആക്ഷൻ സിനിമാ പ്രേമികൾക്ക് ഒരു വിരുന്നാകുമെന്ന് ഉറപ്പാണ്.

അഭിപ്രായങ്ങൾ പങ്കുവെക്കാൻ

Categories : #Action #English #War

#MSone Release - 3160

Short Films Special Release – 11
ഷോര്‍ട്ട് ഫിലിംസ് സ്പെഷ്യല്‍ റിലീസ് – 11

ഷോർട് ഫിലിം – 02

Judgement (1999)
ജഡ്ജ്മെന്റ് (1999)

ഭാഷ : കൊറിയൻ
സംവിധാനം : Park Chan-wook
പരിഭാഷ : രോഹിത് ഹരികുമാര്‍
പോസ്റ്റർ : രോഹിത്ത് ജി. എസ്
ജോണർ : ഡ്രാമ, ഷോർട്

IMDb ⭐️ 7.1/10

ഓൾഡ്‌ബോയ്‌ (2003), തേഴ്സ്റ്റ് (2009), ദി ഹാൻഡ്മെയ്ഡൻ (2016) തുടങ്ങിയ പ്രശസ്ത ചിത്രങ്ങളുടെ സംവിധായകൻ പാർക്ക് ചാൻ വൂക്കിന്റെ ആദ്യകാല ഹ്രസ്വ ചിത്രമാണ് തീർപ്പ് (ജഡ്ജ്മെന്റ്).

സാംപൂങ് ഡിപ്പാർട്ട്മെന്റ് സ്റ്റോർ ദുരന്തം ആസ്പദമാക്കിയെടുത്ത ചിത്രമാണിത്. പ്ലസ് ഡിപ്പാർട്ട്മെന്റ് സ്റ്റോർ എന്ന കെട്ടിടം നിലംപതിച്ചുണ്ടായ ദുരന്തത്തിൽ ഒരു സ്ത്രീയുടെ മൃതദേഹം കണ്ടെടുക്കുകയും അതുമായി ബന്ധപ്പെട്ട സംഭവവികാസങ്ങളാണ് ചിത്രം നമ്മെ കാണിക്കുന്നത്.

ബ്ലാക്ക് ആൻഡ് വൈറ്റിലെടുത്ത ഈ ചിത്രം, അദ്ദേഹം മനോഹരമായാണ് സംവിധാനം ചെയ്തിരിക്കുന്നത്. പ്രത്യേകിച്ച്, ഓരോ ഷോട്ടും ഭംഗിയായിട്ടാണ് കംപോസ് ചെയ്തിരിക്കുന്നത്. ഡാർക്ക് ഹ്യൂമറിന്റെ മേമ്പൊടിയിലെടുത്ത ഡ്രാമ. ഫുട്ടേജ് ദൃശ്യങ്ങളെല്ലാം ഒറിജിനലാണ്. കഥാപാത്രങ്ങൾക്ക് പേരില്ലാ എന്നത് ശ്രദ്ധേയം. 99 ൽ ബുസാൻ രാജ്യാന്തര ചലച്ചിത്ര മേളയിൽ ഈ ചിത്രം പ്രദർശിപ്പിച്ചു. തീർച്ചയായും ഒന്ന് കണ്ട് നോക്കാവുന്ന ഹ്രസ്വചിത്രം തന്നെയാണിത്.

അഭിപ്രായങ്ങൾ പങ്കുവെക്കാൻ

Categories : #Adventure #Animation #Drama #English #Korean #Short

From Season 2 / ഫ്രം സീസൺ 2 (2023)

എംസോൺ റിലീസ് – 3181

Episode - 04
എപ്പിസോഡ് 04

ഭാഷ : ഇംഗ്ലീഷ്
നിർമ്മാണം : Midnight Radio
പരിഭാഷ : സാമിർ  & ഗിരി പി. എസ്.
പോസ്റ്റർ : പ്രവീൺ അടൂർ
ജോണർ : ഡ്രാമ, ഹൊറർ, മിസ്റ്ററി

IMDb ⭐️ 7.6/10

നേരമിരുട്ടാറായി. ഒറ്റ നോട്ടത്തില്‍ പുറത്തു നിന്ന് കാണുന്നവര്‍ക്ക് ഒരു പ്രശ്നവും തോന്നാത്ത ഒരു ടൗണ്‍. ആ ടൗണിലൂടെ ഒരു പോലീസുകാരന്‍ ബെല്ലടിച്ചു നടന്നു പോകുന്നു. അദ്ദേഹത്തിന്റെ ബെല്ലടി കേട്ട് ടൗണിലുള്ള എല്ലാവരും തങ്ങളുടെ വീടുകളില്‍ കയറി കതകടച്ചു കുറ്റിയിടുന്നു. രാത്രിയായാല്‍ ആ ടൗണില്‍ ആരും പുറത്തേക്കിറങ്ങില്ല. ഇറങ്ങിയാല്‍ അവര്‍ മരിക്കും. ഇങ്ങനെയുള്ള ഒരു ടൗണില്‍ അവരെന്തിനാ ജീവിക്കുന്നത്, അല്ലേ? ഒരിക്കല്‍ അവിടെ എത്തിക്കഴിഞ്ഞാല്‍ പിന്നെ ആര്‍ക്കും അവിടുന്ന് മടങ്ങിപ്പോകാന്‍ കഴിയില്ല. എങ്ങനെ പോയാലും അവസാനം കറങ്ങിത്തിരിഞ്ഞ് അവിടെത്തന്നെ എത്തും. ഈ ടൗണിലേക്ക് പുതുതായി ഒരു കുടുംബം കടന്നു വരുന്നതും ശേഷം അവിടെ നടക്കുന്ന കാര്യങ്ങളുമാണ് “ഫ്രം” എന്ന അമേരിക്കന്‍ സയന്‍സ് ഫിക്ഷന്‍ ഹൊറര്‍ സീരീസ് പറയുന്നത്.

അഭിപ്രായങ്ങൾ പങ്കുവെക്കാൻ

Categories : #Drama #English #Horror #Mystery #Web_Series

#MSone Release - 3181

From Season 2 (2023)
ഫ്രം സീസൺ 2 (2023)

Episode - 05
എപ്പിസോഡ് 05

ഭാഷ : ഇംഗ്ലീഷ്
നിർമ്മാണം : Midnight Radio
പരിഭാഷ : സാമിർ  & ഗിരി പി. എസ്.
പോസ്റ്റർ : പ്രവീൺ അടൂർ
ജോണർ : ഡ്രാമ, ഹൊറർ, മിസ്റ്ററി

IMDb ⭐️ 7.6/10

നേരമിരുട്ടാറായി. ഒറ്റ നോട്ടത്തില്‍ പുറത്തു നിന്ന് കാണുന്നവര്‍ക്ക് ഒരു പ്രശ്നവും തോന്നാത്ത ഒരു ടൗണ്‍. ആ ടൗണിലൂടെ ഒരു പോലീസുകാരന്‍ ബെല്ലടിച്ചു നടന്നു പോകുന്നു. അദ്ദേഹത്തിന്റെ ബെല്ലടി കേട്ട് ടൗണിലുള്ള എല്ലാവരും തങ്ങളുടെ വീടുകളില്‍ കയറി കതകടച്ചു കുറ്റിയിടുന്നു. രാത്രിയായാല്‍ ആ ടൗണില്‍ ആരും പുറത്തേക്കിറങ്ങില്ല. ഇറങ്ങിയാല്‍ അവര്‍ മരിക്കും. ഇങ്ങനെയുള്ള ഒരു ടൗണില്‍ അവരെന്തിനാ ജീവിക്കുന്നത്, അല്ലേ? ഒരിക്കല്‍ അവിടെ എത്തിക്കഴിഞ്ഞാല്‍ പിന്നെ ആര്‍ക്കും അവിടുന്ന് മടങ്ങിപ്പോകാന്‍ കഴിയില്ല. എങ്ങനെ പോയാലും അവസാനം കറങ്ങിത്തിരിഞ്ഞ് അവിടെത്തന്നെ എത്തും. ഈ ടൗണിലേക്ക് പുതുതായി ഒരു കുടുംബം കടന്നു വരുന്നതും ശേഷം അവിടെ നടക്കുന്ന കാര്യങ്ങളുമാണ് “ഫ്രം” എന്ന അമേരിക്കന്‍ സയന്‍സ് ഫിക്ഷന്‍ ഹൊറര്‍ സീരീസ് പറയുന്നത്.

അഭിപ്രായങ്ങൾ പങ്കുവെക്കാൻ

Categories : #Drama #English #Horror #Mystery #Web_Series

#MSone Release - 3189

Evil Dead Rise (2023)
ഈവിൾ ഡെഡ് റൈസ് (2023)

പോസ്റ്റർ : രോഹിത് ജി.എസ്

ഭാഷ | ഇംഗ്ലീഷ്
------------------------------
സംവിധാനം | Lee Cronin
------------------------------
പരിഭാഷ | റിയാസ് പുളിക്കൽ
------------------------------
ജോണർ | Horror
------------------------------
IMDB ⭐️ | 6.8/10
------------------------------

സാം റൈമിയുടെ ഭാവനയിൽ പിറന്ന ഇവിൽ ഡെഡ് ഫിലിം ഫ്രാഞ്ചസിയിൽ നിന്നുള്ള അഞ്ചാമത്തെ സിനിമയാണ് ഇവിൽ ഡെഡ് റൈസ്. സൂപ്പർനാച്ചുറൽ ഹൊറർ ത്രില്ലർ ഴോണറിലുള്ള ഈ സിനിമ സംവിധാനം നിർവ്വഹിച്ചിരിക്കുന്നത് ലീ ക്രോണിനാണ്. വർഷങ്ങളുടെ ഇടവേളയ്ക്ക് ശേഷം സ്വന്തം സഹോദരി എല്ലിയെ കാണാനെത്തുകയാണ് ഗിറ്റാർ ടെക്നീഷ്യനായ ബെത്. പഴയതും ഒറ്റപ്പെട്ടതുമായ ഒരു കെട്ടിടത്തിലെ ഫ്ലാറ്റിൽ തന്റെ മൂന്ന് കുട്ടികൾക്കൊപ്പം താമസിക്കുകയായിരുന്നു ഒരു ടാറ്റൂ ആർട്ടിസ്റ്റ് കൂടിയായ എല്ലി. തന്റെ വ്യക്തിപരമായ വിഷമതകളിൽ ചേച്ചി സഹായകമായേക്കുമെന്ന് ബെത് കരുതുന്നു. കെട്ടിടത്തിൽ ഭൂചലനം സംഭവിച്ച അന്ന് എല്ലിയുടെ മകനായ ഡാനിക്ക് ഒരു നിലവറയിൽ നിന്നും നിഗൂഢമായൊരു പുസ്തകം ലഭിക്കുന്നു. തന്റെ സഹോദരി ബ്രിഡ്ജറ്റ് വിലക്കിയിട്ടും അവനത് തിരിച്ചുവെക്കാൻ സമ്മതിക്കുന്നില്ല. ആ നിഗൂഢമായ പുസ്തകം തെല്ല് കൗതുകത്തോടെയും അല്പം ഭയത്തോടെയും തുറക്കുകയാണ്. സകലതും നശിപ്പിക്കാനായി ഇരുട്ടിന്റെ ശക്തികൾ അവിടെ പുനർജ്ജനിക്കുകയാണ്.

അഭിപ്രായങ്ങൾ പങ്കുവെക്കാൻ
Download Subtitle
Categories : #English #Horror

John Wick Chapter 4/ ജോൺ വിക്ക് ചാപ്റ്റർ 4 (2023)

എംസോൺ റിലീസ് – 3190


ഭാഷ | ഇംഗ്ലീഷ്
------------------------------
സംവിധാനം | Chad Stahelski
------------------------------
പരിഭാഷ | വിഷ് ആസാദ്
------------------------------
ജോണർ | Action, Crime, Thriller
------------------------------
പോസ്റ്റർ | ആദർശ് പ്രവീൺ
------------------------------
IMDB ⭐️| 8.1/10
------------------------------

ജോൺ വിക്ക് സീരിസിലെ നാലാമത്തേയും അവസാനത്തെയും പതിപ്പായ “ജോൺ വിക്ക് 4”, 2019 ൽ റിലീസായ ജോണ്‍ വിക്ക്: ചാപ്റ്റര്‍ 3 – പാരബെല്ലം എന്ന ചിത്രത്തിന്റെ തുടർച്ചയാണ്.
ഹൈ ടേബിളിനെതിരെ പ്രതികാരത്തിനിറങ്ങിയ ജോൺ വിക്ക്, മൊറോക്കൊയിലെത്തി എൽഡറെ കൊല്ലുന്നു. അതിനെ തുടർന്ന് ഹൈടേബിൾ വിൻസന്റ് ഡി ഗ്രാമോണ്ട് എന്നയാളെ സർവ്വ അധികാരവും നൽകി മാർക്വിസായി പ്രഖ്യാപിക്കുന്നു. വിൻസന്റ് ന്യൂയോർക്ക് കോണ്ടിനെന്റൽ ഹോട്ടൽ നശിപ്പിച്ച് വിൻസ്റ്റണെ എക്സ്- കമ്യൂണിക്കാഡോ ആയി പ്രഖ്യാപിക്കുന്നു. മാർക്വിസ് ജോൺ വിക്കിനെ കണ്ടെത്തി വധിക്കാൻ കൂടുതൽ ശക്തരായവരെ അയക്കുന്നു. ഹൈ ടേബിളിന്റെ സ്വേച്ഛാധിപത്യത്തിനെതിരെയും സ്വന്തം സ്വാതന്ത്ര്യത്തിനു വേണ്ടിയും ജോൺ വിക്ക് പോരാട്ടത്തിനൊരുങ്ങുന്നു.

ആക്ഷൻ രംഗങ്ങളാലും ജോൺ വിക്കായെത്തുന്ന കീനു റീവ്സ് എന്ന നടന്റെ അത്യുഗ്രൻ പ്രകടനങ്ങളാലും സമ്പന്നമാണ് ജോൺ വിക്ക് 4. തുടർച്ചയുള്ള കഥയായതിനാൽ ആദ്യ മൂന്ന് പതിപ്പുകളായ, ജോണ്‍ വിക്ക് (2014), ജോണ്‍ വിക്ക്: ചാപ്റ്റര്‍ 2 (2017), ജോണ്‍ വിക്ക്: ചാപ്റ്റര്‍ 3 – പാരബെല്ലം (2019) എന്നിവ കണ്ടതിനു ശേഷം കാണുന്നതാവും നല്ലത്. ആദ്യ മൂന്ന് ഭാഗങ്ങളുടെയും Msone പരിഭാഷ ലഭ്യമാണ്.

അഭിപ്രായങ്ങൾ പങ്കുവെക്കാൻ

Categories : #Action #Crime #English #Thriller

#Msone Release - 3191

Sooryavanshi/സൂര്യവംശി(2021)

ഭാഷ | ഹിന്ദി
------------------------------
സംവിധാനം | Rohit Shetty
------------------------------
പരിഭാഷ | ആസിഫ് അസി
------------------------------
ജോണർ | Action, Crime, Thriller
------------------------------
പോസ്റ്റർ : പ്രവീൺ അടൂർ
------------------------------
IMDB ⭐️ 6.1/10
------------------------------

രോഹിത് ഷെട്ടി രചനയും സംവിധാനവും നിർവഹിച്ച് അക്ഷയ് കുമാറിനെ നായകനാക്കി 2021ൽ പുറത്തിറങ്ങിയ ഹിന്ദി ആക്ഷൻ ത്രില്ലർ ചിത്രമാണ് സൂര്യവൻഷി. രോഹിത് ഷെട്ടിയുടെ തന്നെ cop യൂണിവേഴ്സിലെ ഒരു ചിത്രമാണ് ഇത്.
ഇന്ത്യയിൽ 13 വർഷങ്ങളായി ഒളിച്ചു താമസിക്കുന്ന നാല്പതോളം വരുന്ന ലഷ്കർ സ്ലീപ്പർ സെൽ ഏജന്റുകൾ മുംബൈയിൽ വലിയൊരു സ്ഫോടനത്തിന് ആസൂത്രണം ചെയ്യുന്നു. മുംബൈ എ.ടി.എസിന് ഈ വിവരം ലഭിക്കുന്നു. മുംബൈ എ.ടി.എസിലെ മുതിർന്ന ഉദ്യോഗസ്ഥനായ വീർ സൂര്യവംശിയും അദ്ദേഹത്തിന്റെ ടീമും അവർക്കെതിരെ നടത്തുന്ന പോരാട്ടങ്ങളാണ് ചിത്രം പറയുന്നത്.
രോഹിത് ഷെട്ടിയുടെ cop യൂണിവേഴ്സിലെ കഥാപാത്രങ്ങളായ സിങ്കവും[അജയ് ദേവ്ഗൺ] സിംബയും[രൺവീർ സിങ്] ഈ സിനിമയിൽ അതിഥി താരങ്ങളായി വരുന്നുണ്ട്.
കോവിഡ് കാരണം രണ്ട് തവണ റിലീസ് മാറ്റിവെച്ച ചിത്രം 2021 നവംബറിൽ റിലീസ് ചെയ്തപ്പോൾ അക്കൊല്ലത്തെ ഏറ്റവും വലിയ പണം വാരി ചിത്രമായാണ് കളം വിട്ടത്.

അഭിപ്രായങ്ങൾ പങ്കുവെക്കാൻ

Categories : #Action #Crime #Hindi #Thriller

#Msone Release - 3192

watcher/വാച്ചർ (2022)

ഭാഷ | ഇംഗ്ലീഷ്
------------------------------
സംവിധാനം | Chloe Okuno
------------------------------
പരിഭാഷ | അനൂപ് അനു
------------------------------
ജോണർ | Drama, Horror, Thriller
------------------------------
പോസ്റ്റർ : പ്രവീൺ അടൂർ
------------------------------
IMDB ⭐️ 6.3/10
------------------------------

ജൂലിയയും ഭർത്താവ് ഫ്രാൻസിസും ബുക്കാറസ്റ്റിലേക്ക് താമസം മാറുന്നിടത്താണ് കഥ ആരംഭിക്കുന്നത്. ഫ്രാൻസിസ് ഒരു പാതി റൊമാനിയക്കാരനാണ്. അതുകൊണ്ട് തന്നെ റൊമാനിയൻ ഭാഷ സംസാരിക്കാൻ ഫ്രാൻസിസിന് അറിയാം. എന്നാൽ ജൂലിയക്ക് റൊമാനിയൻ ഭാഷ ഒട്ടും വശമില്ല. ഭാഷയുടെ കാര്യത്തിൽ ഫ്രാൻസിസ്‌ ആണ് അവളെ സഹായിക്കാറ്. ഇരുവരും അവരുടെ പുതിയ അപ്പാർട്ട്മെന്റിലേക്ക് പ്രവേശിക്കുകയാണ്. പുതിയൊരു രാജ്യത്ത് എത്തിയതുകൊണ്ട് തന്നെ എല്ലാം ഒരു കൗതുകത്തോടെ നോക്കികാണുകയാണ് നായികയായ ജൂലിയ. അങ്ങനെ തനിക്ക് ചുറ്റുമുള്ള ജീവിതത്തെ തന്റെ അപ്പാർട്ട്മെന്റിലൂടെ നോക്കിക്കാണുന്ന ജൂലിയ എതിർവശത്തുള്ള ഒരു കെട്ടിടത്തിലെ ജനലിൽ നിന്നും ഒരാൾ തന്റെ അപ്പാർട്ട്മെന്റിലേക്ക് നോക്കി നിൽക്കുന്നതായി ശ്രദ്ധയിൽ പെടുന്നു. പിന്നീട് ഓരോ തവണ അവിടേക്ക് നോക്കുമ്പോഴും അയാൾ ജനലിനടുത്ത് നോക്കിനിൽക്കുന്നത് അവൾ കാണുന്നു. അത് അവളിൽ ഭീതി ജനിപ്പിക്കുന്നു. അതിനിടെ ആ പ്രദേശത്ത് നടക്കുന്ന സീരിയൽ കൊലപാതകങ്ങൾ അവളുടെ ഭയത്തെ ഇരട്ടിപ്പിക്കുന്നു. ദിവസവും ഒരു ജനലിലൂടെ തന്റെ അപ്പാർട്ട്മെന്റിലേക്ക് നോക്കുന്ന ആ അപരിചതനെ തേടിയുള്ള ജൂലിയയുടെ യാത്രയും ആ യാത്രയിൽ അവൾക്കുണ്ടാവുന്ന അനുഭവങ്ങളുമാണ് ഈ ചിത്രത്തിന്റെ ഇതിവൃത്തം. മിസ്റ്ററി സിനിമകൾ ഇഷ്ടപ്പെടുന്നവരെ നിശാശപ്പെടുത്താത്ത ഒരു ചിത്രമായിരിക്കും “വാച്ചർ”.

അഭിപ്രായങ്ങൾ പങ്കുവെക്കാൻ

Categories : #Drama #English #Horror #Thriller

#Msone Release - 3183

Fringe Season 4 (2011)
ഫ്രിഞ്ച് സീസൺ 4 (2011)

Episodes 12-22
എപ്പിസോഡ് 12-22

ഭാഷ | ഇംഗ്ലീഷ്
------------------------------
സംവിധാനം | Bad Robot Productions
------------------------------
പരിഭാഷ | ഫഹദ് അബ്ദുൾ മജീദ്
------------------------------
ജോണർ | ഡ്രാമ, മിസ്റ്ററി, സയൻസ് ഫിക്ഷൻ
------------------------------
പോസ്റ്റർ | പ്രവീൺ അടൂർ
------------------------------
IMDB ⭐️ | 8.4/10
------------------------------

ലോസ്റ്റിന്റെ ക്രിയേറ്റർ ആയ ജെ ജെ അബ്രാമിന്റെ അടുത്ത സയൻസ് ഫിക്ഷൻ സീരീസ് ആണ് ഫ്രിഞ്ച്.

ലോസ്റ്റിനു സമാനമായി ഒരു വിമാന യാത്ര കാണിച്ചുകൊണ്ടാണ് ഫ്രിഞ്ച് തുടങ്ങുന്നത്. വളരെ വിചിത്രമായ പല കാര്യങ്ങൾക്കും ആദ്യ എപ്പിസോഡിൽ തന്നെ നമ്മൾ സാക്ഷ്യം വഹിക്കുന്നു. അതിൽ ഒന്നാണ് ഒരു വിമാനത്തിലുള്ള മുഴുവൻ യാത്രക്കാരും വളരെ ഭീകരമായ രീതിയിൽ മരിച്ചു വീഴുന്നത്.

ഈ കേസിന്റെ അന്വേഷണ ചുമതല “Oliva Dunham” എന്ന ചുറുചുറുക്കുള്ള ഒരു FBI ഓഫീസർക്ക് ആയിരുന്നു. അന്വേഷണത്തിന്റെ ആദ്യ ഘട്ടം മുതൽ ഒലിവിയയുടെ ചുറ്റം നടക്കുന്നതെല്ലാം വിശ്വസിക്കാനാവാത്ത വിചിത്രമായ കാര്യങ്ങളാണ്.

Pattern എന്നു വിളിപ്പേരുള്ള ഇത്തരം പല വിചിത്ര സംഭവങ്ങളും മുന്നേയും നടന്നിട്ടുണ്ട് എന്നു മനസ്സിലാക്കുന്ന ഒലിവിയ, വാൾട്ടർ എന്ന സയൻറ്റിസ്റ്റിന്റെയും അയാളുടെ മകന്റെയും സഹായത്തോടുകൂടി ഈ വിചിത്ര സംഭവങ്ങളുടെ കാരണം തേടി നടത്തുന്ന അന്വേഷണങ്ങൾ ആണ് സീസൺ 1 മെയിൻ പ്ലോട്ട്.

20 എപ്പിസോഡുകളാണ് സീസൺ 1-ൽ ഉള്ളത്. ഒന്നര മണിക്കൂറിന് അടുത്തുള്ള Pilot എപ്പിസോഡ് ഒഴിച്ചു നിർത്തിയാൽ ബാക്കി എപ്പിസോഡുകൾ എല്ലാം ഏതാണ്ട് 50 min ലെങ്ത് ആണ്.

ലോസ്റ്റ് പോലെ തുടക്കം മുതൽ ഒരുപാട് മിസ്റ്ററി നിലനിർത്തി കൊണ്ടു മുന്നോട്ട് പോകുന്ന സീരീസാണ്. മിക്കവാറും ഓരോ എപ്പിസോഡും ഒരു അന്വേഷണമായിരിക്കും. അതിനിടയിൽ കൂടെ മെയിൻ പ്ലോട്ട് ഒരു പൂവ് വിരിയുന്നത് പോലെ വളരെ സാവധാനമാണ് ഡെവലപ്പ് ചെയ്തുവരുന്നത്.

മെയിൻ പ്ലോട്ട് ഡെവലപ്പ് ചെയ്യാത്ത ഫില്ലറുകൾ എന്ന് വിളിക്കാവുന്ന ഏതാനും എപ്പിസോഡുകളും ഓരോ സീസണുകളിലും ഉണ്ട്. അവ വഴിയാകും ചിലപ്പോഴെല്ലാം കഥാപാത്രങ്ങൾ തമ്മിലുള്ള ബന്ധങ്ങൾ ഡെവലപ്പ് ചെയ്യുന്നത്.

കടപ്പാട് : Mukesh Muke

എംസോൺ റിലീസ് ചെയ്തിട്ടുള്ള ഫ്രിഞ്ച് സീരീസിന്റെ മറ്റ് സീസണുകൾ

ഫ്രിഞ്ച് സീസൺ 1 (2008)
ഫ്രിഞ്ച് സീസൺ 2 (2009)
ഫ്രിഞ്ച് സീസൺ 3 (2010)

അഭിപ്രായങ്ങൾ പങ്കുവെക്കാൻ

Categories : #Drama #English #Mystery #Sci_Fi #Web_Series