#MSone Release - 3271

#AlienFest - 01

Attack the Block (2011)
അറ്റാക്ക് ദ ബ്ലോക്ക് (2011)

ഭാഷ: ഇംഗ്ലീഷ്
സംവിധാനം: Joe Cornish
പരിഭാഷ: അരുൺ അശോകൻ
പോസ്റ്റർ: ഉണ്ണി ജയേഷ്
ജോണർ: ആക്ഷൻ, അഡ്വഞ്ചർ, കോമഡി

IMDb ⭐️ 6.7/10

ലണ്ടന്‍ നഗരത്തിലെ ഒരിടത്തരം ബ്ലോക്കിൽ താമസിക്കുന്ന കൗമാരപ്രായക്കാരായ കുറച്ച് ആൺകുട്ടികൾ. രാത്രിയിലെ കറങ്ങിനടപ്പും പിന്നെ ഒറ്റയ്ക്ക് നടക്കുന്നവരോട് ഗുണ്ടായിസം കാണിച്ച് കൈയിലുള്ളത് തട്ടിയെടുക്കലുമാണ് ഇവന്മാരുടെ ഇഷ്ടവിനോദം. അങ്ങനെയൊരു രാത്രിയിൽ, ഒരു യുവതിയെ വിരട്ടുമ്പോഴാണ് പെട്ടെന്ന് ഒരന്യഗ്രഹജീവി മാനത്തുനിന്ന് പൊട്ടിവീണത്! മുന്നും പിന്നും നോക്കാതെ അവന്മാർ അതിനെ കുത്തി പണ്ടമെടുത്തിട്ട്, അതിന്റെ ബോഡിയുമായി നടന്ന് ഷോ കാണിക്കാൻ തുടങ്ങി.

അവിടം മുതലാണ് കളി മാറിയത്. അതിനേക്കാൾ ഭീകരന്മാരായ അന്യഗ്രഹജീവികൾ മാനത്തുനിന്ന് തീമഴയായി പെയ്തുതുടങ്ങി. ഒപ്പം പൊലീസും മറ്റൊരു ഗ്യാങും കളത്തിലിറങ്ങുന്നു. നമ്മുടെ തെമ്മാടികൾക്ക് പിന്നാലെയാണ് ഇവരെല്ലാം. തുടർന്നങ്ങോട്ട് നിർത്താതെയുള്ള ആക്ഷനും അത്യാവശ്യം ഹൊററുമായി ഒരൊന്നൊന്നര ചോരക്കളി! കണ്ണീരും അനാവശ്യമായ റൊമാന്‍സും ഈ സിനിമയിൽ പ്രതീക്ഷിക്കേണ്ടതില്ല. ത്രില്ലിങ് നിമിഷങ്ങൾ നിറഞ്ഞ ഒരാക്ഷൻ സയൻസ് ഫിക്ഷൻ ഹൊറർ പടം കാണണമെങ്കില്‍ ധൈര്യമായി കണ്ടോളൂ, ‘അറ്റാക്ക് ദ ബ്ലോക്ക്’.

അഭിപ്രായങ്ങൾ പങ്കുവെക്കാൻ

Categories : #Action #Adventure #Alien_Fest #Comedy #English

#MSone Release - 3272

#AlienFest - 02

Oblivion (2013)
ഒബ്ലീവിയൻ (2013)

ഭാഷ: ഇംഗ്ലീഷ്
സംവിധാനം: Joseph Kosinski
പരിഭാഷ: വിഷ്ണു പ്രസാദ്
പോസ്റ്റർ: ഉണ്ണി ജയേഷ്
ജോണർ: ആക്ഷൻ, അഡ്വഞ്ചർ, സയൻസ് ഫിക്ഷൻ

IMDb ⭐️ 7.0/10

വർഷം 2077, സ്കാവുകൾ എന്നറിയപ്പെടുന്ന അന്യഗ്രഹ ആക്രമണകാരികളുമായുള്ള യുദ്ധത്തിൽ ഭൂമി നശിച്ച് വാസയോഗ്യമല്ലാതായിത്തീർന്നിരിക്കുന്നു. യുദ്ധത്തെ അതിജീവിച്ച മനുഷ്യർ ശനിയുടെ ഉപഗ്രഹമായ ടൈറ്റനിലേക്ക് പലായനം ചെയ്തുപോയി. സമുദ്രജലം മനുഷ്യരുടെ പുതിയ കോളനിയിലേക്കുള്ള ഊർജമായി മാറ്റുന്ന ഹൈഡ്രോ റിഗ്ഗുകളെ സംരക്ഷിക്കുന്ന ഡ്രോണുകളുടെ അറ്റകുറ്റപ്പണികൾ നോക്കുന്ന ജാക്ക് ഹാർപ്പറും, വിക്ടോറിയയും മാത്രമാണ് ഇപ്പോൾ ഭൂമിയിൽ അവശേഷിക്കുന്ന മനുഷ്യർ.

ഒരു ദിവസം പഴയ ഒരു ബഹിരാകാശ പേടകം ഭൂമിയിൽ വന്ന് പതിക്കുന്നത് ജാക്ക് കാണുന്നു. അതിൽ നിന്നും ഒരു സ്ത്രീയെ ജാക്ക് കണ്ടുമുട്ടുന്നു. അവളാകട്ടെ സ്ഥിരമായി ജാക്കിന്റെ മായ്ച്ചുകളയപ്പെട്ട പഴയ ഓർമശകലങ്ങളിൽ വരാറുള്ള അതേ സ്ത്രീരൂപം. ആ നിമിഷം തൊട്ട് നിഗൂഢമായ ഒരുപാട് രഹസ്യങ്ങൾ ഓരോന്നായി ജാക്കിന് മുമ്പിൽ ചുരുളഴിയുകയാണ്.

ടോം ക്രൂസിന്റെ പ്രകടനവും, അപ്രതീക്ഷിതമായ ട്വിസ്റ്റുകളും, ഒപ്പം ഗംഭീര ദൃശ്യങ്ങളും നിറഞ്ഞ ഈ സിനിമയ്ക്ക് തുടക്കം മുതൽ ഒടുക്കം വരെ പ്രേക്ഷകരെ പിടിച്ചിരുത്താൻ കഴിയുന്നുണ്ട്.

അഭിപ്രായങ്ങൾ പങ്കുവെക്കാൻ

Categories : #Action #Adventure #Alien_Fest #English #Sci_Fi

#MSone Release - 3273

#AlienFest - 03

Pacific Rim (2013)
പസഫിക് റിം (2013)

ഭാഷ: ഇംഗ്ലീഷ്
സംവിധാനം: Guillermo del Toro
പരിഭാഷ: ജിതിൻ ജേക്കബ് കോശി
പോസ്റ്റർ: ഉണ്ണി ജയേഷ്
ജോണർ: ആക്ഷൻ, അഡ്വഞ്ചർ, സയൻസ് ഫിക്ഷൻ

IMDb ⭐️ 6.9/10

ഗ്രഹാന്തരജീവനെക്കുറിച്ച് ആലോചിച്ച് നക്ഷത്രങ്ങളിലേക്ക് മിഴി നട്ടിരുന്ന മനുഷ്യന്റെ മുന്നിലേക്ക് അന്യഗ്രഹജീവികൾ കടന്നുകയറിയത് പസഫിക് സമുദ്രത്തിന്റെ അധോഭാഗങ്ങളിൽ നിന്നാണ്. കടലിന്റെ അടിത്തട്ടിലെ വിള്ളലിൽ നിന്ന് തുടരെത്തുടരെ ഭീമാകാരന്മാരായ കടൽസത്വങ്ങൾ കരയിലേക്ക് കേറി. ലക്ഷക്കണക്കിന് ജീവനുകൾ ആ കൈജുക്കളുടെ ആക്രമണത്തില്‍ പൊലിഞ്ഞു. പക്ഷേ തുടക്കത്തിലെ ഞെട്ടലിന് ശേഷം അവരെ എതിരിടാന്‍ രാജ്യങ്ങൾ ഒത്തുചേർന്ന് യന്ത്രഭീമന്മാരെ ഉണ്ടാക്കി. യേഗറുകൾ!

കൈജുക്കൾ വീണുതുടങ്ങി. യേഗറുകളെ നിയന്ത്രിക്കുന്ന പൈലറ്റുമാർ വീരനായകരായി. എന്നാല്‍ ആ വിജയത്തിന് അധികം ആയുസ്സുണ്ടായില്ല. അന്യഗ്രഹജീവികൾ മറുതന്ത്രം പയറ്റിയപ്പോൾ യേഗറുകൾക്കും കാലിടറി. അനിവാര്യമായ ലോകാവസാനം പടിക്കൽ നിൽക്കുന്ന ഈ വേളയിൽ ജിപ്സി ഡേഞ്ചറും മറ്റ് യേഗറുകളും അന്തിമയുദ്ധത്തിന് ഒരുങ്ങുകയാണ്. ഇത്തവണ കടലിൽ നിന്നുള്ള ഭീമന്മാരെ എന്നെന്നേക്കുമായി തുരത്തുന്നതിനൊപ്പം മനുഷ്യർക്ക് ചുരുളഴിക്കേണ്ടത്, കൈജുക്കളുടെ ആക്രമണത്തിന്റെ രഹസ്യം കൂടിയാണ്.

ത്രില്ലടിച്ച് കാണാവുന്ന മോൺസ്റ്റർ ആക്ഷൻ രംഗങ്ങളും അതിനൊപ്പം എടുത്തുനിൽക്കുന്ന രോമാഞ്ചമുണർത്തുന്ന പശ്ചാത്തലസംഗീതവും ഞെരിപ്പൻ ഗ്രാഫിക്സും, എല്ലാത്തിനുമുപരി ഗില്ലെർമോ ഡെൽ ടോറോ എന്ന പ്രശസ്തന്റെ സംവിധാനവും! പ്രതിസന്ധികളിൽ തളരാത്ത മനുഷ്യരാശിയുടെ പോരാട്ടമികവിന്റെയും ദൃഢനിശ്ചയത്തിന്റെയും പ്രതീകമാണ് ഈ സാങ്കല്പിക കഥാവിഷ്ക്കാരം.

അഭിപ്രായങ്ങൾ പങ്കുവെക്കാൻ

Categories : #Action #Adventure #Alien_Fest #English #Sci_Fi

#MSone Release - 3258

The Worst Evil [K-Drama] (2023)
ദ വേഴ്സ്റ്റ് ഓഫ് ഈവിൾ [കെ-ഡ്രാമ] (2023)

Episode - 11
എപ്പിസോഡ് - 11

ഭാഷ: കൊറിയൻ
സംവിധാനം: Han Dong Wook
പരിഭാഷ: ജീ ചാങ് വൂക്ക്
പോസ്റ്റർ: ഉണ്ണി ജയേഷ്
ജോണർ: ആക്ഷൻ, ക്രൈം, ഡ്രാമ

IMDb ⭐️ 8.5/10

തൊണ്ണൂറുകളിലെ ഗഗ്നത്തിനൊരു രക്തചരിതമുണ്ടായിരുന്നു. അവിടുത്തെ തെരുവുകളിൽ ചോരയുടെ ഗന്ധവും നിശാക്ലബുകളിൽ ലഹരിയുടെ ഉന്മാദവും ഒഴുകിയെത്തി. ആ നീരൊഴുക്കിന്റെ കേന്ദ്രം ഗഗ്നം യൂണിയനെന്ന ക്രൈം സിൻഡിക്കേറ്റായിരുന്നു. ജങ് ഗീ ചൂളെന്ന യുവാവ് അവന്റെയും കൂട്ടുകാരുടെയും കൈക്കരുത്ത് പണയം വച്ച് പടുത്തുയർത്തിയ ആ വിഷവൃക്ഷം ചൈന, ജപ്പാന്‍ തുടങ്ങിയ രാജ്യങ്ങളിൽനിന്ന് വെള്ളവും വളവും വലിച്ചെടുത്ത് ചുരുങ്ങിയ കാലം കൊണ്ട് തന്നെ മാനംമുട്ടെ പടർന്നുയർന്നു.

അങ്ങനെ കൊറിയൻ നിയമവ്യവസ്ഥയ്ക്ക് തീരാ തലവേദനയായ ഈ ഗ്യാങിൻ്റെ കമ്പും കാതലും മുറിക്കാൻ അവർ നിയോഗിച്ചതോ, കൊറിയയിലെ ഒരു കുഗ്രാമത്തിൽ വർഷങ്ങളായി പ്രമോഷൻ കിട്ടാതെ താഴ്ന്ന റാങ്കിൽ ജോലി ചെയ്യുന്ന പാർക്ക് ജുൻ മൂ എന്ന ഡിറ്റക്ടീവിനെ. ഉയർന്ന പോലീസ് ഉദ്യോഗസ്ഥരായ ഭാര്യ വീട്ടുകാരുടെ കുറ്റപ്പെടുത്തലുകളും കുത്തുവാക്കുകളും നോവിക്കാറുണ്ടെങ്കിലും തൻ്റെ ഇപ്പോഴത്തെ ജീവിതത്തിൽ അയാൾ സന്തോഷവാനായിരുന്നു.

എന്നാൽ ജീവിതത്തിലെ ഒരു പ്രത്യേക ഘട്ടത്തിൽ കൊറിയൻ പോലീസ് ചരിത്രത്തില്‍ അന്നുവരെ കേട്ടുകേൾവി പോലുമില്ലാത്ത ഈ അണ്ടർകവർ മിഷൻ ഏറ്റെടുക്കാൻ അയാള്‍ നിർബന്ധിതനാകുന്നു. അന്വേഷണത്തിന്റെ ഭാഗമായി, ആ മയക്കുമരുന്ന് സംഘത്തിൽ ചേർന്ന് ഇടപാടുകൾ കാണാനും, കേൾക്കാനും പങ്കാളിയാകാനും ജിൻ മൂവിന് അനുവാദമുണ്ട്, വിഷത്തിന്റെ പൂവും കായും വിടരുന്ന ആ മരത്തെ കടയോടെ വെട്ടുന്നത് വരെ!

എന്നാൽ ഒരു ആൾമാറാട്ടക്കാരനായി അവരോടൊപ്പം ഇരുട്ടിന്റെ പാതയിലൂടെ സഞ്ചരിക്കേണ്ടി വരുമ്പോൾ ഉള്ളിലെ വെളിച്ചത്തെ കെടുത്തിക്കളയാൻ ജുൻ മൂ നിർബന്ധിതനാകുന്നു. അങ്ങനെ നന്മയിൽ നിന്ന് തിന്മയിലേക്കുള്ള ദൂരം നേർത്തുനേർത്ത് ഒടുവിലത് തിന്മകൾ തമ്മിലുള്ള യുദ്ധമായി പരിണമിക്കുന്നു. തന്റെ രഹസ്യദൗത്യത്തിൽ പാർക്ക് ജുൻ മൂ നേരിടേണ്ടി വരുന്ന വെല്ലുവിളികൾ എന്തൊക്കെയാവും? കാത്തിരുന്നു കാണാം.

അഭിപ്രായങ്ങൾ പങ്കുവെക്കാൻ

Categories : #Action #Crime #Drama #Korean #Web_Series

#MSone Release - 3258

The Worst Evil [K-Drama] (2023)
ദ വേഴ്സ്റ്റ് ഓഫ് ഈവിൾ [കെ-ഡ്രാമ] (2023)

Episode - 12
എപ്പിസോഡ് - 12

ഭാഷ: കൊറിയൻ
സംവിധാനം: Han Dong Wook
പരിഭാഷ: ജീ ചാങ് വൂക്ക്
പോസ്റ്റർ: ഉണ്ണി ജയേഷ്
ജോണർ: ആക്ഷൻ, ക്രൈം, ഡ്രാമ

IMDb ⭐️ 8.5/10

തൊണ്ണൂറുകളിലെ ഗഗ്നത്തിനൊരു രക്തചരിതമുണ്ടായിരുന്നു. അവിടുത്തെ തെരുവുകളിൽ ചോരയുടെ ഗന്ധവും നിശാക്ലബുകളിൽ ലഹരിയുടെ ഉന്മാദവും ഒഴുകിയെത്തി. ആ നീരൊഴുക്കിന്റെ കേന്ദ്രം ഗഗ്നം യൂണിയനെന്ന ക്രൈം സിൻഡിക്കേറ്റായിരുന്നു. ജങ് ഗീ ചൂളെന്ന യുവാവ് അവന്റെയും കൂട്ടുകാരുടെയും കൈക്കരുത്ത് പണയം വച്ച് പടുത്തുയർത്തിയ ആ വിഷവൃക്ഷം ചൈന, ജപ്പാന്‍ തുടങ്ങിയ രാജ്യങ്ങളിൽനിന്ന് വെള്ളവും വളവും വലിച്ചെടുത്ത് ചുരുങ്ങിയ കാലം കൊണ്ട് തന്നെ മാനംമുട്ടെ പടർന്നുയർന്നു.

അങ്ങനെ കൊറിയൻ നിയമവ്യവസ്ഥയ്ക്ക് തീരാ തലവേദനയായ ഈ ഗ്യാങിൻ്റെ കമ്പും കാതലും മുറിക്കാൻ അവർ നിയോഗിച്ചതോ, കൊറിയയിലെ ഒരു കുഗ്രാമത്തിൽ വർഷങ്ങളായി പ്രമോഷൻ കിട്ടാതെ താഴ്ന്ന റാങ്കിൽ ജോലി ചെയ്യുന്ന പാർക്ക് ജുൻ മൂ എന്ന ഡിറ്റക്ടീവിനെ. ഉയർന്ന പോലീസ് ഉദ്യോഗസ്ഥരായ ഭാര്യ വീട്ടുകാരുടെ കുറ്റപ്പെടുത്തലുകളും കുത്തുവാക്കുകളും നോവിക്കാറുണ്ടെങ്കിലും തൻ്റെ ഇപ്പോഴത്തെ ജീവിതത്തിൽ അയാൾ സന്തോഷവാനായിരുന്നു.

എന്നാൽ ജീവിതത്തിലെ ഒരു പ്രത്യേക ഘട്ടത്തിൽ കൊറിയൻ പോലീസ് ചരിത്രത്തില്‍ അന്നുവരെ കേട്ടുകേൾവി പോലുമില്ലാത്ത ഈ അണ്ടർകവർ മിഷൻ ഏറ്റെടുക്കാൻ അയാള്‍ നിർബന്ധിതനാകുന്നു. അന്വേഷണത്തിന്റെ ഭാഗമായി, ആ മയക്കുമരുന്ന് സംഘത്തിൽ ചേർന്ന് ഇടപാടുകൾ കാണാനും, കേൾക്കാനും പങ്കാളിയാകാനും ജിൻ മൂവിന് അനുവാദമുണ്ട്, വിഷത്തിന്റെ പൂവും കായും വിടരുന്ന ആ മരത്തെ കടയോടെ വെട്ടുന്നത് വരെ!

എന്നാൽ ഒരു ആൾമാറാട്ടക്കാരനായി അവരോടൊപ്പം ഇരുട്ടിന്റെ പാതയിലൂടെ സഞ്ചരിക്കേണ്ടി വരുമ്പോൾ ഉള്ളിലെ വെളിച്ചത്തെ കെടുത്തിക്കളയാൻ ജുൻ മൂ നിർബന്ധിതനാകുന്നു. അങ്ങനെ നന്മയിൽ നിന്ന് തിന്മയിലേക്കുള്ള ദൂരം നേർത്തുനേർത്ത് ഒടുവിലത് തിന്മകൾ തമ്മിലുള്ള യുദ്ധമായി പരിണമിക്കുന്നു. തന്റെ രഹസ്യദൗത്യത്തിൽ പാർക്ക് ജുൻ മൂ നേരിടേണ്ടി വരുന്ന വെല്ലുവിളികൾ എന്തൊക്കെയാവും? കാത്തിരുന്നു കാണാം.

അഭിപ്രായങ്ങൾ പങ്കുവെക്കാൻ

Categories : #Action #Crime #Drama #Korean #Web_Series

#MSone Release - 3274

#AlienFest - 04

Paul (2011)
പോൾ (2011)

ഭാഷ: ഇംഗ്ലീഷ്
സംവിധാനം: Greg Mottola
പരിഭാഷ: ജിതിൻ ജേക്കബ് കോശി
പോസ്റ്റർ: ഉണ്ണി ജയേഷ്
ജോണർ: ആക്ഷൻ, അഡ്വഞ്ചർ, കോമഡി

IMDb ⭐️ 6.9/10

ഏരിയ 51. കഥകളെ വെല്ലും നിഗൂഢതകൾ നിറഞ്ഞയിടം. ഭൂമിയില്‍ തകര്‍ന്നുവീണ ഒരു പറക്കുംതളിക അവിടെയാണ് സൂക്ഷിച്ചിരിക്കുന്നതെന്നും, ഇപ്പോഴവിടം അന്യഗ്രഹ സാങ്കേതിക വിദ്യയെക്കുറിച്ച് ഗവേഷണം നടത്തുന്ന ഇടമാണെന്നും, അമേരിക്കയുടെ ഒരു രഹസ്യ ഭൂഗര്‍ഭ സൈനിക കേന്ദ്രമാണെന്നും ഒക്കെ വിശ്വസിക്കുന്നവരുണ്ട്. നിങ്ങളൊരു സത്യാന്വേഷിയാണോ? അല്ലെങ്കില്‍ സാഹസികതകൾ ഇഷ്ടപ്പെടുന്നവനാണോ? എങ്കിൽ എരിയ 51 നിങ്ങളുടെ ബക്കറ്റ് ലിസ്റ്റിൽ ഇടാം.

അത്തരത്തില്‍ ഇംഗ്ലണ്ടിൽ നിന്നുള്ള മധ്യവയസ്കരായ രണ്ട് ഫാൻബോയ്സ് അവരുടെ ബക്കറ്റ് ലിസ്റ്റിലുണ്ടായിരുന്ന ഏരിയ 51 സന്ദർശിക്കാൻ നെവാഡ മരുഭൂമിയില്‍ എത്തിയതാണ്. അവിടെ വെച്ചാണ് അവർ ഗവൺമെന്റ് കസ്റ്റഡിയിൽനിന്ന് രക്ഷപ്പെട്ട് ഓടിവരുന്ന പോൾ എന്ന വിടുവായനായ ഒരന്യഗ്രഹജീവിയെ കാണുന്നത്. അവന്റെ നിസ്സഹായവസ്ഥയിൽ ഈ ബ്രിട്ടീഷുകാർ അവനെ സ്വന്തം ഗ്രഹത്തിലെത്താൻ സഹായിക്കാമെന്ന് അരമനസ്സോടെ സമ്മതിക്കുന്നു. അങ്ങനെ ഗവൺമെന്റ് ഏജന്റുകളുടെയും ഒരു മതഭ്രാന്തന്റെയും കൈയില്‍ പെടാതെ ഒരു ക്യാരവാനിൽ അവർ നെട്ടോട്ടമോടുകയാണ്.

രസകരമായ സംവാദങ്ങളും പോപ്പ്-കൾച്ചർ റഫറന്‍സുകളും, ഏലിയനും അവന്റെ സഹയാത്രികരും തമ്മിലുള്ള ഊഷ്മളമായ സൗഹൃദത്തിന്റെ കഥയും പറയുന്ന ഈ രസികൻ റോഡ് മൂവി പക്ഷേ കുട്ടികള്‍ക്ക് വെച്ച് കൊടുക്കാതിരിക്കുക. അവർ കാണാന്‍ പാടില്ലാത്ത രംഗങ്ങളൊന്നും ഇല്ലെങ്കിലും കേൾക്കാൻ പാടില്ലാത്ത സംഭാഷണങ്ങൾ ഏറെയുണ്ട്. പക്ഷേ പ്രായപൂർത്തിയായവർക്ക് ഇതൊരു വിരുന്ന് തന്നെയാകും.

അഭിപ്രായങ്ങൾ പങ്കുവെക്കാൻ

Categories : #Action #Adventure #Alien_Fest #Comedy #English

#MSone Release - 3275

#AlienFest - 05

Slither (2006)
സ്ലിതർ (2006)

ഭാഷ: ഇംഗ്ലീഷ്
സംവിധാനം: James Gunn
പരിഭാഷ: ജിതിൻ ജേക്കബ് കോശി
പോസ്റ്റർ: ഉണ്ണി ജയേഷ്
ജോണർ: കോമഡി, ഹൊറർ, സയൻസ് ഫിക്ഷൻ

IMDb ⭐️ 6.5/10

പ്രശസ്ത സംവിധായകനായ ജയിംസ് ഗണ്ണിന്റെ 2006-ൽ പുറത്തിറങ്ങിയ അദ്ദേഹത്തിന്റെ പ്രഥമ സംവിധാന സംരംഭമാണ് സ്ലിതർ. സൗത്ത് കരോലിനയിലെ ചെറുപട്ടണത്തിലൊരു ഉൽക്ക വന്ന് പതിക്കുന്നതും അതിൽ നിന്നൊരു പരാന്നഭോജി പുറത്തിറങ്ങി ഒരു മനുഷ്യനിൽ പ്രവേശിക്കുന്നതുമാണ് ചിത്രത്തിന്റെ ആരംഭം. തുടര്‍ന്ന് അത് ആ പട്ടണത്തിലെ മറ്റ് മനുഷ്യരെയും കൈയടക്കി ചിലരെ പ്രജനനത്തിന് വേണ്ടിയും ചിലരെ ഭക്ഷണത്തിനുവേണ്ടിയും ബാക്കിയുള്ളവരെ അതിന്റെ ആജ്ഞകൾ നിറവേറ്റാനുള്ള മാംസക്കൊതിയന്മാരായ സോമ്പികളാക്കിയും മാറ്റുന്നു.

അങ്ങനെ മനുഷ്യരുടെയും മൃഗങ്ങളുടെയും ശവപ്പറമ്പായ ഈ പട്ടണത്തിലെ പൊലീസ് ചീഫും രക്ഷപ്പെട്ട മറ്റുള്ളവരും അന്യഗ്രഹത്തിൽനിന്ന് വന്നയീ ഭീകരനെ തുടച്ചുനീക്കാൻ ശ്രമങ്ങൾ നടത്തുന്നു. ഹൊററും ഡാർക്ക് ഹ്യൂമറും ഇടകലർത്തി തികഞ്ഞ കൈയടക്കത്തോടെയാണ് സംവിധായകന്‍ ചിത്രം ഒരുക്കിയിരിക്കുന്നത്. അതുകൊണ്ട് ഈ രണ്ട് ജോണറും ഇഷ്ടപ്പെടുന്നവർക്കിടയിൽ ഒരു കൾട്ട് പദവി സ്ലിതർ നേടിയിട്ടുണ്ട്. ഹ്യൂമറിനൊപ്പം ഭയപ്പെടുത്തുന്നതും ഒപ്പം അസ്വസ്ഥതയുണ്ടാക്കുന്നതുമായ ചില രംഗങ്ങള്‍ കടന്നുവരുന്ന ഈ സിനിമയുടെ ആർട്ട് ഡയറക്ഷനും മേക്കപ്പും ഗ്രാഫിക്സും ഇതിന് കിട്ടുന്ന പ്രശംസയിൽ നല്ലൊരു പങ്ക് വഹിച്ചിട്ടുണ്ട്.

അഭിപ്രായങ്ങൾ പങ്കുവെക്കാൻ

Categories : #Alien_Fest #Comedy #English #Horror #Sci_Fi

#MSone Release - 3276

#AlienFest - 06

Battle Los Angeles (2011)a
ബാറ്റിൽ ലോസ് ആഞ്ചലസ്‌ (2011)

ഭാഷ: ഇംഗ്ലീഷ്
സംവിധാനം: Jonathan Liebesman
പരിഭാഷ: അരുൺ അശോകൻ
പോസ്റ്റർ: ഉണ്ണി ജയേഷ്
ജോണർ: ആക്ഷൻ, അഡ്വഞ്ചർ, സയൻസ് ഫിക്ഷൻ

IMDb ⭐️ 5.7/10

മിക്ക ഏലിയൻ കടന്നാക്രമണ സിനിമകളും രക്ഷകരായി സൂപ്പർ ഹീറോസിനെയോ അല്ലെങ്കിൽ അവസരത്തിനൊത്ത് ഉയരുന്ന സാധാരണക്കാരെയോ അവതരിപ്പിച്ച് നമ്മെ വിസ്മയിപ്പിച്ചിട്ടുണ്ട്. എന്നാല്‍ യഥാര്‍ത്ഥത്തിൽ അന്യഗ്രഹജീവികളുടെ ആക്രമണമുണ്ടായാൽ, നമ്മുടെ രക്ഷയ്ക്ക് ആദ്യമെത്തുന്നവർ ആരാകും? അവർ തന്നെയാണ് ഈ സിനിമയിലെ നായകർ. സൈന്യം!

ഒരു മിഷനിടയിൽ തന്റെ കീഴിലുണ്ടായിരുന്ന എല്ലാവരും നഷ്ടമായതിന്റെ ട്രോമയിൽ സൈന്യത്തിൽ നിന്ന് വിരമിക്കാനിരിക്കുകയാണ് മൈക്കിൾ നാന്റ്സ്. അപ്പോഴാണ് ലോകമെമ്പാടും ഒരു ഉൽക്കാവർഷമുണ്ടാകുന്നത്. അതൊരു ഏലിയൻ ആക്രമണമാണെന്ന് തിരിച്ചറിയാന്‍ ഏറെ താമസമുണ്ടായില്ല. പല നഗരങ്ങളും കീഴടക്കിയ അന്യഗ്രഹജീവികൾ ലോസ് ആഞ്ചലസും പിടിക്കുമെന്ന ഘട്ടത്തിൽ ആണവായുധം പ്രയോഗിക്കാൻ ഗവണ്‍മെന്റ് നിർബന്ധിതരാകുന്നു.

എന്നാൽ അവിടെയൊരു കെട്ടിടത്തിൽ ഏതാനും സാധാരണക്കാർ കുടുങ്ങിക്കിടക്കുകയാണ്. അവിടം ചുട്ടുചാമ്പലാക്കുന്നതിന് മുമ്പ് അവരെ രക്ഷിച്ച് കൊണ്ടുവരാനുള്ള ദൗത്യം നാന്റ്സിലും അയാളുടെ ബറ്റാലിയനിലും ഭരമേൽപ്പിക്കപ്പെടുന്നു. സ്വന്തം കീഴ്ജീവനക്കാർക്ക് പോലും അയാളുടെ നേതൃത്വത്തില്‍ സന്ദേഹമുള്ളപ്പോൾ അവരുടെ വിശ്വാസമാർജ്ജിച്ച് അന്യഗ്രഹജീവികളുടെ സേനയെ എതിരിട്ട് ആ സാധാരണക്കാരെ സുരക്ഷയുടെ തണലിലെത്തിക്കാൻ അയാൾക്ക് കഴിയുമോ?

അഭിപ്രായങ്ങൾ പങ്കുവെക്കാൻ

Categories : #Action #Adventure #Alien_Fest #English #Sci_Fi

#MSone Release - 3264

Loki Season 2 (2023)
ലോകി സീസൺ 2 (2023)

Episode - 05
എപ്പിസോഡ് - 05

ഭാഷ: ഇംഗ്ലീഷ്
സംവിധാനം: Justin Benson, Aaron M,
Dan DeLeeuw & Kasra Farahani
പരിഭാഷ: ഫഹദ് അബ്ദുൽ മജീദ്
പോസ്റ്റർ: പ്രവീൺ അടൂർ
ജോണർ: ആക്ഷൻ, അഡ്വഞ്ചർ, ഫാന്റസി

IMDb ⭐️ 8.2/10

ഇൻഫിനിറ്റി വാറിൽ ഒരു ഞൊടി കൊണ്ട് താനോസ് പല പ്രധാന സൂപ്പർ ഹീറോസിനെ അടക്കം പ്രപഞ്ചത്തിലെ 50% ജീവികളെയും പൊടിയാക്കി ഇൻഫിനിറ്റി സ്റ്റോണുകളും നശിപ്പിച്ചു കളഞ്ഞു. നഷ്ടപ്പെട്ടവരെ തിരിച്ചു കൊണ്ടുവരാൻ വീണ്ടും ഇൻഫിനിറ്റി സ്റ്റോണുകൾ എല്ലാം തേടി കണ്ടെത്താനായി അവഞ്ചേഴ്‌സ് ഭൂതകാലത്തിലേക്ക് പുറപ്പെട്ടു. ടെസ്സറാക്റ്റ് എന്ന ഇൻഫിനിറ്റി സ്റ്റോൺ 2012 ൽ ന്യൂയോർക്കിൽ നിന്ന് എടുക്കാൻ ശ്രമിക്കുന്നു. എന്നാൽ കാര്യങ്ങൾ വിചാരിച്ച പോലെ നടക്കുന്നില്ല. ടെസ്സറാക്റ്റ് അഥവാ സ്‌പേസ് സ്റ്റോൺ 2012 ൽ അവിടെ ഉണ്ടായിരുന്ന ലോകിക്ക് കിട്ടുകയും ലോകി അതുംകൊണ്ട് കടന്നുകളയുകയും ചെയ്യുന്നു. പിന്നീട് അവഞ്ചേഴ്‌സ് 1970 ലേയ്ക്ക് പോയി ടെസ്സറാക്റ്റ് കണ്ടുപിടിക്കുകയും അവരുടെ മിഷൻ പൂർത്തിയാക്കുകയും ചെയ്യുന്നു.

2012 ൽ നിന്ന് ടെസ്സറാക്റ്റുമായി രക്ഷപ്പെട്ട ലോകി എവിടെപ്പോയി?

അതിനുള്ള ഉത്തരമാണ് ലോകി എന്ന സീരീസ് തരുന്നത്. ടെസ്സറാക്റ്റും കൊണ്ട് രക്ഷപ്പെട്ട ലോകിയെ TVA എന്ന ഒരു സംഘം അറസ്റ്റ് ചെയ്ത് ടൈംലൈനിൽ മാറ്റം വരുത്തിയതിന് പിടിച്ചുകൊണ്ട് പോയി വിചാരണ ചെയ്യുന്നതിൽ നിന്നാണ് ലോകി ആരംഭിക്കുന്നത്.

അഭിപ്രായങ്ങൾ പങ്കുവെക്കാൻ

Categories : #Action #Adventure #English #Fantasy #MarvelFest

#MSone Release - 3277

#AlienFest - 07

Signs (2002)
സൈൻസ് (2002)

ഭാഷ: ഇംഗ്ലീഷ്
സംവിധാനം: M. Night Shyamalan
പരിഭാഷ: ജിതിൻ ജേക്കബ് കോശി
പോസ്റ്റർ: ഉണ്ണി ജയേഷ്
ജോണർ: ഡ്രാമ, മിസ്റ്ററി, സയൻസ് ഫിക്ഷൻ

IMDb ⭐️ 6.8/10

നിങ്ങളുടെ വീടിന് ചുറ്റും ഏക്കറിന് കണക്കിന് പരന്നുകിടക്കുന്ന ഒരു ചോളപ്പാടമുണ്ട്. ഒരുദിവസം നിങ്ങൾ എഴുന്നേറ്റ് നോക്കുമ്പോൾ വലിയ വൃത്തത്തിലും മറ്റും ചോളങ്ങൾ നശിപ്പിച്ച് ഇട്ടിരിക്കുന്നു. അതും നല്ല വലിപ്പത്തിലും ഭംഗിയിലും. ആകാശത്ത് നിന്ന് നോക്കിയാല്‍ ഇതൊരു പ്രത്യേക ഡിസൈനായിട്ട് തോന്നും. പക്ഷേ ആരാണിത് ചെയ്തത്? എന്തായാലും ഒരൊറ്റ രാത്രി കൊണ്ട് ഇത്രയും വലിയൊരു അടയാളമുണ്ടാക്കാൻ മനുഷ്യന് ഒരിക്കലും പറ്റില്ല.

അപ്പോൾ പിന്നെയീ വിളവൃത്തങ്ങൾക്ക് പിന്നിൽ അന്യഗ്രഹജീവികളായിരിക്കുമോ? എന്താണ് ഇതിന്റെ ഉദ്ദേശ്യം? മനുഷ്യരാശിയ്ക്ക് വരാൻ പോകുന്ന ആപത്തിന്റെ സൂചനയാണോ ഇത്? മുമ്പേ തന്നെ ദൈവവിശ്വാസം നഷ്ടപ്പെട്ടിരുന്ന ആ പുരോഹിതനും അയാളുടെ കുടുംബവും വരാനിരിക്കുന്ന അനർത്ഥത്തെ നേരിടാന്‍ ഒരുങ്ങിക്കഴിഞ്ഞു.

എഴുപതുകളുടെ അവസാനം പ്രത്യക്ഷപ്പെട്ട, ലോകത്ത് ഇന്നും ചൂടേറിയ ചർച്ചാവിഷയമായി തുടരുന്ന, വിളവൃത്തങ്ങളെ അടിസ്ഥാനമാക്കി എം. നൈറ്റ് ശ്യാമളൻ സംവിധാനം ചെയ്ത ഈ സിനിമ അദ്ദേഹത്തിന്റെ വലിയ ഹിറ്റുകളിൽ ഒന്നായിട്ടാണ് വിശേഷിക്കപ്പെടുന്നത്. വിശ്വാസത്തെയും ശാസ്ത്രത്തെയും ഒരുപോലെ ചേർത്തുപിടിക്കാൻ ശ്രമിക്കുന്ന ഇതിലെ സാരാംശം, നമ്മുടെ ജീവിതത്തിലെ ദുരിതങ്ങളെ മറ്റൊരു രീതിയില്‍ നോക്കിക്കാണാൻ പ്രേരിപ്പിക്കുമെന്നതിൽ സംശയമില്ല.

അഭിപ്രായങ്ങൾ പങ്കുവെക്കാൻ

Categories : #Alien_Fest #Drama #English #Mystery #Sci_Fi