#Msone Release - 3449

Snow is on the Sea / സ്നോ ഈസ് ഓണ്‍ ദ സീ (2015)

എംസോൺ റിലീസ് – 3449

പോസ്റ്റർ : നിഷാദ് ജെ എന്‍

ഭാഷ | കൊറിയന്‍
------------------------------
സംവിധാനം | Jeong-kwon Kim
------------------------------
പരിഭാഷ | സജിത്ത് ടി. എസ്
------------------------------
ജോണർ | ഡ്രാമ, റൊമാന്‍സ്‌

Drama, Korean, Romance

IMDb ⭐️ 6.7/10

Babo: Miracle Of Giving Fools, Ditto എന്നീ ചിത്രങ്ങളുടെ സംവിധായകനായ കിം ജോങ്-ക്വോനിന്റെ സംവിധാനത്തിൽ Park Hae-Jin, Lee Young-Ah എന്നിവർ അഭിനയിച്ച് 2015 ൽ പുറത്തിറങ്ങിയ ചിത്രമാണ് Snow Is On The Sea. പെർഫ്യൂമറായ സോൻ-മി ബോയ്ഫ്രണ്ടുമായി പിരിഞ്ഞതിന്റെ വിഷമത്തിൽ, വെള്ളമടിച്ച് നദി തീരത്ത് ഇരിക്കുകയാണ്. തൊട്ടപ്പുറത്ത് ഇരുന്ന് ഭക്ഷണം കഴിച്ച് കൊണ്ടിരുന്ന സാങ്-വൂവിന് സോൻ-മിയുടെ മ്യൂസിക് ബോക്സിൽ നിന്ന് കേട്ട പാട്ട് അവന് ഇഷ്ടമാവുന്നു. അവർ തമ്മിൽ ചെറിയ തെറ്റിദ്ധാരണ ഉണ്ടായതിനെ തുടർന്ന് സോൻ-മി തന്റെ മ്യൂസിക്ക് ബോക്സ്‌ മറന്ന് വെച്ച് പോവുകയാണ്. അതിന്മേൽ പേര് എഴുതി ഒട്ടിച്ച്ചിരുന്നതിനാൽ, അത് തിരികെ കൊടുക്കാൻ സാങ്-വൂ അവൾ ജോലി ചെയ്യുന്നിടത്തേക്ക് ചെല്ലുന്നു. ആ കണ്ടുമുട്ടലിന് ശേഷം ഇരുവരും പതിയെ പ്രണയത്തിലകപ്പെടുന്നു. എന്നാൽ അവനറിയാത്ത ഒരു രഹസ്യം അവൾക്കുണ്ടായിരുന്നു…

അഭിപ്രായങ്ങൾ പങ്കുവെക്കാൻ

Categories : #Drama #Korean #Romance

#Msone Release - 3450

Shark: The Beginning / ഷാർക്ക്: ദ ബിഗിനിങ്ങ് (2021)

എംസോൺ റിലീസ് – 3450

പോസ്റ്റർ : നിഷാദ് ജെ എന്‍

ഭാഷ | കൊറിയന്‍
------------------------------
സംവിധാനം | Johnny Chae
------------------------------
പരിഭാഷ | സജിത്ത് ടി. എസ്, അരവിന്ദ് കുമാർ
------------------------------
ജോണർ | ആക്ഷൻ, ഡ്രാമ

Action, Drama, Korean

IMDb 🌟 6.8/10


സമാധാനമായി പൊയ്ക്കൊണ്ടിരുന്ന ചാ വൂ സൊളിൻ്റെ ഹൈസ്‌കൂളിലേക്ക് ബോക്‌സറായ മറ്റൊരു വിദ്യാർത്ഥി ട്രാൻസ്ഫറായി വരുന്നു. അവനെ കണ്ട ചാ വൂ സൊൾ അക്ഷരാർഥത്തിൽ ഞെട്ടി, കാരണം ദുർബലനായ തന്നെ മിഡിൽ സ്കൂൾ പഠനകാലത്ത് നിരന്തരം ദേഹോപദ്രവം ഏൽപ്പിച്ച് സ്കൂൾ ബുള്ളിയിങിന് ഇരയാക്കിയ സോക് ചാനായിരുന്നു ആ പുതിയ വിദ്യാർത്ഥി. ഇവിടെയും ഗുണ്ടായിസം പുറത്തെടുത്ത സോക് ചാൻ വീണ്ടും വൂ സോളിനെ ലക്ഷ്യം വെയ്ക്കാൻ തുടങ്ങി. എന്നാൽ വൂ സൊളിന് പറ്റിയ കയ്യബദ്ധത്തെ തുടർന്ന് സോക് ചാന് ഒരു കണ്ണിൻ്റെ കാഴ്ച നഷ്ടമാകുകയും, ചാ വൂ-സോൾ ജുവനൈൽ ജയിൽ വാസത്തിന് അയക്കപ്പെടുകയും ചെയ്യുന്നു. അതേസമയം പരിക്കേറ്റതിനാൽ ബോക്സിംഗ് ഉപേക്ഷിക്കേണ്ടി വന്ന സോക് ചാൻ പ്രതികാരത്തിനായി അവൻ്റെ മടങ്ങി വരവിനായുള്ള കാത്തിരിപ്പിലായി. തിരിച്ച് ചെന്നാൽ തന്നെ കാത്തിരിക്കുന്നത് എന്താന്ന് നിശ്ചയമുള്ള വൂ സൊൾ ഇത്തവണ അങ്ങനെ വെറുതെ കീഴടങ്ങാൻ തയ്യാറായിരുന്നില്ല. ജയിലിൽ വെച്ച് മുൻ MMA ചാമ്പ്യനായ ജങ്ങ് ദോ-ഹ്യുനെ കണ്ടുമുട്ടിയ വൂ സോൾ പ്രത്യാക്രമണത്തിനുള്ള അടവുകൾ പരിശീലിക്കുന്നതിനുള്ള സഹായം അഭ്യർത്ഥിക്കുന്നു. തുടർന്നുള്ള നായകൻ്റെ അവസാന നിമിഷം വരെ പോരാടാൻ ഉറച്ച മനസ്സിൻ്റെയും ഉയർത്തെഴുന്നേൽപ്പിൻ്റെയും കഥ ഈ ആക്ഷൻ ചിത്രം പറയുന്നു. ലവ് സ്‌ട്രക്ക് ഇൻ സിറ്റി എന്ന സീരീസ് ഫെയിമായ കിം മിൻ സോക് നായകനായ എത്തിയ ചിത്രത്തിൽ സ്ക്വിഡ് ഗെയിം, മിഡ്നൈറ്റ്, വേഴ്‌സ്റ്റ് ഓഫ് ഈവിൾ തുടങ്ങിയ കൊറിയൻ സിനിമ സിരീസുകളിലൂടെ ശ്രദ്ധേയനായ വി ഹാ ജുനും ഒരു സുപ്രധാന വേഷത്തിൽ എത്തുന്നു. ചിത്രത്തിന് ഒരു മിനി സീരിസിൻ്റെ രൂപത്തിൽ രണ്ടാം ഭാഗത്തിനുള്ള അണിയറ ചർച്ചകളും സജീവമായി പുരോഗമിക്കുന്നുണ്ട്.

അഭിപ്രായങ്ങൾ പങ്കുവെക്കാൻ

Categories : #Action #Drama #Korean

#Msone Release - 3451

Shiri / ഷിരി (1999)

എംസോൺ റിലീസ് – 3451

പോസ്റ്റർ : നിഷാദ് ജെ എന്‍

ഭാഷ | കൊറിയന്‍
------------------------------
സംവിധാനം | Kang Je-kyu
------------------------------
പരിഭാഷ | വിഷ്ണു ഷാജി
------------------------------
ജോണർ | ആക്ഷൻ, ത്രില്ലർ

Action, Korean, Thriller

IMDb 🌟 6.5/10

1999-ൽ കാങ് ജെ-ഗ്യു സംവിധാനം ചെയ്ത സൗത്ത് കൊറിയൻ ആക്ഷൻ ത്രില്ലർ ചിത്രമാണ് “ഷിരി”. രണ്ടാം ലോകമഹായുദ്ധത്തിനു ശേഷം കൊറിയ, കമ്മ്യൂണിസ്റ്റ് നോർത്ത് (ഉത്തര കൊറിയ), ഡെമോക്രാറ്റിക് സൗത്ത് (ദക്ഷിണ കൊറിയ) എന്നീ രണ്ടു രാജ്യങ്ങളായി വിഭജിക്കപ്പെട്ടു.

1950-ൽ ഉത്തര കൊറിയ തുടങ്ങി വെച്ച യുദ്ധം താത്കാലികമായി നിർത്തിയെങ്കിലും ഏതു നിമിഷവും വീണ്ടും അണപൊട്ടി ഒഴുകാമെന്ന അവസ്ഥയിലാണ്. അതിന് തിരി കൊളുത്താൻ എന്നോണം ഉത്തര കൊറിയ 1992 ൽ, സ്പെഷ്യൽ ഫോഴ്സ് 8 എന്നൊരു സൈന്യത്തെ, കമാൻഡറായ പാർക്ക് മു-യങ്ങിൻ്റെ മേൽനോട്ടത്തിൽ വളർത്തിയെടുത്തു. ആ സൈന്യത്തിലെ കുറച്ചുപേരെ സ്ലീപ്പർ ഏജൻ്റുമാരായി ദക്ഷിണ കൊറിയയിലേക്ക് അയയ്‌ക്കുന്നു. അടുത്ത ആറ് വർഷത്തിനുള്ളിൽ ഒരു യുദ്ധം അഴിച്ചുവിടാനായി ദക്ഷിണ കൊറിയയിൽ സ്ഫോടനം നടത്തുകയായിരുന്നു അവരുടെ ലക്ഷ്യം.

സ്പെഷ്യൽ ഫോഴ്സ് 8 ലെ വനിതാ സ്‌നൈപ്പറായ ലീ ബാങ്-ഹീയെ കണ്ടെത്തുക എന്നതായിരുന്നു ദക്ഷിണ കൊറിയൻ രഹസ്യാന്വേഷണ ഏജൻ്റുമാരായ റ്യുവിന്റെയും, ലീയുടെയും പ്രധാന ധൗത്യം. പക്ഷേ, ഇവർക്ക് പിടികൊടുക്കാതെ ഹീ ഓരോ കൊലപാതകങ്ങൾ ചെയ്യുകയും, CTX എന്ന മാരകമായ ദ്രാവക സ്ഫോടകവസ്തു സ്പെഷ്യൽ ഫോഴ്സ് 8 മോഷ്ടിക്കുകയും ചെയ്യുന്നു. സ്പെഷ്യൽ ഫോഴ്സ് 8ന്റെ സ്ഫോടന പദ്ധതി തടഞ്ഞ് പാർക്ക് മു-യങ്ങിനെയും, ലീ ബാങ്-ഹീയെയും കീഴ്പ്പെടുത്താനുള്ള റ്യുവിന്റെയും, ലീയുടെയും ശ്രമങ്ങളാണ് “ഷിരി”.

ഒരു ആക്ഷൻ ചിത്രമായിട്ടും പ്രേക്ഷകരെ ഇമോഷണലി പിടിച്ചിരുത്താൻ പ്രധാന കഥാപാത്രങ്ങളായ Choi Min-sik, Han Suk-kyu, Yunjin Kim എന്നിവരുടെ പ്രകടനങ്ങൾക്കായിട്ടുണ്ട്. കൊറിയൻ ആക്ഷൻ പ്രേമികൾ നിർബന്ധമായും കണ്ടിരിക്കേണ്ട ചിത്രമാണ് “ഷിരി”

അഭിപ്രായങ്ങൾ പങ്കുവെക്കാൻ

Categories : #Action #Korean #Thriller

#Msone Release - 1523

Jojo Rabbit / ജോജോ റാബിറ്റ് (2019)

എംസോൺ റിലീസ് – 1523

പോസ്റ്റർ : നിഷാദ് ജെ.എൻ

ഭാഷ | ഇംഗ്ലീഷ്
------------------------------
സംവിധാനം | Taika Waititi
------------------------------
പരിഭാഷ | അജിത് ടോം
------------------------------
ജോണർ | കോമഡി, ഡ്രാമ, വാർ

Comedy, Drama, English, Oscar Fest 2020, War

IMDb 🌟 7.9/10

ഏറ്റവും നല്ല അവലംബിത തിരക്കഥയ്ക്കുള്ള ഓസ്കാർ അവാർഡിന്റെ പൊൻതിളക്കവുമായി ജോജോ റാബ്ബിറ്റ്. നാസി പശ്ചാത്തലത്തിലൂടെ 10 വയസ്സുകാരനായ ജോജോ എന്ന കുട്ടിയുടെ ചിന്തകളിലൂടെയും പ്രവർത്തികളിലൂടെയും ആണ് സിനിമ സഞ്ചരിക്കുന്നത്. ഹിറ്റ്ലറിന്റെ സേവകൻ ആവണം എന്നാണ് നാസി ഭക്തൻ ആയ ജോജോയുടെ ആഗ്രഹം. തന്റെ സാങ്കൽപ്പിക സുഹൃത്തായ അഡോൾഫ് ഹിറ്റ്ലറിന്റെ ഉപദേശങ്ങൾക്ക് അനുസരിച്ചാണ് അവന്റെ ജീവിതം. ആര്യന്മാരുടെ രക്തം ആണ് തന്റെ ഉള്ളിൽ ഉള്ളത് എന്ന് അഭിമാനത്തോടെ പറയുന്ന അവൻ മറ്റെല്ലാ നാസികളെ പോലെയും ജൂതന്മാരെ ഭൂമിയിൽ നിന്ന് തുടച്ചുനീക്കാൻ പ്രതിജ്ഞ എടുത്തവനാണ്. എന്നാൽ ഒരു ദിവസം കൊണ്ട് അവന്റെ ജീവിതം കീഴ്‌മേൽ മറിയുകയാണ്. അവന്റെ ജീവിതത്തിലെ പിന്നീടുള്ള മാറ്റങ്ങൾ ആണ് ചിത്രം പറയുന്നത്.

അഭിപ്രായങ്ങൾ പങ്കുവെക്കാൻ

Categories : #Comedy #Drama #English #Oscar_Fest_2020 #War

#Msone Release - 3452

O Brother, Where Art Thou? / ഓ ബ്രദർ, വേർ ആർട്ട് തൗ? (2000)

എംസോൺ റിലീസ് – 3452

MSONE GOLD RELEASE

പോസ്റ്റർ : നിഷാദ് ജെ എന്‍

ഭാഷ | ഇംഗ്ലീഷ്
------------------------------
സംവിധാനം | Joel Coen , Ethan Coen
------------------------------
പരിഭാഷ | അരുണ്‍കുമാര്‍ വി.ആര്‍.
------------------------------
ജോണർ | കോമഡി, ക്രൈം, ഡ്രാമ

Comedy, Crime, Drama, English, Msone Gold

IMDb 🌟 7.7/10

ഹോമറിന്റെ ‘ഒഡീസി’-യിൽ നിന്ന് പ്രചോദനം ഉൾക്കൊണ്ട് നർമ്മ രൂപത്തിൽ കോയൻ ബ്രദേഴ്‌സ് സംവിധാനം ചെയ്ത സിനിമയാണ് “ഓ ബ്രദർ, വേർ ആർട്ട് ദൗ?” . ജയിൽ ചാടി, ഒളിച്ചുവച്ചിരിക്കുന്ന നിധി എടുക്കാൻ പോകുന്ന മൂന്ന് കുറ്റവാളികളായ യുലിസസ് എവററ്റ് മക്ഗിൽ (ജോർജ് ക്ലൂണി), ഡെൽമർ ഒ’ഡൊണൽ (ടിം ബ്ലേക്ക് നെൽസൺ), പീറ്റ് (ജോൺ ടർട്ടുറോ) എന്നിവരിലൂടെയാണ് കഥ പുരോഗമിക്കുന്നത്. ഗ്രേറ്റ് ഡിപ്രഷൻ സമയത്തെ (1930-കള്‍) അമേരിക്കൻ സൗത്ത് (മിസിസിപ്പി) ആണ് പശ്ചാത്തലം. ഒഡീസി എന്ന മഹാകാവ്യത്തിൽ പ്രത്യക്ഷപ്പെടുന്ന സൈക്ലോപ്‌സിനേയും ദുർമന്ത്രവാദിനിയേയും അന്ധനായ പ്രവാചകനേയും എല്ലാം ഈ സിനിമയിൽ നർമ്മ രൂപത്തിൽ നിങ്ങൾക്ക് കാണാം.

അഭിപ്രായങ്ങൾ പങ്കുവെക്കാൻ

Categories : #Comedy #Crime #Drama #English #Msone_Gold

#Msone Release - 3453

Jeepers Creepers / ജീപ്പേഴ്സ് ക്രീപ്പേഴ്സ് (2001)

എംസോൺ റിലീസ് – 3453

പോസ്റ്റർ : അഷ്കര്‍ ഹൈദര്‍

ഭാഷ | ഇംഗ്ലീഷ്
------------------------------
സംവിധാനം | Victor Salva
------------------------------
പരിഭാഷ | അഷ്‌കർ ഹൈദർ
------------------------------
ജോണർ | ഹൊറര്‍, മിസ്റ്ററി

English, Horror, Mystery

IMDb 🌟 6.2/10

ട്രിഷും സഹോദരൻ ഡാരിയും അവധി ആഘോഷിക്കാനായി കോളേജിൽ നിന്നും വീട്ടിലേക്ക്‌ പോകുന്നു. വിജനമായ ഹൈവേയിലൂടെയുള്ള അവരുടെ യാത്രക്കിടയിൽ, ഒരു ട്രക്ക് അവരെ പിന്തുടരുകയും പിന്നീട് കടന്നുപോവുകയും ചെയ്യുന്നു. കുറച്ചു ദൂരം താണ്ടിയതിനുശേഷം അവരാ ട്രക്കിനെയും ഡ്രൈവറേയും ഉപേക്ഷിക്കപ്പെട്ട ഒരു പഴയ പള്ളിയുടെ അടുത്ത് വച്ച് കാണുന്നു. അവിടെയുള്ള ഭീകരമായ കുറേ രഹസ്യങ്ങൾ അവർ കണ്ടെത്തുന്നു. ഇത് മനസ്സിലാക്കിയ ഡ്രൈവർ അവരെ പിന്തുടരുകയും പിടികൂടാൻ ശ്രമിക്കുകയും ചെയ്യുന്നതിന്റെ ഇടയിലുള്ള ഭീകര സംഭവങ്ങളാണ് സിനിമയിൽ വിവരിക്കുന്നത്.

അഭിപ്രായങ്ങൾ പങ്കുവെക്കാൻ

Categories : #English #Horror #Mystery