#Msone Release - 3454

Mimosas / മിമോസാസ് (2016)

എംസോൺ റിലീസ് – 3454

പോസ്റ്റർ : നിഷാദ് ജെ എന്‍

ഭാഷ | അറബിക്
------------------------------
സംവിധാനം | Óliver Laxe
------------------------------
പരിഭാഷ | ബോയെറ്റ് വി ഏശാവ്
------------------------------
ജോണർ | അഡ്വഞ്ചർ, ഡ്രാമ, വെസ്റ്റേൺ

Adventure, Arabic, Drama, Western

IMDb 🌟 6.2/10

ഒലിവര്‍ ലാഷെയും സാൻ്റിയാഗോ ഫിളോലും(Santiago Fillol) ചേര്‍ന്ന് രചന നിര്‍വഹിച്ച് ഒലിവര്‍ ലാഷെ (Oliver Laxe) സംവിധാനം ചെയ്ത് 2016ല്‍ പുറത്തിറങ്ങിയ ചിത്രമാണ് മിമോസാസ്.

മരണാസന്നനായ ഷെയ്ഖിൻ്റെ ആഗ്രഹമാണ് സിജിൽമാസയിൽ അടക്കം ചെയ്യണമെന്നത്. ഇതിനായി അദ്ദേഹത്തിൻ്റെ ഭാര്യ ഒരു സംഘം ആളുകളെ നിയമിക്കുന്നു. അവരുമായി സിജിൽമാസയിലേക്ക് പുറപ്പെടുന്നു. യാത്രാമദ്ധ്യേ ഷെയ്ഖ് മരണപ്പെടുന്നു. ദൗത്യത്തിൽ നിന്ന് സംഘം പിന്മാറുന്നു. എന്നൽ ഈ ദൗത്യം കള്ളന്മാരായ അഹ്മെദും സയിദും ഏറ്റെടുക്കുന്നു. മറ്റൊരു സ്ഥലത്ത് ലോകത്തിൻ്റെയും ലോക സൃഷ്ടിയുടെയും കഥ പറയുന്ന ശകിബിനെ ഈ ദൗത്യം പൂർത്തീകരിക്കുന്നുണ്ടോ എന്ന് നോക്കുവാൻ ഏൽപ്പിക്കുന്നു.

2016ലെ കാന്‍ ഫിലിം ഫെസ്റ്റിവലിലെ നെസ്പ്രെസ്സോ ഗ്രാന്‍ഡ് പ്രൈസ് ഈ ചിത്രത്തിന് ലഭിച്ചു.
2017ലെ ബെംഗളൂരു അന്താരാഷ്ട്ര ചലച്ചിത്രോത്സവത്തില്‍ ഈ ചിത്രം ലോക-സിനിമാ വിഭാഗത്തില്‍ പ്രദര്‍ശിപ്പിച്ചു.

അഭിപ്രായങ്ങൾ പങ്കുവെക്കാൻ

Categories : #Adventure #Arabic #Drama #Western

#Msone Release - 1377

Deep Trap / ഡീപ് ട്രാപ് (2015)

എംസോൺ റിലീസ് – 1377

പോസ്റ്റർ : നിഷാദ് ജെ എന്‍

ഭാഷ | കൊറിയന്‍
------------------------------
സംവിധാനം | Kwon Hyeong-jin
------------------------------
പരിഭാഷ | റിയാസ് പുളിക്കൽ
------------------------------
ജോണർ | ക്രൈം, ത്രില്ലര്‍

Crime, Korean, Thriller

IMDb 🌟 5.5/10

മാതാപിതാക്കളാവാൻ സാധിക്കുന്നില്ലെന്ന മാനസിക സംഘർഷത്തിലൂടെ കടന്നുപോകുന്ന യുവദമ്പതികളായിരുന്ന ജുൻസികും സോയോനും അതിനെ മറികടക്കാനായി ഒരു യാത്ര പോകാൻ തീരുമാനിക്കുന്നു. അതിനായി കൊറിയയുടെ ഗ്രാമാന്തരത്തിലുള്ള ഒറ്റപ്പെട്ടുകിടക്കുന്ന, വലിയ ആൾതാമസമില്ലാത്ത ഒരു കൊച്ചു ദ്വീപിനെയായിരുന്നു അവർ തെരഞ്ഞെടുത്തത്. പാർക്കും അയാളുടെ സഹോദരി മിൻഹീയും നടത്തുന്ന സാന്മാരു എന്ന ചെറിയ റെസ്റ്ററന്റ് ആയിരുന്നു അവരുടെ ലക്ഷ്യം. അല്പകാലംകൂടി അവിടെ തങ്ങുകയാണെങ്കിൽ അവരുടെ പ്രശ്നം പരിഹരിക്കാൻ സഹായിക്കാമെന്ന് പാർക് അവർക്ക് വാക്ക് കൊടുക്കുന്നു. പക്ഷേ, ജോലിത്തിരക്കുള്ള ജുൻസികിനു അന്നുതന്നെ തിരിച്ചുപോയേ പറ്റുമായിരുന്നുള്ളൂ. എന്നാൽ, കണക്കുകൂട്ടലുകളെല്ലാം തെറ്റിച്ചു അവരുടെ കാർ കേടായതിനാൽ അന്ന് രാത്രികൂടി അവിടെ തങ്ങാൻ അവർ നിർബന്ധിതരാവുകയാണ്. ആ രാത്രി ആ ദ്വീപിന്റെ യഥാർത്ഥ സ്വരൂപം ആ ദമ്പതികളും കൂടെ നമ്മൾ പ്രേക്ഷകരും തിരിച്ചറിയാൻ പോവുകയാണ്…

അഭിപ്രായങ്ങൾ പങ്കുവെക്കാൻ

Categories : #Crime #Korean #Thriller

#Msone Release - 3455

No Other Land / നോ അദർ ലാൻഡ് (2024)

എംസോൺ റിലീസ് – 3455

പോസ്റ്റർ : നിഷാദ് ജെ എൻ

ഭാഷ | അറബിക്
------------------------------
സംവിധാനം | Yuval Abraham
Basel Adra
Hamdan Ballal
------------------------------
പരിഭാഷ | മുബാറക്. റ്റി. എൻ
------------------------------
ജോണർ | ഡോക്യുമെന്ററി

Arabic, Documentary

IMDb 🌟 8.3/10

പലസ്തീൻ വെസ്റ്റ് ബാങ്കിലെ ഗ്രാമമായ മസഫർ യത്തയിൽ ഇസ്രയേൽ നടത്തുന്ന അധിനിവേശവും, അക്രമങ്ങളും, അനീതികളും പ്രമേയമാക്കി പലസ്തീനിയൻ സംവിധായകൻ ബേസിൽ അദ്ര, ഇസ്രായേലി പത്രപ്രവർത്തകൻ യുവാൽ എബ്രഹാം, പലസ്തീനിയൻ ചലച്ചിത്ര നിർമ്മാതാവായ ഹമാൻ ബല്ലാൽ, ഇസ്രായേലി ഛായാഗ്രാഹകയും എഡിറ്ററുമായ റേച്ചൽ സോർ എന്നിവർ ചേർന്ന് നിർമ്മിച്ച ഡോക്യുമെൻ്ററിയാണ് നോ അദർ ലാൻഡ്.

പലസ്തീനിയായ അദ്രയും ഇസ്രായേലിയായ യുവാലും തമ്മിലുള്ള സംഭാഷണങ്ങളിലൂടെയും, തൻ്റെ 15 ആം വയസ്സ് മുതൽ ബേസിലും, മറ്റ് ഗ്രാമീണരും പകർത്തിയ അധിനിവേശ ദൃശ്യങ്ങളും ഇടകലർത്തിയാണ് ചിത്രം മുന്നോട്ട് പോകുന്നത്.

തങ്ങളുടെ ഗ്രാമം ഈ ഭൂമിയിൽ നിലനിന്നിരുന്നുവെന്ന സത്യത്തെ ലോകമെമ്പാടുമറിയിക്കാൻ, സത്യത്തിനായുള്ള തങ്ങളുടെ പോരാട്ടത്തെ, ചെറുത്തുനിൽപ്പിനെ അടയാളപ്പെടുത്താൻ, സിനിമയെന്ന ശക്തമായ മാധ്യമം വഴി നിർമ്മാതാക്കൾക്ക് സാധിച്ചിട്ടുണ്ടെന്ന് നിസ്സംശയം പറയാം.

ഇസ്രയേലിൽ നിന്നുള്ള നിയമവിരുദ്ധ കുടിയേറ്റക്കാർക്ക് വേണ്ടി, മസഫർ യത്തയിലെ ജനങ്ങളെ കുടിയൊഴിപ്പിക്കുന്ന ഇസ്രയേൽ സർക്കാരിൻ്റെ നീക്കത്തെ, തങ്ങളാൽ കഴിയുന്ന വിധം ചെറുക്കുന്ന ഗ്രാമീണരുടെ ശാരീരിക മാനസിക സംഘർഷങ്ങളും ചിത്രം ചർച്ച ചെയ്യുന്നുണ്ട്.
ബെർലിൻ ഫിലിം ഫെസ്റ്റിവൽ, യൂറോപ്യൻ ഫിലിം അവാർഡ്, അന്താരാഷ്ട്ര ഡോക്യുമെൻ്ററി ഫെസ്റ്റിവൽ, ഓസ്കാർ അവാർഡ് തുടങ്ങി എഴുപതോളം പുരസ്കാരങ്ങൾ ചിത്രം നേടുകയുണ്ടായി.

സ്വന്തം ഭൂമിയിൽ ജീവിക്കാനുള്ള അവകാശത്തിനായി പതിറ്റാണ്ടുകളായി കഷ്ടതകളനുഭവിക്കുന്ന ഒരു ജനതയുടെ പോരാട്ടത്തെ, മൈലുകൾക്ക് ഇപ്പുറത്ത് സുഖലോലുപരായി ഇരുന്നു കൊണ്ട് മതപരമായ വിഷയമായി വ്യാഖ്യാനിക്കുകയും, അതിലെ ജിയോ പൊളിറ്റിക്കൽ മാനങ്ങളെ സൗകര്യപൂർവ്വം മറക്കുകയും, അതു വഴി സമൂഹത്തിലെ വ്യത്യസ്ത വിഭാഗങ്ങൾക്കിടയിൽ വെറുപ്പും വിദ്വേഷവും വളർത്തുകയും ചെയ്യുന്ന പലരുടെയും കണ്ണുതുറപ്പിക്കുന്ന ഡോക്യുമെൻ്ററിയാണിത്.

അഭിപ്രായങ്ങൾ പങ്കുവെക്കാൻ

Categories : #Arabic #Documentary

#Msone Short Release - short80

Reckless / റെക്ലെസ് (2013)

എംസോൺ റിലീസ് – short80

പോസ്റ്റർ : അഷ്‌കർ ഹൈദർ

ഭാഷ | നോര്‍വീജിയന്‍
------------------------------
സംവിധാനം | Bjørn Erik Pihlmann Sørensen
------------------------------
പരിഭാഷ | അഷ്‌കർ ഹൈദർ
------------------------------
ജോണർ | ഷോര്‍ട്ട്, ഡ്രാമ

Drama, Norwegian, Short

IMDb 🌟 6.4/10

വേനൽക്കാലത്തെ ചൂടേറിയ ഒരു ദിവസത്തിൽ നടക്കുന്നൊരു സംഭവമാണ് ഈ കൊച്ചു സിനിമയുടെ ഇതിവൃത്തം. അച്ഛനും അമ്മയും ഒരു ദിവസത്തേക്ക് വീട്ടിൽ നിന്നും മാറി നിൽക്കേണ്ട സാഹചര്യമുണ്ടായപ്പോൾ, സോഫിയ്ക്ക്, മനസ്സില്ല മനസ്സോടെ അവളുടെ കൊച്ചു അനിയനായ മാഡ്സിനെ നോക്കേണ്ടതായി വരുന്നു. അവർ ഒരു പൂളിൽ കുളിക്കാൻ പോയി. അവിടെവെച്ച് 2 ആൺ കുട്ടികളെ പരിചയപ്പെടുന്നു. അതിനുശേഷം സംഭവിക്കുന്ന കാര്യങ്ങളാണ് പിന്നീടുള്ളത്. നഗ്ന രംഗങ്ങൾ ഉള്ളതിനാൽ പ്രായപൂർത്തിയായവർ മാത്രം കാണുക.

അഭിപ്രായങ്ങൾ പങ്കുവെക്കാൻ

Categories : #Drama #Norwegian #Short

Android app update is now available on play store. please update your app immediately to enjoy new look and functionality of app

Nb: ആപ്പിൽ വലിയ മാറ്റങ്ങൾ വരുത്തിയത് കാരണം ചിലർക്ക് ഓപൺ ആകാതെ വരും. App settings ൽ cache, data clear ചെയ്താൽ അത് ശരിയാകും.

പുതുക്കിയ വെബ്സൈറ്റിലെ മാറ്റങ്ങൾ വീഡിയോയിലൂടെ പരിചയപ്പെടാം.
https://odysee.com/@ibcomputing:1/msonesite:3

#Msone Shorts Release - short81 (Short)

Anuja (2024)
അനുജ (2024)

പരിഭാഷ: അഷ്‌കർ ഹൈദർ
പോസ്റ്റർ: അഷ്കർ ഹൈദർ

ഭാഷ: ഹിന്ദി
സംവിധാനം: Adam J. Graves
ജോണർ: ഡ്രാമ

IMDb : 6.6 (PG-13)

ആദം ജെ. ഗ്രേവ്സ് തിരക്കഥയും സംവിധാനവും നിർവ്വഹിച്ച് മികച്ച ലൈവ് ആക്ഷൻ ഷോർട്ട് ഫിലിം കാറ്റഗറിയിൽ ഓസ്കാർ നോമിനേഷൻ വരെ ലഭിച്ച, രണ്ട് സഹോദരിമാരുടെ കഥ പറയുന്ന, ഷോർട്ട് ഫിലിമാണ് അനുജ.

തുന്നൽകേന്ദ്രത്തിൽ ജോലി നോക്കുന്ന രണ്ട് അനാഥസഹോദരങ്ങളാണ് പാലക്കും അനുജത്തി അനുജയും. അനുജയുടെ ലോകം തന്നെ പാലക്കായിരുന്നു. ബാലവേലയുടെ തീക്കനലേറ്റ് ജീവിക്കാൻ മറന്ന രണ്ടുപേർ. പഠിക്കാൻ മിടുക്കിയായിട്ടും പഠനമുപേക്ഷിച്ച് സൂചിയുടെ മൂർച്ചയളക്കാൻ വിധിക്കപ്പെട്ട ഒരു പാവം പെൺകുട്ടി പാലക്ക്. അങ്ങനെയിരിക്കെ അനുജയുടെ ജീവിതത്തിലേയ്ക്ക് അപ്രതീക്ഷിതമായൊരു നിമിഷം കടന്നുവരികയാണ്, ഒരു തീരുമാനമെടുക്കാൻ അവൾ നിർബന്ധിതയാകുന്നു. ഒന്നുകിൽ സ്വപ്നം കണ്ടൊരു ലോകത്തേക്ക് ചിറകടിച്ചു പറന്നുയരാം, അങ്ങനെയെങ്കിൽ പാലക്കിൻ്റെ ലോകം നഷ്ടമാകും. അല്ലെങ്കിൽ ശിഷ്ടജീവിതവും കയ്പുനീരീറക്കി കഴിച്ചുകൂട്ടാം. തീരുമാനം അനുജയുടേത് മാത്രമാണ്.

അഭിപ്രായങ്ങൾ പങ്കുവെക്കാൻ