Айтпақшы, Алматыдамын.

Осы бейсенбі Digital Almaty форумына қатысамын. Мынау менің болатын панель сессиясы. Қызық болады деген ойдамын.

Сол үшін мені қалада көріп қалсаңыздар, таң қалмаңыздар 😄

Қатысу үшін: https://almatydigital.kz

Санжар Керімбай: өмірден мән іздеген жан / Narikbi LIVE #60

Подкастымыздың бүгінгі қонағы белгілі журналист, автор - Санжар Керімбай ағамыз. Санжар аға қазақ тілді "Отбасы хрестоматиясы" жинақтарының авторларының бірі. Одан бөлек "Яссауи феномені", "Сияр Шәріп", "Өмірге ғашық болу" кітаптарының авторы.

Бұл шығарылымда адам өмірінде мән іздеу, логотерапия, "өлім өнері" және т.б. тақырыптарын талқыладық.

https://youtu.be/8YBr6gxaGDI
https://youtu.be/8YBr6gxaGDI
https://youtu.be/8YBr6gxaGDI

Тайм-кодтар:
00:00 Тизер
02:30 Санжар Керімбай кім?
07:00 Бейсен және болмыс..
11:20 Кітап оқуға көмектесетін достарымыз
13:30 Логотерапияға қалай келдім?..
22:30 Бірінші рет қандай әсер алдым?
30:00 Суицид жасағысы келген келіншектің оқиғасы
41:00 Өмірден мәнді қалай іздейміз?
49:00 Елге қызмет ету арқылы мән іздеу
56:00 Неге мән таба алмаймыз?
01:00:00 Тағдыр және өлім өнері
01:03:00 Өлімнен қашқан адамның оқиғасы
01:16:30 Өлім тақырыбы неге қорқынышты?
01:25:30 Құдай мен сенімнің маңыздылығы
01:37:00 Қазақ қиссаның ерекшеліктері?
01:44:30 Араби сөздердің қазақшалануы
01:48:00 Блиц!

Салем достар,

Осы шығарылымның мен үшін орны өте ерекше. Санжар Керімбай ағамызбен подкастымызды шығару үшін бірнеше ай уақытымыз бен еңбегіміз кетті.

Біріншіден, Санжар аға қазіргі күні Түркия елінде тұрып жатыр, ал мен Амстердамда тұрамын. Бір уақытта кездесе алуымыздың өзі ерекше оқиға.

Екіншіден, осы подкастты көп жоспарлап, бірнеше кітап оқып шықтым. Ал монтажын бір аптадай жасадық.

Және ең бастысы, осы подкаст арқылы рухани депрессияда, кризиста жүрген, өз өмірінің мәнін іздеп жүрген адамдарға арнап жасағым келді.

Бәлки, осы жобада шыққан ең қызық эпизодтардың бірі шығар. Көріп, коммент жазып, бағалап жіберіңіздер. Ютубта алғашқы сағаттар өте маңызды.

Достар, жақында мен Forbes журналына сұхбат берген едім. Бүгін міне осы сұхбатымыз жарыққа шықты. Қазақстандағы IT мамандары, мен жұмыс істеген жобалар, әлемдік трендтер және т.б. жайлы сөйлестік.

Өте қызық әрі пайдалы шықты деген ойдамын. Бұл жолы орыс тілінде. Форбстың жақын арада қазақ тілді де контент жасай бастайтынына сенімдімін.

https://youtu.be/U-piv3GX2Kc

Осыдан 3 жыл бұрын қай жерге барсам да, Darkhan Juzz әндерін тыңдап, дәріптеп жүремін деп жазып едім. Ол әлі күнге дейін солай. Дарханның әндерін жатқа білемін.

Мен подкаст бастағалы бері Дарханды подкастқа біздің қонақ ретінде көргім келетін еді. Көз алдымызда Алматы көшелерінде, Арбатта ән айтып жүрген баланың, қазақ музыкасының легендасына айналғанын көрдік.

Біз кейінгі подкастта Санжар ағамен осы "өлім өнерін" көп талқылап едік. Былай қарасаң, біздің күнделікті проблемаларымыз, адамдарға реніштеріміздің бәрі біз кеткеннен кейін сондай түкке тұрмайтын, болмашы зат болып қалады. Бір бірімізді бағалай жүрейік.

Қош бол, легенда.

Мына постты шетелде тұрған адам түсінеді. Ұзақ уақыт жырақта жүргенде қазаққа ұқсайтын адамды көрген сайын ішіңнен "осы кісі қазақ секілді.." деп тұрады екенсің.

Солай ойланып тұрған кезіңде қарама қарсы кісі сізге тура солай қарап тұрса, ол да қазақ болғаны. Бірақ, барлық кезде емес. Кейде қырғыз бауырлар да болып шығады.

Жақында жұбайыммен Амстердамдағы техника дүкенінде тұрғанда бір кісіге көзім түсті. Қазақ-ау деп тұрмын, бірақ еш түр көрсетпедім. Солай тұрғанда ол кісі өзі келіп, жымиып: қазақсыңдар ма? - деді. Қазақ екенімізді білгенде: "Эй мен де қазақпын ғой. Міне таныс, жұбайым мен балаларым тұр" - деп ар жағында тұрған отбасысына көрсетті.

Алайда, сөйлеу ырғағын мен сөз саптауына мән бергенде, бізден өзгеше екенін байқадым. Сөйтсем, бұл Түркия қазақтары екен. Нидерландыда көптен бері тұрады. Ағаның есімі Аднан, 42 жаста екен.

Қызығы, Аднан аға әлі бірде бір рет Қазақстанда болмаған екен. Қазақ тілін тек әжем үйреткеннен соң білемін, бірақ ұмытып барамын дейді. Көбіне түрікше сөйлейді. Балалары да қазақша білмейді. Алайда, үйренгісі келеді.

Арамызда сондай жылу диалог болды. Ағаның қуанып тұрғаны білініп тұрды. Бір бірімізбен инстаграм, whatsapp алмасып, қонаққа да шақырып үлгердік.

Жалпы, шетелде біз көрмейтін осындай қазақ диаспоралары өте көп. Кезінде Қанат Бейсекей досым осы туралы көп деректі фильмдер түсіретін еді. Бұл адамдардың көбі тілін, тарихын ұмыта бастаса да, қазақ екенін ұмытпайды.

Наурыз секілді мерекелерімізде бас қосуға да болады. Қазақ тілі курстарын ұйымдастыруға да болады. Идея көп.

Айтпағым, бір біріміздің бауыр екенімізді елде емес, көбіне жырақта жүргенде түсінесің. Әр қазағым - жалғызым деп бекер айтпаған шығар..

Аңсаған Садирханов: комплекстер, әкемен қарым-қатынас және психология / Narikbi LIVE #61

Бүгін подкаст қонағы стендап комик - Аңсаған Садирханов. Бұл подкастта біз ата-анамен қарым қатынас, стендаптағы әзілдер, қазақ тілі және т.б. көптеген тақырыптарды қозғадық. Қарап, пікір қалдырып, достарыңызбен бөлісіп қойыңыздар.

https://youtu.be/h_v1a5qkbWk
https://youtu.be/h_v1a5qkbWk
https://youtu.be/h_v1a5qkbWk

Салем достар, бүгін подкастты жасау маған ерекше көңіл күй сыйлады.

Аңсаған - менің қазақ стендапына деген көзқарасты өзгерткен адамдардың бірегейі. Бірінші шығарылымнан-ақ өмірінің көбі айта алмайтын тұстарын айтып, комплекстерді қалай жеңе алуға болатынын көрсетіп келеді. Жақсы көңіл күймен қарап шығып, пікір жазып, достарыңызбен бөлісіп қойыңыздар.

Ютубта алғашқы сағаттар өте маңызды. Рахмет.

Күні кеше Оскар өтіп, осы кино барлық номинацияларды ұтты десе болады. Өзім де солай ойлап едім. Ұтпаса - кино әлеміне әділетсіздік болар еді.

Әлі көрмесеңіздер, көруге кеңес беремін. Өзім де қайта қарағым келіп жүр осыны.

Айтпақшы, мүмкін болса түп нұсқада, яғни ағылшынша қараңыздар. Басқаша experience аласыздар.

ChatGPT

Қазіргі ең хайп тақырыптардың бірі осы ChatGPT шығар. Бұл AI технологиясының индустрияны біраз өзгертетіні сөзсіз. Көп компаниялар өздерінің приоритеттерін өзгертуде. Біздің компания да солардың қатарында.

Осыған байланысты адамдар көбіне, бұл біздің жұмыстарымызды алып қоймай ма? жұмыссыз қалмаймыз ба? - деп сұрап жатады. Шын айтсам, бұл сұрақтардың жауабын әлі ешкім білмейді.

Алайда, маған қызық жері мынау. ChatGPT-ға қандай сұрақ қойсаң, сондай жауап аласың. Яғни, сұрағың қаншалықты сапалы әрі терең болса, сәйкесінше сондай тұшымды жауап ала аласың. Бұл кері қарай да жұмыс істейді. Түсініксіз сұраққа, тура сондай түсініксіз жауап аласың.

Бұл бір қағидаға алып келеді. Біз сұрақты қояды білуіміз керек. Ал бұл - өте оңай емес жұмыс. Тіпті, қазір батыс нарығындағы компаниялар ChatGPT Prompter деген позицияны, яғни ChatGPT-ге дұрыс сұрақ қоя алатын адамдарды іздеуде.

Ойланып қараңызшы, технология қанша дамыса да, біз дұрыс сұрақ қоя алмасақ, бұдан еш пайда жоқ. Дұрыс сұрақ қойған адам, жауаптың 90% біледі деп айтады ғой. Тіпті, Құранда Ибрахим және басқа да пайғамбарлардың өз қауымына дұрыс сұрақ қою арқылы ойландырғаны келтірілген.

Ал бізге дұрыс сұрақ қою неге маңызды? Өйткені, дұрыс және нақты сұрақтарды тек өзі ізденісте жүрген адам ғана қоя алады. Сол үшін, жұмыссыз қалмас үшін, бізге әрқашан ізденісте жүру қажет.

Бұл бұрыннан келе жатқан қағида болса да, 2023 жылы өте өзекті болып тұр. Айтарым осы.

Overcommitment

Тайм менеджментте біз көбіне уақытты тиімді қолдану деп түсінеміз. Ол дұрыс, алайда бұл оның бір-ақ тұсы ғана. Жалпы, тиімділік - ол мақсат емес, құрал деп қана түсіну қажет.

Ал негізгі мақсат - ол бір нәтижеге жету. Егер сіз ешқандай тайм менеджмент, agile, помодоро, т.б секілді құралдарсыз жақсы нәтижеге жетіп жатсаңыз, онда сізге олардың қажеті де жоқ шығар.

Бұл жердегі ең маңыздысы - дұрыс мақсат қоя білу. Қызығы, біз ең көбіне осы жерден шалынамыз. Сіз өте тиімді жұмыс істеп, мақсатты дұрыс қоя алмасаңыз, жұмысыңыз зая кетуі мүмкін.

Айтайық, сіз дұрыс мақсат қойдыңыз. Бірақ, 24 сағат күніңіздің қанша сағатын осыған арнамақшысыз? Егер 8 сағат ұйқыға кетеді деп алсақ, 16 сағат қалды. Жұмыс істесеңіз оның 8 сағаты жұмысқа кетеді.

Спорт - 1,5 сағат, ағышлын үйрену 1 сағат, Құран оқу 30 мин делік. Әлі де 5 сағат бар. Отбасымен уақыт өткіземіз (кешкі ас) - 2 сағат. Тағы, сіз жаңадан жұмысыңызға байланысты 2 курс оқуыңыз керек. Әрқайсысына 2 сағаттан керек.

Байқадыңыз ба, біз 24 сағаттан асып кеттік. Біз тағы әлеуметтік желіні (insta, tiktok, youtube), жолдағы кептелісті қоспадық. Осыны overcommitment, яғни шектен тыс міндеттеме деп айтады. Логикалық тұрғыда бұл өте қызық. Адам бұлай жұмыс істей алмайтыны сөзсіз.

Алайда, осындай міндеттемелер алып, барлық уақытыңызды осылай бөліп тастағанда сізде бос уақыт қалмайды. Ал адам баласы сол бос уақытты іздей бастайды. Осылайша, біраз уақыттан кейін артық заттар өз өздері ақ жолдан түсіп қалады.

Мысалы, жұмыстағы бір курс артық екен, спортқа 1 сағат бөлсек жетеді, ағылшынды бір деңгейге жеткенде 30 мин уақыт қана керек екен. Яғни, бұл техника арқылы сіз өзіңізге нақты керек 2-3 мақсатты тауып алып, қалғандарын "смело" тастай аласыз. Ал, бос уақытты жейтін заттар мүлдем уақыт қалмайды, осылай прокастинацияны да жеңуге болады.

Бұны ағылшынша prioritization, яғни маңыздылықты анықтау дейді. Осы методты мысалы біздің компьютердегі операционкамыз қолданады. Ол өз қарамағындағы барлық жадыны барлық процесстерді бөліп, артық ештеңеге жетпей қалатындай етіп қалдырмайды. Кейін приориттерге байланысты, керек емес процесстерді "тастап" жібереді.

Сіз де осылай overcommitment жасап көріңіз. Ойдағы барлық мақсаттарыңызды қағазға түсіріп, күніге уақыт бөліп тастаңыз. 24 сағаттан асырып жіберіңіз де, бастаңыз. Нәтижесімен, бөлісіп қойыңыз)

Іске сәт.

Ramadan x Nauryz

Бүгін бір қызық күн болды. Наурыз мерекесі мен Қасиетті Рамазан айы бір күнде басталып жатыр екен. Өте ғажап бір құбылыс.

Жұмыста менің командамда 4 араб ұлтының өкілі бар. Кеше офиста жүргенде олар маған келіп "Ramadan Careem!" деп құттықтап өз жоспарларымен бөлісті. Сөзсіз, араб елдері үшін Рамазан тіпті ерекше мереке.

Ал түркі халқының өкілдері бір бірін наурызбен құттықтап жүр. Наурыздың да біздің өмірде бөлек орны бар мереке екені белгілі ғой. Оның ішінде иран халқы да бар.

Қызығы, оны көрген менің еуропалық әріптестерім таң қалады. Біреуі: қалай бір ай бойы тамақ жемей жүре беруге болады? - десе, басқасы: Наурызда қандай тағамдар дайындайсыңдар? - деп қызығады.

Байқағаным, біздің мәдениетіміз батыс елдеріне әлі де үлкен жұмбақ екен. Көшпелі әрі мұсылмандық құндылықтар тоғызқан біз ел үшін осыны әдемі түрде жеткізе білу маңызды.

Сол үшін кейде өзімді қазақ халқының елшісі секілді сезем. Өте жауапкершілігі мол іс ол. Олар сені қалай таныса, бүкіл елді де солай танитын болады. Әрқайсысымыз осындай ұстанымда болсақ, еліміз де әлем жаңа қырынан тағып қалар.

Баршаңызды Наурыз мерекесімен құттықтадым. Ал, күннің батуы мен айдың тууымен келіп жеткен Қасиетті Рамазан айы барша мұсылған қауымы үшін жемісті әрі берекелі болғай.

Кішкене әзілден болсын. Мынаны Амазоннан тауып алдым. Еуропалықтар әлі де Рамазанның толық мағынасын түсінбеді ау дейм.

Сілтеме: https://a.co/d/66qXCLU

Төребек Бекбаев: шартсыз өмір, сезімдерді жеткізу, сұрақ қою өнері / Narikbi LIVE #62

Бүгін подкаст қонағы белгілі психолог - Төребек Бекбаев. Бұл подкастта біз шартсыз өмір сүру, ата-анамен қарым қатынас, сезімдерді түсіну және т.б. көптеген тақырыптарды қозғадық. Қарап, пікір қалдырып, достарыңызбен бөлісіп қойыңыздар.

https://youtu.be/jqkvrWKb50I
https://youtu.be/jqkvrWKb50I
https://youtu.be/jqkvrWKb50I

00:00 Тизер
01:30 Төребек Бекбаев кім?
06:00 Құл-Патша концепциясы
12:05 Рамазанға сыйлық
13:20 Сезімдерді оқу
17:00 Ойлану қашан құлшылық болады?
19:30 Не үшін өмір сүріп жүргенімізді білмесек?
21:00 Тура жолды қалай табамыз?
23:30 Біз қалай ренжиміз?
30:00 Шарт қою қайдан басталады?
34:20 Шартсыз махаббат қандай?
38:20 Сұрақтар қоюдың маңыздылығы
45:30 Детский травма туралы
57:00 Салыстыру, күшті ортада өсу
58:30 Осы ойлар қалай келеді?
1:01:00 Нәпсі деңгейлері
1:09:30 Гельштат терапия жайлы
1:18:21 Блиц!