د بهرنیو چارو وزارت مالي او اداري مرستیال ډاکټر محمد نعیم، د افغانستان لپاره د بریتانیا له ځانګړي استازي ریچارډ لېنډزي سره وکتل.
بهرنیو چارو وزارت وايي، په دې کتنه کې د افغانستان پر سیاسي، اقتصادي او امنیتي وضعیت، سیمه‌ییز ثبات، بشري مرستو او قونسلي خدمتونو خبرې وشوې.
ښاغلي لینډزي، د افغانستان او بریتانیا ترمنځ د متقابل باور جوړونې پر اهمیت ټینګار وکړ او د بشري مرستو او قونسلي خدمتونو په برخو کې یې د همکاریو د دوام ډاډ څرګند کړ.

د بهرنیو چارو وزیر مولوي امیر خان متقي، په کابل کې د هند سفارت له شارژدافیر یتین پټیل سره د پېژندنې په موخه کتلي دي.
د بهرنیو چارو وزیر، د اسلامي امارت د متوازن سیاست له مخې له هند سره د اړیکو پر اهمیت ټینګار کړی دی.
ښاغلي متقي همداراز، د افغانستان او هند ترمنځ د سوداګرۍ حجم د زیاتېدو په حال کې بللې او د دواړو هېوادونو د خصوصي سکټور ترمنځ یې د اړیکو پر پراختیا ټينګار کړی دی.
ورته مهال ښاغلي پټیل هم ویلي، چې هند له افغانستان سره په اقتصادي، سیاسي او بشري برخو کې خپل تعامل او اړیکو ته پراختیا ورکول غواړي.

د لوګر په زندان کې لسګونه بندیان د قران‌ کریم د حفظ له دورې څخه فارغ شوي دي.

د جهادي اثارو د ساتنې عمومي ریاست مسوولینو په میدان وردګ ولایت کې په یوه غونډه کې ویلي، چې د شل کلن جهاد ټول بهیر به ثبت او مستند شي.

د هلمند ځايي مسوولین وايي، د دغه ولایت د دوراهي ملي صنعتي پارک ځمکه له خپلسرو تصرفاتو څخه ژغورل شوې او ټاکل شوې چې ډېر ژر یې صنعت‌کارانو ته د وېش لړۍ پیل شي.

د افغاني سرې میاشتې ټولنې عمومي رییس شیخ شهاب‌ الدین دلاور، لوګر ته د سفر پر مهال دغه ولایت کې راستنو شویو افغان کډوالو ته نغدي مرستې ویشلې دي.

د کابل ښار د بره‌کي څلورلارې د هوايي پل او تر ځمکې لاندې سړک د جوړولو چارې بشپړېدو ته نږدې شوې دي.
بشپړه خپرونه: https://youtu.be/hBbABAborqU

لغمان کې د رسنیو ژورنالیستانو او خبریالانو لپاره د فکري، عقیدوي او مسلکي ظرفیت لوړونې سمینار یو ورځنې سمینار ترسره شو.

د نړیوال سره صلیب له لوري، په کونړ کې له اسعد اباد ولایتي روغتون سره د طبي او غیرې طبي توکو مرسته شوې ده.

د افغاني سرې میاشتې عمومي رییس شیخ شهاب‌ الدین دلاور، د افغانستان لپاره د بریتانیا له ځانګړي استازي ریچارډ لینډسي سره په کتنه کې د هېواد پر بشري وضعیت، د اړمنو پر اړتیاوو او د بشري مرستو د پراختیا په اړه خبرې وکړې.
د افغاني سرې میاشتې عمومي رییس، د راستنېدونکو کډوالو د ستونزو د کمولو او د هغوی د لومړنیو اړتیاوو د پوره کولو لپاره د بریتانیا د لا پراخې همکارۍ او ملاتړ غوښتنه وکړه.
بله خوا ریچارډ لینډسي ویلي، هڅه به وکړي چې له راستنو شویو او روغتیايي خدمتونو په برخه کې هم له افغاني سرې میاشتې سره د کافي او اغېزمنې همکارۍ زمینه برابره کړي.

د کانونو او پټرولیم وزیر ملا هدایت‌الله بدري د اوو زونونو له والیانو سره کتلي دي.

په دې کتنه کې د کانونو په مدیریت، د کاني پروژو په پلي کېدو، د کانونو له عوایدو څخه د خلکو لپاره د ټولنیزو خدمتونو په وړاندې کولو او د ستونزو په حل خبرې شوې دي.

د کابل ښار اوسېدونکی یوسف خان منګل وايي، خوشحاله یو چې په کابل کې د ابادۍ کارونه روان دي.
بشپړه خپرونه: https://youtu.be/hBbABAborqU

د کابل ښار د بره‌کي څلورلارې د هوايي پل او تر ځمکې لاندې سړک جوړولو پروژې یو تن انجنیر د یادې پروژې د روانو چارو په اړه معلومات ورکوي.
بشپړه خپرونه: https://youtu.be/hBbABAborqU

د نن پنجشنبې ورځې نېټه!

اعلان وروسته د اسراییلو صهیونستي رژیم په بریدنو کې د شهید شویو فلسطینیانو شمېر له یو زر او ۵۰۰ څخه لوړ شو.

د راپور له مخې، په تېرو ۲۴ ساعتونو کې ۱۷ فلسطینیان ټپیان شوي، چې له دې سره د ټپیانو شمېر هم ۵ زره ۳۲۳ ته لوړ شوی دی.

همدا راز یادې شبکې په دغې موده کې ۸۴۰ جسدونو د موندل کېدو خبر هم ورکړی دی.

له ۲۰۲۳ کال د اکتوبر میاشتې راهیسې د اسرايیلي ځواکونو له خوا له ۲ زرو څخه زیات فلسطیني ماشومان نیول شوي دي.

الجزیرې خبري شبکې د فلسطیني بندیانو ټولنې له قوله لیکلي، چې د بندیانو له ډلې۳۵۰ تنه په سختو شرایطو کې ساتل کېږي.

د فلسطیني بندیانو ټولنې له نړیوالو غوښتي، چې د فلسطیني ماشومانو د خپلسره نیولو او شکنجه کولو مخه ونیسي.

د پېښو پر وړاندې د مبارزې او چمتووالي ادارې په درېیو ولایتونو کې له زیانمنو کورنیو سره د ملاتړ په موخه له یوې موسسې سره د ۱۷۴ زره ډالرو په ارزښت هوکړه‌لیک لاسلیک کړ.

د دې ادارې په وینا، د یاد هوکړه‌لیک له مخې به د پکتیکا، لوګر او ننګرهار ولایتونو هغو دوه زره او ۹۰۰ زیانمنو کورنیو ته نغدي مرستې ووېشل شي، چې له ۶ تر ۱۲ میاشتو عمر لرونکي ماشومان لري.

ویډیو: د ترکیې په استانبول ښار کې د شدیدو ورښتونو له امله سېلابونه راوتلي او د خلکو ژوند یې اغېزمن کړی دی.

د معیار او کیفیت اداره وایي، د نیمروز بندر کې يې له داخلي معیارونو سره په ټکر کې د څه باندې ۵۶ ټنه بټریو د واردېدو مخه نیولي.

د دې ادارې په وینا، دغه دوه محمولې بيټرۍ، چې ټولټال ۵۶.۶۲ ټنه وزن یې درلود، د کیفیت له ارزونې او کنټرول وروسته غیرې معیاري تشخیص او د هېواد بازارونو ته یې د داخلېدو مخه ونیول شوه.

د پنجشېر ولایت مقام رسنیز دفتر وايي، چې د ملګرو ملتونو د ماشومانو ملاتړ صندوق (یونیسف) د دې ولایت د روغتیايي سکتور د ملاتړ په موخه ۵۰۰ زره ډالر ځانګړي کړي دي.

د یاد دفتر په وینا، د پنجشېر والي حافظ محمد اغا حکیم د يونيسف د مرکزي زون له مسولینو سره په لیدنه کې د بشري مرستو پر زیاتوالي او روغتیايي خدمتونو پر پراختیا او دې ولایت کې د روغتونونو پر بیا رغولو خبرې کړي.