Diploma program များပါဝင်တဲ့ နွေဦးတက္ကသိုလ်ရဲ့ မေလ Intake
အားလုံးပဲ မင်္ဂလာပါ။ 

နွေဦးတက္ကသိုလ်ရဲ့ မေလ Intake မှာတော့
✅ ကွန်ပြူတာသိပ္ပံပညာရပ်ရဲ့ သဘောတရားများကို အခြေခံမှစပြီး လုပ်ငန်းခွင်အထိ အကျိုးရှိစွာ အသုံးချနိုင်ဖို့ ရည်ရွယ်ထားသည့်အပြင် တခြား ပညာရပ်ခွဲများကိုလည်း နားလည်သဘောပေါက်စေရန် သင်ကြားပေးမယ့် Higher Diploma in Computer Science ✅ ပဋိပက္ခဖြေရှင်းခြင်း နှင့် စီမံအုပ်ချုပ်ခြင်းဆိုင်ရာ သဘောတရားများကို နည်းလမ်းတကျ လေ့လာတတ်မြောက်နိုင်မယ့် Diploma in Federalism and Peace Studies  တို့ကို ဖွင့်လှစ်အပ်နှံနိုင်မှာဖြစ်ပြီး

အတန်းများရဲ့ အသေးစိတ်အချက်အလက်များကို မကြာခင် နွေဦးတက္ကသိုလ်မှ ဖော်ပြသွားမှာဖြစ်လို့ ကြိုတင်ဝေမျှပေးလိုက်ပါတယ် ခင်ဗျာ။ 

#SpringUniversityMyanmar
#နွေဦးတက္ကသိုလ်
#SUM

မေ ၁ တွင် ကျရောက်သော အလုပ်သမားနေ့ကို ကျွန်တော်တို့ နွေဦးတက္ကသိုလ်အဖွဲ့သားများမှ လေးစားဂုဏ်ယူစွာ ကြိုဆိုပါတယ်ခင်ဗျာ။

နွေဦးမှစတင်ပြီး အမှန်တရားဘက်မှ ရပ်တည်ပေးခဲ့ကြသော အလုပ်သမားပြည်သူများ၏ ဝိုင်းဝန်းဖေးမမှုနှင့် အားထုတ်မှုများကိုလည်း ကျွန်တော်တို့ နွေဦးတက္ကသိုလ်မှ လေးစားဂုဏ်ယူလျက်ပါခင်ဗျာ။

#SpringUniversityMyanmar
#SUM

အားလုံးပဲ မင်္ဂလာပါခင်ဗျာ။

နွေဦးတက္ကသိုလ် မှ မကြာမီဖွင့်လှစ်တော့မယ့် Diploma in Federalism and Peace Studies ကို တက်ရောက်အပ်နှံနိုင်ဖို့ လျှောက်လွှာလက်ခံမယ့်ရက်ကို မေလ (၁၅)ရက် ထိ တိုးမြှင့်ပေးထားကြောင်း အသိပေးပြောကြားလိုပါတယ် ခင်ဗျာ ။

ဒါ့အပြင် အပ်နှံသူ ကျောင်းသားလူငယ်များထဲမှ အယောက် (၂၀) ကို Full Scholarship 100% ပေးအပ်သွားမှာဖြစ်လို့ အချိန်မီလျှောက်ထားတက်ရောက်နိုင်အောင် ဝေမျှပေးလိုက်ရပါတယ်။

စိတ်ပါဝင်စားသူများ အောက်ပါ link ကတစ်ဆင့် လျှောက်ထားနိုင်ပါတယ်ဗျ ။

https://ee-eu.kobotoolbox.org/single/WoxGIpXv?returnUrl=https://t.me/+WRSiyG36nPhkYmI1

ဒီပလိုမာသင်တန်းဟာ ၉ လကြာမြင့်မှာ ဖြစ်ပြီး သင်တန်းအချိန်ကာလအတွင်းမှာ Semester နှစ်ခုခွဲထားပြီး သက်ဆိုင်ရာ သင်ရိုးညွှန်းတမ်းအရ

📌Fundamental Concepts of Federalism
📌Decentralisation and Power-Sharing
📌Theories and Practices of Peacebuilding
📌Qualitative Research Methodology စတာတွေကို အဓိကသင်ယူရမှာပဲ ဖြစ်ပါတယ်ခင်ဗျာ။

Phone တစ်လုံး ရှိရုံနဲ့ အချိန်မရွေး၊ နေရာမရွေး နွေဦးတက္ကသိုလ်မှ သင်တန်းများကို တက်ရောက်ပါ။

ကျောင်းသားလူငယ်များ အားလုံးပဲ မင်္ဂလာပါ။

ဒီနေ့မှာတော့ ကျောင်းသားလူငယ်များအတွက် အကျိုးပြုမယ့် Spring University Myanmar ( နွေဦးတက္ကသိုလ်) ရဲ့ Learning Management System နဲ့ မိတ်ဆက်ပေးချင်ပါတယ်။

LMS မှာ ကျောင်းသား၊ကျောင်းသူများအတွက် စိတ်ဝင်စားရာ ပညာရပ်၊ ဘာသာရပ်များစွာကို လွယ်လွယ်ကူကူ ဖြစ်အောင် video files များ၊ eBook များစွာကို ထည့်သွင်းထားပြီး မိမိကြိုက်နှစ်သက်ရာ Course ကို အခမဲ့ ပညာဒါနအဖြစ် လေ့လာသင်ယူနိုင်မှာ ဖြစ်ပါတယ်ခင်ဗျ။

နွေဦးတက္ကသိုလ်ရဲ့ LMS ပေါ်တွင်-

📌ဖက်ဒရယ်စနစ်ရဲ့ အဓိပ္ပာယ်၊ မူလတည်ဆောက်ပုံ နဲ့ နိုင်ငံရေးနယ်ပယ်မှာ ဘယ်လိုအရေးပါမှုရှိလဲဆိုတာကို အခြေခံသဘောတရားများနှင့် သင်ယူနိုင်မယ့် Introduction to Federalism

📌အိမ်မှာအသုံးပြုကြတဲ့ ဆပ်ပြာများကို ကိုယ်တိုင်ပြုလုပ်နိုင်သည်အထိ ပါဝင်သော ပစ္စည်းများ နဲ့ လုပ်ငန်းစဉ်များကို လေ့လာနိုင်မည့် Soap Making Course

📌English ဘာသာစကားကို စတင်လေ့လာချင်သူများအတွက် English ဘာသာစကားရဲ့ အခြေခံအကြောင်းအရာတွေကို သင်ယူနိုင်မယ့် English for Beginners

📌အွန်လိုင်းပေါ်ရှိ အန္တရာယ်များ၊ အချက်အလက်ပိုင်းဆိုင်ရာများကို ကာကွယ်ရန် လိုအပ်သော ဆိုင်ဘာလုံခြုံရေး အခြေခံသိသင့်သိထိုက်တာများကို လေ့လာသင်ယူနိုင်မည့် Cyber Security

📌အပင် နှင့် သဘာဝပစ္စည်းများကို အသုံးပြုပြီး ပုံနှိပ်သည့် လုပ်ငန်းစဉ်များကို လေ့လာနိုင်မယ့် Eco-printing အစရှိသော Course များအပြင် အခြား ပညာဒါန Course များစွာကို လေ့လာသင်ယူနိုင်မှာပဲ ဖြစ်ပါတယ်။

Link - https://sumlearn.springuniversitymm.com

အသံထွက်မှန်မှန်ကန်ကန်နဲ့ စကားပြောတတ်လိုသူများအတွက် “Introduction to International Phonetic Alphabet”

အားလုံးပဲ မင်္ဂလာပါ။

နွေဦးတက္ကသိုလ် ရဲ့ Department of Foreign Languages မှ စီစဉ်ဖွင့်လှစ်တဲ့ Webinar လေးတစ်ခုနဲ့ ကျောင်းသားလူငယ်များကို မိတ်ဆက်ပေးပါရစေ။

ဘာသာစကားတစ်ခုကို စနစ်တကျလေ့လာချင်ပြီး အသံထွက်အမှန်နဲ့ နားလည်တတ်ကျွမ်း စွာ ပြောဆိုတတ်ချင်သူတွေ အတွက်

“Introduction to International Phonetic Alphabet” Webinar မှ တစ်ဆင့် တက်ရောက်လေ့လာနိုင်ဖို့ မျှဝေပေးလိုက်ရပါတယ် ။

ဒီ Webinar မှာတော့ ဘာသာစကားတစ်ခုတည်း ကို လေ့လာရမှာမဟုတ်ဘဲ ဘာသာစကားတွေကို ပြောဆိုတဲ့နေရာမှာ အသုံးဝင်တဲ့ Phonetic system အကြောင်းကိုပါ လေ့လာနိုင်မှာ ဖြစ်ပါတယ်။

Webinar အတွင်းမှာ ကျောင်းသားလူငယ်များအနေနဲ့

📌Voiced and Unvoiced Consonant Sounds

📌Vowels and Diphthongs

📌Phrases and Pauses

📌Linking Words

📌Rhythm စတာတွေကို လေ့လာနိုင်မှာ ဖြစ်ပါတယ်။

ဒီ “Introduction to International Phonetic Alphabet” Webinar လေးကိုတော့ June 28 နဲ့ 29 ရက်နေ့မှာ ည (၇)နာရီမှ (၉)နာရီအထိ ကျင်းပပြုလုပ်မှာဖြစ်လို့ စိတ်ဝင်စားသူများအနေနဲ့ အမြန်ဆုံးစာရင်းပေးဖို့ တိုက်တွန်းလိုက်ပါတယ်ဗျ။

Registration link -

https://us06web.zoom.us/webinar/register/WN_oDBYcXl5Q-mJ_vnTkq3_rg

#SpringUniversityMM

#SUM

ကလေးတိုင်းဟာ စာသင်ခန်းထဲမှာ ရှိနေဖို့ ထိုက်တန်ပါတယ်။

ကလေးအလုပ်သမား ပြဿနာသည် တစ်ကမ္ဘာလုံးအတွက် ဆိုးရွားတဲ့ လူ့အဖွဲ့အစည်းပြဿနာ တစ်ခုဖြစ်ပါတယ်။

ဇွန်လ ၁၂ ရက်နေ့မှာ ကျရောက်တဲ့ ကမ္ဘာ့ကလေးသူငယ်အလုပ်သမား ဆန့်ကျင်ရေးနေ့တွင် ကျွန်တော်တို့ အားလုံးအနေနဲ့ ကလေးတွေကို ကာကွယ်ရန်လိုအပ်ကြောင်း ပြောလိုပါတယ်။

ကျွန်တော်တို့ မသိသလို ဟန်ဆောင်လို့မရတဲ့ အချက်အလက်တွေက ၂၀၂၃ မှာ တစ်ကမ္ဘာလုံးမှာ ကလေးငယ် သန်း ၁၆၀ ဟာ အလုပ်သမားအဖြစ် အသုံးချခံနေရပါတယ်။ တစ်ကမ္ဘာလုံးတွင် ကလေး ၁၀ ယောက် မှာ ၁ ယောက်ဟာ အလုပ်လုပ်နေရပါတယ်။ ပဋိပက္ခဒေသများမှာ ကလေးသူငယ်များ ကျောင်းမတတ်နိုင်မှုတွေက သုံးဆ မြင့်တတ်နေပြီး ဒီအဖြစ်အပျက်တွေက သူတို့ကို ကလေးအလုပ်သမားဖြစ်အောင် တွန်းပို့နေပါတယ်။

မြန်မာနိုင်ငံမှာ ၂၀၂၁ မတရားသဖြင့် အာဏာသိမ်းပြီးနောက် ဖြစ်လာတဲ့ မတည်ငြိမ်တာတွေ၊ စီးပွားရေးကျဆင်းမှုများ နဲ့ ပဋိပက္ခများကြောင့် သောင်းနဲ့ချီတဲ့ ကလေးငယ်များသည် ကျောင်းနှင့် မသက်ဆိုင်တဲ့ အခြေအနေဖြစ်လာပါတယ်။ ကလေးများသည် ကျောင်းစာသင်ခန်းအစား ပိုက်ဆံရှာဖို့ ဖိအားပေးခံရတဲ့ အခြေအနေကို ရောက်မှန်းမသိ ရောက်လာခဲ့ကြပါတယ်။

တစ်ချို့ကလေးငယ်များသည် စက်မှုဇုန်များ၊ ဆောက်လုပ်ရေးလုပ်ငန်းခွင်များ၊ နယ်စပ်များတွင် အပြစ်အနာပေါင်းများစွာနဲ့အတူ အလုပ်လုပ်နေရပါတယ်။

“ စာသင်ခန်းထဲရှိတဲ့ ကလေးတစ်ယောက်က အလုပ်ခွင်မှာရှိနေတဲ့ ကလေးထက် ပိုလုံခြုံပါတယ်။ “

ဒီဖြစ်ရပ်တွေကို တားဆီးနိုင်ဖို့ ကျွန်တော်တို့ကလည်း တတ်နိုင်တဲ့နေရာကနေ
မိဘများကို မိမိရဲ့ကလေးပညာရေးအား ဦးစားပေးဖို့ ပညာပေးရပါမယ်။
လူအဖွဲ့အစည်းတွေကလည်း ကလေးအလုပ်သမား အသုံးချမှုကို ဆန့်ကျင်ရပါမယ်။
အစိုးရနှင့် အဖွဲ့အစည်းများကလည်း ပညာရေးဖွံ့ဖြိုးရေးနှင့် ကလေးအလုပ်သမား ကင်းစင်ရေးကို တာဝန်ယူရပါမယ်။

“ ကလေးတစ်ယောက်ရဲ့ အနာဂတ်ကို ဝိုင်းဝန်းကာကွယ်ပေးကြရအောင် ”

#SpringUniversityMM
#SUM