Hurmatli Shavkat Miromonovich!

Sizni SFCA tahliliy platformasi jamoasi nomidan qutlugʻ 69 yoshingiz - tavallud ayyomingiz bilan chin qalbimizdan samimiy muborakbod etamiz! Yangi Oʻzbekistonni barpo etish, xalqimiz farovonligini oshirish va mamlakatimizning xalqaro maydondagi obroʻ-eʼtiborini yuksaltirish yoʻlidagi ulkan va fidokorona xizmatlaringiz har bir vatandoshimiz qalbidan chuqur joy olgan.

Sizning oqilona rahbarligingiz va qatʼiyatli saʼy-harakatlaringiz evaziga amalga oshirilayotgan keng koʻlamli islohotlar bugun oʻzining yuksak va salmoqli samaralarini bermoqda.

Soʻnggi yillarda barcha global xavf-xatarlarga qaramay, YaIM oʻsishi 8% atrofida barqaror saqlanib, milliy iqtisodiyot hajmi 100 milliard dollarlik tarixiy marradan oshdi. Taxminlarga ko‘ra, joriy yil oxirida 180 milliarddan oshadi!

Mamlakatimizga kirib kelayotgan toʻgʻridan-toʻgʻri xorijiy investitsiyalar hajmi bir necha barobarga ortdi, yillik eksport koʻrsatkichlari esa 30 milliard dollardan oshib, tashqi savdo georafiyasi tubdan kengaydi.

Faol biznes subyektlari va sanoat korxonalari soni keskin koʻpaydi, bu esa yuz minglab yangi va sifatli ish oʻrinlarini yaratish imkonini berdi.

Yakuniy maqsadi inson qadrini ulugʻlash boʻlgan islohotlar natijasida kambagʻallik darajasi 17% dan 6% gacha pasaytirildi va ushbu ijobiy dinamika izchil davom etmoqda.

SFCA tahlilchilari sifatida biz makroiqtisodiy barqarorlik, tarkibiy islohotlar va ochiqlik siyosatining raqamlardagi ushbu yorqin aksini yuksak baholaymiz.

Ushbu fayzli kunda Sizga mustahkam sogʻlik, uzoq umr, oilaviy baxt hamda Oʻzbekistonimiz kelajagi, uning iqtisodiy qudrati va xalqimiz farovonligi yoʻlidagi olijanob faoliyatingizda ulkan zafarlar tilaymiz!

Hurmat bilan,
SFCA jamoasi

Strategic Focus: Central Asia

Hozirgi vaqtga qadar Oʻzbekiston Respublikasi Prezidentini telefon orqali tug‘ilgan kuni bilan Turkmaniston, Tojikiston, Qozogʻiston, Ozarbayjon, Qirgʻiziston va Eron yetakchilari tabrikladilar.

Turkmaniston, Ozarbayjon va Qirgʻiziston rahbarlari bilan boʻlib oʻtgan muloqotlar davomida bo‘lajak tashriflar ham muhokama qilindi.

Strategic Focus: Central Asia

Prezident Shavkat Mirziyoyev 69 yoshga to‘lishi munosabati bilan, o‘zimiz intervyu olgan xorijiy davlatlar rahbarlarining mamlakatimiz yetakchisi haqidagi fikrlarini jamladik.

Bildirilayotgan iliq fikrlar shunchaki maqtov emas, balki O‘zbekiston yetakchisi amalga oshirayotgan salmoqli ishlar va olib borilayotgan islohotlarga berilgan xolis bahodir.


👉 @jahongirolimov_rasmiy 👈

AQSh Malayziyadan Isroil bo‘yicha izoh talab qildi

Malayziyaning Vashingtondagi elchisi Kuala-Lumpurning Isroilni tan olmasligi va Isroil fuqarolarining mamlakatga kirishiga qo‘yilgan amaldagi taqiq yuzasidan izoh berish uchun AQSh Davlat departamentiga chaqirildi. Bu haqda Malayziya tashqi ishlar vaziri Muhammad Hasan ma’lum qildi.

Vazirning so‘zlariga ko‘ra, elchi Amerika tomoniga Isroilni tan olmaslik Malayziyaning uzoq yillardan beri o‘zgarmas davlat siyosati ekanini tushuntirgan.

“Bu har doim Malayziyaning siyosati bo‘lib kelgan. Biz Isroil davlatini ham, sionistik rejimni ham tan olmaymiz. Bu bizning uzoq yillik va o‘zgarmas pozitsiyamizdir”, - dedi Muhammad Hasan.

Strategic Focus: Middle East and North Africa

The New York Times xabariga ko‘ra, Eron AQSh tomonidan Iroq Bosh vaziri Ali az-Zaydiy orqali yetkazilgan vaqtincha otashkesim taklifini rad etdi. Sirtqidan bu qaror keskindek tuyulishi mumkin, ammo chuqurroq tahlil etilsa, Eron rahbariyatining bu qadami chuqur strategik mantiqqa, milliy manfaatlarni himoya qilishga va barqaror tinchlikni ta'minlashga qaratilganini ko‘rish qiyin emas.

Eron hukumati shunchaki muammoni vaqtincha ko‘zdan pana qilishga qaratilgan "o‘tkinchi" bitimlardan voz kechib, uzoq muddatli va mustahkam barqarorlikni afzal ko‘rmoqda. AQSh taklif etgan vaqtincha otashkesim mojaroning asosiy o‘zagi bo‘lmish — Ormuz bo‘g‘ozi ustidan nazorat va mintaqaviy xavfsizlik masalalarini hal qilmas edi. Eronning ushbu taklifni rad etishi uning qisqa muddatli siyosiy ochkolar ortidan quvmasdan, mintaqa uchun haqiqiy va adolatli yechim tarafdori ekanini ko‘rsatadi.

Prezident Mas'ud Pezeshkiyon, Parlament spikeri Muhammad Baqir G‘alibof va Tashqi ishlar vaziri Abbos Aroqchi kabi davlat rahbarlarining yakdil va qat'iy pozitsiyasi Eron siyosiy tizimidagi jipslikni namoyon etadi. Eron o‘z hududiy daxlsizligi va strategik muhim nuqtalari (shu jumladan, Ormuz bo‘g‘ozi) masalasida hech qanday bosim va bir tomonlama shartlarga yon bermasligini aniq ko‘rsatib qo‘ydi.

Tashqi ishlar vaziri A.Aroqchining ta'kidlashicha, Eron va AQSh o‘rtasidagi muammo xabarlarni yetkazuvchi vositachilarda emas, balki Vashingtonning adolatsiz va bir tomonlama yondashuvidadir. Eron tomoni xalqaro munosabatlarda teng huquqlilik va bir-birini hurmat qilish prinsiplari ustuvor bo‘lishi kerakligini uqtirmoqda. Vositachilar orqali qilinadigan "siyosiy o‘yinlar" o‘rniga, Eron muammoning ildiziga bolta uradigan jiddiy va mas'uliyatli yondashuvni talab qilmoqda.

Fikrimizcha, Eronning bu qarori - tajovuzkorlik emas, balki o‘z milliy manfaatlarini professional darajada himoya qilish va mustaqil tashqi siyosat yuritish namunasidir. Tehron shunchaki vaqtni cho‘zishga xizmat qiladigan kelishuvlarga emas, balki barcha tomonlarning manfaatlari inobatga olingan haqiqiy tinchlikka tayyor ekanligini namoyish etdi.

Strategic Focus: Central Asia

AQSh va Eron o‘rtasidagi mojaro besh oydan buyon davom etar ekan, uning geosiyosiy va iqtisodiy oqibatlari tobora chuqurlashmoqda. AQSh Prezidenti D.Tramp "urush hali tugamaganini" ta'kidlab, Vashington harbiy bosimni davom ettirishini bildirdi. Shundan so‘ng AQSh kuchlari Eron hududiga navbatdagi aviazarbalarni yo‘lladi, Tehronning g‘arbiy, sharqiy va shimoli-sharqiy hududlarida havo hujumidan mudofaa tizimlari ishga tushirildi.

Pentagon ma'lumotlariga ko‘ra, AQSh harbiylari ketma-ket 11 kecha davomida Eron hududidagi nishonlarga zarba bergan. So‘nggi operatsiyalarda harbiy logistika infratuzilmasi va Hormuz bo‘g‘ozida tijorat kemalariga tahdid solishi mumkin bo‘lgan obyektlar nishonga olingani ma'lum qilindi. Eron davlat OAV esa zarbalar nafaqat Tehron atrofida, balki Bushehr viloyatida, mamlakatdagi atom elektr stansiyasi joylashgan hudud yaqinida ham qayd etilganini bildirdi.

Mojaro iqtisodiy jihatdan ham AQSh uchun tobora qimmatga tushmoqda. Pentagon rahbari Pit Xegset Kongressga murojaatida urush xarajatlari 37,5 milliard dollarga yetganini ma'lum qildi va mudofaa ehtiyojlari uchun yana o‘nlab milliard dollar qo‘shimcha mablag‘ ajratishni so‘radi. Ya'ni, harbiy kampaniya uzoq davom etishi kutilmoqda.

Strategik nuqtai nazardan, Hormuz bo‘g‘ozi bo‘yicha dastlabki kelishuvning barbod bo‘lishi mojaroni yangi bosqichga olib chiqdi. Natijada Yaqin Sharqdagi global energiya ta'minotining ikkita muhim dengiz yo‘lagi atrofida xavfsizlik tahdidlari kuchaydi. AQSh zarbalarini aynan xalqaro kemachilik xavfsizligini ta'minlash zarurati bilan izohlamoqda.

Shu bilan birga, harbiy eskalatsiya diplomatik aloqalarning to‘liq uzilganini anglatmaydi. AQSh Davlat kotibi M.Rubio Manila shahrida ASEAN tashqi ishlar vazirlari yig‘ilishi doirasida Vashington Eron bilan diplomatik kelishuvga erishishga tayyorligini, biroq Tehron muzokaralarga yetarlicha jiddiy yondashmayotganini ta'kidladi. Eron rasmiylari esa vositachilar orqali AQSh bilan diplomatik muloqot davom etayotganini tasdiqladi.

Ichki siyosiy bosim tobora kuchaymoqda. Noyabr oyida bo‘lib o‘tadigan AQSh Kongressi saylovlari arafasida D.Tramp ma'muriyati urushni yakunlash bo‘yicha kuchli siyosiy bosim ostida qolmoqda. Mojaroning uzoq davom etishi va 37,5 milliard dollarlik xarajatlar hatto Trampning an'anaviy saylovchilari orasida ham norozilikni kuchaytirayotgani qayd etilmoqda.

Xulosa qilib aytganda, AQSh hozirda ikki yo‘nalishli strategiyani amalga oshirmoqda: bir tomondan Eronning harbiy salohiyati va Hormuz bo‘g‘ozidagi ta'sirini izchil zaiflashtirish, ikkinchi tomondan esa diplomatik muzokaralar imkoniyatini saqlab qolish. Biroq urushning besh oy davom etgani, 11 kecha uzluksiz zarbalar, 37,5 milliard dollarlik xarajatlar hamda AQSh ichki siyosatidagi bosim Vashingtonni yaqin oylar ichida harbiy va siyosiy maqsadlar o‘rtasida murakkab tanlov qilishga majbur etishi mumkin.

Strategic Focus: Central Asia

«Они мусулмони» деган латифа бор эди…

Бош прокуратура собиқ судьяларга нисбатан жиноят иши қўзғатиш ҳамда эҳтиёт чораси танлаш масаласида Судьялар олий кенгашидан хулоса сўраган.

Судьялар олий кенгаши эса судьялар лавозимидан озод этилгани ва ҳозирги кунда оддий фуқаро эканини важ қилиб, «бу масалага алоқамиз йўқ», деган мазмунда жавоб берган.

Ҳақиқатдан ҳам, судьяларнинг лавозимидан озод этилишига ўз аризалари асос бўлган. Яъни, кенгаш уларга «ариза бериб туринглар, ҳамма жой тинч бўлсин», деганми ёки бунинг ортида бошқа сабаб борми — буни ўзлари ва юқоридаги яхши билади.

Аҳамиятли жиҳати шундаки, агар гап судьянинг касбий фаолияти билан боғлиқ эҳтимолий жиноят ҳақида кетаётган бўлса, Судьялар олий кенгаши қонунга мувофиқ хулоса бериши шарт. Ахир у кўчада безорилик ёки касбий фаолиятига алоқаси бўлмаган бошқа жиноятни содир этгани йўқ-ку.

Энди эса суд адолатли бўлсин. Айби бўлса, муносиб жазосини олсин. Айби бўлмаса, оқлансин.

Қизиғи шундаки, айрим судьялар унчалик хушламайдиган адвокатура тизимининг 60 нафардан ортиқ адвокати кўнгилли равишда уларнинг ҳимоясига чиққан. Мақсад битта — адолат тарозисини ўз ўрнига қайтариш.

@a_huquq_uz

Мен тадқиқотчиман. Мен талабалар билан ўз билимларимни маърузалар орқали бўлишаман, шунингдек, илмий мақолаларим орқали ҳам ўз фикрларимни кенг жамоатчиликка етказаман. Менинг мақсадим - аниқ экспертлик баҳосини бериш ва маҳаллий ҳамда кенгроқ миқёсда дунёқараш шаклланишига ҳисса қўшиш.

Билимларимни янада бойитиш мақсадида Афғонистонга навбатдаги ташрифни ташкил қилдим. Чунки интернетдаги маълумотлар баъзан бузиб талқин қилиниши мумкин. Ҳақиқий ва сифатли таҳлил эса албатта дала тадқиқотларини талаб қилади.

Бизнинг миссиямиз - ўзбек ва афғон олимлари ҳамда экспертлари ўртасидаги академик нетворкни кенгайтириш. Шу мақсадда Афғонистоннинг қатор таҳлилий марказлари ва университетларига ташриф буюриб, жуда кўп янги билимлар ва бебаҳо тажрибага эга бўлдик.

Bugun Oʻzbekiston Respublikasi Bosh vaziri oʻrinbosari boshchiligidagi 500 ga yaqin aʼzodan iborat yuqori darajali delegatsiya Kobulga tashrif buyurmoqda. Delegatsiya tarkibiga viloyat hokimlari, yuqori martabali hukumat mulozimlari, taniqli tadbirkorlar va Oʻzbekistonning yirik korxonalari vakillari kirgan boʻlib, bu Afgʻonistonga tashrif buyurgan eng yirik rasmiy va ishbilarmonlik delegatsiyalaridan biridir.

Tashrif davomida delegatsiya Afgʻoniston Bosh vazirining iqtisodiy masalalar boʻyicha oʻrinbosari Mulla Abdul Gʻani Barodar bilan bir qator hukumatlararo (G2G) va biznes (B2B) uchrashuvlarini oʻtkazadi. Muzokaralar energetika, savdo, tranzit, transport, sogʻliqni saqlash, investitsiya, sanoatni rivojlantirish va boshqa strategik sohalarda hamkorlikni kengaytirishga qaratiladi. Shuningdek, uchrashuvlarda Afgʻoniston va Oʻzbekiston Savdo-sanoat palatalari ham ishtirok etadi va yakunda millionlab dollarlik tijorat shartnomalari hamda anglashuv memorandumlari imzolanishi kutilmoqda.

Ushbu tashrif Afgʻoniston va Oʻzbekiston munosabatlaridagi muhim voqea boʻlib, ikki qoʻshni davlat oʻrtasida ortib borayotgan strategik ishonchni aks ettiradi. Eng muhimi, bu Afgʻoniston nafaqat Markaziy Osiyoning qoʻshnisi, balki mintaqaning iqtisodiy va geopolitik landshaftining ajralmas qismi ekanligini har ikkala tomon birdek anglab yetganidan dalolat beradi.

Afgʻoniston uchun Markaziy Osiyo bilan aloqalarni chuqurlashtirish strategik milliy ustuvor vazifa hisoblanadi. Mamlakat dengizga chiqish imkoniyati boʻlmagan davlatdan Markaziy Osiyoni Janubiy Osiyo, Yaqin Sharq va boshqa mintaqalar bilan bogʻlaydigan mintaqaviy xabga (tugunga) aylanishga intilmoqda. Oʻzbekiston esa Afgʻoniston orqali mintaqaviy bogʻliqlikni izchil qoʻllab-quvvatlab kelayotgan eng faol tashabbuskorlardan biri boʻlib, Trans-Afgʻon temir yoʻli, elektr energiyasini uzatish loyihalari va chegaralararo savdoni kengaytirish kabi yirik tashabbuslarni qoʻllab-quvvatlamoqda.

Mintaqaviy dinamika rivojlanishda davom etar ekan, Afgʻonistonning barqarorligi va iqtisodiy integratsiyasi butun mintaqaning ravnaqi uchun tobora muhim ahamiyat kasb etmoqda.

Abdul Hay Qanit, Afg‘oniston Islom Amirligi Tashqi ishlari vaziriligi huzuridagi Strategik tadqiqotlar markazi direktori

Strategic Focus: Central Asia

So‘nggi kunlarda ekspertlar hamjamiyatida Qozog‘iston Prezidenti Qosim-Jomart Toqayevning Ukraina mojarosini muzlatish va tinch yo‘l bilan hal etish zarurligi haqidagi bayonoti faol muhokama qilinmoqda. Ushbu tashabbus nafaqat G‘arb va Rossiyada, balki MDH makonida ham turlicha talqin qilinmoqda. Bu borada ekspertlar asosan uchta asosiy jihatga e'tibor qaratmoqda.

Birinchidan, ayrim tahlilchilar Toqayevning bayonotini Kreml manfaatlari yo‘lida amalga oshirilgan diplomatik "sinov signali" sifatida baholamoqda. Ularning fikricha, MDH hududidagi eng tajribali diplomatlar qatoriga kiruvchi Toqayev bunday nozik masalada Moskva bilan hech qanday kelishuvsiz keskin tashabbus bilan chiqishi ehtimoldan yiroq. Shu nuqtai nazardan qaralganda, Ostonaning pozitsiyasi Rossiyaning rasmiy muzokaralar chegarasini pasaytirmagan holda G‘arb va Kiyevning ehtimoliy sulh bo‘yicha reaksiyasini sinab ko‘rishga qaratilgan diplomatik mexanizm sifatida talqin qilinmoqda. Bu orqali Kreml o‘zining tinch yo‘l bilan tartibga solishga tayyorligini namoyish etish imkoniga ega bo‘ladi, biroq rasmiy pozitsiyasini o‘zgartirmaydi.

Ikkinchidan, ekspertlar Toqayevning bayonotini Qozog‘istonning iqtisodiy manfaatlarini himoya qilish bilan bog‘lamoqda. Mamlakat neft eksportining asosiy qismi Novorossiysk terminali orqali Kaspiy quvur konsorsiumi orqali amalga oshiriladi. Qora dengizdagi har qanday harbiy keskinlashuv yoki ushbu infratuzilmaning vaqtinchalik to‘xtashi Qozog‘iston budjetiga sezilarli zarar yetkazishi mumkin. Bundan tashqari, Tengiz va Qorachag‘anoq konlariga milliardlab dollar sarmoya kiritgan Chevron, ExxonMobil kabi yirik G‘arb kompaniyalari uchun ham tranzitning uzilishi katta moliyaviy yo‘qotishlarni anglatadi. Shu sababli Ostona o‘zining strategik iqtisodiy infratuzilmasini himoya qilish maqsadida o‘t ochishni to‘xtatish masalasini muntazam ravishda kun tartibiga olib chiqishda davom etishi ehtimoldan xoli emas.

Uchinchidan, Toqayevning bayonoti Qozog‘istonning ko‘p vektorli tashqi siyosatini va xalqaro maydondagi mustaqil subyekt sifatidagi mavqeini mustahkamlashga qaratilgan qadam sifatida ham baholanmoqda. Ostona Markaziy Osiyoni Yevropa, Xitoy va Yevrosiyo o‘rtasidagi strategik ko‘prik sifatida namoyon etishga intilmoqda. Tinchlik tarafdori sifatidagi faol ritorika bir tomondan AQSH va Yevropa Ittifoqining ikkilamchi sanksiyalar bo‘yicha bosimini yumshatishga xizmat qilsa, ikkinchi tomondan Markaziy Osiyo davlatlari mustaqil geosiyosiy manfaatlarga ega ekanini namoyish etadi. Shu bois Moskva bunday tashabbuslarni ehtiyotkorlik bilan qabul qilgan taqdirda ham, Ostona uchun vositachi va tinchlik tarafdori sifatidagi imijni saqlab qolish strategik ahamiyat kasb etadi.

Strategic Focus: Central Asia

CFR: Xitoy ilk bor AQSHdan ko‘ra ko‘proq ijobiy qabul qilinmoqda

Council on Foreign Relations (CFR) tahliliga ko‘ra, so‘nggi Pew Research Center so‘rovi tarixiy natijani qayd etdi. Ilk bor so‘rov o‘tkazilgan davlatlarning aksariyatida Xitoyga nisbatan munosabat AQSHnikidan yaxshiroq bo‘ldi. Biroq bu Xitoyning keskin "sakrashi"dan ko‘ra, AQSHning yumshoq kuchi (soft power) zaiflashgani bilan ko‘proq bog‘liq.

Qayd etilishicha, AQSHning xalqaro obro‘siga bir necha omil salbiy ta'sir ko‘rsatdi. So‘nggi yillarda ittifoqchilar bilan savdo mojarolari, "America First" siyosati, Eron atrofidagi harbiy harakatlar hamda Vashingtonning xalqaro institutlarga nisbatan munosabati ko‘plab mamlakatlarda ishonchning pasayishiga olib keldi. Natijada, hatto AQSHning yaqin hamkorlari bo‘lgan Kanada, Meksika va qator Yevropa davlatlarida ham Xitoyga nisbatan ijobiy qarashlar kuchaydi.

Shu bilan birga, so'ngi yillarda Xitoyning o‘zi ham faol tashqi siyosat yuritayotmoqda. Pekin infratuzilma loyihalari, savdo, investitsiyalar va rivojlanayotgan davlatlar bilan iqtisodiy hamkorlikni kengaytirish orqali o‘z ta'sirini oshirdi. Ayniqsa, Osiyo, Afrika, Lotin Amerikasi va Yaqin Sharqda Xitoy ko‘plab davlatlar uchun muhim iqtisodiy sherikka aylandi.

Biroq so‘rov natijalariga ko‘ra, inson huquqlari, shaxsiy erkinliklar va demokratik qadriyatlar masalasida AQSH hanuz ustunlikni saqlab qolmoqda. Shuningdek, Hindiston, Yaponiya, Janubiy Koreya va Filippin kabi davlatlar hali ham AQSHni Xitoydan ko‘ra ijobiyroq baholamoqda. CFRning asosiy xulosasi shuki, XXI asr raqobati endi faqat iqtisodiyot yoki harbiy qudrat bilan belgilanmaydi. Davlatning ishonchliligi, barqarorligi va xalqaro maydondagi obro‘si ham geosiyosiy kuchning muhim tarkibiy qismiga aylanmoqda.

Stratfor: Putinning "g‘alaba" va’dasi Rossiyada yangi safarbarlik xavfini oshirmoqda

Stratfor yozishicha, Rossiya prezidenti V.Putin Davlat Dumasining amaldagi deputatlari bilan uchrashuvda Ukrainadagi urush Rossiya maqsadlariga erishmaguncha davom etishini va mamlakat "g‘alaba uchun barcha ishni qilishi"ni ta'kidladi. U parlamentning armiya, mudofaa sanoati va urush iqtisodiyotini qo‘llab-quvvatlaganini yuqori baholab, kelgusi uch yillik davlat budjetida ham mudofaa xarajatlari ustuvor yo‘nalish bo‘lib qolishini ma'lum qildi.

Tahlilga ko‘ra, bu bayonot Kremlning yaqin muddatda Ukrainaga nisbatan murosaga borish niyati yo‘qligini anglatadi. Sentyabr oyida bo‘lib o‘tadigan Davlat Dumasi saylovlaridan keyin ham Rossiya urushni davom ettirish uchun katta moliyaviy va harbiy resurslarni safarbar qilishda davom etadi.

Biroq Stratfor ekspertlari Rossiya oldidagi asosiy muammo frontdagi yo‘qotishlarni muntazam qoplash ekanini ta'kidlaydi. Kreml saylovlargacha ommaviy safarbarlik e'lon qilishdan qochishga harakat qiladi. Ammo agar frontda sezilarli natija bo‘lmasa, saylovlardan keyin qo‘shimcha harbiy kuch jalb qilish zarurati kuchayadi. Bunda Moskva avvaliga shartnoma asosida xizmatga yollashni kengaytirishi, dron bo‘linmalariga ko‘proq talabalarni jalb qilishi hamda mahkumlarning armiyaga qo‘shilishiga yanada kengroq ruxsat berishi kutilmoqda.

Maqolada yana qayd etilishicha, 27 iyul kuni Putin Rossiya Qurolli kuchlari tarkibini yana 25 ming nafarga oshirish to‘g‘risidagi farmonni imzoladi. Natijada harbiy xizmatchilar soni 1,51 milliondan 1,535 million nafarga yetadi. Bu so‘nggi ikki oy ichidagi ikkinchi, Ukrainaga to‘liq bosqin boshlanganidan buyon esa oltinchi marta armiya sonining rasman oshirilishidir. Yangi farmon bilan Rossiya Qurolli kuchlarining umumiy tasdiqlangan tarkibi 2,426 million kishiga yetkaziladi.