သူတို့တကယ်ကို လုပ်ခဲ့ရင် ဒါဟာ ထောင်တွင်းလူသတ်မှုပဲ (ရုပ်/သံ)

ဘုန်းအောင်၊ စက်တင်ဘာ ၂၅၊ ၂၀၂၄

စစ်ကောင်စီက နိုင်ငံရေးအကျဉ်းသား ၇ ဦးကို သေဒဏ်စီရင်မယ်ဆိုတဲ့ သတင်းတွေ ကျယ်ကျယ်ပြန့်ပြန့် ထွက်ပေါ်နေတဲ့ အတွက် ကာယကံရှင်မိသားစုဝင်တွေနဲ့ လူ့အခွင့်အရေး လေ့လာစောင့်ကြည့်သူတွေကြား စိုးရိမ်ပူပန်မှုတွေ ရှိနေပါတယ်။

သေဒဏ်စီရင်မှုတွေဟာ လူ့အခွင့်အရေးကိုထိပါးပြီး နိုင်ငံတကာ တရားဥပဒေစံနှုန်းတွေကို ပြောင်ပြောင်တင်းတင်း ချိုးဖောက်တာဖြစ်တဲ့ အတွက် ဒါဟာ ထောင်တွင်းလူသတ်မှု ဖြစ်ပြီးနိုင်ငံတကာအနေနဲ့ ထိထိရောက်ရောက်

အရေးယူပေးဖို့လည်း အမျိုးသားညီညွတ်ရေးအစိုးရ (NUG) လူ့အခွင့်အရေး ဝန်ကြီးကဆိုပါတယ်။

စစ်ကောင်စီ ဖမ်းဆီးသေဒဏ်ချထားတဲ့ အင်းစိန်ထောင်က နိုင်ငံရေးအကျဉ်းသားအချို့ကို အခုရက်ပိုင်းအတွင်း သေဒဏ်စီရင်မယ်ဆိုတဲ့ သတင်းတွေနဲ့ ပတ်သက်ပြီး အလွန်စိုးရိမ် ထိတ်လန့် မိကြောင်း လူ့အခွင့်အရေးဆိုင်ရာ အာဆီယံပါလီမန်အမတ်များအဖွဲ့ (APHR) ကလည်း ထုတ်ဖော် ပြောဆိုထားပါတယ်။

#မြန်မာ #ဧရာဝတီ #နိုင်ငံရေးအကျဉ်းသား #ထောင်တွင်းလူသတ်မှု #APHR #HumanRight #NUG #AAPP

စစ်တပ်က ကြီးစိုးနေသရွေ့ သမ္မတဖြစ်လည်း ကြက်ကလေးငှက်ကလေးလို ဖမ်းခံရနိုင်တယ် (ရုပ်/သံ)

ဧရာဝတီ၊ အောက်တိုဘာ ၆၊ ၂၀၂၄

စတင်တည်ထောင်ကတည်းက ဖျက်သိမ်းမယ်လို့ရည်ရွယ်ဖွဲ့စည်းခဲ့တဲ့ နိုင်ငံရေးအကျဉ်းသားများ ကူညီစောင့်ရှောက်ရေး အသင်း (AAPP) ဟာ ၂၀၂၁ ခုနှစ် စစ်တပ်က တိုင်းပြည်အာဏာသိမ်းလိုက်ချိန်မှာ ပိုပြီးအရေးကြီးတဲ့ အခန်းကဏ္ဍကို ရောက်ရှိသွားပါတယ်။ ဒါဟာ မြန်မာပြည်သူတွေအပေါ် စစ်အာဏာရှင်တွေက ဘယ်လောက်ထိ လူ့အခွင့်အရေး ချိုးဖောက်မှုကျူးလွန်နေသလဲဆိုတဲ့ မြင်သာတဲ့အရာတခုဖြစ်ပါတယ်။

AAPP တည်ထောင်ခဲ့တာ ၂၄ နှစ်ရှိခဲ့ပါပြီ။ ၂၀၂၁ အာဏာသိမ်းပြီးတဲ့နောက် စစ်တပ်က ဖမ်းဆီးထောင်ချမှု၊ သတ်ဖြတ်မှုတွေဟာ AAPP ရဲ့ သက်တမ်းတလျှောက်မှာ အများဆုံးကြုံတွေ့ခဲ့ရတာဖြစ်တယ်လို့ တွဲဖက်အတွင်းရေးမှူး ဦးဘိုကြည်က ပြောပြပါတယ်။

AAPP ဟာ နိုင်ငံရေးယုံကြည်ချက်၊ လွတ်လပ်စွာထုတ်ဖော်ပြောဆိုမှုတွေကြောင့် ဖမ်းဆီးအကျဉ်းကျခံနေရသူတို့ရဲ့ အကျဉ်းထောင်တွေအတွင်းကအခြေအနေတွေ၊ လူ့အခွင့်ရေးချိုးဖောက်ခံရမှုတွေ၊ ဥပဒေကြောင်းအရဆောင်ရွက်မှုတွေနဲ့ ထောင်ကလွတ်လာပြီနောက် ရပ်တည်နိုင်ဖို့အတွက် ဆောင်ရွက်ပေးနေတဲ့ အဖွဲ့ပါ။

AAPP ကပြုစုထားတဲ့ အချက်အလက်တွေအရ ၂၀၂၁ ခုနှစ် စစ်တပ်အာဏာသိမ်းချိန်ကစပြီး ၂၀၂၄ ခုနှစ် အောက်တိုဘာလ အထိ စစ်ကောင်စီသတ်ဖြတ်ခဲ့တဲ့ ပြည်သူ စုစုပေါင်း ၅၇၃၂ ဦးရှိထားပါတယ်။ ဒါ့အပြင် ဖမ်းဆီးခံထားရတဲ့သူ စုစုပေါင်း ၂၇၅၀၇ ရှိပြီး အဲဒီအထဲကမှ သေဒဏ်ချမှတ်ခံထားရတဲ့သူ ၁၆၇ ဦး ရှိထားပါတယ်။ ဒါဟာ လက်လှမ်းမီသလောက် ကောက်ယူရရှိထားတဲ့ စာရင်းသာဖြစ်ပြီး မြေပြင်မှာ ဒီထက်များနိုင်ပါတယ်။

AAPP ကနေ့စဉ်ထုတ်ပြန်ပေးနေတဲ့ နိုင်ငံရေးအကျဉ်းသားစာရင်းကို ပြည်တွင်းပြည်ပသတင်းဌာနတွေ၊ ကူညီထောက်ပံ့ရေး အဖွဲ့အစည်းတွေနဲ့ သုတေသနအဖွဲ့တွေက အသုံးပြုနေကြတာဖြစ်ပါတယ်။

AAPP ဟာ ၂၀၂၁ ခုနှစ် စက်တင်ဘာလမှာ မြန်မာနိုင်ငံရဲ့ ဒီမိုကရေစီရေး၊ လူ့အခွင့်အရေးနဲ့ဖက်ဒရယ် ပြည်ထောင်စု ပေါ်ထွန်းရေးတို့အတွက် ဆောင်ရွက်ခဲ့လို့ Sean MacBride ငြိမ်းချမ်းရေးဆုနဲ့ ၂၀၂၃ ခုနှစ်မှာတော့ နယ်သာနိုင်ငံ နိုင်ငံခြားရေးဌာနကနေ လူ့အခွင့်အရေးဆိုင်ရာ Tulip ဆုတွေကိုချီးမြှင့်ခံခဲ့ရပါတယ်။

၂၄ နှစ်တာကလအတွင်း စစ်အာဏာရှင်ခေတ်၊ အရပ်သားတပိုင်းစစ်တပ်တပိုင်းအစိုးရခေတ်၊ အရပ်သားအစိုးရခေတ်နဲ့ တကျော့ပြန်အာဏာသိမ်းမှုကို AAPP ကိုဦးဆောင်တဲ့သူတွေကကြုံတွေ့ခဲ့ရပြီး နိုင်ငံရေးအကျဉ်းသားတွေ အရေး ဆောင်ရွက်မှုနဲ့ ပတ်သက်လို့ နိုင်ငံတကာရဲ့အသိအမှတ်ပြုမှုတွေရရှိခဲ့သလို အတွေ့အကြုံကောင်းတွေ မှတ်တမ်းကောင်းတွေလည်း ရှိနေပါတယ်။

ဒီလိုအတွေ့အကြုံတွေ၊ ခေတ်အဆက်ဆက်မြန်မာဒီမိုကရေစီလှုပ်ရှားမှုတွေနဲ့ အကျဉ်းထောင်အတွင်း ရှိနေတဲ့ နိုင်ငံရေး အကျဉ်းသားတွေရဲ့ ရုန်းကန်လှုပ်ရှားမှုတွေအကြောင်းကို ပိုမိုမြင်တွေ့နိုင်ဖို့အတွက် AAPP က ထိုင်းနိုင်ငံမဲဆောက်မြို့မှာ ပြခန်းငယ်တခု ဖွင့်လှစ်ထားပါတယ်။ အဲဒီထဲမှာ အင်းစိန်ထောင်ပုံစံငယ်၊ မှတ်တမ်းတွေအပြင် ဒီမိုကရေစီလှုပ်ရှားမှု နိုင်ငံရေးအကျဉ်းသားတွေရဲ့ ဓါတ်ပုံတွေကို နိုင်ငံတကာနဲ့ စိတ်ပါဝင်စားသူတွေ ကြည့်ရှုနိုင်ဖို့ခင်းကျင်း ပြသထားတာပါ။

ဒီပြခန်းနဲ့ ပတ်သက်ပြီး AAPP ကတော့ "ထောင်တွင်း၌ ခက်ခဲကြမ်းတမ်းမှုများစွာကို ခံစားခဲ့ရပြီး ရင်ဆိုင်ကျော်လွှားကာ မြန်မာနိုင်ငံ ဒီမိုကရေစီရရှိရေးအတွက် ကြိုးပမ်းခဲ့ကြသော နိုင်ငံရေးအကျဉ်းသားများကို ဂုဏ်ပြုတာ” လို့ အဓိပ္ပါယ်ဖွင့်ဆိုထားပါတယ်။

ပြခန်းထဲမှာ ၁၉၆၂ ကစလို့ ၂၀၂၁ ခုနှစ်အာဏာသိမ်းချိန်ထိ ခေတ်အဆက်ဆက်ဒီမိုကရေစီအရေးလှုပ်ရှားမှုတွေ၊ စစ်တပ်ရဲ့ ရက်ရက်စက်စက်ဖြိုခွင်းမှုတွေ၊ သေဆုံးသွားခဲ့ရတဲ့ဒီမိုကရေစီရေးလှုပ်ရှားသူတွေရဲ့ရုပ်ပုံလွှာတွေကို တစုတစည်းတည်းမြင်တွေ့နိုင်မှာဖြစ်ပါတယ်။

နိုင်ငံရေးအကျဉ်းသားတွေ ထောင်တွင်းမှာရှိနေသ၍ မြန်မာနိုင်ငံမလွတ်လပ်ဘူးလို့ AAPP ကယူဆထားပြီး ဒီအကျဉ်းသားတွေက မြန်မာပြည်သူလူထုရဲ့ဒီမိုကရေစီအရေး၊ လူ အခွင့်အရေး၊ တန်းတူညီမျှမှုနဲ့ လွတ်လပ်ခြင်းတွေ အတွက် ရုန်းကန်လှုပ်ရှားမှုတွေကို ကိုယ်စားပြုနေတယ်လို့ဆိုပါတယ်။

https://youtu.be/KX49o6rzJGw
#မြန်မာ #ဧရာဝတီ #ဦးဘိုကြည် #နိုင်ငံရေးအကျဉ်းသား #ထောင် #AAPP
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/3btQYpR

စစ်ကောင်စီကို အရေးယူပေးဖို့ အချိန်ရောက်နေပြီ (ရုပ်/သံ)

ဧရာဝတီ၊ နိုဝင်ဘာ ၅၊ ၂၀၂၄

အာဏာသိမ်းစစ်တပ်ရဲ့ ရာဇဝတ်ကျူးလွန်မှုတွေကို အရေးယူဖို့ အချိန်ရောက်ပြီလို့ အမျိုးသားညီညွတ်ရေး အစိုးရ (NUG) ရဲ့ လူ့အခွင့်အရေးဆိုင်ရာဝန်ကြီးဌာန၊ ပြည်ထောင်စုဝန်ကြီး ဦးအောင်မျိုးမင်း က ပြောဆိုလိုက်ပါတယ်။

စစ်ကိုင်းတိုင်း၊ ဘုတလင်မြို့နယ်၊ စီပါရွာမှာ စစ်တပ်ကျူးလွန်ခဲ့တဲ့ ဖြစ်စဉ်နဲ့ပတ်သက်ပြီး ဧရာဝတီရဲ့ မေးမြန်းချက်အပေါ် ဝန်ကြီးက တုန့်ပြန် ဖြေကြားသွားတာဖြစ်ပါတယ်။

ဒါ့အပြင် အာဏာသိမ်းစစ်တပ်က ဖော်ဆောင်ဖို့ ကြိုးပမ်းနေတဲ့ ရွေးကောက်ပွဲ ဟာလည်း ယုံကြည်စရာ၊ ထောက်ခံစရာမရှိသလို ဒီလိုကာလမှာ တွေ့ဆုံညှိနှိုင်းရေး ပြောဆိုနေမှုတွေအပေါ်မှာလည်း ဘယ်လိုမှ လက်ခံနိုင်စရာ မရှိဘူးလို့ ဆိုပါတယ်။

နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) က ပြုစုထားတဲ့ မှတ်တမ်းအရ စစ်တပ်ဟာ အာဏာသိမ်းပြီးကတည်းကနေ ၂၀၂၄ ခုနှစ် အောက်တိုဘာလထိ ပြည်သူ ၆ ထောင်နီးပါး သတ်ဖြတ်ထားတယ်လို့ ဖော်ပြထားပါတယ်။

https://youtu.be/qQ97TskSqTY
#မြန်မာ #ဧရာဝတီ #ဦးအောင်မျိုးမင်း #ဘုတလင် #NUG #AAPP
------------------------------------------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/3btQYpR

ဦးရဲထွဋ်၊ ဒေါက်တာနေစိုးမောင်နဲ့ ငါးမင်းဆွေတို့ နိုင်ငံရေးအကျဉ်းသားဖြစ်လား (ရုပ်/သံ)

ဧရာဝတီ ၊ နိုဝင်ဘာ ၁၁၊ ၂၀၂၄

စစ်တပ်က ဖမ်းဆီးထားတဲ့ ပြန်ကြားရေးဝန်ကြီးဟောင်း ဦးရဲထွဋ် ၊ စစ်အာဏာရှင်ဟောင်း ဦးသန်းရွှေရဲ့ သားမက်ဖြစ်သူ ဒေါက်တာနေစိုးမောင်နဲ့ စစ်တပ်ထောက်ခံသူ ငါးမင်းဆွေတို့ဟာ နိုင်ငံရေး အကျဉ်းသားစာရင်းဝင်လားဆိုပြီး ပြည်သူတွေနဲ့ နိုင်ငံရေးအကျဉ်းသားတွေအကြား ဝေဖန်ပြောဆိုမှုတွေ ရှိနေပါတယ်။

သူတို့ သုံးဦးစလုံးဟာ ဗိုလ်ချုပ်မှူးကြီးမင်းအောင်လှိုင်နဲ့ သူဦးဆောင်တဲ့ စစ်ကောင်စီအဖွဲ့ကို ဝေဖန်လို့ ဖမ်းဆီးခံရတာဖြစ်ပြီး ဒီမိုကရေစီရေးတက်ကြွ လှုပ်ရှားသူတွေကို ဖမ်းဆီး ထောင်ချတဲ့ ပုဒ်မတွေဖြစ်တဲ့ နိုင်ငံတော်အကြည်ညိုပျက်စေမှု ရာဇသတ်ကြီး ဥပဒေပုဒ်မ ၅၀၅(က) ၊ ၁၂၄ ဥပဒေနဲ့အရေးယူခံထားရတာဖြစ်တဲ့အတွက် နိုင်ငံရေးအကျဉ်းသား ဖြစ်မဖြစ်နဲ့ ပတ်သက်ပြီး ဝေဖန်မှုတွေရှိနေတာပါ။

နိုင်ငံရေးအကျဉ်းသားများကူညီစောင့်ရှောက်အသင်း (AAPP) က ၂၀၁၄ ခုနှစ်မှာ ပြုလုပ်ခဲ့တဲ့ ပညာရှင်တွေ ပါဝင်တဲ့ အလုပ်ရုံဆွေနွေးပွဲရလဒ် သတ်မှတ်ချက်တွေအရ ဒေါက်တာနေစိုးမောင် နဲ့ ဦးရဲထွဋ်တို့ကို နိုင်ငံရေးအကျဉ်းသားတွေအဖြစ် စာရင်းထည့်သွင်း ကောက်ယူထားတယ်လို့ ပြောပါတယ်။

ဒီသုံးဦးစလုံးဟာ ဒီမိုကရေစီလှုပ်ရှားသူတွေကို ရက်ရက်စက်စက်နှိမ်နင်းခဲ့တဲ့ စစ်အာဏာရှင် စနစ်အောက်မှာ စစ်ဗိုလ်ချုပ်တွေ အဖြစ်ရှိခဲ့ကြသူတွေနဲ့ ဒီမိုကရေစီလှုပ်ရှားမှုတွေကို ဝေဖန်ပုတ်ခတ်ခဲ့သူတွေဖြစ်လို့ နိုင်ငံရေးအကျဉ်းသားအဖြစ်မသတ်မှတ်ဖို့ ပြည်သူတွေနဲ့နိုင်ငံရေး အကျဉ်းသားဟောင်းအချို့ကလည်း ပြောဆိုနေကြပါတယ်။

https://youtu.be/XWR9VGtMs5E
#မြန်မာ #ဧရာဝတီ #နိုင်ငံရေးအကျဥ်းသား #ဦးရဲထွဋ် #ဒေါက်တာနေစိုးမောင် #ငါးမင်းဆွေ #AAPP
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

ဧရာဝတီတိုင်းမှာ AA နဲ့ ပူးပေါင်းတပ်တွေ စစ်ဆင်ရေးစတင် (ရုပ်/သံ)
ဧရာဝတီ၊ ဇန်နဝါရီ ၁၀၊ ၂၀၂၅
ရခိုင်ပြည်နယ် တခုလုံးနီးပါးကို သိမ်းပိုက်ထိန်းချုပ်ထားနိုင်ပြီ ဖြစ်တဲ့ အာရက္ခတပ်တော် (AA) ဟာ မဟာမိတ် တပ်တွေနဲ့ ပူးပေါင်းကာအနောက်တောင်တိုင်း စစ်ဌာနချုပ် (နတခ) ရှိတဲ့ ဧရာဝတီတိုင်းကို စတင်ထိုးစစ်ဆင် တိုက်ခိုက်နေပါပြီ။
စစ်ကောင်စီဟာ ဂွမြို့သိမ်းတိုက်ပွဲနဲ့အတူ ဧရာဝတီတိုင်းကို ထိုးစစ်တွေရောက်လာမှာ စိုးရိမ်ပြီး ငါးသိုင်းချောင်းဘက်မှာ ခံစစ် အခိုင်အမာပြင်ထားပေမယ့်လည်း တော်လှန်ရေးတပ်တွေရဲ့ထိုးစစ်က ကုန်းတွင်းပိုင်းကမဟုတ်ဘဲ ပင်လယ်နဲ့ကပ်နေတဲ့ ကျေးရွာတခုကနေ ဧရာဝတီတိုင်း ထိုးစစ်စတင်လိုက်တာ ဖြစ်ပါတယ်။
လက်ရှိမှာ ဧရာဝတီတိုင်း ကမ်းခြေပတ်လမ်းမှာရှိနေတဲ့ မကျီးဇင် နဲ့ကုလားချောင်းကျေးရွာ အပါအဝင် အနီးဝိုက်မှာ တိုက်ပွဲစတင်နေပြီလို့ဒေသခံတွေက ဧရာဝတီကို ပြောပါတယ်။
https://youtu.be/5lP-0iUKI64
#မြန်မာ #ဧရာဝတီ #မကျီးဇင် #နတခ #AAPP

ထောင်ဖောက်မယ့် စွပ်စွဲချက်နဲ့ သေဒဏ်ကျ အကျဉ်းသားတွေ နှိပ်စက်ခံနေရ (ရုပ်/သံ)

ဧရာဝတီ၊ နိုဝင်ဘာ ၃၊ ၂၀၂၅

ရန်ကုန်မြို့၊ အင်းစိန်ဗဟိုအကျဉ်းထောင်မှာသေဒဏ်ကျခံနေရတဲ့အကျဉ်းသားတွေညှဉ်းပန်းနှိပ်စက်ခံနေရတယ်လို့ အောက်တိုဘာလ ၃၀ ရက်နေ့က ပြန်လည်လွတ်မြောက်လာတဲ့ ရွှေဝါရောင် ဆရာတော် ဦးပညာဇောတ က မိန့်ကြား ပါတယ်။

အင်းစိန်အကျဉ်းထောင်တွင်းက သေဒဏ်ကျအကျဉ်းသား ၁၂ ဦးဟာ ထောင်ဖောက်မယ် ဆိုတဲ့ စွပ်စွဲချက်နဲ့ အောက်တိုဘာ ဒုတိယပတ်လောက်ကတည်းက နှိပ်စက်ခံနေရတာဖြစ်တယ်လို့ ဆရာတော်က ဧရာဝတီကို မိန့်ပါတယ်။

အကျဉ်းထောင် ဖောက်မယ်ဆိုတဲ့ စွပ်စွဲခံနေရတဲ့ အကျဉ်းသားတွေဟာဥပဒေကြောင်း အရ ရင်ဆိုင်ဖြေရှင်းခွင့် မရဘဲ စစ်ကော်မရှင် အကျဉ်းထောင်တာဝန်ရှိသူတွေရဲ့ ညှဉ်းပန်းနှိပ်စက်မှုကို ခံနေကြရတာဖြစ်ပါတယ်။

https://youtu.be/ORAXjJjSM84
#မြန်မာ #ဧရာဝတီ #အကျဉ်းထောင် #အင်းစိန် #အကျဉ်းသား #AAPP #WhathappensInMyanmar
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

လွတ်ရက်နီးတဲ့ နိုင်ကျဥ်းတချို့ကို စစ်တပ်ပြန်လွှတ် (ရုပ်/သံ)

ဧရာဝတီ၊ ဒီဇင်ဘာ ၂၊ ၂၀၂၅

အာဏာသိမ်းပြီးတဲ့နောက် စစ်တပ်က မတရားဖမ်းဆီး အကျဉ်းချထားသူတွေထဲက လွတ်ရက်နီးကပ် လာတဲ့ နိုင်ငံရေးအကျဉ်းသားတချို့ကို ဒီဇင်ဘာ ၁ ရက်နေ့မှာ လွှတ်ပေးလိုက်ကြောင်း သိရပါတယ်။

အင်းစိန်၊ အိုးဘိုနဲ့ ဒိုက်ဦးအကျဥ်းထောင်တွေ အပါအဝင် နိုင်ငံအနှံ့က ထောင် ၁၁ ခုက နိုင်ငံရေး အကျဥ်းသား ၂၆၈ ဦးကို လွှတ်ပေးခဲ့တာလို့ မြန်မာနိုင်ငံလုံးဆိုင်ရာနိုင်ငံရေးအကျဉ်းသားများ ကွန်ရက် (PPNM) ထုတ်ပြန်ထားပါတယ်။

စစ်တပ်ဟာ အာဏာသိမ်းကာလ ၅ နှစ်အတွင်း အရပ်သားပြည်သူ သုံးသောင်းကျော်ကို မတရားဖမ်းဆီးခဲ့ပြီး ၄ နှစ်ကျော်တဲ့အထိ အဲဒီထဲက ၂ သောင်းကျော်ကို ဖမ်းဆီးချုပ်နှောင်ထားဆဲ ဖြစ်ပါတယ်။

https://youtu.be/pF2531wuQ0I
#မြန်မာ #ဧရာဝတီ #နိုင်ငံရေးအကျဉ်းသား #PPNM #AAPP #WhathappensInMyanmar
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်
Support The Irrawaddy: https://bit.ly/supporttheirrawaddy

နိုင်ငံရေးအကျဉ်းသားတွေကို "ဓားစာခံ" အဖြစ်နဲ့ အသုံးချနေတာ (ရုပ်/သံ)

ဧရာဝတီ၊ မတ် ၂၊ ၂၀၂၆

စစ်ကော်မရှင်ဟာ မတ်လ ၂ ရက်နေ့ တောင်သူလယ်သမားနေ့ အထိမ်းအမှတ်အဖြစ် အကျဉ်းသား ၁ သောင်း ကျော်ကို လွတ်ငြိမ်းခွင့်ပေးခဲ့ပြီး၊ ဒီအထဲမှာ အကြမ်းဖက်မှု တိုက်ဖျက်ရေးဥပဒေ ပုဒ်မ ၅၀ (ည)၊ ၅၂ (က) တို့နဲ့ ပြစ်ဒဏ်ကျခံနေရသူ ၇ ထောင်ကျော် ပါဝင်ပါတယ်။

ဒါ့အပြင် အလားတူ ပုဒ်မတွေနဲ့ အမှုဖွင့်ခံထားရသူ ၁ သောင်း ၂ ထောင်ကျော်ကိုလည်း အမှုပိတ်သိမ်းပေးခဲ့ပေမယ့်၊ ပြန်လည်လွတ်မြောက်လာသူအားလုံးဟာ နောက်တကြိမ် ပြစ်မှုထပ်မံကျူးလွန်ရင် အရင်ကျန်ရှိတဲ့ ပြစ်ဒဏ်တွေကိုပါ ပေါင်းခံရမယ်ဆိုတဲ့ ရာဇဝတ်ကျင့်ထုံးဥပဒေ ပုဒ်မ ၄၀၁ (၁) ဝန်ခံကတိနဲ့ လွှတ်ပေးခဲ့တာ ဖြစ်ပါတယ်။

နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) ကတော့ စစ်အုပ်စုဟာ နိုင်ငံရေးအကျဉ်းသားတွေကို သူတို့ရဲ့ နိုင်ငံရေးအကျပ်အတည်းက ရုန်းထွက်ဖို့နဲ့ နိုင်ငံတကာ အသိအမှတ်ပြုမှုရဖို့အတွက် "ဓားစာခံ" သဖွယ် အသုံးချနေတာလို့ ဝေဖန်ထားကြပါတယ်။

အာဏာသိမ်းစစ်ခေါင်းဆောင်ဟာ ဟန်ပြရွေးကောက်ပွဲနဲ့ လွှတ်တော်ခေါ်ယူဖို့ ပြင်ဆင်နေပေမယ့် ဒေါ်အောင်ဆန်းစုကြည်နဲ့ နိုင်ငံတော်သမ္မတကြီး ဦးဝင်းမြင့် အပါအဝင် နိုင်ငံရေးခေါင်းဆောင်အားလုံးကို ချွင်းချက်မရှိ လွှတ်ပေးပြီး စစ်တန်းလျားကို ပြန်ခြင်းမရှိသရွေ့ ပြည်သူလူထုရဲ့ ထောက်ခံမှုနဲ့ နိုင်ငံတကာရဲ့ အသိအမှတ်ပြုမှုကို ရရှိမှာမဟုတ်ဘူးလို့လည်း ထောက်ပြပါတယ်။

https://youtu.be/47FGzuUS1fg
#မြန်မာ #ဧရာဝတီ #နိုင်ငံရေးအကျဉ်းသား #ဦးဘိုကြည် #ဓားစာခံ #AAPP #WhatIshappensInMyanmar
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

ရာမွန်မက်ဆေးဆေးဆု AAPP က ဦးဘိုကြည်ရရှိ

အာရှရဲ့ နိုဘယ်ဆုလို့ တင်စားကြတဲ့ ဖိလစ်ပိုင်နိုင်ငံရဲ့ ရာမွန် မက်ဆေးဆေးဆုကို ၂၀၂၆ ခုနှစ်အတွက် နိုင်ငံရေးအကျဥ်းသားများကူညီစောင့်ရှောက်ရေးအသင်း (AAPP) ရဲ့ အထွေထွေအတွင်းရေးမှူး ဦးဘိုကြည် ရရှိခဲ့ပါတယ်။

နိုင်ငံရေးအကျဉ်းသားဟောင်းတဦးဖြစ်တဲ့ ဦးဘိုကြည်ဟာ AAPP ပူးတွဲတည်ထောင်သူလည်းဖြစ်သလို နိုင်ကျဉ်းတွေနဲ့ မိသားစုဝင်တွေကို ကူညီပေးတာတွေ ဆောင်ရွက်နေတာလည်း ဖြစ်ပါတယ်။

ရာမွန် မက်ဆေးဆေးဆုဟာ အာရှနိုင်ငံတွေက လူမှုရေးနဲ့ လူသားချင်းစာနာမှုလုပ်ငန်းတွေ ထူးချွန်စွာ ကြိုးပမ်းအားထုတ်သူတွေ၊ အပြောင်းအလဲ လုပ်နိုင်တွေကို ရွေးချယ်ပေးအပ်နေတာဖြစ်ပြီး ၁၉၅၇ ခုနှစ်က လေယာဉ်ပျက်ကျ ကွယ်လွန်ခဲ့ တဲ့ ဖိလစ်ပိုင်သမ္မတ ရာမွန် မက်ဆေးဆေးကို ဂုဏ်ပြုတဲ့ အထိမ်းအမှတ်အနေနဲ့ နှစ်စဉ် ချီးမြှင့်တဲ့ဆု ဖြစ်ပါတယ်။

#မြန်မာ #ဧရာဝတီ #AAPP #ဦးဘိုကြည် #ရေမွန်မက်ဆေးဆေးဆု #ဖိလစ်ပိုင် #WhatsHappeningInMyanmar

• ရန်ကုန်မှာ လူငယ်တွေ ဆက်တိုက်ပျောက်ဆုံးနေ
• မင်းတပ်ကို စစ်တပ်ဗုံးကြဲလို့ ကလေးငယ်တွေအပါအဝင် ၈ ဦးသေဆုံး
• သက်ငယ်မုဒိန်းကျူးလွန်သတ်ဖြတ်ခဲ့သူကို SSPP သေဒဏ်စီရင်
• ရာမွန်မက်ဆေးဆေးဆု AAPP က ဦးဘိုကြည်ရရှိ
• ပူတင်နဲ့ ရှီကျင့်ဖျင်တို့ တွေ့ဆုံဆွေးနွေးဖို့ရှိနေ

နေ့စဉ်သတင်း၊ ဩဂုတ် ၃၁၊ ၂၀၂၆
https://youtu.be/qIxb5qi9Ov0

#မြန်မာ #ဧရာဝတီ #ရန်ကုန် #လူငယ် #မင်းတပ် #သက်ငယ်မုဒိန်း #SSPP #AAPP #ဦးဘိုကြည် #ရာမွန်မက်ဆေးဆေးဆု #နေ့စဉ်သတင်း #DailyNews #WhatsHappeningInMyanmar

ဧရာဝတီရဲ့ YouTube membership ကို Support လုပ်ချင်တဲ့ပရိတ်သတ်တွေအနေနဲ့ ဒီ https://www.youtube.com/@irrawaddynews1993 Link လေးမှ join buttom ကို နှိပ်ပြီးတော့ ပါဝင်နိုင်ပါပြီ။

စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://www.irrawaddy.com/donation

နိုင်ငံတော်အကြီးအကဲတွေကို ကြက်ကလေး ငှက်ကလေးတွေလို ဖမ်းခဲ့တယ် (ရုပ်/သံ)

ဧရာဝတီ၊ စက်တင်ဘာ ၉၊ ၂၀၂၀၆

မြန်မာနိုင်ငံရှိ နိုင်ငံရေးအကျဉ်းသားများ၏ အခြေအနေ၊ စိတ်ဓာတ်နှင့် ၎င်းတို့ ကြုံတွေ့နေရသည့် လူ့အခွင့်အရေးချိုးဖောက်ခံရမှုများကို စနစ်တကျမှတ်တမ်းတင် ထုတ်ဖော်ပြောဆိုပေးခဲ့ခြင်း၊ ထောင်နံရံနောက်ကွယ်မှ အကျဉ်းသားများ၏ ဘဝနှင့်သိက္ခာများကို ပြင်ပကမ္ဘာမှ မေ့ပျောက်မသွားစေရန် အသိနှင့် မျှော်လင့်ချက်များ ပံ့ပိုးပေးနိုင်ခဲ့ခြင်း၊ အခြားသူများ၏ အသက်၊ လွတ်လပ်မှုနှင့် လူ့အခွင့်အရေးအတွက် ရဲရင့်စွာလုပ်ဆောင်ပေးခဲ့သော ဦးဆောင်ကြိုးပမ်းမှုတို့ကြောင့် နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) ကို ဦးစီးဆောင်ရွက်နေသူ ဦးဘိုကြည်အား ဖိလစ်ပိုင်အခြေစိုက် ရေမွန်မက်ဆေးဆေးဆု ဖောင်ဒေးရှင်းက ဒီနှစ် ဆုချီးမြှင့်ခဲ့သည်။

ဒီတပတ် ဧရာဝတီ တွေ့ဆုံမေးမြန်းခန်းကဏ္ဍ၌ ဦးဘိုကြည်က မြန်မာပြည် အကျဉ်းထောင်များရှိ နိုင်ငံရေးအကျဉ်းသားများ အခြေအနေကို ပြောပြထားသည်။

https://youtu.be/I3KksSjKo8k
#မြန်မာ #ဧရာဝတီ #ဦးဘိုကြည် #နိုင်ကျဉ်း #ရေမွန်မက်ဆေးဆေး #AAPP #WhatsHappensInMyanmar

စူပါအယ်လ်နီညိုဖြစ်စဉ်မှာ အကျဉ်းသားတွေ မေ့လျော့ခံဖြစ်နေ


စူပါအယ်လ်နီညိုဖြစ်စဉ်ကြောင့် အပူဒဏ်အန္တရာယ် မြင့်တက်လာချိန် မြန်မာနိုင်ငံက အကျဉ်းထောင်တွေအတွင်း အကျဉ်းသားတွေရဲ့ အခြေအနေဟာ မေ့လျော့ခံဖြစ်နေတယ်လို့ နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) က ဧရာဝတီကို ပြောပါတယ်။


မြန်မာနိုင်ငံက အကျဉ်းထောင်တွေမှာ ကျဉ်းမြောင်းတဲ့အခန်းတွေထဲ သတ်မှတ်လူဦးရေထက် ပိုမိုထားရှိတာ၊ အပူဒဏ်သက်သာစေမယ့် အဆောက်အအုံနဲ့ ပန်ကာမလုံလောက်တာတွေအပြင် အစာအာဟာရ၊ ဆေးဝါးနဲ့ ကျန်းမာရေးစောင့်ရှောက်မှု အားနည်းတာတွေကြား အကျဉ်းသားတွေဟာ အပူဒဏ်ကို ရင်ဆိုင်နေကြရတာပါ။


#မြန်မာ #ဧရာဝတီ #စူပါအယ်နီညို #AAPP #အကျဉ်းသား #အကျဉ်းထောင် #အပူဒဏ် #ပန်ကာ #WhatsHappeningInMyanmar