မြန်မာကို အဓိက ဦးတည်ထားတဲ့ အမေရိကန် ကျားဖြန့်နှိမ်နင်းရေးတပ်ဖွဲ့ (ရုပ်/သံ)

ဧရာဝတီ၊ နိုဝင်ဘာ ၁၃၊ ၂၀၂၅

မြန်မာအပါအဝင် အရှေ့တောင်အာရှက ကျားဖြန့် အွန်လိုင်း ငွေလိမ်ဂိုဏ်းတွေကို နှိမ်နင်းဖို့အတွက် အမေရိကန်က ကျားဖြန့်နှိမ်နင်းရေး အထူးတပ်ဖွဲ့အဖြစ် (Scam Center Strike Force) ကို နိုဝင်ဘာ ၁၂ ရက်မှာ ဖွဲ့စည်းလိုက်ပါတယ်။

ဒီတပ်ဖွဲ့ကို ကိုလံဘီယာ က အမေရိကန်ရှေ့နေရုံး၊ တရားရေးဌာန၊ နိုင်ငံခြားရေးဝန်ကြီးဌာနနဲ့ လျှို့ဝှက်အေဂျင်စီတွေ အပါအဝင် အမေရိကန် အထူးစုံစမ်း စစ်ဆေးရေးအဖွဲ့ (FBI) က အဖွဲ့ဝင်တွေ၊ ကိုယ်စားလှယ်တွေနဲ့ ရှေ့နေတွေလည်း ပါဝင် တယ်လို့ အမေရိကန်အစိုးရရဲ့ ထုတ်ပြန်ချက်မှာ ဖော်ပြပါတယ်။

ဒီတပ်ဖွဲ့ဟာ အမေရိကန်နိုင်ငံသားတွေဆီက နှစ်စဉ် ဒေါ်လာဘီလီယံနဲ့ချီ လိမ်လည်ခိုးယူနေတဲ့ အရှေ့တောင်အာရှ၊ အထူးသဖြင့်တော့ မြန်မာ၊ ကမ္ဘောဒီးယားနဲ့ လာအိုနိုင်ငံတွေက ကျားဖြန့်အွန်လိုင်းငွေလိမ်လုပ်ငန်း လုပ်ကိုင်နေသူတွေ၊ နောက်ကွယ်က ကြိုးကိုင်နေသူတွေကို နှိမ်နင်းပြီး ဥပဒေအရ အရေးယူနိုင်ဖို့လို့ ဆိုပါတယ်။

https://youtu.be/oHaCSji7uuk
#မြန်မာ #ဧရာဝတီ #ကျားဖြန့် #အမေရိကန် #ကျားဖြန့်နှိမ်နင်းရေးအထူးတပ်ဖွဲ့ #ScamCenterStrikeForce #DKBA #WhathappensInMyanmar

စောချစ်သူကို ဖမ်းနိုင်သလား (ရုပ်/သံ)

ဧရာဝတီ၊ နိုဝင်ဘာ ၁၉၊ ၂၀၂၅

မြန်မာနိုင်ငံအပါအဝင် လာအို၊ ကမ္ဘောဒီးယားနဲ့ အရှေ့တောင်အာရှနိုင်ငံတွေက ကျားဖြန့်အွန်လိုင်းငွေလိမ်ဂိုဏ်းတွေကို အရေးယူနိုင်ဖို့ ကျားဖြန့်တိုက်ဖျက်ရေးအထူးအဖွဲ့ (Scam Center Strike Force) ကိုဖွဲ့စည်းထားကြောင်း အမေရိကန်က နိုဝင်ဘာ ၁၂ ရက်နေ့မှာ ကြေညာပါတယ်။

ကျားဖြန့်တိုက်ဖျက်ရေးအထူးအဖွဲ့ (Scam Center Strike Force) ဟာ ကျားဖြန့်နဲ့ နောက်ကွယ်မှာရှိတဲ့ တရုတ် ရာဇဝတ်ဂိုဏ်းတွေနဲ့ ရာဇဝတ်ဂိုဏ်းတွေရဲ့ နောက်ကွယ်က ခေါင်းဆောင်တွေကို စုံစမ်းဖော်ထုတ်၊ အရေးယူမှာဖြစ်ကြောင်း သိရပါတယ်။

ဒီအဖွဲ့မှာ အမေရိကန် ရှေ့နေချုပ်ရုံး၊ ဖက်ဒရယ်စုံစမ်းစစ်ဆေးရေးဗျူရို (FBI)၊ အဆင့်မြင့်လုံခြုံရေးဌာန (secret service) နဲ့ တရားရေးဌာနရဲ့ ရာဇဝတ်ဌာနခွဲ တွေပါဝင်မှာဖြစ်တယ်လို့ ထုတ်ပြန်ကြေညာချက်ထဲမှာ ဖော်ပြထားပါတယ်။

အမေရိကန်ဟာ အာဏာသိမ်းစစ်တပ် ဩဇာခံ ကရင်နယ်ခြားစောင့်တပ် (BGF) ခေါင်းဆောင် ဗိုလ်မှူးကြီး စောချစ်သူနဲ့ ကျားဖြန့် ခေါင်းဆောင် အဖြစ် စွပ်စွဲခံထားရတဲ့ ရှဲကျိကျန်းတို့ကို ဒဏ်ခတ် အရေးယူထားသလို ဒီမိုကရေစီအကျိုးပြု ကရင်တပ်မတော် (DKBA) ခေါင်းဆောင်ပိုင်းတွေဖြစ်တဲ့ စစ်ဦးစီးချုပ် ဗိုလ်ချုပ်ကြီး စောစတီး၊ စစ်ရေးချုပ် ဗိုလ်မှူးကြီး စောစိန်ဝင်း၊ စစ်ဦးစီး အရာရှိချုပ် ဗိုလ်ချုပ်စောဆန်းအောင်နဲ့ ဗိုလ်မှူးချုပ် စိုင်းကျော်လှ တို့ကိုလည်း ဒဏ်ခတ် အရေးယူကြောင်း ကြေညာထားပါတယ်။

ဒါကြောင့် Scam Center Strike Force အကြောင်းအပါအဝင် ဘယ်လိုအရေးယူမှုတွေ ရှိနိုင်သလဲဆိုတာနဲ့ပတ်သက်ပြီး Los Angeles Myanmar Movement ရဲ့ စည်းရုံးရေးမှူး ဦးဂျိမ်းရွှေ ကို ဆက်သွယ်မေးမြန်းထားပါတယ်။

https://youtu.be/MTx3tLw-ctw
#မြန်မာ #ဧရာဝတီ #ScamCenterStrikeForce #ကျားဖြန့် #ရွှေကုက္ကိုလ် #စောချစ်သူ #BGF #WhathappensInMyanmar
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

အမေရိကန်ရဲ့ ကျားဖြန့်စစ်ဆင်ရေးအပေါ် စစ်တပ် သံသယဝင်နေ (ရုပ်/သံ)

ဧရာဝတီ၊ နိုဝင်ဘာ ၁၉၊ ၂၀၂၅

အမေရိကန်က ဖွဲ့စည်းလိုက်တဲ့ ကျားဖြန့်တိုက်ဖျက်ရေးစီမံကိန်းရဲ့ နောက်ကွယ်မှာ နက်နဲ့တဲ့ လျှို့ဝှက်ရည်ရွယ်ချက် ရှိနေနိုင်တယ်လို့ စစ်ကော်မရှင်ရဲ့ပြောရေးဆိုခွင့်ရှိသူ ဗိုလ်ချုပ်ဇော်မင်းထွန်း က ပြောဆိုသွားပါတယ်။

အမေရိကန်က မြန်မာနိုင်ငံအပါအဝင် လာအို၊ ကမ္ဘောဒီးယားနဲ့ အရှေ့တောင်အာရှနိုင်ငံတွေက ကျားဖြန့်အွန်လိုင်း ငွေလိမ်ဂိုဏ်းတွေကို အရေးယူနိုင်ဖို့ ကျားဖြန့်တိုက်ဖျက်ရေးအထူးအဖွဲ့ (Scam Center Strike Force) ကို ဖွဲ့စည်းထားကြောင်း နိုဝင်ဘာ ၁၂ ရက်နေ့မှာ ကြေညာပါတယ်။

ကျားဖြန့်တိုက်ဖျက်ရေးအထူးအဖွဲ့ (Scam Center Strike Force) ဟာ ကျားဖြန့်နဲ့ နောက်ကွယ်မှာရှိတဲ့ တရုတ် ရာဇဝတ်ဂိုဏ်းတွေနဲ့ ရာဇဝတ်ဂိုဏ်းတွေရဲ့ နောက်ကွယ်က ခေါင်းဆောင်တွေကို စုံစမ်းဖော်ထုတ်၊ အရေးယူမှာ ဖြစ်ကြောင်း သိရပါတယ်။

ဒီအဖွဲ့မှာ အမေရိကန် ရှေ့နေချုပ်ရုံး၊ ဖက်ဒရယ်စုံစမ်းစစ်ဆေးရေးဗျူရို (FBI)၊ အဆင့်မြင့်လုံခြုံရေးဌာန (secret service) နဲ့ တရားရေးဌာနရဲ့ ရာဇဝတ်ဌာနခွဲ တွေပါဝင်မှာဖြစ်တယ်လို့ ထုတ်ပြန်ကြေညာချက်ထဲမှာ ဖော်ပြထားပါတယ်။

https://youtu.be/tdB0OPx5DoM
#မြန်မာ #ဧရာဝတီ #ကျားဖြန့် #FBI #secretservice #ScamCenterStrikeForce #WhathappensInMyanmar

အမေရိကန်ရဲ့ ကျားဖြန့် စစ်ဆင်ရေးမှာ မြန်မာစစ်တပ် အရေးယူခံရနိုင်သလား (ရုပ်/သံ)

ဧရာဝတီ၊ မတ် ၁၁၊ ၂၀၂၆

အမေရိကန်သမ္မတ ဒေါ်နယ်ထရမ့်ရဲ့ အမေရိကန် နိုင်ငံသားတွေအပေါ် ပစ်မှတ်ထားတဲ့ အွန်လိုင်းငွေလိမ်ဂိုဏ်းတွေ၊ ဆိုက်ဘာရာဇဝတ်အဖွဲ့တွေကို ဖော်ထုတ်အရေးယူဖို့ ထုတ်ပြန်လိုက်တဲ့ အမိန့်စာကြောင့် မြန်မာနိုင်ငံတွင်းက ကျားဖြန့်ဂိုဏ်းတွေ၊ ကျားဖြန့်လုပ်ငန်းတွေကနေ အကျိုးအမြတ် ရယူနေသူတွအပေါ် သက်ရောက်မှုတွေ ရှိလာနိုင်တယ်လို့ မြန်မာ့အရေးလေ့လာသူတွေက ဆိုကြပါတယ်။

နယ်စပ်ဖြတ်ကျော် ရာဇဝတ်ဂိုဏ်းတွေဟာ အွန်လိုင်းငွေလိမ်မှုတွေ၊ လိင်ပိုင်းဆိုင်ရာ ခြိမ်းခြောက်ငွေတောင်းတာတွေနဲ့ အမေရိကန်ပြည်သူတွေရဲ့ တသတ်တာစုဆောင်းမှုတွေကို ခိုးယူနေတဲ့အတွက် ဒီအခြေအနေတွေကို ကာကွယ်ဖို့ အမိန့်စာတရပ်ကို မတ်လ ၆ ရက်နေ့မှာလက်မှတ်ရေးထိုး ထုတ်ပြန်ခဲ့တာဖြစ်ပါတယ်။

နိုင်ငံခြားရေးကော်မတီရဲ့ အတည်ပြုချက်အရ ကျားဖြန့်လုပ်ငန်းမှာ မြန်မာစစ်တပ်က ပါဝင်နေပြီး အွန်လိုင်းကျားဖြန့် လိမ်လည်မှုကို ခွင့်ပြုတယ်၊ လျစ်လျူရှု့တယ်၊ အမြတ်အစွန်းရယူတယ်လို့ ၂၀၂၅ ဒီဇင်ဘာလမှာ ဆုံးဖြတ်ခဲ့ကြပါတယ်။

https://youtu.be/eOp6kLXOetk
#မြန်မာ #ဧရာဝတီ #အွန်လိုင်းငွေလိမ်ဂိုဏ်း #ဒေါ်နယ်ထရမ့် #OnlineScammer #ScamCenterStrikeForce #FBI #What'sHappensInMyanmar