အမေရိကန်ရဲ့ ကျားဖြန့်စစ်ဆင်ရေးအပေါ် စစ်တပ် သံသယဝင်နေ (ရုပ်/သံ)

ဧရာဝတီ၊ နိုဝင်ဘာ ၁၉၊ ၂၀၂၅

အမေရိကန်က ဖွဲ့စည်းလိုက်တဲ့ ကျားဖြန့်တိုက်ဖျက်ရေးစီမံကိန်းရဲ့ နောက်ကွယ်မှာ နက်နဲ့တဲ့ လျှို့ဝှက်ရည်ရွယ်ချက် ရှိနေနိုင်တယ်လို့ စစ်ကော်မရှင်ရဲ့ပြောရေးဆိုခွင့်ရှိသူ ဗိုလ်ချုပ်ဇော်မင်းထွန်း က ပြောဆိုသွားပါတယ်။

အမေရိကန်က မြန်မာနိုင်ငံအပါအဝင် လာအို၊ ကမ္ဘောဒီးယားနဲ့ အရှေ့တောင်အာရှနိုင်ငံတွေက ကျားဖြန့်အွန်လိုင်း ငွေလိမ်ဂိုဏ်းတွေကို အရေးယူနိုင်ဖို့ ကျားဖြန့်တိုက်ဖျက်ရေးအထူးအဖွဲ့ (Scam Center Strike Force) ကို ဖွဲ့စည်းထားကြောင်း နိုဝင်ဘာ ၁၂ ရက်နေ့မှာ ကြေညာပါတယ်။

ကျားဖြန့်တိုက်ဖျက်ရေးအထူးအဖွဲ့ (Scam Center Strike Force) ဟာ ကျားဖြန့်နဲ့ နောက်ကွယ်မှာရှိတဲ့ တရုတ် ရာဇဝတ်ဂိုဏ်းတွေနဲ့ ရာဇဝတ်ဂိုဏ်းတွေရဲ့ နောက်ကွယ်က ခေါင်းဆောင်တွေကို စုံစမ်းဖော်ထုတ်၊ အရေးယူမှာ ဖြစ်ကြောင်း သိရပါတယ်။

ဒီအဖွဲ့မှာ အမေရိကန် ရှေ့နေချုပ်ရုံး၊ ဖက်ဒရယ်စုံစမ်းစစ်ဆေးရေးဗျူရို (FBI)၊ အဆင့်မြင့်လုံခြုံရေးဌာန (secret service) နဲ့ တရားရေးဌာနရဲ့ ရာဇဝတ်ဌာနခွဲ တွေပါဝင်မှာဖြစ်တယ်လို့ ထုတ်ပြန်ကြေညာချက်ထဲမှာ ဖော်ပြထားပါတယ်။

https://youtu.be/tdB0OPx5DoM
#မြန်မာ #ဧရာဝတီ #ကျားဖြန့် #FBI #secretservice #ScamCenterStrikeForce #WhathappensInMyanmar

ထရမ့်ရဲ့ အိမ်ရာဝင်း ထဲ ၀င်ရောက်လာတဲ့ လက်နက်ကိုင်ဆောင်ထားသူ ပစ်ခတ်ခံရပြီး သေဆုံး

အမေရိကန်နိုင်ငံ ဖလော်ရီဒါပြည်နယ်မှာ ဖေဖော်ဝါရီ ၂၂ ရက်က သမ္မတ ထရမ့်ရဲ့ Mar-a-Lago အိမ်ရာ၀င်း ထဲကို မော်တော်ယာဉ်နဲ့ မောင်းနှင်၀င်ရောက်လာတဲ့လက်နက်ကိုင်ဆောင်ထားသူတဦး ပစ်ခတ်ခံရပြီး သေဆုံးသွားတယ်လို့ သိရပါတယ်။

လက်နက်ကိုင်ဆောင်ထားသူဟာ အသက် ၂၁ နှစ်အရွယ် အော်စတင် တပ်ကာ မာတင်လို့သိရပြီး သူ့ရဲ့မိသားစုကလည်း သူပျောက်ဆုံးနေကြောင်း မကြာသေးခင်ကမှ တိုင်ကြားခဲ့တာလို့ အာဏာပိုင်တွေကပြောပါတယ်။ သူ့မှာ ရှော့ဂန်းတလက်နဲ့ လောင်စာဆီပုံးတပုံး ပါရှိတယ်လို့သိရပါတယ်။

#trump #us #fbi

• မြန်မာက ကျားဖြန့်တွေကို FBI ဝင်မှာလား

• အာဆီယံ ဘုံသဘောတူညီချက် ၅ ရပ်ကို ပြန်သုံးသပ်ဖို့ ဖိလစ်ပိုင်ပြော

• ပုဏ္ဏာကျွန်း ရွာဈေး လေကြောင်းတိုက်ခိုက်ခံရမှု သေဆုံးသူထပ်တိုး

• ခွေးရောဂါပိုးကြောင့် ထိုင်းမှာ ကျား ၇၂ ကောင်သေဆုံး

• ထရမ့်မိန့်ခွန်းပွဲမှာ ဒီမိုကရက်တွေနဲ့ အခြေအတင်ဖြစ်ခဲ့

https://youtu.be/G2oHSq_7GO4
#မြန်မာ #ဧရာတီ #ကျားဖြန့် #FBI #အာဆီယံ #ပုဏ္ဏားကျွန်း #IRWDailyNews #နေ့စဉ်သတင်း #WhathappensInMyanmar

• မြန်မာက ကျားဖြန့်တွေကို FBI စောင့်ကြည့်နေပြီ

• ဗိုလ်ချုပ်ကြီး ရဲဝင်းဦးကို ကြည်း ချုပ်ရာထူးပေး

• စက်သုံးဆီပြဿနာကို စစ်ခေါင်းဆောင်တွေ စနစ်တကျမဖြေရှင်းနိုင်

• မြန်မာအပါအဝင် ၄ နိုင်ငံကို UK အစိုးရ ပညာရေးဗီဇာ ရပ်ဆိုင်း

• အီရန်နဲ့ ညှိနှိုင်းဆွေးနွေးဖို့ နောက်ကျသွားပြီလို့ ထရမ့်ပြော

နေ့စဉ်သတင်း၊ မတ် ၄၊ ၂၀၂၆

https://youtu.be/29T_y2g8T_I
#မြန်မာ #ဧရာဝတီ #FBI #ကျားဖြန့် #ဗိုလ်ချုပ်ကြီးရဲဝင်းဦး #စက်သုံးဆီ #IRWDailyNews #WhatIsHappensInMyanmar

အမေရိကန်ရဲ့ ကျားဖြန့် စစ်ဆင်ရေးမှာ မြန်မာစစ်တပ် အရေးယူခံရနိုင်သလား (ရုပ်/သံ)

ဧရာဝတီ၊ မတ် ၁၁၊ ၂၀၂၆

အမေရိကန်သမ္မတ ဒေါ်နယ်ထရမ့်ရဲ့ အမေရိကန် နိုင်ငံသားတွေအပေါ် ပစ်မှတ်ထားတဲ့ အွန်လိုင်းငွေလိမ်ဂိုဏ်းတွေ၊ ဆိုက်ဘာရာဇဝတ်အဖွဲ့တွေကို ဖော်ထုတ်အရေးယူဖို့ ထုတ်ပြန်လိုက်တဲ့ အမိန့်စာကြောင့် မြန်မာနိုင်ငံတွင်းက ကျားဖြန့်ဂိုဏ်းတွေ၊ ကျားဖြန့်လုပ်ငန်းတွေကနေ အကျိုးအမြတ် ရယူနေသူတွအပေါ် သက်ရောက်မှုတွေ ရှိလာနိုင်တယ်လို့ မြန်မာ့အရေးလေ့လာသူတွေက ဆိုကြပါတယ်။

နယ်စပ်ဖြတ်ကျော် ရာဇဝတ်ဂိုဏ်းတွေဟာ အွန်လိုင်းငွေလိမ်မှုတွေ၊ လိင်ပိုင်းဆိုင်ရာ ခြိမ်းခြောက်ငွေတောင်းတာတွေနဲ့ အမေရိကန်ပြည်သူတွေရဲ့ တသတ်တာစုဆောင်းမှုတွေကို ခိုးယူနေတဲ့အတွက် ဒီအခြေအနေတွေကို ကာကွယ်ဖို့ အမိန့်စာတရပ်ကို မတ်လ ၆ ရက်နေ့မှာလက်မှတ်ရေးထိုး ထုတ်ပြန်ခဲ့တာဖြစ်ပါတယ်။

နိုင်ငံခြားရေးကော်မတီရဲ့ အတည်ပြုချက်အရ ကျားဖြန့်လုပ်ငန်းမှာ မြန်မာစစ်တပ်က ပါဝင်နေပြီး အွန်လိုင်းကျားဖြန့် လိမ်လည်မှုကို ခွင့်ပြုတယ်၊ လျစ်လျူရှု့တယ်၊ အမြတ်အစွန်းရယူတယ်လို့ ၂၀၂၅ ဒီဇင်ဘာလမှာ ဆုံးဖြတ်ခဲ့ကြပါတယ်။

https://youtu.be/eOp6kLXOetk
#မြန်မာ #ဧရာဝတီ #အွန်လိုင်းငွေလိမ်ဂိုဏ်း #ဒေါ်နယ်ထရမ့် #OnlineScammer #ScamCenterStrikeForce #FBI #What'sHappensInMyanmar

အွန်လိုင်းငွေလိမ်ဂိုဏ်းတွေနောက်ကွယ်မှာ တရုတ်ရှိတယ်လို့ FBI ပြော (ရုပ်/သံ)

ဧရာဝတီ၊ မတ် ၂၀၊ ၂၀၂၆

အရှေ့တောင်အာရှတလွှားမှာ အခြေစိုက်ပြီး အမေရိကန်နိုင်ငံသားတွေကို ပစ်မှတ်ထား ငွေလိမ်နေတဲ့ အွန်လိုင်းငွေလိမ်စခန်းတွေရဲ့ နောက်ကွယ်မှာ တရုတ်ကွန်မြူနစ်ပါတီ (CCP) က ပါဝင်ပတ်သက်နေတယ်လို့ အမေရိကန် FBI က ထုတ်ဖော်ပြောဆိုလိုက်ပါတယ်။

အထူးသဖြင့် မြန်မာနိုင်ငံနဲ့ ကမ္ဘောဒီးယားနိုင်ငံတွေထဲက ငွေလိမ်စခန်း တွေကို တရုတ်က နောက်ကွယ်ကနေ ကျောထောက် နောက်ခံ ပေးထားတာလို့ ဆိုပါတယ်။

ဒီငွေလိမ်စခန်း အများစုဟာ ကမ္ဘောဒီးယားနိုင်ငံနဲ့ ထိုင်းနယ်စပ် တလျှောက်က မြန်မာနိုင်ငံအတွင်းမှာ တည်ရှိနေတာဖြစ်ပြီး FBI အနေနဲ့ ဒီလုပ်ငန်းတွေကို နိုင်ငံဖြတ်ကျော်ပြီး အမြစ်ပြတ်ချေမှုန်းဖို့ အထူးစစ်ဆင်ရေးတရပ်ကို စတင်နေပြီလို့ ဆိုပါတယ်။

https://youtu.be/iehQocakHUI
#မြန်မာ #ဧရာဝတီ #တရုတ် #FBI #WhathappensInMyanmar
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

မင်းအောင်လှိုင်တို့ အရေခွံလဲချိန် ပြဿဒါးနဲ့ ကြုံ (ရုပ်/သံ)

ဧရာဝတီ၊ မတ် ၃၁၊ ၂၀၂၆

မင်းအောင်လှိုင်အတွက် အမေရိကန်ဟာ ပိုကြောက်ဖို့ကောင်းပုံရပါတယ်။ အမေရိကန်ဟာ သူ့ရဲ့ ရန်သူအဖြစ် သတ်မှတ်ခဲ့ပြီးရင် ဘယ်နိုင်ငံဖြစ်ဖြစ် ဝင်ရောက်စီးနင်းပြီး ဘင်လာဒင်လိုလည်း သုတ်သင်ပါတယ်။ မာဒူရိုလိုလည်း ဖမ်းပါတယ်။

ဒါမှမဟုတ် နည်းပညာမြင့် ဒုံးကျည်ပစ်ပြီးလည်း သုတ်သင်ရှင်းလင်းပါတယ်။ ရုရှားနဲ့ တရုတ်ရဲ့ လေကြောင်းရန် ကာကွယ်ရေးစနစ်တွေကလည်း အကာအကွယ် မပေးနိုင်ပါဘူး။ မင်းအောင်လှိုင်အတွက်တော့ စိုးရိမ်စရာ နေ့ရက်တွေပါပဲ။ အိပ်မက်ဆိုးတွေ မက်နေရမယ့် နေ့တွေပါပဲ။

ဒီကြားထဲ အားလုံးပြင်ဆင်ထားပြီးခါမှ ခါးဝေဒနာက ထဖောက်ပြီး အိန္ဒိယဆရာဝန်တွေကိုတောင် ဖိတ်ပြီး ခွဲစိတ်ရတဲ့အဖြစ်က မင်းအောင်လှိုင်အတွက် အဆိုးဆုံးလို့ ဆိုရမှာပါ။ မတ် ၂၇ တပ်မတော်နေ့မှာ မိန့်ခွန်းတောင် ထွက်ပြောနိုင်ပါ့မလား။ မတ်လကုန် သမ္မတရွေးချယ်တင်မြှောက်ခံဖို့ ဝှီးချဲနဲ့ ထွက်လာမလား။ အခြေအနေက ခါချဉ်ကောင်မာန်ကြီးပြီး တောင်ကြီးကို ဖြိုမယ်ကြံခါမှ ခါးကမသန်တော့ဘူး ဆိုသလို မင်းအောင်လှိုင် တကယ်ကြုံနေရပါပြီ။

ဒါကြောင့်မို့ မင်းအောင်လှိုင်တို့တသိုက် အရေခွံလဲချိန်ဟာ စီးပွားရေး အကြပ်အတည်းရော၊ အမေရိကန်ရဲ့ ပစ်မှတ်ထားမှုကိုရော မင်းအောင်လှိုင်ကိုယ်တိုင်ရဲ့ ကျန်းမာရေးရော ဆုပ်ရောကပ်ရော ကြုံနေရတဲ့ အချိန်ပါ။

https://youtu.be/il3WW0jAyPc
#မြန်မာ #ဧရာဝတီ #မင်းအောင်လှိုင် #ကျန်းမာရေး #FBI #အမေရိကန် #What'sHappensInMyanmar
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://www.irrawaddy.com/donation

• မြန်မာက ကျားဖြန့်ဂိုဏ်းကိုဖမ်းဖို့ ဒေါ်လာ ၁၀ သန်းနဲ့ အမေရိကန် ဆုကြေးထုတ်
• မြန်မာနယ်စပ်မှာမိတဲ့ ကျားဖြန့်တရုတ် ၂ ဦးကို FBI က တရားစွဲ
• ကိုရင်ကို ရိုက်ခဲ့တဲ့ ဘုန်းကြီးကို ထောင်ဒဏ် ၂ နှစ် ချမှတ်
• မစိုးမိုးနိုင်တဲ့မြို့နယ်တွေကို စစ်အုပ်ချုပ်ရေးဆက်ကြေညာ
• သတင်းဌာန ၃ ခု လိုင်စင် ပိတ်သိမ်းခံရ
• ထိုင်းမှာ မြန်မာအလုပ်သမား ၆၀၀ ကျော် အလုပ်ဖြုတ်ခံရ
• ထိုင်းမှာ အမျိုးသမီးသန့်စင်ခန်းထဲ လျှို့ဝှက်ကင်မရာတပ်သူကို ဖမ်းမိ

https://youtu.be/b91VaaP6BSA

#မြန်မာ #ဧရာဝတီ #ကျားဖြန့် #ဆုကြေး #FBI #စစ်အုပ်ချုပ်ရေး #သတင်းဌာန #အလုပ်သမား #နေ့စဉ်သတင်း #DailyNews #WhathappensInMyanmar

ဧရာဝတီရဲ့ YouTube membership ကို Support လုပ်ချင်တဲ့ပရိတ်သတ်တွေအနေနဲ့ ဒီ Link လေးကို နှိပ်ပြီးတော့ ပါဝင်နိုင်ပါပြီ။https://www.youtube.com/channel/UCgEI7TvwuNGVGpd1M0icWJQ/join

စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://www.irrawaddy.com/donation

ကျားဖြန့်နဲ့ နာမည်ပျက်နေတဲ့ခေါင်းဆောင်တွေ အလှူလုပ်ပြ (ရုပ်/သံ)

ဧရာဝတီ၊ ဇွန် ၂၅၊ ၂၀၂၆

ကျား ဖြန့်ငွေလိမ်ဂိုဏ်းတွေနဲ့ ပတ်သက်ပြီး နိုင်ငံတကာရဲ့ စောင့်ကြည့်ခံနေရတဲ့ ကရင်ပြည်နယ်ထဲက လက်နက်ကိုင်တပ်ဖွဲ့ ခေါင်းဆောင်တွေဟာ အလှူအတန်းတွေကို လုပ်ပြနေပြီး လူမှုကွန်ရက်တွေပေါ်မှာ ခပ်စိပ်စိပ် ထုတ်ပြန်နေကြတာတွေ့ရပါတယ်။

ကရင်အမျိုးသားတပ်မတော် (KNA) ခေါင်းဆောင် ဗိုလ်မှူးကြီးစောချစ်သူ၊ ကရင်နယ်ခြားစောင့်တပ် (BGF) အမှတ် (၄) တပ်နယ်မှူး ဗိုလ်မှူးစောမုတ်သုန်နဲ့ ဒီမိုကရေစီအကျိုးပြုကရင်တပ်မတော် (DKBA) အမှတ် (၁) စစ်ဒေသကွပ်ကဲရေးမှူး ဗိုလ်မှူးချုပ်စိုင်းကျော်လှတို့ဟာ အခုနှစ်ပိုင်းထဲ လူလုံးပြ အလှူလုပ်တာတွေ ခပ်စိပ်စိပ် တွေ့လာရတာ ဖြစ်ပါတယ်။

သူတို့သုံးဦးကို ကျားဖြန့်လုပ်ငန်းတွေမှာ ပါဝင်ပတ်သက်နေတယ်ဆိုပြီး အမေရိကန်က ၂၀၂၅ ခုနှစ်မှာ နာမည်တပ်ပြီး ဒဏ်ခတ်ပိတ်ဆို့ အရေးယူထားပါတယ်။ အမေရိကန် ထောက်လှမ်းရေးဗျူရို (FBI) ကလည်း ထိုင်း-မြန်မာနယ်စပ်က ကျားဖြန့်လုပ်ငန်းတွေဟာ အမေရိကန် နိုင်ငံသားတွေကို ဦးတည် လိမ်လည်နေတယ်ဆိုပြီး ထိုင်းအစိုးရနဲ့ ပူးပေါင်း စောင့်ကြည့်မယ်လို့ တရားဝင်ကြေညာထားပါတယ်။

ဒီလိုစောင့်ကြည့်မှုတွေခံရတဲ့ လက်နက်ကိုင်ခေါင်းဆောင်တွေဟာ သူတို့နဲ့ ပူးပေါင်းနေတဲ့ မြန်မာစစ်တပ်ခေါင်းဆောင်တွေလုပ်ကိုင်သလို အလှူအတန်းတွေနဲ့ သူတို့ရဲ့ မကောင်းမှုတွေကို ဖုံးကွယ်ဖို့ ကြိုးစားလာနေတာကို တွေ့မြင်ရတယ်လို့ လေ့လာသုံးသပ်သူတွေက ဆိုကြပါတယ်။

https://youtu.be/DZAmqrjJyAc
#မြန်မာ #ဧရာဝတီ #ကျားဖြန့် #KNA #BGF #DKBA #FBI #ကရင်ပြည်နယ် #လက်နက်ကိုင် #WhatsHappeningInMyanmar