ဗိုလ်မှူးကြီး စောချစ်သူ အပါ ၃ ဦးနဲ့ ချစ်လင်းမြိုင်ကုမ္ပဏီကို EU ဒဏ်ခတ် (ရုပ်/သံ)

ဇော်မြတ်ခန့်၊ အောက်တိုဘာ ၃၀ ၊ ၂၀၂၄

ထိုင်း − မြန်မာနယ်စပ်မှာ အွန်လိုင်းငွေလိမ် လုပ်ငန်းတွေနဲ့ အကျိုးအမြတ်ရနေတဲ့ ချစ်လင်းမြိုင်ကမ္ပဏီနဲ့ ဒီကုမ္ပဏီကို တည်ထောင်သူ ကရင်နယ်ခြားစောင့်တပ် (BGF) ခေါင်းဆောင် ဗိုလ်မှူးကြီး စောချစ်သူတို့ကို ဥရောပသမဂ္ဂက အောက်တိုဘာလ ၂၉ ရက်နေ့မှာ ဒဏ်ပိတ်ဆို့ အရေးယူလိုက်ပါတယ်။

အခုနှစ် မတ်လမှာ BGF က ကရင်အမျိုးသားတပ်မတော် (KNA) အဖြစ်ပြောင်းလဲဖွဲ့စည်းခဲ့ပြီး အခု EU ရဲ့

အရေးယူမှုမှာလည်း KNA ဒုတိယအထွေထွေ အတွင်းရေးမှူး ဗိုလ်မုတ်သုံနဲ့ ဗိုလ်မှူးတင်ဝင်းတို့လည်း ပါဝင်ပါတယ်။

အခုအရေးယူမှုဟာ အွန်လိုင်းလိမ်လည်မှုတွေရဲ့ ခြိမ်းခြောက်မှုကို ကိုင်တွယ်ဖြေရှင်းဖို့ ဖြစ်ပြီး အရေးယူခံရသူတွေအနေနဲ့ ဥရောပသမဂ္ဂ အဖွဲ့ဝင်နိုင်ငံတွေကို ခရီးသွားလာခွင့် ပိတ်ပင်ခံရမှာ ဖြစ်ပါတယ်။

https://youtu.be/LO-Qocluwoo
#မြန်မာ #ဧရာဝတီ #စောချစ်သူ #မုတ်သုန် #BGF #KNA
---------------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/3btQYpR

မိုးဗြဲကိုထိန်းချုပ်နိုင်ဖို့ စစ်ကောင်စီ အင်အားသုံး တိုက်ခိုက်နေ (ရုပ်/သံ)

ဧရာဝတီ၊ မတ် ၂၊ ၂၀၂၅

ရှမ်းပြည်နယ်တောင်ပိုင်း၊ ရှမ်း-ကယားနယ်အစပ်က မိုးဗြဲမြို့မှာ တော်လှန်ရေးအင်အားစုတွေနဲ့ စစ်ကောင်စီကြား ထိတွေ့တိုက်ပွဲတွေ နေ့စဉ်ဆိုသလို၊ ပြင်းထန်နေတာကြောင့် နှစ်ဖက်အထိအခိုက် အကျအဆုံးတွေ ရှိနေပါတယ်။

စစ်ကောင်စီဟာ ဝေဟင်ကနေ လေယာဥ်နဲ့ရော ဒရုန်းတွေနဲ့ပါ အသုံးပြုတိုက်ခိုက်နေသလို၊ မိုးဗြဲ အခြေစိုက် ခမရ (၄၂၂) တပ်စခန်းကနေလည်း လက်နက်ကြီးပစ်ခတ်မှုတွေအပြင် မြေပြင် တိုက်ခိုက်မှု တွေကြောင့် ပူးပေါင်းတော်လှန်ရေးတပ်တွေက ရဲဘော် ၄ ဦး ကျဆုံးခဲ့ရတာကို သက်ဆိုင်ရာ တပ်ဖွဲ့တွေကထုတ်ပြန်ကြေညာ ထားပါတယ်။

စစ်ကောင်စီဟာ မိုးဗြဲမြို့ကို ပြန်လည်ထိန်းချုပ်နိုင်ဖို့ ကြိုးစားနေတဲ့အပြင် ကရင်နီပြည်အတွက် စစ်ရေးအရ အလွန်အရေးပါတဲ့ လွိုင်ကော်- မိုးဗြဲ-ဖယ်ခုံ လမ်းပိုင်းကိုပါ ထိန်းချုပ်နိုင်ဖို့ ကြိုးစားနေ တာပါ။

မြို့ကို ပြန်လည်ထိန်းချုပ်နိုင်ဖို့အတွက် ပြီးခဲ့တဲ့ ဇန်နဝါရီ လပိုင်းကတည်းက ပအိုဝ်းပြည်သူ့စစ် (PNO) အဖွဲ့ကို ပိုမို အင်အား အသုံးပြုပြီး၊ တော်လှန်ရေးတပ်တွေရဲ့ ကာကင်းတွေကို ထိုးစစ်ဆင်တိုက်ခိုက် လာတာ ဖြစ်တယ်လို့ တော်လှန်ရေးတပ်တွေက ဆိုပါတယ်။

https://youtu.be/SG5xTeght_4
#မြန်မာ #ဧရာဝတီ #မိုးဗြဲ #ရှမ်းကယားအစပ် #KNDF #KNA #URF
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

စောချစ်သူနဲ့ သားနှစ်ယောက်ကို အမေရိကန် ဒဏ်ခတ်အရေးယူ (ရုပ်/သံ)

ဧရာဝတီ၊ မေ ၆၊ ၂၀၂၅

ကရင်အမျိုးသားတပ်မတော် (KNA) ခေါင်းဆောင် ဗိုလ်မှူးကြီး စောချစ်သူနဲ့ သား ၂ ဦး ဖြစ်တဲ့ စောထူးအယ်မူး၊ စောချစ်ချစ် တို့ကို အမေရိကန်က ဒဏ်ခတ်အရေးယူလိုက်ပါတယ်။

အမေရိကန်နိုင်ငံသားတွေကို ပစ်မှတ်ထားပြီး အွန်လိုင်းကနေ ငွေကြေးလိမ်လည်မှု၊ လူကုန်ကူးမှု၊ နယ်စပ်ဖြတ်ကျော်မှောင်ခိုမှုတွေကို ထောက်ပံ့ကူညီနေတာကြောင့် အရေးယူတာဖြစ်ကြောင်း အမေရိကန် ဘဏ္ဍာရေးဝန်ကြီးဌာနအောက်ရှိ နိုင်ငံခြား ပိုင်ဆိုင်မှုထိန်းချုပ်ရေးရုံး (OFAC) က မေလ ၅ ရက်နေ့မှာ ထုတ်ပြန်ကြေညာပါတယ်။

ထိုင်း-မြန်မာနယ်စပ်က KNA ထိန်းချုပ်တဲ့ဒေသတွေမှာ ဆိုက်ဘာလိမ်လည်ရေးလုပ်ငန်းတွေ အများအပြားရှိနေပြီး မြန်မာစစ်တပ်ရဲ့ ရာဇဝတ်မှုလုပ်ငန်းတွေကနေလည်း KNA က အကျိုးအမြတ်များစွာရရှိနေတယ်လို့ ထုတ်ပြန်ချက်မှာဖော်ပြထားပါတယ်။

https://youtu.be/qp7e1UWvFP4
#မြန်မာ #ဧရာဝတီ #စောချစ်သူ #KNA #BGF #ကျားဖြန့် #အမေရိကန် #ဒဏ်ခတ်
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

စောချစ်သူနဲ့ သားနှစ်ယောက်ကို အမေရိကန် ဒဏ်ခတ်အရေးယူ (ရုပ်/သံ)

ဧရာဝတီ၊ မေ ၆၊ ၂၀၂၅

ကရင်အမျိုးသားတပ်မတော် (KNA) ခေါင်းဆောင် ဗိုလ်မှူးကြီး စောချစ်သူနဲ့ သား ၂ ဦး ဖြစ်တဲ့ စောထူးအယ်မူး၊ စောချစ်ချစ် တို့ကို အမေရိကန်က ဒဏ်ခတ်အရေးယူလိုက်ပါတယ်။

အမေရိကန်နိုင်ငံသားတွေကို ပစ်မှတ်ထားပြီး အွန်လိုင်းကနေ ငွေကြေးလိမ်လည်မှု၊ လူကုန်ကူးမှု၊ နယ်စပ်ဖြတ်ကျော်မှောင်ခိုမှုတွေကို ထောက်ပံ့ကူညီနေတာကြောင့် အရေးယူတာဖြစ်ကြောင်း အမေရိကန် ဘဏ္ဍာရေးဝန်ကြီးဌာနအောက်ရှိ နိုင်ငံခြား ပိုင်ဆိုင်မှုထိန်းချုပ်ရေးရုံး (OFAC) က မေလ ၅ ရက်နေ့မှာ ထုတ်ပြန်ကြေညာပါတယ်။

ထိုင်း-မြန်မာနယ်စပ်က KNA ထိန်းချုပ်တဲ့ဒေသတွေမှာ ဆိုက်ဘာလိမ်လည်ရေးလုပ်ငန်းတွေ အများအပြားရှိနေပြီး မြန်မာစစ်တပ်ရဲ့ ရာဇဝတ်မှုလုပ်ငန်းတွေကနေလည်း KNA က အကျိုးအမြတ်များစွာရရှိနေတယ်လို့ ထုတ်ပြန်ချက်မှာဖော်ပြထားပါတယ်။

https://youtu.be/qp7e1UWvFP4

#မြန်မာ #ဧရာဝတီ #စောချစ်သူ #KNA #BGF #ကျားဖြန့် #အမေရိကန် #ဒဏ်ခတ်
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

ဗိုလ်မှူးကြီး စောချစ်သူနဲ့ ကျားဖြန့်ခေါင်းဆောင်ကို အမေရိကန်အရေးယူ (ရုပ်/သံ)

ဧရာဝတီ၊ စက်တင်ဘာ ၉ ၊ ၂၀၂၅

ကျားဖြန့်ခေါင်းဆောင် ရှီကျီကျန်းအပါအဝင် ကရင်အမျိုးသားတပ်မတော် (KNA) ခေါင်းဆောင် ဗိုလ်မှူးကြီး စောချစ်သူနဲ့ ဆက်စပ်နေတဲ့ ရွှေကုက္ကိုလ်က ပစ်မှတ် ၉ ခုကို ဒဏ်ခတ်ပိတ်ဆို့အရေးယူလိုက်တယ်လို့ အမေရိကန်ဘဏ္ဏာရေးဌာနက စက်တင်ဘာ ၈ ရက်နေ့မှာ ကြေညာပါတယ်။

အွန်လိုင်းလိမ်လည်မှုစင်တာတွေကနေတဆင့် အဓမ္မလုပ်အားပေးခိုင်းစေမှု၊ အကြမ်းဖက်မှုတွေနဲ့ အမေရိကန်တွေ ဆီကနေ ဒေါ်လာဘီလီယံပေါင်းများစွာ ခိုးယူမှုတွေနဲ့ ပတ်သက်ပြီး အရေးယူတာဖြစ်တယ်လို့ ဆိုပါတယ်။

ဒဏ်ခတ် အရေးယူမယ့် စာရင်းထဲမှာ ကျားဖြန့်ခေါင်းဆောင် ရှီကျီကျန်း၊ KNA ရဲ့ ဗိုလ်မှူးကြီး စောမင်းမင်းဦးနဲ့ ဗိုလ်မှူး စောတင်ဝင်းအပါအဝင် ချစ်လင်းမြိုင် Mining and Industry Company Limited၊ ချစ်လင်းမြိုင် Toyata Company Limited၊ ချစ်လင်းမြိုင် ကုမ္ပဏီ၊ မြန်မာရထိုက် International Holding Group၊ ရွှေမြင့်သောင်ရင်း Industry and Manufacturing ကုမ္ပဏီ၊ ရထိုက် International Holding Group Limited တို့ပါဝင်ပါတယ်။

https://youtu.be/gNVp5yxREPM
#မြန်မာ #ဧရာဝတီ #KNA #ကျားဖြန့် #စောချစ်သူ #စောမင်းမင်းဦး #စောတင်ဝင်း #ရွှေကုက္ကိုလ် #ဒဏ်ခတ်ပိတ်ဆို့ #အမေရိကန် #WhathappensInMyanmar
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

စစ်တပ်ကို မကူညီခဲ့ဘူးလို့ KNA ပြော (ရုပ်/သံ)

ဧရာဝတီ၊ စက်တင်ဘာ ၁၀၊ ၂၀၂၅

ကရင်ပြည်နယ်၊ မြဝတီမြို့နယ်ကို အာဏာသိမ်း စစ်တပ် ပြန်လည်ဝင်ရောက်လာမှုမှာ ကရင်အမျိုးသား တပ်မတော် (KNA) အနေနဲ့ ကူညီပေးတာမျိုး မရှိဘူးလို့ KNA ရဲ့ ပြောရေးဆိုခွင့်ရှိသူ နိုင်မော်ဇော်က ဧရာဝတီကို ပြောပါတယ်။

ကရင်အမျိုးသား လွတ်မြောက်ရေးတပ်မတော် (KNLA) နဲ့ တော်လှန်ရေးပူးပေါင်းတပ်ဖွဲ့တွေ ထိန်းချုပ် ထားတဲ့ ကော့ကရိတ် - မြဝတီအာရှလမ်းပိုင်းနဲ့ သင်္ဃန်းညီနောင် ဗျူဟာကနေ ကာကွယ်ရေး တပ်ဖွဲ့တွေ ဆုတ်ပေးလိုက်ရတာတွေအပါအဝင် လက်ခက်တောင်ကို စစ်တပ်က ပြန်လည် ထိန်းချုပ်နိုင်တာဟာ KNA အဖွဲ့ရဲ့ ကူညီမှုတွေကြောင့် ဖြစ်တယ်လို့ ဝေဖန်မှုတွေ ရှိနေတာ ဖြစ်ပါတယ်။

https://youtu.be/GY0vW4qhMTs
#မြန်မာ #ဧရာဝတီ #KNA #မြဝတီ #KNLA #သင်္ဃန်းညီနောင် #အာရှလမ်း #WhatsHappeningInMyanmar
---------------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/3btQYpR

ကျားဖြန့်စင်တာများမှ ကျားဖြန့်နိုင်ငံတော်ဆီသို့ (ရုပ်/သံ)

ဧရာဝတီ၊ စက်တင်ဘာ ၂၈၊ ၂၀၂၅

ဒီလအစောပိုင်းမှာ KNA နဲ့ DKBA ထဲက ပုဂ္ဂိုလ်တွေဟာ ၂၀၂၅ ခုနှစ်၊ ဒီဇင်ဘာလမှာ ကရင်ပြည်နယ်မှာ စစ်တပ်က ကျင်းပမယ့် ရွေးကောက်ပွဲအတွက် လုံခြုံရေးကူညီပေးဖို့ အသင့်ရှိကြောင်း အချက်ပြခဲ့ကြပါတယ်။ ရက်ပိုင်းအတွင်းမှာပဲ မြဝတီအနီးက အာရှအဝေးပြေးလမ်းမကြီး အမှတ် ၁ နဲ့ သံဃန်းညီနောင်ပတ်ဝန်းကျင်က နေရာတွေကို KNA ရဲ့ အထောက်အပံ့နဲ့ မြန်မာစစ်တပ်က တပ်မတွေက ပြန်လည်ရယူနိုင်ခဲ့ပါတယ်။

ဒီနေရာတွေဟာ KNU နဲ့ PDF တပ်ဖွဲ့တွေက လပေါင်းများစွာ သိမ်းပိုက်ထားခဲ့တဲ့ နေရာတွေ ဖြစ်ပါတယ်။ ပထမအဆင့် ရွေးကောက်ပွဲအတွက် ပြည်ထောင်စုရွေးကောက်ပွဲကော်မရှင်ရဲ့ အချိန်ဇယားမှာ ဖာပွန်၊ မြဝတီနဲ့ သံတောင်ကြီးတို့ ပါဝင်ပြီး ဒါဟာ မဲမပေးခင်မှာ ကုန်သွယ်မှုနဲ့ သွားလာရေးအတွက် အရေးပါတဲ့ စင်္ကြံလမ်းတွေကို တည်ငြိမ်အောင် လုပ်ဆောင်ဖို့ ဦးစားပေးနေတာကို ဖော်ပြနေပါတယ်။

ဒေသခံပြည်သူ့စစ်တွေအတွက်တော့ ရွေးကောက်ပွဲကာလတွင်း စစ်တပ်နဲ့ ပူးပေါင်းဆောင်ရွက်မှုက အနာဂတ်မှာ သူတို့ရဲ့ လုပ်ငန်းတွေ ဆက်လက်လုပ်ကိုင်နိုင်မယ့် နေရာ (နယ်ပယ်) အတွက် ယုံကြည်စိတ်ချရတဲ့ မျှော်လင့်ချက်တွေကို အချက်ပြနေပါတယ်။ ဆိုလိုတာက သူတို့ ထိန်းချုပ်ထားတဲ့ နေရာတွေမှာ တရားမဝင်လုပ်ငန်းတွေကို ဆက်လက် ခွင့်ပြုသွားမယ်ဆိုတာပါပဲ။

ဒီရွေးကောက်ပွဲရဲ့ အဓိကရည်ရွယ်ချက်ကတော့ စစ်တပ်အာဏာကို ခိုင်မာအောင်လုပ်ဖို့ဖြစ်ပြီး ဖြစ်နိုင်တဲ့နေရာမှာ ဗဟိုချုပ်ကိုင်မှုကို တင်းကျပ်ဖို့နဲ့ လိုအပ်တဲ့နေရာမှာ ဒေသခံပြည်သူ့စစ်တွေနဲ့ အပေးအယူတွေကို တရားဝင်ဖြစ်စေဖို့ပဲ ဖြစ်ပါတယ်။ အဲဒီလိုဖြစ်လာခဲ့ရင် ဒေသခံ စစ်ဘုရင်တွေ၊ အထူးသဖြင့် ကရင်ပြည်နယ်မှာ အမြစ်တွယ်နေသူတွေဟာ ပိုမိုကြီးမားတဲ့ သြဇာလွှမ်းမိုးမှုကို ရရှိလာဖို့ နေရာယူထားပြီးသား ဖြစ်ပါတယ်။

လက်တွေ့ကျကျပြောရရင် ဒါဟာ လိမ်လည်မှုစင်တာတွေအတွက် ပိုမိုလွတ်လပ်တဲ့ ပတ်ဝန်းကျင်တခု၊ လုံခြုံရေးအာမံချက် ပိုမိုရှိလာစေမှာ ဖြစ်ပြီး တရားမဝင် ဝင်ငွေတွေ မြန်မာ့စီးပွားရေးထဲမှာ ပိုမိုနက်ရှိုင်းစွာ ရောယှက်လာမှု၊ ကျားဖြန့်သားကောင်တွေကို ကယ်ဆယ်ရေးနဲ့ နယ်စပ်ဖြတ်ကျော် ဥပဒေရေးရာ ပူးပေါင်းဆောင်ရွက်မှုတွေမှာ ပိုမိုကြီးမားတဲ့ အတားအဆီးတွေ ရှိလာမယ်ဆိုတဲ့ အဓိပ္ပါယ်ပါပဲ။

https://youtu.be/vVzKPoUxXeY
#မြန်မာ #ဧရာဝတီ #ရွေးကောက်ပွဲ #Election #DKBA #BGF #KNA #KNU #ကျားဖြန့် #WhatsHappeningInMyanmar
---------------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/3btQYpR

မည်းမှောင်ခြောက်ကပ်သွားတဲ့ KK Park (ရုပ်/သံ)

ဧရာဝတီ၊ အောက်တိုဘာ ၂၆၊ ၂၀၂၅

ကရင်ပြည်နယ်၊ မြဝတီမြို့နယ်ထဲက သောင်ရင်းမြစ်ကမ်းနဘေးမှာ တည်ရှိတဲ့ KK Park စီမံကိန်းကြီးဟာ အခုဆိုရင် ခြောက်ကပ်မည်းမှောင်သွားခဲ့တာကို တွေ့ရပါတယ်။

ကျားဖြန့်အပါအဝင် ရာဇဝတ်မှုလုပ်ငန်းတွေနဲ့ နာမည်ကြီးတဲ့ KK Park မြို့သစ် စီမံကိန်းဟာ အရင်က ညဘက်မှာ မီးရောင်စုံတွေလင်းထိန်နေခဲ့ပြီး လူတွေနဲ့စည်ကားနေခဲ့တာလို့ ဒေသခံတွေကဆိုပါတယ်။

ဒီနေရာကို ပြီးခဲ့တဲ့ အောက်တိုဘာ ၁၉ ရက်နေ့မှာ အာဏာသိမ်း စစ်တပ်က ဟန်ပြစီးနင်းတဲ့ လုပ်ရပ်အပေါ် လွတ်လပ်တဲ့ သတင်းမီဒီယာတွေက ဖော်ထုတ် ရေးသားကြအပြီး အောက်တိုဘာ ၂၂ ရက်နေ့မှာတော့ စီမံကိန်း ဧရိယာအတွင်း အလုပ်လုပ်နေကြတဲ့ အလုပ်သမားတွေကို အစုလိုက် အပြုံလိုက်ထွက်ခွာစေခဲ့တာပါ။

ကရင်နယ်ခြားစောင့်တပ် (BGF) အမည်ပြောင်း ကရင်အမျိုးသားတပ်မတော် (KNA) တပ်ဖွဲ့တွေနဲ့ စစ်ကော်မရှင်တပ်သားတွေသာ ကျန်ရှိတော့တဲ့ KK Park ဝန်းအတွင်း အောက်တိုဘာ ၂၃ ရက်နေ့ကတကြိမ်၊ ၂၄ ရက်နေ့ကတကြိမ် နဲ့ ၂၅ ရက်နေ့ မနေ့ညက တကြိမ် ပေါက်ကွဲမှုတွေဖြစ်ခဲ့တယ်လို့ သိရပါတယ်။

https://bit.ly/3JvUbKv
#မြန်မာ #ဧရာဝတီ #ကျားဖြန့် #KKPark #BGF #KNA #WhathappensInMyanmar
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

KNA ကို မြဝတီမြို့ထဲက ဘာကြောင့်ထွက်ခိုင်းတာလဲ (ရုပ်/သံ)

ဧရာဝတီ၊ ဇန်နနဝါရီ ၂၃၊ ၂၀၂၆

ကရင်နယ်ခြားစောင့်တပ် (BGF) ကနေ နာမည်ပြောင်းထားတဲ့ ဗိုလ်မှူးကြီး စောချစ်သူဦးဆောင်တဲ့ ကရင်အမျိုးသားတပ်မတော် (KNA) တပ်တွေကို မြဝတီမြို့ကနေ ထွက်ခွါဖို့ စစ်ကော်မရှင်က အမိန့်ထုတ်ပြန်လိုက်ပါတယ်။

ဒီမှတ်တမ်းဟာ အစစ်အမှန်ဖြစ်ကြောင်း၊ တပ်မ ၂၂ တပ်မမှုးနဲ ဇန်နဝါရီလ ၁၉ရက်နေ့က တွေ့ဆုံပြီး အစည်းအဝေးလုပ်ခဲ့တယ်လို့ ဒီမိုကရေစီအကျိုးပြုကရင်တပ်မတော် ( DKBA ) သတင်းရင်းမြစ်တခုက အတည်ပြုပါတယ်။

ဒီအစည်းအဝေးမှတ်တမ်းအပြင် ထွက်ပေါ်လာတဲ့ ညွှန်ကြားချက် အမိန့်စာအရ KNAလက်မောင်းတံဆိပ် တပ်ဆင်ထားသူတွေဟာ မြဝတီမြို့ကနေ ဇန်နဝါရီလ ၂၅ ရက်နေ့အပြီး ပြောင်းရွှေ့ရမှာ ဖြစ်ပါတယ်။

အစည်းအဝေးမှတ်တမ်းအရ DKBA နဲ့ ကရင်ငြိမ်းချမ်းရေးကောင်စီ (KNLA/ PC) အဖွဲ့တွေကိုလည်း မြဝတီမြို့လုံခြုံရေးအတွက် ပူးပေါင်းဆောင်ရွက်ဖို့ ၊ တပ်ဖွဲ့နှစ်ခုလုံးရဲ့ တပ်တည်တပ်ဖြန့် တည်နေရာတွေ၊ စစ်သည်တဦးချင်းစီရဲ့ အမည်နဲ့ ဓါတ်ပုံတွေကို ဇန်နဝါရီ ၂၄ ရက်နေ့ နောက်ဆုံးပေးဖို့ အတွက်လည်း အမိန့်ပေးထားတာ တွေ့ရပါတယ်။

https://www.youtube.com/watch?v=LCSK2A5622g
#မြန်မာ #ဧရာဝတီ #KNA #BGF #စောချစ်သူ #တပ်မ၂၂ #DKBA #KNLAPC #မြဝတီ #WhathappensInMyanmar
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

ကျား ဖြန့်နဲ့နွယ်တဲ့ ကရင်လက်နက်ကိုင်တွေ ဦးဆောင်ပြီး ငြိမ်းချမ်းရေးကော်မတီဖွဲ့ (ရုပ်/သံ)

ဧရာဝတီ၊ ဧပြီ ၂၉ ၊ ၂၀၂၆

ကျား ဖြန့် အွန်လိုင်းငွေလိမ်လုပ်ငန်းတွေနဲ့ နာမည်ထွက်ထားတဲ့ ကရင်လက်နက်ကိုင်အဖွဲ့အစည်းတွေ ဦးဆောင်ပြီး ကရင်အမျိုးသား ငြိမ်းချမ်းရေးဖော်ဆောင်မှုကော်မတီ (KNPBC) ဆိုတဲ့ နာမည်နဲ့ ကော်မတီတရပ်ကို ဧပြီလ ၈ ရက်နေ့မှာ ဖွဲ့စည်းလိုက်ပါတယ်။

ဒီကော်မတီကို စစ်တပ်လက်အောက်ခံ ကရင်နယ်ခြားစောင့်တပ် (BGF) ကနေ အမည်ပြောင်းထားတဲ့ ကရင်အမျိုးသား တပ်မတော် (KNA)၊ ဒီမိုကရေစီအကျိုးပြုကရင်တပ်မတော် (DKBA)၊ ကရင် ငြိမ်းချမ်းရေး ကောင်စီ (KNLA-PC) နဲ့ ကရင် ပြည်သူ့ပါတီ (KPP) အပြင် နာယကတွေ၊ ဒေသတွင်းက ဘာသာရေးခေါင်းဆောင်တွေ အပါအဝင် ၇၇ ဦးပါဝင်တာ တွေ့ရပါတယ်။

ကော်မတီမှာ ကျားဖြန့်လုပ်ငန်းတွေနဲ့ နာမည်ကြီးတဲ့ ရွှေကုက္ကိုလ်ရဲ့ ပဲ့ကိုင်ရှင် KNA ခေါင်းဆောင် ဗိုလ်ချုပ် စောချစ်သူက ဥက္ကဋ္ဌ ရာထူး ယူထားပြီး နေပြည်တော်နဲ့ နီးစပ်တဲ့ KNU ဥက္ကဋ္ဌဟောင်း စောမူတူးစေးဖိုးကို နာယက ရာထူးပေးထားတာ တွေ့ရပါတယ်။

https://youtu.be/_BkiFSDiBwQ

#မြန်မာ #ဧရာဝတီ #KNPBC #BGF #KNA #DKBA #KKPark #စောချစ်သူ #ကရင်လက်နက်ကိုင် #WhathappensInMyanmar

ဧရာဝတီရဲ့ YouTube membership ကို Support လုပ်ချင်တဲ့ပရိတ်သတ်တွေအနေနဲ့ ဒီ Link လေးကို နှိပ်ပြီးတော့ ပါဝင်နိုင်ပါပြီ။https://www.youtube.com/channel/UCgEI7TvwuNGVGpd1M0icWJQ/join

စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://www.irrawaddy.com/donation

• ရွှေကုက္ကို ကို အာဏာသိမ်းစစ်တပ်အပြတ်ရှင်းမှာလား

• အဓမ္မစစ်သားစုဆောင်းမှုကို ရှုတ်ချကြောင်း အာဆီယံလွှတ်တော်အဖွဲ့ထုတ်ပြန်

• အာဏာသိမ်းစစ်တပ်ကို အဆိုတော်မွန်းအောင် စိန်ခေါ်

• မလေးရှားမှာ Joshua Van နဲ့ အဆိုတော် ဖြူဖြူကျော်သိန်းတို့ အကြိုတွေ့ဆုံပွဲလုပ်

• ရွှေ့ပြောင်းမြန်မာတွေရဲ့ ဝယ်လိုအား ထိုင်းဈေးကွက်ကိုလှုပ်ခတ်

• တရုတ်ရဲ့ လွှမ်းမိုးမှုကို တုံ့ပြန်ဖို့ Quad အဖွဲ့ တွေ့ဆုံ

နေ့စဉ်သတင်း၊ မေ ၂၆၊ ၂၀၂၆

https://youtu.be/7TFHD3W9Wpc
#မြန်မာ #ဧရာဝတီ #ကျားဖြန့် #ရွှေကုက္ကို #KNA #မွန်းအောင် #သွေးသစ္စာ #JoshuaVan #ဖြူဖြူကျော်သိန်း #နေ့စဉ်သတင်း #DailyNews #What'sHappeningInMyanmar

ရွှေကုက္ကိုက တရုတ်ငွေလိမ်ဂိုဏ်းတွေအတွက် လူခေါ်နေ (ရုပ်/သံ)

ဧရာဝတီ၊ မေ ၂၈ ၊ ၂၀၂၆

ကရင်ပြည်နယ်၊ ရွှေကုက္ကိုဒေသက ကျားဖြန့်အဆောက်အအုံတွေကို ဖြိုချဖျက်ဆီးနေပြီလို့ အာဏာသိမ်း အစိုးရက သတင်းစာတွေကတဆင့် ဝါဒဖြန့်နေပေမယ့် လက်တွေ့မြေပြင်မှာတော့ ကွဲလွဲမှုတွေရှိနေတယ်လို့ ဒေသခံတွေက ပြောပါတယ်။

မေလ ၂၅ ရက်နေ့ကစပြီး အဆောက်အအုံတွေကို ဖျက်ဆီးနေတယ်လို့ စစ်တပ်က ဆိုထားပေမယ့် ရွှေကုက္ကိုအခြေစိုက် ရထိုက်ကုမ္ပဏီတွေကတော့ ရာထူးနေရာ အမျိုးမျိုးအတွက် အလုပ်ခေါ်စာတွေကို နေ့စဉ် အဆက်မပြတ် ထုတ်ပြန်နေပါတယ်။

စစ်တပ်က ဖောက်ခွဲနေတဲ့ ကျားဖြန့်အဆောက်အအုံတွေဟာ ၂၀၂၅ ခုနှစ် နှစ်ကုန်ပိုင်းထဲက လူမနေတဲ့ နေရာတွေဖြစ်ပြီး ကျားဖြန့်လုပ်ငန်းတွေကတော့ မြို့ထဲမှာ ဆက်လက်လည်ပတ်နေတယ်လို့ ဒေသခံတွေဆီက သိရပါတယ်။

https://youtu.be/6LjanCmVaak
#မြန်မာ #ဧရာဝတီ #ရွှေကုက္ကို #ကျားဖြန့် #KNA #ရထိုက် #What'sHappeningInMyanmar

ထောက်လှမ်းမှုကိုရှောင်ဖို့ ကျားဖြန့်လုပ်ငန်းတွေကို တောထဲရွှေ့ထား (ရုပ်/သံ)

ဧရာဝတီ၊ ဇွန် ၅၊ ၂၀၂၆

နိုင်ငံတကာရဲ့အာရုံစိုက်မှုကို ခံနေရတဲ့ ထိုင်း-မြန်မာနယ်စပ်က ကျားဖြန့်ခေါ် အွန်လိုင်းငွေလိမ်လုပ်ငန်းတွေဟာ စုံစမ်းထောက်လှမ်းမှုတွေကနေ ကင်းလွတ်စေဖို့အတွက် နယ်စပ်နဲ့ဝေးရာ ဒေါနတောင်ခြေ တလျှောက်ကို ရွှေ့ပြောင်းအခြေစိုက်ထားတယ်လို့ သတင်းရရှိပါတယ်။

အထူးသဖြင့် အယောင်ပြဖြိုခွဲခံခဲ့ရတဲ့ ဗိုလ်ချုပ်စောချစ်သူဦးဆောင်တဲ့ ကရင်အမျိုးသားတပ်မတော် (KNA) ထိန်းချုပ်ရာ ရွှေကုက္ကိုနဲ့ KK Park လုပ်ငန်းခွင်တွေကို ဒေါနတောင်ခြေက သစ်ကတေနဲ့ ဖားကလူကျေးရွာတွေအနီးမှာ အသွင်သစ်နဲ့ ပြန်လည်တိုးချဲ့လည်ပတ်လာနေတာဖြစ်တယ်လို့ မြေပြင်အခြေအနေသိရှိသူတွေက အတည်ပြုပြောဆိုထားပါတယ်။

ထိုင်း-မြန်မာနယ်စပ်က ကျားဖြန့်ခေါ် အွန်လိုင်းငွေလိမ်လုပ်ငန်းတွေကို အမေရိကန်ရဲ့ စုံစမ်းစစ်ဆေးရေးဗျူရို (FBI) က စုံစမ်းထောက်လှမ်းမှုတွေလုပ်ဆောင်နေပြီး အမြစ်ပြတ်ချေမှုန်းမယ်လို့ အမေရိကန်အစိုးရက တရားဝင်သတိပေးထားပါတယ်။

https://youtu.be/hjSx7U-GpeU
#မြန်မာ #ဧရာဝတီ #ကျားဖြန့် #မြဝတီ #KNA #What'sHappensInMyanmar

ကျားဖြန့်နဲ့ နာမည်ပျက်နေတဲ့ခေါင်းဆောင်တွေ အလှူလုပ်ပြ (ရုပ်/သံ)

ဧရာဝတီ၊ ဇွန် ၂၅၊ ၂၀၂၆

ကျား ဖြန့်ငွေလိမ်ဂိုဏ်းတွေနဲ့ ပတ်သက်ပြီး နိုင်ငံတကာရဲ့ စောင့်ကြည့်ခံနေရတဲ့ ကရင်ပြည်နယ်ထဲက လက်နက်ကိုင်တပ်ဖွဲ့ ခေါင်းဆောင်တွေဟာ အလှူအတန်းတွေကို လုပ်ပြနေပြီး လူမှုကွန်ရက်တွေပေါ်မှာ ခပ်စိပ်စိပ် ထုတ်ပြန်နေကြတာတွေ့ရပါတယ်။

ကရင်အမျိုးသားတပ်မတော် (KNA) ခေါင်းဆောင် ဗိုလ်မှူးကြီးစောချစ်သူ၊ ကရင်နယ်ခြားစောင့်တပ် (BGF) အမှတ် (၄) တပ်နယ်မှူး ဗိုလ်မှူးစောမုတ်သုန်နဲ့ ဒီမိုကရေစီအကျိုးပြုကရင်တပ်မတော် (DKBA) အမှတ် (၁) စစ်ဒေသကွပ်ကဲရေးမှူး ဗိုလ်မှူးချုပ်စိုင်းကျော်လှတို့ဟာ အခုနှစ်ပိုင်းထဲ လူလုံးပြ အလှူလုပ်တာတွေ ခပ်စိပ်စိပ် တွေ့လာရတာ ဖြစ်ပါတယ်။

သူတို့သုံးဦးကို ကျားဖြန့်လုပ်ငန်းတွေမှာ ပါဝင်ပတ်သက်နေတယ်ဆိုပြီး အမေရိကန်က ၂၀၂၅ ခုနှစ်မှာ နာမည်တပ်ပြီး ဒဏ်ခတ်ပိတ်ဆို့ အရေးယူထားပါတယ်။ အမေရိကန် ထောက်လှမ်းရေးဗျူရို (FBI) ကလည်း ထိုင်း-မြန်မာနယ်စပ်က ကျားဖြန့်လုပ်ငန်းတွေဟာ အမေရိကန် နိုင်ငံသားတွေကို ဦးတည် လိမ်လည်နေတယ်ဆိုပြီး ထိုင်းအစိုးရနဲ့ ပူးပေါင်း စောင့်ကြည့်မယ်လို့ တရားဝင်ကြေညာထားပါတယ်။

ဒီလိုစောင့်ကြည့်မှုတွေခံရတဲ့ လက်နက်ကိုင်ခေါင်းဆောင်တွေဟာ သူတို့နဲ့ ပူးပေါင်းနေတဲ့ မြန်မာစစ်တပ်ခေါင်းဆောင်တွေလုပ်ကိုင်သလို အလှူအတန်းတွေနဲ့ သူတို့ရဲ့ မကောင်းမှုတွေကို ဖုံးကွယ်ဖို့ ကြိုးစားလာနေတာကို တွေ့မြင်ရတယ်လို့ လေ့လာသုံးသပ်သူတွေက ဆိုကြပါတယ်။

https://youtu.be/DZAmqrjJyAc
#မြန်မာ #ဧရာဝတီ #ကျားဖြန့် #KNA #BGF #DKBA #FBI #ကရင်ပြည်နယ် #လက်နက်ကိုင် #WhatsHappeningInMyanmar

ထိုင်း- မြန်မာနယ်စပ်က ငွေလိမ်ဂိုဏ်းတွေ စစ်တပ်ထိန်းချုပ်မှုအောက်ရွှေ့ (ရုပ်/သံ)

ဧရာဝတီ၊ ဇူလိုင် ၂၇၊ ၂၀၂၆

ထိုင်းနိုင်ငံဝန်ကြီးချုပ် အနုတင်နဲ့ အမေရိကန် FBI ညွှန်ကြားရေးမှူး မစ္စတာ ကရှ်ပါတေးတို့ဟာ ပြီးခဲ့တဲ့ ဇူလိုင်လ ၂၀ ရက်နေ့က ဘန်ကောက်မှာ တွေ့ဆုံခဲ့ပြီး အွန်လိုင်းငွေလိမ်လုပ်ငန်းတွေကို အမြစ်ပြတ်တိုက်ဖျက်ဖို့ ပူးပေါင်းဆောင်ရွက်မှုတွေ မြှင့်တင်သွားဖို့ ဆွေးနွေးခဲ့ကြပါတယ်။

အမေရိကန်အစိုးရအနေနဲ့လည်း အာဆီယံဒေသတွင်းက ငွေလိမ်ဂိုဏ်းအပါအဝင် နိုင်ငံဖြတ်ကျော် ရာဇဝတ်မှုတွေကို ထိရောက်စွာ နှိမ်နင်းနိုင်ရေးအတွက် အမေရိကန်ဒေါ်လာ ၂ ဒသမ ၅ သန်း ထောက်ပံ့သွားမှာဖြစ်တယ်လို့ ထုတ်ပြန်ထားပါတယ်။

တချိန်တည်းမှာပဲ ထိုင်း-မြန်မာနယ်စပ် သောင်ရင်းမြစ်ဘေးတလျှောက်က ငွေလိမ်ဂိုဏ်းတွေဟာ အာဏာသိမ်း စစ်တပ် ထိန်းချုပ်ရာ ကုန်းတွင်းပိုင်းဒေသတွေထိ ပြောင်းရွှေ့နေကြကြောင်း ငွေလိမ်ဂိုဏ်း စောင့်ကြည့်နေတဲ့ သတင်းရင်းမြစ်တွေက ဧရာဝတီကို ပြောပါတယ်။

https://youtu.be/Z1MHpbots9E

#မြန်မာ #ဧရာဝတီ #ငွေလိမ်ဂိုဏ်း #Scammer #DKBA #KNA #BGF #WhatsHappeningInMyanmar

ဧရာဝတီရဲ့ YouTube membership ကို Support လုပ်ချင်တဲ့ပရိတ်သတ်တွေအနေနဲ့ ဒီ https://www.youtube.com/@irrawaddynews1993 Link လေးမှ join buttom ကို နှိပ်ပြီးတော့ ပါဝင်နိုင်ပါပြီ။

စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://www.irrawaddy.com/donation

DKBA ၊ KNA နဲ့ BGF ခေါင်းဆောင်တွေ ကျားဖြန့်နဲ့ ဖမ်းခံရနိုင်လား (ရုပ်/သံ)

ဧရာဝတီ၊ ဩဂုတ် ၁၊ ၂၀၂၆
https://youtu.be/3oIFxJgu2IM

#မြန်မာ #ဧရာဝတီ #DKBA #KNA #BGF #Editorial Talk #WhatsHappensInMyanmar

ဧရာဝတီရဲ့ YouTube membership ကို Support လုပ်ချင်တဲ့ပရိတ်သတ်တွေအနေနဲ့ ဒီ https://www.youtube.com/@irrawaddynews1993 Link လေးမှ join buttom ကို နှိပ်ပြီးတော့ ပါဝင်နိုင်ပါပြီ။

စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://www.irrawaddy.com/donation