စစ်ကောင်စီက ကျနော်တို့ သတ်ကွင်းထဲမှာ ရှိနေမှာပါ (ရုပ်/သံ)

ဧရာဝတီ၊ နိုဝင်ဘာ ၂၈၊ ၂၀၂၄

ကရင်နီပြည်နယ် လွိုင်ကော်မြို့ကနေထွက်လာတဲ့ အင်အား ၈၀ နီးပါးပါ စစ်ကောင်စီစစ်ကြောင်းကို ကရင်နီအမျိုးသားများ ကာကွယ်ရေးတပ် (KNDF) နဲ့ ပူးပေါင်းတပ်ဖွဲ့တွေက တိုက်ခိုက်ချေမှုန်းလိုက်ပါတယ်။

အဆိုပါ စစ်ကြောင်းဟာ တပ်မ ၆၆ လက်အောက်ခံ ခြေလျင်တပ်ရင်း ခလရ (၈၀)က စစ်ကြောင်းဖြစ်ပြီး နိုဝင်ဘာလ ၂၅ ရက်နေ့ကနေ ၂၆ ရက်နေ့အထိ လင်ဖုံလေးကျေးရွာ အနီးမှာ တိုက်ပွဲပြင်းထန်ခဲ့တာပါ။

တိုက်ပွဲအတွင်းမှာ စစ်ကောင်စီဘက်က သေဆုံးသူများခဲ့သလို စစ်မှုထမ်းဥပဒေကြောင့် စုဆောင်းခံရသူအချို့ကိုလည်း ဖမ်းဆီးရမိထားတယ်လို့ KNDF ပြောရေးဆိုခွင့်ရှိက ပြောပါတယ်။

https://youtu.be/nmn-9gfYkmk
#မြန်မာ #ဧရာဝတီ #ကရင်နီပြည် #လွိုင်ကော် #တပ်မ၆၆ #KNDF #လင်ဖုံလေး
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

“သမိုင်းရဲ့နိုင်တဲ့ဘက်မှာ ငါတို့ရှိတယ်၊ ဒီသမိုင်းကို ငါတို့နိုင်မှရမယ်” (ရုပ်/သံ)

ဧရာဝတီ၊ ဇန်နဝါရီ ၁၇၊ ၂၀၂၅

ကရင်နီအမျိုးသားများကာကွယ်ရေးတပ် (KNDF) ဟာ အာဏာသိမ်းခေါင်းဆောင်တွေ အခြေစိုက်တဲ့ နေပြည်တော်နဲ့ အနီးဆုံးနေရာမှာ အမှတ် (၈) စစ်ဗျူဟာကို ဖွဲ့စည်းလိုက်ပြီး အပတ်စဉ် ၆ သင်တန်းဆင်းပွဲကို ဇန်နဝါရီလ ၁၆ ရက်နေ့က ပြုလုပ်ခဲ့ပါတယ်။

အဲဒီအခမ်းအနားမှာ KNDF ဒု-စစ်ရေးချုပ် မင်းသား က စစ်အာဏာရှင် တော်လှန်ရေးမှာ လူငယ်တွေရဲ့ အခန်းကဏ္ဍဟာ အရေးကြီးကြောင်းနဲ့ လူငယ်တွေနဲ့ ဖွဲ့စည်းထားတဲ့ KNDF ဟာ ကောက်ရိုးမီးမဟုတ်ကြောင်း လက်နက်ကိုင် တော်လှန်ရေး ၃ နှစ်ကာလထိ သက်သေပြနေနိုင်ပြီဖြစ်တယ်လို့ ပြောပါတယ်။

လူငယ်တွေကျော်တက်သွားမှာစိုးရိမ်သူတွေရှိကြေပေမယ့် လူငယ်တွေဟာ တွဲခေါ်သင့်တဲ့၊ ပူးပေါင်းသင့်တဲ့ အဖွဲ့ဖြစ်ပြီး အာဏာရှင်စနစ်နဲ့ ရင်ဆိုင်နေကြရတဲ့ ပြည်သူတွေဘဝလွတ်မြောက်ရေးကို ဦးတည်တိုက်ပွဲဝင်ကြဖို့လိုတယ်လို့လည်း ပြောပါတယ်။

ဒါ့အပြင် တော်လှန်ရေးမှာ ဒေသ၊ လူမျိုး၊ ကျားမ ခွဲခြားမှုမရှိဘဲ အားလုံးအတူတကွ ကြိုးစားကြဖို့လိုပြီး “အကြောင်းပြချက်” တွေ မပေးကြဖို့ လိုတယ်လို့ သတိပေးထောက်ပြသွားပါတယ်။

https://youtu.be/0IQvN3sJATk
#မြန်မာ #ဧရာဝတီ #ကရင်နီ #မင်းသား #ဒုစစ်ရေးချုပ် #KNDF #စစ်ဗျူဟာ၈
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

မိုးဗြဲကိုထိန်းချုပ်နိုင်ဖို့ စစ်ကောင်စီ အင်အားသုံး တိုက်ခိုက်နေ (ရုပ်/သံ)

ဧရာဝတီ၊ မတ် ၂၊ ၂၀၂၅

ရှမ်းပြည်နယ်တောင်ပိုင်း၊ ရှမ်း-ကယားနယ်အစပ်က မိုးဗြဲမြို့မှာ တော်လှန်ရေးအင်အားစုတွေနဲ့ စစ်ကောင်စီကြား ထိတွေ့တိုက်ပွဲတွေ နေ့စဉ်ဆိုသလို၊ ပြင်းထန်နေတာကြောင့် နှစ်ဖက်အထိအခိုက် အကျအဆုံးတွေ ရှိနေပါတယ်။

စစ်ကောင်စီဟာ ဝေဟင်ကနေ လေယာဥ်နဲ့ရော ဒရုန်းတွေနဲ့ပါ အသုံးပြုတိုက်ခိုက်နေသလို၊ မိုးဗြဲ အခြေစိုက် ခမရ (၄၂၂) တပ်စခန်းကနေလည်း လက်နက်ကြီးပစ်ခတ်မှုတွေအပြင် မြေပြင် တိုက်ခိုက်မှု တွေကြောင့် ပူးပေါင်းတော်လှန်ရေးတပ်တွေက ရဲဘော် ၄ ဦး ကျဆုံးခဲ့ရတာကို သက်ဆိုင်ရာ တပ်ဖွဲ့တွေကထုတ်ပြန်ကြေညာ ထားပါတယ်။

စစ်ကောင်စီဟာ မိုးဗြဲမြို့ကို ပြန်လည်ထိန်းချုပ်နိုင်ဖို့ ကြိုးစားနေတဲ့အပြင် ကရင်နီပြည်အတွက် စစ်ရေးအရ အလွန်အရေးပါတဲ့ လွိုင်ကော်- မိုးဗြဲ-ဖယ်ခုံ လမ်းပိုင်းကိုပါ ထိန်းချုပ်နိုင်ဖို့ ကြိုးစားနေ တာပါ။

မြို့ကို ပြန်လည်ထိန်းချုပ်နိုင်ဖို့အတွက် ပြီးခဲ့တဲ့ ဇန်နဝါရီ လပိုင်းကတည်းက ပအိုဝ်းပြည်သူ့စစ် (PNO) အဖွဲ့ကို ပိုမို အင်အား အသုံးပြုပြီး၊ တော်လှန်ရေးတပ်တွေရဲ့ ကာကင်းတွေကို ထိုးစစ်ဆင်တိုက်ခိုက် လာတာ ဖြစ်တယ်လို့ တော်လှန်ရေးတပ်တွေက ဆိုပါတယ်။

https://youtu.be/SG5xTeght_4
#မြန်မာ #ဧရာဝတီ #မိုးဗြဲ #ရှမ်းကယားအစပ် #KNDF #KNA #URF
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

ဘောလခဲမှာ တိုက်ပွဲ ပြင်းထန်နေ (ရုပ်/သံ)

ဧရာဝတီ၊ မတ် ၂၂၊ ၂၀၂၅

ကရင်နီပြည်နယ်၊ ဘောလခဲမှာ စစ်ကောင်စီနဲ့ ကရင်နီအမျိုးသားများ ကာကွယ်ရေးတပ် (KNDF) တို့အကြား တိုက်ပွဲတွေ ပြင်းထန်နေပြီး စစ်ကောင်စီဘက်က အထိအခိုက်၊ အကျအဆုံး များနေတယ်လို့ KNDF ရဲ့ ဒု-စစ်ဦးစီးချုပ် မာဝီက ဧရာဝတီကို အတည်ပြုပါတယ်။

KNDF နဲ့ ပူးပေါင်းတပ်တွေဘက်က လက်နက်ခဲယမ်း အမြောက်အမြားနဲ့ စစ်သုံံပန်းတွေ ဖမ်းဆီးရမိခဲ့ပြီး အဲ့ဒီထဲ တပ်ရင်းမှူးအဆင့်ရှိတဲ့ ဗိုလ်မှူးတဦး ပါဝင်တယ်လို့လည်း ဆိုပါတယ်။

မတ်လ ၁၉ ရက်နေ့မှာ KNDF နဲ့ ပူးပေါင်းတပ်တွေဘက်က ဘော်လခဲမှာ ရှိတဲ့ စစ်ကောင်စီတပ်စွဲထားတဲ့နေရာတွေကို စတင် ထိုးစစ်ဆင် တိုက်ခိုက်ခဲ့တာ ဖြစ်ပြီး လက်ရှိအချိန်အထိ နှစ်ဖက်အကြားမှာ တိုက်ပွဲတွေ ဆက်လက် ပြင်းထန်နေတယ်လို့ ပြောပါတယ်။

ကရင်နီပြည်မှာ ဘောလခဲဟာ စစ်ကောင်စီရဲ့ မြို့နယ်ရုံးတွေ အခြေစိုက်ရာမြိုဖြစ်ပြီး စစ်ကောင်စီဘက်က လက်နက်နဲ့ စစ်အင်အားအများအပြား သုံးပြီး ဘော်လခဲဗျူဟာအဖြစ် အခိုင်အမာ အခြေချတပ်စွဲထားတာလို့ စစ်ရေးသတင်းအရင်းအမြစ်တွေက ဆိုပါတယ်။
https://youtu.be/fQE8EV-POCQ

#မြန်မာ #ဧရာဝတီ #ဘောလခဲ #ကရင်နီ #မာဝီ #KNDF
---------------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/3btQYpR

ငလျင်ဘေးသင့် ပြည်သူတွေကို ကျနော်တို့ဆီမှာ ခိုလှုံခွင့်ပေးမယ် (ရုပ်/သံ)

ဧရာဝတီ၊ မတ် ၃၁၊ ၂၀၂၅

ငလျင်အန္တရာယ်ကြောင့် ကရင်နီပြည်အတွင်း လာရောက်ခိုလှုံလိုကြတဲ့ ပြည်သူတွေကို လူမျိုးဘာသာမရွေး လက်ခံပြီး နေထိုင်၊ စားသောက်ရေးတွေအတွက် အတတ်နိုင်ဆုံး အကူအညီပေးသွားမယ်လို့ ကရင်နီပြည်ကြားကာလ အုပ်ချုပ်ရေးကောင်စီ (IEC) ရဲ့ ဒုဥက္ကဋ္ဌ ခွန်းဘီထူး က အတည်ပြုပါတယ်။

အရေးပေါ်လိုအပ်ချက်တွေအတွက် IEC ရဲ့ လူသားချင်းစာနာထောက်ထားရေးနှင့် ပြန်လည်ထူထောင်ရေးဌာန ပြည်ထဲရေးဌာန/အရေးပေါ်ကယ်ဆယ်ရေးဌာနခွဲ တွေကို ဆက်သွယ်နိုင်တယ်လို့ မတ်လ ၂၉ ရက်နေ့က ထုတ်ပြန်တဲ့ IEC ရဲ့ ငလျင်ဘေးအန္တရာယ်နဲ့ ပတ်သက်တဲ့ ထုတ်ပြန်ချက်မှာလည်း ဖော်ပြထားတာတွေ့ရပါတယ်။

ဒါ့အပြင် ကရင်နီအမျိုးသားများကာကွယ်ရေးတပ် (KNDF) အနေနဲ့ ငလျင်ကယ်ဆယ်ရေး ကာလအတွင်း စစ်ဆင်ရေးတွေကို ယာယီ ရပ်နားထားတယ်လို့လည်း ခွန်းဘီထူး က ပြောပါတယ်။

ငလျင်ဘေးအန္တရာယ်နဲ့ ပတ်သက်ပြီး IEC က ခိုလှုံခွင့်ပေးမယ့် အကြောင်း အပါအဝင် စိုးရိမ်ချက်တွေနဲ့ ဆက်စပ်ပြီး ကရင်နီကြားကာလ စီမံအုပ်ချုပ်ရေးကောင်စီ (IEC) ဒုဥက္ကဋ္ဌ လည်းဖြစ် ကရင်နီအမျိုးသားများကာကွယ်ရေးတပ် (KNDF) ရဲ့ ဥက္ကဋ္ဌ လည်းဖြစ်တဲ့ ခွန်းဘီထူးကို ဧရာဝတီ မြန်မာပိုင်း အယ်ဒီတာ ကျော်ခ က တွေ့ဆုံမေးမြန်းထားပါတယ်။

https://youtu.be/OLpJJmVwmbE
#မြန်မာ #ဧရာဝတီ #ခွန်းဘီထူး #ငလျင် #KNDF #IEC #MyanmarEarthquake
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

လူထုကိုသစ္စာဖောက်တဲ့ ဆုံးဖြတ်ချက် ချမှာမဟုတ်ဘူး (ရုပ်/သံ)

ဧရာဝတီ၊ ဧပြီ ၂၊ ၂၀၂၅

အာဏာသိမ်း စစ်ခေါင်းဆောင်ဗိုလ်ချုပ်မှူးကြီး မင်းအောင်လှိုင်က နှစ် ၈၀ ပြည့် တပ်မတော်နေ့အခမ်းအနားမိန့်ခွန်းမှာ တိုင်းရင်းသား လက်နက်ကိုင်တော်လှန်ရေးအဖွဲ့တွေ (EROs) နဲ့ ပြည်သူ့ကာကွယ်ရေးတပ် (PDF) တွေအနေနဲ့ လက်နက်ကိုင် လမ်းစဉ်ကို စွန့်ပြီး ပါတီနိုင်ငံရေးလမ်းနဲ့ ရွေးကောက်ပွဲလမ်းကြောင်းကို ရွေးဖို့ ပြောဆိုခဲ့ပါတယ်။

ကရင်နီအမျိုးသားများကာကွယ်ရေးတပ် (KNDF) ရဲ့ ဥက္ကဋ္ဌလည်းဖြစ်၊ ကရင်နီပြည် ကြားကာလစီမံအုပ်ချုပ်ရေးကောင်စီ (IEC) ရဲ့ ဒုဥက္ကဋ္ဌလည်း ဖြစ်တဲ့ ခွန်းဘီထူး ကတော့ ဘယ်လက်နက်ကိုင် တော်လှန်ရေးတပ်ကမှ စစ်ခေါင်းဆောင် ပြောတဲ့ လမ်းကို ရွေးကြမှာ မဟုတ်ဘဲ KNDF ကိုယ်တိုင်ကလည်း လူထုကို သစ္စာဖောက်တဲ့ လမ်းကို ရွေးမှာမဟုတ်ဘူးလို့ ပြောပါတယ်။

ဒီအကြောင်းအရာ အပါအဝင် စစ်ကောင်စီရဲ့ ရွေးကောက်ပွဲ ထွက်ပေါက်ကြိုးပမ်းမှုနဲ့ KNDF ရဲ့ နိုင်ငံရေး၊ စစ်ရေး အခြေအနေတွေကို ဧရာဝတီ မြန်မာပိုင်း အယ်ဒီတာ ကျော်ခ က ခွန်းဘီထူး နဲ့ တွေ့ဆုံမေးမြန်းထားတာ ဖြစ်ပါတယ်။
https://youtu.be/evIVCpVnYP8

#မြန်မာ #ဧရာဝတီ #ခွန်းဘီထူး #ရွေးကောက်ပွဲ #စစ်ကောင်စီ #PDF #KNDF #IEC #WhatHappensMyanmar
---------------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/3btQYpR

မင်းအောင်လှိုင်နဲ့ စကားပြောဖို့တော့မဖြစ်နိုင်ဘူး
#မြန်မာ #ဧရာဝတီ #ခွန်းဘီထူး #ရွေးကောက်ပွဲ #စစ်ကောင်စီ #PDF #KNDF #IEC #whathappensmyanmar

စစ်ကောင်စီ လေယာဉ်အပျက် ကရင်နီတော်လှန်ရေးတပ်တွေ ထုတ်ပြန် (ရုပ်/သံ)

ဧရာဝတီ၊ ဇူလိုင် ၃၊ ၂၀၂၅

ကရင်နီပြည်၊ ဖားဆောင်းမြို့နယ်၊ ခဲမဖြူကျေးရွာမှာ စစ်ကောင်စီရဲ့ FTC-2000 G လေယာဉ်အစိတ်အပိုင်းကို ရှာဖွေတွေ့ရှိခဲ့တယ်လို့ မြေပြင်သတင်းရင်းမြစ်တွေဆီက သိရပါတယ်။

ဇူလိုင် ၃ ရက်နေ့ ဒီနေ့ နေ့လည်ပိုင်းမှာ ကရင်နီ တော်လှန်ရေးတပ်ဖွဲ့တွေက ရှာဖွေတွေ့ရှိခဲ့တာလို့ ကရင်နီအမျိုးသားများ ကာကွယ်ရေးတပ် (KNDF) ရဲ့ ပြန်ကြားရေးတာဝန်ခံက ဧရာဝတီကို ပြောပါတယ်။

လေယာဉ်ရဲ့ဘေးမှာ လေယာဉ်မောင်းသူလို့ ယူဆရတဲ့ စစ်ကောင်စီ တပ်ဖွဲ့ဝင် ၂ ဦးရဲ့ ရုပ်အလောင်းကိုရှာဖွေတွေ့ရှိခဲ့ပေမယ့် ရာထူးနဲ့ နာမည်ကိုတော့ အတည်ပြုနိုင်တာမရှိသေးဘူးလို့ ဆိုပါတယ်။

စစ်ကောင်စီဘက်ကတော့ ဇူလိုင် ၁ ရက်နေ့ ညပိုင်းက တိုက်ခိုက်ရေး လေယာဉ်တစင်း လေ့ကျင့်ပျံသန်းနေချိန် စက်ချို့ယွင်းမှု ဒါမှမဟုတ် ရုတ်တရက် ရာသီဥတု ဆိုးရွားမှုကြောင့် အဆက်အသွယ် ပြတ်တောက်နေတယ်လို့ ဇူလိုင် ၂ ရက်နေ့မှာ ထုတ်ပြန်ထားပါတယ်။

https://youtu.be/t84jSkILDiM
#မြန်မာ #ဧရာဝတီ #ကရင်နီ #FTC-2000G #လေယာဉ် #KNDF #ဖားဆောင်း #WhathappensInMyanmar
---------------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/3btQYpR

Editorial Talk

စက်ချို့ယွင်းနေတဲ့ စစ်ကောင်စီ (ရုပ်/သံ)

ဧရာဝတီ၊ ဇူလိုင် ၅၊ ၂၀၂၅

https://youtu.be/kN-8lr12uUc
#မြန်မာ #ဧရာဝတီ # FTC-2000G #တရုတ် #KNDF #WhathappensInMyanmar
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

မိုးဗြဲကို ပြန်ပေးခဲ့ရတာ ဘာကြောင့်လဲ (ရုပ်/သံ)

ဧရာဝတီ၊ ဇူလိုင် ၇၊ ၂၀၂၅

ကရင်နီ ပြည်နယ်၊ မိုးဗြဲမြို့ကို ပြန်လည်သိမ်းပိုက်ရရှိကြောင်း စစ်ကောင်စီက ဇူလိုင်လ ၇ ရက်နေ့ထုတ် ဝါဒဖြန့်သတင်းစာတွေမှာဝေဝေဆာဆာရေးသား ဖော်ပြလာပါတယ်။

ကရင်နီတော်လှန်ရေးတပ်ဖွဲ့တွေဟာ မိုးဗြဲမြို့ကို ပြီးခဲ့တဲ့ ၂၀၂၃ ခုနှစ် နိုဝင်ဘာလအတွင်းမှာ တိုက်ခိုက်သိမ်းပိုက်ခဲ့တာ ဖြစ်ပါတယ်။ စစ်ကောင်စီဟာ ဒီမြို့ကို ပြန်လည်ရရှိဖို့အတွက် ၂၀၂၄ ခုနှစ်မေလ အတွင်းက စတင်ကြိုစားခဲ့တာဖြစ်တယ်လို့ စစ်ကောင်စီရဲ့ ထုတ်ပြန်ချက်တွေနဲ့ တော်လှန်ရေးတပ်ဖွဲ့တွေရဲ့ ပြောပြချက်အရသိရှိရပါတယ်။

မိုးဗြဲမြို့ဟာ စစ်ကောင်စီရဲ့ စစ်ဆင်ရေးကွပ်ကဲမှုဌာနချုပ် စကခ (၇) ရှိတဲ့ ဖယ်ခုံမြို့ နဲ့ မြို့တော် လွိုင်ကော်တို့ကြားမှာရှိတဲ့မြို့ဖြစ်လို့ စစ်ကောင်စီအတွက် စစ်ရေးဗျူဟာအရ အရေးပါတဲ့မြို့ဖြစ်လို့ ပြန်လည်သိမ်းပိုက်ဖို့ ကြိုးစားခဲ့တာဖြစ်လို့ တော်လှန်ရေးတပ်ဖွဲ့တွေကဆိုပါတယ်။

စစ်ကောင်စီ ထိုးစစ်ဆင်ပြီး ပြန်လည်ရယူခဲ့တဲ့ မိုးဗြဲမြို့မှာ နှစ်ဖက်စစ်ရေး အခြေအနေဘယ်လိုရှိခဲ့သလဲ၊ လက်လွတ်ဆုံးရှုံးခဲ့ရတဲ့ အခြေအနေတွေနဲ့ ပတ်သက်ပြီး ကရင်နီအမျိုးသားများကာကွယ်ရေးတပ် (KNDF) ရဲ့ ဗဟိုသတင်းနဲ့ ပြန်ကြားရေးတာဝန်ခံ စောသာအယ်စိုး ကို ဧရာဝတီက ဆက်သွယ်မေးမြန်ထားပါတယ်။

https://youtu.be/yrmroSMF14Y
#မြန်မာ #ဧရာဝတီ #မိုးဗြဲ #စစ်ကောင်စီ #KNDF #WhathappensInMyanmar
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

ပအိုဝ်းပြည်သူ့စစ်ကို တိုက်ရတဲ့အကြောင်း မာဝီထုတ်ပြော (ရုပ်/သံ)

ဧရာဝတီ၊ ဇူလိုင် ၂၃၊ ၂၀၂၅

ရှမ်း နဲ့ ကရင်နီပြည်နယ်အစပ်က မိုးဗြဲမြို့ကို ပြန်သိမ်းဖို့ လာရောက်တိုက်ခိုက်ချိန်မှာ စစ်ကောင်စီနဲ့အတူ ပအိုဝ်းပြည်သူ့စစ် (PNA) တွေက ပူးပေါင်းပါဝင်ခဲ့တယ်လို့ ကရင်နီအမျိုးသားများ ကာကွယ်ရေးတပ် (KNDF) ရဲ့ ဒုတိယ စစ်ဦးစီးချုပ် မာဝီက ပြောပါတယ်။

စစ်ကောင်စီက မိုးဗြဲမြို့ကို ပြန်ရဖို့ တပ်အင်အားထောင်နဲ့ချီသုံးကာ ၆ လကြာအောင် ထိုးစစ်ဆင်ပြီး တဲ့နောက် ဇူလိုင်လ ၁၁ ရက်နေ့မှာ မြို့ကို အပြည့်အဝ ထိန်းချုပ်ခဲ့တာလို့ မြန်မာ့အလင်းသတင်းစာမှာထည့်သွင်းဖော်ပြခဲ့တာပါ။

PNA အနေနဲ့ စစ်ကောင်စီနဲ့ပူးပေါင်းပြီး ကရင်နီဒေသတွင်း တိုက်ပွဲတွေမှာ ဝင်ရောက်တိုက်ခိုက်နေ တယ်ဆိုတာ ခိုင်လုံတဲ့ သက်သေတွေ KNDF မှာ ရရှိထားတယ်လို့ ဆိုပါတယ်။

https://youtu.be/penPjKaVsUU
#မြန်မာ #ဧရာဝတီ #KNDF #PNA #ကရင်နီ #မိုးဗြဲ #မာဝီ #WhatsHappeningInMyanmar
---------------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/3btQYpR

ဗိုလ်ချုပ်ထွန်းမြတ်နိုင်ကို လေးစားတယ် (ရုပ်/သံ)

ဧရာဝတီ၊ ဇူလိုင် ၂၄၊ ၂၀၂၅

အာရက္ခတပ်တော် (AA) ရဲ့ ခေါင်းဆောင်ဖြစ်တဲ့ စစ်ဦးစီးချုပ် ဗိုလ်ချုပ်ထွန်းမြတ်နိုင်ကို သဘောကျ လေးစားတယ်လို့ ကရင်နီအမျိုးသားများကာကွယ်ရေးတပ် (KNDF) ရဲ့ ဒုတိယစစ်ဦးချုပ် မာဝီက ပြောပါတယ်။

AA ရဲ့ ခေါင်းဆောင်ဟာ ပြည်နယ် တခုတည်း အတွက်သာမဟုတ်ဘဲ တနိုင်ငံလုံးရဲ့ အကျိုးကိုကြည့်တဲ့ အပြောနဲ့ အလုပ်ညီသူ ခေါင်းဆောင် တဦးဖြစ်တယ်လို့ ဧရာဝတီနဲ့ သီးသန့်အင်တာဗျူးမှာ ပြောဆိုခဲ့တာပါ။

AA ဟာ အာဏာသိမ်းပြီးနောက်ပိုင်းမှာ ပေါ်ပေါက်လာတဲ့ ပြည်သူ့ကာကွယ်ရေး တပ်မတော် (PDF) တွေကိုလည်း ကူညီပံ့ပိုးမှုတွေ ပြုလုပ်ခဲ့သလို လက်ရှိ အချိန်မှာ မကွေးတိုင်း၊ ဧရာဝတီတိုင်းနဲ့ ပဲခူးတိုင်းတွေအထိပါ စစ်ဆင်ရေးတွေ တိုးမြှင့်လုပ်ဆောင်နေတာ ဖြစ်ပါတယ်။

https://youtu.be/BmThdOfPBWM
#မြန်မာ #ဧရာဝတီ #ဗိုလ်ချုပ်ထွန်းမြတ်နိုင် #မာဝီ #KNDF #AA #စစ်ဦးစီးချုပ် #WhatsHappeningInMyanmar
---------------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/3btQYpR

ဗိုလ်ချုပ်ထွန်းမြတ်နိုင်ကို လေးစားအားကျတဲ့ မာဝီ
ကရင်နီအမျိုးသားများကာကွယ်ရေးတပ် KNDF ရဲ့ ဒုစစ်ဦးစီးချုပ် မာဝီနဲ့ ဧရာဝတီ အယ်ဒီတာ ရဲနည်တို့ရဲ့ အထူးသီးသန့် အင်တာဗျူး အပိုင်း ၂ ကို ဒီစနေစကားဝိုင်း အသံလွှင့်အစီအစဉ်မှာ နားဆင်ပါ။
YouTube: https://www.youtube.com/watch?v=hbiD9qbnugo
Apple Podcasts : https://apple.co/4l4UY1L
Buzzsprout : https://bit.ly/45mq2W6
Spotify : https://bit.ly/3TYW0Bi
#ဧရာဝတီ #စနေသတင်းစကားဝိုင်း #နွေဦးတော်လှန်ရေး #ကရင်နီအမျိုးသားကာကွယ်ရေးတပ် #KNDF #မာဝီ #ရဲနည်

တတိယကာလမှာ စစ်တပ်ကို အင်နဲ့အားနဲ့ ချေမှုန်းမယ် (ရုပ်/သံ)

ဧရာဝတီ၊ ဇူလိုင် ၂၈၊ ၂၀၂၅

စစ်ကောင်စီကို လက်နက်ကိုင် တော်လှန်ကြတဲ့အထဲမှာ ကရင်နီအမျိုးသားများကာကွယ်ရေးတပ် (KNDF) ဟာလည်း ရွပ်ရွပ်ချွံချွံ ပါဝင်နေတဲ့ လက်နက်ကိုင်တပ်ဖွဲ့ဖြစ်ပြီး ကရင်နီဒေသမှာ စစ်ကောင်စီနဲ့ အပြန်အလှန်တိုက်ပွဲတွေ ဆင်နွဲနေတဲ့ တပ်ဖြစ်ပါတယ်။

လက်ရှိ KNDF ၊ ကရင်နီတပ်မတော် (KA) နဲ့ တော်လှန်ရေးပူးပေါင်းတပ်တွေဟာ ကရင်နီပြည်မှာ နယ်မြေတော်တော်များများကို သိမ်းပိုက်ထိန်းချုပ်ထားတာဖြစ်ပါတယ်။

စစ်တပ်အာဏာသိမ်းလိုက်ပြီးနောက် ပေါ်ပေါက်လာတဲ့ လက်နက်ကိုင်တော်လှန်ရေးတပ်တွေထဲမှာ KNDF လည်း အပါအဝင်ဖြစ်ခဲ့ပြီး အချိန်တိုအတွင်း စနစ်ကျတဲ့ တပ်ဖွဲ့စည်းပုံနဲ့ အင်အားအတောင့်တင်းဆုံး တည်ဆောက်ထားနိုင်တဲ့ တပ်တခုလို့လည်း ဆိုရမှာဖြစ်ပါတယ်။

ကရင်နီတပ်မတော် (KA) နဲ့ ဘယ်လိုပူးပေါင်းဆောင်ရွက်နေတာလဲ၊ တော်လှန်ရေး လေးနှစ်ကျော်ကာလအတွင်း KNDF ရဲ့ တပ်ဖွဲ့စည်းပုံ၊ လူအင်အားစုဆောင်းမှု အခြေအနေနဲ့ ဆက်လက်သွားမယ့် တပ်ရည်မှန်းချက်တွေအကြောင်း ကရင်နီအမျိုးသားများ ကာကွယ်ရေးတပ် (KNDF) ရဲ့ ဒုစစ်ဦးစီးချုပ် မာဝီ ကို ဧရာဝတီ အယ်ဒီတာ ကိုရဲနည်က တွေ့ဆုံမေးမြန်းချက်ထဲက ပထမပိုင်း တင်ဆက်လိုက်ပါတယ်။

https://youtu.be/nsLG9VP7GXA
#မြန်မာ #ဧရာဝတီ #KNDF #မာဝီ #ကရင်နီ #တပ်ဖွဲ့စည်းပုံ #စစ်မှုထမ်း #KA #WhathappensInMyanmar
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

တယောက်တပေါက်လုပ်နေသမျှ ဘာတော်လှန်ရေးမှအောင်မှာမဟုတ်ဘူး (ရုပ်/သံ)

ဧရာဝတီ၊ ဇူလိုင် ၂၉၊ ၂၀၂၅

ကရင်နီအမျိုးသားများကာကွယ်ရေးတပ် (KNDF) အနေနဲ့ ကရင်နီပြည် စစ်ရေးလှုပ်ရှားမှုတွေ ဆောင်ရွက်ရာမှာ ဒေသတွင်း တပ်ဖွဲ့တွေနဲ့ ပူးပေါင်းလုပ်ကိုင်မှုတွေလည်းရှိနေပြီး တိုက်ပွဲအတူဖော်ဆောင်နေတာတွေရှိပါတယ်။

ကရင်နီပြည်အတွင်း တိုက်ပွဲဖော်ဆောင်ရာမှာ တပ်ဆုတ်၊ တပ်ချီ ကို လုပ်ငန်းစဉ်အရ ဖော်ဆောင်နေတာဖြစ်ပြီး မြို့သိမ်းတာ၊ မြို့တွေပြန်ပေးရတာတွေဟာ စစ်ရဲ့ သဘောတရားတွေသာ ဖြစ်တယ်လို့ ကရင်နီအမျိုးသားများ ကာကွယ်ရေးတပ် (KNDF) ရဲ့ ဒုစစ်ဦးစီးချုပ် မာဝီ က ဆိုပါတယ်။

ကရင်နီဒေအတွင်း တိုက်ပွဲဖော်ဆောင်နေမှုအခြေအနေ၊ တိုင်းရင်းသားတပ်တွေအချင်းချင်း ပွတ်တိုက်မှု၊ စစ်အာဏာရှင်ပြုတ်ကျရေး ဘယ်လို ဆောင်ရွက်ကြမလဲဆိုတာတွေနဲ့ပတ်သက်ပြီး ဒုစစ်ဦးစီးချုပ် မာဝီ ကို ဧရာဝတီ အယ်ဒီတာ ကိုရဲနည်က တွေ့ဆုံမေးမြန်းချက်ထဲက ဒုတိယပိုင်း တင်ဆက်လိုက်ပါတယ်။

https://youtu.be/JvmRQSLeuao
#မြန်မာ #ဧရာဝတီ #KNDF #မာဝီ #ကရင်နီ #မြို့သိမ်း #တိုက်ပွဲ #WhatsHappeningInMyanmar
---------------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/3btQYpR

စစ်အာဏာရှင်တွေကို သက်ဆိုးရှည်အောင် ထပ်လုပ်နေသူတွေဟာ မျက်စိပါပြီး ကန်းနေလို့ပဲ

#မြန်မာ #ဧရာဝတီ #kndf #မာဝီ #စစ်ကောင်စီ #ရွေးကောက်ပွဲ

ဆက်တိုက်ဗုံးကြဲခံနေရတဲ့ မော်ချီး သတ္တုတွင်း (ရုပ်/သံ)

ဧရာဝတီ၊ ဩဂုတ် ၂၁၊ ၂၀၂၅

ကရင်နီပြည်၊ ဖားဆောင်းမြို့နယ်၊ မော်ချီးဒေသကို စစ်တပ်က လေကြောင်းကနေ ၃ ရက် ဆက်တိုက်ဗုံးကြဲတိုက်ခိုက်ခဲ့တာကြောင့် အရပ်သား ပြည်သူ ၃၃ ဦးထိ သေဆုံးခဲ့ရ ပါတယ်။

ကရင်နီအမျိုးသားများကာကွယ်ရေးတပ် (KNDF) ထိန်းချုပ်ထားတဲ့ မော်ချီးဒေသကို ဩဂုတ်လ ၁၇ ရက်နေ့ကနေ ၂၀ ရက်နေ့ထိ လေယာဉ်နဲ့ ၃ ကြိမ်လာရောက် ဗုံးကြဲ တိုက်ခိုက်ခဲ့တာပါ။

တိုက်ပွဲဖြစ်ပွားခြင်းမရှိဘဲ လေကြောင်းတိုက်ခိုက်ခဲ့တာဖြစ်ပြီး ဒီတိုက်ခိုက်မှုဟာ မော်ချီး သတ္တုတွင်းကို သိမ်းပိုက်ထိန်းချုပ်ထားတဲ့ KNDF ရဲ့ ဝင်ငွေကို ဖြတ်တောက်လိုတာကြောင့် ဖြစ်တယ်လို့ ကရင်နီပြည်အစိုးရအဖွဲ့ကဆိုပါတယ်။

https://youtu.be/AOMiiOoIODE
#မြန်မာ #ဧရာဝတီ #မော်ချီးဒေသ #သတ္တုတွင်း #KNDF #WhatsHappeningInMyanmar
---------------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/3btQYpR

၁၁၁၁ စစ်ဆင်ရေး ၂ နှစ်ပြည့် ကရင်နီမှာ ဘာဆက်ဖြစ်နေပြီလဲ (ရုပ်/သံ)

ဧရာဝတီ၊ နိုဝင်ဘာ ၁၁၊ ၂၀၂၅

ကရင်နီပြည်အတွင်း မြို့ ၇ မြို့ အပါအဝင် ပြည်နယ် တခုလုံးနီးပါးကို သိမ်းပိုက်၊ ထိန်းချုပ်နိုင်ခဲ့တဲ့ ‘၁၁၁၁’ စစ်ဆင်ရေးဟာ ဒီနေ့ နိုဝင်ဘာ ၁၁ရက်မှာ ၂ နှစ်ပြည့်ပါပြီ။

ဒီစစ်ဆင်ရေးဟာ ရှမ်းပြည်နယ် မြောက်ပိုင်းမှာ ညီနောင်မဟာမိတ် ၃ ဖွဲ့ရဲ့ ၁၀၂၇ စစ်ဆင်ရေး စတင်ပြီး ၁၆ ရက်အကြာမှာ ပေါ်ပေါက်လာတာလည်း ဖြစ်ပါတယ်။

၂၀၂၅၊ ဇူလိုင်လမှာ မိုးဗြဲ နဲ့ နန်းမယ်ခုံမြို့တွေကို စစ်တပ်က ပြန်လည် သိမ်းပိုက်နိုင်ခဲ့တယ်လို့ ထုတ်ပြန်ခဲ့ပါတယ်။ ဒါ့အပြင် ကရင်နီပြည်ထဲက လွိုင်ကော်၊ ဘော်လခဲနဲ့ ဒီးမော့ဆိုနဲ့ ဖရူဆိုမြို့နယ် တွေမှာ ရွေးကောက်ပွဲ ကျင်းပမယ်လို့ လည်း ကြေငြာထားပါတယ်။

လက်ရှိမှာတော့ ကရင်နီပြည်နယ် ဖရူဆိုမြို့နယ်က ဖရူဆို၊ ထားလဲ၊ နန်းဖဲ လမ်းမကြီးမှာ စစ်ရေးလှုပ်ရှားမှုတွေ ရှိနေတာကြောင့် အဆိုပါလမ်းမကြီးကို အသုံးပြုသွားလာတာတွေ မလုပ်ဖို့ KNDF က နိုဝင်ဘာ ၅ ရက်နေ့မှာ အသိပေး ထုတ်ပြန်ထားပါတယ်။

https://youtu.be/SuKMILAYrcI
#မြန်မာ #ဧရာဝတီ #၁၁၁၁ #စစ်ဆင်ရေး #ကရင်နီပြည် #KNDF #WhathappensInMyanmar
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

ပြည်သူတွေအတွက် တော်လှန်ရေးသမားတွေရဲ့ ဆုတောင်းသံ (ရုပ်/သံ)

ဧရာဝတီ၊ ဧပြီ ၁၇၊ ၂၀၂၆

နှစ်သစ်မှာ အာဏာရှင်စနစ်ဆိုးအောက်ကနေ အမြန်ဆုံးလွတ်မြောက်ပြီး ဖက်ဒရယ်ဒီမိုကရေစီ ပြည်ထောင်စုသစ်ဆီကို အတူတကွ လျှောက်လှမ်းနိုင်ကြဖို့ တော်လှန်ရေးအင်အားစုတွေက နှစ်သစ်ဆုမွန်ကောင်း တောင်းပေးလိုက်ကြပါတယ်။

နိုင်ငံရေးခရီးကို ရှေ့ဆက်ကြရာမှာလည်း စိတ်စေတနာအမှန်ကို အရင်းတည်ပြီး ဉာဏ်ပညာ လုံ့လဝီရိယတို့နဲ့ ကြိုးပမ်းအားထုတ်ကြဖို့ တိုက်တွန်းထားသလို ဒေသအသီးသီးက ပြည်သူတွေအနေနဲ့လည်း မတူကွဲပြားမှုတွေကို အလှဆင်ကာ စည်းစည်းလုံးလုံးနဲ့ အများအကျိုးကို ဆက်လက်သယ်ပိုးကြဖို့ မျှော်လင့်ကြောင်းလည်း ပြောပါတယ်။

ဒီနှစ်သစ် နှုတ်ခွန်းဆက်စကားတွေကိုတော့ အမျိုးသားညီညွတ်ရေးအစိုးရ (NUG) နိုင်ငံခြားရေးဝန်ကြီး၊ ကရင်နီအမျိုးသားတိုးတက်ရေးပါတီ (KNPP)၊ ချင်းအမျိုးသားတပ်ဦး (CNF)၊ ကရင်နီအမျိုးသားများကာကွယ်ရေးတပ် (KNDF) တို့အပြင် လူမှုကူညီရေးနယ်ပယ်က ဒေါက်တာစင်သီယာမောင်တို့ကို ဧရာဝတီက ဆက်သွယ်မေးမြန်းထားတာဖြစ်ပါတယ်။

https://youtu.be/f2Sgdd1l9XQ

#မြန်မာ #ဧရာဝတီ #NUG #KNDF #CNF #KNPP #ဒေါက်တာစင်သီယာမောင် #What'sHappensInMyanmar

ဧရာဝတီရဲ့ YouTube membership ကို Support လုပ်ချင်တဲ့ပရိတ်သတ်တွေအနေနဲ့ ဒီ Link လေးကို နှိပ်ပြီးတော့ ပါဝင်နိုင်ပါပြီ။https://www.youtube.com/channel/UCgEI7TvwuNGVGpd1M0icWJQ/join

စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://www.irrawaddy.com/donation

ကျနော်တို့ ဆက်ရုန်းနေတယ် (ရုပ်/သံ)

ဧရာဝတီ၊ မေ ၃၁၊ ၂၀၂၆

အာဏာသိမ်းသမ္မတရဲ့ ငြိမ်းချမ်းရေးကမ်းလှမ်းချက်ဟာ ဆိတ်ခေါင်းချိတ်ပြီး ခွေးသားရောင်းတာဖြစ်ပြီး ခွေးသားစားချင်တဲ့သူတွေတော့ သွားကြလိမ့်မယ်လို့ ကရင်နီအမျိုးသားများကာကွယ်ရေးတပ် (KNDF) ရဲ့ ဒု-စစ်ဦးစီးချုပ် မာဝီက ပြောပါတယ်။

စစ်တပ်က ၂၀၂၁ ခုနှစ် အာဏာသိမ်းပြီးနောက်ပိုင်း အစောဆုံးပေါ်ပေါက်လာခဲ့တဲ့ လူငယ်လက်နက်ကိုင်တပ်ဖွဲ့တွေထဲမှာ KNDF ဟာ အခုဆိုရင် အင်အားအတောင့်တင်းဆုံးထဲက တော်လှန်ရေးတပ်ဖွဲ့ကြီးတခုအဖြစ် မြေပြင်မှာ ခိုင်ခိုင်မာမာ ရပ်တည်နေတာလည်း ဖြစ်ပါတယ်။

အခုဆိုရင် တပ်ဖွဲ့တည်ထောင်ခဲ့တာ ၅ နှစ်တာ ကာလကို ရောက်ရှိလာခဲ့ပြီဖြစ်လို့ ဒီနှစ်တွေအတွင်း ဖြတ်သန်းခဲ့ရတဲ့ ခက်ခဲကြမ်းတမ်းတဲ့ စိန်ခေါ်မှုတွေနဲ့ ရှေ့ဆက်သွားမယ့် နိုင်ငံရေး၊ စစ်ရေး ရည်မှန်းချက်တွေဟာ ဘာတွေဖြစ်မလဲဆိုတာကို ဧရာဝတီသတင်းထောက် ဂျူချန်းက KNDF ဒု-စစ်ဦးစီးချုပ် မာဝီကို ဆက်သွယ်မေးမြန်းထားပါတယ်။

https://youtu.be/wbn18woQQgU

#မြန်မာ #ဧရာဝတီ #မာဝီ #KNDF #What’sHappensInMyanmar

ဧရာဝတီရဲ့ YouTube membership ကို Support လုပ်ချင်တဲ့ပရိတ်သတ်တွေအနေနဲ့ ဒီ https://www.youtube.com/@irrawaddynews1993 Link လေးမှ join buttom ကို နှိပ်ပြီးတော့ ပါဝင်နိုင်ပါပြီ။

စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://www.irrawaddy.com/donation