• ညောင်လေးပင်က အစုလိုက် သတ်ဖြတ်ခံရမှု မှတ်တမ်းတွေထွက်ပေါ်
• KIA က စစ်သားစုဆောင်းဖို့ အဓမ္မဝင်ဆွဲခံရတဲ့ အမျိုးသမီး လွတ်မြောက်
• PDF ရဲမေ အဓမ္မပြုကျင့်ခံရမှု စစ်ဆေးနေပြီလို့ NUG ပြော
• စစ်ရေးတင်းမာနေတဲ့ UAE ကနေ မြန်မာတွေ မပြန်ချင်
• ခါမေနီသားကို အီရန်ခေါင်းဆောင်အဖြစ် ရွေးချယ်

နေ့စဉ်သတင်း၊ မတ် ၉၊ ၂၀၂၆
https://youtu.be/NvcN3Z-foek

#မြန်မာ #ဧရာဝတီ #ညောင်လေးပင် #KIA #PDF #NUG #UAE #နေ့စဉ်သတင်း #IRWDailyNews #WhatIsHappensInMyanmar
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

ပြည်သူ ၃၀၀ ကျော်ကို PDF တွေ ကယ်ထုတ် (ရုပ်/သံ)

ဧရာဝတီ၊ မတ် ၁၀၊ ၂၀၂၆

ပဲခူးတိုင်း၊ ညောင်လေးပင်မြို့နယ်မှာ အာဏာသိမ်း စစ်တပ်စီးနင်းခံထားရတဲ့ ရွာတွေထဲ ပိတ်မိနေတဲ့ ဒေသခံအရပ်သားတွေထဲက ၃၀၀ ကျော်ကို ကယ်ထုတ် ထားနိုင်ကြောင်း အမျိုးသားညီညွတ်ရေးအစိုးရ (NUG) လက်အောက်ခံ တော်လှန်ရေးတပ်ဖွဲ့တခုက ပြောပါတယ်။

ညောင်လေးပင်မြို့နယ်က ရေတွင်းကုန်း၊ ခရုကုန်းနဲ့ ကျောင်းကုန်း ကျေးရွာတွေကို စစ်ကော်မရှင်တပ်က မတ်လ ၅ ရက်နေ့မှာ စစ်ကြောင်း ၄ ကြောင်းနဲ့ စီးနင်း ဝင်ရောက်ခဲ့ပြီးတော့ ဒေသခံအရပ်သား ၃၀ ကျော်ကို သတ်ဖြတ်ခဲ့ပြီး ရွာခံတွေကို လူသားဒိုင်းကာ အဖြစ်ထိန်းချုပ်ထားတာဖြစ်ပါတယ်။

တော်လှန်ရေး တပ်ဖွဲ့တွေ အနေနဲ့ ဒေသခံတွေကို ကယ်ထုတ်တဲ့နေရာမှာတော့ စစ်ကော်မရှင်ဘက်က လက်နက်ကြီးတွေ၊ ဒရုန်းတွေသုံးပြီး ခုခံတယ်လို့ သွားရောက်ကယ်ထုတ်ခဲ့တဲ့ တော်လှန်ရေးတပ်ဖွဲ့ဝင်တွေက ဧရာဝတီကို ပြောပါတယ်။

https://youtu.be/24CgKBS0O3A
#မြန်မာ #ဧရာဝတီ #ညောင်လေးပင် #ပဲခူးတိုင်း #NUG #PDF #What'sHappensInMyanmar

ညောင်လေးပင်မှာ စစ်တပ်ရဲ့ အကြမ်းဖက်စီးနင်းမှုကို ဘယ်လိုကြုံခဲ့ရလဲ (ရုပ်/သံ)

ဧရာဝတီ၊ မတ် ၁၂၊ ၂၀၂၆

ပဲခူးတိုင်း ညောင်လေးပင်မြို့နယ် ရေတွင်းကုန်းကျေးရွာအုပ်စုမှာ မတ်လ ၅ ရက်နေ့က အာဏာသိမ်းစစ်တပ် ကျူးလွန်ခဲ့တဲ့ လူအစုလိုက်အပြုံလိုက် သတ်ဖြတ်မှုကြောင့် ကလေးငယ်တွေအပါအဝင် လူပေါင်း ၃၀ ကျော် သေဆုံးခဲ့ပါတယ်။

အာဏာသိမ်းစစ်တပ်ဟာ မတ်လ ၅ ရက်နဲ့ ၆ ရက်နေ့တွေမှာ ကျောင်းကုန်းရွာအတွင်းမှာ ပစ်ခတ်သတ်ဖြတ်မှု၊ အကြမ်းဖက်နှိပ်စက်မှု၊ လေကြောင်းဗုံးကြဲတိုက်ခိုက်မှုတွေ ဆက်တိုက်လုပ်ခဲ့သလို ကလေးငယ်နဲ့ အမျိုးသမီးတွေအပါအဝင် ရာနဲ့ချီတဲ့ ရွာခံတွေကို နှစ်ရက်ကျော်ကြာ ဓားစာခံအဖြစ်ဖမ်းဆီးထားခဲ့ပါတယ်။

မတ်လ ၆ ရက်နေ့ ညနေပိုင်းမှာတော့ သေဆုံးသူတွေရဲ့ ရုပ်အလောင်းတွေကို ရွာခံအမျိုးသားတွေကို ကျင်းတူးမြေမြုပ်ခိုင်းခဲ့တယ်လို့ ဒေသခံကပြောပါတယ်။ ရွာခံတွေကတော့ ဒီဖြစ်စဉ်နဲ့ ပတ်သက်ပြီး အာဏာသိမ်းစစ်တပ်ရဲ့ ရက်စက်မှုဟာ ထင်မှတ်ထားတာထက် ပိုတယ်လို့ ပြောသလို၊ လူမဆန်တဲ့လုပ်ရပ်တခုလို့လည်း ပြောပါတယ်။

မတ်လ ၇ ရက်နေ့ ညပိုင်းမှာတော့ NUG လက်အောက်ခံ ကာကွယ်ရေးတပ်ဖွဲ့တွေနဲ့ ကရင်အမျိုးသားလွတ်မြောက်ရေးတပ်(KNLA) ပူးပေါင်းတပ်ဖွဲ့တွေဟာ ရွာအတွင်းမှာ ဓားစာခံအဖြစ်ဖမ်းဆီးခံထားရသူ အယောက် ၃၀၀ ကျော်ကို ဝင်ရောက်ကယ်ဆယ်ခဲ့တယ်လို့ NUG အမှတ် - ၂ စစ်ဆင်ရေးနယ်မြေကထုတ်ပြန်ပါတယ်။

လွတ်မြောက်လာသူ ဓားစာခံရွာသားတွေကတော့ စစ်တပ်လက်မှာ သူတို့ကိုယ်သူတို့ သေလူအဖြစ်သတ်မှတ် ထားခဲ့ပေမယ့် တော်လှန်ရေးတပ်တွေ ကယ်ထုတ်ပေးခဲ့လို့သာ အသက်ရှင်ခွင့်ရခဲ့တာလို့ ပြောကြပါတယ်။

https://youtu.be/X6xJtgpl5RQ
#မြန်မာ #ဧရာဝတီ #ညောင်လေးပင် #NUG #KNLA #PDF #WhatsHappeningInMyanmar

ရေနံတွင်းတွေကို ပြည်ထောင်စုက စီမံခန့်ခွဲဖို့ ပြန်ယူတဲ့သဘောပါ (ရုပ်/ သံ)

ဧရာဝတီ၊ ဧပြီ ၁၊ ၂၀၂၆

မကွေးတိုင်း၊ ပခုက္ကူခရိုင်၊ မြိုင်နဲ့ ပေါက်မြို့နယ်တွေမှာရှိတဲ့ ရေနံမြေစီမံခန့်ခွဲမှုနဲ့ ပတ်သက်ပြီး အမျိုးသားညီညွတ်ရေးအစိုးရ (NUG) လက်အောက်ခံ တပ်ဖွဲ့အချင်းချင်းကြား အင်းအားသုံး ဖြေရှင်းမှုတွေ ရှိနေတယ်လို့ မြေပြင်တပ်တွေဘက်က ပြောပါတယ်။

ဒီရေနံတွင်းတွေကို ပြည်ထောင်စုအစိုးရက စီမံခန့်ခွဲပိုင်ခွင့်ရှိတဲ့ သယံဇာတတွေဖြစ်တာကြောင့် ပြန်လည်လွှဲပြောင်းယူဖို့ ကြိုးပမ်းတာဖြစ်တယ်လို့ NUG ပြည်ထဲရေးနှင့် လူဝင်မှုကြီးကြပ်ရေးဝန်ကြီးဌာန ဒုတိယဝန်ကြီး ဦးကျော်နီက ဧရာဝတီကို ပြောပါတယ်။

NUG ဘက်ကတော့ အခုလို အင်အားသုံးဖြေရှင်းမှု မလုပ်ခင်မှာ ရေနံတွင်းတွေကို ပြည်ထောင်စုအစိုးရထံ ပြန်လည်အပ်နှံဖို့ မြေပြင်တာဝန်ရှိသူတွေနဲ့ အကြိမ်ကြိမ် ညှိနှိုင်းခဲ့ပေမယ့် ပူးပေါင်းဆောင်ရွက်မှု မရှိတာကြောင့် အခုလို တပ်ဖြန့်ဆောင်ရွက်ရတာလို့ တုံ့ပြန်ထားပါတယ်။

လတ်တလော အခြေအနေမှာတော့ နှစ်ဖက်တပ်ဖွဲ့ တာဝန်ရှိသူတွေဟာ အချင်းချင်းကြား လက်နက်ကိုင် ပဋိပက္ခတွေအထိ မရောက်ရှိစေဘဲ ကျည်မပေါက်ရေးမူကို ကိုင်စွဲကာ ညှိနှိုင်းအဖြေရှာနေကြတယ်လို့ သိရပါတယ်။

ဒီအခြေအနေနဲ့ပတ်သက်ပြီး NUG ပြည်ထဲရေးနှင့် လူဝင်မှုကြီးကြပ်ရေးဝန်ကြီးဌာန ဒုတိယဝန်ကြီး ဦးကျော်နီကို ဧရာဝတီက မေးမြန်းထားတာဖြစ်ပါတယ်။

https://youtu.be/qt-XeATOvsk
#မြန်မာ #ဧရာဝတီ #ရေနံ #မြိုင် #ပေါက် #PDF #NUG #MOD #WhatsHappeningInMyanmar

အညာဒူဘိုင်းနဲ့ ဗိုလ်လက်ယာ (ရုပ်/သံ)

ဧရာဝတီ၊ ဧပြီ ၄၊ ၂၀၂၆

မကွေးတိုင်း၊ မြိုင်နဲ့ ပေါက်မြို့နယ်အတွင်းက ရေနံသယံဇာတ စီမံခန့်ခွဲမှုနဲ့ ပတ်သက်ပြီး အမျိုးသားညီညွတ်ရေးအစိုးရ (NUG) နဲ့ အသစ်ဖွဲ့စည်းလိုက်တဲ့ မကွေးဖက်ဒရယ်ယူနစ် အစိုးရတို့ကြား ဧပြီလ ၂ ရက်နေ့မှာ တွေ့ဆုံ ညှိနှိုင်းခဲ့ကြပေမယ့် အာဏာ ခွဲဝေရေးဆိုင်ရာ အရေးကြီးကိစ္စရပ်ဖြစ်တာကြောင့် အပြီးသတ် ဆုံးဖြတ်ချက် မချနိုင်သေးဘဲ ပြဿနာ ပိုမကြီးထွားလာဖို့ ကနဦး ညှိနှိုင်းတဲ့ အဆင့်မှာပဲ ရှိနေပါသေးတယ်။

ရေနံတွင်းပေါင်း ထောင်နဲ့ချီ ရှိတာကြောင့် "အညာဒူဘိုင်း" လို့ တင်စားခေါ်ဝေါ်ကြတဲ့ ဒီဒေသကို မြိုင်မြို့နယ် ပကဖ ခေါင်းဆောင်လည်းဖြစ်၊ လက်ရှိ မကွေးဖက်ဒရယ် ယူနစ်ရဲ့ ကာကွယ်ရေးဝန်ကြီးလည်းဖြစ်တဲ့ ဗိုလ်လက်ယာ ဦးဆောင်တဲ့ တပ်ဖွဲ့တွေက အဓိက ထိန်းချုပ်ထားတာလို့ နယ်မြေခံတွေက ဧရာဝတီကို ပြောပါတယ်။

လက်ရှိ “အညာဒူဘိုင်း” ပြဿနာဟာ အနာဂတ် ဖက်ဒရယ်ပြည်ထောင်စု တည်ဆောက်ရေးအတွက် အဆုံးအဖြတ်ဖြစ်လာမယ့် ဗဟိုနဲ့ ယူနစ်အကြား အာဏာနဲ့ သယံဇာတ ခွဲဝေရေးဆိုင်ရာ အရေးကြီးစမ်းသပ်ချက်တခုဖြစ်သလို ပြည်သူလူထု ယုံကြည်မှုရဖို့ ဗိုလ်လက်ယာနဲ့ တော်လှန်ရေး အစိုးရ တာဝန်ရှိသူတွေ ဆက်လက် ဖြေရှင်းရမယ့် ပုစ္ဆာတပုဒ်ဖြစ်လာနေပါတယ်။

https://youtu.be/RtNE6OYpodo
#မြန်မာ #ဧရာဝတီ #အညာဒူဘိုင်း #ဗိုလ်လက်ယာ #မကွေး #မြိုင် #ပေါက် #NUG #PDF #WhathappensInMyanmar
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://www.irrawaddy.com/donation

မင်းအောင်လှိုင်က လူစဉ်မမီဘူး၊ ဉာဏ်ရည်လည်း မမီဘူး (ရုပ်/သံ)

ဧရာဝတီ၊ ဧပြီ ၂၄၊ ၂၀၂၆

အာဏာသိမ်းသမ္မတဟာ သူ့ရဲ့ ငြိမ်းချမ်းရေး ဖိတ်ခေါ်ချက်ထဲမှာ နွေဦးတော်လှန်ရေးမှာ ပါဝင်နေတဲ့ လူငယ်တွေကို "ပညာရေးအခြေခံအားနည်းသူတွေ"၊ "မြှောက်ပေးခံရသူတွေ" ဆိုပြီး ပြည်သူ့ကာကွယ်ရေးတပ်မတော် (PDF) တွေရဲ့ ယုံကြည်ချက်နဲ့ နိုင်ငံရေး ခံယူချက်တွေကို ချိုးနှိမ်ပြောဆိုသွားပါတယ်။

အာဏာသိမ်းသမ္မတဟာ သူ့အစိုးရအဖွဲ့ရဲ့ ရက် ၁၀၀ အစီအစဉ်ထဲမှာ အပစ်ရပ်ထားတဲ့ တိုင်းရင်းသား လက်နက်ကိုင်အဖွဲ့တွေနဲ့ အပစ်မရပ်ရသေးတဲ့ တိုင်းရင်းသား လက်နက်ကိုင် အဖွဲ့တွေကို ငြိမ်းချမ်းရေး ဆွေးနွေးဖို့ဖိတ်ခေါ်ပြီး စစ်တပ်အာဏာသိမ်းမှုကို ဆန့်ကျင်ပြီး နိုင်ငံတဝန်းမှာ လက်နက်ဆွဲကိုင် တော်လှန်နေတဲ့ PDF တွေကိုတော့ လက်နက်ချ အလင်းဝင်ရမယ်ဆိုတဲ့ သဘော ပြောဆိုထားတာပါ။

အခုလို အငြိုးအာဃာတတွေနဲ့ နှိပ်ကွပ်ပြောဆိုနေတဲ့ အာဏာသိမ်းခေါင်းဆောင်ရဲ့ ဖိတ်ခေါ်ချက်အပေါ် တော်လှန်ရေးတပ်ဖွဲ့တွေဘက်က ဘယ်လိုမြင်ပါသလဲ။ စစ်အာဏာရှင်စနစ်ကို အမြစ်ဖြတ်ဖို့ လက်နက်ဆွဲကိုင်ထားတဲ့ PDF ရဲဘော်တွေရဲ့ သဘောထားနဲ့ မြေပြင်အရှိတရားတွေကို သိရှိနိုင်ဖို့အတွက် PDF အထူးတိုင်းစစ်ဌာန၊ တိုင်းကွပ်ကဲရေးမှူး ရဲဘော်အောင်စံရှားကို ဧရာဝတီက ဆက်သွယ်မေးမြန်းထားပါတယ်။

#မြန်မာ #ဧရာဝတီ #အောင်စံရှား #မင်းအောင်လှိုင် #PDF #What'sHappensInMyanmar

https://youtu.be/DXjlh6coOyw

ဧရာဝတီရဲ့ YouTube membership ကို Support လုပ်ချင်တဲ့ပရိတ်သတ်တွေအနေနဲ့ ဒီ Link လေးကို နှိပ်ပြီးတော့ ပါဝင်နိုင်ပါပြီ။https://www.youtube.com/channel/UCgEI7TvwuNGVGpd1M0icWJQ/join

စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://www.irrawaddy.com/donation

သမ္မတဦးဝင်းမြင့်၏ ရပ်တည်ချက်နှင့် နွေဦးတော်လှန်ရေး

ဧရာဝတီ၊ ဧပြီ ၂၉၊ ၂၀၂၆

ပို၍ မြင်သာသည့်အချက်မှာ လက်ရှိ မြန်မာနိုင်ငံရေးတွင် ထစ်ကနဲရှိ လက်နက်အားကိုးနှင့် အာဏာသိမ်းသည့် စစ်တပ်ရှိနေသေးသ၍ ပြည်သူလူထုတွင် လက်နက်ကိုင်တပ်မရှိပါက ခါးစီး၍ ခေါင်းငုံ့ခံနေရမည်က လက်ခတ်မလွဲ ဖြစ်ပေသည်။ ထို့ပြင် အထက်တွင် ဖော်ပြထားသကဲ့သို့ သမိုင်းတွင် စစ်တပ်ကို အထိနာဆုံးဖြစ်အောင် ထိုးနှက်နိုင်သည်မှာ နွေဦးလက်နက်ကိုင် တော်လှန်ရေးဖြစ်သည်ကို မည်သူမျှ ငြင်းပယ်၍ မရပေ။

မြန်မာပြည် စစ်အာဏာရှင်စနစ် ဆန့်ကျင်ရေးတွင် နွေဦးလက်နက်ကိုင် တော်လှန်ရေးအခန်းကို ဖယ်ရှား၍မရသကဲ့သို့ သေးသိမ်အောင် ပြုလုပ်၍ မရနိုင်ပေ။ နွေဦးတွင် ပေါ်လာသည့် ပြည်သူလူထုကိုယ်စားပြု လက်နက်ကိုင်တပ်ဖွဲ့များကို ဆက်လက်ပြီး တောင့်တင်းခိုင်မာအောင် တည်ဆောက်ကြရမည်သာ ဖြစ်သည်။ လက်ရှိ NUG အား Recognition with understanding – နားလည်မှုဖြင့် အသိအမှတ်ပြုခြင်း ရရှိထားခြင်းသည်ပင် လက်နက်ကိုင်အင်အား အများစုအား စုစည်းနိုင်ပြီး စစ်အုပ်စုအား လက်နက်ကိုင် တိုက်ခိုက်နိုင်ခြင်းကြောင့် ဖြစ်ပေသည်။

နွေဦးလက်နက်ကိုင်တော်လှန်ရေး၊ NUG၊ PDF တို့နှင့် သမ္မတ ဦးဝင်းမြင့်၊ ဒေါ်အောင်ဆန်းစုကြည်တို့၏ အခန်းကဏ္ဍများကို အတင်းဆွဲစေ့၍မရသကဲ့သို့ အတင်းခွဲထုတ်၍ မရပေ။ ရပ်တည်ချက်ခိုင်မာပြီး၊ အတွေ့အကြုံရင့်ကျက်သည့်၊ ပြည်သူလူထုကို မျက်နှာမူသည့် ခေါင်းဆောင်နှစ်ဦးအနေနှင့် လိမ္မာပါးနပ်စွာ ဆုံးဖြတ်နိုင်ပါလိမ့်မည်။

လမ်းချင်းတူလျှင် လူချင်းဆုံမည်သာ ဖြစ်၏။ အချိန်သာ လိုအပ်ပေမည်။

https://youtu.be/KcvqLhDrj4k
#မြန်မာ #ဧရာဝတီ #ဦးဝင်းမြင့် #ဒေါ်အောင်ဆန်းစုကြည် #NUG #PDF #What'sHappen'sInMyanmar

ဧရာဝတီရဲ့ YouTube membership ကို Support လုပ်ချင်တဲ့ပရိတ်သတ်တွေအနေနဲ့ ဒီ Link လေးကို နှိပ်ပြီးတော့ ပါဝင်နိုင်ပါပြီ။https://www.youtube.com/channel/UCgEI7TvwuNGVGpd1M0icWJQ/join

စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://www.irrawaddy.com/donation

အညာသား သုမနတို့ ကျောပေါ်က ဒဏ်ရာနဲ့ ဝန်ထုပ်ဝန်ပိုးများ (ရုပ်/သံ)

ဧရာဝတီ၊ မေ ၅၊ ၂၀၂၆

အညာရဲ့ လှပတဲ့ ထန်းတောတွေနဲ့ ပင်ထနောင်းရိပ်တွေဟာ အခုတော့ စစ်မီးလျှံတွေနဲ့ သောကဗျာပါဒတွေကြားမှာ ရုန်းကန်နေရပါတယ်။ အညာသားတွေရဲ့ သွေးနဲ့ရင်းတဲ့ ပေးဆပ်မှုတွေဟာ တော်လှန်ရေးသမိုင်းမှာ အထင်အရှားရှိနေပါပြီ။

အာရက္ခတပ်တော် (AA) ဒုစစ်ဦးစီးချုပ် ဒေါက်တာ ညိုထွန်းအောင် ပြောသလို ဗမာတော်လှန်ရေး အဖွဲ့အစည်းတွေ ဖြစ်ပေါ်လာခြင်းဟာ တိုင်းရင်းသား လက်နက်ကိုင် အဖွဲ့အစည်းတွေအတွက် အခွင့်အရေး၊ အခွင့်ကောင်းတခု ဖြစ်တယ်ဆိုရင် အပြန်အလှန်အားဖြင့် အညာကအဖွဲ့အစည်းတွေဟာလည်း မဟာမိတ်တွေရဲ့ အင်အားကို ပြန်လည်ကာ အကျိုးရှိရှိ အသုံးချနိုင်ဖို့ လိုအပ်ပါလိမ့်မယ်။

ကိုင်းကျွန်းမှီ ကျွန်းကိုင်းမှီ အပြန်အလှန် ဆက်စပ်နေတဲ့ ကံကြမ္မာရှိတာကြောင့် အညာသားတွေ စုစုစည်းစည်း ပိုဖြစ်လာလေလေ လူမျိုးစု မဟာမိတ်တွေအတွက်လည်း အကျိုးရှိလေလေ ဖြစ်ပါတယ်။ သို့သော်လည်း အဓိကအချက်က ဦးတည်ချက် ပြင်ဆင်ချိန်ညှိတဲ့ သဘောနဲ့ အညာအားကောင်းရေး၊ ကိုယ့်အတွင်းရေးကို ပိုအာရုံစိုက်ကြဖို့ ဖြစ်ပါတယ်။

အညာသားတွေရဲ့ ကျောပေါ်က ဒဏ်ရာနဲ့ ဝန်ထုပ်ဝန်ပိုးတွေကို အညာသားတွေကိုယ်တိုင်ပဲ ရုန်းကန် ဖယ်ရှားရမှာပဲ ဖြစ်ပါတယ်ခင်ဗျာ။

(ဧရာဝတီ မြန်မာပိုင်းမှာဖော်ပြခဲ့တဲ့ ဆောင်းပါးကို ရုပ်သံအဖြစ် ပြန်လည်တင်ဆက်ခြင်းဖြစ်ပါတယ်။)

https://youtu.be/wvrGoBPw_VI

#မြန်မာ #ဧရာဝတီ #အညာသား #PDF #AA #WhatsHappeningInMyanmar

• ဒေါ်အောင်ဆန်းစုကြည်အခြေအနေ အာဏာသိမ်းအစိုးရ မလေးရှားကိုပြောပြ
• မြန်မာ့အရေးအဖြေရှာနိုင်ဖို့ ချဉ်းကပ်ပုံပြောင်းလဲနေတဲ့ အာဆီယံ
• အိန္ဒိယနယ်စပ်မှာ အသတ်ခံရတဲ့ PDF ၅ ဦး တလကြာထိ ရုပ်အလောင်းပြန်မရ
• ချင်းမြောက်ပိုင်းကို အလုံးစုံထိန်းချုပ်နိုင်ပြီလို့ စစ်တပ် ဝါဒဖြန့်
• ပြည်ထောင်စုကိုကာကွယ်တဲ့ ပုဂ္ဂိုလ်တွေရဲ့ ရုပ်ထုထုမယ်လို့ မင်းအောင်လှိုင်ပြော
• အီဘိုလာဗိုင်းရပ်စ်ကြောင့် ၄ ရက်အတွင်း လူ ၅၉ ဦးထပ်မံသေဆုံး

နေ့စဉ်သတင်း၊ မေ ၂၁၊ ၂၀၂၆
https://youtu.be/f3GFPegOt3A

#မြန်မာ #ဧရာဝတီ #ဒေါ်အောင်ဆန်းစုကြည် #မလေးရှား #အာဆီယံ #PDF #ချင်း #နေ့စဉ်သတင်း #DailyNews #What'sHappeningInMyanmar

ဧရာဝတီရဲ့ YouTube membership ကို Support လုပ်ချင်တဲ့ပရိတ်သတ်တွေအနေနဲ့ ဒီ https://www.youtube.com/@irrawaddynews1993 Link လေးမှ join buttom ကို နှိပ်ပြီးတော့ ပါဝင်နိုင်ပါပြီ။

စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://www.irrawaddy.com/donation

မြိုင်မှာ စစ်တပ်ရဲ့ Mi-17 ကို PDF တွေ ဘယ်လိုတိုက်ခိုက်ခဲ့လဲ (ရုပ်/သံ)

ဧရာဝတီ၊ ဇွန် ၂၄၊ ၂၀၂၆

မကွေးတိုင်း၊ မြိုင်မြို့နယ်၊ တွင်းမရွာအနီးမှာ ထောက်ပို့ ပစ္စည်းတွေနဲ့ လူအင်အား လာရောက်ပို့ဆောင်တဲ့ အာဏာသိမ်းစစ်တပ်ရဲ့ Mi-17 ရဟတ်ယာဉ်ကို ပြည်သူ့ကာကွယ်ရေးတပ်မတော် (PDF) ပူးပေါင်းတပ်တွေက ဇွန်လ ၂၃ ရက်နေ့ ညနေပိုင်းမှာ တိုက်ခိုက်ဖျက်ဆီးနိုင်ခဲ့ပါတယ်။

တိုက်ခိုက်ရေး ဒရုန်း (FPV) နှစ်စီးအသုံးပြု တိုက်ခိုက်ခဲ့တာဖြစ်ပြီး ရဟတ်ယာဉ် မီးလောင်ပျက်စီးသွားသလို ယာဉ်ပေါ်လိုက်ပါလာတဲ့ အာဏာသိမ်းစစ်တပ် တပ်သားတချို့လည်း ထိခိုက် သေဆုံးသွားတာကို မျက်မြင်တွေ့ခဲ့ရတယ်လို့ တိုက်ခိုက်မှုမှာပါဝင်တဲ့ ပေါက်မြို့နယ် ပြည်သူ့ကာကွယ်ရေးတပ်ဖွဲ့ (ပကဖ) အဖွဲ့ဝင်တဦးက ဧရာဝတီကို အတည်ပြုပါတယ်။

ဖြစ်စဉ်ဖြစ်ပွားပြီးနောက် ဇွန်လ ၂၃ ရက်နေ့ ညနေပိုင်းမှာ အာဏာသိမ်းစစ်တပ်ဟာ တွင်းမရွာနဲ့ အနီးတဝိုက်အပြင် မြိုင်မြို့နယ်နဲ့ ပေါက်မြို့နယ်အတွင်း လေကြောင်းတိုက်ခိုက်တာ၊ မြေပြင်စစ်ကြောင်းထိုးတာတွေ လုပ်ဆောင်နေတာကြောင့် အရပ်သားတဦးသေဆုံးခဲ့ရတယ်လို့ ပြောပါတယ်။

တော်လှန်ရေးတပ်တွေရဲ့ တိုက်ခိုက်မှုကြောင့် ၂၀၂၁ ခုနှစ် စစ်အာဏာသိမ်းပြီးနောက် ၅ နှစ်ကျော်အတွင်း အာဏာသိမ်းစစ်တပ်ရဲ့ တိုက်လေယာဉ်နဲ့ ရဟတ်ယာဉ် စုစုပေါင်း ၁၁ စီး ပျက်စီးခဲ့ပြီး ဒီထဲမှာ Mi-17 ရဟတ်ယာဉ် ၄ စီးပါဝင်နေပါတယ်။

https://youtu.be/WJErShYrckc
#မြန်မာ #ဧရာဝတီ #Mi-17 #ဒရုန်း #FPV #PDF #WhatsHappensInMyanmar

ခြေသံလုံသည့် ဧရာဝတီစစ်မျက်နှာ (ရုပ်/သံ)

ဧရာဝတီ၊ ဇွန် ၂၈၊ ၂၀၂၆

၂၀၂၁ ခုနှစ် စစ်တပ်အာဏာသိမ်းကတည်းက စတင်ဖို့ ကြိုးစားခဲ့သည့် ဧရာဝတီတိုင်းစစ်မျက်နှာကို ၂၀၂၅ ခုနှစ် နှစ်ဆန်းတွင် အောင်မြင်စွာ ထိုးဖောက်နိုင်ခဲ့ပြီး အာရက္ခတပ်တော်နှင့် PDF တပ်ဖွဲ့များသည် ၂၀၂၆ ခုနှစ် မေလကုန်အထိ ဧရာဝတီတိုင်းအတွင်း ရခိုင်ရိုးမအရှေ့ခြမ်း ပုသိမ်၊ သာပေါင်း၊ ရေကြည်၊ လေးမျက်နှာ၊ အင်္ဂပူမြို့နယ်များ၌ ကောင်းစွာ ခြေကုပ်ယူနိုင်သည်ကို တွေ့ရ၏။

ဧရာဝတီစစ်မျက်နှာသည် တပြည်လုံးတွင် အသံအတိတ်ဆုံး၊ ခြေသံအလုံဆုံးဖြစ်သည်။ တခါတရံ ရှိသည်ပင် မထင်ရလောက်အောင် ငြိမ်သက်လွန်းသည်။ သို့သော်လည်း ဧရာဝတီစစ်မျက်နှာသည် စစ်အုပ်စု၏ အရှိုက်ကို မိမိရရ ထိုးနှက်နိုင်နေပေသည်။

https://youtu.be/ptvsW1iTd2M

#မြန်မာ #ဧရာဝတီ #AA #PLF #PDF #WhatsHappensInMyanmar

ဧရာဝတီရဲ့ YouTube membership ကို Support လုပ်ချင်တဲ့ပရိတ်သတ်တွေအနေနဲ့ ဒီ https://www.youtube.com/@irrawaddynews1993 Link လေးမှ join buttom ကို နှိပ်ပြီးတော့ ပါဝင်နိုင်ပါပြီ။

စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://www.irrawaddy.com/donation

လူထုတပ်ပေးထားတဲ့ လက်နက်တွေက အချင်းချင်းတိုက်ဖို့မဟုတ်ဘူး (ရုပ်/သံ)

ဧရာဝတီ၊ ဇူလိုင် ၁၆၊ ၂၀၂၆

အညာဒေသ၊ အထူးသဖြင့် စစ်ကိုင်းတိုင်းအတွင်းမှာ ပြီးခဲ့တဲ့ ဇွန်လအတွင်းက တော်လှန်ရေးတပ်ဖွဲ့တွေအချင်းချင်း တဖွဲ့ကိုတဖွဲ့ဝင်ရောက်စီးနင်းတဲ့ဖြစ်စဉ်တွေ၊ အမျိုးသားညီညွတ်ရေးအစိုးရ (NUG) လက်အောက်ခံအဖွဲ့အချင်းချင်း ပစ်ခတ်မှုတွေဖြစ်ပေါ်ခဲ့ပြီး သေဆုံးမှုတွေရှိခဲ့ပါတယ်။

လက်ရှိစစ်ကိုင်းအပါအဝင် အညာဒေသမှာဖြစ်ပျက်နေတဲ့ တော်လှန်ရေးတပ်ဖွဲ့တွေအချင်းချင်းကြား ဖြစ်နေတဲ့ပြဿနာတွေ၊ ဒီအခြအနေတွေကို ဘယ်လိုကိုင်တွယ်ဖြေရှင်းသင့်လဲဆိုတာနဲ့ပတ်သက်လို့ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦး (ABSDF) ရဲ့ ဗဟိုဦးဆောင်ကော်မတီဝင် တာဝန်ယူခဲ့ဖူးသူလည်းဖြစ် မြန်မာ့နိုင်ငံရေးလေ့လာသုံးသပ်သူတဦးဖြစ်တဲ့ ဆလိုင်းယောအောင်ရဲ့ အမြင်၊ သဘောထားတွေကို ဧရာဝတီကဆက်သွယ်မေးမြန်းထားတာဖြစ်ပါတယ်။

https://youtu.be/jCwqPrVQLv0
#မြန်မာ #ဧရာဝတီ #စစ်ကိုင်း #PDF #NUG #WhatsHappensInMyanmar

မြဝတီတိုက်ပွဲမှာ အာဏာသိမ်းစစ်တပ် စစ်ကြောင်း ချေမှုန်းခံရ

ကရင်ပြည်နယ် မြဝတီမြို့နယ်မှာ ဖြစ်ပွားနေတဲ့ တိုက်ပွဲမှာ အာဏာသိမ်းစစ်တပ်ရဲ့ စစ်ကြောင်းကို ချေမှုန်းနိုင် ခဲ့တယ်လို့ ကရင်အမျိုးသားလွတ်မြောက်ရေးတပ်မတော် (KNLA) သတင်းရင်းမြစ်တွေက ဧရာဝတီကို အတည်ပြုပါတယ်။

မြဝတီမြို့တောင်ဘက် ရဲကုန်း ဘက်ကနေ ကျွန်းခုနှစ်ပင်ဘက်ကို တက်လာတဲ့ စစ်ဆင်ရေးကွပ်ကဲမှုဌာနချုပ် စကခ (၁၃) လက်အောက်ခံတပ်က စစ်ကြောင်းကို မနေ့က ဇူလိုင် ၁၆ ရက်နေ့မှာ KNLA နဲ့ ပြည်သူ့ကာကွယ်ရေး (PDF) ပူးပေါင်းတပ်ဖွဲ့တွေက တိုက်ခိုက်ခဲ့တာဖြစ်တယ်လို့ ဆိုပါတယ်။

#မြန်မာ #ဧရာဝတီ #KNLA #မြဝတီ #စစ်ကြောင်း #PDF

ကသာခရိုင်ထဲမှာ အာဏာသိမ်းစစ်တပ် ချေမှုန်းခံနေရ

ကချင်ပြည်နယ်နဲ့ စစ်ကိုင်းတိုင်းအစပ်က ကသာခရိုင်မှာ တိုက်ပွဲပြင်းထန်နေတာကြောင့် မန္တလေး - ဗန်းမော် ပြည်ထောင်စုလမ်းမကြီးလမ်းပိုင်းနဲ့ ဆက်စပ် လမ်းသွယ်တွေအတွင်း ဖြတ်သန်းသွားလာမှုနဲ့ပတ်သက်ပြီး အမျိုးသားညီညွတ်ရေးအစိုးရ (NUG) လက်အောက်ခံ ကသာခရိုင်၊ အမှတ် (၅) တပ်ရင်းက ဇူလိုင် ၂၀ ရက်နေ့မှာ သတိပေးစာ ထုတ်ပြန်ပါတယ်။

ကသာခရိုင်ထဲက အင်းတော်၊ မော်လူးနဲ့ ကသာ မြို့နယ်တွေမှာ ကချင်လွတ်မြောက်ရေးတပ်မတော် (KIA) ပူးပေါင်းတပ်တွေ နဲ့ အာဏာသိမ်းစစ်တပ်အကြား မေလထဲက နေ့စဉ်နီးပါးတိုက်ပွဲ ပြင်းထန်နေတာဖြစ်ပြီး လက်ရှိမှာ အင်းတော်မြို့နယ်ထဲက စီပိန်းကျေးရွာမှာ တိုက်ပွဲပြင်းထန်နေတယ်လို့ ကသာမြို့ခံတွေက ဧရာဝတီကို ပြောပါတယ်။ အာဏာသိမ်းစစ်တပ်ဟာ သူတို့ တပ်စွဲထားတဲ့ နဘားလမ်းဆုံနဲ့ အင်းတော်မြို့တွေကနေလည်း ကသာမြို့ဘက်ကို တပ်ဆုတ်ခွာနေတယ်လို့ စစ်ရေးသတင်းရင်းမြစ်နဲ့ နီးစပ်သူထံက သိရပါတယ်

။ #မြန်မာ #ဧရာဝတီ #ကသာ #NUG #PDF #KIA #WhatsHappeningInMyanmar

ဒေါ်အောင်ဆန်းစုကြည်အသံတုလုပ်ပြီး စစ်တပ်ဝါဒဖြန့်

မတရားဖမ်းဆီးထိန်းသိမ်းခံထားရတဲ့ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ အသံကို AI နည်းပညာနဲ့ အတုလုပ်ပြီး ပြည်သူ့ကာကွယ်ရေးတပ်မတော် (PDF) တွေရဲ့ လက်နက်ကိုင်လမ်းစဉ်ကို လက်မခံကြောင်း ပြောဆိုထားတဲ့ အသံဖိုင်တခုကို စစ်တပ်ထောက်ခံသူတွေက ဖြန့်ဝေနေကြပါတယ်။

စက္ကန့် ၂၀ စာရှိတဲ့ အသံဖိုင်ထဲမှာ လက်နက်ကိုင်လမ်းစဉ်ကို ဒေါ်အောင်ဆန်းစုကြည်က အားမပေးကြောင်း၊ လက်မခံကြောင်းနဲ့ အထူးသဖြင့် ဒီမိုကရေစီအတွက်ဆိုပြီး လက်နက်ကိုင်နေတဲ့ PDF တွေကို လုံးဝ သဘောမကျကြောင်းနဲ့ ဒါဟာမှားယွင်းတဲ့လုပ်ရပ်ဖြစ်ကြောင်း ပြောဆိုနေတာပါ။

#မြန်မာ #ဧရာဝတီ #ဒေါ်အောင်ဆန်းစုကြည် #AI #PDF #လက်နက်ကိုင်လမ်းစဉ် #WhatsHappeningInMyanmar

စစ်တပ်အတွက် မရဏလမ်းဖြစ်သွားတဲ့ ဧရာဝတီမြစ်ကြောင်း

ဧရာဝတီ၊ စက်တင်ဘာ ၁၈၊ ၂၀၂၆

ကချင်ပြည်နယ်ထဲက ဆုံးရှုံးသွားတဲ့ နယ်မြေတွေကို စစ်ရေးအရ ပြန်လည်စိုးမိုးနိုင်ဖို့ ကြိုးပမ်းနေတဲ့ အာဏာသိမ်း စစ်တပ်အတွက်တော့ ဧရာဝတီမြစ်ကြောင်းဟာ အခုဆိုရင် ပြန်လမ်းမဲ့ မရဏလမ်း ဖြစ်လာနေပါပြီ။

ကုန်းကြောင်းရော လေကြောင်းကပါ ထောက်ပို့ဖို့ အခက်တွေ့လာတဲ့ စစ်တပ်ဟာ စစ်အင်အားနဲ့ လက်နက်ခဲယမ်းတွေကို အဓိကအားကိုးပြီး ပို့ဆောင်နေရတဲ့ ဒီဧရာဝတီမြစ်ကြောင်းဟာ အာဏာသိမ်းစစ်တပ်အတွက်တော့ ထင်သလို ချောမွေ့မနေဘဲ သေမင်းတမန် လမ်းခရီးတခုအဖြစ် ရင်ဆိုင်ကြုံတွေ့နေရတာ ဖြစ်ပါတယ်။

ဧရာဝတီမြစ်ကြောင်းတလျှောက် အစုန်ရော အဆန်မှာပါ ကချင်လွတ်လပ်ရေးတပ်မတော် (KIA) နဲ့ ပြည်သူ့ကာကွယ်ရေး တပ်မတော် (PDF) ပူးပေါင်းတပ်တွေရဲ့ အပြင်းအထန် ကြားဖြတ်တိုက်ခိုက်မှုတွေကြောင့် စစ်တပ်ရဲ့ ရေယာဉ်တွေဟာ မြစ်ကြမ်းပြင်ဆီ တစင်းပြီးတစင်း နစ်မြုပ်ပျက်စီးနေရပြီး အွန်လိုင်းလူမှုကွန်ရက်ပေါ်မှာ "ကချင်သင်္ဘောသီးထောင်း" ဆိုပြီး လှောင်ပြောင်အမည်တပ်ခံရတဲ့အထိ စစ်တပ်ဟာ အရှက်ရဖွယ် ဆုံးရှုံးမှုတွေနဲ့ ရင်ဆိုင်နေရတာ ဖြစ်ပါတယ်။

https://youtu.be/ij5pciWR8bE

#မြန်မာ #ဧရာဝတီ #ကချင် #KIA #PDF #WhatsHappensInMyanmar

ဧရာဝတီရဲ့ YouTube membership ကို Support လုပ်ချင်တဲ့ပရိတ်သတ်တွေအနေနဲ့ ဒီ https://www.youtube.com/@irrawaddynews1993 Link လေးမှ join button ကို နှိပ်ပြီးတော့ ပါဝင်နိုင်ပါပြီ။

စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://www.irrawaddy.com/donation

KIA နဲ့ PDF ကို စစ်တပ်နဲ့ ပေါင်းပြီး တိုက်မယ်လို့ SNA ပြော

အာဏာသိမ်းစစ်တပ်အပါအဝင် မဟာမိတ် ပြည်သူ့စစ်အဖွဲ့တွေနဲ့ပါ ပူးပေါင်းပြီး ကချင်လွတ်မြောက်ရေးတပ်မတော် (KIA) နဲ့ ပြည်သူ့ကာကွယ်ရေးတပ် (PDF) တွေကို တိုက်ခိုက်ချေမှုန်းသွားမယ်လို့ ရှမ်းနီအမျိုးသားများ တပ်မတော် (SNA) က ပြောလိုက်တာပါ။

SNA နဲ့ KIA ကြား ပဋိပက္ခတွေဟာ ၂၀၂၁ ခုနှစ် စစ်အာဏာသိမ်းမှုမတိုင်ခင်ကတည်းက ရှိခဲ့ပြီး အာဏာသိမ်းပြီးနောက်ပိုင်းမှာတော့ ပိုမိုပြင်းထန်လာခဲ့တာပါ။ အာဏာသိမ်းပြီးနောက် SNA ဟာ အာဏာသိမ်းစစ်တပ်နဲ့ ပူးပေါင်းပြီး KIA နဲ့ PDF ပူးပေါင်းတပ်တွေကို တိုက်ခိုက်မှုတွေမှာ သိသိသာသာ ပါဝင်လာခဲ့ပါတယ်။

#မြန်မာ #ဧရာဝတီ #ရှမ်းနီ #SNA #KIA #PDF #WhatsHappensInMyanmar

လွတ်လပ်တဲ့ မီဒီယာတွေကို စစ်အစိုးရက အင်တာပိုလ်နဲ့ ဖမ်းခိုင်း

အာဏာသိမ်းစစ်တပ်က နိုင်ငံဂုဏ်သိက္ခာကျဆင်းစေတယ်ဆိုတဲ့ စွပ်စွဲချက်နဲ့ ဧရာဝတီ အပါအဝင် လွတ်လပ်တဲ့ သတင်းမီဒီယာ ငါးခုကို နိုင်ငံတကာရဲတပ်ဖွဲ့ အင်တာပိုလ် (INTERPOL) နဲ့ချိတ်ဆက်ပြီး ဖမ်းခိုင်းထားတယ်လို့ အာဏာသိမ်းအစိုးရရဲ့ ပြည်ထဲရေးဒုတိယဝန်ကြီး ဗိုလ်ချုပ်မင်းသူက ပြောလိုက်ပါတယ်။

အာဏာသိမ်းစစ်အုပ်စု ကျူးလွန်တဲ့ စစ်ရာဇဝတ်မှုတွေကို စောင့်ကြည့်ရေးသားနေတဲ့ သတင်းဌာနတွေ ဖြစ်ကြတဲ့ Irrawaddy၊ Myanmar Now၊ DVB၊ Mizzima နဲ့ ခေတ်သစ် မီဒီယာတွေအပြင် အာဏာသိမ်းမှုကို ဆန့်ကျင်တဲ့ ပြည်ထောင်စုလွှတ်တော်ကိုယ်စားပြုကော်မတီ (CRPH)၊ အမျိုးသားညီညွတ်ရေးအစိုးရ (NUG) နဲ့ ပြည်သူ့ကာကွယ်ရေးတပ်မတော် (PDF) ထောက်ပံ့သူတွေကိုပါ အမှုဖွင့်ထားပြီး အင်တာပိုလ်နဲ့ချိတ်ဆက်ပြီး ဖမ်းခိုင်းထားတယ်လို့ ဗိုလ်ချုပ်မင်းသူ က ပြောကြားခဲ့တာ ဖြစ်ပါတယ်။

#မြန်မာ #ဧရာဝတီ #INTERPOL #သတင်းမီဒီယာ #Irrawaddy #MyanmarNow #DVB #Mizzima #CRPH #NUG #PDF #WhatsHappeningInMyanmar

SNA တပ်စခန်းကို KIA နဲ့ ပူးပေါင်းတပ်တွေသိမ်းပိုက်

စစ်ကိုင်းတိုင်း၊ ဟုမ္မလင်းမြို့နယ်၊ သောင်ဦးကျေးရွာမှာရှိတဲ့ အာဏာသိမ်းစစ်တပ်နဲ့ ရှမ်းနီအမျိုးသားများ တပ်မတော် (SNA) ရဲ့ ပူးပေါင်းတပ်စခန်းကို ကချင်လွတ်မြောက်ရေးတပ်မတော် (KIA) နဲ့ PDF ပူးပေါင်းတပ်ဖွဲ့ဝင်တွေက အောက်တိုဘာလ ၂၂ ရက်နေ့ ညပိုင်းမှာ တိုက်ခိုက်သိမ်းပိုက်ခဲ့တယ်လို့ စစ်ရေးသတင်းရင်းမြစ်တွေက ဧရာဝတီကို ပြောပါတယ်။

KIA ပူးပေါင်းတပ်တွေက တပ်စခန်းအပြင် ကျေးရွာကိုပါ ထိန်းချုပ်ထားနိုင်ခဲ့တာဖြစ်ပြီး တိုက်ပွဲအတွင်း စစ်တပ်ဘက်က အနည်းဆုံး ၁၀ ဦး သေဆုံးခဲ့ပြီး လက်နက်ခဲယမ်း အများအပြားကိုပါ သိမ်းပိုက်ရရှိခဲ့တယ်လို့ ဆိုပေမယ့် သေဆုံးစာရင်းကိုတော့ ဧရာဝတီက အတည်ပြုနိုင်ဖို့ စုံစမ်းနေဆဲ ဖြစ်ပါတယ်။

#မြန်မာ #ဧရာဝတီ #ဟုမ္မလင်း #စစ်ကိုင်း #SNA #KIA #PDF #သောင်ဦးကျေးရွာ #WhatsHappeningInMyanmar

အင်းတော်မှာ စစ်တပ်စစ်ကြောင်းပျက်

ဧရာဝတီ၊ အောက်တိုဘာ ၂၇၊ ၂၀၂၆

စစ်ကိုင်းတိုင်း၊ အင်းတော်မြို့အနီးမှာ အာဏာသိမ်းစစ်တပ်ရဲ့ စစ်ကြောင်းကို ပြည်သူ့ကာကွယ်ရေးတပ်မတော် (PDF) နဲ့ ပူးပေါင်းတပ်တွေရဲ့ တိုက်ခိုက်ခဲ့တာကြောင့် စစ်ကြောင်းပျက်ပြီး ပိတ်မိနေကြတယ်လို့ ရှေ့တန်းစစ်ရေးသတင်းရင်းမြစ်တွေက ဧရာဝတီကို ပြောပါတယ်။

အဲဒီစစ်ကြောင်းဟာ အင်းတော်မြို့ကနေ ထီးချိုင့်ဘက်ကို ဦးတည်ထိုးစစ်ဆင်လာတဲ့ စစ်ကြောင်းဖြစ်ပြီး အင်းတော်မြို့နယ်၊ ပိန်းအင်းနဲ့ လယ်ပြင်ကျေးရွာအနီးမှာ တော်လှန်ရေး ပူးပေါင်းတပ်တွေရဲ့ ကြားဖြတ်တိုက်ခိုက်မှုတွေကို ခံခဲ့ရတာပါ။

https://youtu.be/j85-Bn8wucQ

#မြန်မာ #ဧရာဝတီ #စစ်ကိုင်း #အင်းတော် #တိုက်ပွဲ #စစ်ကြောင်း #PDF #WhatsHappeningInMyanmar

ဧရာဝတီရဲ့ YouTube membership ကို Support လုပ်ချင်တဲ့ပရိတ်သတ်တွေအနေနဲ့ ဒီ https://www.youtube.com/@irrawaddynews1993 Link လေးမှ join button ကို နှိပ်ပြီးတော့ ပါဝင်နိုင်ပါပြီ။

စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://www.irrawaddy.com/donation