မီဇိုရမ်အခြေစိုက်အဖွဲ့ကို AA သတိပေး ( ရုပ်/သံ )

ဇော်မြတ်ခန့်၊ ဇူလိုင် ၅ ၊ ၂၀၂၄

အိန္ဒိယနိုင်ငံ မီဇိုရမ်ပြည်နယ် အခြေစိုက် ဗဟိုလိုင်လူငယ်အစည်းအရုံး (CYLA) အနေနဲ့ မြန်မာပြည်တွင်းရေး ကိစ္စတွေမှာ ဝင်ရောက်မစွက်ဖက်ဖို့ အာရက္ခတပ်တော် (AA) က သတိပေး ပြောဆိုလိုက်ပါတယ်။

အိန္ဒိယနိုင်ငံ မီဇိုရမ်ပြည်နယ် လောင်တလိုင်ခရိုင်ကနေ ချင်းပြည်နယ် ပလက်ဝမြို့နယ်ထဲကို အခြေခံ စားသောက်ကုန်ပစ္စည်းတွေ တင်သွင်းနေတဲ့လမ်းကြောင်းကို CYLA အဖွဲ့က မီဇိုရမ်မြို့ဘက်ခြမ်းကနေ ဇွန်လ ၂၄ ရက်နေ့မှာ ပိတ်လိုက်တာပါ။

အခုလို CYLA က လမ်းကြောင်းပိတ်ဆို့လိုက်တဲ့အတွက် ပလက်ဝအပါအဝင် ချင်းပြည်နယ် အတွင်းက ဒေသခံတွေ ကုန်စျေးနှုန်းမြင့်တက်မှုဒဏ်၊ ဆေးဝါးပြတ်လပ်မှုဒဏ်တွေကို ခံစားနေကြရတယ်လို့ သိရပါတယ်။

https://youtu.be/lO0x3-OE3vo
#CYLA #AA #CNF #မီဇိုရမ်ပြည်နယ် #ပလက်ဝမြို့နယ် #ကုန်စျေးနှုန်း
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/3btQYpR

လက်နက်ကိုင်တွေလမ်းပိတ်လို့ စစ်ရှောင် ၃၀၀၀ ကျော် ရိက္ခာပြတ် (ရုပ်/သံ)

ဇော်မြတ်ခန့်၊ ဇူလိုင် ၁၉၊ ၂၀၂၄

ချင်းပြည်နယ်တောင်ပိုင်း မတူပီမြို့သိမ်းတိုက်ပွဲတွေကနေ ထွက်ပြေးတိမ်းရှောင်နေရတဲ့ ဒေသခံ သုံးထောင်ကျော်ဟာ ချင်းလက်နက်ကိုင်အဖွဲ့တွေရဲ့ လမ်းကြောင်း ပိတ်ဆို့မှုတွေကြောင့် ရိက္ခာပြတ်လပ်မှုဒဏ်ကို ရင်ဆိုင်ခံစားနေကြရပါတယ်။

မတူပီမြို့ကို ချင်းတော်လှန်ရေးတပ်တွေက သိမ်းပိုက်နိုင်ခဲ့ပြီးတဲ့နောက် အခုလိုအခြေအနေတွေဖြစ်ပေါ်လာခဲ့တာ ဖြစ်ပါတယ်။

စစ်ဘေးရှောင်တွေဟာ အိန္ဒိယနိုင်ငံ မီဇိုရမ်ပြည်နယ်ကနေ ကုန်ပစ္စည်းတွေကို တောလမ်းကနေသယ်ရပြီး ဒီလမ်းကြောင်းပေါ်မှာ သက်ဆိုင်ရာ လက်နက်ကိုင်အဖွဲ့တွေက ဂိတ်ချ စစ်ဆေးမှုတွေကို လုပ်ဆောင်နေကြတာဖြစ်တယ်လို့ သိရပါတယ်။

https://youtu.be/d3AScQvhUrE
#ဧရာဝတီ #CNF #ချင်းညီနောင် #မတူပီ #မီဇိုရမ်
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/3btQYpR

သဘောထားကွဲမှုတွေကို လက်နက်နဲ့ မဖြေရှင်းဖို့ ချင်းအဖွဲ့တွေ သဘောတူ (ရုပ်/သံ)

ဘုန်းအောင် ၊ စက်တင်ဘာ ၂၃ ၊ ၂၀၂၄

သဘောထားကွဲမှုတွေကို လက်နက်နဲ့ မဖြေရှင်းဖို့ ချင်းတော်လှန်ရေး တပ်ဖွဲ့ဝင်တွေ အချင်းချင်းအကြား သဘောတူညီမှု ရရှိခဲ့တယ်လို့ သက်ဆိုင်ရာ အဖွဲ့အစည်းတွေဘက်က
ဧရာ၀တီကို ပြောပါတယ်။

ချင်းအမျိုးသားတပ်မတော်(CNA) နဲ့ ချင်းဒေသကာကွယ်ရေးတပ်(CDF)တွေစုပေါင်းပါဝင်တဲ့ ချင်းပြည်ကောင်စီ၊ ချင်းပြည်နယ်အစိုးရ တပ်ဖွဲ့ဝင်တွေနဲ့ ချင်းညီနောင်အဖွဲ့ဝင် ဖြစ်တဲ့ ချင်းဒေသ ကာကွယ်ရေးတပ်တွေ အကြား အခုနှစ်ဆန်းပိုင်းကစပြီး ချင်းပြည်နယ်တောင်ပိုင်းမှာ အချင်းချင်း တိုက်ပွဲတွေ ဖြစ်ပွားခဲ့ကာ နှစ်ဖက် ထိခိုက် သေဆုံးတာတွေ ရှိခဲ့ပါတယ်။

ငြိမ်းချမ်းရေးလုပ်ငန်းစဥ် အောင်မြင်လာစေရေးအတွက် နှစ်ဖက်အဖွဲ့အစည်းက တာဝန်ရှိသူတွေ ထပ်မံ တွေ့ဆုံမှုတွေ ပြုလုပ်သွားမှာဖြစ်ပြီး သဘောတူညီထားတဲ့ ငြိမ်းချမ်းရေးကော်မတီ တရပ်ကိုတော့ လာမဲ့ နိုဝင်ဘာလလောက်မှာ စတင်ဖွဲ့စည်းဖို့ ဆောင်ရွက်သွားမယ်လို့ တွေ့ဆုံပွဲမှာ ပါဝင်ခဲ့တဲ့ ကိုယ်စားလှယ်တွေက ပြောပါတယ်။

https://youtu.be/kBqkx-DFiew

#မြန်မာ #ဧရာဝတီ #CNA #CNF #သဘောတူ #ချင်းပြည်ကောင်စီ #ချင်းပြည်နယ်အစိုးရ

ချင်းတော်လှန်ရေးတပ်ဖွဲ့အချင်းချင်း ပဋိပက္ခပြင်းထန်နေ (ရုပ်/သံ)

ဧရာဝတီ၊ ဇူလိုင် ၉၊ ၂၀၂၅

ချင်းပြည်နယ်မှာ ချင်းတော်လှန်ရေးတပ်ဖွဲ့တွေကြား နယ်မြေသိမ်းပိုက် စိုးမိုးမှု အငြင်းပွားရာ ကနေ အချင်းချင်း ပဋိပက္ခပြင်းထန်နေပြီး တိုက်ပွဲတွေပါ ဖြစ်ပွားနေပါတယ်။

ချင်းအမျိုးသားကာကွယ်ရေးတပ်ဖွဲ့ (CNDF) ဟာ CDF Hualngoram (ဘွားလ်ငိုရမ်) နဲ့ ချင်းအမျိုးသားတပ်ဦး (CNF) တို့ တပ်စွဲနေထိုင်နေတဲ့ ရိခေါဒါရ်မြို့ကို ဇူလိုင်လ ၅ ရက်နေ့က တိုက်ခိုက်သိမ်းပိုက်ခဲ့ပါတယ်။

CNF ဟာ သူတို့တပ်စွဲထားတဲ့ ရိခေါဒါရ်မြို့ကို တိုက်ခိုက်သိမ်းပိုက်ခံလိုက်ရပြီးနောက် CNDF ရဲ့ ဖလမ်းမြို့မှာရှိတဲ့ ဌာနချုပ်ကို အင်အားအများအပြားနဲ့ ဇူလိုင်လ ၆ ရက်နေ့က တဖန် သိမ်းဆည်း လိုက်ပါတယ်။

ဒီလိုအပြန်အလှန် နယ်မြေ သိမ်းဆည်းမှုတွေကြား အငြင်းပွားမှုတွေရှိနေပြီး ချင်းတပ်ဖွဲ့ အချင်းချင်း ကြားမှာ ပဋိပက္ခတွေ ပိုပြင်းထန်လာနေတာပါ။

https://youtu.be/d8x3Bb2DJQY
#မြန်မာ #ဧရာဝတီ #ချင်းပြည်နယ် #CNDF #CDFHualngoram #CNF #ဖလမ်းမြို့ #ရိခေါဒါရ်မြို့ #WhatsHappeningInMyanmar
---------------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/3btQYpR

ကျနော်တို့ကို အမှုဖွင့်လည်း သက်ရောက်မှုရှိမှာမဟုတ်ဘူး (ရုပ်/သံ)

ဧရာဝတီ၊ စက်တင်ဘာ ၂၆၊ ၂၀၂၅

စစ်ကော်မရှင်က ရွေးကောက်ပွဲကိုလက်မခံဘူးလို့ တရားဝင်ထုတ်ဖော်ပြောဆိုထားတဲ့ ကရင်အမျိုးသား အစည်းအရုံး (KNU)၊ အာရက္ခတပ်တော် (AA) နဲ့ ချင်းပြည်ကောင်စီ (Chinland) အဖွဲ့ တာဝန်ရှိတွေကို ပါတီစုံ ဒီမိုကရေစီ အထွေထွေ ရွေးကောက်ပွဲ များကို နှောင့်ယှက် ဟန့်တားခြင်းမှ အကာအကွယ်ပေးရေး ဥပဒေပုဒ်မ ၂၃ (က) နဲ့ သက်ဆိုင်ရာ မြို့နယ်တွေမှာ အမှုဖွင့် အရေးယူမှုတွေ လုပ်ထားတယ်လို့ စစ်တပ်ဝါဒဖြန့် ချန်နယ်တွေကနေ တဆင့် ထုတ်ပြန်နေတာ တွေ့ရပါတယ်။

ရွေးကောက်ပွဲ အကာအကွယ်ပေးရေး (ရွေး/ကာ) လို့ အတိုကောက် သတ်မှတ်ထားတဲ့ ဒီဥပဒေအရတော့ ရွေးကောက်ပွဲကို ပျက်ပြားအောင် ဟောပြောတာ၊ စည်းရုံး၊ လှုံ့ဆော်တာ၊ ဆန္ဒပြတာနဲ့ စာရေးသား ဖြန့်ချိတာ၊ ရုပ်ပုံ၊ ပိုစတာ ချိတ်ဆွဲတာတွေ လုပ်ခွင့် မရှိဘူးလို့ ဆိုထားပြီး ကျူးလွန်ခဲ့ရင် အနိမ့်ဆုံး ထောင်ဒဏ် ၃ နှစ်ကနေ အမြင့်ဆုံး ထောင်ဒဏ် ၇ နှစ်၊ လူသေဆုံးမှုရှိခဲ့ရင် သေဒဏ် ချမှတ်နိုင်တဲ့အထိ ပြင်းထန်တဲ့ ပြစ်ဒဏ်တွေ ပါဝင်ပါတယ်။

ဒါပေမယ့် တဖက်မှာလည်း စစ်ကော်မရှင်ဘက်က အမှုဖွင့်ထားပေမယ့် KNU က ကရင်ပြည်နယ်ထဲမှ ၆၀ ရာခိုင်နှုန်း သိမ်းပိုက် ထိန်းချုပ်ထားနိုင်သလို၊ AA က တပြည်နယ်လုံးနီးပါးနဲ့ ချင်းအဖွဲ့တွေကလည်း ဟားခါးနဲ့ တီးတိန်ကလွဲလို့ ကျန်တဲ့ဒေသတွေကို ထိန်းချုပ်ထားနိုင်တဲ့ အခြေအနေမှာ ရှိနေတာကြောင့် စစ်ကော်မတီအနေနဲ့ အရေးယူ၊ ဖမ်းဆီးနိုင်တဲ့ အခြေအနေမှာ မရှိဘူးလို့လည်း ကာယကံရှင် တိုင်းရင်းသားလက်နက်ကိုင်တွေက ပြောပါတယ်။

https://youtu.be/cUCaj9xXMPQ
#မြန်မာ #ဧရာဝတီ #ရွေးကောက်ပွဲ #ရွေး/ကာ #AA #KNU #CNF #WhathappensInMyanmar
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

ချင်းပြည်မြောက်ပိုင်းကို ပြန်ထိန်းချုပ်ဖို့ စစ်တပ် ထိုးစစ်ဆင် (ရုပ်/သံ)

ဧရာဝတီ၊ ဒီဇင်ဘာ ၁၇၊ ၂၀၂၅

အာဏာသိမ်းစစ်တပ်ဟာ ချင်းပြည်နယ်မြောက်ပိုင်းကို ပြန်လည်ထိန်းချုပ်နိုင်ဖို့အတွက် မြေပြင်၊ ဝေဟင် ထိုးစစ်ဆင်နေတယ်လို့ မြေပြင်တပ်တွေက ဧရာဝတီကို ပြောပါတယ်။

စစ်ကော်မရှင်တပ်ဟာ သူတို့ လက်လွှတ်ဆုံးရှုံးခဲ့ရတဲ့ ချင်းပြည်နယ်မြောက်ပိုင်းက ဖလမ်းမြို့ကို ပြန်လည်ရရှိဖို့အတွက် နိုဝင်ဘာ လဆန်းပိုင်းကတည်းက အင်အား ၃၀၀ စီပါတဲ့ စစ်ကြောင်းနှစ်ခုနဲ့ တပြိုင်တည်း ထိုးစစ်ဆင်နေတာလို့ သိရပါတယ်။

ချင်းပြည်နယ်မြောက်ပိုင်းက တီးတိန် - ဖလမ်း လမ်းမကြီးကို ပြန်လည်ထိန်းချုပ်ထားတဲ့ စစ်တပ်ဟာ ဟားခါး - ဖလမ်း လမ်းမကြီးကို သိမ်းပိုက်ချင်တာကြောင့် အပြင်းအထန် ထိုးစစ်ဆင်နေတာ ဖြစ်တယ်လို့ ချင်းပြည်အစိုးရတပ်ဖွဲ့ စစ်ဆင်ရေးရဲ့ ပြန်ကြားရေးတာဝန်ခံက ဧရာဝတီကို ပြောပါတယ်။

https://youtu.be/uieAjVgsKOE
#မြန်မာ #ဧရာဝတီ #ချင်းပြည်နယ် #CDF #CB #CNF #WhathappensInMyanmar

စစ်ရေးနဲ့ နိုင်ငံရေးကို ပြိုင်တူ အကောင်အထည်ဖော်တာ ဖြစ်တယ် (ရုပ်/သံ)

ဧရာဝတီ၊ မတ် ၃၁၊ ၂၀၂၆

နွေဦးတော်လှန်ရေးရဲ့ အဓိကအင်အားစုတွေဖြစ်တဲ့ NUG၊ CRPH နဲ့ ဝါရင့်တိုင်းရင်းသားလက်နက်ကိုင် ၄ ဖွဲ့ KIO၊ KNU၊ KNPP နဲ့ CNF တို့ ပူးပေါင်းပြီး ဖယ်ဒရယ်ဒီမိုကရေစီပြည်ထောင်စုပေါ်ထွန်းရေး ဦးဆောင်ကောင်စီ (SCEF) ကို မတ်လ ၃၀ ရက်နေ့မှာ ဖွဲ့စည်းလိုက်ပါတယ်။

ဒီစုဖွဲ့မှုဟာ ၅ နှစ်တာကာလအတွင်း ကြုံတွေ့ခဲ့ရတဲ့ နိုင်ငံရေးစုဖွဲ့မှု အားနည်းချက်တွေကို သင်ခန်းစာယူပြီး စစ်ရေးနဲ့ နိုင်ငံရေးကို ဟန်ချက်ညီညီ ပြိုင်တူတွန်းတင်ဖို့ ရည်ရွယ်ထားတာဖြစ်တယ်လို့ဆိုပါတယ်။

SCEF ရဲ့ အဓိက ဦးတည်ချက်တွေထဲမှာ မြန်မာနိုင်ငံရဲ့ စစ်အာဏာသိမ်းမှုကို အဆုံးသတ်ပြီး စစ်တပ်က နိုင်ငံရေးမှာ ပါဝင်ပတ်သက်နေတာတွေကို အပြီးတိုင် ဖယ်ရှားသွားရေးနဲ့ လက်နက်ကိုင် အဖွဲ့အစည်းအားလုံးကို ဒီမိုကရေစီနည်းကျ ရွေးကောက်တင်မြှောက်ထားတဲ့ အရပ်သား အစိုးရရဲ့ စီမံအုပ်ချုပ်မှုအောက်မှာ အပြည့်အဝရောက်ရှိအောင် ဆောင်ရွက်သွားမယ်ဆိုတဲ့အချက်တွေလည်း ပါဝင်ပါတယ်။

ဒါ့အပြင် လက်ရှိ ၂၀၀၈ ဖွဲ့စည်းပုံအခြေခံဥပဒေကို အပြီးတိုင်ဖျက်သိမ်းပြီး အဲဒီဥပဒေကို ပြန်လည် အသက်သွင်းဖို့ ကြိုးပမ်းမှုမှန်သမျှကိုလည်း တိုက်ဖျက်သွား ရေးနဲ့ သက်ဆိုင်သူအားလုံး လက်ခံနိုင်တဲ့ ဖက်ဒရယ်နဲ့ ဒီမိုကရေစီစနစ်အခြေခံတဲ့ ဖွဲ့စည်းပုံအခြေခံဥပဒေသစ်တရပ်ကို ရေးဆွဲပြဋ္ဌာန်းပြီး၊ အဲဒီဥပဒေနဲ့အညီ စစ်မှန်တဲ့ ဖက်ဒရယ်ဒီမိုကရေစီ ပြည်ထောင်စုသစ်ကို တည်ဆောက်သွားဖို့ ရည်မှန်းထားကြောင်းလည်း ပါပါတယ်။

အလားတူ ပဋိပက္ခတွေအတွင်း မတရားကျူးလွန်ခံခဲ့ရသူတွေအတွက် တရားမျှတမှုရရှိအောင် ဖော်ဆောင်ပေးမှာဖြစ်သလို၊ အသွင်းကူးပြောင်းရေးကာလ တရားမျှတမှုဆိုင်ရာ လုပ်ငန်းစဉ်တွေကိုလည်း ထိထိရောက်ရောက် အကောင်အထည်ဖော် ဆောင်ရွက်သွားမယ်လို့ သိရပါတယ်။

https://youtu.be/J45pA33CoIY
#မြန်မာ #ဧရာဝတီ #ဖက်ဒရယ် #SCEF #KNPP #KIO #KNU #CNF #NUG #NUCC #CRPH #What'sHappensInMyanmar
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://www.irrawaddy.com/donation

ပြည်သူတွေအတွက် တော်လှန်ရေးသမားတွေရဲ့ ဆုတောင်းသံ (ရုပ်/သံ)

ဧရာဝတီ၊ ဧပြီ ၁၇၊ ၂၀၂၆

နှစ်သစ်မှာ အာဏာရှင်စနစ်ဆိုးအောက်ကနေ အမြန်ဆုံးလွတ်မြောက်ပြီး ဖက်ဒရယ်ဒီမိုကရေစီ ပြည်ထောင်စုသစ်ဆီကို အတူတကွ လျှောက်လှမ်းနိုင်ကြဖို့ တော်လှန်ရေးအင်အားစုတွေက နှစ်သစ်ဆုမွန်ကောင်း တောင်းပေးလိုက်ကြပါတယ်။

နိုင်ငံရေးခရီးကို ရှေ့ဆက်ကြရာမှာလည်း စိတ်စေတနာအမှန်ကို အရင်းတည်ပြီး ဉာဏ်ပညာ လုံ့လဝီရိယတို့နဲ့ ကြိုးပမ်းအားထုတ်ကြဖို့ တိုက်တွန်းထားသလို ဒေသအသီးသီးက ပြည်သူတွေအနေနဲ့လည်း မတူကွဲပြားမှုတွေကို အလှဆင်ကာ စည်းစည်းလုံးလုံးနဲ့ အများအကျိုးကို ဆက်လက်သယ်ပိုးကြဖို့ မျှော်လင့်ကြောင်းလည်း ပြောပါတယ်။

ဒီနှစ်သစ် နှုတ်ခွန်းဆက်စကားတွေကိုတော့ အမျိုးသားညီညွတ်ရေးအစိုးရ (NUG) နိုင်ငံခြားရေးဝန်ကြီး၊ ကရင်နီအမျိုးသားတိုးတက်ရေးပါတီ (KNPP)၊ ချင်းအမျိုးသားတပ်ဦး (CNF)၊ ကရင်နီအမျိုးသားများကာကွယ်ရေးတပ် (KNDF) တို့အပြင် လူမှုကူညီရေးနယ်ပယ်က ဒေါက်တာစင်သီယာမောင်တို့ကို ဧရာဝတီက ဆက်သွယ်မေးမြန်းထားတာဖြစ်ပါတယ်။

https://youtu.be/f2Sgdd1l9XQ

#မြန်မာ #ဧရာဝတီ #NUG #KNDF #CNF #KNPP #ဒေါက်တာစင်သီယာမောင် #What'sHappensInMyanmar

ဧရာဝတီရဲ့ YouTube membership ကို Support လုပ်ချင်တဲ့ပရိတ်သတ်တွေအနေနဲ့ ဒီ Link လေးကို နှိပ်ပြီးတော့ ပါဝင်နိုင်ပါပြီ။https://www.youtube.com/channel/UCgEI7TvwuNGVGpd1M0icWJQ/join

စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://www.irrawaddy.com/donation

စစ်တပ်နိုင်ငံရေးက ထွက်ရင် ငြိမ်းချမ်းရေး ရလိမ့်မယ် (ရုပ်/သံ)

ဧရာဝတီ၊ ဇူလိုင် ၃၊ ၂၀၂၅

အာဏာသိမ်းသမ္မတဟာ သူ့ရဲ့ လက်ထက်မှာ တိုင်းရင်းသားလက်နက်ကိုင် တော်လှန်ရေး အဖွဲ့အစည်းတွေနဲ့ ငြိမ်းချမ်းရေး ရအောင်လုပ်မယ်လို့ ကြွေးကြော်နေပေမယ့် လက်တွေ့အခြေနေနဲ့ လုပ်ရပ်တွေကြောင့် ဘယ်လိုမှ ဖြစ်လာမှာ မဟုတ်ဘူးလို့ တော်လှန်ရေးအင်အားစုတွေက တုန့်ပြန်ကြပါတယ်။

အာဏာသိမ်းသမ္မတဟာ တိုင်းရင်းသားလက်နက်ကိုင်တွေကို ၂၀၂၆ ဧပြီလ ၂၀ ရက်နေ့ကနေ ဇူလိုင်လ ၃၁ ရက်နေ့ အထိ ငြိမ်းချမ်းရေး ရက် ၁၀၀ စီမံချက် ချမှတ်ထားပြီး ဖိတ်ခေါ်ထားပေမယ့် တဖက်မှာလည်း တော်လှန်ရေး နယ်မြေတွေကို စစ်ရေးဖိအားပေးတာနဲ့ အရပ်သားနေအိမ်တွေကိုပါ ပစ်မှတ်ထား ဗုံးကြဲ တိုက်ခိုက်မှုတွေ့ နေ့စဉ်နဲ့အမျှ လုပ်ဆောင်နေတာတွေ့ရတယ်လို့ လူ့အခွင့်အရေးအဖွဲ့တွေနဲ့ တော်လှန်ရေး အဖွဲ့တွေက ထောက်ပြပါတယ်။

မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦး (ABSDF) ရဲ့ ဥက္ကဋ္ဌ ရဲဘော် သံခဲ ကတော့ နွေဦးတော်လှန်ရေးနဲ့ တိုင်းရင်းသားလက်နက်ကိုင် တော်လှန်ရေးအဖွဲ့အစည်းတွေရဲ့ တောင်းဆိုချက်ဟာ ၂၀၀၈ ဖွဲ့စည်းပုံ အခြေခံဥပဒေအောက်ဝင်ရေးမဟုတ်ဘဲ စစ်တပ် နိုင်ငံရေးက ထွက်ခွာရေး ဖြစ်တယ်လို့ ဧရာဝတီကို ရှင်းပြပါတယ်။

https://youtu.be/PDg6BcpBJ18

#မြန်မာ #ဧရာဝတီ #ငြိမ်းချမ်းရေး #ABSDF #CNF #KNU #Peace #WhatsHappensInMyanmar

ဧရာဝတီရဲ့ YouTube membership ကို Support လုပ်ချင်တဲ့ပရိတ်သတ်တွေအနေနဲ့ ဒီ https://www.youtube.com/@irrawaddynews1993 Link လေးမှ join buttom ကို နှိပ်ပြီးတော့ ပါဝင်နိုင်ပါပြီ။

စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://www.irrawaddy.com/donation

အာဆီယံဝန်ကြီးတွေနဲ့ တွေ့ဆုံပွဲ နွေဦးတော်လှန်ရေးအဖွဲ့တွေ ဘာကြောင့်မဖိတ်လဲ (ရုပ်/သံ)

ဧရာဝတီ၊ ဇူလိုင် ၁၅၊ ၂၀၂၆

ထိုင်းနိုင်ငံက ကမကထပြုလုပ်တဲ့ အာဆီယံ အလှည့်ကျဥက္ကဋ္ဌနဲ့ တိုင်းရင်းသား လက်နက်ကိုင်တော်လှန်ရေးအဖွဲ့တချို့တို့ရဲ့ တွေ့ဆုံဆွေးနွေးပွဲကိုဇူလိုင် ၁၃ ရက်နေ့က ပတ္တရားမြို့မှာ ကျင်းပခဲ့ပါတယ်။

အဲဒီတွေ့ဆုံမှုမှာ နွေဦးတော်လှန်ရေးကာလအတွင်း ပေါ်ပေါက်လာတဲ့ အမျိုးသားညီညွတ်ရေးအစိုးရ (NUG) နဲ့ ပြည်ထောင်စုလွှတ်တော်ကိုယ်စားပြုကော်မတီ (CRPH) တို့ကို ဖိတ်ကြားခဲ့ခြင်း မရှိဘူးလို့ သက်ဆိုင်ရာ တာဝန်ရှိသူတွေက ဧရာဝတီကို ပြောပါတယ်။

ပတ္တရားမှာ ဖိလစ်ပိုင် နဲ့ ထိုင်းနိုင်ငံခြားရေးဝန်ကြီးတို့နဲ့ တွေ့ဆုံတဲ့ တိုင်းရင်းသား လက်နက်ကိုင်တပ်ဖွဲ့တွေထဲမှာ ကရင်အမျိုးသားအစည်းအရုံး (KNU)၊ ကရင်နီတိုးတက်ရေးပါတီ (KNPP)၊ ချင်းအမျိုးသားတပ်ဦး (CNF)၊ သျှမ်းပြည်ပြန်လည်ထူထောင်ရေးကောင်စီ (RCSS) နဲ့ မွန်ပြည်သစ်ပါတီ (NMSP) တို့လည်း ပါဝင်တယ်လို့ သိရပါတယ်။

တွေ့ဆုံဆွေးနွေးပွဲမှာပါတဲ့တိုင်းရင်းသားလက်နက်ကိုင်တပ်ဖွဲ့တွေထဲက ကိုယ်စားလှယ်တဦးကတော့ ပြည်တွင်းဖိအားအပြင် ပြည်ပအိမ်နီးချင်းနိုင်ငံအပါအဝင် နိုင်ငံတကာဖိအားမျိုးစုံနဲ့ ရင်ဆိုင်လာနေရတဲ့ ခုလိုအချိန်ကာလမျိုးမှာ သတိဝိရိယရှိရှိနဲ့ လုပ်ဆောင်နေရပြီး ထိုင်းနဲ့ အာဆီယံကလည်း ဘယ်လိုဆက်လုပ်မလဲဆိုတာကို အသေအချာ အကဲခပ်နေတဲ့အဆင့်ပဲရှိနေတယ်လို့ ဧရာဝတီကို ပြောပါတယ်။

ဒါ့အပြင် မျိုးဆက်နဲ့ချီပြီး ကာလရှည်ကြာ တည်ရှိနေခဲ့တဲ့ ပြဿနာအရင်းမြစ်ကို မရှင်းဘဲ ရေရှည်တည်တံ့တဲ့ ငြိမ်းချမ်းရေးကို ရရှိနိုင်မှာမဟုတ်ဘူးလို့လည်း ဆိုပါတယ်။

ထိုင်းနိုင်ငံက ကမကထ လုပ်တဲ့ ခုတွေ့ဆုံမှုဟာ ထိုင်းနိုင်ငံရဲ့ အကျိုးအမြတ်ကိုသာ ရှေးရှုပြီး တော်လှန်ရေးမှာ တိုင်းရင်းသားလက်နက်ကိုင်တပ်ဖွဲ့တွေနဲ့ နွေဦးတော်လှန်ရေး အဖွဲ့တွေကို ခွဲထုတ်ဆက်ဆံခြင်းဖြစ်တယ်လို့ နိုင်ငံရေးအသိုင်းအဝိုင်းနဲ့ နီးစပ်သူတွေက ဝေဖန်နေကြပါတယ်။

https://youtu.be/GJaneu5s0Lw
#မြန်မာ #ဧရာဝတီ #ထိုင်း #KNU #KNPP #CNF #WhatsHappensInMyanmar• တော်လှန်ရေးတပ်တွေ နဲ့ ရှမ်းနီပူးပေါင်းတပ် တိုက်ပွဲပြင်းထန်နေ

• အာဆီယံအထူးကိုယ်စားလှယ်နဲ့ NUG အွန်လိုင်းကနေတွေ့ဆုံဆွေးနွေး

• အာဆီယံက အာဏာသိမ်းစစ်တပ်ကို တရားဝင်မှု ပေးနေတယ်လို့ APHR ဝေဖန်

• စစ်အုပ်စုနဲ့ ကြံရာပါပတ်သက်မှု အဆုံးသတ်ဖို့ အာဆီယံအဖွဲ့ဝင်နိုင်ငံတွေကို တောင်းဆို

• မြန်မာဈေးကွက်ကနေ Nabati မုန့် ရုပ်သိမ်းတော့မယ်

• နိုင်ငံခြားသားတွေကို ပြည်နှင်ဒဏ်ပေးမယ့်စည်းမျဉ်းတွေကို ထိုင်းအတည်ပြု

နေ့စဉ်သတင်း၊ ဇူလိုင် ၁၅၊ ၂၀၂၆

https://youtu.be/vr_7UMzYOo4
#မြန်မာ #ဧရာဝတီ #ရှမ်းနီ #KIA #တိုက်ပွဲ #အာဆီယံ #NUG #APHR #JFM #Nabati #နေ့စဉ်သတင်း #DailyNews #WhatsHappeningInMyanmar