CNA/CNF တပ်တွေက ရွာသားတွေကို ရိုက်နှက် ခြိမ်းခြောက်ခဲ့တယ်လို့ဆို (ရုပ်/သံ)

ဧရာဝတီ၊ ဖေဖော်ရီ ၆၊ ၂၀၂၅

ချင်းအမျိုးသားတပ်ဦး (CNA/CNF) တပ်မဟာ (၁) ရဲ့ တပ်ဖွဲ့ဝင် အချို့က ဇန်နဝါရီ ၂၉ ရက်၊ မနက် ၁၀ နာရီဝန်းကျင်မှာ မတူပီ၊ လိုင်လင်းပီမြို့၊ ပါမိုင်းကျေးရွာ က ဒေသခံတွေကို အကြမ်းဖက်မှုတွေ ပြုလုပ်ခဲ့တယ်လို့ ဒေသခံတွေနဲ့ ချင်းလူ့အခွင့်အရေး လှုပ်ရှားသူတွေက ဧရာဝတီကို ပြောပြလာကြပါတယ်။

CNA/CNF တပ်တွေက ကျေးရွာသားတွေကို လမ်းပန်းဆက်သွယ်ရေး လိုအပ်ချက်အတွက် ဓာတ်ဆီပုံးတွေ သယ်ဖို့ ခေါ်တာကို ချက်ချင်း မလိုက်ဘဲ၊ ကျေးရွာလူကြီးတွေနဲ့ တိုင်ပင်ပြီးမှ လုပ်ပေးမယ်လို့ ပြောခဲ့တာကြောင့် CNA/CNF ရဲ့ တပ်ဖွဲ့ဝင်တွေဟာ အခုလို တုံ့ပြန် လုပ်ဆောင်ခဲ့တာလို့လည်း ဆိုပါတယ်။

ဖြစ်စဥ် ဖြစ်ပွားပြီး နောက်တရက်မှာပဲ CNA/CNF တပ်ဖွဲ့တွေက နောက်တရက်မှာပဲ သူတို့ရဲ့ အကြီးအကဲအချို့နဲ့ ရွာသားတွေကို ရိုးရာအရ ဝက်တကောင်၊ နွားနောက် တကောင်နဲ့ ညီမျှတဲ့ ပိုက်ဆံ သိန်း ၂၀ ဝန်းကျင်နဲ့ လာရောက် တောင်းပန်ခဲ့ပြီး ကျေးအေးပေးဖို့ တောင်းဆိုခဲ့တယ်လို့လည်း ရွာသားတွေက ပြောပြပါတယ်။

ဒါပေမယ့် ရွာသားတွေအနေနဲ့ ချင်းလက်နက်ကိုင် ၂ ဖွဲ့အကြားမှာ နေထိုင်နေရတာဖြစ်လို့ စိုးရိမ်မှုတွေ ပြင်းထန်နေပြီး ကျူးလွန်ခဲ့တဲ့ တပ်ဖွဲ့ဝင်တွေကို ထိထိရောက်ရောက် အရေးယူပေးဖို့ CNA/ CNF ကို တောင်းဆိုနေကြပါတယ်။

https://youtu.be/C1qaw-ToLJ8
#မြန်မာ #ဧရာဝတီ #CNA/CNF #CB #ချင်းပြည်နယ် #မတူပီမြို့ #လိုင်လင်းပီ
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

စစ်ကောင်စီအမြစ်မပြတ်သရွေ့ ဘယ်နယ်မြေသိမ်းပိုက်မှုမှ အာမခံချက်မရှိဘူး (ရုပ်/သံ)

ဧရာဝတီ၊ ဇွန် ၂၀ ၊ ၂၀၂၅

လက်ရှိ ချင်းပြည်နယ်မှာ အာရက္ခတပ်တော် (AA) ရဲ့ မဟာမိတ်ဖြစ်တဲ့ ချင်းညီနောင် (CB) နဲ့ Chin Land Council (CC) တို့ကြား မပြေလည်မှုတွေရှိနေသလို ပလက်ဝ ဒေသပိုင်ဆိုင်မှုကလည်း အငြင်းပွားမှုတွေ ရှိနေတာပါတယ်။

ပလက်ဝဒေသကို AA က ရခိုင်ပြည်နယ်ရဲ့ ခရိုင်တခုအဖြစ် ထည့်သွင်းပြဋ္ဌာန်းတယ်လို့ ရခိုင်ပြည်နယ် အခြေစိုက် သတင်းဌာနတခုမှာ ဖော်ပြရာက ဝေဖန်မှုတွေလည်း မြင့်တက်နေတာပါ။ ဒီလိုခရိုင် သတ်မှတ်တာနဲ့ပတ်သက်ပြီးတော့ AA ဘက်ကတော့ တရားဝင်ပြောဆိုလာတာမျိုး မရှိသေးပါဘူး။

ချင်းပြည်နယ်အတွင်းမှာ ဖြစ်ပေါ်နေတဲ့ နယ်မြေအငြင်းပွားမှုတွေ၊ ပွတ်တိုက်မှုတွေကို တော်လှန်ရေးကာလ အလွန်မှ နိုင်ငံရေးနည်းလမ်းနဲ့ အဖြေရှာကြဖို့ နွေဦးတော်လှန်ရေး ချင်းလက်နက်ကိုင် ၁၈ ဖွဲ့က ဇွန်လ ၁၉ ရက်နေ့မှာ ထုတ်ပြန်ထားပါတယ်။

https://youtu.be/NZw3Z5EkAtE
#မြန်မာ #ဧရာဝတီ #AA #CB #CC #ပလက်ဝ #ချင်းပြည်နယ် #နယ်မြေ #ရခိုင်ပြည်နယ် #WhathappensInMyanmar
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

NUG၊ KIA နဲ့ ချင်းညီနောင်တို့ ပူးပေါင်းလှုပ်ရှားမယ် (ရုပ်/သံ)

ဧရာဝတီ၊ ဇူလိုင် ၈၊ ၂၀၂၅

အမျိုးသားညီညွတ်ရေးအစိုးရ (NUG)၊ ကချင်မြောက်ရေးတပ်မတော် (KIA) နဲ့ ချင်းညီနောင်အဖွဲ့ (CB) တို့အကြား စစ်ရေး၊ နိုင်ငံရေးအရ မဟာဗျူဟာကျကျ ပူးပေါင်းလှုပ်ရှားဖို့ သီးခြားဆီ တွေ့ဆုံဆွေးနွေးခဲ့ကြပါတယ်။

ဇူလိုင်လ တတိယပတ်က ကချင်လွတ်လပ်ရေးကောင်စီ (KIC) ရဲ့ ဒုတိယ ဥက္ကဋ္ဌ ဒုတိယ ဗိုလ်ချုပ်ကြီးဂွန်မော်ရဲ့ ဖိတ်ကြားမှုနဲ့ KIA ဌာနချုပ် လိုင်ဇာကို ရောက်လာတဲ့ ချင်းညီနောင်အဖွဲ့ ဟာ KIA အပြင် NUG နဲ့ပါ တဖွဲ့ချင်း တွေ့ဆုံဆွေးနွေးခဲ့တာလို့ သိရပါတယ်။


ဆွေးနွေးချက် အသေးစိတ်ကို ထုတ်ဖော်ပြောဆိုခြင်း မရှိပေမယ့် အလားအလာကောင်းတဲ့ ဆွေးနွေးပွဲ တခုဖြစ်ပြီး စစ်ကိုင်းတိုင်းရဲ့ စစ်ရေးအခြေအနေအဲ့ပတ်သက်ပြီးလည်း ဆွေးနွေးနိုင်ချေရှိတယ်လို့ သုံးသပ်မှုတွေ ရှိပါတယ်။

https://youtu.be/PnZZB983B6k
#မြန်မာ #ဧရာဝတီ #ကချင် #ချင်း #NUG #CB #KIA
#WhatsHappeningInMyanmar
---------------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/3btQYpR

ချင်းပြည်မြောက်ပိုင်းကို ပြန်ထိန်းချုပ်ဖို့ စစ်တပ် ထိုးစစ်ဆင် (ရုပ်/သံ)

ဧရာဝတီ၊ ဒီဇင်ဘာ ၁၇၊ ၂၀၂၅

အာဏာသိမ်းစစ်တပ်ဟာ ချင်းပြည်နယ်မြောက်ပိုင်းကို ပြန်လည်ထိန်းချုပ်နိုင်ဖို့အတွက် မြေပြင်၊ ဝေဟင် ထိုးစစ်ဆင်နေတယ်လို့ မြေပြင်တပ်တွေက ဧရာဝတီကို ပြောပါတယ်။

စစ်ကော်မရှင်တပ်ဟာ သူတို့ လက်လွှတ်ဆုံးရှုံးခဲ့ရတဲ့ ချင်းပြည်နယ်မြောက်ပိုင်းက ဖလမ်းမြို့ကို ပြန်လည်ရရှိဖို့အတွက် နိုဝင်ဘာ လဆန်းပိုင်းကတည်းက အင်အား ၃၀၀ စီပါတဲ့ စစ်ကြောင်းနှစ်ခုနဲ့ တပြိုင်တည်း ထိုးစစ်ဆင်နေတာလို့ သိရပါတယ်။

ချင်းပြည်နယ်မြောက်ပိုင်းက တီးတိန် - ဖလမ်း လမ်းမကြီးကို ပြန်လည်ထိန်းချုပ်ထားတဲ့ စစ်တပ်ဟာ ဟားခါး - ဖလမ်း လမ်းမကြီးကို သိမ်းပိုက်ချင်တာကြောင့် အပြင်းအထန် ထိုးစစ်ဆင်နေတာ ဖြစ်တယ်လို့ ချင်းပြည်အစိုးရတပ်ဖွဲ့ စစ်ဆင်ရေးရဲ့ ပြန်ကြားရေးတာဝန်ခံက ဧရာဝတီကို ပြောပါတယ်။

https://youtu.be/uieAjVgsKOE
#မြန်မာ #ဧရာဝတီ #ချင်းပြည်နယ် #CDF #CB #CNF #WhathappensInMyanmar