KIA ဥက္ကဋ္ဌရဲ့ တရုတ်ခရီးစဥ် ဘာတွေဆွေးနွေးမလဲ (ရုပ်/သံ)

ဧရာဝတီ၊ ဒီဇင်ဘာ ၁၀၊ ၂၀၂၄

ကချင်လွတ်လပ်ရေးအဖွဲ့ (KIO) ဥက္ကဋ္ဌ ဗိုလ်ချုပ်ကြီး အင်ဘန်လနဲ့ ထိပ်ပိုင်းခေါင်းဆောင် တချို့ကို တရုတ်အစိုးရက ဖိတ်ခေါ်ခဲ့တာကြောင့် ဒီဇင်ဘာလ ၈ ရက်နေ့မှာ တရုတ်နိုင်ငံကို ထွက်ခွာသွားပြီလို့ KIA ပြောခွင့်ရ ဗိုလ်မှူးကြီးနော်ဘူက ဧရာဝတီကို အတည်ပြုပါတယ်။

ကချင်ပြည်နယ်ရဲ့ ဒုတိယမြို့တော်ဖြစ်တဲ့ ဗန်းမော်မြို့ကို KIA က ဝင်ရောက် တိုက်ခိုက်နေပြီး မြို့သိမ်းတိုက်ပွဲဖော်ဆောင်နေချိန်မှာ တရုတ်ဘက်က အခုလို ဖိတ်ခေါ်ခဲ့တာ ဖြစ်ပါတယ်။

KIA ဗဟိုနဲ့ နီးစပ်သူ စစ်ရေးသတင်းရင်းမြစ်ကတော့ ယခုတွေ့ဆုံမှုဟာ မြေရှားသတ္တုကြောင့် ဖြစ်နိုင်တယ်လို့ သုံးသပ်ပါတယ်။
https://youtu.be/cYy9uo4MVEo

#မြန်မာ #ဧရာဝတီ #KIO #KIA #အင်ဘန်လ
---------------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

တရုတ်ဖိအားကြောင့် KIA အပစ်ရပ်နိုင်သလား (ရုပ်/သံ)

ဧရာဝတီ၊ ဇွန် ၈၊ ၂၀၂၅

ကချင်လွတ်မြောက်ရေးတပ်မတော် (KIA) အနေနဲ့ နယ်စပ်တလျှောက်မှာ တိုက်ပွဲဖော်ဆောင်မှုတွေ မလုပ်ဖို့နဲ့ စစ်ကောင်စီနဲ့ အပစ်ရပ်ပြီး နိုင်ငံရေးဆွေးနွေးဖို့ တရုတ်က တိုက်တွန်းသွားတယ်လို့ KIA သတင်းနှင့် ပြန်ကြားရေးတာဝန်ခံ ဗိုလ်မှူးကြီး နော်ဘူ က ဧရာဝတီကို ပြောပါတယ်။

တရုတ်နိုင်ငံခြားရေးဝန်ကြီးဌာန၊ အာရှရေးရာ အထူးကိုယ်စားလှယ် မစ္စတာ တိန့်ရှီကျွင်း ဟာ မေလ ၂၉ ရက်နေ့က KIA ရဲ့ နိုင်ငံရေးဦးဆောင်အဖွဲ့ဖြစ်တဲ့ ကချင်လွတ်လပ်ရေး အဖွဲ့ (KIO) ရဲ့ ဒုဥက္ကဋ္ဌ ဗိုလ်ချုပ်ကြီး ဂွန်ထမ် ဂမ်ရှောင်နဲ့ တွေ့ဆုံစဉ်မှာ ထည့်သွင်းပြောဆိုသွားတာ ဖြစ်တယ်လို့ သိရပါတယ်။

လက်ရှိမှာတော့ ကချင်ပြည်နယ်ရဲ့ ဒုတိယမြို့တော်ဗန်းမော်မှာ စစ်ကောင်စီတပ်နဲ့ KIA ပူးပေါင်းတပ်တွေကြား မြို့သိမ်းတိုက်ပွဲဆက်လက်ပြင်းထန်နေပါတယ်။

https://youtu.be/IQNQ16XP2nw
#မြန်မာ #ဧရာဝတီ #KIA #KIO #တရုတ် #ကချင်ပြည်နယ် #ဗန်းမော် #ဆွေးနွေး #WhathappensInMyanmar
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

မရှင်းလင်းတဲ့မူဝါဒနဲ့ ကချင်သယံဇာတ (ရုပ်/သံ)

ဧရာဝတီ၊ ဇွန် ၁၁၊ ၂၀၂၅

ကချင်လွတ်လပ်ရေးအဖွဲ့ (KIO) အနေနဲ့ သဘာဝ သယံဇာတ တူးဖော်ခွင့်ပြုမှုနဲ့ ပတ်သက်တဲ့ မူဝါဒကို လူထုသိအောင် ပွင့်လင်းမြင်သာစွာ ချပြဖို့ ကချင်သယံဇာတ အရေးဆိုင်ရာအဖွဲ့ ဖြစ်တဲ့ Kachin Resource Concern Group (KRCG) က ပြီးခဲ့တဲ့ မေလထဲမှာ အစီရင်ခံစာ ထုတ်ပြန်ထားပါတယ်။

KIO အနေနဲ့ ဒေသတွင်း သဘာဝသယံဇာတ တနိုင်တပိုင်တူးဖော်သူတွေကိုတော့ ပိတ်ပင်ထားတာတွေရှိနေပေမယ့် ကုမ္ပဏီတွေအနေနဲ့ လုပ်ကွက်တွေမှာ ဆက်လက်တူးဖော်ခွင့်ရရှိနေတာတွေ မြင်တွေ့ရတယ်လို့ မြေပြင်ကွင်းဆင်းခဲ့တဲ့ KRCG ရဲ့ အဖွဲ့ဝင်တဦးက ဧရာဝတီကိုပြောပါတယ်။

အလားတူပဲ KIO ထိန်းချုပ်နယ်မြေအတွင်း မြေရှားသတ္ထုတူးဖော်ရေး လုပ်ကွက် တချို့မှာ ဆက်လက်လည်ပတ်နေဆဲဖြစ်တယ်လို့ KRCG အစီရင်ခံစာက ဖော်ပြပါတယ်။

KIO အနေနဲ့ မဟာဗျူဟာကျတဲ့ စဥ်ဆက်မပြတ် ဖွံ့ဖြိုးရေးအကျိုးကို မျှော်မှန်းတဲ့ မြေရှားသယံဇာတ တူးဖော်ထုတ်လုပ်မှုဆိုင်ရာ ရင်းနှီးမြုပ်နှံမှုဆိုင်ရာ မူဝါဒတွေနဲ့အတူ လုပ်ထုံးလုပ်နည်းတွေကို အလျင်အမြန်ရေးဆွဲ အကောင်အထည် ဖော်ဖို့လိုအပ်ကြောင်း အစီရင်ခံစာကဖော်ပြပါတယ်။

This story was produced with support of the Internews Earth Journalism Network.

https://youtu.be/kk7rh9SqIlY
#မြန်မာ #ဧရာဝတီ #KIA #KIO #ကချင် #သယံဇာတ #မြေရှား #GRCG #မူဝါဒ #WhatsHappeningInMyanmar
---------------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/3btQYpR

သယံဇာတ တူးဖော်ရင်း ပေါ်လာတဲ့ ရုပ်အလောင်းတွေ (ရုပ်/သံ)

ဧရာဝတီ၊ ဇွန် ၁၉၊ ၂၀၂၅

ကမ္ဘာ့အရည်အသွေးအကောင်းဆုံး ကျောက်စိမ်းတွေ ထွက်ရှိရာနေရာတခုဖြစ်တဲ့ ကချင်ပြည်နယ်၊ ဖားကန့်မြို့နယ်မှာ ကျောက်နဲ့ ရွှေတွေတူးရာက မြုပ်နှံထားတဲ့ ရုပ်အလောင်းတွေ ဇွန်လ ၁၄ ရက်နေ့က ထွက်ပေါ်လာပါတယ်။

မှော်စီစာ - လုံးခင်း ကားလမ်းနံဘေးက သုဿာန်မြေနေရာကို အာဏာပိုင်တွေဟာ မြေကွက်ရိုက် ရောင်းချနေတာဖြစ်ပြီး အိမ်ရာကွက်ဖော်ဖို့ ဘတ်ဖိုးတွေနဲ့ မြေတူးချရာက အလောင်းတွေ ပေါ်လာတာဖြစ်တယ်လို့ ရွာခံတွေက ဆိုပါတယ်။

အဲဒီ သုဿာန်မြေတွေကို ကချင်လွတ်လပ်ရေးအဖွဲ့ (KIO/KIA) နဲ့ ဆက်နွယ်နေသူတချို့က ဦးဆောင်ပြီး ရောင်းချ နေတာဖြစ်တယ်လို့ ရွာခံတွေက ဆိုကြပေမယ့် KIA ရဲ့ သတင်းနှင့် ပြန်ကြားရေး တာဝန်ခံ ဗိုလ်မှူးကြီး နော်ဘူကတော့ သူ့အနေနဲ့ ဒီအကြောင်းအရာနဲ့ ပတ်သတ်ပြီး မသိရှိထားဘူးလို့ ဧရာဝတီကို တုန့်ပြန်ပါတယ်။

https://youtu.be/p6bpAmJ4T0E
#မြန်မာ #ဧရာဝတီ #ဖားကန့် #လုံးခင်း #မှော်စီစာ #သုဿာန်မြေ #ရုပ်အလောင်း #မြေကွက် #KIO #WhatsHappeningInMyanmar
---------------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/3btQYpR

ဗိုလ်ချုပ်ကြီး အင်ဘန်လကို တရုတ်ကမဖမ်းဘူးလို့ KIA ပြော (ရုပ်/သံ)

ဧရာဝတီ၊ ဇူလိုင်လ ၉၊ ၂၀၂၅

ကချင်လွတ်လပ်ရေးအဖွဲ့ (KIO) ဥက္ကဋ္ဌ ဗိုလ်ချုပ်ကြီး အင်ဘန်လကို တရုတ်အစိုးရက အကြပ်ကိုင် ဖမ်းဆီးထားတယ် ဆိုတဲ့ သတင်းတွေဟာ မှန်ကန်မှု မရှိဘူးလို့ ဗိုလ်မှူးကြီး နော်ဘူ က တုန့်ပြန်ရှင်းလင်းပါတယ်။

ဗိုလ်ချုပ်ကြီး အင်ဘန်လဟာ ကျန်းမာရေး အခြေအနေကြောင့် တရုတ်နိုင်ငံဘက်မှာ သွားရောက်ဆေးကုသမှုခံယူနေတာသာ ဖြစ်တယ်လို့ ဧရာဝတီကို ရှင်းပြပါတယ်။

ဒါ့အပြင် KIO/KIA အနေနဲ့ ယခုလပိုင်းတွေအတွင်းမှာ တရုတ်အစိုးရနဲ့ တွေ့ဆုံဆွေးနွေးတာမျိုးမရှိဘူးလို့လည်း ဆိုပါတယ်။

ပြီးခဲ့တဲ့ မေလ ၂၉ ရက်နေ့က KIO ဒုတိယ ဥက္ကဋ္ဌ ဂွမ်ထန်ဂမ်ရှောင် ဦးဆောင်တဲ့အဖွဲ့နဲ့ တရုတ် နိုင်ငံရဲ့ အာရှရေးရာ အထူးကိုယ်စားလှယ် တိန့်ရှီကျွင်းတို့ တွေ့ဆုံမှုဟာ နောက်ဆုံးဖြစ်တယ်လို့လည်း ဗိုလ်မှူးကြီးနော်ဘူကပြောပါတယ်။

#မြန်မာ #ဧရာဝတီ #KIO #KIA #အင်ဘန်လ #ဥက္ကဋ္ဌ #တရုတ် #အကြပ်ကိုင် #မြေရှား #WhathappensInMyanmar

ဗိုလ်ချုပ်ကြီး အင်ဘန်လကို တရုတ်ကမဖမ်းဘူးလို့ KIA ပြော (ရုပ်/သံ)

ဧရာဝတီ၊ ဇူလိုင်လ ၉၊ ၂၀၂၅

ကချင်လွတ်လပ်ရေးအဖွဲ့ (KIO) ဥက္ကဋ္ဌ ဗိုလ်ချုပ်ကြီး အင်ဘန်လကို တရုတ်အစိုးရက အကြပ်ကိုင် ဖမ်းဆီးထားတယ် ဆိုတဲ့ သတင်းတွေဟာ မှန်ကန်မှု မရှိဘူးလို့ ဗိုလ်မှူးကြီး နော်ဘူ က တုန့်ပြန်ရှင်းလင်းပါတယ်။

ဗိုလ်ချုပ်ကြီး အင်ဘန်လဟာ ကျန်းမာရေး အခြေအနေကြောင့် တရုတ်နိုင်ငံဘက်မှာ သွားရောက်ဆေးကုသမှုခံယူနေတာသာ ဖြစ်တယ်လို့ ဧရာဝတီကို ရှင်းပြပါတယ်။

ဒါ့အပြင် KIO/KIA အနေနဲ့ ယခုလပိုင်းတွေအတွင်းမှာ တရုတ်အစိုးရနဲ့ တွေ့ဆုံဆွေးနွေးတာမျိုးမရှိဘူးလို့လည်း ဆိုပါတယ်။

ပြီးခဲ့တဲ့ မေလ ၂၉ ရက်နေ့က KIO ဒုတိယ ဥက္ကဋ္ဌ ဂွမ်ထန်ဂမ်ရှောင် ဦးဆောင်တဲ့အဖွဲ့နဲ့ တရုတ် နိုင်ငံရဲ့ အာရှရေးရာ အထူးကိုယ်စားလှယ် တိန့်ရှီကျွင်းတို့ တွေ့ဆုံမှုဟာ နောက်ဆုံးဖြစ်တယ်လို့လည်း ဗိုလ်မှူးကြီးနော်ဘူကပြောပါတယ်။

https://youtu.be/vu3jlZPyumE

#မြန်မာ #ဧရာဝတီ #KIO #KIA #အင်ဘန်လ #ဥက္ကဋ္ဌ #တရုတ် #အကြပ်ကိုင် #မြေရှား #WhathappensInMyanmar

တရုတ်ဖိအားရှိပေမယ့် ရည်မှန်းချက်အတိုင်းဆက်သွားမယ်လို့ ကချင်အဖွဲ့ ပြော(ရုပ်/သံ)

ဧရာဝတီ၊ ဩဂုတ် ၁၊ ၂၀၂၅

ကချင်ပြည်နယ်မှာ ဖြစ်ပေါ်နေတဲ့ စစ်ရေး၊ နိုင်ငံရေးအခြေအနေတွေနဲ့ပတ်သက်လို့ တရုတ်နိုင်ငံဘက်က ဖိအားပေးပြောဆိုမှုတွေရှိပေမယ့်မူကချမှတ်ထားတဲ့ ရည်မှန်းချက်တွေ အတိုင်း ဆက်သွားမယ်လို့ ကြားကာလ ကချင်နိုင်ငံရေးပူးပေါင်း ဆောင်ရွက်ရေးအဖွဲ့ ( KPICT) ကပြောလိုက်ပါတယ်။

ပြီးခဲ့တဲ့ ဇူလိုင်လ ၃၁ ရက်နေ့က ပြည်ထောင်စုလွှတ်တော်ကိုယ်စားပြုကော်မတီ (CRPH) နဲ့ ကချင်လွတ်လပ်ရေးအဖွဲ့ (KIO) ဗဟိုကော်မတီဝင်တဦးဖြစ်တဲ့ ဒုတိယဗိုလ်ချုပ်ကြီး ဂွန်မော်ပါဝင်တဲ့ KPICT ကိုယ်စားလှယ်အဖွဲ့တို့တွေ့ဆုံပြီး ကချင်ပြည်နယ်ရဲ့ စစ်ရေး၊ နိုင်ငံရေးတွေပူးပေါင်းဆောင်ရွက်ဖို့ ဆွေးနွေးရာမှာ အခုလို ပြောကြားခဲ့တာပါ။

KPICT အနေနဲ့ စတင်ဖွဲ့စည်းချိန်ထဲက ရည်ရွယ်ချက်တွေထဲက တချက်ဖြစ်တဲ့ စစ်အာဏာရှင်စနစ်ကို အပြီးတိုင် တိုက်ဖျက်ပြီး ဖက်ဒရယ်ဒီမိုကရေစီ ပြည်ထောင်စု ထူထောင်ဖို့ ဆိုတဲ့အချက်အတိုင်း အခု တရုတ်ဖိအားတွေ ရှိလာချိန်မှာလည်း မူလ ရည်ရွယ်ချက်အတိုင်းဆက်သွားမယ်လို့ ဆိုလိုက်တာပါ။

https://youtu.be/KFUHP8lADiY
#မြန်မာ #ဧရာဝတီ #KIO #KPICT #ကချင် #တရုတ်ဖိအား #CRPH #စစ်ရေး #နိုင်ငံရေး #WhathappensInMyanmar
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

လိုင်ဇာကို အသေခံဒရုန်းနဲ့တိုက်လို့ တရုတ်နိုင်ငံသား ၂ ဦးထိ (ရုပ်/သံ)

ဧရာဝတီ၊ အောက်တိုဘာ ၁၇၊ ၂၀၂၅

ကချင်လွတ်လပ်ရေးအဖွဲ့ (KIO) ဗဟိုဌာနချုပ်တည်ရှိရာ လိုင်ဇာမြို့ကို အာဏာသိမ်း စစ်တပ်က အသေခံဒရုန်းနဲ့ တိုက်ခိုက်ရာမှာ တရုတ်နိုင်ငံသား ၂ ဦးထိခိုက်ဒဏ်ရာရရှိသွားတယ်လို့ လိုင်ဇာမြို့ခံတွေက ဧရာဝတီကို ပြောပါတယ်။

အာဏာသိမ်းစစ်တပ်ရဲ့ အသေခံဒရုန်းဟာ အောက်တိုဘာ ၁၆ ရက်နေ့ည ၁၂ နာရီခန့်မှာ အရပ်သား ပြည်သူတွေ နေထိုင်တဲ့ စျေးထဲကို ကျရောက်ပေါက်ကွဲခဲ့တာဖြစ်ပြီး လိုင်ဇာမှာ စျေးလာရောင်းတဲ့ တရုတ်နိုင်ငံသား ဇနီးမောင်နှံ ထိခိုက်ခဲ့တာဖြစ်တယ်လို့ KIA ရဲ့ သတင်းနဲ့ ပြန်ကြားရေးတာဝန်ခံ ဗိုလ်မှူးကြီးနော်ဘူက ပြောပါတယ်။

ထိခိုက်ဒဏ်ရာရရှိခဲ့တဲ့ တရုတ် ဇနီးမောင်နှံဟာ တရုတ်ပြည်ကနေ လိုင်ဇာမြို့ကို ကုန်စိမ်းလာရောင်းတဲ့ တရုတ်နိုင်ငံသားတွေ ဖြစ်တယ်လို့ မြို့ခံတွေက ဆိုပါတယ်။ အာဏာသိမ်း စစ်တပ် ပစ်ခတ်လိုက်တဲ့ ဒရုန်းကြောင့် အမျိုးသားဟာ ခြေထောက်တဖက်ကျိုးသွားပြီး အမျိုးသမီးဖြစ်သူကတော့ ညာဘက်နားမှာ ဗုံးစ ထိမှန်ခဲ့တာလို့ သိရပါတယ်။

#မြန်မာ #ဧရာဝတီ #လိုင်ဇာ #တရုတ်နိုင်ငံသား #အသေခံဒရုန်း #KIO #KIA #WhathappensInMyanmar

လိုင်ဇာကို အသေခံဒရုန်းနဲ့တိုက်လို့ တရုတ်နိုင်ငံသား ၂ ဦးထိ (ရုပ်/သံ)

ဧရာဝတီ၊ အောက်တိုဘာ ၁၇၊ ၂၀၂၅

ကချင်လွတ်လပ်ရေးအဖွဲ့ (KIO) ဗဟိုဌာနချုပ်တည်ရှိရာ လိုင်ဇာမြို့ကို အာဏာသိမ်း စစ်တပ်က အသေခံဒရုန်းနဲ့ တိုက်ခိုက်ရာမှာ တရုတ်နိုင်ငံသား ၂ ဦးထိခိုက်ဒဏ်ရာရရှိသွားတယ်လို့ လိုင်ဇာမြို့ခံတွေက ဧရာဝတီကို ပြောပါတယ်။

အာဏာသိမ်းစစ်တပ်ရဲ့ အသေခံဒရုန်းဟာ အောက်တိုဘာ ၁၆ ရက်နေ့ည ၁၂ နာရီခန့်မှာ အရပ်သား ပြည်သူတွေ နေထိုင်တဲ့ စျေးထဲကို ကျရောက်ပေါက်ကွဲခဲ့တာဖြစ်ပြီး လိုင်ဇာမှာ စျေးလာရောင်းတဲ့ တရုတ်နိုင်ငံသား ဇနီးမောင်နှံ ထိခိုက်ခဲ့တာဖြစ်တယ်လို့ KIA ရဲ့ သတင်းနဲ့ ပြန်ကြားရေးတာဝန်ခံ ဗိုလ်မှူးကြီးနော်ဘူက ပြောပါတယ်။

ထိခိုက်ဒဏ်ရာရရှိခဲ့တဲ့ တရုတ် ဇနီးမောင်နှံဟာ တရုတ်ပြည်ကနေ လိုင်ဇာမြို့ကို ကုန်စိမ်းလာရောင်းတဲ့ တရုတ်နိုင်ငံသားတွေ ဖြစ်တယ်လို့ မြို့ခံတွေက ဆိုပါတယ်။ အာဏာသိမ်း စစ်တပ် ပစ်ခတ်လိုက်တဲ့ ဒရုန်းကြောင့် အမျိုးသားဟာ ခြေထောက်တဖက်ကျိုးသွားပြီး အမျိုးသမီးဖြစ်သူကတော့ ညာဘက်နားမှာ ဗုံးစ ထိမှန်ခဲ့တာလို့ သိရပါတယ်။

https://youtu.be/us1jniiD-Ro
#မြန်မာ #ဧရာဝတီ #လိုင်ဇာ #တရုတ်နိုင်ငံသား #အသေခံဒရုန်း #KIO #KIA #WhathappensInMyanmar
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

ခြောက်လှန့်နေဆဲ “အနန့်ပါ” ဖြစ်ရပ်ဆိုး (ရုပ်/သံ)

ဧရာဝတီ၊ အောက်တိုဘာ ၂၃၊ ၂၀၂၅

ကချင်ပြည်နယ်၊ ဖားကန့်မြို့နယ်၊ အနန့်ပါမှာ ဖြစ်ပွားခဲ့တဲ့ လေကြောင်း တိုက်ခိုက်မှုဟာ မြန်မာနိုင်ငံမှာ ဖြစ်ပွားခဲ့တဲ့ ဆိုးဝါးတဲ့ ဖြစ်စဉ်တွေထဲက တခုဖြစ်ပါတယ်။ အနန့်ပါဆိုတာကတော့ ခရီးသွားတွေ ခေတ္တတထောက်နားခိုတဲ့ စျေးဆိုင်တန်းလေးတွေ ရှိတဲ့နေရာပါ။

အဲဒီနေရာမှာ ၂၀၂၂ ခုနှစ် အောက်တိုဘာလ ၂၃ ရက်နေ့ညပိုင်းက ကချင်လွတ်လပ်ရေးအဖွဲ့ (KIO) ဖွဲ့စည်းမှု နှစ်ပတ်လည်နေ့ အကြိုဖျော်ဖြေပွဲကျင်းပနေချိန် စစ်တပ်က ဖျက်အားပြင်း ဗုံးတွေနဲ့ လေကြောင်းကတဆင့် ဗုံးကြဲခဲ့လို့ လူပေါင်း ၆၀ ကျော် သေဆုံးခဲ့ပြီး အများအပြား ထိခိုက်ဒဏ်ရာ ရရှိခဲ့ကြပါတယ်။

သေဆုံးဒဏ်ရာရရှိခဲ့သူတွေထဲမှာ KIO/KIA အရာရှိတချို့ အပါအဝင် ဘာသာရေးဆရာတွေ၊ အနုပညာရှင်တွေ၊ အမျိုးသမီးနဲ့ ကလေးငယ်တွေ၊ ဖျော်ဖြေရေးပွဲကို လာရောက်ကြည့်ရှုခဲ့တဲ့ အရပ်သားပြည်သူတွေ ပါဝင်ခဲ့ကြပါတယ်။

ဒီဖြစ်ရပ်ဟာ ၃ နှစ်ကြာခဲ့ပြီဖြစ်ပေမယ့် ဒေသခံတွေနဲ့ ပြည်သူတွေအတွက်ကတော့ ခုချိန်ထိ ခြောက်လှန့်ခံနေရဆဲ ဖြစ်ရပ်ဆိုးတခုလို့ ပြောရမှာပါ။

https://youtu.be/FeoWoIZXEKM
#မြန်မာ #ဧရာဝတီ #အနန့်ပါ #ဗုံးကြဲ #ကချင် #KIO#မြန်မာ #WhatsHappeningInMyanmar
-------------------
Help The Irrawaddy Report the Truth from Myanmar
https://bit.ly/3btQYpR

PDF တွေနဲ့ အတူ စစ်ရေးအောင်မြင်မှုတွေ ရနေတယ်လို့ ဗိုလ်ချုပ်အင်ဘန်လပြော (ရုပ်/သံ)

ဧရာဝတီ၊ ဖေဖော်ဝါရီ ၅၊ ၂၀၂၆

နွေဦးတော်လှန်ရေး အင်အားစုတွေနဲ့အတူ မြေပြင်စစ်မျက်နှာပြင်မှာ အောင်မြင်မှုတွေ အများကြီး ရရှိနေတယ်လို့ ကချင်လွတ်လပ်ရေးအဖွဲ့ (KIO) ရဲ့ ဥက္ကဋ္ဌ ဗိုလ်ချုပ်ကြီး အင်ဘန်လက ပြောပါတယ်။

ဒီအကြောင်းအရာကို ဒီနေ့ ဖေဖော်ဝါရီ ၅ ရက်နေ့မှာ ကျရောက်တဲ့ ၆၅ နှစ်မြောက် ကချင်တော်လှန်ရေး အထိမ်းအမှတ်နေ့အဖြစ် ဗိုလ်ချုပ်ကြီး အင်ဘန်လက ပြည်သူတွေကို ပေးပို့တဲ့ သဝဏ်လွှာမှာ ထည့်သွင်း ပြောကြားသွားတာ ဖြစ်ပါတယ်။

KIO အနေနဲ့လည်း မြေပြင်တိုက်ပွဲ အောင်မြင်မှုတွေကနေ နိုင်ငံရေးအောင်မြင်မှုအထိ ဖြစ်လာဖို့ အကောင်အထည်ဖော်လျက်ရှိတယ်လို့ ဆိုပါတယ်။

https://youtu.be/jbhIt7Z8W2w
#မြန်မာ #ဧရာဝတီ #KIA #KIO #ကချင်တော်လှန်ရေး #ဗိုလ်ချုပ်ကြီးအင်ဘန်လ #WhathappensInMyanmar
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

• စစ်တပ်ကို နိုင်မယ်ထင်လားလို့ KIO ကို တရုတ်မေးခွန်းထုတ်
• Walk for Peace သံဃာတွေကို ပါချုပ်ဆရာတော် အားပေး
• မြန်မာ ICJ အမှု အနာဂတ်အတွက် စံနမူနာလို့ဆို
• စစ်မှုထမ်းဥပဒေနဲ့ ၂ နှစ်အတွင်း အင်အား ၁ သိန်းကျော်စုဆောင်းခဲ့
• ထိုင်းရွေးကောက်ပွဲ မဲဝယ်ယူမှု တိုင်ကြားချက် ၁၀၀ ကျော် ထွက်ပေါ်
• ဟောင်ကောင် မီဒီယာသူဌေး ဂျင်မီလိုင် ထောင်ဒဏ်နှစ် ၂၀ ချမှတ်ခံရ

နေ့စဉ်သတင်း၊ ဖေဖော်ဝါရီ ၁၀၊ ၂၀၂၆
https://youtu.be/fH9cGehC9hc

#မြန်မာ #ဧရာဝတီ #KIO #တရုတ် #ICJ #WalkforPeace #IRWDailyNews #နေ့စဉ်သတင်း #WhathappensInMyanmar
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

ဗိုလ်ချုပ်ဂွန်မော် ထုတ်ပြောလိုက်တဲ့ တော်လှန်ရေးထဲက အခြေအနေ (ရုပ်/သံ)

ဧရာဝတီ၊ ဖေဖော်ဝါရီ ၁၁၊ ၂၀၂၆

ကချင်လွတ်လပ်ရေးကောင်စီ (KIC) ဒုတိယဥက္ကဋ္ဌ-၁၊ ဒုတိယဗိုလ်ချုပ်ကြီး ဂွန်မော်က တော်လှန်ရေး ကာလ အတွင်းက အခြေအနေတချို့နဲ့ အဖွဲ့ရဲ့ သဘောထားတချို့ကို ဖေဖော်ဝါရီလ ၉ ရက်နေ့မှာ ထုတ်ဖော်ပြောဆိုလိုက်ပါတယ်။

အမေရိကန်နိုင်ငံ၊ တက္ကဆက် ပြည်နယ်မှာ ကျင်းပတဲ့ ၆၅ နှစ်မြောက် ကချင်တော်လှန်ရေးနေ့ အထိမ်းအမှတ် အခမ်းအနားကို အွန်လိုင်းကတဆင့် မိန့်ခွန်းပြောကြားခဲ့တာဖြစ်ပါတယ်။ ဒုတိယဗိုလ်ချုပ်ကြီး ဂွန်မော်ပြောကြားချက်ကို Jinghpaw Kasa Facebook စာမျက်နှာက Live လွှင့်ဖော်ပြခဲ့တာပါ။

ဒီမိန့်ခွန်းထဲမှာတော့ အာဏာသိမ်းစဥ်ကာလက တရုတ်နိုင်ငံရဲ့ တားမြစ်ချက်တွေကို ကချင်လွတ်လပ်ရေးအဖွဲ့၊ ကချင် လွတ်မြောက်ရေး တပ်မတော် (KIO/KIA) အနေနဲ့ တုန့်ပြန်ခဲ့ပုံ၊ စစ်ကိုင်းတိုင်းဟာ ကချင်ပြည်နယ်အတွက် ဘယ်လောက် အရေးပါသလဲဆိုတာတွေအပြင်၊ ငြိမ်းချမ်းရေးဆွေးနွေးမှုနဲ့ ပတ်သက်ပြီး KIO ရဲ့ သဘောထား တွေကို ထည့်သွင်း ပြောကြားသွားခဲ့တာ ဖြစ်ပါတယ်။

ဒုတိယဗိုလ်ချုပ်ကြီး ဂွန်မော်ရဲ့ မိန်းခွန်းထဲက အရေးကြီးတဲ့အချက်တွေကို ကောက်နုတ်ဖော်ပြလိုက်ပါတယ်။

https://youtu.be/ZvLuvOlh4w8
#မြန်မာ #ဧရာဝတီ #ဒုတိယဗိုလ်ချုပ်ကြီးဂွန်မော် #KIO #KIA #WhathappensInMyanmar
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

စစ်ရေးနဲ့ နိုင်ငံရေးကို ပြိုင်တူ အကောင်အထည်ဖော်တာ ဖြစ်တယ် (ရုပ်/သံ)

ဧရာဝတီ၊ မတ် ၃၁၊ ၂၀၂၆

နွေဦးတော်လှန်ရေးရဲ့ အဓိကအင်အားစုတွေဖြစ်တဲ့ NUG၊ CRPH နဲ့ ဝါရင့်တိုင်းရင်းသားလက်နက်ကိုင် ၄ ဖွဲ့ KIO၊ KNU၊ KNPP နဲ့ CNF တို့ ပူးပေါင်းပြီး ဖယ်ဒရယ်ဒီမိုကရေစီပြည်ထောင်စုပေါ်ထွန်းရေး ဦးဆောင်ကောင်စီ (SCEF) ကို မတ်လ ၃၀ ရက်နေ့မှာ ဖွဲ့စည်းလိုက်ပါတယ်။

ဒီစုဖွဲ့မှုဟာ ၅ နှစ်တာကာလအတွင်း ကြုံတွေ့ခဲ့ရတဲ့ နိုင်ငံရေးစုဖွဲ့မှု အားနည်းချက်တွေကို သင်ခန်းစာယူပြီး စစ်ရေးနဲ့ နိုင်ငံရေးကို ဟန်ချက်ညီညီ ပြိုင်တူတွန်းတင်ဖို့ ရည်ရွယ်ထားတာဖြစ်တယ်လို့ဆိုပါတယ်။

SCEF ရဲ့ အဓိက ဦးတည်ချက်တွေထဲမှာ မြန်မာနိုင်ငံရဲ့ စစ်အာဏာသိမ်းမှုကို အဆုံးသတ်ပြီး စစ်တပ်က နိုင်ငံရေးမှာ ပါဝင်ပတ်သက်နေတာတွေကို အပြီးတိုင် ဖယ်ရှားသွားရေးနဲ့ လက်နက်ကိုင် အဖွဲ့အစည်းအားလုံးကို ဒီမိုကရေစီနည်းကျ ရွေးကောက်တင်မြှောက်ထားတဲ့ အရပ်သား အစိုးရရဲ့ စီမံအုပ်ချုပ်မှုအောက်မှာ အပြည့်အဝရောက်ရှိအောင် ဆောင်ရွက်သွားမယ်ဆိုတဲ့အချက်တွေလည်း ပါဝင်ပါတယ်။

ဒါ့အပြင် လက်ရှိ ၂၀၀၈ ဖွဲ့စည်းပုံအခြေခံဥပဒေကို အပြီးတိုင်ဖျက်သိမ်းပြီး အဲဒီဥပဒေကို ပြန်လည် အသက်သွင်းဖို့ ကြိုးပမ်းမှုမှန်သမျှကိုလည်း တိုက်ဖျက်သွား ရေးနဲ့ သက်ဆိုင်သူအားလုံး လက်ခံနိုင်တဲ့ ဖက်ဒရယ်နဲ့ ဒီမိုကရေစီစနစ်အခြေခံတဲ့ ဖွဲ့စည်းပုံအခြေခံဥပဒေသစ်တရပ်ကို ရေးဆွဲပြဋ္ဌာန်းပြီး၊ အဲဒီဥပဒေနဲ့အညီ စစ်မှန်တဲ့ ဖက်ဒရယ်ဒီမိုကရေစီ ပြည်ထောင်စုသစ်ကို တည်ဆောက်သွားဖို့ ရည်မှန်းထားကြောင်းလည်း ပါပါတယ်။

အလားတူ ပဋိပက္ခတွေအတွင်း မတရားကျူးလွန်ခံခဲ့ရသူတွေအတွက် တရားမျှတမှုရရှိအောင် ဖော်ဆောင်ပေးမှာဖြစ်သလို၊ အသွင်းကူးပြောင်းရေးကာလ တရားမျှတမှုဆိုင်ရာ လုပ်ငန်းစဉ်တွေကိုလည်း ထိထိရောက်ရောက် အကောင်အထည်ဖော် ဆောင်ရွက်သွားမယ်လို့ သိရပါတယ်။

https://youtu.be/J45pA33CoIY
#မြန်မာ #ဧရာဝတီ #ဖက်ဒရယ် #SCEF #KNPP #KIO #KNU #CNF #NUG #NUCC #CRPH #What'sHappensInMyanmar
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://www.irrawaddy.com/donation

မြောက်ပိုင်းမဟာမိတ်အဖွဲ့တွေကို ဗိုလ်ချုပ်ဂွန်မော် ဘာပြောခဲ့လဲ (ရုပ်/သံ)

ကချင်လွတ်လပ်ရေး ကောင်စီ (KIC) ရဲ့ (ဒုတိယ ဥက္ကဋ္ဌ-၁) ဖြစ်တဲ့ ဒုတိယ ဗိုလ်ချုပ်ကြီး ဂွန်မော်နဲ့ ပြည်ထဲရေးဝန်ကြီး ဗိုလ်ချုပ် ဇော်ရော်တို့ ဦးဆောင်တဲ့အဖွဲ့ဟာ မကြာခင်က ပဋိပက္ခတွေရှိခဲ့တဲ့ ရှမ်းပြည်နယ်မြောက်ပိုင်းကို မြေပြင်ကွင်းဆင်းခဲ့ကြပါတယ်။

ကချင်လွတ်လပ်ရေးအဖွဲ့ (KIO) ထိန်းချုပ်တဲ့ ရှမ်းပြည်နယ်မြောက်ပိုင်း နမ့်ဖက်ကာကျေးရွာနဲ့ ကောင်းခါး ကျေးရွာတွေဆီ သွားရောက်ခဲ့တဲ့အပြင် တအာင်းအမျိုးသားလွတ်မြောက်ရေးတပ်မတော် (TNLA)၊ မြန်မာအမျိုးသား ဒီမိုကရက်တစ်မဟာမိတ်တပ်မတော် (MNDAA)နဲ့ ရှမ်းပြည်တိုးတက်ရေးပါတီ (SSPP) တို့နဲ့လည်း တွေ့ဆုံခဲ့တယ်လို့ သိရပါတယ်။

ဗိုလ်ချုပ်ကြီး ဂွန်မော်တို့ဟာ နမ့်ဖက်ကာမှာ MNDAA နဲ့ တွေ့ဆုံခဲ့သလို၊ TNLA ကိုတော့ သူတို့ထိန်းချုပ်တဲ့ နမ့်ခမ်းမြို့မှာ တွေ့ဆုံခဲ့ပြီး SSPP အဖွဲ့ကိုတော့ ရှမ်းပြည်နယ်စပ်၊ ကချင်ပြည်နယ် မံစီမြို့နယ် မံဝိန်းကြီးမှာ တွေ့ဆုံခဲ့တာ ဖြစ်တယ်လို့ နမ့်ဖက်ကာဒေသခံက ပြောပါတယ်။

#မြန်မာ #ဧရာဝတီ #ရှမ်းပြည်နယ်မြောက်ပိုင်း #KIC #KIO #TNLA #MNDAA #SSPP #ဒုဗိုလ်ချုပ်ကြီးဂွန်မော် #WhathappensInMyanmar

အာဏာသိမ်းအစိုးရကို KIO ဥက္ကဋ္ဌ သတိပေး (ရုပ်/သံ)

ဧရာဝတီ၊ ဩဂုတ် ၁၀၊ ၂၀၂၆

ကချင်လွတ်လပ်ရေးအဖွဲ့ (KIO) ရဲ့ ဥက္ကဋ္ဌ ဗိုလ်ချုပ်ကြီး အင်ဘန်လက ဩဂုတ်လ ၁၀ ရက်နေ့မှာ ကျရောက်တဲ့ ကချင်အာဇာနည်နေ့အတွက် ထုတ်ပြန်တဲ့မိန့်ခွန်းမှာ နိုင်ငံရေးကြောင့် ဖြစ်ပေါ်လာတဲ့ ပြဿနာတွေကို နိုင်ငံရေးနည်းလမ်းနဲ့သာ ဖြေရှင်းဖို့နဲ့ အာဏာသိမ်းအစိုးရရဲ့ လုပ်ဆောင်ချက်တွေအပေါ် ပြည်သူလူထုက လက်မခံဘူးဆိုရင် အချိန်မနှောင်းခင် အမြန်ဆုံးပြန်လည်သုံးသပ် ပြုပြင်သွားဖို့ သတိပေးထားပါတယ်။

အာဏာသိမ်းအစိုးရအနေနဲ့ တိုက်ပွဲတွေအတွင်း စစ်ဘက်ဆိုင်ရာ စည်းမျဉ်းကျင့်ဝတ်တွေကို တိတိကျကျ လိုက်နာဖို့၊ ပြည်သူလူထုကို ပစ်မှတ်ထား တိုက်ခိုက်တာတွေနဲ့ လူသားဒိုင်းအဖြစ် အသုံးချနေတာတွေကို ချက်ချင်းရပ်တန့်ဖို့အပြင် ပြည်သူလူထုရဲ့ အသက်အိုးအိမ်စည်းစိမ်ကို တန်ဖိုးထား လေးစားဖို့ကိုလည်း သူ့ရဲ့မိန့်ခွန်းထဲမှာ ထည့်သွင်း ပြောကြားခဲ့ပါတယ်။

https://youtu.be/ksN2M9bYqv0

#မြန်မာ #ဧရာဝတီ #KIO #အင်ဘန်လ #ကချင်အာဇာနည်နေ့ #နိုင်ငံရေး #WhatsHappeningInMyanmar

ဧရာဝတီရဲ့ YouTube membership ကို Support လုပ်ချင်တဲ့ပရိတ်သတ်တွေအနေနဲ့ ဒီ https://www.youtube.com/@irrawaddynews1993 Link လေးမှ join buttom ကို နှိပ်ပြီးတော့ ပါဝင်နိုင်ပါပြီ။

စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://www.irrawaddy.com/donation

• ကချင်လူထုကို KIO အရေးပေါ် စစ်ရေးသတိပေး

• တရုတ်အပေါ် မမှီခိုဘူးလို့ မင်းအောင်လှိုင်ပြော

• တရုတ်အမျိုးသမီးတဦး မြန်မာမှာ ပြန်ပေးဆွဲခံထားရ

• ထိုင်းမှာ အသက် ၉ နှစ်အရွယ် မိန်းကလေးငယ် ကိုယ်ဝန်ဆောင်

• တရုတ်နဲ့ အမေရိကန် မိတ်ဖက်ဖြစ်သင့်တယ်လို့ ရှီကျင့်ဖျင်ပြော

နေ့စဉ်သတင်း၊ စက်တင်ဘာ ၂၄၊ ၂၀၂၆

https://youtu.be/HytGU-FZ9jo
#မြန်မာ #ဧရာဝတီ #ကချင် #KIO #KIA #စစ်ရေး #တရုတ် #မင်းအောင်လှိုင် #ပြန်ပေးဆွဲ #ကိုယ်ဝန်ဆောင် #နေ့စဉ်သတင်း #DailyNews #WhatsHappeningInMyanmar