ماني بمجبور أتعايش بوجهين
‏وجهي وحيد وجايزٍ لي مصبِّه

‏اللي مايملا العين مايسكن العين
‏واللي أحبّه يدري إني احبه

سبحان من اقسم بالعشر
‏ في قوله ( والفجر وليال عشر )

ارقى على القمه بروس الطويلات
‏« وراك ربعٍ ما تعرف الهزيمه » .

جعلنا اللي كل ما شافوا الدنيا تميل
‏استعانو بـ الصبر واستعانو بـ الصلاة

واليا نويتي عقب حبي تحبين
‏امانتك حبي الشجاع السنافي

‏على الاقل يوم اخسرك من حمّر عين
‏اهون علي من اخسرك عند هافي
‏

جعله من حبال المكارب ينجّى
اللي تعود طول عمره على هاك

قرمٍ يموت بحاجته ما ترجّى
الا اليا جاء يعزمك ترجاك

ان كانها ما جات بالطيب، طيّب
‏حنا نحب الحاجة اللي تجي طرق
‏
‏عن الردى والموقف اللي يعيّب
‏تردنا عادات ويجرنا عرق
‌‏
‏اليا رضينا كنها رش صيّب
‏واليا زعلنا كنها صاعقة برق

لا هنت يا وقتي القاسي وصكاته
‏عرفت منك الصبر والصاحب الوافي

تجملوا ياناس في حسن الأخلاق
‏لابد من يومٍ يجي فيه فرقى

‏ ترى طريق الخير للشر مغلاق
‏واللي مشابه دوم للعز يرقى

‏والرابح اللي صار للخير سباق
‏ولاخير باللي بالملذات غرقى

من يناظر في عيونك ما يتوب
بحر عينك من توسّط به غرق

الوقت لو غيّر مفاهيم وطبوع
‏أبقى الذّي ما غيّر الوقت طبعه

‏يوم الليالي جفوة أحباب وربوع
‏"ما بار بـ أحبابه .. ولا خان ربعه"

‏يا اللي تشوف العمر تابع ومتبوع
‏أنا أشوف العمر موقف وسُمعة.

ما أخايل الحاجة بعين الشفاوي
‏الحاجة اللي عند أهلها لأهلها

لا تامن علوم العرب وقت الافراح
‏ ولا تامن النكبات بعد السلاممه

‏كم واحدٍ وقت الرخاء / زند و سلاح
‏ووقت الشدايد / ما تشيله عظامه

صمتك عن الزلات طيب وشجاعه
‏تكبر بعين الي على الطيب رباك

‏خلك سوات الضلع عزم ومناعه
‏لا يزعلك هرج الردي لو تقفاك

ما هوب عيبٍ تعتذر عن خطاياك
‏العيب والله صدتك وانت مخطي

‏ما جذبني فالهوى الا سموه
‏يوم غيره فالحشا ماله مجالي