قلوبنا على المعالي مضرّاه
وصدورنا مثل الخيول الاصايل

وعيوننا عن الدنايا مدرّاه
وافعالنا من فضل ربي همايل

صحيح مانقدر نرد المقادير
‏لكن نصارع بالصبر كل ضيقه

‏ظروفنا حد السيوف البواتير
‏ووجيهنا من فضل ربي طليقه

اللي معي ربعاً قـرومٍ مشاكيل
عـز وفخـر ماهم بعيـب وفشيله

وليا حكو فينا الرخـــوم المهابيل
أهل النمايـم واليـدين البخيـله

يقول سعود غربي هدمنا جدار بيتنا وتضرر جدار جارنا بالغلط ، وأرسلت له أستسمح منه
‏وأعتذر منه ورد علي بهذه الأبيات :

‏"عدّل وبدّل واهدم جدار بجدار
‏ووسع مكان الضيف منّا ومنّا

‏كلّي فداكم يا طويلين الأعمار
‏لكن طلبتك .. لا تشدّون عنّا"

اللي يبي وصلي عطيته حياتي
‏واللي يبي الفرقا سبقته عليها

ما يشدّ ضلوع قلبي كل صِيد
‏قلبّي المختال ذوقه مُخملي

لا تحاول تختبرنا كذا يابن الحلال
‏الليالي علمتنا .. بجلّ دروسها
‏ٰ
‏إيه حنا اللي مانقطع سواليف الرجال
‏بس لا منّا زعلنا قطعنا روسها

ياوقت ماني بطامعٍ في عطاياك
‏لا دامت الدنيا ولا نيب دايـم

‏الله يجمّـل سيـرتي وأتعـداك
‏للجنه اللي من كبار الغنايم .

ليتك ردي واقول ماهي غريبه
لكنك اطيب من عرفته بدنياي

اما نهيت النفس عن مبتغاها
‏ولا رمتك النفس في كل وادي .

لو تعرف الدله عن العيب والطيب
‏ماتقبل الصبه .. لبعض الاوادم .

تغانموا فعل الجمايل مع الناس
‏الناس صعبات الظروف اجرحتها

‏فعل الوفاء والخير فالناس نوماس
‏الطيب فوق الأرض ماهو تحتها

إن صار زود المال بيدين الانذال
‏حنا من الـــــمعروف تندا يدينا

‏وان كانهم شرهوا على طيب الافعال
‏حــــنـا وردنــــــا جـمامها وارتوينا

‏وان فكروا للجود يمشون رحـال
‏حنـــا قبل يمشون يمه خــطينا

يارب تعرفني وتعرف نواياي
‏وتعرف جميع ظروفي المُستبدة

‏أحيان أصيب الرأي وأضيّع الراي
‏أحيانًا أفتح باب وأحيان أسده

‏أحاول أمشي باتجاهك يا مولاي
‏وتسرقني الأيام في خضم شِدة

‏عاملني بلطفك وعطفك، ورجواي
‏ليا انحرف قلبي عن الحق .. رده

خابرٍ قدرك بصدري بس صدري
ما تعود يلحق المقفي حسافه

انت الحبيب اللي مبدّى عن الغير
‏وكل الكلام اللي يجيبك .. مبدّى

‏مسميٍ طيفك خوي المشاوير
‏والله ماهوب اللي ليا مر .. عدى

‏دام الخطايا في وجيه المعاذير
‏والله ما يضعف حبّنا .. ويتردى

‏كانك هديه من يدين المقادير
‏فـ أنا مدين لـ " المقادير " جدا

"صاحبي طيّب على الحزّة لقيته
‏واقفٍ يمّي .. مثل وقفة ظلالي"

نلعب طرب لامن غدت ساعة طرب
‏واليا احتما الماقف ترانا نحتميه

من قال لك ان الاقارب عقارب
‏قل له ترا سيف الملاقا ولد عم

فضل صيام الايام الاوائل من ذي الحجة ♥️
( وذّكر أن الذكرى تنفع المؤمنين)