❤️#MSone Release ⌨️ 3314

Concrete Utopia (2023)
കോൺക്രീറ്റ് ഉട്ടോപ്യ (2023)

🫥ഭാഷ: കൊറിയൻ
🫥സംവിധാനം: Tae-hwa Eom
🫥പരിഭാഷ: വിഷ്ണു ഷാജി
🫥പോസ്റ്റർ: ഉണ്ണി ജയേഷ്
🫥ജോണർ: ആക്ഷൻ, അഡ്വഞ്ചർ, ഡ്രാമ

🎥🎥 ⭐️ 6.7/10
📽📽 9️⃣ 100% 🍿76%

Um Tae-Hwa, Lee Shin-ji യുടെയും തിരക്കഥയിൽ Um Tae-Hwa സംവിധാനം ചെയ്ത 2023-ലെ സൗത്ത് കൊറിയൻ Disaster-Thriller സിനിമയാണ് കോൺക്രീറ്റ് ഉട്ടോപ്യ.

രാജ്യത്തെ ഒട്ടാകെ തകർത്തു കളഞ്ഞ അതിശക്തമായ ഭൂകമ്പം, എല്ലാം തകർത്ത് തരിപ്പണമാക്കിയപ്പോ ഹ്വാങ് ഗുങ് അപ്പാർട്ട്മെന്റും, അവിടുത്തെ നിവാസികളും മാത്രം എങ്ങനെ അതിജീവിച്ചു എന്നതിന് ഇപ്പോഴും ഉത്തരമില്ല. തകർന്നു കിടക്കുന്ന
കെട്ടിടാവശിഷ്ടങ്ങളും മൃദേഹങ്ങളും മാത്രമേ അപ്പാർട്ട്മെന്റിന് ചുറ്റുമുള്ളൂ. രക്ഷപ്രവാർത്തനങ്ങൾക്ക് ഒരു ഗവണ്മെന്റോ, പോലീസോ, ഫയർഫോഴ്‌സോ ആരും തന്നെയില്ല. ഹ്വാങ് ഗുങ് അപ്പാർട്ട്മെന്റിലേക്ക് അഭയം തേടി വന്ന മറ്റു ജനങ്ങൾ, തങ്ങൾക്ക് ഭീഷണിയാകുമെന്ന് തോന്നിത്തുടങ്ങിയപ്പോ അവരെയെല്ലാം അവിടുന്ന് ചവിട്ടിപ്പുറത്താകുന്നു. ഭൂകമ്പം വന്ന് സർവ്വതും നശിച്ചെങ്കിലും മനുഷ്യന്റെ സ്വാർത്ഥത എന്നൊരു വികാരം ഒരിക്കലും നശിക്കില്ല എന്നതിന്റെ ദൃശ്യാവിഷ്കാരമാണ് പിന്നീടാങ്ങോട്ട് കാണുന്നത്. ചവിട്ടി നിൽക്കുന്ന മണ്ണ് വിട്ടുകൊടുക്കാതിരിക്കാൻ ഹ്വാങ് ഗുങ് നിവാസികളും, അത് തട്ടിയെടുക്കാൻ ശ്രമിക്കുന്ന പുറത്തുള്ള മനുഷ്യരുടെയും കഥയാണ് കോൺക്രീറ്റ് ഉട്ടോപ്യ.

സർവ്വനാശത്തിന്റെ പടുകുഴിയിൽ വീണുകിടന്നാലും മനുഷ്യന് അധികാരവും, പദവിയും മത്തുപിടിപ്പിക്കുന്ന ലഹരിയാണെന്നും അത് നിലനിർത്താൻ ആരെയും കൊല്ലാൻ പോലും മടിക്കില്ലെന്ന് സംവിധായകൻ നമുക്ക് വ്യക്തമായി കാണിച്ചു തരുന്നുണ്ട്. അധികാരമോഹം മാത്രമല്ല അസൂയ, പരദൂഷണം, കള്ളം പറയൽ, ഭീഷണിപ്പെടുത്തൽ എന്നിങ്ങനെ ഒരു മനുഷ്യന് ഒരിക്കലും ഉണ്ടാകാൻ പാടില്ലാത്ത സകല സ്വഭാവങ്ങളും കൃത്യമായി സംവിധായകൻ ഈ ചിത്രത്തിൽ വരച്ചിട്ടിട്ടുണ്ട്.

ഷോർട്ട്‌ലിസ്റ്റിൽ ഇടം നേടിയില്ലെങ്കിലും, 2023-ലെ 96-ാമത് അക്കാദമി അവാർഡുകൾക്കുള്ള മികച്ച അന്താരാഷ്ട്ര ഫീച്ചർ ഫിലിം വിഭാഗത്തിൽ സൗത്ത് കൊറിയൻ എൻട്രിയായി കോൺക്രീറ്റ് ഉട്ടോപ്യ തിരഞ്ഞെടുക്കപ്പെട്ടിരുന്നു.

✅അഭിപ്രായങ്ങൾ പങ്കുവെക്കാൻ

Categories : #Action #Adventure #Drama #Korean

▪#MSone Release ▶️3315

City Hunter (1993)
സിറ്റി ഹണ്ടർ (1993)

❄️ഭാഷ: കാന്റോനീസ്
❄️സംവിധാനം: Jing Wong
❄️പരിഭാഷ: എല്‍വിന്‍ ജോണ്‍ പോള്‍
❄️പോസ്റ്റർ: നിഷാദ് ജെ എന്‍
❄️ജോണർ: അക്ഷൻ, കോമഡി, ക്രെെം

🎥🎥 ⭐️ 6.3/10
📽📽 5️⃣ 50% 🍿60%

സുക്കാസ ഹോജോയുടെ അതേ പേരിലുള്ള മാങ്കയെ അടിസ്ഥാനമാക്കി 1993-ൽ പുറത്തിറങ്ങിയ ജാക്കി ചാൻ നായക വേഷത്തിൽ എത്തിയ ഹോങ്കോങ് ആക്ഷൻ കോമഡി ചലച്ചിത്രമാണ് “സിറ്റി ഹണ്ടർ“

റ്യോ സെയ്ബ ഒരു പ്രൈവറ്റ് ഡിറ്റക്ടീവാണ്. കുറ്റവാളികളെ തറപറ്റിക്കുന്നതില്‍ ആളൊരു പുലിയാണെങ്കിലും ബാക്കി എല്ലാ കാര്യത്തിലും ആളൊരു എലിയാണ്. റ്യോയുടെ മരിച്ചുപോയ സുഹൃത്തിന്റെ അനിയത്തിയായ കവോരിയാണ് അദ്ദേഹത്തിന്റെ അസിസ്റ്റന്റ്.ഒരു കേസന്വേഷണത്തിന്റെ ഭാഗമായി ഇരുവരും ഒരു കപ്പല്‍ യാത്രക്ക് കേറുന്നു.തുടര്‍ന്ന് ഈ കപ്പല്‍ തീവ്രവാദികള്‍ പിടിച്ചടക്കുന്നു. തീവ്രവാദികളെ തോല്‍പ്പിച്ച് റ്യോയും കൂട്ടരും കപ്പല്‍ തിരിച്ചുപിടിക്കുന്നതാണ് സിനിമയുടെ ഇതിവൃത്തം.

💬 അഭിപ്രായങ്ങൾ പങ്കുവെക്കാൻ

Categories : #Action #Cantonese #Comedy #Crime

❤️#MSone Release 💿 3316

🥇🥇#MsoneGoldRelease
🥇🥇

Y Tu Mamá También (2001) 🔹
യി തു മമാ തമ്പിയെൻ (2001) 🔹

⚡️ഭാഷ: സ്പാനിഷ്
⚡️സംവിധാനം: Alfonso Cuarón
⚡️പരിഭാഷ: വിഷ്ണു പ്രസാദ്
⚡️പോസ്റ്റർ: പ്രവീൺ അടൂർ
⚡️ജോണർ: ഡ്രാമ

🎥🎥 ⭐️7.7/10
📽📽 9️⃣ 91% 🍿88%

അൽഫോൺസോ ക്വാറോൺ സംവിധാനം ചെയ്ത് 2001-ൽ പുറത്തിറങ്ങിയ ഒരു സ്പാനിഷ് ചിത്രമാണ് “യി തു മമാ തമ്പിയെൻ“. ഹൂലിയോ, ടെനോച്ച് എന്നീ രണ്ട് കൗമാരക്കാരായ ആൺകുട്ടികൾ ലൂയിസ എന്ന സുന്ദരിയായ സ്ത്രീയോടൊപ്പം ഒരു റോഡ് ട്രിപ്പ് നടത്തുന്ന കഥയാണ് സിനിമ പറയുന്നത്. മൂവരും മെക്സിക്കൻ ഗ്രാമപ്രദേശങ്ങളിലൂടെ സഞ്ചരിക്കുമ്പോൾ, അവരുടെ അനുഭവങ്ങൾ, ലൈംഗികത, വ്യക്തിഗത വളർച്ച എന്നിവയൊക്കെ ചർച്ച വിഷയമാകുന്നുണ്ട്. അതേപോലെ ഉറ്റ സുഹൃത്തുക്കളായ ഹൂലിയോയും ടെനോച്ചും ലൂയിസയുമായി അടുത്തിടപഴകുമ്പോൾ അവരുടെ സൗഹൃദം പല രീതിയിലും പരീക്ഷിക്കപ്പെടുകയും ചെയ്യുന്നുണ്ട്.

സിനിമയിൽ ഒഴിച്ചുകൂടാനാവാത്ത ഒന്നാണ് ലൈംഗികതയുടെയും, അസഭ്യ വാക്കുകളുടെയും അതിപ്രസരം. സാമൂഹിക മാനദണ്ഡങ്ങളെയും കൺവെൻഷനുകളെയും വെല്ലുവിളിക്കുന്ന കഥാപാത്രങ്ങളുടെ ലൈംഗിക ഉണർവ് നിർഭയമായി സിനിമയിൽ പര്യവേക്ഷണം ചെയ്തിട്ടുണ്ട്.

വളരെ നിരൂപക പ്രശംസയോടൊപ്പം, മെക്സിക്കോയിലും അന്താരാഷ്ട്ര തലത്തിലും വാണിജ്യ വിജയം നേടാൻ സിനിമയ്ക്ക് സാധിച്ചിട്ടുണ്ട്. അക്കാഡമി അവാർഡുകളിൽ മികച്ച ഒറിജിനൽ തിരക്കഥയ്ക്ക് നോമിനേറ്റ് ചെയ്യപ്പെടുകയും, ലോകമെമ്പാടുമുള്ള ചലച്ചിത്രമേളകളിൽ നിരവധി പുരസ്കാരങ്ങൾ കരസ്ഥമാക്കുകയും ചെയ്തിട്ടുണ്ട്..

™️ അഭിപ്രായങ്ങൾ പങ്കുവെക്കാൻ

Categories : #Drama #MsoneGold #Spanish

❤️#MSone Release 🔵 3317

The Walking Dead – Season 11 (2021) 🧟‍♀️
ദ വാക്കിങ് ഡെഡ് – സീസൺ 11 (2021) 🧟‍♀️

Episodes 01-12
എപ്പിസോഡ്സ് 01-12

🔴ഭാഷ: ഇംഗ്ലീഷ്
🔴നിർമാണം: Idiot Box Productions
🔴പരിഭാഷ: ഗിരി പി. എസ്.
🔴പോസ്റ്റർ: ഉണ്ണി ജയേഷ്
🔴ജോണർ: ഡ്രാമ, ഹൊറർ, ത്രില്ലർ

🎥🎥⭐️ 8.1/10
📽📽 6️⃣ 79% 🍿78%

ടിവി സീരീസുകളുടെ ചരിത്രത്തിൽ ഒരിക്കലും ഒഴിച്ച് കൂടാനാവാത്ത ഒരു അദ്ധ്യായമായി മാറിയ സീരീസ് ആണ് ദി വാക്കിങ് ഡെഡ്. സോംബികൾ മനുഷ്യരെ ആക്രമിക്കുന്ന കഥകള്‍ മുമ്പും പല സിനിമകളിൽ വന്നിട്ടുണ്ട്. പക്ഷേ വാക്കിങ് ഡെഡ് അങ്ങനൊരു കഥയായിരുന്നില്ല. കാരണം വക്കിങ് ഡെഡിൽ വില്ലൻ സോംബികളല്ല, അത് മനുഷ്യരാണ്.

അതിജീവനം ഒരാവശ്യമായി വരുമ്പോള്‍, ജീവിതമെന്ന പേരിൽ നമ്മൾ സങ്കൽപിച്ചെടുത്ത അർത്ഥങ്ങൾ ഒന്നുമല്ലാതാകും. ജീവന്റെ അർത്ഥം ‘ജീവനോടെ നിലനിൽക്കുക’ എന്ന് മാത്രമാകും. ബന്ധങ്ങൾ നശിക്കും. സൗഹൃദങ്ങള്‍ ഇല്ലാതാകും. നരഭോജികളായ മൃഗങ്ങളെ പോലെ നമ്മള്‍ പരസ്പരം കടിച്ചു കീറും. ഇത്രേയുള്ളൂ മനുഷ്യന്മാർ!

റിക്ക് ഗ്രൈംസ് എന്ന പോലീസ് ഉദ്യോഗസ്ഥന് ജോലിക്കിടെ സംഭവിക്കുന്ന ഒരപകടത്തിൽ, അയാളുടെ ബോധം നശിച്ച് അയാള്‍ കോമയിലാകുന്നു. അതിൽ നിന്ന് ഉണരുന്ന റിക്കിന് കാണേണ്ടി വരുന്നത് ഒരു പുതിയ ലോകമാണ്! ആളൊഴിഞ്ഞ ആശുപത്രി കെട്ടിടവും, ചോര പതിഞ്ഞ ചുവരുകളും, അയാളെ പുറം ലോകത്തെ ഭീകരതയിൽ കൊണ്ടെത്തിക്കുന്നു. ‘വാക്കേഴ്സ്’ എന്ന് പേരിട്ട് വിളിക്കുന്ന സോംബികൾ, മനുഷ്യരെ കടിച്ചു കീറി ചോര കുടിക്കുന്ന ഒരു ലോകം അയാളെ കാത്തിരിക്കുകയായിരുന്നു. സ്വന്തം ഭാര്യയും മകനും ജീവനോടെയുണ്ടോ എന്നു പോലും അയാൾക്കറിയില്ല. സഹായിക്കാനോ, സഹതപിക്കാനോ കൂടെ ആരുമില്ല. ചുറ്റും മനുഷ്യ മാംസത്തിന്റെ ഗന്ധം തേടിയലയുന്ന ശവങ്ങളുടെ മുഖം മാത്രം! പ്രതീക്ഷയുടെ ഒരു കണിക പോലും, അയാളെ എവിടെയും കാത്തിരിക്കുന്നില്ല.

എംസോൺ റിലീസ് ചെയ്തിട്ടുള്ള ദി വാക്കിങ് ഡെഡ് സീരീസിന്റെ മറ്റ് സീസണുകൾ

ദ വാക്കിങ് ഡെഡ് – സീസൺ 01 (2010)
ദ വാക്കിങ് ഡെഡ് – സീസൺ 02 (2011)
ദ വാക്കിങ് ഡെഡ് – സീസൺ 03 (2012)
ദ വാക്കിങ് ഡെഡ് – സീസൺ 04 (2013)
ദ വാക്കിങ് ഡെഡ് – സീസൺ 05 (2014)
ദ വാക്കിങ് ഡെഡ് – സീസൺ 06 (2015)
ദ വാക്കിങ് ഡെഡ് – സീസൺ 07 (2016)
ദ വാക്കിങ് ഡെഡ് – സീസൺ 08 (2017)
ദ വാക്കിങ് ഡെഡ് – സീസൺ 09 (2018)
ദ വാക്കിങ ഡെഡ് – സീസൺ 10 (2019)

അഭിപ്രായങ്ങൾ പങ്കുവെക്കാൻ ✅

Categories : #Drama #English #Horror #Thriller #Web_Series

❤️#MSone Release 🧊 3318

The Bridge Curse (2020)
ദ ബ്രിഡ്ജ് കേഴ്സ് (2020)

🫥ഭാഷ: മാൻഡറിൻ
🫥സംവിധാനം: Lester Hsi
🫥പരിഭാഷ: സാരംഗ് പി
🫥പോസ്റ്റർ: നിഷാദ് ജെ എന്‍
🫥ജോണർ: ഹൊറർ, മിസ്റ്ററി, ത്രില്ലർ

🎥🎥 ⭐️ 5.3/10
📽📽 4️⃣ 29%

Lester Shih സംവിധാനം ചെയ്ത് 2020-ൽ പുറത്തിറങ്ങിയ ഒരു ഹൊറർ -മിസ്റ്ററി ചിത്രമാണ് ദ ബ്രിഡ്ജ് കേഴ്സ്. നാല് വർഷങ്ങൾക്ക് മുമ്പ് ഫെബ്രുവരി 29-ന് തുങ് ഹു യൂണിവേഴ്സിറ്റിയിൽ നടന്ന അമാനുഷികസംഭവങ്ങളെ കുറിച്ച് കൂടുതൽ അന്വേഷിക്കാൻ ഒരു റിപ്പോർട്ടർ അവിടേക്ക് വരുന്നു. തുടർന്ന് അവർ കണ്ടെത്തുന്ന കാര്യങ്ങൾ ഏവരെയും ഞെട്ടിക്കുന്നതായിരുന്നു.
സിനിമയിലെ ഭൂരിഭാഗം സീനുകളും ഫൗണ്ട് ഫുട്ടേജ് ശൈലിയിലാണ് ചിത്രീകരിച്ചിട്ടുള്ളത്.
ഇതിന്റെ രണ്ടാം ഭാഗം 2023-ൽ The bridge Curse: Ritual എന്ന പേരിൽ പുറത്തിറങ്ങിയിട്ടുണ്ട്.

💬 അഭിപ്രായങ്ങൾ പങ്കുവെക്കാൻ

Categories : #Horror #Mandarin #Mystery #Thriller

❤️#MSone Release 🎚️ 3319

Vigilante Season 1 (2023)
വിജിലാന്റി സീസൺ 1 (2023)

🫥ഭാഷ: കൊറിയൻ
🫥സംവിധാനം: Jeong-Yeol Choi
🫥പരിഭാഷ: അരവിന്ദ് കുമാർ
🫥പോസ്റ്റർ: നിഷാദ് ജെ എന്‍
🫥ജോണർ: ആക്ഷൻ, ക്രെെം, ത്രില്ലർ

🎥🎥 ⭐️ 7.8/10

നാഷണൽ പോലീസ് യൂണിവേഴ്സിറ്റിയിലെ സമർത്ഥനായ വിദ്യാർത്ഥിയാണ് കിം ജീയോങ്. എന്നാൽ മറ്റാർക്കും അറിയാത്ത മറ്റൊരു മുഖം കൂടി ഉണ്ടായിരുന്നു അവന്. വാരാന്ത്യങ്ങളിൽ, നിയമത്തിന്റെ പരിധിയിൽ നിന്ന് ഒഴിഞ്ഞുമാറുന്ന തെറ്റുകാരെ ശിക്ഷിക്കുന്ന ഒരു ഡാർക്ക് ഹീറോയുടെ മുഖം. മീഡിയ അവന് വിജിലാൻ്റി എന്ന ഓമനപ്പേര് നൽകി ആഘോഷിക്കുമ്പോൾ നഗരത്തിലെ പോലീസ് സേനയ്ക്കും മറ്റ് ദുഷ്ടന്മാർക്കും ജീയോങ് തലവേദനയും ഭീതിയും സൃഷ്ടിക്കുന്നു. വിജിലാൻ്റി എന്ന ഡാർക്ക് ഹീറോ വേഷത്തിൽ എത്തിയിരിക്കുന്നത് കൊറിയൻ ആരാധകരുടെ പ്രിയതാരമായ നം ജൂ ഹോക്കാണ്. മുൻനിര താരങ്ങളുടെ ശ്രദ്ധേയ പ്രകടനങ്ങളാലും ബിജിഎമ്മിലെ ചടുലത കൊണ്ടും ഡാർക്ക് മൂഡ് നിലനിർത്തുന്ന ത്രില്ലർ സ്വഭാവത്താലും മികച്ച് നിൽക്കുന്ന 8 എപ്പിസോഡുകൾ അടങ്ങിയ ഒരു കൊറിയൻ ഡാർക്ക് ത്രില്ലർ സീരീസ്.

🌐അഭിപ്രായങ്ങൾ പങ്കുവെക്കാൻ

Categories : #Action #Crime #Korean #Thiller #Web_Series

▪#MSone Release 🔸 3320

#OscarFest2024 - 07🎖

Io Capitano (2023)
ഈയോ കപിതാനോ (2023)

🔹ഭാഷ: വോളോഫ്
🔹സംവിധാനം: Matteo Garrone
🔹പരിഭാഷ: മുജീബ് സിപിവൈ
🔹പോസ്റ്റർ: ഉണ്ണി ജയേഷ്
🔹ജോണർ: ഡ്രാമ

🎥🎥 ⭐️7.6/10
📽📽 6️⃣ 100%

Matteo Garrone സംവിധാനം ചെയ്ത് 2023 ൽ പുറത്തിറങ്ങിയ ചിത്രമാണ് ഈയോ കപിതാനോ. സെനഗലിൽ താമസിക്കുന്ന സെയ്ദു മൂസ എന്നീ രണ്ട് കൗമാരക്കാർ ശോഭനമായൊരു ഭാവി പ്രതീക്ഷിച്ച് പടിഞ്ഞാറൻ ആഫ്രിക്കയിൽ നിന്നും ഇറ്റലിയിലേക്ക് യാത്രതിരിക്കുന്നു. ‌മാസങ്ങളോളം അധ്വാനിച്ച കാശുമായി പുറപ്പെടുന്ന അവർക്ക് കൊള്ളക്കാർ വിലസുന്ന സഹാറ മരുഭൂമി താണ്ടി മെഡിറ്ററേനിയൻ സമുദ്രവും കടന്ന് വേണം ഇറ്റലിയിലെത്താൻ. അഭയാർത്ഥികളായി കുടിയേറുന്നവരുടെ യാതനകൾ തുറന്നുകാണിക്കുന്ന ഈ ഡ്രാമ ചിത്രം ഒരു അതിജീവനത്തിന്റെ കഥയാണ്.

2024 ഓസ്കാറിൽ ബെസ്റ്റ് ഇന്റർനാഷണൽ ഫീച്ചർ ഫിലിം ആയി നോമിനേഷൻ കിട്ടിയ ചിത്രം ഇതുവരെ ഗോൾഡൻ ഗ്ലോബിലും ലോകത്തെമ്പാടുമുള്ള ഫിലിംഫെസ്റ്റിവലുകളിലുമായി 20 നോമിനേഷനുകളും 19 അവാർഡുകളും നേടി.

🌐 അഭിപ്രായങ്ങൾ പങ്കുവെക്കാൻ

Categories : #Drama #Oscar_Fest_2024 #Wolof

❤️
#MSone Release ⏳ 3321

#OscarFest2024 - 08 🎖

Killers of the Flower Moon (2023)
കില്ലേഴ് ഓഫ് ദ ഫ്ലവ‌ർ മൂൺ (2023)

💫ഭാഷ: ഇംഗ്ലീഷ്
💫സംവിധാനം: Martin Scorsese
💫പരിഭാഷ: വിഷ് ആസാദ്
💫പോസ്റ്റർ: നിഷാദ് ജെ എന്‍
💫ജോണർ: ക്രെെം, ഡ്രാമ, ഹിസ്റ്ററി

🎥🎥 ⭐️ 7.7/10
📽📽 9️⃣ 93% 🍿84%

മാർട്ടിൻ സ്‌കോർസെസിയുടെ സംവിധാനത്തില്‍ 2023-ല്‍ പുറത്തിറങ്ങിയ അമേരിക്കൻ ക്രൈം ഡ്രാമ ചിത്രമാണ് കില്ലേഴ്‌സ് ഓഫ് ദ ഫ്ലവർ മൂണ്‍.

പതിനേഴാം നൂറ്റാണ്ടില്‍ മിസോറി, മിസിസിപ്പി നദീതടങ്ങളില്‍ കുടിയേറിപാര്‍ത്ത അമേരിക്കൻ ഗോത്രവര്‍ഗ്ഗമാണ് ഓസേജ്. അമേരിക്കൻ സിവില്‍ വാറിന് ശേഷം, 1870-ൽ ഡ്രം ക്രീക്ക് ഉടമ്പടി പ്രകാരം ഓസേജുകളുടെ ഭൂമി അമേരിക്കന്‍ സര്‍ക്കാരിന് വില്‍ക്കുകയും 1872-ൽ ഒക്‌ലഹോമയിൽ ഭൂമി വാങ്ങുകയും ചെയ്തു. 1896-ൽ അവിടെ പെട്രോളിയം നിക്ഷേപം കണ്ടെത്തി. എന്നാല്‍ ഭൂമിയുടെ ഉടമസ്ഥാവകാശം ഓസേജുകള്‍ക്ക് ആയതിനാല്‍ അവരുടെ ചില ആവശ്യങ്ങള്‍ സര്‍ക്കാരിന് അംഗീകരിക്കേണ്ടി വന്നു. ഇതേ തുടര്‍ന്ന് 1906-ല്‍ ഓരോ ഓസേജുകാരനും 657 ഏക്കര്‍ ഭൂമിയും പെട്രോളിയം വരുമാനത്തിന്റെ ഒരു വിഹിതവും ലഭിക്കാനുള്ള നിയപരമായ അവകാശമായ ഹെഡ്‌റൈറ്റും നല്‍കേണ്ടി വന്നു. തല്‍ഫലമായി ഓസേജില്‍ സമ്പത്ത് അനിയന്ത്രിതമായി കുമിഞ്ഞുകൂടി. വിദ്യാഭ്യാസപരമായും സാമൂഹികപരമായും പിന്നോക്കം നില്‍ക്കുന്ന ഓസേജ് ജനതയ്ക്ക്‌ ഇത്രയധികം പണം കൈകാര്യം ചെയ്യാന്‍ കഴിവില്ലെന്ന് വിലയിരുത്തി, അമേരിക്കന്‍ സര്‍ക്കാര്‍ അതിനായി വെള്ളക്കാരായ ഗാര്‍ഡിയന്‍മാരെ നിയമിച്ചു. ഹെഡ്‌റൈറ്റ്‌ വില്‍ക്കാന്‍ കഴിയില്ലെങ്കിലും അനന്തരാവകാശമായി ലഭിക്കുമായിരുന്നു. ഇത് മുതലെടുക്കാന്‍ വെള്ളക്കാര്‍ ഓസേജുകളുമായി വിവാഹബന്ധത്തില്‍ ഏര്‍പ്പെടാന്‍ തുടങ്ങി.

1920-കളില്‍ നടന്ന ഓസേജ് കൊലപാതകങ്ങളെ കുറിച്ച് അമേരിക്കൻ പത്രപ്രവർത്തകനായ ഡേവിഡ് ഗ്രാൻ എഴുതിയ ‘കില്ലേഴ്‌സ് ഓഫ് ദ ഫ്ലവർ മൂൺ: ദി ഓസേജ് മർഡേഴ്‌സ് ആൻഡ് ദ ബർത്ത് ഓഫ് ദ എഫ്ബിഐ’ എന്ന പുസ്തകത്തെ അടിസ്ഥാനമാക്കിയുള്ളതാണ് ഈ ചിത്രം. വില്യം ഹെയ്ല്‍ എന്ന വെള്ളക്കാരന്‍ അനന്തിരവന്മാരെ ഉപയോഗിച്ച് ഓസേജുകളില്‍ നിന്ന് സമ്പത്ത് കൈക്കലാക്കാന്‍ നടത്തുന്ന ശ്രമങ്ങളാണ് ഈ ചിത്രത്തിന്റെ ഇതിവൃത്തം. റോബർട്ട് ഡി നീറോ, ലിയോനാർഡോ ഡികാപ്രിയോ, ലില്ലി ഗ്ലാഡ്‌സ്റ്റോൺ എന്നിവർ മികച്ച പ്രകടനം കാഴ്ചവച്ച ഈ ചിത്രം, ഓസേജ് ജനതയുടെ ചരിത്രവും സംസ്കാരവും അവതരിപ്പിക്കുന്നതിനൊപ്പം വെള്ളക്കാരുടെ അത്യാഗ്രഹം, അഴിമതി, വംശീയത, വഞ്ചന എന്നിവയും തുറന്നു കാട്ടുന്നു.

അമേരിക്കൻ ചരിത്രത്തിലെ ഒരു ഇരുണ്ട അദ്ധ്യായം വരച്ചിടുന്ന, ഓസേജ് ജനത നേരിട്ട അനീതിയും അടിച്ചമർത്തലും വിശദമായി കാണിക്കുന്ന, ശക്തമായ സിനിമയാണ് കില്ലേഴ്‌സ് ഓഫ് ദ ഫ്ലവർ മൂൺ.

💬അഭിപ്രായങ്ങൾ പങ്കുവെക്കാൻ

Categories : #Crime #Drama #English #History #OscarFest2024

❤️
#MSone e Release ❤️ 649

#ValentinesDay Special Re Release

A Moment to Remember (2004)
എ മൊമെന്റ് ടു റിമമ്പർ (2004)

❣️ഭാഷ: കൊറിയൻ
❣️സംവിധാനം: John H. Lee
❣️പരിഭാഷ: ശ്രീധര്‍
❣️പോസ്റ്റർ: ഫൈസൽ കിളിമാനൂർ
❣️ജോണർ: ഡ്രാമ, റൊമാൻസ്

🎥🎥 🌟 8.1/10
📽📽 🍿90%

കിം സു-ജിൻ എന്ന യുവതി കടയിൽ നിന്നും വാങ്ങിയ ജ്യൂസ് മറന്നു തിരികെ എടുക്കാൻ വരികയും ചോയ് ചുൽ-സൂ എന്ന യുവാവിനെ, യാദൃച്ഛികമായി തെറ്റ് ധാരണയുടെ പുറത്തുണ്ടാകുന്ന സംഭവവികസത്തിലൂടെ പരിചയപ്പെടുന്നു. അതിന്റെ തുടർച്ചയായി പല തവണ കണ്ടുമുട്ടുന്ന അവർ പ്രണയ ബന്ധത്തിലേക്കും വിവാഹത്തിലേക്കും നീങ്ങുന്നു. പ്രണയ പരവശ്യമായ ഒരു പാട് നാളത്തെ ദാമ്പത്യ ജീവിത നിമിഷങ്ങൾക്ക് ശേഷം പതുക്കെ സു-ജിൻ മറവി രോഗത്തിന്റെ ലക്ഷണങ്ങൾ കാണിച്ചു തുടങ്ങുന്നതോടെ കഥാഗതി മാറുകയാണ്. സു-ജിൻ തന്റെ പ്രിയതമനെ ഒരുനാൾ മറക്കുന്ന നിലയിലാവും എന്ന നിജസ്ഥിതി മനസ്സിലാക്കുമ്പോൾ, ചുൽ-സൂ വിനോടു തന്നെ ഉപേക്ഷിച്ചു പോകണം എന്ന് അഭ്യർത്ഥിക്കുന്നുണ്ടെങ്കിലും അവൻ അവളെ കൈവിട്ടുകളയാൻ ഒരുക്കമായിരുന്നില്ല. മറവി രോഗതിനെതിരെ ഉള്ള അവരുടെ പ്രണയാർദൃതയാർന്ന ചെറുത്തു നിൽപ്പിന്റെ അനുഭവ മുഹൂർത്തങ്ങളാൽ സമൃദ്ധമാണ് ഈ മനോഹര പ്രണയ കാവ്യം.

🌐 അഭിപ്രായങ്ങൾ പങ്കുവെക്കാൻ

Categories : #Drama #Korean #Roamnce