#MSone Release - 2858

Nathicharami (2018)
നാതിചരാമി (2018)

ഭാഷ : കന്നഡ
സംവിധാനം : Mansore
പരിഭാഷ : അരുൺ അശോകൻ
പോസ്റ്റർ : നിഖിൽ ഇ കൈതേരി
ജോണർ : ഡ്രാമ

IMDb ⭐️ 7.2/10

വളരെ ചെറുപ്പത്തിൽ തന്നെ വിധവയാവേണ്ടി വന്നവളാണ് ഗൗരി. ഭർത്താവിന്റെ മരണം അവളിലുണ്ടാക്കിയ ആഘാതം വളരെ വലുതായിരുന്നു. മറ്റൊരു വിവാഹം ചെയ്യാനോ പ്രണയത്തിലേർപ്പെടാനോ അവളുടെ മനസ്സ് അനുവദിക്കുന്നില്ല. മരിച്ചുപോയ ഭർത്താവിന്റെ ഓർമയിൽ കഴിയുമ്പോഴും കിടപ്പറയിൽ ആ ‘അസാന്നിധ്യം ‘അവളെ വല്ലാതെ ബുദ്ധിമുട്ടിക്കുന്നു. ശരീരത്തിന്റെ ലൈംഗീക ആവശ്യങ്ങൾ നിറവേറ്റേണ്ടത് ഏതൊരാളുടെയും കടമയാണെന്നും അതിൽ തെറ്റ് ചിന്തിക്കേണ്ടതില്ലെന്നുമുള്ള സൈക്കാട്രിസ്റ്റിന്റെ നിർദേശം അവളെ അതിന് തയ്യാറാക്കുകയാണ്. ഡേറ്റിങ് ആപ്പ് വഴിയൊക്കെ സൗഹൃദങ്ങൾ സൃഷ്ടിക്കാൻ അവൾ ശ്രമിക്കുന്നെങ്കിലും അതൊക്കെ പാഴാവുന്നു.

ഒടുവിൽ ദിവസവും ജോഗിങ് ന് പോകുമ്പോൾ കാണുന്ന ഒരു സിവിൽ എഞ്ചിനീയറുമായി അവൾ സൗഹൃദത്തിലാകുന്നു. അയാളുടെയും ദാമ്പത്യ ജീവിതം അത്ര സുഖകരമായിരുന്നില്ല. ഗൗരിയുമായുള്ള സൗഹൃദം അയാൾക്ക് ആശ്വാസമാകുന്നു അതോടൊപ്പം തന്റെ ദാമ്പത്യ ജീവിതത്തിൽ അയാൾക്കുണ്ടായ പാകപ്പിഴകൾ തിരിച്ചറിയാൻ സഹായിക്കുന്നു. ഗൗരിയുടെ മനസ്സിലുള്ള കാര്യം തുറന്നു പറയുമ്പോൾ എന്തായിരിക്കും സംഭവിക്കുക, അത് അവരുടെ സൗഹൃദത്തെ ഏത് രീതിയിൽ ബാധിക്കും എന്നതൊക്കെയാണ് ചിത്രത്തിന്റെ ഇതിവൃത്തം.

സെക്സ് എന്നത് ഒരു പാപമായി കാണുന്ന സമൂഹത്തിൽ ഇത്തരത്തിൽ സ്ത്രീകൾ അനുഭവിക്കുന്ന വിഷമതകൾ വളരെ മനോഹരമായി ചിത്രത്തിൽ പറഞ്ഞു പോവ്വുന്നുണ്ട്. സന്ധ്യാ റാണിയുടെ രചനയിൽ മൻസൂർ സംവിധാനം നിർവഹിച്ച ‘നാതിചരാമി’ എന്ന ഈ കന്നഡ ചിത്രം 2018ലെ മികച്ച കന്നഡ ചിത്രമുൾപ്പെടെ 5 ദേശീയ പുരസ്‌കാരങ്ങൾ നേടുകയുണ്ടായി. പ്രധാന കഥാപാത്രമായ ഗൗരിയായി വേഷമിട്ട ശ്രുതി ഹരിഹരൻ നേടിയ മികച്ച നടിക്കുള്ള പ്രത്യേക പരാമർശവും അതിൽ ഉൾപ്പെടും.

അഭിപ്രായങ്ങൾ പങ്കുവെക്കാൻ

Categories : #Drama #Kannada

#MSone Release - 2859

Seetharaam Benoy Case No.18 (2021)
സീതാറാം ബിനോയ് കേസ് നം.18 (2021)

ഭാഷ : കന്നഡ
സംവിധാനം : Deviprasad Shetty
പരിഭാഷ : ജുനൈദ് ഒമർ
പോസ്റ്റർ : ഉണ്ണി ജയേഷ്
ജോണർ : ക്രൈം

IMDb ⭐️ 7.5/10

ആനെഗദ്ദേ പോലീസ് സ്റ്റേഷനിലേക്ക് പുതിയതായി എത്തിയ ഇൻസ്പെക്ടറാണ് സീതാറാം. സ്ഥലം മാറി വന്ന അദ്ദേഹം താമസിക്കാൻ ഒരു വാടക വീട് കണ്ടെത്തുന്നു. വൈകാതെ അയാളുടെ ഭാര്യയും അവിടെ താമസം മാറുന്നു. അദ്ദേഹത്തിന്റെ ഭാര്യ വരുന്നതിന് തൊട്ട് മുൻപ് അയാളുടെ വീട്ടിൽ മോഷണം നടക്കുന്നു. പോലീസുകാരൻ്റെ വീട്ടിൽ തന്നെ മോഷണം നടന്നത് നാട്ടിൽ വലിയ ചർച്ചയാകുന്നു. ഇത് സീതാറാമിൻ്റെ അഭിമാനപ്രശ്നമായതോടെ മോഷ്ടാവിനെ പിടിച്ചേ അടങ്ങൂ എന്നുള്ള വാശിയിൽ എത്തുന്നു. അങ്ങനെയിരിക്കെ… പെട്ടന്നൊരു ദിവസം വീട്ടിൽ അയാളുടെ ഭാര്യ കാെല്ലപ്പെടുന്നു. തന്റെ ഭാര്യയുടെ കൊലപാതകത്തിന്റെ ചുരുളഴിക്കാൻ ഇറങ്ങിത്തിരിച്ച സീതാറാമിനു ഞെട്ടിക്കുന്ന ചില സത്യങ്ങളായിരുന്നു അറിയേണ്ടി വന്നത്. കർണാടക പോലീസിനെ തന്നെ വട്ടംചുറ്റിച്ച കേസ് നമ്പർ 18 എന്ന സീരിയൽ കില്ലർ കേസുമായി തന്റെ ഭാര്യയുടെ മരണത്തിനും ബന്ധമുണ്ടെന്ന് അയാൾ കണ്ടെത്തുന്നു.

ആരാണാ മോഷ്ടാവ്?
ആരാണാ കാെലപാതകി?
ഇതിനെല്ലാമുള്ള ഉത്തരം ലഭിക്കണമെങ്കിൽ സിനിമ കണ്ടു തന്നെ അറിയണം.
പ്രേക്ഷകനെ നിഗൂഢതയുടെ മുൾമുനയിൽ ഇരുത്തുന്ന ഊഹങ്ങൾക്ക് പോലും പിടി തരാനാകാത്ത, കൃത്യമായ ഇടവേളകളിൽ ട്വിസ്റ്റുകളാൽ സമ്പന്നമായ ഈ ക്രൈം ത്രില്ലർ, അടുത്തിടെ ഇറങ്ങിയ കന്നട സിനിമകളിൽ വെച്ച് ഏറ്റവും പ്രേക്ഷക പ്രശംസ പിടിച്ചു പറ്റിയ സിനിമ കൂടിയാണ്.

അഭിപ്രായങ്ങൾ പങ്കുവെക്കാൻ

Categories : #Crime #Kannada

#MSone Release - 2860

#IranianFest - 07

Bashu, The Little Stranger (1989)
ബാഷു, ദി ലിറ്റിൽ സ്ട്രേഞ്ചർ (1989)

ഭാഷ : പേർഷ്യൻ
സംവിധാനം : Bahram Beizai
പരിഭാഷ : പ്രശാന്ത് പി ആർ
പോസ്റ്റർ : അഷ്‌കർ ഹൈദർ
ജോണർ : ഡ്രാമ, വാർ

IMDb ⭐️ 8.1/10

1980 മുതൽ 1988 വരെ നടന്ന ഇറാൻ-ഇറാഖ് യുദ്ധത്തിന്റെ മധ്യത്തിൽ ബാഷു എന്ന പത്ത് വയസുകാരന് വീടും കുടുംബവും നഷ്ടപ്പെടുന്നു. തുടർന്ന് ആ കുട്ടി രക്ഷപ്പെടാനായി ഒരു ട്രക്കിൽ കയറുന്നു. അങ്ങനെ അവൻ ഇറാന്റെ തെക്ക് ഭാഗത്ത് നിന്നും വടക്ക് ഭാഗത്തെ ഒരു ഗ്രാമത്തിലേക്ക് എത്തുന്നു.

അവിടെ ഭൂപ്രകൃതി മുതൽ ഭാഷ വരെ എല്ലാം വ്യത്യസ്തമാണ്. വയലിലൂടെ അലഞ്ഞു തിരിഞ്ഞ അവനെ ഭർത്താവ് സ്ഥലത്തില്ലാത്ത രണ്ട് കൊച്ചു കുട്ടികളുടെ അമ്മയായ നയി എന്ന സ്ത്രീ കണ്ടെത്തി വളർത്തുന്നു. എന്നാൽ പുറമെ നിന്നുള്ളവരെ സംശയത്തോടെ മാത്രം നോക്കുന്ന ഗ്രാമീണർക്ക് അവന്റെ തൊലിയുടെ നിറവും വിഷയമാകുന്നു. സാംസ്കാരികവും ഭാഷാപരവുമായുള്ള വ്യത്യാസങ്ങൾ ഉണ്ടായിരുന്നിട്ടും അവനും വളർത്തമ്മയും തമ്മിൽ പതുക്കെ ശക്തമായ ബന്ധം ഉണ്ടാകുന്നു.

അഭിപ്രായങ്ങൾ പങ്കുവെക്കാൻ

Categories : #Drama #Iranian_Fest #Persian #War

ഇറാനിയന്‍ ഫെസ്റ്റ്

Cut: BENHAR SABU XAVIER

എംസോണിൽ നിങ്ങൾക്ക് ആസ്വദിക്കാം... ഇറാനിയൻ ചിത്രങ്ങളുടെ മായജാലം ഇറാനിയൻ ഫെസ്റ്റിലൂടെ...

ഇറാനിയൻ ഫെസ്റ്റിലെ ചിത്രങ്ങൾ

1. Manuscripts don't burn
2. Close Up
3. Gabbeh
4. Two Women
5. The Child and the Soldier
6. Mum's Guest
7. Bashu The little Stranger.

#MSone Release – 2780

Barbaroslar: Akdeniz’in Kilici: Season 01 (2021) ബാർബറോസ്ലർ: അക്ദെനിസിൻ കിലിജി: സീസൺ 01 (2021)

സീസൺ 01 - ബോലും 09

ഭാഷ : ടർക്കിഷ്
നിർമാണം : ES Film
പരിഭാഷ : ഐക്കെ വാസിൽ
പോസ്റ്റർ : അഷ്‌കർ ഹൈദർ
ജോണർ: ആക്ഷൻ, ഡ്രാമ, വാർ

IMDb ⭐️ 9.2/10

പതിനാറാം നൂറ്റാണ്ടിന്റെ മധ്യത്തിൽ മെഡിറ്ററേനിയൻ ഉൾക്കടലിനെ കിടുകിടാ വിറപ്പിച്ച, “മെഡിറ്ററേനിയന്റെ വാൾ” എന്നറിയപ്പെട്ട “ബാർബറോസാ” സഹോദരന്മാരുടെ ഐതിഹാസിക ചരിത്രം പറയുന്ന ടർക്കിഷ് സീരീസാണ് “ബാർബറോസ്ലാർ: അക്ദെനിസിൻ കിലിജി” അഥവാ ബാർബറോസമാർ : മെഡിറ്ററേനിയന്റെ വാൾ. സിംഹങ്ങൾ കഥ പറഞ്ഞു തുടങ്ങുന്നത് വരെയേ വേട്ടക്കാർ നായകന്മാരായിരിക്കുകയുള്ളൂ. ഇവിടെ യൂറോപ്പിലെ അധിനിവേശ സാമ്രാജ്യങ്ങൾ ഒന്നടങ്കം മെഡിറ്ററേനിയനിലെ കടൽ കൊള്ളക്കാരൻ എന്ന് വിളിച്ചു ആക്ഷേപിച്ച ഹൈറെദ്ദിൻ ഖിസിർ ബാർബറോസ, സ്‌പെയിൻ അധിനിവേശ സാമ്രാജ്യത്തിന്റെ അതിശക്തമായ നാവിക സേനയ്ക്കെതിരെ ഒറ്റയ്ക്ക് പോരാടി അൾജീരിയയെ സ്പെയ്നിൽ നിന്നും മോചിപ്പിച്ചു അൾജീരിയയുടെ സുൽത്താനായി മാറിയ ഒറുച് ബാർബറോസ എന്നീ സിംഹങ്ങൾ അവരുടെ കഥ പറഞ്ഞു തുടങ്ങുകയാണ്. നായകന്മാർ എന്ന് അഹങ്കരിച്ച പലരും ഇനി വില്ലന്മാരായി മാറും. ഓട്ടോമൻ സുൽത്താൻ സുലൈമാൻ ദി മാഗ്നിഫിഷ്യന്റിന് എന്തിനായിരുന്നു പല സാമ്രാജ്യങ്ങളും കടൽക്കൊള്ളക്കാരൻ എന്ന് ആക്ഷേപിച്ച ഖിസിർ ബാർബറോസയെ തന്റെ സാമ്രാജ്യത്തിന്റെ നാവികസേനാ തലവനാക്കി ഹൈറെദ്ദിൻ എന്ന സ്ഥാനപ്പേര് നൽകി ആദരിച്ചത് എന്നുള്ളതിന്റെയൊക്കെ ഉത്തരം ഈ വീരോചിതമായ ഇതിഹാസ കാവ്യം പറയും. എർതൂറുൽ ഗാസിയായി ലോകമെമ്പാടും ആരാധകരെ സൃഷ്ടിച്ച എങ്കിൻ അൽത്താൻ ദുസിയത്താൻ, ഒറൂച്ച് റയീസ് ബാർബറോസയായി തിരിച്ചു വരുമ്പോൾ ദിറിലിഷ് എർതൂറുൽ എന്ന സൂപ്പർഹിറ്റ് സീരീസിന്റെ ലോകമെമ്പാടുമുള്ള ആരാധകർക്ക് കൂടി ഇത്‌ വിരുന്നാണ്. പ്രതീക്ഷിക്കാതെ വന്നു ബ്രഹ്‌മാണ്ഡമായി മാറിയ ദിറിലിഷിന്റെ ന്യൂനതകളിൽ ചിലതായിരുന്ന വിഷ്വൽ എഫക്ട്സും സംഘട്ടന രംഗങ്ങളും ബാർബറോസയിലേക്ക് വരുമ്പോൾ ന്യൂനതകൾ എല്ലാം പരിഹരിച്ചുള്ളതാവുകയാണ്. എങ്കിന്റെ കൂടെ ഹിളിർ ഹൈറെദ്ദിൻ പാഷാ ബാർബറോസയായി ഉലാഷ് തുനാ ആസ്ത്തെപ്പേ കൂടി വരുമ്പോൾ ലോകം ഒരു പുത്തൻ താരോദയത്തിനു കൂടി സാക്ഷ്യം വഹിക്കാൻ പോവുകയാണ്. ഹൈറെദ്ദിൻ ബാർബറോസയുടെയും ഒറുച് റെഇസിന്റെ വീരോചിത ചരിത്രത്തിന് നമുക്കും സാക്ഷ്യം വഹിക്കാം.. Hayde.. Hayde..!

അഭിപ്രായങ്ങൾ പങ്കുവെക്കാൻ

Categories : #Action #Drama #Turkish #War #Web_Series

#MSone Release - 2861

#IranianFest - 08

Marmoulak (2004)
മർമൊലാക്ക് (2004)

ഭാഷ : പേർഷ്യൻ
സംവിധാനം : Kamal Tabrizi
പരിഭാഷ : മുബാറക്ക് റ്റി എൻ
പോസ്റ്റർ : അഷ്‌കർ ഹൈദർ
ജോണർ : കോമഡി, ഡ്രാമ

IMDb ⭐️ 8.5/10

റെസ മർമൊലാക്ക്- അഥവാ “ഉടുമ്പ്” റെസ. എത്ര ഉയരമേറിയ മതിലുകളും, പുഷ്പം പോലെ വലിഞ്ഞു കയറുന്ന, റെസ മെസ്ഗാലിയെ നാട്ടിൽ അറിയപ്പെടുന്നത് അങ്ങനെയാണ്. ടെഹ്റാനിൽ അല്ലറ ചില്ലറ മോഷണവും, തട്ടിപ്പുമായി നടക്കുന്ന റെസ, ഒരു മോഷണ ശ്രമത്തിനിടെ പോലീസിൻ്റെ പിടിയിലാകുന്നു. തൻ്റെ ജയിലിലെത്തുന്ന തടവുകാരെ, എത്ര ബുദ്ധിമുട്ടിയാലും നന്നാക്കിയെടുക്കുമെന്ന് ശപഥം ചെയ്തിരിക്കുന്ന ജയിൽ വാർഡൻ്റെ പീഡനങ്ങൾ കൂടിയാകുമ്പോൾ, റെസക്ക് ജീവിതം തന്നെ മടുക്കുന്നു. കഷ്ടപ്പാടുകൾ സഹിക്ക വയ്യാതെ, ജയിലിലെ ആശുപത്രിയിൽ വെച്ച് പരിചയപ്പെടുന്ന ഒരു പണ്ഡിതൻ്റെ വസ്ത്രവും മോഷ്ടിച്ച്, റെസ ജയിലിൽ നിന്നും രക്ഷപെടുന്നു. അതിർത്തി കടക്കുവാൻ വ്യാജ പാസ്പോർട്ട് തരപ്പെടുന്നത് വരെ ഒരു പള്ളിയിലെ ഇമാമായി റെസ “ചുമതലയേൽക്കുന്നു”. തുടർന്ന് അയാളുടെ ജീവിതത്തിൽ നടക്കുന്ന രസകരമായ സംഭവങ്ങളാണ് 2004ൽ കമാൽ തബ്രീസിയുടെ സംവിധാനത്തിൽ പുറത്തിറങ്ങിയ, മർമൊലാക്ക് (The Lizard) എന്ന ചിത്രത്തിൻ്റെ പ്രമേയം.

ഇറാനിലെ പണ്ഡിത സമൂഹത്തെയും, മത നിയമങ്ങളെയും കണക്കറ്റ് പരിഹസിക്കുന്ന ചിത്രം, റിലീസ് ചെയ്ത് മൂന്നാഴ്ച കഴിഞ്ഞപ്പോൾ തീയേറ്ററുകളിൽ നിന്നും പിൻവലിക്കേണ്ടി വന്നെങ്കിലും, അതുവരെയുള്ള എല്ലാ കളക്ഷൻ റെക്കോർഡുകളും ഭേദിച്ചു. റെസ മെസ്ഗാലിയായുള്ള, പർവീസ് പരസ്തൂയിയുടെ അഭിനയം, പ്രേക്ഷക നിരൂപക പ്രശംസകൾ ഒരുപോലെ ഏറ്റുവാങ്ങുകയുണ്ടായി.

അഭിപ്രായങ്ങൾ പങ്കുവെക്കാൻ

Categories : #Comedy #Drama #Iranian_Fest #Persian

#MSone Release - 2862

#IranianFest - 09

The Apple (1998)
ദ ആപ്പിൾ (1998)

ഭാഷ : പേർഷ്യൻ
സംവിധാനം : Samira Makhmalbaf
പരിഭാഷ : ഷിഹാസ് പരുത്തിവിള
പോസ്റ്റർ : അഷ്‌കർ ഹൈദർ
ജോണർ : ഡ്രാമ

IMDb ⭐️ 7.3/10

നീണ്ട പതിനൊന്ന് വര്‍ഷക്കാലം തടവറയിലെന്ന പോലെ രണ്ട് പെണ്‍കിടാങ്ങളെ പുറം ലോകം പോലും കാണിക്കാതെ ഒന്ന് കുളിപ്പിക്കുക പോലും ചെയ്യാതെ അവരുടെ സ്വന്തം പിതാവ് പൂട്ടിയിട്ടിരിക്കുന്നു!! അയല്‍ക്കാരുടെ നിരന്തര പരാതിയുടെ അടിസ്ഥാനത്തില്‍ ക്ഷേമകാര്യ മന്ത്രാലയത്തില്‍ നിന്നും വന്ന ഉദ്യോഗസ്ഥര്‍ ഞെട്ടിക്കുന്ന കാഴ്ചകള്‍ക്ക് സാക്ഷ്യം വഹിക്കുന്നു!!!

സമീറ മക്മല്‍ബഫ് എന്ന ഇറാനിയന്‍ സംവിധായികയുടെ ‘98 ല്‍ പുറത്തിറങ്ങിയ ദ ആപ്പിള്‍ എന്ന ചിത്രം ആരംഭിക്കുന്നത് ഈ രീതിയിലാണ്. പച്ചയായ മനുഷ്യജീവിത യാഥാര്‍ത്ഥ്യത്തെ ഇത്രത്തോളം അവതരിപ്പിക്കാനുള്ള ഇറാനിയന്‍ ജനതയുടെ കഴിവ് നാം മുന്‍പും കണ്ടിട്ടുള്ളതാണ്.

ഇറാനിലെ മുസ്ലീം പാട്രിയാര്‍ക്കിക്കല്‍ സമൂഹത്തിലെ ദുരനുഭവങ്ങളുടെ ആകെത്തുകയാണ് സെഹ്‌റാ-മാസ്സൂമി സഹോദരിമാര്‍. ഒരു ദശാബ്ദത്തിലേറെ നാലു ചുവരുകള്‍ക്കുള്ളില്‍ തളച്ചിടപ്പെട്ട ആ കുട്ടികള്‍ക്ക് വിദ്യാഭ്യാസമെന്തെന്ന് അറിയില്ല, വേറെ ആള്‍ക്കാരുമായി ബന്ധമില്ല, വേറാരെയും അവര്‍ കണ്ടിട്ടില്ല, അര്‍ത്ഥശൂന്യമായ ജീവിതം നയിച്ച അവര്‍ യഥാര്‍ത്ഥ ലോകത്തിന്റെ സ്വാതന്ത്ര്യത്തിലേക്ക് പിച്ചവെക്കുമ്പോള്‍ എന്തായിരിക്കും അവരെ കാത്തിരിക്കുക?

സെമി-ഡോക്യുമെന്ററി സ്റ്റൈലില്‍ കഥ പറയുന്ന ‘ദ ആപ്പിള്‍’ ന് നിരവധി അന്താരാഷ്ട്ര ചലച്ചിത്രമേളകളിലെ പുരസ്കാരങ്ങള്‍ ലഭിച്ചു. അതില്‍ എടുത്തുപറയേണ്ടത് ‘98 ലെ ബ്രിട്ടീഷ് ഫിലിം ഇസ്റ്റിറ്റ്യൂട്ട് അവാര്‍ഡ് [സതര്‍ലന്റ് ട്രോഫി ജേതാവ്] ആണ്.

അഭിപ്രായങ്ങൾ പങ്കുവെക്കാൻ

Categories : #Drama #Iranian_Fest #Persian

അന്ത ബിജിഎം പോട്രാ 💥💥

വരാറ്...The Wheel of Time (2021)

പോസ്റ്റർ : Unni Jayesh 😉

#MSone Release - 2863

The Wheel of Time – Season 01 (2021)
ദ വീൽ ഓഫ് ടൈം – സീസൺ 01 (2021)

Episodes – 01-03 / എപ്പിസോഡ്സ് – 01-03

ഭാഷ : ഇംഗ്ലീഷ്
നിർമാണം : Sony Pictures Television
പരിഭാഷ : വിഷ്ണു പ്രസാദ്, സാമിർ,
അജിത് രാജ് & ഗിരി പി. എസ്.
പോസ്റ്റർ : പ്രവീൺ അടൂർ
ജോണർ : ആക്ഷൻ, അഡ്വഞ്ചർ, ഡ്രാമ

IMDb ⭐️ 7.4/10

റോബർട്ട് ജോർദന്റെ “ദ വീൽ ഓഫ് ടൈം” എന്ന നോവൽ സീരിസിനെ ആധാരമാക്കി അതേ പേരിൽ തന്നെ ആമസോണിലൂടെ പുറത്ത് വന്ന സീരീസാണ് “ദ വീൽ ഓഫ് ടൈം” എപ്പിക് ഫാന്റസി സീരീസ് നോവലുകളുടെ ചരിത്രത്തിലെ നാഴിക കല്ലെന്ന് വിശേഷിപ്പിക്കുന്ന ഒരു നോവൽ ചലച്ചിത്ര രൂപേണ പുറത്ത് വരുമ്പോൾ വേണ്ട എല്ലാ മികവും ആദ്യ എപ്പിസോഡുകളിൽ തന്നെ ഈ സീരീസ് പ്രേക്ഷകർക്ക് സമ്മാനിക്കുന്നുണ്ട്.

ഐസ് സെഡായി എന്ന സംഘടനയിൽ നിന്നും റോസമുണ്ട് പൈക്ക് അവതരിപ്പിക്കുന്ന കഥാപാത്രമായ മൊയ്റെയിൻ, തിന്മയെ നേരിടാൻ പുനഃർജന്മം നേടിയ ഡ്രാഗണിനെ തിരഞ്ഞു പോകുന്നതിലൂടെയാണ് കഥ ആരംഭിക്കുന്നത്.

ടു റിവേഴ്സ് എന്ന സ്ഥലത്ത് 4 ആളുകളാണ് സാധ്യത എന്ന് മനസ്സിലാക്കിയ മൊയ്റെയിൻ അവരെ തേടി വരുന്ന അതേ സമയം തിന്മയുടെ പ്രതീകമായ ഡാർക്ക്‌ വണ്ണും സൈന്യവും ഇതേ ആളുകളെ തേടി ടു റിവേഴ്‌സിലേക്ക് എത്തുകയും ചെയ്യുന്നു.
ഡ്രാഗൺ ആരാണ്, മൊയ്റെയിന് ഡ്രാഗണെ കണ്ടെത്താനാകുമോ, മൊയ്റെയിന് ഡാർക്ക്‌ വണ്ണിനേയും സൈന്യത്തെയും മറികടക്കാനാകുമോ എന്നതൊക്കെയാണ് ആദ്യ സീസണിൽ പ്രേക്ഷകർക്ക് കാണാനാകുന്നത്.

അഭിപ്രായങ്ങൾ പങ്കുവെക്കാൻ

Categories : #Action #Adventure #Drama #English #Web_Series

Spider-Man: No Way Home(2021)

കാത്തിരിക്കുക.💥
നമ്മുടെ എംസോണിൽ മലയാളത്തിൽ ആസ്വദിക്കാം...

#MSone Release - 2864

#IranianFest - 10

Just 6.5 (2019)
ജസ്റ്റ് 6.5 (2019)

ഭാഷ : പേർഷ്യൻ
സംവിധാനം : Saeed Roustayi
പരിഭാഷ : ഷെഫിൻ
പോസ്റ്റർ : അഷ്‌കർ ഹൈദർ
ജോണർ : ആക്ഷൻ, ക്രൈം, ഡ്രാമ

IMDb ⭐️ 8.0/10

നഗരം മയക്കുമരുന്നിന് അടിമകളെ കൊണ്ട് നിറഞ്ഞിരിക്കുന്നു. അതിൽ കൂടുതലും സ്ത്രീകൾ ഉൾപ്പടെ തെരുവിൽ കഴിയുന്നവരും. ആന്റി നാർകോട്ടിക് പോലീസ് ടാസ്ക് ഫോഴ്‌സിലെ ഉദ്യോഗസ്ഥനായ സമദ് മയക്കുമരുന്ന് ലോകത്തെ രാജാവായ നാസർ ഖക്‌സാദിനെ പിടികൂടാൻ നടക്കുകയാണ്.

എന്നാൽ ഇയാൾ ആരാണെന്ന് ഒരാൾക്കും അറിയില്ല. നിരവധി ഒപ്പറേഷനുകൾക്ക് ശേഷം നാസറിനെ കണ്ടെത്തുന്നു. അതിന് ശേഷമാണ് യഥാർത്ഥത്തിൽ നാസർ ആരാണെന്നുള്ള സത്യം വെളിവാകുന്നത്. നിയമ നടപടികളിൽ നിന്ന് രക്ഷപെടാനുള്ള ശ്രമവും നാസർ മയക്കുമരുന്ന് ഇടപാടിൽ വരാനുണ്ടായ സാഹചര്യവും മറ്റും ഉദ്വേഗഭരിതമായും ഹൃദയസ്പർശിയായും അവതരിപ്പിച്ചിരിക്കുന്നു.
നാസർ മാത്രമാണോ ഈ ശൃംഖലയിലെ അവസാന കണ്ണി അതോ മറ്റാരെങ്കിലുമുണ്ടോ? നാസറിന് പിന്നീട് എന്ത് സംഭവിക്കും?

അഭിപ്രായങ്ങൾ പങ്കുവെക്കാൻ

Categories : #Action #Crime #Drama #Iranian_Fest #Persian