The Irrawaddy - Burmese
✔
75.1K subscribers
38.7K photos
2.49K videos
3 files
18.2K links
The Irrawaddy magazine and its Web site cover Burma and Southeast Asia, providing in-depth news and information to international readers.

burma.irrawaddy.com
Download Telegram
👍29😁5
ရွှေကုက္ကိုကျားဖြန့်မှ နိုင်ငံခြားသား ၁၁ ဦး ထိုင်းဘက် ထွက်ပြေး

ဧရာဝတီ၊ အောက်တိုဘာ ၂၄၊ ၂၀၂၆

အွန်လိုင်းလိမ်လည်မှု(ကျားဖြန့်)နှိမ်နင်းရေးဟု ဆိုကာ အဆောက်အဦများကို စစ်တပ်က ဖြိုချပြနေသည့် ကရင်ပြည်နယ် မြဝတီမြို့နယ် ရွှေကုက္ကို၌ ကျားဖြန့်တို့ အရှိန်အဟုန်ဖြင့် ဆက်လုပ်နေသလို မတရား ပိတ်လှောင်ခိုင်းစေမှုတို့ကြောင့် နိုင်ငံခြားသားများ မကြာခဏ ထိုင်းနိုင်ငံဘက် ထွက်ပြေးနေပြီး ယမန်နေ့ကလည်း နိုင်ငံခြားသား ၁၁ ဦး ဖမ်းဆီးရမိခဲ့သည်ဟု တာ့ခ်ခရိုင် လူဝင်မှုကြီးကြပ်ရေးက သတင်းထုတ်ပြန်သည်။

ထွက်ပြေးလာသူများထဲတွင် တရုတ် ၄ဦး ၊ နိုက်ဂျီးရီးယား ၁ ဦး၊ ပါကစ္စတန် ၁ ဦး၊ တောင်အာဖရိက ၁ ဦး၊ အိန္ဒိယ ၂ ဦး၊ ကင်ညာ ၁ ဦး နှင့် ဗီယက်နမ် ၁ ဦးတို့ပါဝင်ပြီး ၎င်းတို့အား တာ့ခ်ခရိုင်၊ မဲဆောက်မြို့နယ်၊ မဲ့ကဆာကျေးရွာအုပ်စု၊ သောင်ရင်းမြစ်ဘေး ကြံစိုက်ခင်းအတွင်း တွေ့ရှိခဲ့ခြင်းဖြစ်သည်။

ဖမ်းဆီးရမိသည့်နိုင်ငံခြားသားများကို ညှဉ်းပန်းနှိပ်စက်မှုတားဆီးကာကွယ်ရေးနှင့် နှိမ်နင်းရေးဥပဒေ ပုဒ်မ ၂၂ နှင့်အညီ အရေးယူခဲ့ပြီး မဲဆောက်ရဲစခန်းသို့ လွှဲပြောင်းပေးအပ်ခဲ့သည်ဟု ထုတ်ပြန်ထားသည်။

နိုင်ငံခြားသားများထွက်ပြေးလွတ်မြောက်လာသည့် မဲ့ကဆာကျေးရွာအုပ်စုသည် ကရင်နယ်ခြားစောင့်တပ်(BGF)မှ ကရင်အမျိုးသားတပ်မတော်(KNA) အဖြစ်အမည်ပြောင်းထားသည့် ဗိုလ်ချုပ်စောချစ်သူ၏ ရွှေကုက္ကိုမြို့သစ်နှင့် သောင်ရင်းမြစ်သာ ခြားသည့် နယ်စပ်နေရာဖြစ်ပြီး ရွှေကုက္ကို၌ ကျားဖြန့်တို့ အများအပြားလုပ်ကိုင်နေရာ နိုင်ငံခြားသားများ မကြာခဏထွက်ပြေးလေ့ရှိသည်ဟု နယ်စပ်သတင်းရင်းမြစ်များက ပြောသည်။

ပြီးခဲ့သည့် ရက်သတ္တပတ်ကလည်း ရွှေကုက္ကိုမြို့သစ် ကျားဖြန့်ဆိုက်မှ နယ်စပ်သောင်ရင်းမြစ်ကို ဖြတ်ကျော်၍ ထိုင်းနိုင်ငံဘက် ထွက်ပြေးလာသည့် နိုင်ငံခြားသား၂၁ ဦးကို ထိုင်းစစ်တပ်က ဖမ်းဆီးရမိခဲ့ပြီး ၄ ဦးတွင် နှိပ်စက်ခံထားသည့် ဒဏ်ရာများ တွေ့ရှိရသည်ဟု ထိုင်းသတင်းများ၌ ဖော်ပြသည်။

ဓာတ်ပုံ-Tak Immigration

#WhatsHappeningInMyanmar
#RejectMilitaryCoup
👍37😁7❤6
👍28😁7
ဝေဖန်ခံနေရသည့် ထိုင်းရုပ်သံစီးရီး မြန်မာ့အနုပညာနှင့် ယဉ်ကျေးမှုတချို့မှီငြမ်းထားကြောင်း ဝန်ခံ

ဧရာဝတီ၊ အောက်တိုဘာ ၂၄၊ ၂၀၂၆

မြန်မာ့အနုပညာနှင့် ယဉ်ကျေးမှု၏ လှပမှုနှင့် ထူးခြားသော ဂုဏ်သတ္တိများကြောင့် ထုတ်လုပ်ရေးအဖွဲ့က လေးစား တန်ဖိုးထားပြီး စိတ်ကူးစိတ်သန်း ရယူခဲ့သည့် အရင်းအမြစ်တခုအဖြစ် ထည့်သွင်းဖော်ပြခဲ့ကြောင်းနှင့် Scarlet Heart Thailand ဇာတ်လမ်းတွဲတွင် ယဉ်ကျေးမှုဆိုင်ရာ အစိတ်အပိုင်းများကို ဖော်ပြပုံဖော်ထားမှုနှင့် ပတ်သက်၍ စိုးရိမ်ပူပန်မှုများ ဖြစ်ပေါ်ခဲ့ရသည့်အတွက် တောင်းပန်ကြောင်း ထိုင်း အနုပညာကုမ္ပဏီ GMMTV က ယမန်နေ့ညပိုင်း ထုတ်ပြန်သည်။

ထိုင်းနိုင်ငံ၌ လာမည့်နိုဝင်ဘာတွင် ပြသမည့် ထိုဇာတ်လမ်းတွဲပါ ရိုးရာဝတ်စုံများသည် ကုန်းဘောင်ခေတ် နန်းတွင်းသူတို့ ဝတ်စားဆင်ယင်မှုနှင့် တူညီနေသည့်အတွက် လူမှုကွန်ရက်တွင် ဝေဖန်မှုများ မြင့်တက်နေကာ ရှင်းလင်းချက်ပေးရန် တောင်းဆိုမှုများကြောင့် ယခုကဲ့သို့ ထုတ်ပြန်လာခြင်းဖြစ်သည်။

ဇာတ်လမ်းတွဲအတွက် အထူးဖန်တီးထားသည့် "Ullavee" (ဥလ္လာဝီ) ဆိုသည်မှာ စိတ်ကူးယဉ်မြို့တမြို့ ဖြစ်ပြီး ဝတ်စုံ၊ အနုပညာနှင့် ယဉ်ကျေးမှုဆိုင်ရာ ကဏ္ဍများကို သုတေသနပြုလုပ်ကာ ဇာတ်လမ်း၊ ဇာတ်ကောင်စရိုက်များနှင့် ကိုက်ညီမှုရှိစေရန် ရိုက်ကူးရေးနေရာများ၊ ဝတ်စုံများနှင့် အနုပညာဆိုင်ရာ အစိတ်အပိုင်းများကို ဖန်တီးပုံဖော်ထားခြင်း ဖြစ်ကြောင်း ပြောသည်။

"Scarlet Heart Thailand" ဇာတ်လမ်းတွဲတွင် ပါဝင်သည့် ဝတ်စုံများ၊ ယဉ်ကျေးမှုဆိုင်ရာ ပြကွက်များနှင့် ပတ်သက်၍ အမြင်သဘောထားများ မျှဝေပေးခဲ့ကြသော ပရိသတ်များအားလုံးကို ကျေးဇူးတင်ရှိပြီး တင်ပြလာသည့် စိုးရိမ်ပူပန်မှုများကို အသိအမှတ်ပြုကာ ယဉ်ကျေးမှုများကို သင့်လျော်သည့်နေရာ၌ လေးစားမှုရှိရှိ ဖော်ပြခြင်းမှာ အလွန်အရေးကြီးသည်ဟု မှတ်ယူထားကြောင်းလည်း GMMTV ဆိုသည်။

ဒီဇိုင်းများသည် လန်းနား(Lanna)၊ ထိုင်းလူမျိုးစုများ၊ တရုတ်နှင့် မြန်မာတို့၏ အနုပညာနှင့် ယဉ်ကျေးမှု အမွေအနှစ်များတွင် ရှိသည့် ကွဲပြားစုံလင်မှုနှင့် လှပမှုတို့မှ စိတ်ကူးစိတ်သန်းများ ရယူထားခြင်းဖြစ်ပြီး "Ullavee" မြို့၏ ထူးခြားသော ပုံရိပ်ကို ဖန်တီးနိုင်ရန်အတွက် လိုက်လျောညီထွေ ဖြစ်အောင် ပြုပြင်မွမ်းမံထားခြင်းဖြစ်ကာ ယဉ်ကျေးမှုတခုချင်းစီ၏ တန်ဖိုးနှင့် မူလဇစ်မြစ်များကို လေးစားတန်ဖိုးထားသည့်အပြင် ဇာတ်လမ်းတွဲထဲ ပါဝင်သော အစိတ်အပိုင်းအားလုံးကို ထိုင်းယဉ်ကျေးမှုဟု ဖော်ပြရန် ရည်ရွယ်ချက် လုံးဝမရှိကြောင်းလည်း ရှင်းလင်းထားသည်။

စိတ်ကူးယဉ်မြို့ကို ဖန်တီးရခြင်းမှာ ယဉ်ကျေးမှုဆိုင်ရာ ကွဲပြားစုံလင်မှုကို တန်ဖိုးထားခြင်းကြောင့်ဖြစ်ပြီး GMMTV နှင့် ထုတ်လုပ်ရေးအဖွဲ့သည် ယဉ်ကျေးမှု အမွေအနှစ်များနှင့်ပတ်သက်၍ နက်ရှိုင်းသော ဆက်နွယ်မှုကို လေးစား တန်ဖိုးထားသည့်အပြင် ယဉ်ကျေးမှုတိုင်း၏ တန်ဖိုးကို ဂုဏ်ပြုမည့်လက်ရာများ ဖန်တီးရန် ဆက်လက်ကြိုးပမ်းသွားမည်ဟု အသိပေးထားသည်။

ဓာတ်ပုံ-GMMTV

#WhatsHappeningInMyanmar
#RejectMilitaryCoup
👍38❤12😁7
👎28😁12❤2
ဒေါ်အောင်ဆန်းစုကြည်နှင့် သားငယ် စကားပြောခွင့်ရခြင်းက အပြုသဘောဆောင်ဟု ထိုင်း ပြော

ဧရာဝတီ၊ အောက်တိုဘာ ၂၄၊ ၂၀၂၆

အာဏာသိမ်းအစိုးရ၏ ဖမ်းဆီးထိန်းသိမ်းခံထားရသည့် ဒေါ်အောင်ဆန်းစုကြည်နှင့် သားဖြစ်သူ ကင်မ်အဲရစ်တို့ ၅ နှစ် ကျော်အတွင်း ပထမဆုံးအကြိမ် ဖုန်းဖြင့် ဆက်သွယ်စကားပြောခွင့်ပြုခဲ့ခြင်းကို အပြုသဘောဆောင်သည့် လက္ခဏာတရပ်အဖြစ် ကြိုဆိုကြောင်း ထိုင်းနိုင်ငံခြားရေးဝန်ကြီး ဆီဟာဆက်က ပြောသည်။

မြန်မာနိုင်ငံနှင့် ထိတွေ့ဆက်ဆံရာတွင် ထိုင်းနိုင်ငံ၏ ချဉ်းကပ်ဆောင်ရွက်သည့် နည်းလမ်းမှ ကောင်းမွန်သော ရလဒ်အဖြစ် ယခုကဲ့သို့ တိုးတက်မှုများ စတင်ထွက်ပေါ်လာခြင်းဖြစ်ကြောင်း ၎င်း၏ ပြောဆိုချက်တွင် Thai PBS တွင် ဖော်ပြသည်။

ထိုင်းနိုင်ငံအနေဖြင့် မြန်မာအာဏာပိုင်များအား တရားဝင်မှု မပေးဘဲ ထိတွေ့ဆွေးနွေးမှုများကို ဆက်လက်ထိန်းသိမ်းထားခဲ့ကြောင်း ၎င်းက ပြောသည်။

“ဖိအားပေးမှုတွေမှာ အကန့်အသတ်ရှိပါတယ်။ မြန်မာနိုင်ငံအနေနဲ့ အာဆီယံဆီ ပြန်လာဖို့နဲ့ အတိုက်အခံအဖွဲ့တွေနဲ့ ဆွေးနွေးပွဲတွေ စတင်တာဟာ သူတို့ရဲ့ အကျိုးစီးပွားအတွက် ဖြစ်တယ်ဆိုတာကို သူတို့ကိုယ်တိုင် နားလည်သဘောပေါက်ရပါမယ်။ အိမ်နီးချင်းနိုင်ငံတခုအနေနဲ့ ထိုင်းနိုင်ငံဟာ တိုက်တွန်းအားပေးတာနဲ့ ထိတွေ့ဆက်ဆံတာတွေကိုပဲ လုပ်ဆောင်နိုင်ပါတယ်” ဟု ၎င်းက ဆိုသည်။

နိုဝင်ဘာလတွင် ကျင်းပမည့် အာဆီယံထိပ်သီးအစည်းအဝေး မတိုင်မီ ဝန်ကြီးအဆင့် အစည်းအဝေးများ၌ ယင်းကိစ္စကို ဆွေးနွေးသွားမည်ဖြစ်ပြီး မြန်မာနိုင်ငံ၏ နောက်ဆုံး တိုးတက်ဖြစ်ထွန်းမှုများအပေါ် မူတည်၍ အာဆီယံ၏ နောက်ထပ် လုပ်ဆောင်မည့် ခြေလှမ်းများကို ထိုင်းနိုင်ငံက သုံးသပ်သွားမည်ဖြစ်ကြောင်း ၎င်းက ပြောသည်။

ထိုင်းနိုင်ငံအနေဖြင့် မြန်မာနိုင်ငံအား အာဆီယံသို့ ပြန်လည်ရောက်ရှိစေလိုသော်လည်း မြန်မာအာဏာပိုင်များဘက်ကလည်း တိုးတက်မှုများရှိလာစေရန် ၎င်းတို့၏ ကိုယ်ပိုင်ကတိကဝတ်ပြုမှုကို ပြသရမည်ဖြစ်သလို မည်သည့်အချိန်တွင် အာဆီယံသို့ ပြန်ဝင်ရောက်ခွင့်ပြုမည်ကိုမူ အဖွဲ့ဝင်နိုင်ငံများက ဆုံးဖြတ်မည်ဖြစ်ကြောင်း ၎င်းက ဆိုသည်။

#WhatsHappeningInMyanmar
#RejectMilitaryCoup
👎31😁12👍7❤2
This media is not supported in your browser
VIEW IN TELEGRAM
အောက်ခြေက စတဲ့ ဖက်ဒရယ်ပြည်ထောင်စု (Bottom-Up Federalism) ကို တည်ဆောက်နေတဲ့ ကရင်နီပြည်အတိုင်ပင်ခံကောင်စီ (KSCC) ဥက္ကဋ္ဌ မူအန်းဂျလာက သူ့တာဝန်တွေ၊ သူ့နိုင်ငံရေးဖြတ်သန်းမှု၊ သူ့နိုင်ငံရေးအမြင်သဘောထားတွေနဲ့ ပတ်သက်ပြီး ဆွေးနွေးပြောဆို ထားတာကို အောက်က လင့်တွေမှာ အစအဆုံး နားဆင်နိုင်ပါတယ်။

အသံသီးသန့် နားဆင်လိုရင် အောက်က လင့်တွေကို နှိပ်ပါ။
Buzzsprout : https://bit.ly/47Iga9B
Apple Podcasts : https://apple.co/4iyY1kJ
Spotify : https://bit.ly/4sFYe9r
ရုပ်သံ အင်တာဗျူးကို ကြည့်လိုရင် အောက်က လင့်ကို နှိပ်ပါ။
YouTube: https://www.youtube.com/watch?v=aCA9tTSVHMg&t=528s
#ဖက်ဒရယ်ပြည်ထောင်စု #ကရင်နီပြည်အတိုင်ပင်ခံကောင်စီ #KSCC #မူအန်းဂျလာ
👍41❤7😁1
Media is too big
VIEW IN TELEGRAM
SNA တပ်စခန်းကို KIA နဲ့ ပူးပေါင်းတပ်တွေသိမ်းပိုက်

စစ်ကိုင်းတိုင်း၊ ဟုမ္မလင်းမြို့နယ်၊ သောင်ဦးကျေးရွာမှာရှိတဲ့ အာဏာသိမ်းစစ်တပ်နဲ့ ရှမ်းနီအမျိုးသားများ တပ်မတော် (SNA) ရဲ့ ပူးပေါင်းတပ်စခန်းကို ကချင်လွတ်မြောက်ရေးတပ်မတော် (KIA) နဲ့ PDF ပူးပေါင်းတပ်ဖွဲ့ဝင်တွေက အောက်တိုဘာလ ၂၂ ရက်နေ့ ညပိုင်းမှာ တိုက်ခိုက်သိမ်းပိုက်ခဲ့တယ်လို့ စစ်ရေးသတင်းရင်းမြစ်တွေက ဧရာဝတီကို ပြောပါတယ်။

KIA ပူးပေါင်းတပ်တွေက တပ်စခန်းအပြင် ကျေးရွာကိုပါ ထိန်းချုပ်ထားနိုင်ခဲ့တာဖြစ်ပြီး တိုက်ပွဲအတွင်း စစ်တပ်ဘက်က အနည်းဆုံး ၁၀ ဦး သေဆုံးခဲ့ပြီး လက်နက်ခဲယမ်း အများအပြားကိုပါ သိမ်းပိုက်ရရှိခဲ့တယ်လို့ ဆိုပေမယ့် သေဆုံးစာရင်းကိုတော့ ဧရာဝတီက အတည်ပြုနိုင်ဖို့ စုံစမ်းနေဆဲ ဖြစ်ပါတယ်။

#မြန်မာ #ဧရာဝတီ #ဟုမ္မလင်း #စစ်ကိုင်း #SNA #KIA #PDF #သောင်ဦးကျေးရွာ #WhatsHappeningInMyanmar
❤46👍19😁4
၂၀၁၆ ခုနှစ် သြဂုတ်လက ဧရာဝတီမှာ ရေးထားတဲ့ ကျောင်းသားတွေရဲ့ ဦးဆောင်မှုနဲ့ ဖြစ်ပေါ်လာတဲ့ ပြင်သစ် တော်လှန်ရေး တရပ် အကြောင်း ရုပ်ရှင် ဆောင်းပါးကို ပြန်လည် ဖော်ပြလိုက်ပါတယ်။


Website တွင် ဖတ်ရန် https://burma.irrawaddy.com/lifestyle/2016/08/20/122752.html
👍41😁5❤3
Media is too big
VIEW IN TELEGRAM
စစ်တွေ ဒကစ ထိုးစစ်ဆင်ခံနေရချိန် စစ်ခေါင်းဆောင်တွေ ပွဲတက်မပျက်

ရခိုင်ပြည်နယ်ရဲ့ မြို့တော် စစ်တွေအခြေစိုက် ဒေသကွပ်ကဲမှုစစ်ဌာနချုပ် (ဒကစ- စစ်တွေ) အနီးကို အာရက္ခတပ်တော် (AA) ရဲ့ ထိုးစစ်ရောက်ရှိနေသလို ငပြီကျွန်း ကမ်းတက်တိုက်ပွဲမှာ အကျအဆုံးအထိအခိုက်များနေပေမယ့် တပ်ချုပ် ဗိုလ်ချုပ်ကြီးရဲဝင်းဦး နဲ့ အာဏာသိမ်းသမ္မတတို့ဟာ နေပြည်တော်မှာ ပွဲတက်မပျက် ရှိနေကြပါတယ်။

အောက်တိုဘာလ ၂၁ ရက်နေ့က နေပြည်တော်မှာ ဆိုကရေတီးပြိုင်ပွဲဖွင့်ပွဲကို အာဏာသိမ်းသမ္မတ ဦးဆောင် တက်ရောက်ခဲ့သလို ဗိုလ်ချုပ်ကြီးရဲဝင်းဦးနဲ့ ဒုတပ်ချုပ် ဗိုလ်ချုပ်ကြီးကျော်စွာလင်းတို့ ကလည်း ပြီးခဲ့တဲ့ အောက်တိုဘာလ ၁၆ ရက်နေ့က ကျင်းပခဲ့တဲ့ စစ်တပ် (ကြည်း၊ရေ၊ လေ) ဘောလုံးပြိုင်ပွဲ ဗိုလ်လုပွဲကို တက်ရောက်တာတွေလုပ်နေတာပါ။

#မြန်မာ #ဧရာဝတီ #စစ်တွေ #ဒကစ #ငပြီကျွန်း #ကမ်းတက်တိုက်ပွဲ #မင်းအောင်လှိုင် #ရဲဝင်းဦး #ဆိုကရေးတီးပြိုင်ပွဲ #ဘောလုံးပွဲ #WhatsHappeningInMyanmar
😁56❤6👎3
လူ့အခွင့်ရေးကော်မရှင်ဆိုတာ အာဏာရှိသူတွေကို ကာကွယ်ဖို့ ဖွဲ့ထားတာမဟုတ်ဘူး

အင်တာဗျူး | ဧရာဝတီ၊ အောက်တိုဘာ ၂၄၊ ၂၀၂၆

အာဏာသိမ်းအစိုးရက အာဆီယံမှာ ပြန်ဝင်ဆန့်ဖို့ ကြိုးစားနေချိန် မြန်မာနိုင်ငံ အမျိုးသားလူ့အခွင့်အရေး ကော်မရှင် (MNHRC) ကတော့ အရည်အချင်းမပြည့်တဲ့အတွက် အရှေ့တောင်အာရှ အမျိုးသားလူ့အခွင့်အရေးအဖွဲ့အစည်းများ ဖိုရမ် (SEANF)ကနေ အောက်တိုဘာ ၁၉ရက်က ထုတ်ပယ်ခံလိုက်ရပါတယ်။

ထိုင်း၊ အင်ဒိုနီးရှား၊ မလေးရှား၊ ဖိလစ်ပိုင်၊ တီမောတို့ ဦးဆောင်တဲ့ ဖိုရမ်အုပ်ချုပ်ရေးအဖွဲ့က သြဂုတ်လကစလို့ MNHRC ရဲ့ အရည်အချင်းကို စစ်ဆေးသုံးသပ်ပြီး ထုတ်ပယ်ဖို့ ဆုံးဖြတ်လိုက်တာဖြစ်တယ်။ ဒီအတွက် ၃ ကြိမ်မြောက် SEANF နှစ်ပတ် လည် ညီလာခံတက်ခွင့်နဲ့ ၂၀၂၇ ခုနှစ် ဖိုရမ်အလှည့်ကျဥက္ကဋ္ဌ တာဝန်ယူခွင့်တို့ကိုလည်း ဆုံးရှုံးခဲ့ရပါပြီ။

MNHRC ဆိုတာ လက်ရှိ ဗိုလ်မှူးချုပ်ဟောင်း သစ်လင်းအုန်း ဦးဆောင်နေပြီး စစ်တပ်က အရပ်သားတွေကို အဓမ္မဖမ်းဆီး ညှဉ်းပန်းသတ်ဖြတ်၊ မီးရှို့ဖျက်ဆီး၊ ဗုံးကြဲတာတွေကို အမြဲနှုတ်ပိတ်နေလေ့ရှိတဲ့အဖွဲ့ ဖြစ်တယ်။အခုလို အထုတ်ခံရတဲ့အပေါ် အမျိုးသားညီညွတ်ရေးအစိုးရ(NUG)နဲ့ လူ့အခွင့်ရေး အရပ်ဘက်အဖွဲ့အစည်းတွေကလည်း ကြိုဆိုထောက်ခံကြတယ်။

Website တွင် ဖတ်ရန် https://burma.irrawaddy.com/opinion/interview/2026/10/24/417220.html
#WhatsHappeningInMyanmar
---------------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://www.irrawaddy.com/donation
❤27👍19😁4
👎34😁8❤2
အမေရိကန်- မြန်မာတွေ့ဆုံမှု ထိုင်း ကြိုဆို

ဧရာဝတီ၊ အောက်တိုဘာ ၂၄၊ ၂၀၂၆

မြန်မာ အာဏာသိမ်းအစိုးရနှင့် အမေရိကန်တို့ ထိတွေ့ဆက်ဆံမှုကို ထိုင်းနိုင်ငံက ကြိုဆိုကြောင်းနှင့် လာမည့် နိုဝင်ဘာလ မနီလာမြို့၌ ကျင်းပမည့် ထိပ်သီးအစည်းအဝေးတွင် အာဆီယံခေါင်းဆောင်များအနေဖြင့် မြန်မာ့အရေးနှင့် ပတ်သက်၍ မည်သို့ ဆက်လက်ဆောင်ရွက်မည်ကို ဆွေးနွေးလိမ့်မည်ဟု မျှော်လင့်ကြောင်း ထိုင်းနိုင်ငံခြားရေးဝန်ကြီး ဆီဟာဆက် က ရိုက်တာသတင်းဌာနသို့ ပြောကြားခဲ့သည်။

၎င်းက “ကျနော်တို့အနေနဲ့ မြန်မာနိုင်ငံ သီးခြားခွဲထွက် အထီးကျန်ဖြစ်သွားတာကို မမြင်ချင်ပါဘူး။ မြန်မာနိုင်ငံဟာ ပထဝီနိုင်ငံရေး ပြိုင်ဆိုင်မှုရဲ့ အခင်းအကျင်း ပြိုင်ကွင်းတခု ဖြစ်လာတာကိုလည်း မလိုလားပါဘူး။ ဒါကြောင့် အမေရိကန်ရဲ့ ထိတွေ့ဆက်ဆံမှုကို ကျနော်တို့ ကြိုဆိုပါတယ်”ဟု ပြောသည်။

ထိုသို့ထိတွေ့ဆက်ဆံခြင်းသည် စစ်အုပ်စုအား တရားဝင်မှု အသိအမှတ်ပြုခြင်းဟု မဆိုလိုဘဲ ပဋိပက္ခများကို ငြိမ်းချမ်းစွာ ဖြေရှင်းရေးနှင့် အတိုက်အခံများနှင့် ပြန်လည်ရင်ကြားစေ့ရေးတို့ကို အားပေးကူညီနိုင်လိမ့်မည်ဖြစ်ကြောင်း ထိုင်းနိုင်ငံခြားရေးဝန်ကြီးက ဆိုသည်။

မြန်မာနိုင်ငံသည် ၂၀၂၁ အာဏာသိမ်းချိန်မှစ၍ အာဆီယံထိပ်သီးအစည်းအဝေးများတွင် နိုင်ငံရေးအရ အပြည့်အဝ ကိုယ်စားပြုခွင့် ပိတ်ပင်တားဆီးခံထားရသည်။

အာဏာသိမ်းသမ္မတ မင်းအောင်လှိုင်၏ လတ်တလော အာဆီယံအဖွဲ့ဝင် အချို့နိုင်ငံများသို့ သွားရောက်ခဲ့သည့် ခရီးစဉ်များအပြီး အာဆီယံ၏ ရပ်တည်ချက် အပြောင်းအလဲအချို့ ရှိလာခဲ့သော်လည်း မနီလာထိပ်သီးအစည်းအဝေး၌ မြန်မာနိုင်ငံအပြည့်အဝ ကိုယ်စားပြုခွင့် ပြန်လည်ပေးအပ်ရေးမှာမူ မရေရာသေးကြောင်း ဆီဟာဆက်က ပြောသည်။

အမေရိကန် နိုင်ငံခြားရေးဝန်ကြီးဌာန၏ ထောက်လှမ်းရေးနှင့် သုတေသနဆိုင်ရာ လက်ထောက်နိုင်ငံခြားရေးဝန်ကြီး မိုက်ကယ်ဗန့်စ် ဦးဆောင်သောအဖွဲ့သည် ပြီးခဲ့သည့် စက်တင်ဘာလ ၁၅ နှင့် ၁၆ ရက်တို့တွင် နေပြည်တော်၌ အာဏာသိမ်း သမ္မတ မင်းအောင်လှိုင်နှင့် ပထမအကြိမ် လျှို့ဝှက်တွေ့ဆုံခဲ့ပြီးနောက် အောက်တိုဘာလလယ်တွင် ဂျပန်နိုင်ငံ၊ တိုကျိုမြို့၌ နှစ်ဖက်ကိုယ်စားလှယ်များ ဒုတိယအကြိမ် ထပ်မံ၍ လျှို့ဝှက်တွေ့ဆုံခဲ့ကြောင်း ရိုက်တာသတင်းက ဖော်ပြသည်။

ပုံစာ-၂၀၂၆ ဩဂုတ်လ ၆ ရက်က မင်းအောင်လှိုင် ထိုင်းနိုင်ငံသို့ တရားဝင်ခရီးလာရောက်စဉ်

#WhatsHappeningInMyanmar
#RejectMilitaryCoup
😁41❤14👎10
အသုံးစရိတ် ခန့်မှန်းမှု ထွက်ပေါ်လာ အပြီး ကြာသပတေးနေ့မှာ တက်စ်လာ (Tesla) ရဲ့ ရှယ်ယာတွေ ၂ ရာခိုင်နှုန်း ကျဆင်းသွား…

Website တွင် ဖတ်ရန် https://burma.irrawaddy.com/news/2026/10/24/417225.html
---------------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://www.irrawaddy.com/donation
👍25😁6❤3😭2
👍45😁13❤6